ཏ་ཞང་ཆུས།སྔ་མའི་པར་གཞི་དེ མིང་གསང་UBGv93881 ནས 2020-04-02 08:53ལ་འགྲུབ།
ཏ་ཞང་ཆུས།
ཏ་ཞང་ཆུས།
ཏ་ཞང་ཆུས་ནི་ཧྲའོ་དབྱང་གྲོང་ཁྱེར་གྱི་ཁོངས་སུ་གཏོགས་པ་དང་། ཧུའུ་ནན་ཞིང་ཆེན་ཧྲའོ་དབྱང་གྲོང་ཁྱེར་གྱི་ལྷོ་ནུབ་རྒྱུད་དུ་གནས་ཤིང་། ཤར་ངོས་ཧྲའོ་ཏུང་རྫོང་དང་འབྲེལ་ཡོད། ལྷོ་དང་ནུབ་ནི་ཧྲའོ་དབྱང་རྫོང་གི་འབྲེལ་མཚམས་སུ་ཆགས། བྱང་ནི་ཙི་ཅང་དང་པེ་ཐ་ཆུས་ཕན་ཚུན་ཁ་གཏད་དུ་གནས་ཡོད། བྱང་ཤར་ནི་ཧྲའོ་ཧྲུའེ་དང་ཧྲོང་ཆིང་ཆུས་ཀྱི་མཛའ་གྲོགས་ཁྱིམ་མཚེས་བཅས་ཡིན་པ་དང་། ཧྲའོ་དབྱང་གྲོང་ཁྱེར་སྲིད་འཛིན་ཏང་དང་མང་ཚོགས་ལས་ཁུངས་གནས་ཡུལ་དང་། སློབ་གྲྭ་ཆེ་འབྲིང་དང་། གལ་ཆེའི་དངུལ་རྩའི་སྒྲིག་གཞི། མགྲོན་ཁང་ཆེ་གྲས་བཅས་མང་ཆེ་བ་ས་ཁོངས་སུ་གནས་ཡོད། དེ་ནི་གྲོང་ཁྱེར་ཡོངས་ཀྱི་ཆབ་སྲིད་དང་། དཔལ་འབྱོར་རིག་གནས་སློབ་གསོ། དངུལ་རྩ། ཚོང་དོན། འགྲིམ་འགྲུལ་ལྟེ་གནས་བཅས་ཡིན་པ་རེད།
ཏ་ཞང་ཆུས་ཤར་ནུབ་ཀྱི་ཞེང་ཚད་ལ་སྟོང་སྨི21.8དང་། ལྷོ་བྱང་གི་རིང་ཚད་ལ་སྟོང་སྨི18.3སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ214.66བཅས་ཡོད། ཚ་ཁུལ་བར་མའི་དུས་རླུང་བརླན་གཤེར་ཅན་གྱི་ནམ་ཟླའི་ཁོངས་སུ་གཏོགས། ཆུ་བོ་གཙོ་བོར་ཙི་ཅང་གཙང་པོ་དང་། ཧྲའོ་ཧྲུའེ། ཡུས་ཞི་བཅས་ཡོད། གཏེར་ཁ་ལ་བྱེ་མ་དང་། ལྕགས་མཱན། དུ་མེད་རྡོ་སོལ། རྡོ་ཀ་མ་རུ་སོགས་ཡོད། ཆུས་ཡོངས་ཀྱི་ཁོངས་གཏོགས་སུ་ཁྲོམ་གཞུང11དང་གྲོང་རྡལ1དང་ཤང2ཡོད། ཆུས་སྲིད་གཞུང་ནི་གྲོང་ལྷོའི་ཁྲོམ་གཞུང་གི་ནུབ་ལམ་དུ་བཅའ་སྡོད་བྱས་པ་དང་གྲོང་ཁྱེར་སྲིད་གཞུང་གནས་ཡུལ་དང་བར་ཐག་སྟོང་སྨི3ཡོད་པ་རེད། ཏ་ཞང་ཆུས་ཁོངས་སུ་ཡུལ་སྐོར་ཐོན་ཁུངས་ཕུན་སུམ་ཚོགས་པོ་ཡོད་པ་དང་། རྒྱལ་ཁབ་ཀྱི་གཙོ་གནད་རིག་དངོས་སྲུང་སྐྱོང་ཚན་པར་པའོ་ཆིང་གནའ་བོའི་མཁར་གྱང་དང་ཚའེ་ཨོ་ཡི་བཞུགས་གནས2ཡོད་པ་རེད།
གཞི་རྩའི་གནས་ཚུལ།
རྒྱ་ཡིག་གི་མིང་།
