ཏེ་ཧུང་ཏའེ་རིགས་ཅིང་ཕོ་རིགས་རང་སྐྱོང་ཁུལ།སྔ་མའི་པར་གཞི་དེ དཀོན་མཆོག་སྒྲོལ་མ།༡ ནས 2020-05-15 15:26ལ་འགྲུབ།
ཏེ་ཧུང་ཏའེ་རིགས་ཅིང་ཕོ་རིགས་རང་སྐྱོང་ཁུལ།
ཏེ་ཧུང་ཏའེ་རིགས་ཅིང་ཕོ་རིགས་རང་སྐྱོང་ཁུལ།
ཏེ་ཧུང་ཏའེ་རིགས་ཅིང་ཕོ་རིགས་རང་སྐྱོང་ཁུལ་ནི་ཡུན་ནན་ཞིང་ཆེན་ཁོངས་གཏོགས་ཀྱི་ས་གནས་རིམ་པའི་སྲིད་འཛིན་ཁུལ་ཞིག་ཡིན་པ་དང་། ཀྲུང་གོའི་ཡུན་ནན་ཞིང་ཆེན་གྱི་ནུབ་རྒྱུད་དུ་གནས་ཤིང་། རྒྱ་ཁྱོན་ལ་སྟོང་སྨི་གྲུ་བཞི་མ་ཁྲི1.15ཡོད་པ་དེའི་ཁོངས་སུ་མང་ཧྲི་གྲོང་ཁྱེར་དང་། རུའེ་ལི་གྲོང་ཁྱེར། ལིའང་ཧོ་རྫོང་། ཡིང་ཅང་རྫོང་། ལུང་ཁྲོན་རྫོང་། ཁུལ་མི་དམངས་སྲིད་གཞུང་གི་མང་ཧྲི་གྲོང་ཁྱེར་བཅས་ཡོད། ཤར་ཕྱོགས་སུ་པའོ་ཧྲན་གྲོང་ཁྱེར་དང་ཁྱིམ་མཚེས་ཡིན་ཞིང་། བྱང་དང་། ནུབ་དང་། ལྷོ་བཅས་ཕྱོགས་གསུམ་ཚང་མ་འབར་མ་དང་འབྲེལ་ཡོད་པས། རྫོང་རིམ་པའི་ལས་ཁུངས་ལྔ་པོའི་ཡུལ་མིར“ཕྱི་ཡི་རྫོང་ལྔ”ཞེས་འབོད་ཀྱི་ཡོད། “ཏེ་ཧུང”ནི་ཏའེ་རིགས་ཀྱི་སྐད་སྒྱུར་ལས་ཐོགས་པ་དང་། “ཏེ”ནི་སྨད་རྒྱུད་ཅེས་པ་དང“ཧུང”ཞེས་པ་ནི་རྒྱ་མོ་རྔུལ་ཆུ་ཡིན་ཞིང་། དེའི་ནང་དོན་ནི“རྒྱལ་མོ་རྔུལ་ཆུའི་སྨད་རྒྱུད་ཀྱི་ས་ཆ”ཞེས་པ་དེ་ཡིན།
སྤྱི་ལོ2010ལོར་ཏེ་ཧུང་ཁུལ་གྱི་རྒྱུན་སྡོད་མི་འབོར་ཁྲི121.1ཟིན་པ་དང་། ཏའེ་དང་། ཅིང་ཕོ་རིགས། ཧན་རིགས། ལི་སུའུ་རིགས། ཨ་ཁྲང་། ཏེ་ཨང་སོགས་མི་རིགས་དག་ཡོད། སྤྱི་ལོ1953ལོའི་ཟླ7པར་ཏེ་ཧུང་ཐའེ་རིགས་ཅིན་ཕོ་རིགས་རང་སྐྱོང་ལྗོངས་བཙུགས་པ་དང་། སྤྱི་ལོ1956ལོར་ཏེ་ཧུང་ཏའེ་རིགས་ཅིན་ཕོ་རིགས་རང་སྐྱོང་ཁུལ་དུ་བསྒྱུར། ཁུལ་མི་དམངས་སྲིད་གཞུང་ནི་མང་ཧྲི་གྲོང་ཁྱེར་གྱི་སྨར་ཁམས་གྲོང་རྡལ་དུ་ཡོད།
གཞི་རྩའི་གནས་ཚུལ།
རྒྱ་ཡིག་གི་མིང་།
德宏傣族景颇族自治州
ཕྱི་ཡིག་གི་མིང་།
Dehong Autonomous Prefecture
སྲིད་འཛིན་ས་ཁོངས་ཀྱི་རིགས་དབྱེ།
རང་སྐྱོང་ཁུལ།
ཁོངས་གཏོགས་ས་ཁུལ།
ཀྲུང་གོའི་ཡུན་ནན་ཞིང་ཆེན་གྱི་ནུབ་རྒྱུད།
