ཀྲང་ཕིང་།སྔ་མའི་པར་གཞི་དེ བསོད་ནམས་དབང་འགྲུབ། ནས 2020-04-27 10:14ལ་འགྲུབ།
ཀྲང་ཕིང་།
ཀྲང་ཕིང་།
ཀྲང་ཕིང(གནའ་དུས་ཀྲང་ཀྲོའུ་སྲིད་གཞུང་ཀྲང་ཕིང་རྫོང་། ཉིང་ཡང་རྫོང་གི་ཁོངས་སུ་གཏོགས)ཟེར་ཞིང་། དེའི་མིང་ནི“ཡེ་ལུང་ཆུ་བོའི་བཞུར་རྒྱུན་དང་རི་ཚོགས་སྟོང་གི་རྔམ་བརྗིད་ཀྱི་ཀློང་དུ། ས་ཆ་འདི་ཉིད་ཁེར་རྐྱང་དུ་གནས”ཞེས་པ་ལས་བླངས་ཤིང་ཧྥུའུ་ཅན་ཞིང་ཆེན་གྱི་ལྷོ་ནུབ་རྒྱུད་དང་ཅིའུ་ལུང་ཅང(པེ་ཞི)སྟོད་རྒྱུད་དུ་གནས་ཡོད། འཕྲེད་ཐིག་བྱང་མ24°54′-25°47′དང་། ཤར་གྱི་གཞུང་ཐིག117°11′-117°44′བར་དུ་གནས་ཡོད།
གཞི་རྩའི་གནས་ཚུལ།
རྒྱ་ཡིག་གི་མིང་།
漳平市
རྒྱ་ཁྱོན།
སྟོང་སྨི་གྲུ་བཞི་མ2951.1
ཕྱི་ཡིག་གི་མིང་།
Zhangping City
མི་གྲངས།
ཁྲི24.2（སྤྱི་ལོ2018ལོ）
སྲིད་འཛིན་ས་ཁོངས་རིགས་དབྱེ།
རྫོང་རིམ་པའི་གྲོང་ཁྱེར།
ནམ་ཟླ།
ཚ་ཁུལ་དཀྱུས་མའི་རྒྱ་མཚོ་ཅན་གྱི་ནམ་ཟླ།
ཁོངས་གཏོགས་ས་གནས།
ཧྥུའུ་ཅན་ཞིང་ཆེན་ལུང་ཡན་གྲོང་ཁྱེར།
རླངས་འཁོར་ཚབ་ཨང་།
闽F
སྦྲག་ཨང་།
364400
སྲིད་འཛིན་ཁོངས་བགོས་ཚབ་ཨང་།
350881
དཀར་ཆག
1
ངོ་སྤྲོད།
ཀྲང་ཕིང་ནི་ནུབ་ཀྱི་ཤར་སྒོ་དང་ཤར་གྱི་ཡུང་ཁྲུན་དང་ཨན་ཞི། ལྷོ་ཡི་ཧྭ་ཨན་དང་ནན་ཅིང་། ནུབ་ཀྱི་ཞིན་ལོ་བཅས་དང་འབྲེལ་ཡོད། བྱང་ཕྱོགས་སུ་ཡུང་ཨན་དང་ཏ་ཐེན་དང་འབྲེལ་བ་དང་། ཕྱི་ཕྱོགས་སུ་ཞ་མོན་སོགས་ཧྥུའུ་ཅན་ལྷོ་རྒྱུད་ཀྱི་མཚོ་རྒྱུད་དར་རྒྱས་ཆེ་བའི་ས་ཁུལ་དང་འབྲེལ་ཞིང་། ནང་ཁུལ་ཧྥུའུ་ཅན་དང་། ཀོང་ཏུང་། ཅང་ཞི་བཅས་ཀྱི་དབུས་ཁུལ་དང་ཡང་འབྲེལ་ཡོད། ཀྲང་ཕིང་མིང་ཁྲེང་ཧྭ་ཁྲི་