དབྱང་ཁྲེང་རྫོང་།སྔ་མའི་པར་གཞི་དེ ཡུན་དུང་སྐྱབས་རྒྱལ། ནས 2020-03-31 09:05ལ་འགྲུབ།
དབྱང་ཁྲེང་རྫོང་།
དབྱང་ཁྲེང་རྫོང་།
དབྱང་ཁྲེང་རྫོང་ནི་ཧྲན་ཞི་ཞིང་ཆེན་ཅིན་ཁྲེང་གྲོང་ཁྱེར་གྱི་ཁོངས་སུ་གཏོགས་ཤིང་ཧྲན་ཞི་ཞིང་ཆེན་གྱི་ཤར་ལྷོའི་མཚམས་སུ་གནས་ལ་ཤར་ནུབ་ཀྱི་ཞེང་ཚད་སྟོང་སྨི53དང་སྤྱིའི་རྒྱ་ཁྱོན་སྟོང་སྨི་གྲུ་བཞི་མ1930.7ཡོད།
གཞི་རྩའི་གནས་ཚུལ།
རྒྱ་ཡིག་གི་མིང་།
阳城
རྒྱ་ཁྱོན།
1930.7
དབྱིན་ཡིག་གི་མིང་།
Yangcheng
མི་གྲངས།
39.4501
སྲིད་འཛིན་ས་ཁོངས་ཀྱི་རིགས་དབྱེ།
རྫོང་རིམ་པ།
ནམ་ཟླ།
དྲོད་ཁུལ་ཕྱེད་ཙམ་དང་བརླན་གཤེར་དུས་རླུང་རང་བཞིན་གྱི་ནམ་ཟླ།
ཁོངས་གཏོགས་ས་ཁུལ།
ཧྲན་ཞི་ཞིང་ཆེན་ཅིན་ཁྲེང་གྲོང་ཁྱེར།
རླངས་འཁོར་ཚབ་ཨང་།
晋E
ས་ཁོངས་ཁ་པར་ཨང་རྟགས།
0356
སྦྲག་སྲིད་ཨང་རྟགས།
048100
སྲིད་འཛིན་ས་ཁོངས་ཀྱི་ཚབ་ཨང་།
140522
དཀར་ཆག
1
ལོ་རྒྱུས་ཀྱི་འཕེལ་རིམ།
ཀྲུང་ཧྭ་མིན་གོའི་སྲིད་ལོ34པའི(སྤྱི་ལོ1945ལོའི)ཟླ6པར་དབྱང་ཁྲེང་རྫོང་བཅིངས་འགྲོལ་བཏང་།
སྤྱི་ལོ1958ལོར་ཧྲན་ཞིའི་ཤར་ལྷོའི་ས་ཁུལ་དུ་བགོས་ནས་བདག་སྐྱོང་བྱས།
སྤྱི་ལོ1958ལོའི་ཟླ10པར་ཆིན་ཧྲུའེ་རྫོང་ནི་དབྱང་ཁྲེང་རྫོང་ཡིན།
སྤྱི་ལོ1959ལོའི་ཟླ10པར་རྫོང་གཉིས་སོ་སོར་བགོས།
སྤྱི་ལོ1971ལོར་ཧྲན་ཞིའི་ཤར་ལྷོའི་ས་ཁུལ་དུ་བགོས་ནས་བདག་སྐྱོང་བྱས།
སྤྱི་ལོ1985ལོའི་ཟླ5པར་ཧྲན་ཞིའི་ཤར་ལྷོའི་ས་ཁུལ་མེད་པར་བཟོས།
2
ས་ཁམས་ཁོར་ཡུག
2_1
གནས་ཡུལ།
