མེང་ཀྲོའུ་གྲོང་ཁྱེར།སྔ་མའི་པར་གཞི་དེ ཁྲི་པདྨ་རྣམ་རྒྱལ། ནས 2020-04-03 08:58ལ་འགྲུབ།
མེང་ཀྲོའུ་གྲོང་ཁྱེར།
མེང་ཀྲོའུ་གྲོང་ཁྱེར།
མེང་ཀྲོའུ་གྲོང་ཁྱེར་ནི་ཧོ་ནན་ཞིང་ཆེན་ཅའོ་ཙུའོ་གྲོང་ཁྱེར་གྱི་ཁོངས་སུ་གཏོགས་ལ། ཅའོ་ཙུའོ་གྲོང་ཁྱེར་གྱིས་རྫོང་རིམ་པའི་གྲོང་ཁྱེར་གྱི་ཚབ་དུ་དོ་དམ་བྱེད་ཀྱིན་ཡོད།ས་ཁམས་གནས་ཚད་ནི་ཤར་གྱི་གཞུང་ཐིག112°33’— 112°55’དང་བྱང་གི་འཕྲེད་ཐིག34°50’— 35°02’བར་ཡིན། སྤྱིའི་རྒྱ་ཁྱོན་ལ་སྤྱི་ལེ་ངོས་གྲུ་བཞི་མ541.6དང་ཁོངས་སུ་ཁྲོམ་གཞུང4དང་། གྲོང་རྡལ6ཤང1བཅས་ཡོད། སྤྱི་ལོ2016ལོར་གྲོང་ཁྱེར་དེ་ཡོངས་ཀྱི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར288.7ཡོད་པ་དེ་དུས་མཚུངས་ལས8.5%འཕར་ཡོད།
གཞི་རྩའི་གནས་ཚུལ།
རྒྱ་ཡིག་གི་མིང་།
孟州市
སྲིད་འཛིན་ཁུལ་གྱི་རིགས།
རྫོང་རིམ་པའི་གྲོང་ཁྱེར།
ཁོངས་གཏོགས་ས་ཁུལ།
ཧོ་ནན་ཞིང་ཆེན་དང་ཅའོ་ཙུའོ་གྲོང་ཁྱེར།
མངའ་ཁོངས།
ཏ་ཏིང་ཁྲོམ་ལམ་དང་ཚོས་སེར་ཞིང་ཞང་།
སྲིད་གཞུང་གི་ས་གནས།
ཏ་ཏིང་ལྷོ་ལམ་ཨང280པ།
ས་ཁོངས་ཁ་པར་ཨང་རྟགས།
0391
སྦྲག་སྲིད་ཨང་རྟགས།
454750
ས་གནས།
ཧོ་ནན་ཞིང་ཆེན་གྱི་ནུབ་བྱང་རྒྱུད།
རྒྱ་ཁྱོན།
སྤྱི་ལེ་གྲུ་བཞི་མ541.6ཡོད།
མི་གྲངས།
མི383772ལྷག་ཡོད།(2016ལོ)
ནམ་ཟླའི་ཆ་རྐྱེན།
དྲོད་རྒྱུད་སྐམ་སའི་རང་བཞིན་གྱི་དུས་རླུང་ནམ་ཟླ།
རླངས་འཁོར་ཚབ་ཨང་།
ཡུས （豫）H
སྲིད་འཛིན་ས་ཁུལ་དབྱེ་མཚམས་ཚབ་ཨང་།
410883
དཀར་ཆག
- 1 འཛུགས་སྐྲུན་གྱི་འཕེལ་རིམ།
- 2 སྲིད་འཛིན་ས་ཁུལ་གྱི་དབྱེ་མཚམས།
- 3 ས་ཁམས་ཁོར་ཡུག
-
3.1 ས་དབྱིབས།
3.2 ས་རྒྱུ།
3.3 ནམ་ཟླ།
- 4 རང་བྱུང་ཐོན་ཁུངས།
-
4.1 གཏེར་རྫས་ཐོན་ཁུངས།
4.2 ཆུའི་ཐོན་ཁུངས།
4.3 སྐྱེ་དངོས་ཐོན་ཁུངས།
- 5 མི་གྲངས་དང་མི་རིགས།
- 6 མགོ་ཁྲིད་གཙོ་བོ།
- 7 དཔལ་འབྱོར།
-
7.1 བསྡུས་བཤད།
7.2 གཙོ་ཁྲིད་ཐོན་ལས།
7.3 ཐོན་ལས་འདུས་ཁུལ།
7.4 ལས་རྣམ་གསར་པ།
7.5 སྒོ་འབྱེད་གསར་གཏོད།
7.6 ཁྱད་ལྡན་ཞིང་ལས།
- 8 སྤྱི་ཚོགས།
-
8.1 གྲོང་ཁྱེར་དང་གྲོང་གསེབ་འཛུགས་སྐྲུན།
8.2 སྐྱེ་ཁམས་འཛུགས་སྐྲུན།
- 9 སྤྱི་ཚོགས་ལས་དོན།
- 10 འགྲིམ་འགྲུལ་སྐྱེལ་འདྲེན།
1
འཛུགས་སྐྲུན་གྱི་འཕེལ་རིམ།
གནའ་རྫས་རྟོག་ཞིབ་ཀྱི་དཔྱད་གཞི་ལས་མངོན་པར་གཞིགས་ན། རྡོ་ཆས་གསར་མའི་དུས་སུ་མིའི་རིགས་མོང་ཀྲོའུ་རུ་འཚོ་སྡོད་བྱེད་ཀྱིན་ཡོད་ལ། ཕེ་ལི་ཀང་རིག་གནས་དང་། དབྱང་ཧྲའོ་རིག་གནས། ལུང་ཧྲན་རིག་གནས་བཅས་སུ་ཤེས་རྟོགས་བྱུང་ཐུབ།
མེང་ཀྲོའུ་ནི་ཞ་རྒྱལ་རབས་ཀྱི་ཁོངས་མེང་ཐུའུ་ཧྲི་ཡི་མངའ་འོག་ཏུ་གཏོགས་པས་མེང་ཐུའུ་རྒྱལ་ཁབ་ཅེས་འབོད། ཧྲང་ཀྲོའུ་དང་ཀྲོའུ་རྒྱལ་རབས་ཀྱི་དུས་སུ། ཀྲོའུ་ཝུའུ་ཝང་ཅི་ཡིས་ཀྲང་ལ་དཔུང་འཇུག་བྱས་ཤིང་། རྒྱལ་ཕྲན་བརྒྱད་བརྒྱ་ཡིས་རྨ་ཆུའི་བྱང་ངོགས(ད་ལྟའི་ལུའོ་དབྱང་ཅི་ལི་ས་ཁུལ། སྤྱི་ལོ1979ལོའི་སྔོན་དུ་མེང་ཀྲོའུ་ཡི་ཁོངས་གཏོགས་ས་ཆ་ཡིན)གྲུ་ཁ་དེ་མེང་ཅིན་དུ་བཏང་བས། ཧྥུ་ཕིན་ཅིན་ཡང་ཟེར། ཀྲོའུ་རྒྱལ་རབས་ཀྱི་དུས་འགོར་འདིར“མེང”ཞེས་འབོད་ཀྱིན་ཡོད།
ཆིན་རྒྱལ་རབས་ཀྱི་ཁོངས་སན་ཁྲོན་ཅུན་བྱང་གི་མངའ་ཁོངས་སུ་གཏོགས་ཤིང་། ཧོ་ཡུས་རྫོང་གི་ཆ་ཤས་ཤིག་ཡིན། ཧན་ཝུའུ་ཏི་ཁྲི་ལོ་ལྔའི(སྤྱི་ལོའི་སྔོན་གྱི106ལོར)ལ་གནམ་འོག་ཁག་བཅུ་གསུམ་དུ་བགོས་ཤིང་། ཐོག་མར་ཧོ་དབྱང་རྫོང་ཞེས་འབོད། ལི་ཧོ་ནེ་ཅུན་ཞེས་འབོད། དེ་རྗེས་ལོ་ངོ་སྟོང་ལ་ཉེ་བའི་རིང་ལ་མིང་བསྒྱུར་ཐེངས་ཁ་ཤས་ལ་ཧོ་ཐིང་རྫོང་དང་། ཏ་ཅི་རྫོང་། ཀུའུ་ཏན་རྫོང་། མེང་ཀྲོའུ་སོགས་ཟེར། ཐང་ཝུའུ་ཙུང་ཧུའེ་ཁྲང་ནས་ལོ་གསུམ་གྱི་རིང(སྤྱི་ལོ843ལོར)ཧོ་དབྱང་མེང་ཀྲོའུ་རུ་འཕར་བ་དང་། ཧོ་དབྱང་དང་། ཅི་ཡོན། ཝུན་ཅང་། ཆི་ཧྲུའེ། ཧོ་དབྱིན་བཅས་རྫོང་ལྔ་ཁྲིད་དེ་དབྱི་དང་། ལི་ཧོ་པེའི་ཏའོ་རུ་གྱུར། མིང་ཧུང་ཝུའུ་ཡི་དུས་འགོར་སྔར་བཞིན་མེང་ཀྲོའུ་དང་། སྤྱི་ལོ1977ལོར་མེང་རྫོང་དུ་བསྒྱུར།
སྤྱི་ལོ1945ལོའི་ཟླ9པའི་ཚེས4ཉིན། མེང་རྫོང་ལ་ཐེངས་དང་པོར་བཅིངས་འགྲོལ་ཐོབ་པ་དང་། སྤྱི་ལོ1947ལོའི་ཟླ7པའི་ཚེས7ཉིན་ཆེས་མཐའ་མཇུག་གི་བཅིངས་འགྲོལ་ཐོབ། སྤྱི་ལོ1996ལོའི་ཟླ5པའི་ཚེས20ཉིན། རྒྱལ་སྲིད་སྤྱི་ཁྱབ་ཁང་གི་ཆོག་མཆན་ཐོབ་པ་བརྒྱུད། མེང་རྫོང་གིས་རྫོང་བཙུགས་ནས་མེང་ཀྲོའུ་གྲོང་ཁྱེར་བཙུགས་པ་དང་། ཁོངས་གཏོགས་ས་ཁུལ་ལ་འགྱུར་བ་བྱུང་མེད།
2
སྲིད་འཛིན་ས་ཁུལ་གྱི་དབྱེ་མཚམས།
མེང་ཀྲོའུ་གྲོང་ཁྱེར་གྱི་ཁོངས་སུ་སྲང་ལམ4དང་། གྲོང་རྡལ6ཞང1བཅས་ཡོད། དེ་དག་ནི་ཏ་ཏིང་སྲང་ལམ་དང་། ཧུའེ་ཁྲང་སྲང་ལམ། ཧོ་ཡུང་སྲང་ལམ། ཧོ་དབྱང་སྲང་ལམ། རྫས་འགྱུར་བཟོ་ལས་གྲོང་རྡལ། ནན་ཀྲོང་གྲོང་རྡལ། ཁྲེང་པོ་གྲོང་རྡལ། ཀུའུ་ཏན་གྲོང་རྡལ། ཞི་ཏན་གྲོང་རྡལ། ཀྲའོ་ཧོ་གྲོང་རྡལ། ཧུའེ་ཧྲུའུ་ཤང་བཅས་ཡིན།
3
ས་ཁམས་ཁོར་ཡུག
3_1
ས་དབྱིབས།
མེང་ཀྲོའུ་གྲོང་ཁྱེར་ནི་རི་བོ་ཐའེ་ཧང་ཧྲན་མདུན་གྱི་རི་མ་ཐང་ནས་ཧྭ་བྱང་བདེ་ཐང་གི་བར་བརྒལ་ས་ཁུལ་དུ་གནས་ཡོད་པ་དང་། ས་བབ་ནི་ནུབ་བྱང་ནས་ཤར་ལྷོའི་ཕྱོགས་སུ་གསེག་ཡོད་པ་དང་། མཚོ་ངོས་ཀྱི་མཐོ་ཚད་ནི་སྨི305.9ནས་སྨི108.5རུ་མར་ཆགས་ཡོད་པ་དང་། མངའ་ཁོངས་སུ་ནུབ་ནས་ཤར་ཕྱོགས་སུ་མངོན་གསལ་གྱི་རི་ཆུང་ནས་རི་མ་ཐང་དང་བདེ་ཐང་གི་བར་བརྒལ་ཁྱད་ཆོས་ལྡན་ཡོད་ཅིང་། རི་མ་ཐང་དང་། ཐང་གཤོངས་ཐང་། གྲམ་ངོགས་ས་ཁུལ་བཅས་སོ་སོས་གསུམ་ཆ་གཅིག་བཟུང་ཡོད།
3_2
ས་རྒྱུ།
མེང་ཀྲོའུ་གྲོང་ཁྱེར་གྱི་ས་རྒྱུ་ནི་ས་ཁམ་ནག་དང་ཁྲའོ་ཐུའུ་གཉིས་ལས་གྲུབ་པ་དང་། ས་ཁམ་ནག་གི་འོག་ཏུ་ས་སེར་དང་། ས་དམར་སོགས་སའི་ས་བོན་བརྒྱད་ཡོད་ཅིང་། ནུབ་རྒྱུད་ཀྱི་རི་མ་ཐང་དུ་ཁྱབ་ཡོད། མཚོ་རླབས་འོག་གཉིས་བསྲེས་ས་དང་། བྱེ་ས་སོགས་ ཡུལ་རིགས6ཡོད་ལ་ཤར་རྒྱུད་བདེ་ཐང་དང་རྨ་ཆུའི་གྲམ་ཐང་ཁུལ་དུ་ཁྱབ་ཡོད།
3_3
ནམ་ཟླ།
མེང་ཀྲོའུ་གྲོང་ཁྱེར་ནི་དྲོད་རྒྱུད་སྐམ་སའི་རང་བཞིན་གྱི་དུས་རླུང་ནམ་ཟླའི་ཁོངས་ཡིན་པ་དང་། དུས་བཞིར་དབྱེ་བ་གསལ་པོ་ཡོད་ལ། ལོ་རེའི་ཆ་སྙོམས་དྲོད་ཚད་ནི14.2℃དང་། ལོ་རེར་ཉི་འོད་ཆུ་ཚོད2160.4 ལོ་རེར་ཆ་སྙོམས་ཆར་ཆུ་འབབ་ཚད་ཧའོ་སྨི586.9དང་སད་མེད་དུས་ཉིན209ཡིན། རླུང་ཕྱོགས་གཙོ་བོ་ནི་ལྷོ་ནུབ་རླུང་དང་བྱང་ཤར་རླུང4ཡིན།
4
རང་བྱུང་ཐོན་ཁུངས།
4_1
གཏེར་རྫས་ཐོན་ཁུངས།
མེང་ཀྲོའུ་གྲོང་ཁྱེར་གྱིས་རྩད་ཆོད་པའི་གཏེར་རྫས་ཐོན་ཁུངས་ལ་རྡོ་གཡམ་སོལ་རླངས་དང་། ཆུ་རྡོ། ཐལ་རྡོ། སྔོན་རྡོ། ས་མྱག སྣུམ་ལྡེབ་རྡོ། ཆུ་རྡོ། རྡོ་སོལ་ཉུང་ཙམ་བཅས་ཡོད།
4_2
ཆུའི་ཐོན་ཁུངས།
མེང་ཀྲོའུ་གྲོང་ཁྱེར་གྱི་མངའ་ཁོངས་སུ་རྨ་ཆུ་དང་། ཆུ་བོ། ཕག་ལུང་གཙང་པོ་སོགས་ཆུ་བོ12དང་། ཧྲུན་ཅན་ཆུ་མཛོད། གྱང་དཀར་ཆུ་མཛོད་སོགས་ཆུ་མཛོད18ཡོད། ས་ཁོངས་ནང་གི་ཆུ་བོའི་སྤྱིའི་རིང་ཚད་ལ་སྤྱི་ལེ195དང་ཆ་སྙོམས་ལོའི་རྒྱུག་ཚད་སྨི་རྒྱ་དཔངས་གྲུ་བཞི་མ་དུང་ཕྱུར591ཡོད། རྨ་ཆུ་ནི་མེང་ཀྲོའུ་ཡི་ལྷོ་རྒྱུད་ནས་རྒྱུག་མྱོང་ཞིང་། རིང་ཚད་ལ་སྤྱི་ལེ26ཡོད།
4_3
སྐྱེ་དངོས་ཐོན་ཁུངས།
མེང་ཀྲོའུ་ནི་ས་སེར་དང་། རི་སྨན། ལུག་མིག་མེ་ཏོག ང་གི་པུས་མོའི་སྨན་ཐོན་ཡུལ་གཙོ་བོ་བཞིའི་གྲས་ཤིག་ཡིན། གྲོང་ཁྱེར་ནང་ཁུལ་གྱི་རི་སྐྱེས་སྲོག་ཆགས་ལ་གཙོ་བོ་རི་བོང་དང་། རྒང་། ཝ་མོ། སྲུ་གུ། ནགས་བྱི་སོགས་ཡོད་པ་དང་། རི་སྐྱེས་རྩི་ཤིང་ལ་རི་སྐྱེས་ས་ཁུལ་དང་། ས་ཤུན་དང་། སྲེ་ལྤགས་དང་། སྲུ་གུ། དུས་མཚམས་ཀྱི་རྩྭ། སྨན་པ་འབྲས་སོ། རྟ་སོ་ཚལ་སོགས་རིགས160ལྷག་ཡོད།
5
མི་གྲངས་དང་མི་རིགས།
མེང་ཀྲོའུ་གྲོང་ཁྱེར་ལ་ད་ལྟ་མི་གྲངས400937ཡོད་པ་དང་། ཁྱོན་བསྡོམས་གྲངས་ཉུང་མི་རིགས14 གྲངས་ཉུང་མི་རིགས་ཀྱི་མང་ཚོགས6300ལྷག་ཡོད་ཅིང་། དེའི་ནང་ཧུའེ་རིགས་མང་པོ་ཡོད་།
