ལིང་ཐའེ་རྫོང་།སྔ་མའི་པར་གཞི་དེ བྱ་མདོ་པདྨ་རྒྱལ།2019 ནས 2020-05-08 15:11ལ་འགྲུབ།
ལིང་ཐའེ་རྫོང་།
ལིང་ཐའེ་རྫོང་།
ལིང་ཐའེ་རྫོང་ནི་ཀན་སུའུ་ཞིང་ཆེན་ཕིང་ལེང་གྲོང་ཁྱེར་ཁོངས་གཏོགས་རྫོང་ཡིན་པ་དང་། ཀན་སུའུ་ཞིང་ཆེན་གྱི་ཤར་ལྷོའི་རྒྱུད་དུ་གནས་པ་དང་། ཤར་ལྷོར་ཧྲའན་ཞི་ཞིང་ཆེན་གྱི་ཁྲང་ཝུའུ་དང་། པིན་རྫོང་། ལིན་ཡིའུ། ཆན་དབྱང་། ལུང་རྫོང་བཅས་དང་ས་འབྲེལ་ཡིན་པ་དང་། ནུབ་བྱང་དུ་ཀན་སུའུ་ཞིང་ཆེན་གྱི་ཁྲུང་ཤིན་དང་ཅིང་ཁྲོན་རྫོང་དང་ས་འབྲེལ་ཡིན་པ་རེད། ས་ཁམས་གནས་ཚད་ནི་གཞུང་ཐིག་ཤར་མའི107°00′—107°57′ བར་དང་། འཕྲེད་ཐིག་བྱང་མའི34°54′—35°14′བར་དུ་གནས་ཡོད་པ་ཡིན། མངའ་ཁོངས་ཡོངས་སུ་ཤར་ནུབ་ཏུ་སྤྱི་ལེ78ཡོད་པ་དང། ལྷོ་བྱང་དུ་ཞེང་ཚད་སྤྱི་ལེ40ཡོད། སྤྱིའི་རྒྱ་ཁྱོན་སྤྱི་ལེ་གྲུ་བཞི་མ2038ཡོད།
སྤྱི་ལོ2012ལོའི་བར། ལིང་ཐའེ་རྫོང་ཁོངས་སུ་གྲོང་རྡལ5དང་། ཡུལ་ཚོ8 སྲང་ལམ1བཅས་ཡོད་པ་དང་། སྡེ་ཁུལ4དང་། སྲིད་འཛིན་གྲོང་ཚོ184 གྲོང་མིའི་ཚོགས་ཆུང1429བཅས་ཡོད་པ་དང་། མི་འབོར་བསྡོམས་འབོར229752ཟིན་པ་དང། རྒྱ་རིགས་མང་ཤོས་ཡིན་ཏེ96.7%བཟུང་ཡོད་པ་དང། གྲངས་ཉུང་མི་རིགས་ལ་ཧུའེ་རིགས་དང་། བོད་རིགས། མན་ཇུ་རིགས། མིའོ་རིགས། སོག་རིགས་སོགས་ཡོད་པ་དེས3.3%བཟུང་ཡོད།
སྤྱི་ལོ2012ལོར། ལིང་ཐའེ་རྫོང་གིས་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར(GDP)སྒོར་ཁྲི259344མངོན་འགྱུར་བྱུང་བ་དེ་འགྱུར་མེད་རིན་གོང་ལྟར་བརྩིས་ན་སྤྱི་ལོ2011ལོ་ལས14%འཕར་ཡོད།
སྤྱི་ལོ2019ལོའི་ཟླ4པའི་ཚེས28ཉིན། ཀན་སུའུ་ཞིང་ཆེན་སྲིད་གཞུང་གིས་ལིང་ཐའེ་རྫོང་དབུལ་ཕོངས་རྫོང་ནས་འབུད་པའི་ཆོག་མཆན་སྤྲད་པ་རེད།
གཞི་རྩའི་གནས་ཚུལ།
རྒྱ་ཡིག་གི་མིང་།
灵台县
རྒྱ་ཁྱོན།
