ཙི་ཀྲོའུ་རྫོང་ནི་ཧྲའན་ཞི་ཞིང་ཆེན་གྱི་བྱང་རྒྱུད་དང་ས་སེར་མཐོ་སྒང་གི་དབུས་ཁུལ་དུ་གནས་པ་དང་། ཡུས་ལིན་གྲོང་ཁྱེར་གྱི་ལྷོ་ངོས་སུ་ཡོད། རྫོང་ཁོངས་ཀྱི་གཞི་ཁྱོན་ལ་སྤྱི་ལེ་གྲུ་བཞི་མ2042དང་རྨོ་ཞིང་སྤྱིའི་རྒྱ་ཁྱོན་མུའུ་ཁྲི137ཟིན་པ་དང་རྫོང་ཡོངས་ཀྱི་སྤྱིའི་མི་འབོར་ཁྲི30.39(སྤྱི་ལོ2017ལོ)ཡོད་པའི་ནང་ཞིང་ལས་མི་འབོར་ཁྲི27.88ཡོད། རྫོང་གི་མངའ་ཁོངས་སུ་ གྲོང་རྡལ11དང་། ཡུལ་ཚོ1ཁྲོམ་གཞུང་དོན་གཅོད་ཁང1སྲིད་འཛིན་གྲོང་ཚོ279གྲོང་མིའི་ཨུ་ཡོན་ལྷན་ཁང11བཅས་ཡོད།
ཙི་ཀྲོའུ་རྫོང་ནི་ཧྲའན་ཞི་ཞིང་ཆེན་གྱི་བྱང་ཕྱོགས་སུ་ཆགས་ཡོད་པ་དང་། ཡུས་ལིན་ས་ཁུལ་གྱི་ལྷོ་ཕྱོགས་སུ་ཆགས་ཡོད་། བྱང་གི་འཕྲེད་ཐིག37°15′~38°50′དང་། ཤར་གྱི་གཞུང་ཐིག 109°29'~110°07'བར་དུ་གནས། བྱང་དུ་སྨི་ཀྲི་དང་འབྲེལ་ཞིང་། ཤར་དུ་སུའེ་ཏེ་དང་འབྲེལ་ཡོད། ལྷོ་རུ་ཆིན་ཅན་དང་ཙི་ཁྲང་དང་གཉིས་ལ་འབྲེལ་ཡོད ། ནུབ་ཏུ་ཧེང་ཧྲན་དང་འབྲེལ་ཡོད། བྱང་ནས་སྨི་ཀྲི་རྫོང་གྲོང་བར་སྤྱི་ལེ64དང་། ཡུས་ལིན་གྲོང་ཁྱེར་བར་སྤྱི་ལེ142ཧུའུ་ཧོ་ཧའོ་ཐེ་གྲོང་ཁྱེར་བར་སྤྱི་ལེ642བཅས་ཡོད། ནུབ་ཕྱོགས་ནས་ཅིན་པེན་རྫོང་གྲོང་བར་སྤྱི་ལེ148དང་དབྱིན་ཁྲོན་གྲོང་ཁྱེར་བར་སྤྱི་ལེ474ཟིན། ལྷོ་ཆིང་ཡུས་རྫོང་གྲོང་དང་བར་ཐག་སྤྱི་ལེ92དང་། ཡན་ཨན་གྲོང་ཁྱེར་ལ་སྤྱི་ལེ226དང་། ཐུང་ཁྲོན་གྲོང་ཁྱེར་ལ་སྤྱི་ལེ472ཞི་ཨན་གྲོང་ཁྱེར་ལ་སྤྱི་ལེ594བཅས་ཡོད།
སྤྱི་ལོ1942ལོར་སུའེ་ཞི་དོན་གཅོད་ཁང་འཛུགས་སྐབས་མངའ་ཁོངས་སུ་མི་གྲངས91170ཡོད་པ་དང་། སྤྱི་ལོ1944ལོར་དུད་ཚང19322དང་མི་གྲངས104286ཡོད་པའི་ནང་སྐྱེས་པ53148དང་བུད་མེད51138ཡོད། སྤྱི་ལོ1945ལོར་ཁྱིམ་དུད22290དང་མི113799ཡོད་པའི་ནང་སྐྱེས་པ58315དང་བུད་མེད55484ཡོད། སྤྱི་ལོ1947ལོར་དུད་ཚང26290དང་མི126456ཡོད།