ལོ་བདུན(སྤྱི་ལོ1471ལོ)རྫོང་དུ་བཞག་པ་དང་། སྤྱི་ལོ1990ལོར་རྫོང་གྲོང་ཁྱེར་དུ་ཕྱིར་འཐེན་བྱས། ཧྥུའུ་ཅན་ལྷོ་རྒྱུད་ཀྱི་ཡུལ་སྐད་དང་ཀྲང་ཀྲོའུ་ཁོག་གི་ཀྲང་ཕིང་གི་སྐད་ཆ། (ས་ཁུལ་ཁ་ཤས་དཔེར་ན་ཞི་ནན་ཞིན་ཆའོ་སོགས་ཆོན་ཀྲོའུ་ས་ཁུལ་དང་ཉེ་བར་བཅར་བ་རེད) སྤྱི་ལོ2017ལོར་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར232.56ཙམ་མངོན་འགྱུར་བྱུང་ཞིང་། ལོ་གོང་མ་ལས་བརྒྱ་ཆ8.8ལ་འཕར་ཡོད།
2
ལོ་རྒྱུས་ཀྱི་འཕེལ་རིམ།
2_1
གནའ་དུས།
སྤྱི་ལོ1368ལོར(མིང་ཧུང་ཝུའུ་ཁྲི་ལོ་དང་པོ)ཀྲུའུ་ཡོན་ཀྲང་གིས་ཡོན་རྒྱལ་རབས་བསྣུབས་པ་དང་། ལོ་དེར་མིང་དམག་གིས་ཧྥུའུ་ཅན་ལ་ཁེལ་བ་དང་། ཡོན་རྒྱལ་རབས་ཀྱི་དུས་མཇུག་ཏུ་ཧྥུའུ་ཅན་ལ་དབང་སྒྱུར་ལོ4ཙམ་བྱས་པའི་ཁྲེན་ཡིའུ་ཏིང་ཁྲོམ་གཞུང་དུ་བསྒྱུར་ཏེ་ཁྱོན་བསྡོམས་ཧྥུའུ་ཀྲོའུ་དང་། ཞིན་ཧྭ། ཅན་ཉིན། ཡན་ཕིན། ཐིན་ཀྲོའུ། ཧྲའོ་ཝུའུ། ཆོན་ཀྲོའུ། ཀྲང་ཀྲོའུ་སོགས་སྲིད་གཞུང་བརྒྱད་ཀྱི་སྣེ་བླངས། ཀྲང་ཀྲོའུ་ལམ་ནི་སྤྱི་ལོ1368ལོར(ཧུང་ཝུའུ་ཁྲི་ལོ)གཞུང་ལ་བསྒྱུར། ལུང་ཡན་རྫོང་ཁོངས་སུ་ལི་ཀྲང་ཀྲོའུ་སྲིད་གཞུང་བཙུགས།
སྤྱི་ལོ1471ལོར(མིང་ཁྲེང་ཧྭ་ཁྲི་ལོ་བདུན་པ)ལུང་ཡན་རྫོང་གི་མིན་ལིན་ཐིང་སྤོས་ཤེལ་སོགས་ཀྱི་གྲོས་འགོར་གཞིགས་ནས་ཧྥུའུ་ཅན་ཞིང་ཆེན་གྱི་སྐོར་ཞིབ་ཁང་ལ་སྙན་སེང་ཞུས་ནས་ཆོག་མཆན་ཐོབ་པ་དང་། ལུང་ཡན་རྫོང་གི་ཅུས་རེན་དང་ཡུང་ཧྥུའུ་བཅས་ཀྲང་ཕིང་རྫོང་དུ་བཞག་པ་དང་ཀྲང་ཀྲོའུ་ཡི་ཁོངས་སུ་གཏོགས། སྤྱི་ལོ1536ལོར(ཅ་ཅིན་ཁྲི་ལོ་བཅོ་ལྔ་བ)ཞན་རྣམས་བསྡུས་ཏེ་ཏ་ཐེན་རྫོང་དུ་བཞག རྫོང་མིང་ནི་“ཡེ་ལུང་ཆུ་བོའི་བཞུར་རྒྱུན་དང་རི་ཚོགས་སྟོང་གི་རྔམ་བརྗིད་ཀྱི་ཀློང་དུ། ས་ཆ་འདི་ཉིད་ཁེར་རྐྱང་དུ་གནས”ཞེས་པ་ལས་བྱུང་བ་ཡིན།