སྤྱི་ལེ་གྲུ་བཞི་མ2038ཡོད།
ཕྱི་ཡིག་གི་མིང་།
Lingtai County
མི་འབོར།
229752ཡོད།
སྲིད་འཛིན་ས་ཁོངས་ཀྱི་རིགས་དབྱེ།
རྫོང་།
ནམ་ཟླའི་ཆ་རྐྱེན།
གྲང་དྲོད་ཁུལ་གྱི་བཞའ་ཚན་ཕལ་བའི་ནམ་ཟླ།
ཁོངས་གཏོགས་ས་ཁུལ།
ཀན་སུའུ་ཕིང་ལེང་།
ཡུལ་ལྗོངས་གྲགས་ཅན།
ཀུའུ་ལིང་ཐའེ་སོགས་ཡོད།
མངའ་ཁོངས།
གྲོང་རྡལ5དང་། ཡུལ་ཚོ8 སྲང་ལམ1ཡོད།
རླངས་འཁོར་ཚབ་ཨང་།
甘L
ས་ཁོངས་ཁ་པར་ཨང་རྟགས།
0933
ས་ཁམས་གནས་ཡུལ།
ཀན་སུའུ་ཞིང་ཆེནགྱི་ཤར་ལྷོའི་རྒྱུད།
སྦྲག་སྲིད་ཨང་རྟགས།
744400
ས་ཁུལ་གྱི་ཐོན་སྐྱེད་སྡོམ་འབོར།
སྒོར་ཁྲི259344(སྤྱི་ལོ2012ལོ)ཟིན་ཡོད།
དཀར་ཆག
- 1 ལོ་རྒྱུས་ཀྱི་འཕེལ་རིམ།
- 2 སྲིད་འཛིན་ཁོངས་བགོས།
- 3 ས་ཁམས་ཁོར་ཡུག
-
3.1 གནས་ཡུལ་ས་ཁོངས།
3.2 ནམ་ཟླ།
- 4 རང་བྱུང་ཐོན་ཁུངས།
-
4.1 ས་ཆའི་ཐོན་ཁུངས།
4.2 རྩི་ཤིང་གི་ཐོན་ཁུངས།
4.3 གཏེར་རྫས་ཀྱི་ཐོན་ཁུངས།
- 5 མི་འབོར་དང་མི་རིགས།
-
5.1 མི་འབོར།
5.2 མི་རིགས།
- 6 འགྲིམ་འགྲུལ་སྐྱེལ་འདྲེན།
- 7 ཆབ་སྲིད་ལམ་ལུགས།
-
7.1 རྫོང་ཨུ།
7.2 དམངས་ཆེན།
7.3 སྲིད་གཞུང་།
7.4 སྲིད་གྲོས།
- 8 དཔལ་འབྱོར་གནས་ཚུལ།
- 9 སྤྱི་ཚོགས་ལས་དོན།
-
9.1 ཚན་རྩལ་ལས་དོན།
9.2 སྨན་བཅོས་འཕྲོད་བསྟེན།
1
ལོ་རྒྱུས་ཀྱི་འཕེལ་རིམ།
མི་སེར་རྒྱལ་ཁབ་ཀྱི་སྲིད་ལོ་དང་པོར(སྤྱི་ལོ1912ལོར)ལིང་ཐའེ་ཅིང་ཡོན་ཏའོ་ཡི་ཁོངས་སུ་གཏོགས་པ་དང་། མི་སེར་རྒྱལ་ཁབ་ཀྱི་སྲིད་ལོ་བཅུ་དྲུག་པར(1927ལོར)ཏའོ་མེད་པར་བཟོས་པ་དང་། ལིང་ཐའེ་རྫོང་ཐད་ཀར་ཀན་སུའུ་ཞིང་ཆེན་གྱི་ཁོངས་སུ་གཏོགས།
མི་སེར་རྒྱལ་ཁབ་ཀྱི་སྲིད་ལོ་ཉེར་ལྔ་པར(སྤྱི་ལོ1936ལོ)ཅིང་ཡོན་ཏའོ་སྲིད་འཛིན་ལྟ་ཞིབ་ཁུལ་གཉིས་པར་དབྱེ་ཞིང་། ལིང་ཐའེ་རྫོང་དེའི་ཁོངས་གཏོགས་ཡིན།