大祥区
ས་ཁམས་གནས་ཡུལ།
ཧུའུ་ནན་ཞིང་ཆེན་གྱི་ལྷོ་ནུབ།
སྲིད་འཛིན་ས་ཁོངས་ཀྱི་རིགས་དབྱེ།
གྲོང་ཁྱེར་ཁོངས་གཏོགས་ཆུས།
རྒྱ་ཁྱོན།
སྤྱི་ལེ་གྲུ་བཞི་མ214.66ཡོད།
ཁོངས་གཏོགས་ས་ཁུལ།
ཀྲུང་གོའི་ཧུའུ་ནན་ཞིང་ཆེན་ཧྲའོ་དབྱང་གྲོང་ཁྱེར།
མི་འབོར།
ཁྲི30.78ཡོད།
ས་ཁོངས་ཁ་པར་ཨང་རྟགས།
0739
སྦྲག་སྲིད་ཨང་རྟགས།
422000
ནམ་ཟླ།
ཚ་ཁུལ་ཕལ་བའི་དུས་རླུང་ནམ་ཟླ།
རླངས་འཁོར་ཚབ་ཨང་།
ཞང（湘）E
སྲིད་འཛིན་ཚབ་གྲངས།
430503
དཀར་ཆག
1
སྲིད་འཛིན་དབྱེ་མཚམས།
ཏ་ཞང་ཆུས་ནི་ཤར་གྱི་གཞུང་ཐིག111°22′26〞-111°35′42〞དང་བྱང་གི་འཕྲེད་ཐིག27°4′45〞-27°14′46〞བར་དུ་གནས་ཡོད། ཧྲའོ་དབྱང་གྲོང་ཁྱེར་གྱི་ལྷོ་ནུབ་རྒྱུད་དུ་གནས་པ་དང་། ཤར་ངོས་ཧྲའོ་ཏུང་རྫོང་དང་ས་མཚམས་འབྲེལ་བ་དང་། ལྷོ་ངོས་ཧྲའོ་དབྱང་རྫོང་དང་ས་མཚམས་འབྲེལ། བྱང་ངོས་ཙི་ཅང་གཙང་པོ་དང་པེ་ཐ་ཆུས་ཕན་ཚུན་ཁ་གཏད་དུ་གནས་ཡོད། ཤར་ངོས་དང་བྱང་ངོས་ཧྲའོ་ཧྲུའེ་དང་ཧྲོང་ཆིང་ཆུས་འབྲེལ་ཡོད། སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ14.66ཡོད་པ་དང་། སྤྱིའི་མི་འབོར་ཁྲི34.36ཡོད་པའི་ནང་གྲོང་ཁུལ་གྱི་རྒྱ་ཁྱོན་སྤྱི་ལེ་གྲུ་བཞི་མ25.8དང་ཞིང་ལས་མིན་པའི་མི་འབོར་ཁྲི20.13ཡོད་པ་རེད། སྤྱི་ལོ2019ལོ་བར་ཤང2དང་། གྲོང་རྡལ1ཁྲོམ་གཞུང11བཅས་ཡོད།
2
ས་ཁམས་ཁོར་ཡུག
2_1
གནས་ཡུལ།
ཏ་ཞང་ཆུས་ནི་ཧྲའོ་དབྱང་གྲོང་ཁྱེར་གྱི་ལྷོ་ནུབ་རྒྱུད་དུ་གནས་པ་དང་། ཤར་ངོས་དང་ཧྲའོ་ཏུང་རྫོང་གི་ས་མཚམས་འབྲེལ་ཞིང་། བྱང་ཕྱོགས་ནི་པེ་ཐ་ཆུས་དང་ཧྲོང་ཆིང་ཆུས་ཀྱི་ཙི་ཧྲུའེ་ཆུས་དང་ལུའུ་ཧྲུའེ་ཆུས་དང་ཁ་གཏད་དུ་གནས་ལ། ནུབ་དང་ལྷོ་ནི་ཧྲའོ་དབྱང་རྫོང་དང་ཁྱིམ་མཚེས་ཡིན། ས་ཁམས་གནས་ཚད་ནི་ཚངས་ཐིག་ཤར་མའི111°22′26〞-111°35′42〞དང་། འཕྲེད་ཐིག་བྱང་མའི27°4′45〞-27°14′46〞བར་དུ་གནས་ཡོད། སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ214.66ཡོད།
