ཨན་རེན་རྫོང་།སྔ་མའི་པར་གཞི་དེ གདུགས་དཀར་རྒྱལ། ནས 2020-05-14 15:15ལ་འགྲུབ།
ཨན་རེན་རྫོང་།
ཨན་རེན་རྫོང་།
ཨན་རེན་རྫོང་ནི་ཧུའུ་ནན་ཞིང་ཆེན་གྱི་ཤར་ལྷོའི་མཚམས་སུ་གནས་པ་དང་། ཁྲེན་ཀྲོའུ་ཡི་ཆེས་བྱང་ཕྱོགས་དང་། ཤར་མཚམས་ཁྲ་ལིང་རྫོང་དང་ཡན་ལིང་རྫོང་། ལྷོ་ཕྱོགས་སུ་ཙི་ཤིན་དང་ཡུང་ཞིང་། ནུབ་ཕྱོགས་སུ་ཧེང་དབྱང་དང་ལེའེ་དབྱང་དང་འབྲེལ་ཞིང་། བྱང་ཕྱོགས་སུ་ཧེང་ཏུང་རྫོང་དང་ཡིའུ་རྫོང་དང་འབྲེལ་ཡོད། རྫོང་དེ་ཡོངས་ཀྱི་ཁོངས་གཏོགས་སུ་གྲོང་རྡལ5དང་ཤང8ཡོད་པ་དང་སྤྱིའི་རྒྱ་ཁྱོན་ལ་སྟོང་སྨི་གྲུ་བཞི་མ1462.1ཡོད་པ་དང་མི་གྲངས་བསྡོམས་འབོར་ཁྲི44.37ཡོད། མངའ་ཁོངས་ས་ཁུལ་ནི་རི་ཕྱེད་དང་རི་མ་ཐང་ཕྱེད་ཙམ་ཡིན་པ་དང་། ས་བབ་ཤར་ལྷོ་མཐོ་ལ་ནུབ་བྱང་དམའ་བ་རེད། ཆེས་མཐོ་བའི་གནས་ལ་རྒྱ་མཚོའི་ངོས་ལས་མཐོ་ཚད་ལ་སྨི1433ཡོད།
གཞི་རྩའི་གནས་ཚུལ།
རྒྱ་ཡིག་གི་མིང་།
安仁县
སྲིད་འཛིན་ས་ཁོངས་རིགས་དབྱེ།
རྫོང་།
ས་ཁོངས་ཁ་པར་ཨང་རྟགས།
0735
སྦྲག་སྲིད་ཨང་རྟགས།
423600
རྒྱ་ཁྱོན།
སྟོང་སྨི་གྲུ་བཞི་མ1462.1ཡོད།
མི་གྲངས།
མི་ཁྲི46.69ཡོད།
ནམ་ཟླ།
ཚ་ཁུལ་ཕལ་བའི་དུས་རླུང་རང་བཞིན་གྱི་བརླན་གཤེར་ནམ་ཟླ།
རླངས་འཁོར་ཚབ་ཨང་།
ཞང（湘）L
སྲིད་འཛིན་ཚབ་ཨང་།
431028
དཀར་ཆག
1
ལོ་རྒྱུས་འཕེལ་རིམ།
ཀྲོའུ་རྒྱལ་རབས་ཀྱི་དུས་སྐབས་སུ་ཅིན་ཀྲོའུ་ཡི་ཁོངས་སུ་གཏོགས།
ཆིན་རྒྱལ་རབས་ཀྱི་ཁོངས་ཁྲང་ཧྲ་ཅུན་དུ་གཏོགས།
ཐང་ཝུའུ་ཏེ་ཁྲི་ལོའི་སྐབས་སུ་ཨན་རེན་གྲོང་བརྡལ་བཙུགས་པ་དང་། ཐན་ཀྲོའུ་ཁྲང་ཧྲ་ཅུན་ཧེང་ཧྲན་རྫོང་གི་ས་ཆའི་ཁོངས་སུ་གཏོགས།
ཀྲེན་ཀོན་ཁྲི་ལོ་དང་པོ(སྤྱི་ལོ627ལོར)ཨན་རེན་ནི་ཅང་ནན་ཏའོ་ཧེང་ཀྲོའུ་ཧེང་དབྱང་ཅུན་གྱི་ཁོངས་སུ་གཏོགས།
