པེ་ཐ་ཆུས།སྔ་མའི་པར་གཞི་དེ མིང་གསང་UBGv93881 ནས 2020-04-01 14:59ལ་འགྲུབ།
པེ་ཐ་ཆུས།
པེ་ཐ་ཆུས།
པེ་ཐ་ཆུས་ནི་ཧྲའོ་དབྱང་གྲོང་ཁྱེར་གྱི་ཁོངས་སུ་གཏོགས་པ་དང་། ཧུའུ་ནན་ཞིང་ཆེན་ཧྲའོ་དབྱང་གྲོང་ཁྱེར་གྱི་བྱང་རྒྱུད་དུ་གནས་ཤིང་། ནུབ་ནི་ཧྲའོ་དབྱང་རྫོང་དང་འབྲེལ་ཞིང་། བྱང་ནི་ཤིན་ཧྲའོ་རྫོང་དང་འབྲེལ་ཡོད། ཤར་ལྷོའི་གཞོགས་གཉིས་སུ་ཧྲོང་ཆིང་དང་ཏ་ཞང་ཆུས་གཉིས་དང་གཙང་པོའི་གཡས་གཡོན་དུ་ཁ་གཏད་དུ་གནས་ཡོད། སྤྱིའི་རྒྱ་ཁྱོན་ལ་སྟོང་སྨི་གྲུ་བཞི་མ83.72ཡོད། དེའི་ཁོངས་སུ་ཁྲོམ་གཞུང2དང་། ཤང3ཡོད་པ་དང་། ཆུས་སྲིད་གཞུང་ཁོངས་ནི་ཀྲུང་ཡོན་ཀྲོའུ་ཁྲོམ་གཞུང་ཚའེ་ཨོ་ལམ་རུ་གནས་ཡོད།
སྤྱི་ལོ2015ལོར་པེ་ཐ་ཆུས་ཀྱི་ཤང་གྲོང་དབྱེ་འབྱེད་ལེགས་སྒྲིག་བྱས་རྗེས་ཁོངས་གཏོགས་ཀྱི་ཤང1དང་ཁྲོམ་གཞུང2ཡོད་པ་རེད།
པེ་ཐ་ཆུས་ཀྱི་ཞིང་ལས་ཐོན་རྫས་གཙོ་བོ་ནི་སྔོ་ཚལ་དང་། འབྲས་སོབ། ཚ་ལུ་མ། ཁྱིམ་བྱའི་ཕྱུགས་རིགས། མེ་ཏོག་ལུག་མཉེ་སོགས་ཡིན། དེའི་ནང་ཁྲེན་ཅ་ཆའོ་ཤང་གི་ལུང་ཡ་ལུག་མཉེ་ལ་ལོ300ལྷག་ཙམ་གྱི་འདེབས་གསོའི་ལོ་རྒྱུས་ལྡན་ཡོད་ཅིང་། ཤ་མཐུག་ལ་མཉེན་པ་དང་། ཚོན་མདངས་དཀར་བ། ཕྱི་རྒྱལ་དུ་ཕྱིར་ཚོང་བྱེད་ཀྱིན་ཡོད། ཁྲ་ཡོན་ཐོའུ་ཤང་གི་དཀར་ཞིང་ལ་ཕུག་ནི་བྱེ་སྣོད་དང་འདྲ་བ་དང་། ཤ་རིགས་ལ་ཁུ་བ་མང་བ། པད་རྩ་དང་འདྲ་བ། མངར་རྒྱུ་སོབ་སོབ་ཡིན། ཚོས་རྗེས་འཇམ་ཞིང་མཉེན་པ། ཐེན་ཅང་གི་ཕག་དང་། ཁྲ་ཡོན་གྱི་ངང་པ་གསོ་བ། ཅིང་པའེ་ཡི་བྱ་གསོ་བ་བཅས་ཚང་མ་གཞི་ཁྱོན་ཆེ་ལ་རང་རང་གི་ཁྱད་ཆོས་ཀྱང་ལྡན་པ་རེད།
གཞི་རྩའི་གནས་ཚུལ།
རྒྱ་ཡིག་གི་མིང་།