སྤྱི་ལོ2016ལོའི་ལོ་མཇུག་ཏུ་གྲོང་ཁྱེར་དེ་ཡོངས་ཀྱི་གྲོང་མིའི་དུད་ཚང114035དང་མི་འབོར་བསྡོམས་འབོར383772ཡོད། སྐྱེ་ཚད12.12%དང་། ཤི་ཚད5.776% རང་བཞིན་གྱི་འཕར་ཚད6.35% རྒྱུན་སྡོད་མི་འབོར་གྲོང་ཁྱེར་དང་གྲོང་རྡལ་ཅན་དུ་འགྱུར་ཚད47.68%བཅས་ཡོད།
6
མགོ་ཁྲིད་གཙོ་བོ།
གྲོང་ཁྱེར་ཏང་ཨུའི་ཧྲུའུ་ཅི་དང་གྲོང་ཁྱེར་གྱི་མགོ་འཛིན། ལུའུ་ཧོ་ཕིན།
གྲོང་ཁྱེར་གྱི་འགོ་འཛིན་ལས་ཚབ་པ། ལུའི་ཕེ།
གྲོང་ཁྱེར་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན། ཀའོ་ཞ།
གྲོང་ཁྱེར་ཆབ་གྲོས་ཀྱི་ཀྲུའུ་ཞི། ཝེ་གོ་ཧྲེང་།
7
དཔལ་འབྱོར།
7_1
བསྡུས་བཤད།
མོང་ཀྲོའུ་གྲོང་ཁྱེར་གྱིས“ཐོན་ལས་གཅིག་སྡུད་ཁུལ་འཛུགས་སྐྲུན་དང་། གྲོང་ཁྱེར་དང་གྲོང་གསེབ་གཞི་གཅིག་ཅན་གྱི་འཕེལ་རྒྱས། དེང་རབས་འགྲིམ་འགྲུལ། སྡོད་རྒྱུར་འཚམ་པའི་གྲོང་ཁྱེར་འཛུགས་སྐྲུན། སྣོད་བཅུད་འཛུགས་སྐྱོང་། རིག་གནས་འཛུགས་སྐྱོང་། རིག་ལྡན་དྲ་རྒྱ། དམངས་འཚོ་ལེགས་བཅོས”སོགས་འདུ་འགོད་ཆེན་པོ་བརྒྱད་དམ་འཛིན་བྱ་གཞིར་བྱས་ཏེ་དངོས་སྒྲུབ་བསྐྱར་སྒྲུབ་དང་ལྗང་མདོག་འཕེལ་རྒྱས་ཀྱིས་དཔལ་འབྱོར་དང་སྤྱི་ཚོགས་རྒྱུན་མཐུད་སྐྱོན་བྲལ་ངང་འཕེལ་རྒྱས་འགྲོ་རྒྱུར་སྐུལ་འདེད་བཏང་ཡོད། སྤྱི་ལོ2015ལོར་གྲོང་ཁྱེར་དེ་ཡོངས་ཀྱི་རྒྱལ་དམངས་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར268.4དང་། གཞི་ཁྱོན་ཡན་གྱི་བཟོ་ལས་རིན་ཐང་འཕར་མ་སྒོར་དུང་ཕྱུར195.6 གྲོང་ཁྱེར་ཡོངས་ཀྱི་ས་གནས་ནོར་སྲིད་ཡོང་འབབ་སྒོར་དུང་ཕྱུར12.5 གཏན་འཇགས་རྒྱུ་ནོར་ལ་མ་དངུལ་སྒོར་དུང་ཕྱུར296.7 སྤྱི་ཚོགས་ཀྱི་འཛད་རྫས་སིལ་ཚོང་བསྡོམས་འབོར་སྒོར་དུང་ཕྱུར73 གྲོང་ཁྱེར་དང་གྲོང་རྡལ་གྱི་གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར25633 གྲོང་གསེབ་ཀྱི་གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར14465བཅས་ཟིན་ཡོད། སྔ་རྗེས་སུ“རྒྱལ་ཁབ་ཀྱི་ཚན་རྩལ་ཡར་ཐོན་གྱི་སྔོན་ཐོན་གྲོང་ཁྱེར”དང“ཀྲུང་གོའི་དངུལ་རྩའི་སྣོད་བཅུད་གྲོང་ཁྱེར”སོགས་རྒྱལ་ཁབ་རིམ་པའི་གཟི་བརྗིད་མཚན་སྙན་ཐོབ་ནས་ལོ7བསྟུད་མར“རྒྱལ་ཡོངས་ཀྱི་མ་འཇོག་མི་མངོན་པའི་སྟོབས་ཤུགས་ཆེ་ཤོས་ལྡན་པའི་གྲོང་ཁྱེར་འབྲིང་ཆུང་གི་སྟོབས་ཆེན་བརྒྱའི”གྲས་སུ་ཚུད་པ་དང་ལོ2བསྟུད་མར“ཀྲུང་གོའི་གྲོང་ཁྱེར་འབྲིང་ཆུང་གི་ས་ཁོངས་ཀྱི་སྣེ་ཁྲིད་ནུས་པ་ཆེ་གྲས”8ཐོབ་ཡོད།
སྤྱི་ལོ2016ལོའི་ལོ་ཧྲིལ་པོའི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར288.73ལེགས་གྲུབ་བྱུང་བ་དེ་ལོ་གོང་མ་ལས8.5%འཕར་ཡོད། དེའི་ནང་ཐོན་ལས་དང་པོའི་འཕར་ཐང་སྒོར་དུང་ཕྱུར19.75ཡོད་པ་དེ4.0%འཕར་བ་དང་། ཐོན་ལས་གཉིས་པའི་འཕར་ཐང་སྒོར་དུང་ཕྱུར198.93ཡོད་པ་དེ8.2%འཕར་བ། ཐོན་ལས་གསུམ་པའི་འཕར་ཐང་སྒོར་དུང་ཕྱུར70.05ཡོད་པ་དེ10.7%འཕར་ཡོད། མི་རེའི་ཆ་སྙོམས་ཀྱི་ཐོན་སྐྱེད་རིན་ཐང་བསྡོམས་འབོར་སྒོར78003ཡོད་པ་དེ7.8%འཕར་ཡོད། ཐོན་ལས་གསུམ་པའི་གྲུབ་ཆ་ནི6.8:68.9:24.3དང་ཐོན་ལས་གསུམ་པའི་བསྡུར་ཚད་ལོ་གོང་མ་ལས་བརྒྱ་ཆའི་གྲངས1.3མཐོ་རུ་ཕྱིན་ཡོད།
སྤྱི་ལོ2020ལོའི་ཟླ1པའི་ཚེས2ཉིན་མོང་ཀྲོའུ་གྲོང་ཁྱེར་རྒྱལ་ཡོངས་ཀྱི་ཁག་བཞི་པའི་སྔོན་ལ་བདམས་ཐོན་བྱུང་བའི་ཞིང་ལས་སྐྱེ་དངོས་གཙོ་བོའི་ཐོན་སྐྱེད་བརྒྱུད་རིམ་ཧྲིལ་པོའི་འཕྲུལ་ཆས་ཅན་གྱི་དཔེ་སྟོན་རྫོང(གྲོང་ཁྱེར་དང་ཆུས)གི་གྲས་སུ་བདམས།
7_2
གཙོ་ཁྲིད་ཐོན་ལས།