སྤྱི་ལོ1949ལོའི་ཟླ7པའི་ཚེས24ཉིན། ལིང་ཐའེ་རྫོང་ཡོངས་བཅིངས་འགྲོལ་ཐོབ་ནས་ལིང་ཐའེ་རྫོང་མི་དམངས་སྲིད་གཞུང་བཙུགས།
སྤྱི་ལོ1958ལོའི་ཟླ10པར། ལིང་ཐའེ་རྫོང་མེད་པར་བཟོས་ནས་ཅིང་ཁྲོན་རྫོང་དུ་ཟླ་སྒྲིལ་བཏང་།
སྤྱི་ལོ1961ལོའི་ཟླ12པར། ལིང་ཐའེ་རྫོང་སླར་གསོ་བྱས།
2
སྲིད་འཛིན་ཁོངས་བགོས།
སྤྱི་ལོ2012ལོའི་བར། ལིང་ཐའེ་རྫོང་ཁོངས་གཏོགས་སུ་གྲོང་རྡལ(ཀྲུང་ཐའེ་གྲོང་རྡལ་དང་། ཧྲའོ་ཀྲའེ་གྲོང་རྡལ། ཏུའུ་ཏན་གྲོང་རྡལ། ཧྲི་ཙི་གྲོང་རྡལ། ཁྲའོ་ན་གྲོང་རྡལ)དང་ཡུལ་ཚོ8(ཤིན་ཁའེ་ཡུལ་ཚོ་དང་། ཤིས་ཐུན་ཡུལ་ཚོ། ཧྲང་ལེང་ཡུལ་ཚོ། ལེང་ཡོན་ཡུལ་ཚོ། ལུང་མོན་ཡུལ་ཚོ། ཤིང་ཧོ་ཡུལ་ཚོ། པའེ་ལི་ཡུལ་ཚོ། ཕུའུ་ཝའོ་ཡུལ་ཚོ་བཅས)ཁྱོན་སྡེ་ཁུལ4དང་། སྲིད་འཛིན་གྲོང་ཚོ184 གྲོང་མིའི་ཚོགས་ཆུང1429བཅས་ཡོད་པ་རེད།
3
ས་ཁམས་ཁོར་ཡུག
3_1
གནས་ཡུལ་ས་ཁོངས།
ལིང་ཐའེ་རྫོང་ནི་ཀན་སུའུ་ཞིང་ཆེན་ཕིང་ལེང་གྲོང་ཁྱེར་ཁོངས་གཏོགས་རྫོང་ཡིན་པ་དང་། ཀན་སུའུ་ཞིང་ཆེན་གྱི་ཤར་ལྷོའི་རྒྱུད་དུ་གནས་པ་དང་། ཤར་ལྷོར་ཧྲའན་ཞི་ཞིང་ཆེན་གྱི་ཁྲང་ཝུའུ་དང་། པིན་རྫོང་། ལིན་ཡིའུ། ཆན་དབྱང་། ལུང་རྫོང་བཅས་དང་ས་འབྲེལ་ཡིན་པ་དང་། ནུབ་བྱང་དུ་ཀན་སུའུ་ཞིང་ཆེན་གྱི་ཁྲུང་ཤིན་དང་ཅིང་ཁྲོན་རྫོང་དང་ས་འབྲེལ་ཡིན་པ་རེད། ས་ཁམས་གནས་ཚད་ནི་གཞུང་ཐིག་ཤར་མའི107°00′—107°57′ བར་དང་། འཕྲེད་ཐིག་བྱང་མའི34°54′—35°14′བར་དུ་གནས་ཡོད་པ་ཡིན། མངའ་ཁོངས་ཡོངས་སུ་ཤར་ནུབ་ཏུ་སྤྱི་ལེ78ཡོད་པ་དང། ལྷོ་བྱང་དུ་ཞེང་ཚད་སྤྱི་ལེ40ཡོད། སྤྱིའི་རྒྱ་ཁྱོན་སྤྱི་ལེ་གྲུ་བཞི་མ2038ཡོད།
3_2
ནམ་ཟླ།