སྤྱི་ལོ1949ལོར་ཙི་ཀྲོའུ་རྫོང་གི་ཁྱིམ་དུད23953དང་མི་གྲངས106159ཡོད། སྤྱི་ལོ1959ལོར་དུད་ཚང31502དང་མི148581ཡོད། སྤྱི་ལོ1969ལོར་དུད་ཚང42981ཡོད་པ་དང་མི་གྲངས186650ཡོད། སྤྱི་ལོ1979ལོར་དུད་ཚང47487དང་མི205967ཡོད། སྤྱི་ལོ1989ལོར་དུད་ཚང65394ཟིན་པ་དང་མི257842ཡོད་པ་དེ་སྤྱི་ལོ1949ལོ་ལས143%འཕར་བ་དང་ལོ་རེར་ཆ་སྙོམས་བྱས་ན་མི3700འཕར་ཡོད།
སྤྱི་ལོ1980ལོར་མི་འབོར་རང་ཤུགས་སུ་འཕར་ཚད14.43%ཡིན། སྤྱི་ལོ1983ལོར་མི་འབོར་རང་ཤུགས་སུ་འཕར་ཚད18.68%ཟིན། སྤྱི་ལོ1987ལོར་མི་འབོར་སྐྱེས་ཚད35.1‰ཡིན། མི་འབོར་རང་ཤུགས་སུ་འཕར་ཚད29.6‰ཡིན། ཕྲུ་གུ་སྐྱེས་ཚད40%ཡན་ཟིན།
སྤྱི་ལོ2013ལོར་ཙི་ཀྲོའུ་རྫོང་གི་མི་འབོར་བསྡོམས་འབོར་ཁྲི30.9ཟིན་པའི་ནང་ཞིང་ལས་མི་འབོར་ཁྲི27.88ཡོད།
སྤྱི་ལོ2016ལོའི་ལོ་མཇུག་ཏུ་རྫོང་ཡོངས་སུ་ཁྱོན་དུད་ཚང115057ཡོད་པ་དང་མི་འབོར་བསྡོམས་འབོར303708ཡོད་པའི་ནང་སྐྱེས་པ161943ཡོད་པ་དེས་མི་འབོར་བསྡོམས་འབོར་གྱི53.32%བཟུང་བ་དང་། བུད་མེད141765ཡོད་པ་དེས་སྤྱིའི་མི་འབོར་གྱི46.68%བཟུང་ཡོད། རྫོང་ཡོངས་ཀྱི་གྲོང་ཁྱེར་དང་གྲོང་རྡལ་གྱི་མི་འབོར62965དང་གྲོང་གསེབ་ཀྱི་མི་འབོར240743ཡོད། སྤྱི་ལོ2016ལོའི་ལོ་མཇུག་ཏུ་རྫོང་ཡོངས་ཀྱི་རྒྱུན་སྡོད་མི་འབོར་ཁྲི17.03ཟིན་པ་དང་གྲོང་ཁྱེར་དང་གྲོང་རྡལ་ཅན་དུ་གྱུར་ཚད36.16%ཟིན་ཡོད། ཕྲུ་གུ་སྐྱེས་ཚད12.02ཡིན། ཚེ་འདས་ཚད7.31%དང་། རང་ཤུགས་སུ་འཕར་ཚད4.71‰ཡིན།
ཙི་ཀྲོའུ་རྫོང་གི་མངའ་ཁོངས་སུ་ཧྲོང་ཧུའུ་ཡུས་ཁྲོམ་ལམ་དོན་གཅོད་ཁང་དང་། ཧོ་ཅ་ཅི་གྲོང་རྡལ། ལའོ་ཅུན་ཏེན་གྲོང་རྡལ། ཕེ་ཅ་ཝན་གྲོང་རྡལ། མིའོ་ཅ་ཕིན་གྲོང་རྡལ། སན་ཁྲོན་ཁོའུ་གྲོང་རྡལ། མ་ཐི་ཀོའུ་གྲོང་རྡལ། གློག་གྲོང་གྲོང་རྡལ། ཀྲོའུ་ཅ་བུལ་གྲོང་རྡལ། སོ་ཕག་ལྷ་ཁང་གྲོང་རྡལ། མ་ཁྲ་གྲོང་རྡལ། ཧོའེ་ཉིན་ཝན་ཡུལ་ཚོ་བཅས་གྲོང་རྡལ11ཡོད་པ་དང་། ཁྱོན་བསྡོམས་གྲོང་ཚོ་ཨུ་ཡོན་ལྷན་ཁང550དང་གྲོང་མིའི་ཨུ་ཡོན་ལྷན་ཁང11ཡོད།