མངའ་ཁོངས།
གྲོང་ཁྱེར2དང་རྫོང3ཡོད།
སྦྲག་སྲིད་ཨང་རྟགས།
678400
སྲིད་འཛིན་ཁོངས་བགོས་ཚབ་ཨང་།
533100
རླངས་འཁོར་ཚབ་ཨང་།
云N
མི་གྲངས།
ཁྲི130（སྤྱི་ལོ2019ལོ）ཡོད།
རྒྱ་ཁྱོན།
སྟོང་སྨི་གྲུ་བཞི་མ་ཁྲི1.15ཡོད།
ནམ་ཟླ།
ཚ་ཁུལ་ཕལ་བའི་དུས་རླུང་ནམ་ཟླ།
ས་ཁོངས་ཁ་པར་ཨང་རྟགས།
0692
མེ་འཁོར་འབབ་ཚུགས།
མང་ཧྲི་འབབ་ཚུགས།
ཡུལ་སྐད།
ལྷོ་ནུབ་སྐད། རྒྱ་སྐད།
དཀར་ཆག
1
ལོ་རྒྱུས་འཕེལ་རིམ།
སྤྱི་ལོ1950ལོའི་ཟླ4པའི་ཚེས21ཉིན། ཀྲུང་གོ་མི་དམངས་བཅིངས་འགྲོལ་དམག་ལུའུ་ཞི་རུ་བཅའ་སྡོད་བྱས་ཏེ་ཏེ་ཧུང་བཅིངས་འགྲོལ་བཏང་། དམག་སྲིད་འཐུས་ཚབ་ཚོགས་པས་དབང་སྒྱུར་ཅུའུ་རྩིས་ལེན་བདག་སྤྲོད་བྱས་ཏེ། ལུའུ་ཞི་རྫོང་དང་རུའེ་ལི་དང་ལུང་ཁྲོན། ཡིང་ཅང་། ལེན་ཧྲན། ལིའང་ཧོ་བཅས་མི་རིགས་སྲིད་འཛིན་ཨུ་ཡོན་ལྷན་ཁང5བཙུགས་ཏེ། པའོ་ཧྲན་ཆེད་ཁུལ་གྱི་མངའ་ཁོངས་སུ་གཏོགས་པར་བྱས། སྤྱི་ལོ1952ལོར་རུའེ་ལི་དང་། ལུང་ཁྲོན། ཡིང་ཅང་། ལེན་ཧྲན། ལིའང་ཧོ་བཅས་མི་རིགས་ཁག་གི་སྲིད་འཛིན་ཨུ་ཡོན་ལྷན་ཁང5སོ་སོར་རྫོང་བཙུགས་པ་དང་། ཡུས་ཆི་གྲོང་རྡལ་དུ་ལུའུ་ཞི་རྫོང་གིས་རྫོང་རིམ་པའི་ཡན་ཞང་གྲོང་རྡལ་བཙུགས་པ་ཚང་མ་པའོ་ཧྲན་ཆེད་ཁུལ་གྱི་མངའ་ཁོངས་སུ་གཏོགས།
སྤྱི་ལོ1958ལོའི་ཟླ10པར་ལེན་ཧྲན་རྫོང་དང་ཡིང་ཅང་རྫོང་ཟླ་སྒྲིལ་བཏང་ནས་ཡིང་ཅང་རྫོང་བཙུགས།
སྤྱི་ལོ1963ལོའི་ཟླ8པར། ཏེ་ཧུང་དང་པའོ་ཧྲན་ས་ཁུལ་སོ་སོར་བཙུགས་ནས། ཏེ་ཧུང་ཁུལ་གྱི་མངའ་ཁོངས་སུ་ལུའུ་ཞི་དང་། ལིའང་ཧོ། ཡིང་ཅང་། ལུང་ཁྲོན། རུའེ་ལི་བཅས་རྫོང་ལྔ་དང་བན་ཏན་གྲོང་རྡལ་བཙུགས།
སྤྱི་ལོ1969ལོའི་ཟླ11པར་ཏེ་ཧུང་ཁུལ་མེད་པར་བྱས་ཏེ་པའོ་ཧྲན་ས་ཁུལ་དུ་ཟླ་སྒྲིལ་བཏང་བ་རེད།
སྤྱི་ལོ1971ལོའི་ཟླ11པར། ཏེ་ཧུང་ཁུལ་གྱི་སྒྲིག་གཞི་སླར་གསོ་བྱས་ཤིང་། དེའི་ཁོངས་སུ་ལུའུ་ཞི་དང་། ལིའང་ཧོ། རུའེ་ལི། ལུང་ཁྲོན། ཡིང་ཅང་བཅས་རྫོང5དང་། དེ་བཞིན་ཧུའེ་ཡུས་གྲོང་རྡལ་བཅས་གཏོགས་ཡོད།