2_2
ནམ་ཟླ།
ཚ་ཁུལ་བར་མའི་དུས་རླུང་བརླན་གཤེར་ཅན་གྱི་ནམ་ཟླའི་ཁོངས་སུ་གཏོགས། དེའི་ཁྱད་ཆོས་ནི་དཔྱིད་ཀ་དྲོ་ཞིང་སྤྲིན་ཆར་མང་བ་དང་། དབྱར་ཁ་ཚ་བའི་ཆར་ཆུ་མང་བ། སྟོན་བསིལ་ཞིང་ཐན་པ་ཆེ་བ། དགུན་དུས་གྲང་ཞིང་ཆར་ཆུ་ཉུང་བ། དབྱར་ཁར་ཤར་རླུང་མང་བ་དང་། དགུན་དུས་ནུབ་བྱང་རླུང་མང་བ། དུས་བཞི་གསལ་བ་བཅས་ཡོད། སྤྱི་ལོ1970ལོ་ནས་སྤྱི་ལོ2011ལོའི་ཆ་སྙོམས་དྲོད་ཚད17.1℃དང་། ཟླ་དང་པོའི་ཆ་སྙོམས་དྲོད་ཚད4.5℃དང་། ཆེས་ཐལ་དྲགས་པའི་དྲོད་ཚད-10.5℃(སྤྱི་ལོ1977ལོའི་ཟླ1པོའི་ཚེས30ཉིན། ) ཟླ7པའི་ཆ་སྙོམས་དྲོད་ཚད28.6℃དང་ཐལ་དྲགས་པའི་དྲོད་ཚད39.5℃(སྤྱི་ལོ1971ལོའི་ཟླ7པའི་ཚེས21ཉིན། ) སྤྱི་ལོ1951ལོ་ནས་སྤྱི་ལོ2011ལོའི་ཆེས་དམའ་བའི་ཟླ་རེའི་ཆ་སྙོམས་དྲོད་ཚད1.2℃(སྤྱི་ལོ1977ལོའི་ཟླ1པོ)དང་ཆེས་མཐོ་བའི་ཟླ་རེར་ཆ་སྙོམས་དྲོད་ཚད30.2℃(སྤྱི་ལོ1971ལོའི་ཟླ7པ)ཡིན། ཆ་སྙོམས་བྱས་ན་ལོ་རེར་ཆ་སྙོམས་དྲོད་ཚད23.4℃ཡིན་པ་དང་། ཉིན་རེའི་ཧེ་བག་ཆེ་ཤོས21.1℃ཡིན། (སྤྱི་ལོ1951ལོའི་ཟླ2པའི་ཚེས18ཉིན། ) སྐྱེ་ལོ་རེའི་ཆ་སྙོམས་ཉིན246དང་སད་མེད་དུས་ལོ་རེར་ཆ་སྙོམས་ཉིན277ཡིན་པ་དང་། ཆེས་རིང་ན་ཉིན337དང་ཆེས་ཐུང་ན་ཉིན247ཡིན། སྤྱི་ལོ1981ལོ་ནས་སྤྱི་ལོ2010ལོའི་ཆ་སྙོམས་ཉི་འོད་ཕོག་ཚད་ཆུ་ཚོད1546.9ཟིན་པ་དང་། ལོ་རེར་ཁྱོན་བསྡོམས་ལི་སྨི་སྟོང108.6ཡོད། དྲོད་ཚད་ཧྲེ་ཧྲི་ཏུའུ0ལས་དམའ་བའི་ཉིན་གྲངས་ཆ་སྙོམས་ལོ་རེར་ཉིན5ཡིན། སྤྱི་ལོ1951ལོ་ནས་སྤྱི་ལོ2010ལོའི་ཆ་སྙོམས་ཀྱི་ཆར་ཆུ་འབབ་ཚད་ཧའོ་སྨི1323.0ཡིན་པ་དང་། ལོ་རེའི་ཆ་སྙོམས་ཀྱི་ཆར་ཆུ་འབབ་ཚད་ཉིན162ཡིན་པ་དང་ཆེས་མང་ནཉིན192ཡིན། ཆེས་ཉུང་ན་ཉིན134ཡིན། (སྤྱི་ལོ1956ལོར) ཐལ་དྲགས་པའི་ལོའི་ཆར་ཆུ་འབབ་ཚད་ཧའོ་སྨི2013.7(སྤྱི་ལོ1994ལོར)ཡིན་པ་དང་། ཐལ་དྲགས་པའི་ལོའི་ཆར་ཆུ་འབབ་ཚད་ཧའོ་སྨི902.6(སྤྱི་ལོ1960ལོར)ཡིན། ཆར་བའི་དུས་ནི་ལོ་རེའི་ཟླ5~6པའི་བར་ཡིན།
3
རང་བྱུང་ཐོན་ཁུངས།
ཏ་ཞང་ཆུས་ནི་ཞང་ཀྲུང་རི་མ་ཐང་དུ་གཏོགས་པ་དང་། རྒྱ་ཁྱོན་ལ་སྤྱི་ལེ་གྲུ་བཞི་མ208.1ཡོད་པའི་ནང་རྨོ་ཞིང་མུའུ་ཁྲི9.38ཡོད། མངའ་ཁོངས་སུ་ས་འོག་གི་གཏེར་ཁུངས་སུ་བྱེ་གསེར་དང་། ལྕགས་མཱན། དུ་མེད་རྡོ་སོལ། རྡོ་ཀ་མ་རུའི་རྡོ་དང་རྡོ་ཐལ་རྡོ་སོགས་ཡོད། དེའི་ནང་རྡོ་ཀ་མ་རུའི་ཚོད་དཔག་བྱས་ན་གསོག་ཚད་སྨི་རྒྱ་དཔངས་གྲུ་བཞི་མ་དུང་ཕྱུར2.5ཡོད་པ་དང་མང་ཆེ་བ་སྣག་ཚ་ནག་པོ་ཡིན་ལ་དམར་པོ་དང་། དཀར་པོ། མེ་ཏོག་སོགས་ཚོན་ཁྲ་ཅན་ཡིན་པ་དང་གཏེར་གཟུགས་སྦས་ཚད་དང་མཐུག་ཚད་སྨི10ཡན་ཟིན་གྱིན་ཡོད། གཙོ་བོ་ལུའོ་ཧྲི་གྲོང་རྡལ་དང་། ཐན་ཅང་ཤང་། ཡུས་ཤིས་གྲོང་རྡལ་བཅས་སུ་ཁྱབ་ཡོད། བྱེ་མ། རྡོ་སྒོང་། མངའ་ཁོངས་ནང་གི་གཙང་པོའི་དུམ་བུ་ནང་ཁྱབ་ཡོད་པ་དང་། ལོ་རེའི་ཐོན་ཚད་ཏུན་ཁྲི་བརྒྱ་ལྷག་ཡོད།
4
མི་འབོར།
སྤྱི་ལོ2000ལོར་ཏ་ཞང་ཆུས་ཀྱི་སྤྱིའི་མི་འབོར277672ཡོད་པའི་ནང་ལྟེ་བའི་ལམ་གྱི་ཁྲོམ་གཞུང་ལ17698དང་། ཧུང་ཆི་ལམ་གྱི་ཁྲོམ་གཞུང་ལ24452གྲོང་ཁྱེར་བྱང་ལམ་གྱི་ཁྲོམ་གཞུང་ལ20253གྲོང་ནུབ་ལམ་གྱི་ཁྲོམ་གཞུང་ལ39320ཚུའེ་ཡོན་ཁྲོམ་གཞུང་ལ31841པའེ་ཁྲུན་ཡོན་ཁྲོམ་གཞུང་ལ21216ཡུས་ཤིས་གྲོང་རྡལ་ལ16752ཁྲེང་ནན་ཤང་ལ25766མེན་ཕུའུ་ཤང་ལ19318ཐན་ཅང་ཤང་ལ22801ཚའེ་ཨོ་ཤང་ལ17685པན་ཆའོ་ཤང་ལ20570བཅས་ཡོད། སྤྱི་ལོ2011ལོར་ཏ་ཞང་ཆུས་ཀྱི་སྤྱི་མི་འབོར་ཁྲི30.78ཡོད་པའི་ནང་གྲོང་ཁུལ་གྱི་རྒྱ་ཁྱོན་སྤྱི་ལེ་གྲུ་བཞི་མ15དང་ཞིང་ལས་མིན་པའི་མི་འབོར་ཁྲི18.33ཡོད་པ་རེད།
5
དཔལ་འབྱོར།
5_1
ཐོན་ལས་དང་པོ།