ཞིང་ལས།
སྤྱི་ལོ2010ལོར་ཙི་ཀྲོའུ་རྫོང་གི་ཞིང་ལས་ཀྱི་སྤྱིའི་ཐོན་རྫས་རིན་ཐང་སྒོར་ཁྲི98330ལེགས་གྲུབ་བྱུང་པ་དེ་དུས་མཚུངས་སུ36.6%འཕར་བ་དང་། དེའི་ནང་འབྲོག་ལས་ཀྱི་ཐོན་རྫས་རིན་ཐང་སྒོར་ཁྲི20381ཟིན་པ་དེ་དུས་མཚུངས་སུ1.4%འཕར་ཡོད། ཞིང་ལས་ཀྱི་རིན་ཐང་འཕར་མ་སྒོར་ཁྲི63165ཟིན་པ་དེ་དུས་མཚུངས་སུ7.5%འཕར་ཡོད། འབྲུ་རིགས་ཐོན་ཚད་ལོ་གསུམ་བསྟུད་མར་ཏུན་ཁྲི10ལས་བརྒལ་བ་དང་། འབྲུ་རིགས་ཐོན་ཚད་ཏུན11762དང་། ལོ་སྔོན་མ་ལས་ཏུན་ཚ10908འཕར་སྣོན་བྱུང་ཞིང་། བརྒྱ་ཆའི10.2འཕར་སྣོན་བྱུང་། ཤ་རིགས་ཀྱི་སྤྱིའི་ཐོན་ཚད་ཏུན5378ཟིན་པ་དེ་ལོ་གོང་མ་ལས15.9%འཕར་བའི་ནང་ཕག་ཤ་ཐོན་ཚད་ཏུན2720དང་ལུག་ཤ་ཐོན་ཚད་ཏུན2162ཟིན་ནས་ལོ་གོང་མ་ལས10.3%དང18.7%འཕར་ཡོད། འོ་མའི་ཐོན་ཚད་ཏུན5290དང་བྱ་སྒོང་ཐོན་ཚད་ཏུན1168ཟིན་ཡོད།
སྤྱི་ལོ2016ལོར་ཞིང་ལས་ཀྱི་སྤྱིའི་ཐོན་རྫས་རིན་ཐང་སྒོར་དུང་ཕྱུར19.60ཟིན་པ་དེ་དུས་མཚུངས་སུ5.4%འཕར་ཡོད། དེའི་ནང་ཞིང་ལས་ལ་སྒོར་དུང་ཕྱུར13.51ཟིན་ནས6.7%འཕར་བ་དང་། ནགས་ལས་སྒོར་དུང་ཕྱུར0.62བཏང་ནས16.4%འཕར་ཡོད། འབྲོག་ལས་ལ་སྒོར་དུང་ཕྱུར4.99བཏང་ནས0.8%འཕར་ཡོད། ཉ་ལས་ལ་སྒོར་དུང་ཕྱུར0.02ཟིན་ཡོད། ཞིང་ནགས་འབྲོག་ཉ་གསུམ་གྱི་ཞབས་ཞུའི་ལས་རིགས་ལ་སྒོར་དུང་ཕྱུར0.46བཏང་ནས7.2%འཕར་ཡོད། ལོ་ཧྲིལ་པོར་ཞིང་ལས་སྐྱེ་དངོས་འདེབས་ཁྱོན་སྤྱི་ཆིང46026ཟིན་པ་དེ་དུས་མཚུངས་སུ5.3%འཕར་ཡོད། དེའི་ནང་འབྲུ་རིགས་འདེབས་ཁྱོན་སྤྱི་ཆིང33785ཟིན་ནས2.1%འཕར་ཡོད། ལོ་ཧྲིལ་པོར་འབྲུ་རིགས་ཀྱི་སྤྱིའི་ཐོན་ཚད་ཏུན101312ཟིན་པ་དེ་དུས་མཚུངས་སུ43.7%འཕར་ཡོད། དེའི་ནང་དབྱར་འབྲུའི་ཐོན་ཚད་ཏུན9240ཟིན་ནས0.1%མར་ཆག་པ་དང་། སྟོན་འབྲུ་ཐོན་ཚད་ཏུན92072ཡིན་པ་དང50.3%འཕར་ཡོད།