སྤྱི་ལོ1985ལོར་རྫོང་རིམ་པའི་གྲོང་ཁྱེར་དུ་བསྒྱུར།
སྤྱི་ལོ1992ལོའི་ཟླ6པར་རུའེ་ལི་རྫོང་ནི་གྲོང་ཁྱེར་དུ་བསྒྱུར།
སྤྱི་ལོ1997ལོའི་ཟླ4པར། ལུའུ་ཞི་རྫོང་གྲོང་ཁྱེར་དུ་བསྒྱུར།
སྤྱི་ལོ1999ལོའི་ཟླ7པའི་ཚེས8ཉིན་ནས་བཟུང་ཏེ་ཧུང་ཁུལ་གྱི་མངའ་ཁོངས་སུ་གྲོང་ཁྱེར་གཉིས་དང་རྫོང་གསུམ་ཡོད་པ་སྟེ། ལུའུ་ཞི་གྲོང་ཁྱེར་དང་། རུའེ་ལི་གྲོང་ཁྱེར། ལུང་ཁྲོན་རྫོང་། ཡིང་ཅང་རྫོང་། ལིའང་ཧོ་རྫོང་བཅས་ཡིན།
སྤྱི་ལོ2010ལོའི་ཟླ7པའི་ཚེས12ཉིན། རྒྱལ་སྲིད་སྤྱི་ཁྱབ་ཁང་གིས་ལུའུ་ཞི་གྲོང་ཁྱེར་གྱི་མིང་བསྒྱུར་བར་ཆོག་མཆན་བཀོད། “མང་ཧྲི་གྲོང་ཁྱེར”ནི་སྤྱི་ལོ1989ལོ་ནས་བཟུང་རྒྱལ་སྲིད་སྤྱི་ཁྱབ་ཁང་གིས་དངོས་སུ་ཆོག་མཆན་གནང་བའི་ཆེད་སྤྱོད་མིང་ཞིག་དང་སྤྱི་མིང་ལ་ཡིག་འབྲུ་གཉིས་ལས་མེད་པའི་རྫོང་རིམ་པའི་གྲོང་ཁྱེར་གཅིག་པུ་ལ་ཟེར་བ་ཡིན།
2
སྲིད་འཛིན་ཁོངས་བགོས།
ཏེ་ཧུང་ཁུལ་དུ་རྫོང་རིམ་པའི་གྲོང་ཁྱེར2དང་རྫོང3ཡོད་པ་དང་། རྒྱ་ཁྱོན་སྟོང་སྨི་གྲུ་བཞི་མ11526ཡོད། མི་འབོར་ཁྲི130(སྤྱི་ལོ2019ལོའི་གཞུང་ཕྱོགས་དྲ་བའི་གྲངས་གཞི)ཡོད་པ་རེད། ཁུལ་མི་དམངས་སྲིད་གཞུང་མང་ཧྲི་གྲོང་ཁྱེར་དུ་ཡོད།
3
ས་ཁམས་ཁོར་ཡུག
3_1
གནས་ཡུལ།
ཏེ་ཧུང་ཏའེ་རིགས་ཅིང་ཕོ་རིགས་རང་སྐྱོང་ཁུལ་ནི་ཡུན་ནན་ཞིང་ཆེན་ཁོངས་གཏོགས་ཀྱི་ས་གནས་རིམ་པའི་སྲིད་འཛིན་ཁུལ་ཞིག་ཡིན་པ་དང་། ཀྲུང་གོའི་ཡུན་ནན་ཞིང་ཆེན་གྱི་ནུབ་རྒྱུད་དུ་གནས་ཤིང་། རྒྱ་ཁྱོན་ལ་སྟོང་སྨི་གྲུ་བཞི་མ་ཁྲི1.15ཡོད་པ་དེའི་ཁོངས་སུ་མང་ཧྲི་གྲོང་ཁྱེར་དང་། རུའེ་ལི་གྲོང་ཁྱེར། ལིའང་ཧོ་རྫོང་། ཡིང་ཅང་རྫོང་། ལུང་ཁྲོན་རྫོང་། ཁུལ་མི་དམངས་སྲིད་གཞུང་གི་མང་ཧྲི་གྲོང་ཁྱེར་བཅས་ཡོད། ཤར་ཕྱོགས་སུ་པའོ་ཧྲན་གྲོང་ཁྱེར་དང་ཁྱིམ་མཚེས་ཡིན་ཞིང་། བྱང་དང་། ནུབ་དང་། ལྷོ་བཅས་ཕྱོགས་གསུམ་ཚང་མ་འབར་མ་དང་འབྲེལ་ཡོད་ལ། རྒྱ་ཁྱོན་ལ་སྟོང་སྨི་གྲུ་བཞི་མ་ཁྲི1.15ཡོད།
3_2
ས་དབྱིབས།
ཏེ་ཧུང་ནི་ཡུན་ཀུའེ་ས་མཐོའི་ནུབ་རྒྱུད་འཕྲེད་བཅད་རི་རྒྱུད་ཀྱི་ལྷོ་རྒྱུད་དུ་གནས་པ་དང་། ཀའོ་ལི་ཀུང་རི་བོའི་ནུབ་རྒྱུད་རི་རྒྱུད་དེ་ཏེ་ཧུང་གི་ས་ཁོངས་སུ་སྣུར་སྲིང་བྱས་ནས་བྱང་ཤར་མཐོ་ལ་གཡང་གཟར་བ་དང་། ལྷོ་ནུབ་ཏུ་ས་བབ་དམའ་ལ་ཁོད་སྙོམས་པའི་སྒོ་ནས་རི་ལྡེབས་བཅད་པས་ཁུལ་ཡོངས་ཀྱི་ས་བབ་མཐོ་ཤོས་ནི་དབྱིན་ཅང་བྱང་རྒྱུད་ཀྱི་ཏ་ཉང་རི་བོ་ཡིན། ས་བབ་མཐོ་ཚད་སྨི3404.6ཟིན་པ་དང་། ས་བབ་དམའ་ཤོས་ཀྱང་དབྱིན་ཅང་གཙང་པོའི་ནུབ་རྒྱུད་ན་པང་ཐང་གི་ལུང་གཞུང་དུ་ཡོད། ས་བབ་མཐོ་ཚད་སྨི210ལས་མེད། ཁུལ་ཡོངས་ཀྱི་སྤྱིར་བཏང་ས་བབ་མཐོ་ཚད་སྨི800ནས2100བར་དང་ཁུལ་སྲིད་གཞུང་མང་གྲོང་ཁྱེར་གྱི་ས་བབ་མཐོ་ཚད་སྨི920ཟིན་གྱི་ཡོད།
3_3
ནམ་ཟླ།
ཏེ་ཧུང་གི་གནམ་གཤིས་ཐོན་ཁུངས་ཀྱང་ཐུན་མོང་མ་ཡིན་པ་ཞིག་ཡིན་ཞིང་། ཁུལ་ཡོངས་བྱང་གི་ལྡོག་ཐིག་གི་ཉེ་འགྲམ་དུ་བཅར་ནས་འཕྲེད་ཐིག་གི་ཏུའུ་གྲངས་དམའ་ཞིང་། ཧིན་རྡུ་རྒྱ་མཚོའི་ལྷོ་ནུབ་ཀྱི་དུས་རླུང་གི་ཤུགས་རྐྱེན་ཐེབས་པས། ཚ་ཁུལ་ལྷོ་མའི་དུས་རླུང་གི་ནམ་ཟླའི་ཁོངས་སུ་གཏོགས། བྱང་ཤར་ངོས་ཀྱི་ཀའོ་ལི་ཀུང་ཧྲན་གྱིས་ཞི་པོ་ལི་ཡ་ལྷོ་ཕྱོགས་སུ་འབབ་པའི་རླུང་སྐམ་བཀག་ནས་ནང་དུ་ཡོང་དུ་བཅུག་པ་དང་། དབྱར་ཁར་ཧིན་རྡུ་རྒྱ་མཚོ་ཆེན་པོའི་རླན་གཤེར་རླུང་རྒྱུན་ལྷོ་ནུབ་ཏུ་གསེག་པའི་རི་ཐང་གི་རླུང་ཕྱོགས་དེད་ནས་ཡར་འཕགས་ཏེ་ཕུན་སུམ་ཚོགས་པའི་རང་བྱུང་གི་ཆར་ཆུ་ཆགས་ཡོད། འཕྲེད་ཐིག་དམའ་བའི་མཐོ་སྒང་ཁུལ་དུ་ཉི་མའི་ཚུར་འཕྲོའི་ཟུར་ཚད་ཆེ་ཞིང་། མཁའ་རླུང་གི་གསལ་ཚད་བཟང་། དེ་ནི་རྒྱལ་ཡོངས་ཀྱི་འོད་འཕྲོའི་སྤུས་ཚད་མཐོ་བའི་ས་ཁུལ་གྱི་གྲས་ཤིག་ཡིན། ལོ་ཧྲིལ་བོར་ཉི་མའི་འགྱེད་འཕྲོ་ལི་སྨི137ནས143བར་དང་། ལོ་རེར་ཆར་ཆུ་འབབ་ཚད་ཧའོ་སྨི1400ནས1700བར་ཡིན། ལོ་རེའི་ཆ་སྙོམས་དྲོད་ཚད18.4℃~20℃ཡིན་པ་དང་། ལོ་རེའི་ཉི་འོད་ཆུ་ཚོད2281-2453ཡིན། ལོ་རེའི་དྲོད་ཚད6400-7300℃ཡིན། ལོ་རེའི་སྐམ་སའི་རླངས་པར་འགྱུར་ཚད་ཧའོ་སྨི1400-1900བར་དང་། ཐན་པའི་སྟོན་གྲངས0.4-1.2བར་ཡིན།