མོང་ཀྲོའུ་ཡི་ཐོན་ལས་ཀྱི་ལེགས་ཆ་མངོན་གསལ་དོད་པས་འགྲིམ་འགྲུལ་སྐྱེལ་འདྲེན་སྒྲིག་ཆས་བཟོ་སྐྲུན་དང་། པགས་པ་ལས་སྣོན། སྐྱེ་དངོས་རྫས་འགྱུར་བཟོ་ལས་བཅས་གཙོ་ཁྲིད་ཐོན་ལས་ཆེན་པོ་གསུམ་ཆགས་ཡོད། འགྲིམ་འགྲུལ་སྐྱེལ་འདྲེན་སྒྲིག་ཆས་བཟོ་སྐྲུན་ཐོན་ལས་ནི་ཀྲུང་ཡོན་ནང་ཁུལ་དུ་སྒྲིག་སྦྱོར་དང་། ཀྲུང་ཡོནGKN ཧོ་ནན་ཅ་ལིང་སོགས་རྐང་འཛིན་ཁེ་ལས་ཀྱིས་ཚབ་མཚོན་དུ་བྱས་པ་དང་། ཐོན་རྫས་གཙོ་བོའི་གྲས་སུ་རླངས་སྣོད་ཤུབས་དང་། སྲུབ་མདའ། འཁོར་གསུམ་སྦག་སྦག་འཁོར་ལོ་སོགས་ཡོད་པ་དང་། མེ་གླིང་བྱང་མ་དང་། ཡོ་རོབ། ཨ་ཧྥེ་རི་ཁ་སོགས་རྒྱལ་ཁབ་དང་ས་ཁུལ20ལྷག་ཙམ་ལ་བྲིན་ཁ་རྒྱུག་པོ་ཡོད་པས་གོ་ལ་ཧྲིལ་པོའི་སྒུལ་བྱེད་འཕྲུལ་འཁོར་གྱི་རླངས་སྣོད་ཆ་ཚང་བཟོ་སྐྲུན་རྟེན་གཞི་ཆེ་ཤོས་ཤིག་རེད། ཀོ་བའི་ལས་སྣོན་ཐོན་ལས་ཀྱིས་ཅའོ་ཙའོ་ལུང་ཕུང་ཀོ་རྩྭ་ཚད་ཡོད་ཀུང་སི་སྣེ་འདྲེན་དུ་བྱས་ནས་ཕྱིར་གཏོང་ནང་འདྲེན་བྱེད་དབང་ཡོད་པའི་ཁེ་ལས63དང་། ལུག་གི་ཁུ་ལུ་འབྲེག་པ། རིམ་པ་མཐོ་བའི་གྱོན་ཆས་ཀོ་བ། ཁུ་ཙི་ཡི་གནས་གོང་ཆེ་བའི་ལྷམ། སྒམ་ཁུག་བཅས་གཙོ་ཁྲིད་ཐོན་རྫས་སུ་བྱས་ནས་ཡོ་རོབ་དང་ཨ་རིའི་ཁྲོམ་རར་ཕྱིར་གཏོང་བྱེད་ཀྱི་ཡོད་པས་དེ་ནི་གོ་ལ་ཧྲིལ་པོའི་ཐོག་གི་ཁུ་ལུ་འབྲེག་པའི་ཐོན་སྐྱེད་རྟེན་གཞི་ཆེ་ཤོས་དེ་རེད། སྐྱེ་དངོས་རྫས་འགྱུར་བཟོ་ལས་ཐོན་ལས་ཀྱིས་ཀོང་ཅི་སྨན་རྫས་ལས་རིགས་སྣེ་འདྲེན་དུ་བྱས་ཏེ་ཧྭ་ཤིན་ཀུང་སི་དང་། ཧོ་དབྱང་ཨ་རག་ཉིང་ཁུ། ཡུས་ནུང་སྐྱེ་དངོས་ཐོན་ལས་གླིང་སོགས་རྐང་འཛིན་ཁེ་ལས་ཁག་གཅིག་ཆགས་ཡོད། ཀོང་ཅི་སྨན་རྫས་ལས་རིགས་ཀྱི་ཉིང་རྡུལ་སེར་རྒྱུ་ཐོན་རྫས་ཕྱིར་ཚོང་རྒྱལ་ཁབ་དང་ས་ཁུལ45དང་། ཐོན་སྐྱེད་དང་ཕྱིར་ཚོང་བྱེད་ཚད་ཚང་མ་འཛམ་གླིང་གི་ཨང་དང་པོར་སླེབས་ཡོད།
7_3
ཐོན་ལས་འདུས་ཁུལ།
ཐོན་ལས་གཅིག་སྡུད་ཁུལ་གྱི་འཆར་འགོད་རྒྱ་ཁྱོན་ལ་སྤྱི་ལེ་ངོས་གྲུ་བཞི་མ31ཡོད་པ་དང་། ཁེ་ལས400ཙམ་བཅའ་སྡོད་བྱས་པ། གཞི་ཁྱོན་ཡན་གྱི་ཁེ་ལས82 ལས་ཞུགས་མི་སྣ་ཁྲི6.5བསྡུ་ལེན་བྱས་པ། མོང་ཀྲོའུ་ཡི་བཟོ་ལས་དཔལ་འབྱོར་ལ་ལེགས་སྐྱེས་འབུལ་ཚད80%ལས་བརྒལ་བ། ཧོ་ནན་ཞིང་ཆེན་མཐོ་གསར་ལག་རྩལ་ཐོན་ལས་གསར་སྤེལ་ཁུལ་དང་ཧོ་ནན་ཞིང་ཆེན་གྱི་སྐར་གཉིས་རིམ་པའི་ཐོན་ལས་གཅིག་སྡུད་ཁུལ་ཡིན་པ་རེད། “ཁུལ་གཅིག་ལ་གླིང་མང་བའི”བྱེད་སྟངས་གཞིར་བཟུང་འགྲིམ་འགྲུལ་སྐྱེལ་འདྲེན་སྒྲིག་ཆས་བཟོ་སྐྲུན་དང་། པགས་པ་ལས་སྣོན། སྐྱེ་དངོས་རྫས་འགྱུར་བཟོ་ལས། རྡོ་སྣུམ་རྫས་འགྱུར་བཟོ་ལས། གློག་རྡུལ་ཆ་འཕྲིན། ཁྲལ་སྲུང་དཔལ་འབྱོར་སོགས་དུང་ཕྱུར་བརྒྱ་ལས་བརྒལ་བའི་ཐོན་ལས་གླིང་ཁུལ6འཆར་འགོད་འཛུགས་སྐྲུན་བྱ་རྒྱུ་རེད། ཞིང་ཆེན་ཡོངས་ཀྱི་རྒྱལ་ཁབ་རིམ་པའིBརྣམ་པའི་ཁྲལ་སྲུང་ཟོག་འགྲེམས་ལྟེ་གནས་གཉིས་པ་ཡོད་པ་དེས་ཕྱིར་གཏོང་ནང་འདྲེན་གྱི་ཐོན་རྫས“གཅིག་འཐུས་རྣམ་པའི”འགག་སྒོ་སྒྲོལ་ཐུབ། ཁྲལ་སྲུང་ཟོག་འགྲེམས་ལྟེ་གནས་ལ་བརྟེན་ནས་སྤྱི་ལེ་ངོས་གྲུ་བཞི་མ5.7ཡོད་པའི་ཁྲལ་སྲུང་དཔལ་འབྱོར་གླིང་ཁུལ་སྐྲུན་བཞིན་ཡོད་པ་དང་། ཀྲུང་གོའི(ཧོ་ནན)རང་མོས་ཉོ་ཚོང་ཁུལ་དང་ཀྲུང་གོ(ཀྲེང་ཀྲོའུ)རྒྱལ་མཚམས་སྒྲོལ་བའི་གློག་རྡུལ་ཚོང་དོན་ཕྱོགས་བསྡུས་ཚོད་ལྟའི་ཁུལ་གྱི་རེ་ཞུ་འཛུགས་སྐྲུན་ནང་རང་འགུལ་ངང་ཞུགས་པ་མ་ཟད། ཀྲེང་ཀྲོའུ་མཁའ་འགྲུལ་གྲུ་ཁ་དང་མཉམ་ལས་ཀྱི་འབྲེལ་བ་བཙུགས་པ་དང་། འཇར་མན་ཏ་ལུའོ་ཐང་རྒྱལ་སྤྱིའི་ཞིང་ལས་ཐོན་རྫས་ཉོ་ཚོང་ལྟེ་གནས་དང་། ཀྲུང་ཁོ་ཉི་འོད་ལུས་རྩལ་གྲོང་། ཁྲལ་སྲུང་ཚོང་དོན་ཨར་ཁང་སོགས་རྣམ་གྲངས་མང་པོ་ཞིག་ནང་འདྲེན་བྱས་ཡོད་པ་རེད། སྤྱི་ལེ་ངོས་གྲུ་བཞི་མ2ཡོད་པའི་འཇར་མན་དང་དམངས་ཀྱི་རྒྱལ་མཚམས་སྒྲོལ་བའི་དྲ་ཐོག་ཚོང་དོན་གྲོང་རྡལ་ཆུང་ངུ་སྐྲུན་བཞིན་ཡོད་པ་དང་ས་ཁོངས་སྒྲོལ་བའི་དྲ་ཐོག་ཚོང་དོན་གཙོ་གནད་ཐོག་འཕེལ་རྒྱས་བཏང་སྟེ་ཨ་ལི་པ་པ་དང་། ཝུའུ་ཧན་གྱི་རྣམ་ཐར། ལྷོ་ཕྱོགས་ཀྱི་ཟོག་འགྲེམས་སོགས་རྒྱལ་ནང་གི་གྲགས་ཅན་ཁེ་ལས་དང་འཐབ་ཇུས་མཉམ་ལས་བྱས་པས། དྲ་རྒྱའི་སྤྱི་ཁྱབ་པུའུVདེ་གར་གཞིས་ཆགས་རྒྱུའི་ཡིད་དབང་བཀུག་ཡོད། རྒྱལ་ཁབ་ཀྱི་ཆོག་མཆན་ཐོབ་པའི་རྡོ་སྣུམ་རྫས་འགྱུར་བཟོ་ལས་གླིང་ཁུལ་གྱི་སྤྱིའི་རྒྱ་ཁྱོན་སྤྱི་ལེ་ངོས་གྲུ་བཞི་མ3.97ཟིན་པ་དང་ཁེ་ལས4བཅའ་སྡོད་བྱས་ཡོད། ཚོང་འགུགས་མ་འདྲེན་གྱི་བྱ་དགའི་སྲིད་ཇུས་བཏོན་ནས་བཅའ་སྡོད་རྣམ་གྲངས་ལ་ས་ཆ་དང་ཁྲལ་འབབ་སོགས་ཀྱི་ཐད་བྱ་དགའ་སྤྲད་པ་དང་། ཐོན་ལས་གཅིག་སྡུད་ཁུལ་དུ་བཅའ་སྡོད་བྱས་པ། མུའུ་རེ་ནས་ས་ཆ་ནང་བཤུག་གཏོང་རིན་དངོས་སུ་སྒོར་ཁྲི4ལས་སྤྲོད་མི་དགོས་པ། རྡོ་སྣུམ་རྫས་འགྱུར་བཟོ་ལས་གླིང་ཁུལ་དུ་བཅའ་སྡོད་བྱས་པ་དང་མུའུ་རེ་ནས་ས་ཆ་ནང་བཤུག་གཏོང་རིན་དངོས་སུ་སྒོར་ཁྲི6ལས་སྤྲོད་དགོས་ཀྱིན་མེད། རྣམ་གྲངས་འོས་སྦྱོར་བྱེད་མཁན་ལའང་བསྡུར་ཚད་ངེས་ཅན་ལྟར་བྱ་དགའ་སྤྲོད་དགོས་ལ། ཐོན་ལས་གཅིག་སྡུད་ཁུལ་གྱི་རྨང་གཞིའི་སྒྲིག་བཀོད་འཛུགས་སྐྲུན་སྔར་བས་འཐུས་ཚང་དུ་གཏོང་བ་དང་། “འཕྲེད་དྲུག་གཞུང་དགུའི”གཞུང་ལམ་དྲ་བ་གཞི་རྩའི་ཆ་ནས་གྲུབ་པ། ཆུ་འབུད་མདོང་ལམ་དྲ་བ་དང་། གློག་དྲ། སོལ་རླངས་དྲ་བ། འཕྲིན་གཏོང་སོགས་ལེ་ལག་ཚང་བའི་སྒྲིག་བཀོད་སྔར་བས་འཐུས་སྒོ་ཚང་བ། སྣོད་བཅུད་ཆུ་རྒྱུད་དང་སྣོད་བཅུད་ནགས་རྒྱུད་འཛུགས་སྐྲུན་ལ་མགྱོགས་མྱུར་སྐུལ་འདེད། འདུ་འཛོམས་ནུས་པ་དང་ཐེག་ནུས་སྔར་བས་ཆེ་རུ་གཏོང་བ་བཅས་བྱེད་དགོས།
7_4
ལས་རྣམ་གསར་པ།
གློག་རྡུལ་ཚོང་དོན་མཚོན་བྱེད་དུ་བྱས་པའི་གསར་དར་ཐོན་ལས་འཕེལ་རྒྱས་མྱུར་པོ་བྱུང་ནས་རིགས་ཁག་གི་གློག་རྡུལ་ཚོང་དོན་ཁེ་ལས450ལྷག་ཙམ་ཡོད་པ་དང་ལས་ཞུགས་མི་སྣ་ཁྲི3ལྷག་ཙམ་ཟིན་ཡོད། ཞིང་ཆེན་ཡོངས་སུ་ཨ་ལི་པ་པ་གྲོང་གསེབ་ཀྱི་ཐའོ་པའོ་རྣམ་གྲངས་སྔོན་ལ་ལག་ལེན་བསྟར་འགོ་ཚུགས་པ་དང་། མཉམ་སྡེབ་མི་སྣའི་མིང་ཐོ་འགོད་མཁན་མི་གྲངས་དང་ལས་འགོ་ཚུགས་པའི་ཉིན་དེར་ཕྱིར་ཚོང་བྱེད་ཚད་སོགས་དམིགས་ཚད་མང་པོ་རྒྱལ་ཡོངས་ཀྱི་ཨང་དང་པོར་སླེབས་ནས་རྒྱལ་ཡོངས་ཀྱི་རྫོང་དང་གྲོང་ཁྱེར200ལྷག་ཙམ་མོང་དུ་ལྟ་སྐོར་དང་སློབ་སྦྱོང་བྱེད་དུ་ཡོང་བ་དང་། བཟོ་ལས་གློག་རྡུལ་ཚོང་དོན་འཕེལ་རྒྱས་མྱུར་པོ་བྱུང་ནས་ཁེ་ལས150ལྷག་ཙམ་གྱིས་གློག་རྡུལ་ཚོང་དོན་སྟེགས་བུ་བཙུགས་ཡོད། རྒྱལ་མཚམས་སྒྲོལ་བའི་དྲ་ཐོག་ཚོང་དོན་ལ་ཚད་བརྒལ་བྱུང་ནས་མངའ་རིས་ཚོགས་པའི་རྒྱལ་མཚམས་སྒྲོལ་བའི་དྲ་ཐོག་ཚོང་དོན་རྒྱལ་ཡོངས་ཀྱི་གན་འཇོག་རྫོང་དང་གྲོང་ཁྱེར་ཐོག་མ་དེར་གྱུར་བ་དང་མིག་སྔར་དྲ་ཐོག་ཚོང་དོན་གྱི་གྲོང་རྡལ་ཆུང་ངུ་གསུམ། “དྲ་སྦྲེལ+”གྲོང་གསེབ་ཀྱི་ཐའོ་པའོ་གྲོང་ཁྱེར། བྷང་ག་ལའི་རིག་ལྡན་དྲ་རྒྱའི་ལྟེ་གནས་ལས་སྟེགས། དྲ་རྒྱའི་ཤེས་ལྡན་པ་སྐྱེད་སྲིང་སོགས་རྣམ་གྲངས་ཆེ་གྲས་ལྔ་ལག་བསྟར་ཧུར་ཐག་བྱས་ནས་མཉམ་སྤྱོད་དཔལ་འབྱོར་འཕེལ་རྒྱས་ཤུགས་ཆེན་བཏང་སྟེ་དམངས་ཀྱིས་བྱ་གཞག་སྐྲུན་པ་དང་ཀུན་གྱིས་གསར་གཏོད་བྱ་རྒྱུར་སྐུལ་འདེད་བཏང་ཡོད། དེའི་ནང་ས་ཁྱོན་མུའུ3746བཟུང་བ་དང་མ་དངུལ་བསྡོམས་སྒོར་དུང་ཕྱུར39.8བཏང་བའི་དྲ་ཐོག་ཚོང་དོན་གྱི་གྲོང་རྡལ་ཆུང་ངུ་གསུམ་ཕྱོགས་ཡོངས་ནས་སྐྲུན་འགོ་ཚུགས་ཡོད། འཇར་མན་དང་དམངས་ཀྱིས་རྒྱལ་མཚམས་སྒྲོལ་བའི་དྲ་ཐོག་ཚོང་དོན་གྲོང་རྡལ་ཆུང་ངུ་བསྐྲུན་ནས་རྒྱལ་མཚམས་སྒྲོལ་བའི་དྲ་ཐོག་ཚོང་དོན་གཙོ་གནད་ཐོག་འཕེལ་རྒྱས་གཏོང་བ། མོང་ཡུན་དྲ་ཐོག་ཚོང་དོན་གྲོང་རྡལ་ཆུང་ངུར་ཨ་ལི་པ་པ་སྣེ་འདྲེན་དུ་བྱས་པའི་གྲོང་གསེབ་ཀྱི་ཐའོ་པའོ་དང་ནང་ཚོང་གློག་རྡུལ་ཚོང་དོན་གཙོ་གནད་ཐོག་འཕེལ་རྒྱས་གཏོང་རྒྱུ་དང་། སང་ཕོ་གློག་རྡུལ་ཚོང་དོན་གྲོང་རྡལ་ཆུང་ངུ་དེ་སང་ཕོ་གྲོང་ཚོ་བརྟེན་སར་བྱས་ཏེ་མཐའ་འཁོར་གྱི་གྲོང་ཚོ་མང་པོར་ཁྱབ་འགྱེད་བྱས་པས་སང་ཕོ་གློག་རྡུལ་ཚོང་གྲོང་དངོས་སུ་སྤྱོད་འགོ་ཚུགས་ནས་གོ་ལ་ཧྲིལ་པོའི་དྲ་ཐོག་གི་བལ་པགས་ཚོང་གྲོང་ཆེ་ཤོས་སུ་གྱུར་ཡོད།
7_5
སྒོ་འབྱེད་གསར་གཏོད།
ཕྱི་ཕྱོགས་སུ་སྒོ་འབྱེད་པའི་ཆུ་ཚད་མཐོ་ཞིང་། ཕྱིར་གཏོང་ནང་འདྲེན་གྱི་བསྡོམས་གྲངས་དང་། ཕྱིར་གཏོང་ནང་འདྲེན་གྱི་བསྡོམས་འབོར། མི་རེའི་ཆ་སྙོམས་ཕྱིར་གཏོང་བསྡོམས་འབོར་བཅས་དམིགས་ཚད་གསུམ་བསྟུད་མར་ལོ་བརྒྱད་རིང་ཞིང་ཆེན་ཡོངས་ཀྱི་ཕྱི་ཕྱོགས་སུ་སྒོ་འབྱེད་པའི་གཙོ་གནད་རྫོང་དང་གྲོང་ཁྱེར་གྱི་ཨང་དང་པོར་སླེབས་པ་དང་། དཔལ་འབྱོར་ཐད་ཕྱི་ཕྱོགས་སུ་འགྱུར་ཚད26%ཟིན་པ་དེ་ནི་ཞིང་ཆེན་ཡོངས་ཀྱི་ཆ་སྙོམས་ཆུ་ཚད་ཀྱི་ལྡབ6ཡིན་པ་རེད། ཧོ་ནན་ཞིང་ཆེན་གྱི་རྒྱལ་ཁབ་རིམ་པའིBརྣམ་པའི་ཁྲལ་སྲུང་ཟོག་འགྲེམས་ལྟེ་གནས2ཡོད་པ་དེས་ཕྱིར་གཏོང་ནང་འདྲེན་གྱི་ཐོན་རྫས“གཅིག་འཐུས་རྣམ་པའི”འགག་སྒོ་སྒྲོལ་ཐུབ། ཀྲུང་ཡོན་ས་ཁུལ་གྱི་རྒྱལ་སྤྱིའི་ཞིང་ལས་ཐོན་རྫས་ཟོག་འགྲེམས་སྡེབ་ཚོང་ཉོ་ཚོང་ལས་སྟེགས་ཆེ་ཤོས་ཏེ་ཏེ་མང་ཏ་ལུའོ་ཐང་རྒྱལ་སྤྱིའི་ཞིང་ལས་ཐོན་རྫས་ཟོག་འགྲེམས་ལྟེ་གནས་ཡོད་པ་དང་། དབྱིན་ཇིའིGKNདང་། འཇར་མན་གྱི་ཏའོ་དབྱི་ཚི། ཨ་རིའི་ཀུན་སྤྱོད་སོགས་འཛམ་གླིང་གི་སྟོབས་ལྡན་རྒྱལ་ཁབ500ཡི་རྒྱལ་སྒྲོལ་ཀུང་སི་མང་པོ་ཞིག་གིས་དེ་གར་མ་དངུལ་བཏང་ནས་ལོ11བསྟུད་མར་ཞིང་ཆེན་རིམ་པའི་ཕྱི་ཕྱོགས་སྒོ་དབྱེའི་སྔོན་ཐོན་ཚན་པར་བདམས་པ་རེད།
གསར་གཏོད་ཀྱི་ལེགས་ཆ་མངོན་གསལ་དོད་པོ་ཡོད་པ་སྟེ། ཡོན་ཧྲི་དང་། འབུམ་རམས་ཐོབ་རྗེས་ཀྱི་ལས་དོན་ས་ཚིགས། རྒྱལ་ཁབ་རིམ་པ་དང་ཞིང་ཆེན་རིམ་པའི་ལས་གྲྭའི་ལག་རྩལ་ལྟེ་གནས་བཅས18ཡོད་པ་དང་། ཁེ་ལས5ཡིས་སྣེ་ཁྲིད་དེ་རྒྱལ་ཁབ་བམ་ཡང་ན་ལས་རིགས་ཀྱི་ཚད་གཞི་བཟོས་པ། ལོ་རེར་ཆ་སྙོམས་ཁེ་བེད་བདག་ཐོབ་རེ་ཞུ300ལྷག་ཙམ་ཟིན་པ། ཚན་རྩལ་ཡར་ཐོན་གྱིས་དཔལ་འབྱོར་འཕར་རྒྱུར་ལེགས་སྐྱེས་འབུལ་ཚད60%ལས་བརྒལ་བ། ལོ་བརྒྱད་བསྟུད་མར“རྒྱལ་ཡོངས་ཀྱི་ཚན་རྩལ་ཡར་ཐོན་གྱི་སྔོན་ཐོན་གྲོང་ཁྱེར”ལ་བདམས་པ་བཅས་རེད། སྤྱི་ལོ2015ལོར་གོ་ལ་ཧྲིལ་པོའི་སྔོན་ཐོན་གྱི་ཞིབ་དཔྱད་ཚད་ལེན་ལག་རྩལ་ཞབས་ཞུའི་ཚོང་པ་འཇར་མན་ལའེ་དབྱིན་ཚོགས་པ་དང་ལག་གདང་སྦྲེལ་ནས་མོང་ཀྲོའུ་ཀའོ་ཤིན་ཁེ་ལས་ཀྱི་བདེ་འཇགས་ལག་རྩལ་དཔང་བདེན་ར་སྤྲོད་བྱེད་ཚད་འཛམ་གླིང་གི་སྔོན་ཐོན་ཆུ་ཚད་ཀྱི8%བར་མཐོ་རུ་བཏང་བ།
7_6
ཁྱད་ལྡན་ཞིང་ལས།
ཞིང་ལས་གཞི་ཁྱོན་ཅན་གྱི་གཉེར་སྐྱོང་ཁྱབ་གདལ་ཧུར་ཐག་གཏོང་བ་དང་། མེང་ཀྲོའུ་ནི་སྨན་ཆེན་པོ་བཞིའི་ཐོན་ཡུལ་གཙོ་བོ་ཡིན། འབྲུ་རིགས་འདེབས་འཛུགས་ཐད་གཅིག་སྡུད་ཡུག་འབྲེལ་མུའུ་བརྒྱ་ཡན་གྱི་གཞི་ཁྱོན་གཉེར་སྐྱོང་མུའུ་ཁྲི11.8ཟིན་པ་དང་། མུའུ་སྟོང་ཡན་གྱི་གཞི་ཁྱོན་གཉེར་སྐྱོང་མུའུ་ཁྲི3.5ཟིན་པ། གྲོའི་ཐོན་མཐོ་གཏོད་པའི་ལྟེ་བའི་དཔེ་སྟོན་ཁུལ་མུའུ་ཁྲི10.6བསྐྲུན་པ། གྲོ་དང་མ་རྨོས་ལོ་ཏོག་ཐོན་མཐོ་གཏོད་པའི་མུའུ་རེའི་ཐོན་ཚད་རྒྱལ་ཡོངས་ཀྱི་མདུན་གྲལ་དུ་སླེབས་ཡོད།
8
སྤྱི་ཚོགས།
8_1
གྲོང་ཁྱེར་དང་གྲོང་གསེབ་འཛུགས་སྐྲུན།
མཉམ་སྤྱོད་དང་ལྗང་མདོག་འཕེལ་རྒྱས་ཀྱི་གྲོང་ཁྱེར་དང་གྲོང་གསེབ་གཞི་གཅིག་ཅན་གྱི་འགྲོ་ལམ་འཚོལ་ཞིབ་ཧུར་ཐག་བྱས་ཏེ་གྲོང་ཁུལ་དང་ཁྱད་ལྡན་གྲོང་རྡལ་ཆུང་ངུ—གྲོང་ཚོ་བཅས་ཀྱི་རིམ་པ་གཞིར་བཟུང་ཇུས་འགོད་བཀོད་སྒྲིག་བྱེད་པ་དང་། “ཉམས་གསོ་གཅིག་དང་མངོན་འགྱུར་གསུམ”(གྲོང་གསེབ་ཀྱི་སྣོད་བཅུད་ཉམས་གསོ་བྱེད་པ། སྤྱི་པའི་ཞབས་ཞུ་གྲོང་གསེབ་ཏུ་སྣུར་སྲིང་བྱེད་པ། ཐུན་མོང་ཕྱུག་འགྱུར་བྱེད་པ། སྲོལ་རྒྱུན་རིག་གནས་ཕྱིར་ལོག་བྱེད་པ﹚བཅས་ཀྱི་བསམ་ཕྱོགས་གཞིར་བཟུང་སྐུལ་འདེད་ཏན་ཏིག་བཏང་ནས་གྲོང་ཁྱེར་གྱི་གྲོང་མིར་གྲོང་གསེབ་ཀྱི་རང་བྱུང་དང་བབ་ཆགས་ཀྱི་ཞིང་སྡེའི་འཚོ་བ་ཉམས་སུ་མྱོང་དུ་འཇུག་པ་དང་གྲོང་གསེབ་ཀྱི་ཡུལ་མིར་གྲོང་ཁྱེར་གྱི་སྤྱི་པའི་ཞབས་ཞུ་ལོངས་སུ་སྤྱོད་རྒྱུ་ཡོང་བ་བཅས་བྱེད་དགོས།
གྲོང་ཁྱེར་འཛུགས་སྐྲུན་ཐད་གྲོང་ཁྱེར་དང་གྲོང་གསེབ་ཀྱི་སྤྱིའི་འཆར་འགོད་དང་། ཆུ་རྒྱུད་འཆར་འགོད། ནགས་ལས་སྣོད་བཅུད་འཆར་འགོད་སོགས་འཆར་འགོད་རབ་དང་རིམ་པ་བཟོས་ཡོད། “གྲོང་ཁྱེར་གཅིག་ལ་ཁུལ་བཞི་དང་། ཁུལ་བཞི་མཉམ་འགུལ་དང་། མཐུན་སྦྱོར་ངང་འཕེལ་རྒྱས་གཏོང་བའི”གྲོང་ཁྱེར་གྱི་བཀོད་པ་གཏན་འཁེལ་བྱས་ཤིང་། གྲོང་ཁྱེར་གཅིག་ལ་ཁུལ་བཞི་ཞེས་པ་ནི་གྲོང་ཁུལ་གསར་པ་དང་། གྲོང་ཁུལ་གཙོ་བོ། རིག་གནས་ཁུལ། ཐོན་ལས་ཁུལ་བཅས་ནུས་ཁུལ་བཞི་ལ་ཟེར། དེའི་ནང་གྲོང་ཁུལ་གསར་པ་འཛུགས་སྐྲུན་བྱེད་འགོ་ཚུགས་པ་དང་འཆར་འགོད་རྒྱ་ཁྱོན་སྤྱི་ལེ་ངོས་གྲུ་བཞི་མ5.6ཟིན་པ་དེ་ནི་མོང་ཀྲོའུ་ཡི་འབྱུང་འགྱུར་ཚོང་དོན་ལྟེ་གནས་དང་། རིག་གནས་ལུས་རྩལ་ལྟེ་གནས། སློབ་གསོའི་གླིང་ཁུལ། རྒན་གསོའི་རྟེན་གཞི། ཡུལ་སྐོར་སྣེ་ལེན་ལྟེ་གནས་བཅས་རེད།