ཁའེ་ཡོན་ཁྲི་ལོ་ཉེར་གཅིག (སྤྱི་ལོ733ལོར)ཨན་རེན་ནི་ཅང་ནན་ཞི་ཏའོ་ཧེང་ཀྲོའུ་ཧེང་དབྱང་ཅུན་གྱི་ཁོངས་སུ་གཏོགས།
རྒྱལ་རབས་ལྔའི་རྗེས་ཀྱི་ཐང་ཆིང་ཐའེ་ཁྲི་ལོ་གཉིས་པ(སྤྱི་ལོ935ལོ)ཨན་རེན་གྲོང་རྡལ་ཨན་རེན་ཁྲང་དུ་བསྒྱུར་ཞིང་། ཁྲུའུ་ཧེང་ཀྲོའུ་ཧེང་དབྱང་ཅུན་གྱི་ཁོངས་སུ་གཏོགས།
སུང་ཆན་ཏེ་ཁྲི་ལོ་གསུམ་པ(སྤྱི་ལོ965ལོར)ཨན་རེན་ཁྲང་ཨན་རེན་རྫོང་དུ་བསྐོས། དེ་ནི་ཅིན་ཧུའུ་ནན་ལུའུ་ཧེང་ཀྲོའུ་ཧེང་དབྱང་ཅུན་དུ་གཏོགས། ཨན་རེན་གྱིས་མཁར་གྱི་ས་ཁོངས་ནས་འགོ་བརྩམས།
སྤྱི་ལོ1664ལོར་ཧུའུ་ནན་ཞིང་ཆེན་ཧེང་ཡུང་ཁྲེན་ཀུའེ་ཏའོ་ཧེང་ཀྲོའུ་སྲིད་གཞུང་གི་ཁོངས་སུ་གཏོགས།
སྤྱི་ལོ1912ལོར་ཧུའུ་ནན་ཞིང་ཆེན་ཧེང་དབྱང་ཏའོ་ཡི་ཁོངས་སུ་གཏོགས།
སྤྱི་ལོ1922ལོར་ཏའོ་ལམ་ལུགས་མེད་པར་བཏང་། ཧུའུ་ནན་ཞིང་ཆེན་གྱི་ཐད་གཏོགས་ཡིན།
2
ས་ཁམས་ཁོར་ཡུག
2_1
གནས་ཡུལ།
ཨན་རེན་རྫོང་ནི་ཧུའུ་ནན་ཞིང་ཆེན་གྱི་ཤར་ལྷོའི་མཚམས་སུ་གནས་ཤིང་། ཁྲེན་ཀྲོའུ་ཡི་ཆེས་བྱང་ཕྱོགས་དང་། ཤར་མཚམས་ཁྲ་ལིང་དང་ཡན་ལིང་། ལྷོ་ཕྱོགས་སུ་ཙི་ཤིན་དང་ཡུང་ཤིན། ནུབ་ཕྱོགས་སུ་ལེའེ་དབྱང་དང་ཧེང་དབྱང་དང་འབྲེལ་ཞིང་། བྱང་ཕྱོགས་སུ་ཧེང་ཏུང་དང་ཡིའུ་རྫོང་དང་འབྲེལ་ཡོད། འཕྲེད་ཐིག་ཤར་མའི113°05′---113°36′བར་དང་། འཕྲེད་ཐིག་བྱང་མའི226°17′---26°50′བར་དུ་གནས་ཡོད།
3
སྲིད་འཛིན་དབྱེ་མཚམས།
སྤྱི་ལོ2015ལོའི་ཟླ11པའི་ཚེས27ཉིན། ཧུའུ་ནན་ཞིང་ཆེན་དམངས་སྲིད་ཐིང་གིས་གཞུང་ལས་སྒྲུབ་ནས《ཨན་རེན་རྫོང་གི་ཤང་དང་གྲོང་རྡལ་གྱི་ས་ཁུལ་དབྱེ་འབྱེད་ལེགས་སྒྲིག་ཇུས་གཞིར་མོས་མཐུན་བྱ་རྒྱུའི་སྐོར་གྱི་ཧུའུ་ནན་ཞིང་ཆེན་དམངས་སྲིད་ཐིང་གི་མཆན་འགོད་བཀའ་ལན》 (ཤང་དམངས་གཙོ་དངུལ་ཁང་གིས་སྤེལ་བའི[2015]ཡིག་ཨང102པ)ཧའོ་ཧྲན་ཤང་དང་། ཤིན་ཀྲོའུ་ཤང་། ཡངས་ནོ་ཤང་། ཀོན་ཝང་གྲོང་རྡལ་བཅས་ཁྱོན་ཤང3དང་གྲོང་རྡལ1བཙུགས་ནས་ཅིན་ཙེ་ཤན་གྲོང་རྡལ་འཛུགས་རྒྱུར་མོས་མཐུན་བྱས་པ་རེད། ཕིང་ཧྲང་ཤང་དང་ཨན་ཕིང་གྲོང་རྡལ་གྱི་སྒྲིག་གཞི་ཟླ་སྒྲིལ་བཏང་ནས་ཨན་ཕིང་གྲོང་རྡལ་བཙུགས། ལུང་ཧྲི་དང་། ཁྲེང་ཕིང་། ཏའོ་ཁོའོ ཀྲུའུ་ཧྲན། དབྱང་ཅི། ཧྭ་ཝང་། ཕིང་པེ་བཅས་ཤང་བརྒྱད་དང་ཡུང་ལེ་ཅང་དང་། ལུང་ཧའེ། ལིང་ཀོན་བཅས་གྲོང་རྡལ་སྲིད་འཛིན་ས་ཁོངས3དང་ཤང་དང་གྲོང་རྡལ་མི་དམངས་སྲིད་གཞུང་གནས་ཡུལ་ལེགས་སྒྲིག་བྱ་རྒྱུའི་མོས་མཐུན་བྱས་པ་རེད། རེས་སྐོར་འདིའི་ཤང་གྲོང་སྲིད་འཛིན་ཁུལ་དབྱེ་བ་ལེགས་སྒྲིག་བྱས་རྗེས་ཨན་རེན་རྫོང་གིས་ཤང་རིམ་པའི་སྒྲིག་གཞི4མེད་པ་བཟོས་པ་དང་ད་ཡོད་ལུང་ཧྲི་དང་། ཁྲེང་ཕིང་། ཏའོ་ཁོའོ། ཀྲུའུ་ཧྲན། དབྱང་ཅི། ཧྭ་ཝང་། ཕིང་པེ་བཅས་ཤང8དང་ཡུང་ལེ་ཅང་དང་། ལུང་ཧའེ། ལིང་ཀོན། ཨན་ཕིང་། ཅིན་ཙེ་ཤན་བཅས་གྲོང་རྡལ5ཡོད་པ་རེད།
4
མི་འབོར་དང་མི་རིགས།
མི་འབོར་ཡོངས་ཁྱབ་ཞིབ་བཤེར་ཐེངས་ལྔ་པའི་གྲངས་གཞིར་གཞིགས་ན། རྫོང་ཡོངས་སུ་གྲོང་རྡལ5དང་ཤང12ཡོད་པ་དང་མི་འབོར་བསྡོམས361098ཡོད་པ་དང་། སྤྱི་ལོ2018ལོ་བར་ཨན་རེན་རྫོང་གི་ཐེམ་ཐོ་ཡོད་པའི་མི་འབོར་ཁྲི46.69དང་རྒྱུན་སྡོད་མི་འབོར་ཁྲི39.75ཡོད། (དེའི་ནང་གྲོང་ཁྱེར་དང་གྲོང་རྡལ་གྱི་མི་འབོར་ཁྲི18.44དང་གྲོང་གསེབ་ཀྱི་མི་འབོར་ཁྲི21.31ཡོད་པ)གྲོང་ཁྱེར་དང་གྲོང་རྡལ་ཅན་དུ་གྱུར་ཚད46.39%ཟིན་ནས་ལོ་འགོ་དང་བསྡུར་ན་བརྒྱ་ཆའི་གྲངས1.21མཐོ་རུ་ཕྱིན་ཡོད་པ་རེད། རྫོང་ཡོངས་ཀྱི་མི་འབོར་སྐྱེ་ཚད11.31‰ཟིན་པ་དང་། ཤི་ཚད6.12‰ཟིན། མི་འབོར་རང་ཤུགས་སུ་འཕར་ཚད5.19‰ཡིན་པ་བཅས་རེད།
ད་ལྟ་རྒྱ་རིགས་དང་། སོག་རིགས། ཧུའེ་རིགས། བོད་རིགས། ཡུ་གུར་རིགས། མིའོ་རིགས། དབྱིས་རིགས། ཀྲོང་རིགས། པུའུ་དབྱི་རིགས། ཁྲའོ་ཞན་རིགས། མན་ཇུ་རིགས། ཏུང་རིགས། ཡའོ་རིགས། པའེ་རིགས། ཐུའུ་ཅ་རིགས། ཧ་ཉི་རིགས། ཏའེ་རིགས། ལི་རིགས། ཧྲེ་རིགས། ཀའོ་ཧྲན་རིགས། ཧྲུའེ་རིགས། འཇང་རིགས། ས་ལར་རིགས། ཀེ་ལའོ་རིགས། ཞི་པོ་རིགས། ཨ་ཁྲང་རིགས། ཆའང་རིགས། ཆའང་རིགས། ཐ་ཅི་ཁེ་རིགས། ཅིན་རིགས་སོགས་མི་རིགས་ཁྱབ་ཡོད།
5
དཔལ་འབྱོར།
སྤྱི་ལོ2018ལོ་བར་ཨན་རེན་རྫོང་གི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར94.57ཡོད་པ་དེ་བསྡུར་གཞི་ཡོད་པའི་རིན་སྔོན་ལྟར་བརྩིས་ན་ལོ་སྔོན་མ་ལས8.2%འཕར་ཡོད། དེའི་ནང་ཐོན་ལས་དང་པོའི་འཕར་ཐང་སྒོར་དུང་ཕྱུར18.15ཟིན་ནས3.5%འཕར་བ་དང་། ཐོན་ལས་གཉིས་པའི་འཕར་ཐང་སྒོར་དུང་ཕྱུར34.64ཟིན་ནས7.4%འཕར། ཐོན་ལས་གསུམ་པའི་འཕར་ཐང་སྒོར་དུང་ཕྱུར41.78ཟིན་ནས11.2%འཕར་ཡོད། ཐོན་ལས་གསུམ་གྱི་བསྡུར་ཚད་དེ19.19:36.63:44.18ལ་ལེགས་སྒྲིག་བྱས་ཡོད། རྒྱུན་སྡོད་མི་འབོར་ལྟར་བརྩིས་ན། རྫོང་ཡོངས་ཀྱི་མི་རེའི་ཆ་སྙོམས་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་སྒོར23798ཡིན་པ་དེ་ལོ་སྔོན་མ་ལས5%འཕར་ཡོད།
སྤྱི་ལོ2018ལོར་ཨན་རེན་རྫོང་གི་སྤྱི་དབང་མིན་པའི་ལམ་ལུགས་དཔལ་འབྱོར་གྱི་རིན་ཐང་འཕར་མ་སྒོར་དུང་ཕྱུར19.89ཡོད་པ་དེ་ལོ་སྔོན་མ་ལས3.3%འཕར་བ་དེས་རྫོང་དེ་ཡོངས་ཀྱི་ཐོན་སྐྱེད་རིན་ཐང་བསྡོམས་འབོར་གྱི་བསྡུར་ཚད་ཀྱི21.0%བཟུང་ཡོད།
སྤྱི་ལོ2018ལོར་ཨན་རེན་རྫོང་གི་སྤྱིར་བཏང་གི་སྤྱི་པའི་སྔོན་རྩིས་ཡོང་འབབ་སྒོར་དུང་ཕྱུར6.11ཡོད་པ་དེ་ལོ་སྔོན་མ་ལས8.02%འཕར་ཡོད། ས་གནས་ནོར་སྲིད་ཀྱི་ཡོང་སྒོ་སྒོར་དུང་ཕྱུར3.66ཡིན་པས6.94%འཕར་ཡོད། དེའི་ནང་ཁྲལ་བསྡུའི་ཡོང་སྒོ་སྒོར་དུང་ཕྱུར4.93ཡིན་པས10.13%འཕར་ཡོད། ཁྲལ་མིན་ཡོང་འབབ་སྒོར་དུང་ཕྱུར1.19ཟིན་ནས0.1%འཕར་ཡོད། སྔོན་ཚེས་