ལིང་ཐའེ་རྫོང་ནི་ཆི་ཝེ་ཆུ་བོའི་གྲང་རྒྱུད་ཀྱི་བརླན་ཁུལ་ཕལ་བའི་ཁུལ་ཡིན་པ་དང་། ལོ་རེའི་ཆ་སྙོམས་དྲོད་ཚད8.6℃དང་། ཆེས་མཐོ་བའི་དྲོད་ཚད35.8℃དང་། ཆེས་དམའ་བའི་དྲོད་ཚད-23.2℃བཅས་ཡིན། ལོ་རེའི་ཆ་སྙོམས་ཆར་ཆུ་འབབ་ཚད654.4mmཡིན་པ་དང་། ཆར་པ་འབབ་ཚད་མི་སྙོམས་པ་དང་། ཟླ7པ་དང་། 8པ། 9པ་བཅས་ཟླ་གསུམ་གྱི་ཆར་ཆུ་འབབ་ཚད་ཀྱིས་ལོ་ཧྲིལ་པོའི་ཆར་ཆུ་འབབ་ཚད་ཀྱི55.5%ཟིན་ཡོད། ལོ་རེའི་ཆ་སྙོམས་ཉི་འོད་ཕོག་ཚད་ཆུ་ཚོད2453ཡིན་པ་དང་། ལོ་ཧྲིལ་པོར་སད་མེད་དུས་ཉིན159ཡིན།
4
རང་བྱུང་ཐོན་ཁུངས།
4_1
ས་ཆའི་ཐོན་ཁུངས།
སྤྱི་ལོ2012ལོའི་བར། ལིང་ཐའེ་རྫོང་དུ་ཁྱོན་ས་ཞིང་མུའུ་ཁྲི2796758.3ཟིན་པའི་ནང་ཐོན་སྐྱེད་ཀྱི་རྣམ་པ་ལྟར་དབྱེ་ན། རྨོ་ཞིང་རྒྱ་ཁྱོན་མུའུ་ཁྲི666216.7དང་། ལྡུམ་ར་མུའུ་ཁྲི67800.2 ས་རྒོད་མུའུ་ཁྲི258440.7 ནགས་ས་མུའུ་ཁྲི1160842.7 འབྲོག་རྩྭ་མུའུ་ཁྲི643458བཅས་ཡོད་པ་རེད།
4_2
རྩི་ཤིང་གི་ཐོན་ཁུངས།
ལིང་ཐའེ་རྫོང་གི་རྩི་ཤིང་ལ་སྡོང་རིང་དང་། སྡོང་ཐུང་། དཔལ་འབྱོར་ནགས་ཤིང་བཅས་ཡོད་པ་དང་། སྡོང་རིང་ནི་སྡོང་དཀར་དང་། ལྕང་སྡོང་། སྟར་ཀ ལི་སྡོང་སོགས་གཙོ་བོ་ཡིན་པ་དང་། སྡོང་ཕྲན་ནི་སྐྱུར་ཚེར་དང་། སྐྱུར་སེར། སྤྱང་སོའི་ཚེར་མ། ཤིང་ཀྭ། སྐྱུ་རུ་ར། ཁམ་བུ་སོགས་གཙོ་བོ་ཡིན། དཔལ་འབྱོར་ནགས་ཤིང་ནི་རིའི་ཁམ་བུ་དང་། སྟར་ཀ ཁམ་བུ། ལི་ཙི། ལི་བཅས་གཙོ་བོ་ཡིན།
4_3
གཏེར་རྫས་ཀྱི་ཐོན་ཁུངས།
ལིང་ཐའེ་རྫོང་གི་ས་འོག་གཏེར་ཁུངས་གཙོ་བོ་རྡོ་སོལ་དང་། རང་བྱུང་སོལ་རླངས། རྡོ་སྣུམ་བཅས་རིགས་གསུམ་ཡོད་པ་དེའི་ནང་རྡོ་སོལ་ཐོན་ཁུངས་དེ་ལིང་ཐའེ་རྫོང་ལྷོ་རྒྱུད་རི་ཁུལ་གྱི་སྤྱི་ལེ་གྲུ་བཞི་མ14ཟིན་པའི་ཧྲའོ་ཀྲའེ་དང་། ཕུའུ་ཝའོ། པའེ་ལི་སོགས་ཤང་གྲོང་གི་ས་འོག་རྡོ་སོལ་གསོག་ཚད་རྒྱ་ཁྱོན་སྤྱི་ལེ་གྲུ་བཞི་མ200ཙམ་ཟིན་པ་དང་། བསགས་པའི་རྡོ་སོལ་གཏིང་ཚད་སྨི600ནས700བར་ཟིན་པ་རེད། རྡོ་སོལ་མཐུག་ཚད་སྨི8ནས10བར་ཟིན་པ་དང། གསོག་ཚད་ཏུན་དུང་ཕྱུར15ཡན་ཟིན་ཡོད་པ་རེད། རྡོ་སོལ་གྱི་སྤུས་ཚད་དམའ་བ་དང་། མུ་ཟི་དམའ་བ། ཚ་ཚད་ཧ་ཅང་མཐོ་བ་བཅས་ཡིན།