གྲོང་གསེབ་འཛུགས་སྐྲུན་བྱེད་པར་སྲོལ་རྒྱུན་གྱི་སྐྱེ་ཁམས་གྲོང་སྡེ་དང་ཞིང་ལས་མཛེས་ལྗོངས་སོར་འཇོག་བྱེད་པར་དོ་སྣང་བྱས་ཏེ། གྲོང་གསེབ་སྔར་ལས་སྐྱེ་ཁམས་ལྡན་པར་བྱེད་དགོས། རང་བྱུང་སོལ་རླངས་དང་། རང་འབབ་ཆུ་ཀ་ལ་སློབ་གསོ། སྨན་བཅོས། འཕྲོད་བསྟེན། རྒན་གསོ། དངུལ་རྩ་སོགས་སྤྱི་པའི་ཞབས་ཞུའི་བྱེད་ནུས་རིམ་བཞིན་གྲོང་གསེབ་ཏུ་མཆེད་པར་བྱ་དགོས། གྲོང་ཁྱེར་ནོར་སྲིད་ཀྱིས་ལོ་ལྟར་མ་དངུལ་སྒོར་ཁྲི1000བཏང་ནས་གྲོང་གསེབ་ཀྱི་གད་སྙིགས་གཙང་སེལ་དང་བསྐྱར་སྐྱེས་ཐོན་ཁུངས་བེད་སྤྱོད་ཀྱི་གནད་དོན་ཐག་གཅོད་བྱེད་ཀྱི་ཡོད། མ་དངུལ་སྒོར་ཁྲི500བཏང་ནས་སྤྱི་སྤྱོད་རླངས་འཁོར་ཞིང་པའི་སྒོ་འགྲམ་དུ་ཤར་གཏོང་ཐུབ་ཡོད། “ཕ་ཡུལ་མོ་ཀི”ཁྱད་ལྡན་གྲོང་རྡལ་ཆུང་ངུ་འཛུགས་སྐྲུན་ཚོད་ལྟ་བྱས་ཏེ“ཉམས་གསོ་གཅིག་དང་མངོན་འགྱུར་གསུམ”གྱི་བསམ་ཕྱོགས་གཞིར་བཟུང་གྲོང་ཁྱེར་དང་གྲོང་གསེབ་གཞི་གཅིག་ཅན་གྱི་འཕེལ་རྒྱས་གཏོང་སྟངས་འཚོལ་ཞིབ་བྱེད་དགོས། མོ་ཀོའུ་གྲོང་ཚོ་གཞིར་བྱས་ཏེ་མུའུ་ཁྲི20ཙམ་གྱི་ནུབ་རྒྱུད་ལིང་ཆུས་སྣོད་བཅུད་ཐོན་ཁུངས་དང་ས་ཕུག3000ལྷག་ཙམ་ལ་བརྟེན་ནས་ས་ཕུག་གི་བརྗོད་དོན་གཙོ་བོའི་སྤྲོ་གསེང་སྤྲོ་གསེང་ཡུལ་སྐོར་དང་རིག་གནས་སྣོད་བཅུད་ཡུལ་སྐོར་འཕེལ་རྒྱས་ཧུར་ཐག་བཏང་ཡོད།
8_2
སྐྱེ་ཁམས་འཛུགས་སྐྲུན།
སྣོད་བཅུད་ཆུ་རྒྱུད་བསྐྲུན་ནས་འབྲུབ་འགོག་དང་ཞོད་སྐྱོན་སེལ་བ་དང་། ཆུ་འདྲེན་ནས་ཆུ་འགོ་གསབ་པ། ཐོན་སྐྱེད་འཚོ་བ་དང་སྣོད་བཅུད་མཛེས་ལྗོངས་ཀྱི་དགོས་མཁོ་སྐོང་བ་བཅས་ལ་གཞི་ཚུགས་ཏེ་གྲོང་ཁྱེར་ཡོངས་ཀྱི་ཆུ་བོ12དང་ཆུ་མཛོད21ལ་སྤྱི་ཡོངས་ནས་གསེད་བཀྲོལ་འཆར་འགོད་བྱས་ཏེ“འབྱུང་རྩ་ལྔ་སྒྲིལ་ནས་ཁོར་ཡུག་གཅིག་དང་། མཚེའུ་དགུ་དང་འདམ་ར་བཞིའི”གྲོང་ཁྱེར་དང་གྲོང་གསེབ་ཀྱི་འཁོར་རྒྱུག་སྣོད་བཅུད་ཆུ་རྒྱུད་ཅིག་ཆགས་པ་བྱ་རྒྱུ་རེད། དེའི་ནང“ཁོར་ཡུག་གཅིག”སྟེ་གྲོང་སྐོར་ཆུ་རྒྱུད་རགས་ཙམ་བསྐྲུན་ཟིན་པ་དང་། སྤྲོ་གསེང་དང་། རོལ་རྩེད། མཛེས་ལྗོངས་བཅས་གཞི་གཅིག་ཏུ་འདུས་ནས“ཆུ་ཡུར་གྲོང་སྐོར་དང་། གྲོང་ཁྱེར་ཆུ་བརྟེན་རེས”མངོན་འགྱུར་བྱུང་ཡོད། ལྗོན་ཤིང་ལྗང་མདོག་དང་ཁོར་ཡུག་སྲུང་སྐྱོང་བཅས་གཙོ་གནད་དུ་བཟུང་སྟེ། ནགས་བཟོ་ལྗང་སྒྱུར་དང་སྐྱེ་ཁམས་ཆུ་རྒྱུད་འཛུགས་སྐྲུན་ཤུགས་ཆེན་པོས་ལྗང་མདོག་འཕེལ་རྒྱས་ལག་བསྟར་བྱས་ཏེ། ནགས་ལས་སྐྱེ་ཁམས་འཛུགས་སྐྲུན་ལ་ཤུགས་སྣོན་བརྒྱབ་པ། རྨ་ཆུའི་སྣོད་བཅུད་འགོག་སྲུང་ནགས་ཚལ་དང་མུའུ་སྟོང་ཡོད་པའི་སྡོང་ཕྲུག་ལྡུམ་རའི་མེ་ཏོག་སོགས་ནགས་ལས་སྣོད་བཅུད་རྣམ་གྲངས་ཕྱོགས་ཡོངས་ནས་ལག་ལེན་བསྟར་འགོ་ཚུགས་ཤིང་། གྲོང་ཁྱེར་དེ་ཡོངས་སུ་ནགས་ཤིང་ཁྱབ་ཚད་དང་གྲོང་ཁྱེར་གྱི་སྔོ་ལྗང་ཁྱབ་ཚད38.2%དང32.7%སོ་སོར་ཟིན་ནས“གྲོང་ཁྱེར་དང་གྲོང་གསེབ་ཀྱི་སྔོ་འགྱུར་ཆེན་པོ་དང་། ཧོ་དབྱང་གྲོང་ཁྱེར་དང་གྲོང་གསེབ་ཀྱི་སྔོ་ལྗང་གྲོང་ཁྱེར”མངོན་འགྱུར་བྱུང་ཡོད། ཁོར་ཡུག་བཅོས་སྐྱོང་བྱེད་ཤུགས་ཆེ་རུ་གཏོང་བ་དང་། ཆུ་དང་རླུང་ཁམས་ཆེན་པོ་གཙོ་གནད་དུ་བཟུང་སྟེ། ཚན་རིག་དང་མཐུན་པའི་འཕེལ་རྒྱས་དང་མང་ཚོགས་ཀྱི་བདེ་ཐང་ལ་གནོད་པའི་ཁོར་ཡུག་སྲུང་སྐྱོང་གི་གནད་དོན་ནུས་ཤུགས་ཡོད་རྒུས་ཐག་གཅོད་བྱས་ཏེ། མང་ཚོགས་ལ“ནམ་མཁའ་དང་སྤྲིན་དཀར་མཐོང་དུ་འཇུག་པ་དང་། མཁའ་དབུགས་གསར་པ་རྔུབ་ཏུ་འཇུག་པ། དྭངས་གཙང་ཆུ་འཐུང་དུ་འཇུག་དགོས། ”
9
སྤྱི་ཚོགས་ལས་དོན།