བཟོ་ལས།
སྤྱི་ལོ1989ལོར་ཙི་ཀྲོའུ་རྫོང་གི་བཟོ་ལས་ཁེ་ལས699ཡོད་པའི་ནང་དམངས་ཡོངས་ལ་དབང་བའི་ལམ་ལུགས་ཀྱི་ཁེ་ལས10དང་། ལས་བཟོ་པ836ཡོད། ཐོན་སྐྱེད་རིན་ཐང་སྒོར་ཁྲི497ཟིན། ལས་མི་ཡོངས་ཀྱི་ངལ་རྩོལ་ཐོན་སྐྱེད་བྱེད་ཚད་སྒོར5940ཟིན། ཐུན་མོང་ལ་དབང་བའི་ལམ་ལུགས་ཀྱི་ཁེ་ལས44དང་། ལས་བཟོ་པ1091ཐོན་སྐྱེད་རིན་ཐང་སྒོར་ཁྲི519ཟིན། ལས་བཟོ་པ་ཡོངས་ཀྱི་ངལ་རྩོལ་ཐོན་སྐྱེད་བྱེད་ཚད་སྒོར4757ཟིན། གྲོང་ཚོ་དང་གྲོང་ཚོ་མན་གྱི་ཁེ་ལས645དང་ལས་བཟོ་པ་3111ཐོན་སྐྱེད་རིན་ཐང་སྒོར་ཁྲི970དང་ལས་བཟོ་ཡོངས་ཀྱི་ངལ་རྩོལ་ཐོན་སྐྱེད་བྱེད་ཚད་སྒོར3118ཟིན་ཡོད། བཟོ་ལས་ཀྱི་སྤྱིའི་ཐོན་རྫས་རིན་ཐང་སྒོར་ཁྲི1986ཟིན་པ་དེས་ཙི་ཀྲོའུ་རྫོང་གི་བཟོ་ལས་དང་ཞིང་ལས་ཀྱི་སྤྱིའི་ཐོན་རྫས་རིན་ཐང་སྒོར་ཁྲི5186.7ཟིན་པའི38%ཟིན་ཡོད། མ་བཅོས་རྡོ་སོལ་ཏུན་ཁྲི27.2དང་། མ་བཅོས་ཚྭ་ཏུན1038གྱོན་ཆས་ཁྲི14.94ཁྱིམ་ཆས2400ས་གདན་སྨི་གྲུ་བཞི་མ4600བཅས་ཐོན་སྐྱེད་བྱས་ཡོད།
སྤྱི་ལོ2010ལོར་ཙི་ཀྲོའུ་རྫོང་གི་བཟོ་ལས་དཔལ་འབྱོར་གྱི་གནས་བབ་གཞི་རྩའི་ཆ་ནས་བརྟན་པོ་ཡོད་མོད། འོན་ཀྱང་མ་བཅོས་རྒྱུ་ཆ་དང་ནུས་ཁུངས་ཀྱི་རིན་གོང་འཕར་བ་སོགས་རྒྱུ་རྐྱེན་གྱི་ཤུགས་རྐྱེན་ཐེབས་པའི་དབང་གིས་བཟོ་ལས་དཔལ་འབྱོར་འཕར་ཚད་ཅུང་མར་ཆག་ཡོད། རིམ་རྩིས་བྱས་ན་བཟོ་ལས་ཀྱི་སྤྱིའི་ཐོན་རྫས་རིན་ཐང་སྒོར་དུང་ཕྱུར20.25ཟིན་པ་དང་། བཟོ་ལས་ཀྱི་འཕར་ཐང་སྒོར་དུང་ཕྱུར9.15ཟིན་ཡོད། གཞི་ཁྱོན་ཡན་གྱི་བཟོ་ལས་ཀྱི་སྤྱིའི་ཐོན་རྫས་རིན་ཐང་སྒོར་དུང་ཕྱུར15.58ཟིན་པ་དང་རིན་ཐང་འཕར་མ་སྒོར་དུང་ཕྱུར7.75ཟིན། གཞི་ཁྱོན་མན་གྱི་བཟོ་ལས་ཀྱི་ཐོན་རྫས་རིན་ཐང་བསྡོམས་འབོར་སྒོར་དུང་ཕྱུར4.68ཟིན་ནས་བཟོ་ལས་བྲིན་ཚོང་གི་ཐོན་རྫས་རིན་ཐང་སྒོར་ཁྲི193250ཟིན་ནས4.5%འཕར་ཡོད།