སྤྱི་ལོ2011ལོར་ཏ་ཞང་ཆུས་ཀྱི་རྨོ་ཞིང་རྒྱ་ཁྱོན་མུའུ་ཁྲི7.83ཡོད་པ་དང་། མི་རེར་ཆ་སྙོམས་མུའུ0.24ཡོད། ནགས་སའི་རྒྱ་ཁྱོན་མུའུ་ཁྲི8.40བེད་སྤྱོད་ཐུབ་པ་བཅས་རེད། ཞིང་ལས་ཀྱི་ཐོན་རྫས་རིན་ཐང་བསྡོམས་འབོར་སྤྱི་ལོ1998ལོའི་སྒོར་དུང་ཕྱུར0.98ནས་སྤྱི་ལོ2010ལོའི་སྒོར་དུང་ཕྱུར3.77བར་འཕར་བ་དང་། སྤྱི་ལོ2011ལོར་སྒོར་དུང་ཕྱུར4.69ཡོད་པ་དེ་ལོ་སྔོན་མ་ལས24.3%འཕར། ཞིང་ལས་ཀྱི་རིན་ཐང་འཕར་མས་རྒྱལ་ནང་གི་ཐོན་སྐྱེད་རིན་ཐང་བསྡོམས་འབོར་ནང་བཟུང་བའི་བསྡུར་ཚད5.8%ཟིན་ཡོད།
འབྲུ་རིགས་ལོ་ཏོག་གཙོ་བོ་ཆུ་འབྲས་དང་མ་རྨོས་ལོ་ཏོག་ཡིན་པ་དང་སྤྱི་ལོ2011ལོར་འབྲུ་རིགས་ཏུན་ཁྲི5.53ཐོན་སྐྱེད་བྱས་པ་དང་མི་རེར་ཆ་སྙོམས་སྤྱི་རྒྱ171.1ཡོད་པའི་ནང་ཆུ་འབྲས་ཏུན་ཁྲི5.00དང་། མ་རྨོས་ལོ་ཏོག་ཏུན2688ཐོན་སྐྱེད་བྱས་ཡོད། དཔལ་འབྱོར་ལོ་ཏོག་ལ་ཞི་ཀྭ་དང་ཚ་ལུ་མ། འབྲི་ཏ་ས་འཛིན་སོགས་ཡོད། སྤྱི་ལོ2011ལོར་ཤིས་ཀྭ་འདེབས་ཁྱོན་མུའུ་ཁྲི1.21ཟིན་ནས་ཐོན་ཚད་ཏུན་ཁྲི1.44ཡོད་པ་དང་། ཚ་ལུ་མའི་འདེབས་ཁྱོན་མུའུ་ཁྲི1.42ཟིན་ནས་ཐོན་ཚད་ཏུན་ཁྲི1.59ཡོད། འབྲི་ཏ་ས་འཛིན་འདེབས་ཁྱོན་མུའུ600དང་ཐོན་ཚད་ཏུན362ཡོད། སྣུམ་རྒྱུའི་ལོ་ཏོག་འདེབས་ཁྱོན་མུའུ་ཁྲི1.88ཡོད་པ་དང་ཐོན་ཚད་ཏུན2021ཡོད་པའི་ནང་པད་ཁ་འདེབས་ཁྱོན་མུའུ་ཁྲི1.08ཡོད་པ་དང་ཐོན་ཚད་ཏུན1113ཟིན། བ་དམ་འདེབས་ཁྱོན་མུའུ7650ཟིན་ནས་ཐོན་ཚད་ཏུན872ཡོད། སྔོ་ཚལ་འདེབས་ཁྱོན་མུའུ་ཁྲི2.22ཡོད་པ་དང་ཐོན་ཚད་ཏུན་ཁྲི3.68ཡོད་པ་དེའི་ནང་སུར་པན་དང་། པད་ཚལ། ལ་ཕུག་སོགས་ཡོད།
5_2
ཐོན་ལས་གཉིས་པ།
སྤྱི་ལོ2011ལོར་གཞི་ཁྱོན་ལྡན་པའི་བཟོ་ལས་ཁེ་ལས་ཀྱིས་ལས་ཞུགས་མི་སྣ་ཁྲི2.1བསྡུས་པ་དང་མི་ཁྲི0.2མང་དུ་ཕྱིན་ཡོད། ལག་རྩལ་མཐོ་གསར་གྱི་ཐོན་ལས་ལ་འཕར་ཐང་སྒོར་དུང་ཕྱུར3.43བྱུང་ནས་གཞི་ཁྱོན་བཟོ་ལས་ཀྱི་བསྡུར་ཚད་བཟུང་ཚད་བརྒྱ་ཆའི་གྲངས5.6མཐོ་རུ་ཕྱིན། ལས་སྣོན་བྱེད་ཚད་མཐོ་བ་དང་ལག་རྩལ་མཐོ་བའི་ལས་རིགས་སོ་སོར་བརྒྱ་ཆའི36.6དང་བརྒྱ་ཆའི32.5འཕར། འཕར་ཚད་དེ་གཞི་ཁྱོན་ལྡན་པའི་བཟོ་ལས་ཀྱི་ཆ་སྙོམས་ཆུ་ཚད་ལས་སོ་སོར་བརྒྱ་ཆའི་གཞི་གྲངས6དང4ཡིས་མགྱོགས་པ་དང་། ནུས་ཁུངས་ཟད་གྲོན་ཆེ་བའི་ལས་རིགས་ཆེན་པོ6གི་འཕར་ཐང་འཕར་ཚད་དེ་གཞི་ཁྱོན་ཆེ་བའི་བཟོ་ལས་ཀྱི་བརྒྱ་ཆའི་བརྒྱ་ལས་དམའ་བའི་རྐྱེན་གྱིས་གཞི་ཁྱོན་ཆེ་བའི་བཟོ་ལས་ཀྱི་བསྡུར་ཚད་ལས་བརྒྱ་ཆའི་གཞི་གྲངས7ཆག་ཡོད། ཕྱིར་ཚོང་ཡོང་འབབ་སྒོར་དུང་ཕྱུར་ཡན་ཟིན་པའི་ཁེ་ལས12ཡོད་པའི་ནང་སྒོར་དུང་ཕྱུར10ཡན་ཟིན་པའི་ཁེ་ལས1ཡོད། བཟོ་ལས་ཅན་གསར་པའི་ཐོན་ལས་དཔེ་སྟོན་རྟེན་གཞི1ཡོད་པ་དང་། ཁེ་བེད་བདག་ཐོབ་ཀྱི་ཁས་ལེན་དཔང་འདོན་རྣམ་གྲངས7གསར་སྣོན་བྱས། ཞིང་ཆེན་དང་པུའུ་རིམ་པའི་གྲགས་ཅན་སྤུས་རྟགས་ཐོན་རྫས3གསར་གཏོད་བྱས། རྒྱལ་ཡོངས་ཀྱི་གྲགས་ཅན་ཚོང་རྟགས1ཐོབ་པ་བཅས་རེད།
5_3
ཐོན་ལས་གསུམ་པ།
སྤྱི་ལོ2011ལོའི་ལོ་མཇུག་ཏུ་ཏ་ཞང་ཆུས་སུ་ཁྱོན་ཚོང་ལས་དྲ་ཚིགས5239དང་ལས་བཟོ་ཁྲི1.3ཡོད། ཉོ་འཚོང་ལྟེ་གནས་དང་། སྒོ་རྩིས་ཚོང་ཁང་ཆེ་གྲས། ཆེད་ཚོང་ཁང་ཆེ་གྲས། བརྙན་འཕྲིན་ཉོ་སྒྲུབ། དྲ་ཐོག་ཚོང་ཁང་སོགས་ཚོང་ལས་འཕེལ་རྒྱས་མྱུར་པོ་བྱུང་ཞིང་། མཛའ་གྲོགས་ཨ་པོ་ལུའོ་དང་། གོ་མེ་གློག་ཆས། སུའུ་ཉིང་གློག་ཆས་སོགས་སྔ་རྗེས་སུ་མངའ་ཁོངས་སུ་གཞིས་ཆགས་པ་རེད། སྤྱི་ཚོགས་ཀྱི་ཚོང་ཟོག་ཕྱིར་ཚོང་བསྡོམས་འབོར་སྒོར་དུང་ཕྱུར23.92ཟིན་ནས་ལོ་སྔོན་མ་ལས18.6%འཕར། དེའི་ནང་བཅད་གྲངས་ཡན་གྱི་ཁེ་ལས་ལ་སྤྱི་ཚོགས་ཀྱི་འཛད་རྫས་སིལ་ཚོང་བྱེད་ཚད་སྒོར་དུང་ཕྱུར16.70ཡོད་པ་དེ་དུས་མཚུངས་ལས61.4%འཕར་ཡོད། གྲོང་ཁྱེར་དང་གྲོང་གསེབ་ཀྱི་ཚོང་འདུས་ཉོ་ཚོང་གི་བཙོངས་འབོར་སྒོར་དུང་ཕྱུར9.63ཡིན་པས་ལོ་སྔོན་མ་ལས་བརྒྱ་ཆའི16.7འཕར་ཡོད། ཕྱིར་གཏོང་ནང་འདྲེན་བསྡོམས་འབོར་ཨ་སྒོར་ཁྲི5966ཡོད་པ་དེ་ལོ་སྔོན་མ་ལས52.6%འཕར། དེའི་ནང་ནང་འདྲེན་བྱེད་ཚད་ཨ་སྒོར་ཁྲི80ཡོད་པ་དེ་ལོ་སྔོན་མ་ལས7.0%འཕར་བ་དང་ཐོན་རྫས་གཙོ་བོར་ཐུམ་སྒྲིལ་སྒམ་དང་སྒྲིག་ཆས་ལྷུ་ལག་སོགས་ཡོད་པ་དང་། ཕྱིར་གཏོང་ཨ་སྒོར་ཁྲི5886ཡོད་པ་དེ་ལོ་སྔོན་མ་ལས42.0%འཕར་བ་དང་ཐོན་རྫས་གཙོ་བོར་འཁལ་འཐག་འཕྲུལ་ཆས་དང་། ཆུ་གློག་སྒྲིག་ཆས། སྨྱུག་མའི་བཟོས་རྫས་སོགས་ཡོད་པ་རེད།
6
སྤྱི་ཚོགས་བྱ་གཞག
6_1
རིག་གནས་རིག་རྩལ།
སྤྱི་ལོ2011ལོའི་ལོ་མཇུག་ཏུ་ཏ་ཞང་ཆུས་སུ་རིག་གནས་སྒྱུ་རྩལ་ཚོགས་པ17ཡོད་པ་དེ་ལོ་སྔོན་མ་ལས་མི200འཕར་བ་དང10.0%འཕར་ཡོད། ལས་ཞུགས་མི་སྣ600ཡོད་པ་དེ་ལོ་སྔོན་མ་ལས20.0%འཕར་ཡོད། ཟློས་གར་ཁང1དང་སྡོད་ས1500ཡོད་པ་དང་ལོ་རེར་འཁྲབ་སྟོན་ཐེངས85བྱས་ནས་ལྟད་མོ་བ་མི་ཐེངས་ཁྲི10ཟིན། རིག་གནས་ཁང(ས་ཚིགས)14ཡོད་པ་དང་འཛུགས་སྐྲུན་རྒྱ་ཁྱོན་སྨི་གྲུ་བཞི་མ3300ཡོད། སྤྱི་པའི་དཔེ་ཁང(ཁང)45ཡོད་པ་དང་། འཛུགས་སྐྲུན་རྒྱ་ཁྱོན་སྨི་གྲུ་བཞི་མ8215ཡོད། དཔེ་དེབ་ཁྲི66.95ཉར་བ། ད་དུང་གླུ་གར་རོལ་རྩེད་ཁང72རོལ་རྩེད་ཁང55རིག་གནས་སྒྱུ་རྩལ་གསོ་སྦྱོང་རྟེན་གཞི12བཅས་ཡོད་པ་རེད།
6_2
སློབ་གསོ།
སྤྱི་ལོ2011ལོའི་ལོ་མཇུག་ཏུ་ཏ་ཞང་ཆུས་སུ་བུ་བཅོལ་ཁང52ཡོད་པ་དང་བུ་བཅོལ་ཁང་དུ་བྱིས་པ7976དང་དགེ་རྒན347ཡོད་པ་དང་། སློབ་ཆུང40དང་སློབ་གྲྭར་ཡོད་མུས་ཀྱི་སློབ་མ་ཁྲི2.46དང་ཆེད་བསྐོས་དགེ་རྒན1069ཡོད་པ་དང་སློབ་ཆུང་གི་སློབ་ལོ་ལོན་པའི་བྱིས་པ་སློབ་གྲྭར་ཞུགས་ཚད100%ཟིན། དམའ་རིམ་སློབ་འབྲིང6ཡོད་པ་དང་སློབ་གྲྭར་ཡོད་པའི་སློབ་མ4198ཡོད་པ་དང་ཆེད་བསྐོས་དགེ་རྒན396ཡོད། དམའ་རིམ་སློབ་འབྲིང་གི་སློབ་ལོ་རན་པའི་མི་འབོར་སློབ་གྲྭར་ཞུགས་ཚད་དང་། སློབ་ཆུང་དང་དམའ་རིམ་སློབ་འབྲིང་གི་སློབ་རིམ་འཕར་ཚད། ལོ་དགུའི་འོས་འགན་སློབ་གསོ་ཁྱབ་ཚད་བཅས་ཆ་སྙོམས100%ཟིན་ཡོད། ཞིང་ཆེན་དང་གྲོང་ཁྱེར་ཁོངས་གཏོགས་ཀྱི་སློབ་གྲྭར་སློབ་ཆུ་2དང་། སློབ་འབྲིང6(དེའི་ནང་ཞིང་ཆེན་རིམ་པའི་དཔེ་སྟོན་མཐོ་རིམ་སློབ་འབྲིང2)དང་། འབྲིང་རིམ་ཆེད་ལས4ལས་རིགས་ལག་རྩལ་སློབ་གྲྭ5མཐོ་སློབ5བཅས་ཡོད། ཁྱོན་རིམ་པ་ཁག་དང་རིགས་ཁག་གི་དམངས་གཉེར་སློབ་གྲྭ་དང་སློབ་གསོའི་ལས་ཁུངས128ཡོད།