“མཛེས་སྡུག་ལྡན་པའི་གྲོང་གསེབ”དང་། རིག་གནས་ཆ་འཕྲིན་ཐོན་ཁུངས་མཉམ་སྤྱོད། ཞིང་དུད་དཔེ་ཁང་སོགས་ཀྱི་ལས་གཞི་ལག་བསྟར་དང་ཞིང་ཆེན་ཡོངས་སུ་མཐོ་རིམ་སློབ་འབྲིང་དུས་མཚམས་ཀྱི་སློབ་ཡོན་མི་དགོས་པའི་སློབ་གསོ་སྔོན་ལ་ལག་ལེན་བསྟར་ནས་སློབ་འབྲིང་གསར་པ་ཞིག་འཆར་འགོད་འཛུགས་སྐྲུན་བྱས་ཡོད། གྲོང་ཁྱེར་དང་གྲོང་གསེབ་ཀྱི་སྨན་བཅོས་མཉམ་འབྲེལ་སྒྲིག་གཞི་འཚོལ་ཞིབ་བྱས་ནས་བཙུགས་ཏེ་དབང་པོ་སྐྱོན་ཅན་གྱི་ཕྱོགས་བསྡུས་ཞབས་ཞུའི་ལྟེ་གནས་བསྐྲུན་པ་དང། ཟས་རིགས་ཉེན་མེད་ལྟ་སྐུལ་དོ་དམ་སྒྲིག་སྲོལ་བསྒྱུར་བཅོས་ཁྱབ་སྤེལ། གྲོང་ཁྱེར་ཀྲུང་ལུགས་སྨན་ཁང་གི་གནས་ཡུལ་གསར་པ་དང་ལྟེ་བའི་སྨན་ཁང་སྤྱི་ཡོངས་ནས་གནས་སྤོ་ཐུབ་པ་བྱེད་དགོས། གྲོང་ཁུལ་གསར་པར་ལུས་རྩལ་ཁང་དང་། ཆུ་རྐྱལ་ཁང་། ལུས་རྩལ་ཐང་། དམངས་ཡོངས་ལུས་སྦྱོང་ལྟེ་གནས་སོགས་སྤྱི་ཕན་རང་བཞིན་གྱི་ལུས་རྩལ་སྒྲིག་བཀོད་འཆར་འགོད་འཛུགས་སྐྲུན་བྱེད་དགོས། རྒན་གསོའི་སྒྲིག་གཞི་བཙུགས་ནས་གྲོང་ཁྱེར་ཡོངས་ཀྱི་ལོ60ཡན་གྱི་རྒན་རྒོན་ལ་རིན་མེད་གཟུགས་པོར་བརྟག་དཔྱད་བྱས་པ་དང་ལོ80ཡན་གྱི་རྒན་རྒོན་ལ་རྒན་བཀུར་ཁ་གསབ་སྤྲད་དེ་མང་ཚོགས་ལ་ཐོབ་ཚོར་དེ་བས་མང་པོ་བྱུང་ཡོད།
10
འགྲིམ་འགྲུལ་སྐྱེལ་འདྲེན།
མེང་ཀྲོའུ་ནི་ཀྲེང་ཀྲོའུ་དང་། ཅའོ་ཙའོ། ཅི་ཡོན། ལུའོ་དབྱང་བཅས“ཆུ་ཚོད་གཅིག་གི་དཔལ་འབྱོར་གླིང”གི་ལྟེ་གནས་སུ་གནས་ཡོད། ལྷོ་ལུང་ཧའེ་ལྕགས་ལམ་དང་བྱང་དང་ཅའོ་ཀྲེ་ལྕགས་ལམ་དང་ས་འབྲེལ་ཡིན་ཞིང་། ཧོ་ཧོ་མྱུར་བགྲོད་ལྕགས་ལམ་དང་ཅའོ་ཐུང་མྱུར་བགྲོད་ལྕགས་ལམ་གྱིས་མོང་ཀྲོའུ་བསྐོར་བ་དང་། ཀོང་ཏུང་མྱུར་བགྲོད་ལྕགས་ལམ་དང་། ཁྲང་ཅི་མྱུར་བགྲོད་གཞུང་ལམ། རྒྱལ་ལམ207མོང་ཀྲོའུ་བཅས་བརྒྱུད་ཡོད། ཤིན་ཀྲེང་རྒྱལ་སྤྱིའི་གནམ་ཐང་བར་ཆུ་ཚོད་གཅིག་གི་ལམ་ཐག་ལས་མེད་པ་དང་ལུའོ་དབྱང་བྱང་འདབས་ཀྱི་གནམ་ཐང་དང་ལུང་མོན་མྱུར་བགྲོད་ལྕགས་ལམ་བབས་ཚུགས་བར་སྐར་མ40ལས་མེད། མོང་ཀྲོའུ་རྨ་ཆུའི་གཞུང་ལམ་ཟམ་ཆེན་སྐྲུན་འགོ་ཚུགས་ཉེར་ཡོད་ལ། ཅའོ་ཅི་ལུའོ་གྲོང་ཁྱེར་དབར་གྱི་ལྕགས་ལམ་མོང་ཀྲོའུ་དུམ་བུ་དང་། ལྕགས་ལམ་གྱི་ཆེད་སྤྱོད་ལམ་ཐིག ཀུན་སྤྱོད་གནམ་ཐང་སོགས་རྣམ་གྲངས་གལ་ཆེན་དག་འཆར་འགོད་བྱེད་བཞིན་ཡོད།
མེང་ཀྲོའུ་ནི་ཀྲེང་ཀྲོའུ་དང་། ཅའོ་ཙའོ། ལུའོ་དབྱང་བཅས“ཅིན་སན་ཅའོ”ཡི་ལྟེ་གནས་སུ་གནས་ཡོད། ཤིན་ཀྲེང་རྒྱལ་སྤྱིའི་གནམ་ཐང་བར་ཆུ་ཚོད་གཅིག་གི་ལམ་ཐག་ལས་མེད་པ་དང་ལུའོ་དབྱང་བྱང་འདབས་ཀྱི་གནམ་ཐང་དང་ལུང་མོན་མྱུར་བགྲོད་ལྕགས་ལམ་བབས་ཚུགས་བར་སྐར་མ40ལས་མེད། ཀོང་ཀྲོའུ་གཉིས་ནས་ཀོང་ཀྲོའུ་བར་གྱི་མྱུར་བགྲོད་གཞུང་ལམ་དང་། ཁྲང་ཅི་མྱུར་བགྲོད་གཞུང་ལམ། རྒྱལ་ལམ207དང་། ཞིང་ཆེན་རིམ་པའི་ལམ་དང་། ལུའོ་ཁྲང་ལམ། ཀུའུ་ཧོང་ལམ་བཅས་ས་ཁོངས་ཧྲིལ་པོར་ཁྱབ་ཡོད། ཧོ་ནན་ཞིང་ཆེན་དུ་ཤང་ཚང་མར་རིམ་པ་གཉིས་པའི་ལམ་ཤར་གཏོང་ཐུབ་པ་དང་གྲོང་ཚོ་ཚང་མར་སྣུམ་ནག་ལམ་ཤར་གཏོང་ཐུབ་ཡོད།
མྱུར་བགྲོད་གཞུང་ལམ་གྱིས་སྣེ་འདྲེན་བྱེད་པ་དང་། རྒྱལ་ཁབ་རིམ་པའི་གཞུང་ལམ་དང་ཞིང་ཆེན་རིམ་པའི་གཞུང་ལམ་གྱིས་སྒྲོམ་གཞི་བྱེད་པ། གྲོང་གསེབ་ཀྱི་གཞུང་ལམ་རྩ་ལམ་དུ་བྱེད་པ་བཅས་ཀྱི་གཞུང་ལམ་འགྲིམ་འགྲུལ་དྲ་བ་ཞིག་ཆགས་ཡོད། གྲོང་ཁྱེར་དེ་ཡོངས་ཀྱི་གཞུང་ལམ་ཤར་གཏོང་ཐུབ་པའི་ལམ་ཚད་སྤྱི་ལེ962ཡོད་པ་དང་གཞུང་ལམ་འདུས་ཚད་སྤྱི་ལེ་ངོས་གྲུ་བཞི་མ་བརྒྱ་རེར་སྤྱི་ལེ177.8ཟིན་ཡོད། ཧོ་ནན་ཞིང་ཆེན་གྲོང་གསེབ་ཀྱི་གཞུང་ལམ“བཅུ་པ། བརྒྱ་པ། སྟོང་པ”བཅས་དཔེ་སྟོན་རྫོང་དང་གྲོང་ཁྱེར་དང་ཧོ་ནན་ཞིང་ཆེན་གཞུང་ལམ་གྱི་གསེར་བུམ་རྫོང་ཡིན། “ལོ་ལྔ་ཚན་བཅུ་གསུམ་པའི”རིང་དེང་རབས་ཀྱི་འགྲིམ་འགྲུལ་འཛུགས་སྐྲུན་བྱེད་མགྱོགས་སུ་བཏང་ནས“འཕྲེད་བདུན་གཞུང་བཅུའི”བགྲོད་ལམ་ཆེ་མོའི་དྲ་རྒྱའི་འགྲིམ་འགྲུལ་བསྐྲུན་ནས་རྨ་ཆུའི་ཟམ་ཆེན་དང་། ཅའོ་ཅི་ལུའོ་གྲོང་ཁྱེར་དབར་གྱི་ལྕགས་ལམ་མོང་ཀྲོའུ་དུམ་བུ། ལྕགས་ལམ་གྱི་ཆེད་སྤྱོད་ལམ་ཐིགཀུན་སྤྱོད་གནམ་ཐང་སོགས་རྣམ་གྲངས་གལ་ཆེན་ལ་གཙོ་གནད་ཐོག་སྐུལ་འདེད་བཏང་སྟེ་གཞུང་ལམ་དང་། ལྕགས་ལམ། མཁའ་འགྲུལ་བཅས་ཀྱི་ལངས་གཟུགས་རྣམ་པའི་དེང་རབས་འགྲིམ་འགྲུལ་མ་ལག་བསྐྲུན་འཆར་ཡོད།
དཔྱད་གཞིའི་ཡིག་ཆ།