སྤྱི་ལོ2016ལོར་རྫོང་ཡོངས་སུ་རིམ་རྩིས་བྱས་ན་བཟོ་ལས་ཀྱི་སྤྱིའི་ཐོན་རྫས་རིན་ཐང་སྒོར་དུང་ཕྱུར39.66ཟིན་པ་དེ་དུས་མཚུངས་སུ10.5%འཕར་ཡོད། དེའི་ནང་གཞི་ཁྱོན་ཡན་གྱི་བཟོ་ལས་ཐོན་རྫས་རིན་ཐང་སྒོར་དུང་ཕྱུར34.29ཟིན་ནས21.7%འཕར་བ་དང་། གཞི་ཁྱོན་མན་གྱི་བཟོ་ལས་ཐོན་རྫས་རིན་ཐང་སྒོར་དུང་ཕྱུར5.37ཟིན་ནས12.8%མར་ཆག་ཡོད། ལོ་ཧྲིལ་པོར་བཟོ་ལས་བྲིན་ཚོང་གི་ཐོན་རྫས་རིན་ཐང་སྒོར་དུང་ཕྱུར39.47ཟིན་པ་དེ་དུས་མཚུངས་སུ11.2%འཕར་ཡོད། ལོ་ཧྲིལ་པོར་བཟོ་ལས་ཀྱི་རིན་ཐང་འཕར་མ་སྒོར་དུང་ཕྱུར23.63ཟིན་པ་དེ་དུས་མཚུངས་སུ9.8%འཕར་ཡོད།
སྤྱི་ལོ2010ལོར་ཙི་ཀྲོའུ་རྫོང་དུ་རིགས་ཁག་གི་སྨན་བཅོས་འཕྲོད་བསྟེན་སྒྲིག་གཞི24ཡོད་པའི་ནང་སྨན་ཁང9དང་ཡུལ་ཚོ་དང་གྲོང་ཚོའི་འཕྲོད་བསྟེན་ཁང11ཡོད། འཕྲོད་བསྟེན་ལག་རྩལ་མི་སྣ480ཡོད་པའི་ནང་ལས་གཉེར་སྨན་པ་དཀའ་བཅུ་པ་དང་ལས་གཉེར་ལས་རོགས་སྨན་པ272དང་ཐོ་འགོད་ནད་གཡོག་པ་དང་ནད་གཡོག་པ121ཡོད། ནད་ཁྲིའི་ཉལ་ཁྲི475ཡོད། དོན་དངོས་ཐོག་གྲོང་གསེབ་ཀྱི་མཉམ་ལས་སྨན་བཅོས་ནང་ཞུགས་པའི་ཞིང་པ247604ཡོད། གྲོང་གསེབ་ཀྱི་མཉམ་ལས་སྨན་བཅོས་གསར་པར་ཞུགས་ཚད90.24%ཟིན། མཉམ་ལས་སྨན་བཅོས་ཀྱི་ཁ་གསབ་རོགས་དངུལ་སྒོར་ཁྲི3457.5སྤྲད་པ་དེ་ལོ་གོང་མ་ལས32.6%འཕར་ཡོད།
སྤྱི་ལོ2016ལོར་རྫོང་ཡོངས་སུ་རིགས་ཁག་གི་སྨན་བཅོས་འཕྲོད་བསྟེན་སྒྲིག་གཞི29ཡོད་པའི་ནང་སྨན་ཁང20དང་། ལྟེ་བའི་འཕྲོད་བསྟེན་ཁང7སྤྱིར་བཏང་འཕྲོད་བསྟེན་ཁང10བཅས་ཡོད། འཕྲོད་བསྟེན་ལག་རྩལ་མི་སྣ703ཡོད་པའི་ནང་ལས་གཉེར་སྨན་པ་དཀའ་བཅུ་པ200དང་། ལས་གཉེར་ལས་རོགས་སྨན་པ135ནད་གཡོག206སྨན་རྫས་མི་སྣ20ཞིབ་བཤེར་མི་སྣ29གཞན113ནད་ཁྲིའི་ཉལ་ཁྲི626བཅས་ཡོད།