6_3
ཚན་རྩལ།
སྤྱི་ལོ2011ལོའི་ལོ་མཇུག་ཏུ་ཏ་ཞང་ཆུས་སུ་རང་ཚུགས་ཚན་ཞིབ་དང་ལག་རྩལ་གསར་སྤེལ་སྒྲིག་གཞི5དང་གཙོ་གནད་ཚོད་ལྟ་ཁང2ཡོད་པ་རེད། རིགས་ཁག་གི་ཚན་རྩལ་མི་སྣ2972ཡོད་པའི་ནང་ཞིང་ཆེན་གྱི་ཚན་རྩལ་སྣེ་ཁྲིད་ཤེས་ལྡན་མི་སྣ2དང་། ཆེད་ལས་ལག་རྩལ་ཤེས་ལྡན་མི་སྣ847དང་རྩལ་ནུས་ཤེས་ལྡན་མི་སྣ898བཅས་ཡོད་པ་རེད། ཚན་རིག་ཞིབ་འཇུག་སྒྲིག་གཞི་གཙོ་བོར་པན་ཆའོ་དེང་རབས་ཞིང་ལས་ཚན་རྩལ་དཔེ་སྟོན་གླིང་ཡོད།
6_4
འཕྲོད་བསྟེན།
སྤྱི་ལོ2011ལོའི་ལོ་མཇུག་ཏུ་ཏ་ཞང་ཆུས་ཀྱི་རིམ་པ་ཁག་དང་རིགས་ཁག་གི་སྨན་བཅོས་འཕྲོད་བསྟེན་སྒྲིག་གཞི15ཡོད་པ་སྟེ། ཆུས་སྨན་ཁང་དང་། ནད་ཡམས་སྔོན་འགོག་ཚོད་འཛིན་ལྟེ་གནས། འཕྲོད་བསྟེན་ལྟ་སྐུལ་སུའོ་བཅས་ཁག1དང་ཤང་གྲོང་འཕྲོད་བསྟེན་ཁང་དང་གྲོང་ཁྱེར་སྡེ་ཁུལ་གྱི་འཕྲོད་བསྟེན་ཞབས་ཞུའི་ལྟེ་གནས་ཁག6ཡོད། གཞན་ཡང་གྲོང་ཁྱེར་ཁོངས་གཏོགས་ཀྱི་སྨན་ཁང5དང་། ཁེ་ལས་ཀྱིས་སྨན་ཁང1དམངས་གཉེར་སྨན་ཁང2མི་སྒེར་གྱི་སྒོ་བསྟེན་སྨན་ཁང80བཅས་ཡོད་པ་རེད། ཆུས་ཁོངས་གཏོགས་ཀྱི་སྨན་བཅོས་སྒྲིག་གཞིར་ནད་ཁྲི382ཡོད་པ་དང་མི་སྟོང་རེར་ནད་ཁྲི1.2ཡོད། ཆེད་ལས་འཕྲོད་བསྟེན་ལག་རྩལ་མི་སྣ847ཡོད་པའི་ནང་ལས་གཉེར་སྨན་པ་དཀའ་བཅུ་པ260དང་། ལས་གཉེར་ལས་རོགས་སྨན་པ་དཀའ་བཅུ་པ161ནད་གཡོག་པ363བཅས་ཡོད་པ་དང་། ཆ་སྙོམས་བྱས་ན་མི་སྟོང་རེར་འཕྲོད་བསྟེན་ལག་རྩལ་མི་སྣ2.6དང་། ལས་གཉེར(ལས་རོགས་)སྨན་པ་དཀའ་བཅུ་པ1.3ནད་གཡོག་པ1.1བཅས་ཡོད། སྤྱི་ལོ2011ལོར་སྨན་བཅོས་སྒྲིག་གཞི(སྒོ་བསྟེན་སྨན་བཅོས་པུའུ་ཡན)ཡིས་མི་ཐེངས་ཁྲི17.34ལ་ནད་བརྟག་སྨན་བཅོས་བྱས་པ་དང་། སྨན་ཁང་དུ་བསྡད་པའི་ནད་པར་གཤགས་བཅོས་ཐེངས3480བྱས། སྨན་ཁང་ནས་ཐོན་པའི་ནད་པ་མི་ཐེངས་ཁྲི1.82ཟིན། ནད་ཁྲི་སྤྱོད་ཚད67.0%ཟིན་ཡོད།
དཔྱད་གཞིའི་ཡིག་ཆ།