4
མི་འབོར་དང་མི་རིགས།
ཁུལ་ཡོངས་ཀྱི་མི་གྲངས་བསྡོམས་འབོར1211440ཟིན་ཡོད། ཁུལ་ཡོངས་ཀྱི་རྫོང་དང་གྲོང་ཁྱེར5ཡི་མི་འབོར་དེ་སྤྱི་ལོ2000ལོའི་ཟླ11པའི་ཚེས1ཉིན་གྱི་ཆུ་ཚོད་ཀླད་ཀོར་གྱི་མི་ཁྲི107.13དང་བསྡུར་ན་ལོ་བཅུའི་ནང་མི140153འཕར་ནས13.08%འཕར་ཡོད། ཁུལ་ཡོངས་ཀྱི་རྫོང་དང་གྲོང་ཁྱེར5ལ་ཁྱོན་དུད་ཚང315547ཡོད་པ་དང་། ཁྱིམ་ཚང་རེར་མི་གྲངས1146026ཡོད་པ། ཁྱིམ་ཚང་རེར་ཆ་སྙོམས་མི་གྲངས3.63ཡོད་པ་དེ་སྤྱི་ལོ2000ལོའི་རྒྱལ་ཡོངས་ཀྱི་མི་འབོར་ཡོངས་བཤེར་ཐེངས་ལྔ་པའི་མི་གྲངས4.07ལས0.44ཉུང་དུ་ཕྱིན་ཡོད་པ་རེད། ཁུལ་ཡོངས་ཀྱི་རྫོང་དང་གྲོང་ཁྱེར5ཡི་མི་འབོར་ཁྲོད་སྐྱེས་པ624774ཡོད་པ་དེས་སྤྱིའི་མི་འབོར་གྱི51.5%བཟུང་བ་དང་། བུད་མེད586666ཡོད་པ་དེས་སྤྱིའི་མི་འབོར་གྱི48.43%བཟུང་ཡོད། སྤྱིའི་མི་འབོར་གྱི་ཕོ་མོའི་དབྱེ་བ(བུད་མེད100དང་སྐྱེས་པས་བུད་མེད་ལ་བཟུང་བའི་བསྡུར་ཚད)སྤྱི་ལོ2000ལོར་རྒྱལ་ཡོངས་ཀྱི་མི་འབོར་ཡོངས་ཁྱབ་ཞིབ་བཤེར་ཐེངས་ལྔ་པའི104.65ནས106.50བར་འཕར་ཡོད།
ཁུལ་ཡོངས་ཀྱི་རྫོང་དང་གྲོང་ཁྱེར5ཡི་མི་འབོར་ཁྲོད་ལོ0ནས14བར་གྱི་མི་འབོར252174ཡོད་པ་དེས་སྤྱིའི་མི་འབོར་གྱི20.82%བཟུང་བ་དང་། ལོ15ནས64བར་གྱི་མི་འབོར883264ཡོད་པ་དེས་སྤྱིའི་མི་འབོར་གྱི72.91%བཟུང་བ། ལོ65དང་དེ་ཡན་གྱི་མི་འབོར76002ཟིན་པ་དེས་སྤྱིའི་མི་འབོར་གྱི6.27%བཟུང་ཡོད། སྤྱི་ལོ2000ལོར་རྒྱལ་ཡོངས་ཀྱི་མི་འབོར་ཡོངས་ཁྱབ་ཞིབ་བཤེར་ཐེངས་ལྔ་པ་བྱས་པ་དང་བསྡུར་ན་ལོ0ནས14བར་གྱི་མི་འབོར་གྱི་བསྡུར་ཚད་བརྒྱ་ཆའི་གྲངས6.77ཆག་པ་དང་། ལོ15ནས64བར་གྱི་མི་འབོར་གྱི་བསྡུར་ཚད་བརྒྱ་ཆའི་གྲངས5.43འཕར། ལོ65དང་དེ་ཡན་གྱི་མི་འབོར་གྱི་བསྡུར་ཚད་བརྒྱ་ཆའི་གྲངས1.34འཕར་ཡོད།
ཁུལ་ཡོངས་ཀྱི་རྫོང་དང་གྲོང་ཁྱེར5ཡི་མི་འབོར་ཁྲོད་རྒྱ་རིགས་མི་གྲངས629147ཟིན་པ་དེས་སྤྱིའི་མི་འབོར་གྱི51.93%བཟུང་བ་དང་། གྲངས་ཉུང་མི་རིགས་ཁག་གི་མི་འབོར582293ཡོད་པ་དེས་སྤྱིའི་མི་འབོར་གྱི48.07%བཟུང་ཡོད། དེའི་ནང་ཏའེ་རིགས་ཀྱི་མི་འབོར349840ཡོད་པ་དེས་མི་འབོར་བསྡོམས་འབོར་གྱི28.88%བཟུང་བ་དང་། ཅིང་ཕོ་རིགས་ཀྱི་མི་འབོར134373ཟིན། མི་འབོར་བསྡོམས་འབོར་གྱི11.09%བཟུང་། ལི་སུའུ་རིགས་ཀྱི་མི་འབོར31530ཟིན། མི་འབོར་བསྡོམས་འབོར་གྱི2.60%བཟུང་། ཨ་ཁྲང་རིགས་ཀྱི་མི་འབོར30389ཟིན། མི་འབོར་བསྡོམས་འབོར་གྱི2.51%བཟུང་། ཏེ་ཨང་རིགས་ཀྱི་མི་འབོར14436ཟིན། མི་འབོར་བསྡོམས་འབོར་གྱི1.19%བཟུང་བ་བཅས་རེད། སྤྱི་ལོ2000ལོར་རྒྱལ་ཡོངས་ཀྱི་མི་འབོར་ཡོངས་ཁྱབ་ཞིབ་བཤེར་ཐེངས་ལྔ་པ་བྱས་པ་དང་བསྡུར་ན། རྒྱ་རིགས་ཀྱི་མི་འབོར91079འཕར་ནས16.93%འཕར་བ་དེས་སྤྱིའི་མི་འབོར་གྱི་བསྡུར་ཚད་ཀྱི་བརྒྱ་ཆའི་གྲངས1.71མཐོ་རུ་ཕྱིན་པ་དང་། གྲངས་ཉུང་མི་རིགས་ཁག་གི་མི་འབོར49074མང་དུ་སོང་ནས9.20%འཕར་ནས་མི་འབོར་བསྡོམས་འབོར་ནང་བཟུང་བའི་བསྡུར་ཚད་བརྒྱ་ཆའི་གྲངས1.71ཆག་ཡོད།
ཁུལ་ཡོངས་ཀྱི་རྫོང་དང་གྲོང་ཁྱེར5ཡི་མི་འབོར་ཁྲོད་སློབ་ཆེན་གྱི་ཡོན་ཚད་ལྡན་པའི་མི་འབོར65010ཡོད་པ་དང་། མཐོ་རིམ་སློབ་འབྲིང་(འབྲིང་རིམ་ཆེད་ཚན་ཚུད་)རིག་གནས་ཆུ་ཚད་ལྡན་པའི་མི་འབོར93336ཡོད། དམའ་རིམ་སློབ་འབྲིང་གི་རིག་གནས་ཆུ་ཚད་ལྡན་པའི་མི་འབོར322391ཡོད། སློབ་ཆུང་གི་རིག་གནས་ཆུ་ཚད་ལྡན་པའི་མི་གྲངས་ནི525621(དེའི་ཡན་གྱི་སློབ་གསོ་ཐོབ་ཚད་སྣ་ཚོགས་ཀྱི་ནང་སློབ་གྲྭ་སྣ་ཚོགས་ཀྱི་སློབ་ཐོན་སློབ་མ་དང་། སློབ་གྲྭ་ནས་ཐོན་པའི་སློབ་མ། སློབ་གྲྭར་ཡོད་པའི་སློབ་མ་བཅས་ཚུད་ཡོད། ) ཁུལ་ཡོངས་ཀྱི་རྫོང་དང་གྲོང་ཁྱེར་5ཡི་མི་འབོར་ཁྲོད་ཡིག་རྨོངས་མི་གྲངས(ལོ་15དང་དེ་ཡན་གྱི་ཡི་གེ་མི་ཤེས་པའི་མི)90434ཡོད་པ་དེ་སྤྱི་ལོ2000ལོའི་རྒྱལ་ཡོངས་ཀྱི་མི་འབོར་ཡོངས་ཁྱབ་ཞིབ་བཤེར་ཐེངས་ལྔ་པ་དང་བསྡུར་ན་ཡིག་རྨོངས་མི་འབོར་