北塔区
སྲིད་འཛིན་ས་ཁོངས་ཀྱི་རིགས་དབྱེ།
གྲོང་ཁྱེར་ཁོངས་གཏོགས་ཆུས།
ས་ཁོངས་ཁ་པར་ཨང་རྟགས།
0739
སྦྲག་སྲིད་ཨང་གྲངས།
422000
རྒྱ་ཁྱོན།
སྤྱི་ལེ་གྲུ་བཞི་མ84ཡོད།
མི་འབོར།
91966ཡོད།
ནམ་ཟླ།
ཚ་ཁུལ་ཕལ་བའི་དུས་རླུང་ནམ་ཟླ།
རླངས་འཁོར་ཚབ་ཨང་།
ཞང（湘）E
སྲིད་འཛིན་ཚབ་ཨང་།
430511
དཀར་ཆག
1
ས་ཁམས་ཁོར་ཡུག
1_1
གནས་ཡུལ།
ཧྲའོ་དབྱང་གྲོང་ཁྱེར་པེ་ཐ་ཆུས་སུ་སྤྱི་ལོ1997ལོའི་ཟླ10པར་ཧྲའོ་དབྱང་གྲོང་ཁྱེར་གྱི་ས་ཁོངས་ལེགས་སྒྲིག་བྱས་རྗེས་གསར་དུ་བཙུགས་པ་དང་། ཤིན་ཧྲའོ་དང་ཧྲའོ་དབྱང་རྫོང་གཉིས་དང་ས་མཚམས་འབྲེལ་ནས་ཧྲོང་ཆིང་དང་ཏ་ཞང་ཆུས་གཉིས་དང་གཙང་པོའི་ཁ་གཏད་དུ་གནས་ཡོད། ས་ཁམས་གནས་ཚད། འཕྲེད་ཐིག་བྱང་མའི27°11''29″—27°18''12″དང་ཤར་ཕྱོགས་ཀྱི་གཞུང་ཐིག111°20''48″—111°29''23″བར་དུ་གནས་ཡོད།
1_2
ས་དབྱིབས།
པེ་ཐ་ཆུས་ནི་ཧེང་ཧྲན་རི་མ་ཐང་གཤོང་ས་ཡིན། མངའ་ཁོངས་ནང་གི་རི་སྒང་འབར་འབུར་དང་། ལུང་གཞུང་ནི་བདེ་ཐང་གི་ནང་དུ་ཕྲ་བཏབ་པ་རེད།
ས་དབྱིབས་ཀྱི་རིགས་སྣ་མང་བ་དང་། རི་དང་། དེའུ་འབུར། སྒང་། ས་ཁོད་སྙོམས་པ། ས་རྒྱུའི་རིགས་སྣ་མང་བ། སྐྱེ་ལྡན་རྫས་དང་ཏན་འདུས་ཚད་མཐོ་བ། ས་རྒྱུ་གཤིན་པོ་བཅས་ཡིན།
1_3
ཆུ་དཔྱད།
ཆུས་ནང་ཁུལ་གྱི་གཙང་པོ་ནུབ་ནས་ཤར་དུ་བཞུར་བ་དང་། གསུམ་ཆ་གཉིས་ཀྱི་གྲོང་ཚོ་ལིན་ཅང་དུ་གནས་ཡོད། ཙི་ཅང་ལ་ཙི་ཧྲུའེ་ཡང་ཟེར། ཧུའུ་ནན་གྱི་ཆུ་བོ་བཞིའི་ཡ་གྱལ་དང་། འབྲི་ཆུའི་ཆུ་ལག་གཙོ་བོ་ཡིན། ཙི་ཅང་ནི་ནན་ཡོན་དང་ཤིས་ཡོན་གཉིས་སུ་གྱེས་ཤིང་། གཙོ་བོ་ནི་ནན་ཡོན་ཏེ་ཏ་དབྱི་ཧྲུའེ་ཡིན་ཞིང་། ཀོང་ཤིས