2_2
ཉེ་དུས།
སྤྱི་ལོ1929ལོ་ནས་སྤྱི་ལོསྤྱི་ལོ1934ལོའི་བར་སུའུ་ཝེ་ཨེད་སྲིད་གཞུང་བཙུགས།
2_3
དེང་དུས།
སྤྱི་ལོ1949ལོའི་ཟླ6པའི་ཚེས21ཉིན་བཅིངས་འགྲོལ་ཐོབ། ལུང་ཡན་ཀྲོན་ཆུས(ས་ཁུལ)ཁོངས་སུ་གཏོགས། སྤྱི་ལོསྤྱི་ལོ1956ལོར་ཉིང་དབྱང་རྫོང་མེད་པར་བཟོས་པ་དང་། རྫོང་མཁར་ཧྲོང་དབྱང་གྲོང་རྡལ་དུ་ཞུགས། སྤྱི་ལོ1990ལོའི་ཟླ8པར་རྒྱལ་སྲིད་སྤྱི་ཁྱབ་ཁང་གིས་རྫོང་གྲོང་ཁྱེར་དུ་བསྒྱུར་རྒྱུའི་ཆོག་མཆན་གནང་སྟེ་ཧྥུའུ་ཅན་ཞིང་ཆེན་གྱི་རྫོང་རིམ་པའི་གྲོང་ཁྱེར་དགུ་པར་གྱུར། སྤྱི་ལོ1996ལོའི་ཟླ11པར་ཞིང་ཆེན་གྱི་ཐད་གཏོགས་གྲོང་ཁྱེར་དུ་གྱུར་པ་དང་། ལུང་ཡན་གྲོང་ཁྱེར་གྱིས་ཚབ་བྱས་ནས་དོ་དམ་བྱས།
3
སྲིད་འཛིན་ཁོངས་བགོས།
སྤྱི་ལོ1990ལོའི་ཟླ8པའི་ཚེས15ཉིན་རྒྱལ་སྲིད་སྤྱི་ཁྱབ་ཁང་གི་ཆོག་མཆན་ཐོབ་པ་བརྒྱུད་ཀྲང་ཕིང་རྫོང(རྫོང་རིམ་པའི་གྲོང་ཁྱེར)དུ་ཕྱིར་འཐེན་བྱས་ནས་དེ་སྔའི་ཀྲང་ཕིང་རྫོང་གི་སྲིད་འཛིན་ས་ཁོངས་ནི་ཀྲང་ཕིང་གྲོང་ཁྱེར་གྱི་སྲིད་འཛིན་ས་ཁོངས་ཡིན། ལོ་དེའི་ཟླ12པའི་ཚེས1ཉིན། ཀྲང་ཕིང་གྲོང་ཁྱེར་དངོས་སུ་བཙུགས། ཀྲང་ཕིང་གྲོང་ཁྱེར་དུ་ཁྱོན་བསྡོམས་གྲོང་རྡལ5དང་ཡུལ་ཚོ11 གྲོང་མིའི་ཨུ་ཡོན་ལྷན་ཁང10 སྲིད་འཛིན་གྲོང་ཚོ182 