5
མི་འབོར་དང་མི་རིགས།
5_1
མི་འབོར།
སྤྱི་ལོ2012ལོའི་ལོ་མཇུག་བར། ལིང་ཐའེ་རྫོང་དུ་ཁྱོན་དུད་ཚང73989ཡོད་པ་དང་མི་འབོར་བསྡོམས་འབོར229752ཡོད་པའི་ནང་སྐྱེས་པ120457དང་བུད་མེད109295ཡོད་པ་དང་། ཞིང་ལས་མིན་པའི་མི་འབོར24703ཡོད། ལོ་ན18མན་གྱི་མི48104དང་། ལོ18ནས35བར་གྱི་མི59915 ལོ35ནས60བར་གྱི་མི89873 ལོ60ཡན་གྱི་མི31860བཅས་ཡོད།
5_2
མི་རིགས།
ལིང་ཐའེ་རྫོང་དུ་རྒྱ་རིགས་མང་ཞིང96.7 %ཟིན་པ་དང་། གྲངས་ཉུང་མི་རིགས་ལ་ཧུའེ་རིགས་དང་། བོད་རིགས། མན་ཇུ་རིགས། མིའོ་རིགས། སོག་རིགས་སོགས་ཡོད་པ་དེས3.3 %ཟིན་ཡོད།
6
འགྲིམ་འགྲུལ་སྐྱེལ་འདྲེན།
སྤྱི་ལོ2012ལོར། ལིང་ཐའེ་རྫོང་ལ་གཉེར་སྐྱོང་རླངས་འཁོར655ཡོད་པ་དང་། འགྲུལ་སྐྱེལ་འཁོར་རྒྱུག་བྱེད་ཚད་སྤྱི་ལེ་ཁྲི20742ཟིན་པ་དེ་སྤྱི་ལོ2011ལོ་ལས10.2%འཕར་བ་དང་། ཟོག་འདྲེན་འཁོར་རྒྱུག་བྱེད་ཚད་སྤྱི་ལེ་ཁྲི31926ཟིན་པ་དེ་སྤྱི་ལོ2011ལོ་ལས41%འཕར་ཡོད།
7
ཆབ་སྲིད་ལམ་ལུགས།
7_1
རྫོང་ཨུ།
ལིའུ་ཁའེ། རྫོང་ཨུའི་ཧྲུའུ་ཅི།
ཚུའེ་རེན་ཅེ། རྫོང་ཨུའི་ཧྲུའུ་ཅི་གཞོན་པ་དང་རྫོང་སྲིད་གཞུང་གི་རྫོང་དཔོན།
སུན་ཡིའུ་ཞན། རྫོང་ཨུའི་ཧྲུའུ་ཅི་གཞོན་པ། (འགན་བཏགས)
ཞུས་ཅུན་ཧུང་། རྫོང་ཨུའི་ཧྲུའུ་ཅི་གཞོན་པ།
ཀྲང་ཆན། རྫོང་ཨུའི་རྒྱུན་ཨུ་དང་། རྫོང་སྒྲིག་ཨུའི་ཧྲུའུ་ཅི། ལྟ་སྐུལ་ཨུ་ལྷན་གྱི་ཀྲུའུ་རེན།
ཝང་ཏུའུ་ལིན། རྫོང་ཨུའི་རྒྱུན་ཨུ་དང་། རྫོང་སྲིད་གཞུང་གི་རྫོང་དཔོན་གཞོན་པ།
དབྱང་ཅུན་ཕིང་། རྫོང་ཨུའི་རྒྱུན་ཨུ་དང་རྩ་འཛུགས་པུའུ་ཡི་པུའུ་ཀྲང་།
ལུའོ་ཏ་ཅང་། རྫོང་ཨུའི་རྒྱུན་ཨུ་དང་དྲིལ་བསྒྲགས་པུའུ་ཡི་པུའུ་ཀྲང་།
དབྱང་ཏུང་ཧུའུ། རྫོང་ཨུའི་རྒྱུན་ཨུ་དང་སྲིད་ཁྲིམས་ཨུ་ལྷན་གྱི་ཧྲུའུ་ཅི།
ཁྲེང་ཀིན་ཧུའེ། ཏང་ཨུའི་རྒྱུན་ཨུ་དང་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་།
ཝང་ཆིན་ཡེ། རྫོང་ཨུའི་རྒྱུན་ཨུ།
7_2
དམངས་ཆེན།
པེན་ཨན་ཡུའུ། རྫོང་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན།
ཀྲང་ཧུང་ཡ། རྫོང་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པ།
དབྱང་ཁྲུང་ཁོའུ། རྫོང་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པ།
ཚའོ་ཡ་ཕིང་། རྫོང་མི་དམངས་འཐུས་ཚོགས་རྒྱུན་ལས་ཨུ་ལྷན་གྱི་ཀྲུའུ་རེན་གཞོན་པ།
ཏུའུ་ཧྥུའུ་ལིན། རྫོང་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པ།
7_3
སྲིད་གཞུང་།
ཚུའེ་རེན་ཅེ། རྫོང་ཨུའི་ཧྲུའུ་ཅི་གཞོན་པ་རྫོང་སྲིད་གཞུང་གི་རྫོང་དཔོན།
ཝང་ཏུའུ་ལིན། རྫོང་ཨུའི་རྒྱུན་ཨུ་རྫོང་སྲིད་གཞུང་གི་རྫོང་དཔོན་གཞོན་པ།
ཀྲོའུ་པའོ་ཉིང་། རྫོང་སྲིད་གཞུང་གི་རྫོང་དཔོན་གཞོན་པ།
ཞིན་ཧུང་ཅུན། རྫོང་སྲིད་གཞུང་གི་རྫོང་དཔོན་གཞོན་པ།
ཞེ་རུའེ་ཧྥེང་། རྫོང་སྲིད་གཞུང་གི་རྫོང་དཔོན་གཞོན་པ།
ལི་ཀོན་ཀྲི རྫོང་སྲིད་གཞུང་གི་རྫོང་དཔོན་གཞོན་པ།
ཀྲང་གོ་ཀྲེན། རྫོང་སྲིད་གཞུང་གི་རྫོང་དཔོན་གཞོན་པ།
7_4
སྲིད་གྲོས།
ཏུའུ་ཞའོ་རུང་། རྫོང་སྲིད་གྲོས་ཀྱི་ཀྲུའུ་ཞི།
ཚའོ་ཅུས་མེ། རྫོང་སྲིད་གྲོས་ཀྱི་ཀྲུའུ་ཞི་གཞོན་པ།
ལིའུ་ཧའེ་ཐའོ། རྫོང་སྲིད་གྲོས་ཀྱི་ཀྲུའུ་ཞི་གཞོན་པ།
ཞིན་ལིན་སུའེ། རྫོང་ཆབ་གྲོས་ཀྱི་ཀྲུའུ་ཞི་གཞོན་པ།
ཀྲོའུ་ཞིན་ཡུས། རྫོང་སྲིད་གྲོས་ཀྱི་ཀྲུའུ་ཞི་གཞོན་པ།
8
དཔལ་འབྱོར་གནས་ཚུལ།