་ཀྲོང་རིགས་རང་སྐྱོང་ལྗོངས་ཀྱི་ཙི་ཡོན་རྫོང་ནས་ཐོན་པ་ཡིན་པ་དང་། ཙི་ཡོན་ནང་དུ་བཞུར་ཞིང་། ཧུའུ་ནན་ཤིན་ཉིང་། ཧྲའོ་དབྱང་སོགས་རྫོང་དང་གྲོང་ཁྱེར་བརྒྱུད་ཡོད། ཞི་ཡོན་ནི་ཧོ་ཧྲུའེ་ཡིན་ཞིང་། ཝུའུ་ཀང་དང་ལུང་ཧུའེ་སོགས་རྫོང་དང་གྲོང་ཁྱེར་བརྒྱུད་དགོས། ཆུ་གཉིས་ཧྲའོ་དབྱང་རྫོང་ཧྲོང་ཅང་ཁོའུ་རུ་འཕྲད་རྗེས“ཙི་ཅང་གཙང་པོ”ཞེས་འབོད།
1_4
ནམ་ཟླ།
པེ་ཐ་ཆུས་ནི་ཚ་ཁུལ་བར་མའི་ནམ་ཟླའི་ཁོངས་སུ་གཏོགས་པ་དང་། དུས་རླུང་རེས་མོས་དང་དུས་བཞིའི་དབྱེ་མཚམས་གསལ་པོ་ཡོད་ཅིང་། མངའ་ཁོངས་ནང་གི་ལོ་རེའི་ཆ་སྙོམས་དྲོད་ཚད་ནི17.2℃དང་། དམའ་ཤོས16.2℃དང་། མཐོ་ཤོས18.1℃བཅས་ཡིན། ཟླ་དང་པོར་གྲང་ཤོས་ཡིན་པ་དང་། ཟླ7པར་ཚ་བ་ཆེ་ཤོས་ཡིན། ལོ་རེར་ཆ་སྙོམས28.5℃ཡིན། ཉིན་རེའི་དྲོད་ཚད་དམའ་ཤོས-10.5℃ཡིན། ཉིན་རེའི་དྲོད་ཚད་མཐོ་ཤོས་ནི39.5℃ཡིན། སད་མེད་དུས་ལོ་རེར་ཆ་སྙོམས་ཉིན277ཡིན། ལོ་མང་རིང་ཆ་སྙོམས་ཆར་པ་འབབ་ཚད་ཧའོ་སྨི1323.0ཡིན་པ་དང་། ཆར་པ་འབབ་ཉིན161.1ཟིན། ཆར་པ་འབབ་པའི་དུས་ཚོད་གཙོ་བོ་ཟླ4པ་ནས6པའི་བར་ཡིན་པ་དང་། ལོ་མང་ཆ་སྙོམས་བྱས་ན་ལོ་ཧྲིལ་པོའི44.4%ཟིན། ལོ་མང་ཆ་སྙོམས་ཁ་བ་འབབ་པའི་ཉིན9.6ཡིན། ཁ་བ་གསོག་པའི་ཉིན5ཡིན་པ་བཅས་རེད། ཉི་འོད་ཕོག་ཚད་ལོ་རེར་ཆ་སྙོམས་ཆུ་ཚོད1533.2ཡིན་པ་དེ་ཟླ་བདུན་པ་དང་བརྒྱད་པའི་ནང་མང་ཤོས་ཡིན་པ་དེས་ལོ་ཧྲིལ་པོའི30.7%བཟུང་ཡོད།
2
རང་བྱུང་ཐོན་ཁུངས།
2_1
གཏེར་ཁའི་ཐོན་ཁུངས།