གྲོང་མིའི་ཚོ་ཆུང1703བཅས་ཡོད། སྤྱི་ལོ2017ལོར་ཀྲང་ཕིང་གྲོང་ཁྱེར་གྱི་ཆུས་ཡོན་ཁྲེང་དང་ཀུའེ་ལིན་ཁྲོམ་གཞུང2དང་། ཧོ་ཕིང་དང་། ཀུང་ཆའོ། ཡུང་ཧྥུའུ། ཞི་ནན། ཞང་ཧུའུ། ཞིན་ཆའོ། ཧྲོང་ཧའེ། ཁྲི་ཧྲུའེ། ཞི་ཡོན། ནན་དབྱང་། ལུའུ་ཀྲི་བཅས་གྲོང་རྡལ11དང་། ཀོན་ཐེན་དང་། ཝུའུ་མེན། ལིང་ཏི་བཅས་ཡུལ་ཚོ3ཡོད་ལ། སྡོད་དམངས་ཨུ་ཡོན་ལྷན་ཁང25དང་གྲོང་མིའི་ཨུ་ཡོན་ལྷན་ཁང173 རང་བྱུང་གྲོང་ཚོ901བཅས་ཡོད།
4
ས་ཁམས་ཁོར་ཡུག
4_1
ས་དབྱིབས།
ཀྲང་ཕིང་ནི་ཏའེ་ཡུན་ཧྲན་རི་བོ་དང་། ཆི་ཧྲན་རི་བོ། པོ་ཕིང་ལིན་བཅས་རི་རྒྱུད་ཆེན་པོ་གསུམ་གྱི་འབྲེལ་མཚམས་སུ་གནས་ཡོད། ཅིའུ་ལུང་ཅང་གཙང་པོའི་བྱང་རྒྱུད་ཀྱི་ཆུ་བོའི་དབུས་རྒྱུད་དུ་ཀྲང་ཕིང་ལྷོ་བྱང་གཉིས་སུ་ཕྱེ་ཡོད། ས་བབ་ནི་ལྷོ་ནས་བྱང་དུ་དབུས་རྒྱུད་ཀྱི་ལུང་གཞུང་དུ་གསེག་སྟེ་རྟ་སྒ་དབྱིབས་སུ་སྣང་། དབུས་རྒྱུད་ཀྱི་གཙང་པོའི་ངོགས་གཉིས་ནི་ཀྲང་ཕིང་གྲོང་ཁྱེར་གྱི་ས་བབ་ཅུང་ཁོད་སྙོམས་པའི་ལུང་གཞུང་དང་རི་མ་ཐང་དུ་གནས་ཡོད། བྱང་ཕྱོགས་ནི་ཟམ་པ་གསར་བའི་ཆུ་ཕྲན་གྱིས་མཚམས་བྱས་ཤིང་། ཤར་ཕྱོགས་ནི་ཏའེ་ཡུན་རི་བོའི་ལྷོ་སྣེ་ཡི་ལྷོ་ནུབ་ངོས་སུ་གཏོགས་པ་དང་། ནུབ་མཐའ་ནི་ཅའོ་ཙི་རི་རྒྱུད་ཀྱི་ཤར་ལྷོའི་ངོས་སུ་གཏོགས། རི་གཉིས་ཕན་ཚུན་ཁ་གཏད་ནས་དོག་ཅིང་རིང་བའི་ཟམ་པ་གསར་པའི་ཆུ་ཕྲན་གྱི་ལུང་གཞུང་དུ་གྲུབ། ཆི་ཏུང་། ཏའེ་ཡུན་ཧྲན་གྱི་ཡན་ལག་རི་རྒྱུད་གཉིས་ཏ་ཐེན་དང་ཨན་ཞི་ནས་རྒྱལ་ཁོངས་སུ་ཡོང་བ་དང་། ལྷོ་ནུབ་ཏུ་ཅིའུ་ལུང་གཙང་པོའི་བྱང་འགྲམ་དུ་བསྲིངས། ཡན་ལག་གཉིས་ཀྱི་བར་དུ། དེའི་ནུབ་ལ། རྩ་ཕྲན་གཉིས་ཀྱི་བར་དུ། ཅིའུ་ལུང་གཙང་པོའི་ལྷོ་ངོས་ཀྱི་ས་ཁུལ་མང་ཆེ་བ་ནི་པོ་ཕིང་ལིང་རི་རྒྱུད་ཀྱིས་བཟུང་ཡོད། ས་བབ་མཐོ་ལ་ཕྱོགས་བཞི་རི་ཚོགས་ཀྱིས་འགྱིང་ངེར་གནས་པ་དང་། ཀྲེ་ཅང་སྨད་ཀྱི་ཆུ་ཕྲན་དབུས་རྒྱུད་བརྒྱུད་དེ་ཆ་སྙོམས་རྒྱ་མཚོའི་ངོས་ལས་མཐོ་ཚད་སྨི750ཙམ་ཡོད་པའི་ཡུང་ཕུའུ་རི་ཁྲོད་གཞོང་ས་ཆགས་ཡོད། ས་བབ་ནི་ལྷོ་ནུབ་ནས་བྱང་ཤར་གྱི་ཅིའུ་ལུང་གཙང་པོའི་ལུང་གཞུང་དུ་ཆགས་ཡོད་པ་ཞིག་ཡིན།
4_2
ནམ་ཟླ།
ཀྲང་ཕིང་ནི་ཚ་ཁུལ་ཕལ་བའི་དུས་རླུང་གི་ནམ་ཟླའི་ཁོངས་ཡིན་པ་དང་། དབུས་རྒྱུད་ཀྱི་ལུང་གཞུང་ཁུལ་ལ་རྒྱ་མཚོའི་རང་བཞིན་གྱི་དུས་རླུང་གི་ཤུགས་རྐྱེན་ཐེབས་ནས་ཚ་ཁུལ་ཕལ་བའི་ནམ་ཟླ་ཡིན། ཚ་བ་ཆེ་ཞིང་བཞའ་ཚན་ཆེ་བ། ཆར་ཆུ་འབེལ་བ། དགུན་དུས་སུ་གྲང་ངར་མེད་པ། དབྱར་དུས་སུ་ཚ་གདུག་མེད་པ། ཐད་ཀར་གྱི་གནམ་གཤིས་མངོན་གསལ་དོད་པ། སྐམ་རློན་གྱི་དུས་ཚིགས་གསལ་བ། གནོད་སྐྱོན་ཆེ་བའི་གནམ་གཤིས་ཡང་ཡང་ཐོན་པ་སོགས་ཀྱི་ཁྱད་ཆོས་ལྡན་ཡོད།
5
རང་བྱུང་ཐོན་ཁུངས།
5_1
ཆུའི་ཐོན་ཁུངས།
ཀྲང་ཕིང་ལ་ཆུའི་ཐོན་ཁུངས་ཕུན་སུམ་ཚོགས་པོ་ཡོད་པ་དང་། མངའ་ཁོངས་ནང་གི་ཆུ་ཕྲན་སྟུག་པོ་ཡོད་པ། ཆུ་ལམ་གྱི་ངོས་གཟར་པོ་ཡོད་པ། ཆུ་ཁོངས་རྒྱ་ཆེ་བ། ཆུ་རྒྱུད་ལེགས་པ། ཆུའི་སྤུས་ཚད་ལེགས་པ། ཅིའུ་ལུང་ཅང་པེ་ཞི་ནས་ནུབ་ཕྱོགས་ནས་ཤར་ཕྱོགས་སུ་ཀྲང་ཕིང་གྲོང་ཁྱེར་གྱི་དབུས་རྒྱུད་འཕྲེད་དུ་བརྒལ་བ། དེའི་ཆུ་ལག་ནི་ལོ་མའི་དབྱིབས་ལྟར་ཀྲང་ཕིང་གྲོང་ཁྱེར་དུ་ཁྱབ་ཡོད། ཀྲང་ཕིང་གྲོང་ཁྱེར་གྱི་བཞུར་རྒྱུན་ཕུན་སུམ་ཚོགས་པོ་ཡོད་པ་དང་ཆུའི་ཐོན་ཁུངས་བསྡོམས་འབོར་སྨི་རྒྱ་དཔངས་གྲུ་བཞི་དུང་ཕྱུར28.79ཟིན་པ་དང་མི་རེའི་ཆ་སྙོམས་ཆུའི་ཐོན་ཁུངས་བསྡོམས་འབོར་སྨི་རྒྱ་དཔངས་གྲུ་བཞི་ཁྲི1.1ཟིན་ནས་ཀྲུང་གོ་དང་ཕུའུ་ཅན་ཞིང་ཆེན་གྱི་མི་རེའི་ཆ་སྙོམས་ཆུ་ཚད་ལས་མཐོ་བ་ཡོད་པ་རེད། ཆུ་ནུས་ཐོན་ཁུངས་ཀྱི་རིགས་པའི་གཞུང་ལུགས་གསོག་ཚད་ཆན་ཝ་ཁྲི36ཟིན་པ་དང་། ཆུ་ནུས་ཐོན་ཁུངས་ཆན་ཝ་ཁྲི33གསར་སྤེལ་བེད་སྤྱོད་ཐུབ་པ། ཆུ་ནུས་ཐོན་ཁུངས་གསར་སྤེལ་བྱེད་ཚད་ཆན་ཝ་ཁྲི32.49ཟིན་པ་དེའི་ནང་སྒྲིག་སྦྱོར་བྱས་པའི་འཕྲུལ་འཁོར་ནས་ཆན་ཝ་ཁྲི1ཡན་གྱི་ཆུ་ཤུགས་གློག་ཁང7ཡོད་པ་རེད།
6
དཔལ་འབྱོར།
6_1
རགས་བཤད།
ཀྲུང་གོ་གསར་པ་དབུ་མ་བརྙེས་གོང་ཀྲང་ཕིན་འགྲིམ་འགྲུལ་འགག་པ་དང་། རིག་གནས་སློབ་གསོའི་བྱ་གཞག་རྗེས་ལུས་ཐེབས་པ། རང་མཁོ་རང་སྤྲོད་ཀྱི་རང་བྱུང་དཔལ་འབྱོར་གྱི་གནས་སུ་གྱར་ཡོད། ཐོན་ཁུངས་མང་ཆེ་བ་གསར་སྤེལ་དང་བེད་སྤྱོད་བྱེད་མ་ཐུབ། ངལ་རྩོལ་མི་དམངས་ཀྱིས་ཡོ་བྱད་ཐབས་ཆག་ལ་བརྟེན་ནས་འབྲུ་རིགས་གཙོ་བོར་བྱེད་པའི་ཞིང་ལས་ཐོན་སྐྱེད་ཀྱི་བྱེད་སྒོ་སྤེལ་བ་དང་། རྨོ་འདེབས་རགས་ལས་ཡིན་པ། ཐོན་སྐྱེད་ཀྱི་ཆུ་ཚད་དམའ་བ་བཅས་ཀྱི་ཁར། བཀས་བཀོད་རྒྱུད་འཛིན་གྱི་ས་བོགས་ཀྱི་བཤུ་གཞོག་ཡོད་པས་མི་མང་ཆེ་བས་ལྟོ་གོས་གཉིས་འཛོམས་ཡོང་ཐབས་བྱེད་དཀའ། བཟོ་ལས་ནི་ལག་ཤེས་བཟོ་ལས་ཀྱི་ཐོན་སྐྱེད་ཁོ་ན་ཡིན་ཞིང་། གྲོང་ཁྱེར་དང་གྲོང་རྡལ་ནི་ཐར་ཐོར་ཐར་ཐོར་གྱི་ལག་ཤེས་བཟོ་ཁང་ཡིན་པ་དང་། གྲོང་གསེབ་ནི་སྲོལ་རྒྱུན་གྱི་ཁྱིམ་ཚང་ལག་ཤེས་བཟོ་ལས་ཡིན་པས། ཐོན་སྐྱེད་ཀྱི་གཞི་ཁྱོན་ཆུང་བ་དང་ཐོན་ཚད་དམའ་བ་རེད། ལོ་རབས40བའི་མཇུག་ཏུ། སྒེར་གཉེར་གློག་ཁང་ཆུང་བ2དང་དཔར་ཁང1བཙུགས།