28182ཉུང་དུ་ཕྱིན་པ་དང་ཡིག་རྨོངས་བ11.07%ནས7.47%བར་ཆག་ནས་བརྒྱ་ཆའི་གྲངས3.60ཆག་ཡོད། ཁུལ་ཡོངས་ཀྱི་རྫོང་དང་གྲོང་ཁྱེར5ཡི་མི་འབོར་ཁྲོད་གྲོང་ཁྱེར་དང་གྲོང་རྡལ་དུ་སྡོད་མཁན་མི་གྲངས414070ཟིན་པ་དེས34.18%བཟུང་བ་དང་། གྲོང་གསེབ་ཏུ་སྡོད་མཁན་མི་གྲངས797370ཡོད་པ་དེས65.82%བཟུང་ཡོད། སྤྱི་ལོ2000ལོའི་རྒྱལ་ཡོངས་ཀྱི་མི་འབོར་ཡོངས་ཁྱབ་ཞིབ་བཤེར་ཐེངས་ལྔ་པ་དང་བསྡུར་ན་གྲོང་ཁྱེར་དང་གྲོང་རྡལ་གྱི་མི་འབོར169889འཕར་བ་དང་། གྲོང་གསེབ་ཀྱི་མི་འབོར29736ཉུང་དུ་སོང་། གྲོང་ཁྱེར་དང་གྲོང་རྡལ་གྱི་མི་འབོར་བསྡུར་ཚད་བརྒྱ་ཆའི་གྲངས11.39འཕར།
5
དཔལ་འབྱོར།
5_1
ཐོན་ལས་དང་པོ།
སྤྱི་ལོ2016ལོར་ཁུལ་ཡོངས་ཀྱི་ཞིང་ནགས་འབྲོག་ཉ་ལས་བཅས་ཀྱི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར126.31ཟིན་པ་དེ་བསྡུར་གཞི་ཡོད་པའི་རིན་གོང་ལྟར་བརྩིས་ན་ལོ་གོང་མ་ལས5.7%འཕར་ཡོད། དེའི་ནང་ཞིང་ལས་ཀྱི་སྤྱིའི་ཐོན་རྫས་རིན་ཐང་སྒོར་དུང་ཕྱུར76.92ཟིན་ནས་ལོ་གོང་མ་ལས7.7%འཕར་བ་དང་། ནགས་ལས་ཀྱི་སྤྱིའི་ཐོན་རྫས་རིན་ཐང་སྒོར་དུང་ཕྱུར10.86ཟིན་ནས8.3%ཆག འབྲོག་ལས་ཀྱི་སྤྱིའི་ཐོན་རྫས་རིན་ཐང་སྒོར་དུང་ཕྱུར29.95ཟིན་ནས7.2%འཕར། ཉ་ལས་ཀྱི་སྤྱིའི་ཐོན་རྫས་རིན་ཐང་སྒོར་དུང་ཕྱུར5.08ཟིན་ནས6.5%འཕར་ཡོད། ཞིང་ནགས་འབྲོག་ཉ་གསུམ་གྱི་ཞབས་ཞུའི་ལས་རིགས་ཀྱི་ཐོན་རྫས་རིན་ཐང་སྒོར་དུང་ཕྱུར3.50ཟིན་ནས8.5%འཕར།
5_2
ཐོན་ལས་གཉིས་པ།
སྤྱི་ལོ2016ལོའི་ལོ་ཧྲིལ་པོར་བཟོ་ལས་ཀྱི་སྤྱིའི་ཐོན་རྫས་རིན་ཐང་སྒོར་དུང་ཕྱུར200.60ཟིན་ནས་ལོ་དེའི་རིན་གོང་ལྟར་བརྩིས་ན་ལོ་གོང་མ་ལས11.4%འཕར་ཡོད། བཟོ་ལས་ཡོངས་ཀྱི་རིན་ཐང་འཕར་མ་སྒོར་དུང་ཕྱུར51.54ཟིན་པ་དེ་བསྡུར་གཞི་ཡོད་པའི་རིན་གོང་ལྟར་བརྩིས་ན་ལོ་གོང་མ་ལས9.1%འཕར་ཡོད། ཚད་ལོན་ཡན་གྱི་བཟོ་ལས་ཀྱི་འཕར་ཐང་སྒོར་དུང་ཕྱུར42.45ལེགས་གྲུབ་བྱུང་བ་དང་བསྡུར་གཞི་ཡོད་པའི་རིན་གོང་ལྟར་བརྩིས་ན་ལོ་གོང་མ་ལས9.7%འཕར་བ།