རྡོ་ཐལ་རྡོ། གསོག་ཚད་མི་གསལ། གྲུབ་ཆ་གཙོ་བོ་ཐཱན་སྐྱུར་ཀལ་ཡིན་པ་དང་། ཨར་འདམ་དང་རྡོ་ཐལ་བསྲེགས་པའི་མ་བཅོས་རྒྱུ་ཆ་དང་ཨར་ལས་རྒྱུ་ཆ་སོགས་ལ་བཀོལ་ཆོག གཙོ་བོ་ཁྲ་ཡོན་ཐོའུ་ཤང་གི་གྲོང་ཚོ་དྲུག་ཅུ་དང་ཧོ་ཧྲང་ཆའོ་གྲོང་ཚོར་ཁྱབ་ནས་ས་ངོས་མུའུ500ལྷག་ཙམ་ཐོན་གྱིན་ཡོད།
བྱེ་མ་རྡོ་སྒོང་། གསོག་ཚད་མི་གསལ། གཙོ་བོ་འཛུགས་སྐྲུན་དང་ལམ་འདིང་བར་སྤྱོད་དགོས། རྒྱལ་ནང་དུ་ཁྱབ་པའི་ཙི་ཅང་གཙང་པོའི་དུམ་མཚམས་སུ་ལོ་རེར་བྱེ་རྡོ་ཐོན་ཚད་ཏུན་ཁྲི70ཡིན་པ་དང་། ཐོན་འབབ་གཙོ་བོ་ཀྲུང་ཡོན་ཀྲོའུ་མོ་ཧྲི་སྡེ་ཁུལ་དང་ཤིན་ཐན་གྲོང་རྡལ་གྱི་ཤིན་ཏུའུ་སྡེ་ཁུལ་དུ་ཁྱབ་ཡོད།
དེ་ལས་གཞན་རྡོ་ལེབ་སེར་པོ་ཅུང་ཕུན་སུམ་ཚོགས་པོ་ཡོད།
2_2
ས་ཞིང་ཐོན་ཁུངས།
མངའ་ཁོངས་ནང་གི་རི་དམའ་ཞིང་ཁོད་སྙོམས་པའི་སྒོ་ནས་བསྣོལ་ཞིང་། འབྲི་ཆུའི་ལྷོ་རྒྱུད་ཀྱི་རི་མ་ཐང་གི་ས་དབྱིབས་ཁོངས་སུ་གཏོགས། ས་བབ་མཐོ་ཚད་སྨི500ཟིན་པའི་རི་བོ་ཆེན་པོ་ནི་ཁྲ་ཡོན་ཐོའུ་ཤང་གཙང་པོའི་ཐོག་གི་ཟམ་སྟེང་གི་མུ་ཧྲན་གྲོང་ཚོ་ཡིན་པ་དང་། དེ་བྱིངས་མང་ཆེ་བ་ནི་ས་བབ་མཐོ་ཚད་སྨི250ནས་སྨི300བར་གྱི་རི་ལྡེབས་ཡིན་པ་རེད། ཆུས་ཡོངས་ཀྱི་སྤྱིའི་ས་ཆའི་རྒྱ་ཁྱོན་སྤྱི་ལེ་གྲུ་བཞི་མ82ཡོད་པའི་ནང་རྨོ་ཞིང་རྒྱ་ཁྱོན་སྤྱི་ཆིང་སྟོང3.13དང་། ཆུ་ཞིང་སྤྱི་ཆིང་སྟོང2.21ཐན་ཞིང་སྤྱི་ཆིང་སྟོང0.92ཆུ་ཁོངས་སུ་གསོ་སྤེལ་རྒྱ་ཁྱོན་སྤྱི་ཆིང་སྟོང0.776ནགས་ས་སྤྱི་ཆིང་སྟོང3.08བཅས་ཡོད།
3
སྲིད་འཛིན་དབྱེ་མཚམས།