སྤྱི་ལོ1949ལོའི་ལོ་མཇུག་ཏུ་ཀྲང་ཕིན་གྲོང་ཁྱེར་གྱི་བཟོ་ལས་དང་ཞིང་ལས་ཀྱི་ཐོན་རྫས་རིན་ཐང་བསྡོམས་འབོར་སྒོར་ཁྲི1259ཡིན་པ་དང་མི་རེར་ཆ་སྙོམས་སུ་སྒོར154ཡིན། དེའི་ནང་ཞིང་ལས་ཀྱི་སྤྱིའི་ཐོན་རྫས་རིན་ཐང་སྒོར་ཁྲི1090ཟིན་པ་དེས86.6%བཟུང་བ་དང་། འབྲུ་རིགས་ཀྱི་སྤྱིའི་ཐོན་ཚད་ཏུན2སྤྱི་ལོ1981ཟིན་པ། བཟོ་ལས་ཀྱི་སྤྱིའི་ཐོན་རྫས་རིན་ཐང་སྒོར་ཁྲི169ཟིན་པ་བཅས་ཀྱིས13.4%བཟུང་ཡོད་པ་རེད། ཚོང་ལས་ཐད་ཡིག་ཟམ་གློག་འཕྲིན་དང་ཨར་ལས་ལས་རིགས་ཁག་ཚང་མ་ཧ་ཅང་རྗེས་ལུས་ཐེབས་པ་དང་དཔལ་འབྱོར་གྱི་རྨང་གཞི་ཞན་པོ་རེད།
སྤྱི་ལོ1949ལོའི་ལོ་མཇུག་བར། ཀྲང་ཕིང་གྲོང་ཁྱེར་གྱི་ཐོན་སྐྱེད་རིན་ཐང་བསྡོམས་འབོར་སྒོར་ཁྲི1375ཡིན་པ་དང་མི་རེར་ཆ་སྙོམས་སྒོར168 རྒྱལ་དམངས་ཡོང་འབབ་སྒོར་ཁྲི984མི་རེར་ཆ་སྙོམས་སྒོར120བཅས་ཡོད། སྤྱི་ཚོགས་ཀྱི་ཚོང་ཟོག་སིལ་ཚོང་བསྡོམས་འབོར་སྒོར་ཁྲི50ཟིན་ནས་མི་རེར་ཆ་སྙོམས་སྒོར18.30ཟིན་ཡོད།
7
འགྲིམ་འགྲུལ།
7_1
གཞུང་ལམ།
སྤྱི་ལོ1955ལོར་ཀྲང་ཕིང་ནས་ལུང་ཡན་བར་གྱི་གཞུང་ལམ་གསར་བཟོ་བྱས་པ་དང་། དེའི་ཕྱི་ལོར་རླངས་འཁོར་ཤར་གཏོང་ཐུབ་པ་རེད།
སྤྱི་ལོ1957ལོར་ཀྲང་ཕིན་ནས་ཡུང་ཧྥུ་བར་གྱི་གཞུང་ལམ་བཟོས།
སྤྱི་ལོ1958ལོར་ཀྲང་ཕིང་གྲོང་ཁྱེར་གྱི་ཤང(གྲོང་རྡལ)ཁག་ཏུ་ལམ་བཟོ་བའི་ཚ་རླབས་འཕྱུར་ནས་རྫོང་དང་ཤང་གི་སྟབས་བདེའི་གཞུང་ལམ་གྱི་གཞི་ཁྱོན་རགས་ཙམ་ཆགས་ཡོད།
སྤྱི་ལོ1963ལོར་ཞིང་ཆེན་གྱི་ཏའོ་ཧྥུའུ་ལྕགས་ལམ་གསུམ་པ་དབུས་རྒྱུད་དུ་འཕྲེད་བརྒལ་བྱས། དེ་རྗེས་རྫོང་དང་ཤང་གི་གཞུང་ལམ་ཟམ་མི་ཆད་པར་སྣུར་སྲིང་བྱས་པ་དང་ཆེད་སྤྱོད་གཞུང་ལམ་ཡང་སྐྲུན་འགོ་ཚུགས་ཡོད།