ཉིན་ཀྲུང་དབྱང་གི“ཁྲལ་གཉིས”སྒོར་དུང་ཕྱུར1.32ཟིན་ནས19.85%འཕར། སྔོན་དུ་ཀྲུང་དབྱང་གི་ཐོབ་ཁྲལ་སྒོར་དུང་ཕྱུར0.59ཡོད་པས0.1%ཆག་ཡོད། རྫོང་ཡོངས་ཀྱི་སྤྱིར་བཏང་གི་སྤྱི་པའི་སྔོན་རྩིས་གཏོང་སྒོ་སྒོར་དུང་ཕྱུར28.73ཟིན་ནས12.65%འཕར་ཡོད། དེའི་ནང་དམངས་འཚོ་དང་འབྲེལ་བ་ཡོད་པའི་གཏོང་སྒོ་སྒོར་དུང་ཕྱུར23.25ཟིན་ནས12.4%འཕར་ཡོད།
སྤྱི་ལོ2018ལོར་ཨན་རེན་རྫོང་གི་བཟའ་བཅའ་ཐ་མག་དང་ཨ་རག་རིགས0.1%འཕར་བ་དང་། འཚོ་བ་དང་མཁོ་ཆས་ཀྱི་ཞབས་ཞུ་དོ་མཉམ་ཡོང་བ། སྨན་བཅོས་འཕྲོད་སྦྱོར་དང་མི་སྒེར་གྱི་མཁོ་ཆས་རིགས0.4%འཕར། འགྲིམ་འགྲུལ་དང་འཕྲིན་གཏོང་རིགས0.1%འཕར། རོལ་རྩེད་སློབ་གསོའི་རིག་གནས་མཁོ་ཆས་དང་ཞབས་ཞུའི་རིགས0.2%ཆག སྡོད་གནས་རིགས་འདྲ་མཉམ་ཡིན་པ། གྱོན་ཆས་རིགས0.1%འཕར་ཡོད།
6
སྤྱི་ཚོགས་བྱ་གཞག
6_1
ཚན་རིག་ལག་རྩལ།
སྤྱི་ལོ2018ལོ་བར་ཨན་རེན་རྫོང་གིས་ལོ་ཧྲིལ་པོར་ཁེ་བེད་བདག་ཐོབ་རེ་ཞུ167བྱས་པའི་ནང་ཁེ་བེད་བདག་ཐོབ་རེ་ཞུ35བྱས་པ་དེ24.6%འཕར་ཡོད། ཁེ་བེད་བདག་ཐོབ81ལ་དབང་ཆ་སྤྲད་པ་དེ55.7%འཕར་ཡོད། རྫོང་ཡོངས་ཀྱི་མཐོ་གསར་ལག་རྩལ་ཐོན་རྫས་ཐོན་སྐྱེད་ཁེ་ལས་ཀྱི་སྤྱིའི་ཐོན་རྫས་རིན་ཐང་སྒོར་ཁྲི272903ཡོད་པ་དེ་ལོ་སྔོན་མ་ལས34.9%འཕར། འཕར་ཐང་སྒོར་ཁྲི84539ཟིན་ནས11.9%འཕར་ཡོད།
6_2
སློབ་གསོ།
སྤྱི་ལོ2018ལོ་བར་ཨན་རེན་རྫོང་དུ་འོས་འགན་སློབ་གསོའི་དུས་མཚམས་ཀྱི་ཚད་ལོན་སློབ་གྲྭ23དང་། འབྲིང་རིམ་ལས་རིགས་སློབ་གསོའི་སློབ་གྲྭར་ཡོད་པའི་སློབ་མ2709མཐར་ཕྱིན་སློབ་མ803བཅས་ཡོད་པ་དང་། མཐོ་རིམ་སློབ་འབྲིང་དཀྱུས་མའི་སློབ་གྲྭར་ཡོད་པའི་སློབ་མ7667དང་མཐར་ཕྱིན་སློབ་མ2188ཡོད། དམའ་རིམ་སློབ་འབྲིང་དུ་སློབ་གྲྭར་ཡོད་པའི་སློབ་མ17118ཡོད་པ་དང་མཐར་ཕྱིན་སློབ་མ5203ཡོད། སློབ་ཆུང་དཀྱུས་མའི་ནང་སློབ་གྲྭར་ཡོད་པའི་སློབ་མ34335ཡོད་པ་དང་མཐར་ཕྱིན་སློབ་མ5746ཡོད། བུ་བཅོལ་ཁང་དུ་བྱིས་པ13439ཡོད། སློབ་ཆུང་གི་སློབ་ལོ་ལོན་པའི་བྱིས་པ་སློབ་གྲྭར་ཞུགས་ཚད100%ཟིན་པ་དང་། ལོ་དགུའི་འོས་འགན་སློབ་གསོ་སྲ་བརྟན་གཏོང་ཚད99.6%ཟིན། མཐོ་རིམ་སློབ་འབྲིང་དུས་མཚམས་ཀྱི་སློབ་གསོའི་སློབ་ཞུགས་རགས་ཚད91.6%ཟིན། དམའ་རིམ་སློབ་འབྲིང་གི་མཐར་ཕྱིན་སློབ་མ་སློབ་རིམ་འཕར་ཚད་00%ཟིན་པ་བཅས་རེད། རིགས་ཁག་གི་དམངས་གཉེར་སློབ་གྲྭ3དང་སློབ་གྲྭར་ཡོད་པའི་སློབ་མ7215ཡོད།
6_3
རིག་གནས།
སྤྱི་ལོ2018ལོ་བར་ཨན་རེན་རྫོང་དུ་སྒྱུ་རྩལ་འཁྲབ་སྟོན་ཚོགས་པ1དང་། མང་ཚོགས་སྒྱུ་རྩལ་ཁང་དང་རིག་གནས་ཁང1སྤྱི་པའི་དཔེ་མཛོད་ཁང1དངོས་མང་བཤམས་སྟོན་ཁང(རྗེས་དྲན་ཁང)2བརྙན་འཕྲིན་ཁང1ཀུན་ཁྱབ་རླུང་འཕྲིན་ལས་ཁུངས1རླབས་ཐུང་རླུང་འཕྲིན་ཁང་དང་བརྒྱུད་གཏོང་ཁང1བཅས་ཡོད་པ་རེད། སྐུད་ཡོད་བརྙན་འཕྲིན་སྤྱོད་མཁན་དུད་ཚང་ཁྲི3.11ཡོད།
6_4
ལུས་རྩལ།
སྤྱི་ལོ2018ལོ་བར་ཨན་རེན་རྫོང་དུ་ཁྱོན་ལུས་རྩལ་ཐང66ཡོད་པའི་ནང་ལུས་རྩལ་ཁང1དང་། ལུས་རྩལ་ཐང39ཆུ་རྐྱལ་ཁང2སྦྱོང་བརྡར་ཁང་སྣ་ཚོགས13བཅས་ཡོད་པ་རེད། དམངས་ཡོངས་ཀྱི་ལུས་སྦྱོང་རྣམ་གྲངས་ཐེངས་ཁྲི18སྤེལ་བ་དང་། དམངས་ཡོངས་ཀྱི་ལུས་སྦྱོང་ལུས་རྩལ་ནང་ཞུགས་མཁན་མི་ཁྲི13ཡོད། ཞིང་པའི་ལུས་རྩལ་ལུས་སྦྱོང་འདུ་འགོད་ཀྱི་སྲིད་འཛིན་གྲོང་ཚོ་9གསར་སྐྲུན་བྱས་ཡོད།
6_5
འཕྲོད་བསྟེན།
སྤྱི་ལོ2018ལོ་བར་ཨན་རེན་རྫོང་དུ་འཕྲོད་བསྟེན་སྒྲིག་གཞི387ཡོད་པའི་ནང་སྨན་ཁང་དང་འཕྲོད་བསྟེན་ཁང28དང་། མ་བུ་བདེ་སྲུང་ཁང(སོའོ་དང་ས་ཚིགས)1སྨན་བཅོས་ཁང་དང་། འཕྲོད་བསྟེན་ཁང་། སྨན་དོན་ཁང50ཤང་གྲོང་འཕྲོད་བསྟེན་ཁང21ནད་རིགས་སྔོན་འགོག་ཚོད་འཛིན་ལྟེ་གནས(རིམས་