པེ་ཐ་ཆུས་སུ་ཁྲོམ་གཞུང2དང་། ཤང3ཞིང་ཆེན་རིམ་པའི་གསར་སྤེལ་ཁུལ1བཅས་ཡོད། སྤྱི་ལོ2015ལོར་ཧྲའོ་དབྱང་གྲོང་ཁྱེར་པེ་ཐ་ཆུས་ཀྱི་ཤང་གྲོང་དབྱེ་འབྱེད་ལེགས་སྒྲིག་ཇུས་གཞི་གཞིར་བཟུང་ཐེན་ཅང་ཤང་དང་ཀྲུང་ཡོན་ཀྲོའུ་ཁྲོམ་གཞུང་གི་སྒྲིག་གཞི་ཟླ་སྒྲིལ་བཏང་ནས་ཀྲུང་ཡོན་ཀྲོའུ་ཁྲོམ་གཞུང་བཙུགས་པ་རེད། ཁྲ་ཡོན་ཐོའུ་ཤང་དང་ཤིན་ཐན་གྲོང་བརྡལ་གྱི་ཁྲོམ་གཞུང་གི་སྒྲིག་གཞི་ཟླ་སྒྲིལ་བཏང་ནས་ཤིན་ཐན་གྲོང་བརྡལ་གྱི་ཁྲོམ་གཞུང་བཙུགས། རེས་སྐོར་འདིའི་ཤང་གྲོང་སྲིད་འཛིན་ཁུལ་དབྱེ་བ་ལེགས་སྒྲིག་བྱས་པ་དང་ཧྲའོ་དབྱང་གྲོང་ཁྱེར་པེ་ཐ་ཆུས་སུ་ཁྱོན་ཤང་རིམ་པའི་སྒྲིག་གཞི2མེད་པར་བཟོས་པ་དང་ད་ཆ་ཁྲེན་ཅ་ཆའོ་ཤང་དང་། ཀྲུང་ཡོན་ཀྲོའུ་དང་ཤིན་ཐན་གྲོང་རྡལ་གྱི་ཁྲོམ་གཞུང2ཡོད་པ་དང་སྤྱིའི་རྒྱ་ཁྱོན་ལ་སྟོང་སྨི་གྲུ་བཞི་མ84.4ཡོད་པ་དང་སྤྱིའི་མི་འབོར་ཁྲི13.53ཡོད་པ་རེད། ཆུས་མི་དམངས་སྲིད་གཞུང་ནི་འགྱུར་བ་མེད་པར(ཀྲུང་ཡོན་ཀྲོའུ་ཁྲོམ་གཞུང་ཙི་ཡོན་གྲོང་ཁུལ)དུ་གནས་ཡོད།
4
མི་འབོར།
སྤྱི་ལོ2000ལོར་པེ་ཐ་ཆུས་སུ་ཁྲོམ་གཞུང1དང་ཤང4ཡོད་པ་རེད། སྤྱིའི་མི་འབོར67538ཡོད་པའི་ནང་ཅང་པའེ་ཁྲོམ་གཞུང་ལ12711ཐེན་ཅང་ཤང་ལ9710ཅང་པེ་ཤང་ལ16844ཁྲ་ཡོན་ཐོའུ་ཤང་ལ13278ཁྲེན་ཅ་ཆའོ་ཤང་ལ14995བཅས་ཡོད། སྤྱི་ལོ2009ལོའི་ལོ་མཇུག་ཏུ་ཆུས་ཡོངས་ཀྱི་སྤྱིའི་མི་འབོར91966ཡོད། ལོ་འདིའི་ནང་གསར་སྐྱེས་མི་འབོར1086ཡོད་པ་དང་སྐྱེས་ཚད11.8%ཟིན། རྐྱེན་ལམ་དུ་ཤོར་བའི་མི་འབོར313ཡོད་པ་དང་། རང་བྱུང་འཕར་ཚད་སྟོང་ཆའི7.4ཡིན།
5
དཔལ་འབྱོར།
སྤྱི་ལོ2009ལོར་པེ་ཐ་ཆུས་ཀྱི་ཐོན་སྐྱེད་རིན་ཐང་བསྡོམས་འབོར་སྒོར་ཁྲི134485ཟིན་པ་དེ་བསྡུར་གཞི་ཡོད་པའི་རིན་གོང་ལྟར་བརྩིས་ན་སྤྱི་ལོ2008ལོ་ལས15.6%འཕར་ཡོད། དེའི་ནང་ཐོན་ལས་དང་པོའི་འཕར་ཐང་མངོན་འགྱུར་བྱུང་། སྒོར་ཁྲི15240ཟིན་ནས5.7%འཕར། ཐོན་ལས་གཉིས་པའི་འཕར་ཐང་སྒོར་ཁྲི75699ཟིན་ནས21.3%འཕར་བ་དང་། ཐོན་ལས་གསུམ་པའི་འཕར་ཐང་སྒོར་ཁྲི43546ཟིན་ནས10.1%འཕར་ཡོད། ཐོན་ལས་གཉིས་པ་ནི་དཔལ་འབྱོར་འཕར་སྣོན་ཡོང་བའི་སྒུལ་ཤུགས་གཙོ་བོ་ཡིན་པ་དང་། དཔལ་འབྱོར་འཕར་སྣོན་ཡོང་བར་ལེགས་སྐྱེས་འབུལ་ཚད་བརྒྱ་ཆའི73.3ཟིན་ཡོད། ཐེངས་གསུམ་གྱི་ཐོན་ལས་གྲུབ་ཆ་ནི14.2:51.8:34ཡིན། རྒྱུན་སྡོད་མི་འབོར་ལྟར་བརྩིས་ན་མི་རེའི་ཆ་སྙོམསGDPསྒོར14678ཡིན། སྤྱི་ལོ2012ལོར་པེ་ཐ་ཆུས་སུ་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར23.23ཡོད་པ་དེ་དུས་མཚུངས་ལས12.8%འཕར་བ་དང་། གཏན་འཇགས་རྒྱུ་ནོར་ལ་མ་དངུལ་སྒོར་དུང་ཕྱུར23.53བཏང་བ་དེ་དུས་མཚུངས་ལས36.5%འཕར། ནོར་སྲིད་ཀྱི་སྤྱིའི་ཡོང་འབབ་སྒོར་དུང་ཕྱུར3.52བྱུང་བ་དེ་དུས་མཚུངས་ལས43.14%འཕར་བ་དང་། ས་གནས་ནོར་སྲིད་ཀྱི་སྤྱིར་བཏང་སྔོན་རྩིས་ཡོང་འབབ་སྒོར་ཁྲི7860ཟིན་ནས་དུས་མཚུངས་ལས20%འཕར། གྲོང་ཁྱེར་དང་གྲོང་རྡལ་གྱི་གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར17037ཡོད་པ་དེ་དུས་མཚུངས་ལས13.6%འཕར། ཞིང་པ་མི་རེའི་ཆ་སྙོམས་ཡོང་འབབ་ཁེ་གཙང་སྒོར9491ཡོད་པ་དེ་དུས་མཚུངས་ལས17.9%འཕར་ཡོད། སྤྱི་ལོ2016ལོར་པེ་ཐ་ཆུས་ཀྱི་ཐོན་སྐྱེད་རིན་ཐང་བསྡོམས་འབོར་སྒོར་ཁྲི336620ཟིན་ནས་བསྡུར་གཞི་ཡོད་པའི་རིན་གོང་ལྟར་བརྩིས་ན་སྤྱི་ལོ2015ལོ་ལས7.6%འཕར་ཡོད། དེའི་ནང་ཐོན་ལས་དང་པོའི་འཕར་ཐང་སྒོར་ཁྲི31365ཟིན་ནས3.2%འཕར། ཐོན་ལས་གཉིས་པའི་འཕར་ཐང་སྒོར་ཁྲི180011ཟིན་ནས5.9%འཕར་བ་དང་། ཐོན་ལས་གསུམ་པའི་འཕར་ཐང་སྒོར125244ཟིན་ནས11.4%འཕར་ཡོད། ཐོན་ལས་གཉིས་པས་དཔལ་འབྱོར་འཕར་རྒྱུར་ལེགས་སྐྱེས་འབུལ་ཚད42.7%ཟིན་པ་དང་ཐོན་ལས་གསུམ་པས་དཔལ་འབྱོར་འཕར་རྒྱུར་ལེགས་སྐྱེས་འབུལ་ཚད53.4%ཟིན་ཡོད། ཐེངས་གསུམ་གྱི་ཐོན་ལས་གྲུབ་ཆ9.3:53.5:37.2ཡིན། རྒྱུན་སྡོད་མི་འབོར་ལྟར་བརྩིས་ན་མི་རེའི་ཆ་སྙོམསGDPསྒོར31727ཟིན་ཡོད། ཆུས་ཡོངས་ཀྱི་ནུས་རྒྱུ་ཟད་ཚད་ལྡན་རྡོ་སོལ་ཏུན་ཁྲི21.4ཟིན་པ་དང་། སྒོར་ཁྲི་རེའི་GDPནུས་རྒྱུ་ཟད་ཚད་ལྡན་རྡོ་སོལ་ཏུན་0.691ཟིན་པ་དེ་དུས་མཚུངས་ལས་4.83%ཆག་ཡོད། ལོ་ཧྲིལ་པོའི་ནོར་སྲིད་ཀྱི་སྤྱིའི་ཡོང་འབབ་སྒོར་ཁྲི་51787ལེགས་གྲུབ་བྱུང་བ་དེ་དུས་མཚུངས་ལས13.8%འཕར་བ་དང་། སྤྱི་པའི་ནོར་སྲིད་སྔོན་རྩིས་ཡོང་འབབ་སྒོར་ཁྲི27015ཟིན་ནས་དུས་མཚུངས་ལས0.9%འཕར་ཡོད། སྤྱི་པའི་ནོར་སྲིད་སྔོན་རྩིས་ཡོང་འབབ་ཀྱིསGDPནང་བཟུང་བའི་བསྡུར་ཚད8%ཟིན་ཡོད། ཁྲལ་བསྡུའི་ཡོང་འབབ་སྒོར་ཁྲི42479ཡོད་པ་དེས་ནོར་སྲིད་ཀྱི་སྤྱིའི་ཡོང་འབབ་ཀྱི་བསྡུར་ཚད82.0%ཟིན་ཡོད།
6
འགྲིམ་འགྲུལ་སྐྱེལ་འདྲེན།
པེ་ཐ་ཆུས་ཀྱི་འགྲིམ་འགྲུལ་སྟབས་བདེ། རྒྱལ་ལམ320ཤར་ནུབ་འཕྲེད་དུ་ཤར་བགྲོད་ཐུབ་པ་དང་། རྒྱལ་ལམ207དང་ཞིང་ཆེན་ལམ1821གཞུང་ལམ་ལྷོ་བྱང་སྦྲེལ། ལུའོ་ཧྲིན་ལྕགས་ལམ་དང་ཐན་ཧྲོའོ་མྱུར་བགྲོད་ལྕགས་ལམ་ཉེ་འཁོར་དུ་ཡོད་པ། འཛུགས་སྐྲུན་བྱེད་བཞིན་པའི་ཐའེ་ཨོ་མྱུར་བགྲོད་གཞུང་ལམ་དེ་ས་ཁོངས་ནང་ཕན་ཚུན་འབྲེལ་མཐུད་དང་ཞབས་ཞུའི་ཁུལ་བཙུགས་པ། ཙི་ཅང་ཟམ་པ་དང་པོ་དང་། ཙི་ཅང་ཟམ་པ་གཉིས་པ། ཤིས་ཧུའུ་ཟམ་ཆེན་བཅས་གྲོང་ཁྱེར་ལྟེ་གནས་དང་སྦྲེལ་མཐུད་དམ་ཟབ་བྱས། ལྗོངས་ནང་ཁུལ་གྱི་ཚའེ་ཨོ་ལམ་དང་། ཝེ་ཡོན་ལམ། པེ་ཐ་ལམ་སོགས“སྣེས་བདུན་འཕྲེད་བཅུའི”གྲོང་ཁུལ་གྱི་ལམ་དྲ་ཆགས་ཡོད་པ་རེད།