སྤྱི་ལོ2016ལོར་སྤྱི་ཚོགས་ཡོངས་ཀྱི་ཨར་སྐྲུན་ལས་རིགས་ཀྱི་རིན་ཐང་འཕར་མ་སྒོར་དུང་ཕྱུར27.58ཟིན་ནས་བསྡུར་གཞི་ཡོད་པའི་རིན་གོང་ལྟར་བརྩིས་ན་ལོ་གོང་མ་ལས22.6%འཕར་ཡོད། ཁུལ་དེ་ཡོངས་ཀྱི་འོས་ཐོབ་ལྡན་པའི་ཨར་སྐྲུན་ལས་རིགས་ཀྱི་ཁེ་ལས40ཡི་ཐོན་རྫས་རིན་ཐང་བསྡོམས་འབོར་སྒོར་དུང་ཕྱུར41.88ཟིན་པ་དེ་ལོ་གོང་མ་ལས37.9%འཕར། ཁེ་སྤོགས་སྒོར་དུང་ཕྱུར3.5བྱུང་ནས་ལྡབ3.7འཕར། ལོ་ཧྲིལ་པོར་ཁང་པའི་ཨར་ལས་རྒྱ་ཁྱོན་སྨི་གྲུ་བཞི་མ་ཁྲི129.54ཟིན་ནས་19.9%འཕར་ཡོད།
5_3
ཐོན་ལས་གསུམ་པ།
སྤྱི་ལོ2016ལོར་ཁུལ་ཡོངས་ཀྱིས་གཏན་འཇགས་རྒྱུ་ནོར་ལ་མ་དངུལ་སྒོར་དུང་ཕྱུར310.57བཏང་བ་དེ་ལོ་གོང་མ་ལས23.7%འཕར་ཡོད། དེའི་ནང་ཐོན་ལས་དང་པོར་མ་དངུལ་སྒོར་དུང་ཕྱུར3.97བཏང་བ་དེ་ལོ་གོང་མ་ལས92.2%འཕར་བ་དང་། ཐོན་ལས་གཉིས་པར་མ་དངུལ་སྒོར་དུང་ཕྱུར44.48བཏང་ནས9.0%ཆག ཐོན་ལས་གསུམ་པར་མ་དངུལ་སྒོར་དུང་ཕྱུར262.12བཏང་ནས31.0%འཕར་ཡོད། ཁུལ་ཡོངས་ཀྱིས་ཁང་བདག་ཁོངས་གསར་སྤེལ་ཐད་མ་དངུལ་སྒོར་དུང་ཕྱུར46.01བཏང་ནས་སྔ་ལོ་ལས0.5%འཕར་ནས་མ་འཇོག་བསྡོམས་འབོར་གྱི14.4%བཟུང་ཡོད། ཚོང་སྒྱུར་སྡོད་ཁང་གི་རྒྱ་ཁྱོན་སྨི་གྲུ་བཞི་མ་ཁྲི623.75ཟིན་ནས9.4%ཆག ཚོང་སྒྱུར་སྡོད་ཁང་བསྐྲུན་ཟིན་པའི་རྒྱ་ཁྱོན་སྨི་གྲུ་བཞི་མ་ཁྲི81.26ཟིན་ནས28.0%ཆག
ལོ་ཧྲིལ་པོར་ཕྱི་ཕྱོགས་ཉོ་ཚོང་གི་ཕྱིར་གཏོང་ནང་འདྲེན་བསྡོམས་འབོར་ཨ་སྒོར་དུང་ཕྱུར42.52ཟིན་པ་དེ་སྔ་ལོ་ལས14.9%ཆག་ཡོད། དེའི་ནང་ནང་འདྲེན་བསྡོམས་འབོར་ཨ་སྒོར་དུང་ཕྱུར19.85ཟིན་ནས19.0%ཆག་པ་དང་། ཕྱིར་གཏོང་བསྡོམས་འབོར་ཨ་སྒོར་དུང་ཕྱུར22.67ཟིན་ནས10.9%ཆག་ཡོད། ལོ་ཧྲིལ་པོར་རྒྱལ་ནང་གི་མཉམ་ལས་རྣམ་གྲངས་ཁག505ལག་བསྟར་བྱས་པ་དང་རྣམ་གྲངས124གསར་སྣོན་བྱུང་ཞིང་། རྒྱལ་ནང་གི་མ་དངུལ་སྒོར་དུང་ཕྱུར234.17བེད་སྤྱོད་བྱས་པས། ལོ་གོང་མ་ལས9.9%འཕར་ཡོད།
དཔྱད་གཞིའི་ཡིག་ཆ།