འགོག་ས་ཚིགས)1བཅས་ཡོད་པ་རེད། སྨན་ཁང་དང་འཕྲོད་བསྟེན་ཁང་ལ་ཉལ་ཁྲི་བསྡོམས་གྲངས1651ཡོད། འཕྲོད་བསྟེན་ལག་རྩལ་མི་སྣ1652ཡོད་པའི་ནང་ལས་གཉེར་སྨན་པ་དཀའ་བཅུ་པ་དང་ལས་གཉེར་ལས་རོགས་སྨན་པ787དང་ཐོ་འགོད་བྱས་པའི་སྨན་གཡོག950ཡོད།
6_6
སྤྱི་ཚོགས་འགན་སྲུང་།
སྤྱི་ལོ2018ལོ་བར་ཨན་རེན་རྫོང་གི་གྲོང་ཁྱེར་དང་གྲོང་རྡལ་གྱི་གཞི་རྩའི་སྨན་བཅོས་འགན་བཅོལ་ནང་ཞུགས་མཁན་མི་ཁྲི41.98ཡོད་པའི་ནང་འགན་བཅོལ་ནང་ཞུགས་མཁན་ལས་བཟོ1.75དང་གྲོང་གསེབ་ཀྱི་རྒན་གསོའི་འགན་བཅོལ་གསར་པའི་ནང་ཞུགས་མཁན་མི་ཁྲི29ཡོད་པ་དང་། ལས་ཤོར་འགན་བཅོལ་ནང་ཞུགས་མཁན་ལས་བཟོ་ཁྲི0.7ཡོད་པ་དང་ལས་ཤོར་འགན་བཅོལ་དངུལ་ལེན་མཁན་ལས་བཟོ23ཡོད། བུ་བཙའི་འགན་བཅོལ་ནང་ཞུགས་མཁན་ལས་བཟོའི་མི་གྲངས་ཁྲི1.79ཡོད། ལས་རྨས་འགན་བཅོལ་ནང་ཞུགས་མཁན་ལས་བཟོའི་མི་གྲངས་ཁྲི1.81ཡོད། སྲིད་གཞུང་གི་མ་མཐའི་འཚོ་བའི་འགན་སྲུང་ཐོབ་པའི་གྲོང་ཁྱེར་དང་གྲོང་རྡལ་གྱི་གྲོང་མི5443དང་གྲོང་གསེབ་ཀྱི་གྲོང་མི8293ཡོད། གྲོང་གསེབ་ཀྱི་གྲོང་མིའི་མ་མཐའི་འཚོ་བའི་འགན་སྲུང་གྲོན་དངུལ་སྒོར་ཁྲི1961.7ཡོད། སྤྱི་ཚོགས་ཕན་བདེའི་རྒྱན་ཤོག་སྒོར་ཁྲི1366བཙོངས་པ་དང་ཕན་བདེའི་རྒྱན་ཤོག་གི་སྤྱི་ཕན་མ་དངུལ་སྒོར་ཁྲི309.8གྲབས་གསོག་བྱས་ཡོད།
7
འགྲིམ་འགྲུལ།
ཨན་རེན་རྫོང་དུ་ཁྱོན་གཞུང་ལམ247དང་སྤྱིའི་རིང་ཚད་ལ་སྤྱི་ལེ1044.031ཡོད་ཅིང་། དེའི་ནང་ཞིང་ཆེན་རིམ་པའི་གཞུང་ལམ3དང་རིང་ཚད་ལ་སྤྱི་ལེ96.19(དེའི་ནངpvསྦྲེལ་ཐིག་སྤྱི་ལེ7.575ཚུད་ཡོད། ) དང་། རྫོང་རིམ་པའི་གཞུང་ལམ12དང་རིང་ཚད་ལ་སྤྱི་ལེ206.485ཡོད། ཤང་རིམ་པའི་གཞུང་ལམ34དང་རིང་ཚད་ལ་སྤྱི་ལེ221.047ཡོད། གྲོང་ཚོ་རིམ་པའི་གཞུང་ལམ198དང་རིང་ཚད་ལ་སྤྱི་ལེ520.3བཅས་ཡོད།
དཔྱད་གཞིའི་ཡིག་ཆ།