7
སྤྱི་ཚོགས་བྱ་གཞག
སྤྱི་ལོ2012ལོར་པེ་ཐ་ཆུས་ཀྱིས་མ་དངུལ་སྒོར་ཁྲི600ལྷག་ཙམ་བཏང་ནས་སྤྱིའི་འཛུགས་སྐྲུན་རྒྱ་ཁྱོན་སྨི་གྲུ་བཞི་མ3400ལྷག་ཙམ་ཟིན་པའི་ཞེ་ཤིན་ཉི་འོད་སློབ་ཆུང་བསྐྲུན་ནས་སྤྱོད་འགོ་ཚུགས་པ་དང་། ཀྲོང་ཡོན་སློབ་འབྲིང་དང་ཐེན་ཅང་སློབ་ཆུང་སོགས་སློབ་གྲྭ6ཉམས་གསོ་སྒྱུར་བཀོད་ཁྱོན་ཡོངས་ནས་ལེགས་གྲུབ་ཟིན་ཡོད། སྤྱི་ལོ2012ལོར་པེ་ཐ་ཆུས་ཀྱི་རིག་གནས་དམངས་ཕན་འདུ་འགོད་ལག་བསྟར་གཏིང་ཟབ་བྱས་ཤིང་། ཞིང་པའི་དཔེ་དེབ་ཁང9དང་། གྲོང་གསེབ་ཀྱི་ལུས་སྦྱོང་ལས་གྲྭ3སྡེ་ཁུལ་གྱི་རིག་གནས་བྱེད་སྒོ་ཁང7བཅས་བསྐྲུན་ནས“ཁང་གཉིས་དང་ས་ཚིགས་གཅིག”རིན་མེད་ངང་སྒོ་ཕྱེ་ཡོད། སྨན་བཅོས་འཕྲོད་བསྟེན་ལས་དོན་ལ་གྲུབ་འབྲས་གསར་པ་ཐོབ་པ་དང་། གཞི་རྩའི་སྨན་རྫས་ལམ་ལུགས་ཕྱོགས་ཡོངས་ནས་ལག་ལེན་བསྟར་འགོ་ཚུགས་ཤིང་། གཞི་རྩའི་སྤྱི་པའི་ཞབས་ཞུའི་ཆུ་ཚད་སྔར་བས་མཐོ་རུ་ཕྱིན་ཡོད། སྤྱི་ལོ2012ལོར་པེ་ཐ་ཆུས་ཀྱིས“ཉི་འོད་འཆར་ལྡན་བུ་སྐྱེས་ཀྱི་བྱ་སྤྱོད”དཔེ་སྟོན་ས་ཚིགས་གཏོད་པའི་བྱེད་སྒོ་ཧུར་ཐག་སྤེལ་བས་ཆུས་ཡོངས་ཀྱི་སྲིད་ཇུས་དང་འཚམ་ཚད90%ཟིན་ཡོད། སྤྱི་ལོ2012ལོར་པེ་ཐ་ཆུས་ཀྱི་ཁེ་བེད་བདག་ཐོབ་ཀྱི་དབང་ཆ40སྤྲད་པ་དང་། ཁེ་བེད་བདག་ཐོབ18རེ་ཞུ་བྱས། མ་རྩ་དང་སྡེ་ཁུལ་གསར་པར“རྒྱལ་ཡོངས་ཀྱི་ཚན་རིག་ཁྱབ་གདལ་གྱི་སྔོན་ཐོན་སྡེ་ཁུལ”གྱི་མཚན་སྙན་ཐོབ་པ་རེད།
དཔྱད་གཞིའི་ཡིག་ཆ།