སྤྱི་ལོ1973ལོར་ཞིང་ཆེན་ལམ་གྱི་སོག་ལམ་ནས་ལྷོ་རྒྱུད་དུ་འཕྲེད་བརྒལ་བྱས་པ་དང་ས་ཁོངས་ནང་རླངས་འཁོར་ཤར་གཏོང་ཐུབ་པའི་ལམ་ཚད་སྤྱི་ལེ534ཟིན་ནས་ཤང་གྲོང་ཡོངས་དང་སྲིད་འཛིན་གྲོང་ཚོ་ཕྱེད་ཀར་གཞུང་ལམ་ཤར་གཏོང་ཐུབ་ཡོད།
སྤྱི་ལོ1978ལོ་ནས་བཟུང་བཟོ་སྐྲུན་ལག་རྩལ་གྱི་ཚད་གཞི་ལྟར་ལམ་བུ་གསར་པ་བསྐྲུན་པ་དང་ལམ་རྙིང་སྒྱུར་བཀོད་བྱས་པས། ལམ་ཐིག་མགྱོགས་མྱུར་ངང་རྒྱ་བསྐྱེད་པ་དང་སྤུས་ཚད་ཡོངས་ཁྱབ་ཏུ་ཇེ་མཐོར་སོང་།
སྤྱི་ལོ1990ལོ་བར་ཀྲང་ཕིང་གྲོང་ཁྱེར་དུ་རླངས་འཁོར་ཤར་གཏོང་ཐུབ་པའི་ལམ་ཐག་སྤྱི་ལེ1144.5ཟིན་པའི་ནང་རིམ་པ་མཐོ་བའི་གཞུང་ལམ་སྤྱི་ལེ566དང་སྣུམ་སྙིགས་སྣུམ་ནག་གཞུང་ལམ་སྤྱི་ལེ126.5ཟིན་ཡོད། ཆ་སྙོམས་སྤྱི་ལེ་ངོས་གྲུ་བརྒྱ་རེར་གཞུང་ལམ་སྤྱི་ལེ38.5རེ་ཡོད་པ་དང་སྲིད་འཛིན་གྲོང་ཚོ96%ལ་གཞུང་ལམ་ཤར་གཏོང་ཐུབ་ནས་ས་ཁུལ་ཡོངས་ཀྱི་ཨང་དང་པོར་སླེབས་ཡོད། ཞིང་ཆེན་རིམ་པའི་ལམ་རྒྱུད་དང་ལམ་རྒྱུད་ནི་ལྷོ་བྱང་བར་དུ་སྦྲེལ་ཡོད་པ་དང་། ཧྥུའུ་ཐིག་གསུམ་པ་དང་སྙེ་མའི་ཐིག་གིས་དངོས་པོ་འཕྲེད་དུ་བཅད་ཡོད་པ་མ་ཟད། ཞང(གྲོང་རྡལ)ཁག་ལ་ཁྱབ་འགྱེད་བྱས་ཏེ་འཕྲེད་གཞུང་བསྣོལ་བའི་འགྲིམ་འགྲུལ་དྲ་བ་ཆགས་པ་རེད།
8
གཟི་བརྗིད་མཚན་སྙན།
སྤྱི་ལོ2019ལོའི་ཟླ2པའི་ཚེས2ཉིན་རྒྱལ་ཁབ་ཀྲུང་ལུགས་གསོ་རིག་དོ་དམ་ཅུས་ཀྱིས་རྫོང་རིམ་པའི་རྒྱལ་ཡོངས་ཀྱི་གཞི་རིམ་ཀྲུང་ལུགས་གསོ་རིག་ལས་དོན་གྱི་སྔོན་ཐོན་ཚན་པར་བདམས་པ་རེད།
དཔྱད་གཞིའི་ཡིག་ཆ།