སྤྱི་ལོ2012ལོར། ལིང་ཐའེ་རྫོང་གི་ཁ་ཞེང་ཆེ་བའི་ནོར་སྲིད་ཡོང་འབབ་སྒོར་དུང་ཕྱུར་གྱི་འགག་སྒོ་ཆེན་པོ་ལས་ཐོག་མར་བརྒལ་ནས་སྒོར་ཁྲི11807ལེགས་གྲུབ་བྱུང་བ་དེ་སྤྱི་ལོ2011ལོ་དང་བསྡུར་ན52.4%འཕར་བ་དང་། སྤྱི་པའི་ནོར་སྲིད་ཡོང་འབབ་སྒོར་ཁྲི8251ལེགས་གྲུབ་བྱུང་བ་དེ་སྤྱི་ལོ2011ལོ་ལས57.2%འཕར་བ་དང་། སྤྱི་པའི་ནོར་སྲིད་འགྲོ་སྒོ་སྒོར་ཁྲི149371ཟིན་པ་དེ་སྤྱི་ལོ2011ལོ་ལས32.4%འཕར་བ་དེའི་ནང་སྤྱི་ཚོགས་འགན་སྲུང་དང་ལས་ཞུགས་ཀྱི་འགྲོ་སྒོ་སྒོར་ཁྲི16567ཟིན་པ་དེ་སྤྱི་ལོ2011ལོ་ལས10.1%འཕར་བ་དང་། སློབ་གསོའི་འགྲོ་སྒོ་སྒོར་ཁྲི35286ཟིན་པ་དེ་སྤྱི་ལོ2011ལོ་ལས65.1%འཕར་བ་རེད། སྨན་བཅོས་འཕྲོད་བསྟེན་གྱི་འགྲོ་སྒོ་སྒོར་ཁྲི10413ཟིན་པ་དེ་སྤྱི་ལོ2011ལོ་ལས61.3%འཕར། ཞིང་ནགས་ཆུ་གསུམ་ལས་དོན་གྱི་འགྲོ་སྒོ་སྒོར་ཁྲི23800ཟིན་པ་དེ་སྤྱི་ལོ2011ལོ་ལས21.3%འཕར་ཡོད།
སྤྱི་ལོ2013ལོར། སྔོན་དཔག་བྱས་ན་ལོ་ཧྲིལ་པོར་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར30.35ཟིན་ནས་15%འཕར་བ་དང་། གཏན་འཇགས་རྒྱུ་ནོར་ལ་མ་དངུལ་སྒོར་དུང་ཕྱུར40.58བཏང་ནས42.5%འཕར་བ་དང་། ཚད་ལོན་ཡན་གྱི་བཟོ་ལས་ཀྱི་འཕར་ཐང་སྒོར་དུང་ཕྱུར2.29ཟིན་ནས25.1%འཕར་ཡོད། སྤྱི་ཚོགས་ཀྱི་འཛད་རྫས་སིལ་ཚོང་བསྡོམས་འབོར་སྒོར་དུང་ཕྱུར9.8ཟིན་ནས18.2%འཕར་ཡོད། སྤྱི་པའི་ནོར་སྲིད་ཡོང་འབབ་སྒོར་ཁྲི9573ཟིན་ནས32%འཕར་ཡོད། ཞིང་པ་མི་རེའི་ཆ་སྙོམས་ཡོང་འབབ་ཁེ་གཙང་སྒོར5070ཟིན་ནས18.5%འཕར་བ། གྲོང་ཁྱེར་དང་གྲོང་རྡལ་གྱི་གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར15822ཟིན་ནས16.1%འཕར་བ་བཅས་རེད།