སྤྱི་ལོ1942ལོར་སུའེ་ཞི་དོན་གཅོད་ཁང་འཛུགས་སྐབས་སློབ་གྲྭ38དང་། དགེ་རྒན85དང་། སློབ་མ1872བཅས་ཡོད། སྤྱི་ལོ1953ལོར་སློབ་གྲྭ197མང་དུ་སོང་བ་དང་། སློབ་མ14225དང་། དགེ་རྒན333སློབ་ལོ་རན་པའི་བྱིས་པ་སློབ་གྲྭར་ཞུགས་ཚད40%ཟིན་ཡོད། སྤྱི་ལོ1962ལོར་སློབ་འབྲིང་སྤྱི་ལོ1958ལོའི5ནས3བར་ཉུང་དུ་བཏང་བ་དང་། སློབ་ཆུང234ནས207བར་ཉུང་དུ་བཏང་། སློབ་གྲྭར་ཡོད་པའི་སློབ་མའི་མི་གྲངས11111བར་ཉུང་དུ་ཕྱིན། སྤྱི་ལོ1958ལོ་ལས་5185ཉུང་དུ་ཕྱིན་ཡོད།
སྤྱི་ལོ1989ལོར་ཙི་ཀྲོའུ་རྫོང་དུ་སློབ་ཆུང65དང་། སློབ་འབྲིང13སློབ་གྲྭར་ཡོད་པའི་སློབ་ཆུང་སློབ་མ29568སློབ་འབྲིང་སློབ་མ7933དགེ་རྒན་དང་ལས་བཟོ་པ2434བཅས་ཡོད།
སྤྱི་ལོ2010ལོར་ཙི་ཀྲོའུ་རྫོང་གི་སློབ་གྲྭ་ཆུང་འབྲིང་གི་སློབ་མ38067ཡོད་པའི་ནང་མཐོ་རིམ་སློབ་འབྲིང་དཀྱུས་མའི་སློབ་མ4661ཡོད་པ་དང་། ལས་རིགས་མཐོ་འབྲིང་གི་སློབ་གྲྭར་ཡོད་པའི་སློབ་མ3390ཡོད། དམའ་འབྲིང་གི་སློབ་གྲྭར་ཡོད་པའི་སློབ་མ12217ཡོད། སློབ་ཆུང་གི་སློབ་གྲྭར་ཡོད་པའི་སློབ་མ17799ཡོད། སློབ་ལོ་རན་པའི་བྱིས་པ་སློབ་གྲྭར་ཞུགས་ཚད་བརྒྱ་ཆ99.3ཟིན། ལོ་ཧྲིལ་པོར་སློབ་འབྲིང་གི་སློབ་མ5471བསྡུས་པའི་ནང་མཐོ་རིམ་སློབ་འབྲིང་དཀྱུས་མར་སློབ་མ1491བསྡུས་པ་དང་། ལས་རིགས་མཐོ་རིམ་སློབ་འབྲིང་དུ་སློབ་མ836བསྡུས་པ། དམའ་རིམ་སློབ་འབྲིང་དུ་སློབ་མ3144བསྡུས་ཡོད། སློབ་ཆེན་གྱི་ཆེད་སྦྱོང་ཚན་ཁག་ཡན་གྱི་སློབ་མ1702བསྡུས་པའི་ནང་སློབ་ཆེན་དངོས་གཞིའི་ཚན་ཁག་གི་སློབ་མ928དང་ཆེད་སྦྱོང་ཚན་ཁག་གི་སློབ་མ774བསྡུས་ཡོད།
སྤྱི་ལོ2016ལོར་རྫོང་དུ་རིགས་ཁག་གི་སློབ་གྲྭ76ཡོད་པའི་ནང་མཐོ་རིམ་སློབ་འབྲིང1དང་། ལས་རིགས་སློབ་གསོའི་ལྟེ་གནས1དམའ་རིམ་སློབ་འབྲིང4ལོ་དགུའི་འོས་འགན་སློབ་གསོའི་ལམ་ལུགས་ཀྱི་སློབ་གྲྭ2ཆ་ཚང་སློབ་ཆུང24སློབ་ཁྲིད་ས་ཚིགས9ལྟེ་བའི་བུ་བཅོལ་ཁང19གྲོང་ཚོ་ཆེན་པོའི་བུ་བཅོལ་ཁང16བཅས་ཡོད། སྤྱི་ལོ2016ལོར་རྫོང་ཡོངས་སུ་སློབ་མ20119ཡོད་པ་དེ་དུས་མཚུངས་སུ3.0%མར་ཆག་ཡོད།