སྤྱི་ལོ2014ལོར། ལོ་ཧྲིལ་པོར་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར32.9ཟིན་ནས6.8%འཕར་བ་དང་། སྤྱི་ཚོགས་ཀྱི་འཛད་རྫས་སིལ་ཚོང་བསྡོམས་འབོར་སྒོར་དུང་ཕྱུར10.8ཟིན་ནས13.5%འཕར་ཡོད། སྤྱི་པའི་ནོར་སྲིད་ཡོང་འབབ་སྒོར་ཁྲི10125(དེའི་ནང་ཡོང་འབབ་སྒོར་ཁྲི1000ཚུད་པ)ཟིན་ནས5.8%འཕར་བ་དང། ཞིང་པ་མི་རེའི་ཆ་སྙོམས་ཡོང་འབབ་ཁེ་གཙང་སྒོར5403.2ཟིན་ནས12.5%འཕར་བ་དང། གྲོང་ཁྱེར་དང་གྲོང་རྡལ་གྱི་གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར15739ཟིན་ནས10.4%འཕར་ཡོད།
9
སྤྱི་ཚོགས་ལས་དོན།
9_1
ཚན་རྩལ་ལས་དོན།
སྤྱི་ལོ2012ལོར། ལིང་ཐའེ་རྫོང་གི་ཞིང་ལས་ལག་རྩལ་གསར་པའི་གྲུབ་འབྲས་ཁྱབ་གདལ་གཏོང་ཚད84.7%དང་། ཞིང་ལས་ལག་རྩལ་གསར་པའི་གྲུབ་འབྲས་བཀོལ་སྤྱོད་བྱེད་ཚད88.1% ཞིང་ལས་ཚན་རྩལ་ཡར་ཐོན་གྱི་མྱུར་ཚད7.59% ཞིང་ལས་ཚན་རྩལ་གྱིས་ལེགས་སྐྱེས་འབུལ་ཚད50.8%བཅས་ཡིན་པ་དང་། བཟོ་ལས་ཚན་རྩལ་གྱིས་ལེགས་སྐྱེས་འབུལ་ཚད50.3%ཟིན་པ་དང་བཟོ་ལས་ཚན་རྩལ་ཡར་ཐོན་གྱི་མྱུར་ཚད6.9%ཟིན་ཡོད།
9_2
སྨན་བཅོས་འཕྲོད་བསྟེན།
སྤྱི་ལོ2012ལོའི་བར། ལིང་ཐའེ་རྫོང་དུ་འཕྲོད་བསྟེན་ལས་ཁུངས19ཡོད་པའི་ནང་སྨན་ཁང་དང་འཕྲོད་བསྟེན་ཁང15དང་། སྡེ་ཁུལ་གྱི་འཕྲོད་བསྟེན་ཞབས་ཞུའི་ས་ཚིགས1 བུད་མེད་དང་ཕྲུ་གུའི་འཕྲོད་སྦྱོར་ས་ཚིགས་དང་ནད་ཡམས་སྔོན་འགོག་ཚོད་འཛིན་ལྟེ་གནས་1 འཕྲོད་བསྟེན་ལྟ་སྐུལ་སུའོ1བཅས་ཡོད་པ་དང་། ཉལ་ཁྲི698ཡོད་པའི་ནང་སྨན་ཁང་དང་འཕྲོད་བསྟེན་ཁང698ཡོད། རྫོང་ཡོངས་སུ་འཕྲོད་བསྟེན་ལག་རྩལ་མི་སྣ588ཡོད་པའི་ནང་སྨན་ཁང་དང་འཕྲོད་བསྟེན་ཁང་གི་སྨན་པ550ཡོད་པའི་ནང་ལས་གཉེར་སྨན་པ་དཀའ་བཅུ་པ་དང་ལས་གཉེར་ལས་རོགས་སྨན་པ167ཡོད། རྫོང་དང་ཡུལ་ཚོའི་འཕྲོད་བསྟེན་ལས་ཁུངས་སུ་ལོ་ཧྲིལ་པོར་སྨན་བཅོས་བྱེད་མཁན་མི་ཐེངས་ཁྲི24.94ཡོད་པ་དང་ལས་སྒོའི་སྤྱིའི་ཡོང་འབབ་སྒོར་ཁྲི6365.8ཟིན་ཡོད་པ་རེད།
དཔྱད་གཞིའི་ཡིག་ཆ།