དབྱང་ཁྲེང་རྫོང་ནི་ཧྲན་ཞི་ཞིང་ཆེན་གྱི་ཤར་ལྷོའི་མཚམས་སུ་གནས་ཤིང་རི་བོ་ཐའེ་ཡུའེ་རི་རྒྱུད་ཀྱི་ཤར་ངོས་སུ་གནས་པ་དང་རི་བོ་ཀྲུང་ཐིའོ་ཧྲན་གྱི་བྱང་ཤར་དང་། རི་བོ་ཐའེ་ཧང་གི་ནུབ་ཕྱོགས། ཆིན་ཧོ་ཆུ་བོའི་དབུས་རྒྱུད་ཀྱི་ནུབ་ངོགས་བཅས་སུ་གནས་ཡོད། ཤར་ནི་ཅིན་གྲོང་གྲོང་ཁྱེར་ཉེ་འདབས་དང་བྱང་ནི་ཆིན་ཧྲུའེ་རྫོང་དང་འབྲེལ་ཡོད། ལྷོ་ནུབ་ནི་ཡོན་ཆུས་རྫོང་དང་འབྲེལ་ཡོད་ཅིང་ཤར་གྱི་གཞུང་ཐིག112°一112°37′བར་དང་བྱང་གི་འཕྲེད་ཐིག35°12′—35°40བར་དུ་གནས། ལྷོ་བྱང་གི་རིང་ཚད་ལ་སྟོང་སྨི54ཤར་ནུབ་ཀྱི་ཞེང་ཚད་སྟོང་སྨི53འབུར་ཙམ་བྱས་ནས་གྲུབ་ཡོད། སྤྱིའི་རྒྱ་ཁྱོན་སྟོང་སྨི་གྲུ་བཞི་མ1968ཡོད་པ་དང་མུའུ་ཁྲི295.2ཡོད་པ་དེས་ཞིང་ཆེན་ཡོངས་ཀྱི་ས་ཆའི་སྤྱིའི་རྒྱ་ཁྱོན་གྱི1.15%ཟིན། གྲོང་ཁྱེར་ཡོངས་ཀྱི་ས་ཆའི་སྤྱིའི་རྒྱ་ཁྱོན་གྱི20.3%ཟིན་པ་བཅས་ཅིན་གྲོང་གྲོང་ཁྱེར་གྱི་རྫོང(གྲོང་ཁྱེར་དང་ཆུས)དྲུག་གི་ཨང3པ་རུ་སླེབས་ཡོད།
2_2
ས་དབྱིབས།
དབྱང་ཁྲེང་རྫོང་གི་མངའ་ཁོངས་སུ་རི་ཚོགས་མང་ཞིང་གྲོག་རོང་འཕྲེད་གཞུང་དུ་གྲུབ་ཡོད་ལ། ཆུ་བོ་སྣོལ་མར་འབབ་པ་བཅས་ཀྱི་ཁྱད་ཆོས་ལྡན། ས་བབ་ལྷོ་ནུབ་ནས་བྱང་ཤར་དུ་ཕྱོགས་པ་དང་ལྷོ་བྱང་རྒྱུད་ཀྱི་མཐོ་ཞིང་དཀྱིལ་དམའ་བས་རྫོང་ཡོངས་ཀྱི་མཐོ་རིམ་སློབ་འབྲིང་རི་ཁུལ་དང་། རི་ཁུལ་འབྲིང་བ། རི་ཁུལ་དམའ་བ། རི་མ་ཐང་ཁུལ། ཆུ་རོང་གཞོང་ས་ཁུལ་བཅས་ཀྱི་ས་དབྱིབས་ཚན་པ་ཆེན་པོ་ལྔ་གྲུབ་ཡོད། ཐའེ་ཧང་རི་བོའི་ནུབ་ཀྱི་ཡན་ལག་རྫོང་ཁོངས་ཀྱི་ལྷོ་རྒྱུད་དུ་བསྲིངས་པ་དང་ཀྲུང་ཐིའོ་རི་བོའི་ཤར་གྱི་ཡན་ལག་རྫོང་ཁོངས་ཀྱི་ལྷོ་ནུབ་མཚམས་སུ་བསྲིངས། ཐའེ་ཡུའེ་རི་བོའི་བྱང་ངོས་ནས་རྫོང་ཁོངས་ཀྱི་དབུས་ལྷོ་རྒྱུད་དུ་བསྲིངས་ཤིང་རི་རྒྱུད་ཀྱིས་ཁྱབ་ཡོད། རྫོང་ཁོངས་ཀྱི་ལྷོ་ཕྱོགས་སུ་རྒྱ་མཚོའི་ངོས་ལས་མཐོ་ཚད་སྨི1888.3ཡོད་པའི་དབྱེ་ཁྲེང་རི་བོ་ཡོད་པ་དང་། རི་རྩེ་ཁོད་སྙོམས་ལ་རྒྱ་ཁྱོན་སྟོང་སྨི་གྲུ་བཞི་མ20ཙམ་ཡོད་པ་དེར་ཧྲེང་ཝང་ཕིང་ཟེར། ཁྲེང་ཧྲན་རི་བོའི་རི་རྩེ་གཙོ་བོ་མཐའ་འཁོར་དུ་སྣུར་སྲིང་བྱས་པ་དང་ལྷོ་ངོས་སུ་སྣུར་སྲིང་བྱས་པའི་རི་བོ་ཧྥུང་ཧྲན་དང་། ཝུའུ་ཏོའུ་ཧྲན། ཏ་ལེ་ལིང་། ཨའོ་པེ་ཧྲན་བཅས་ཡོད་པ་དང་། ལྷོ་ནུབ་ཏུ་བསྲིངས་པའི་རྩེ་རི་དང་ཡུན་མོང་རི་བོ། ཤར་ཕྱོགས་སུ་བསྲིངས་བའི་ཀ་རི་དང་སན་ཕན་རི་བོ། བྱང་རྒྱུད་དང་ནུབ་རྒྱུད་དུ་ཉིའུ་ཐོའུ་རི་བོ་དང་ཞན་ཝང་རི་བོ། ཆན་ཧྲན་རི་བོ། པའེ་ལུང་རི་བོ། ཧོང་ལུང་རི་བོ་བཅས་ཁྱབ་ཡོད། ཐའེ་ཧང་རི་བོའི་ནུབ་འདབས་སུ་རི་རྒྱུད་ཆེན་པོ་དག་ཡོད་ལ་རི་རྒྱུད་དེ་དག་གི་མཐོ་ཚད་ཆ་སྙོམས་སྨི1000ནས2000བར་ཡིན་པ་དང་མཐོ་ཤོས་རྒྱ་མཚོའི་ངོས་ལས་མཐོ་ཚད་སྨི1951.4ཡོད་པ་དང་དམའ་ཤོས་རྒྱུ་མཚོའི་ངོས་ལས་སྨི་380ཡོད་པ་རེད།
2_3
ནམ་ཟླ།
དབྱང་ཁྲེང་རྫོང་ནི་དྲོད་ཁུལ་སྐམ་སའི་རང་བཞིན་གྱི་ནམ་ཟླའི་ཁོངས་སུ་གཏོགས་པ་དང་། དབྱར་དགུན་སྟོན་དཔྱིད་དུས་བཞི་གསལ་བ་དང་ལོ་རེའི་ཆ་སྙོམས་དྲོད་ཚད11.7℃ཡིན། ཟླ་དང་པོར་གྲང་ཤོས་ཡིན་པ་དང་ཆ་སྙོམས་དྲོད་ཚད་ཀླད་ཀོར་འོག་གི་ཧྲེ་ཧྲི་ཏུའུ3ཡིན་པ་དང་དམའ་ཤོས་གོར་ཐིག་མན་གྱི19.7℃བར་ཆག་ཡོད། ཟླ་བ་བདུན་པར་ཚ་བ་ཆེ་ཤོས་དང་ཆ་སྙོམས་དྲོད་ཚད24.9℃ཡིན་པ་དང་མཐོ་ཤོས40.2℃ཟིན་གྱིན་ཡོད། ཉིན་རེའི་དྲོད་ཚད་དམའ་ཤོས་དེ་སྤྱིར་བཏང་དུ་ཟླ་བཅུ་གཅིག་པའི་ཚེས་གཅིག་ནས་གོར་ཐིག་མན་བར་ཆག་པ་དང་། ཕྱི་ལོའི་ཟླ་བཞི་པའི་ཟླ་སྟོད་དུ་དྲོད་ཚད་གོར་ཐིག་ཡན་དུ་འཕར་གྱིན་ཡོད། སད་རྒྱག་པའི་དུས་སྐབས་ནི་ཟླ10པའི་ཟླ་དཀྱིལ་ནས་ཕྱི་ལོའི་ཟླ3པའི་ཟླ་མཇུག་བར་ཡིན། སད་མེད་དུས་ནི་ས་ཁུལ་མི་འདྲ་བའི་དབང་གིས་མི་འདྲ་སྟེ། སྤྱིར་བཏང་དུ་ཉིན170ནས་ཉིན180ཡས་མས་ཡིན། ལོ་རེའི་ཆར་ཆུ་འབབ་ཚད་ཆ་སྙོམས་ཧའོ་སྨི659ཟིན་ཡོད་ཅིང་། ཆར་པ་འབབ་པའི་ཁྱད་ཆོས་ནི་ལོ་རེའི་འགྱུར་ལྡོག་ཆེ་བ་དང་དུས་ཚིགས་ཀྱི་འགྱུར་ལྡོག་ཆེ། ས་ཁོངས་ཀྱི་ཁྱད་པར་ཆེ་ཞིང་ཤུགས་ཚད་ཆེ་བ་བཅས་ཡིན་ཞིང་། ལོ་རེར་མཐོ་ཤོས་ལ་ཧའོ་སྨི852.2ཟིན་པ་དང་ན་གཞོན་ལ་ཧའོ་སྨི335.2ལས་མེད། ཆར་ཆུ་འབབ་ཚད་བསྡོམས་འབོར་གྱི58%ཟླ་བ་བདུན་པ་དང་བརྒྱད་པ། དགུ་པ་བཅས་ཟླ་གསུམ་ནང་ཚུན་དུ་འདུས་ཡོད།
2_4
ཆུ་དཔྱད།
དབྱང་ཁྲེང་རྫོང་གི་ཆུ་བོ་ཚང་མ་རྨ་ཆུའི་ཁོངས་སུ་གཏོགས་ཤིང་ནུབ་སོ་ཆོན་ལིན་ནས་ཤར་གྱི་རི་བོ་སན་ཕན་ཧྲན་བར་ནི་ལྷོ་བྱང་གི་དབྱེ་མཚམས་ཡིན་ཞིང་། དབྱེ་མཚམས་ཀྱི་བྱང་ངོས་སུ་གཙོ་བོ་གཙང་པོ་དང་འདམ་རྩྭ་ཆུ་བོ། ཆུ་བོ་བཅས་ཡོད། ཆིན་ཧོ་རྫོང་གི་ཤར་རྒྱུད་དུ་གནས་པ་དང་རྫོང་དེའི་སྤྱིའི་རིང་ཚད་ལ་སྟོང་སྨི72ཡོད་པ་དང་འབབ་རྒྱུད་ཀྱི་རྒྱ་ཁྱོན་སྟོང་སྨི་གྲུ་བཞི་མ175ཟིན་ཡོད། ལུའུ་ཝེ་ཆུ་བོ་ནི་རྫོང་ཁོངས་ཀྱི་བྱང་རྒྱུད་དུ་གནས་པ་དང་རྫོང་ཁོངས་ཀྱི་སྤྱིའི་རིང་ཚད་སྟོང་སྨི50ཡོད་པ་དང་འབབ་རྒྱུད་ཀྱི་རྒྱ་ཁྱོན་སྟོང་སྨི་གྲུ་བཞི་མ366ཡོད། ཧོ་ཙེ་གཙང་པོ་རྫོང་གི་དཀྱིལ་དུ་གནས་པ་དང་རྫོང་ཁོངས་ཀྱི་སྤྱིའི་རིང་ཚད་ལ་སྟོང་སྨི57ཡོད་པ་དང་འབབ་རྒྱུད་ཀྱི་རྒྱ་ཁྱོན་སྟོང་སྨི་གྲུ་བཞི་མ845ཡོད་པ་རེད། དབྱེ་མཚམས་རིའི་ལྷོ་ངོས་སུ་ཚེ་ཐན་དང་ཕན་ཐིང་། ནན་མོན། ཆིའུ་ཁྲོན། ཧྲེ་ཡོན། གཙང་པོ། ལུང་མོན་སོགས་ཆུ་བོ་ཆུང་ངུ་བརྒྱད་ཡོད་པ་དེ་དག་བསྡོམས་ན་འབབ་རྒྱུད་ཀྱི་རྒྱ་ཁྱོན་སྟོང་སྨི་གྲུ་བཞི་མ380ཟིན་པ་དང་ཆིན་ཧོ་གཙང་པོའི་རྒྱ་ཁྱོན་ཆེ་ཤོས་དང་། ཆུ་རྟིང་གི་ཆ་སྙོམས་ཞེང་ཚད་སྨི260དང་ཆུ་ལོག་མང་ཤོས་ཀྱི་བཞུར་ཚད་སྐར་ཆ་རེར་སྨི་རྒྱ་གྲུ་བཞི་མ་ཁྲི1.5ཟིན་གྱིན་ཡོད།
3
མི་གྲངས།
སྤྱི་ལོ2018ལོའི་ལོ་མཇུག་བར་དབྱང་ཁྲེང་རྫོང་གི་རྒྱུན་སྡོད་མི་འབོར་ཁྲི39.4501ཡོད་པའི་ནང་སྐྱེས་པ་ཁྲི19.6609དང་བུད་མེད་ཁྲི19.7892ཕོ་མོའི་ཕོ་མོའི་བསྡུར་ཚད99.35(བུད་མེད=100)ཡོད་པ་རེད། གྲོང་ཁྱེར་དང་གྲོང་རྡལ་གྱི་རྒྱུན་སྡོད་མི་འབོར་ཁྲི19.1755ཟིན་པ་དང་གྲོང་གསེབ་ཀྱི་རྒྱུན་སྡོད་མི་འབོར་ཁྲི20.2746ཟིན་ཡོད། གྲོང་ཁྱེར་དང་གྲོང་རྡལ་གྱི་མི་འབོར་ཁྲི་ཡི་བསྡུར་ཚད48.61%ཟིན་ཡོད་ཅིང་། མི་འབོར་སྐྱེས་ཚད8.62%དང་ཤི་ཚད6.666% རང་བཞིན་གྱིས་འཕར་ཚད1.96%བཅས་ཡིན། སྤྱི་བདེ་སྡེ་ཚན་གྱི་ཐེམ་ཐོ་ཐོ་འགོད་བྱས་པའི་དུད་ཚང་ཁྲི16.7384ཟིན་པ་དང་མི་འབོར་ཁྲི38.3106ཡོད།
4
དཔལ་འབྱོར།
སྤྱི་ལོ2018ལོར་དབྱང་ཁྲེང་རྫོང་གིས་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར(GDP)སྒོར་དུང་ཕྱུར237.5027ཟིན་པ་དེ་ལོ་སྔོན་མ་ལས6.8%འཕར་ཡོད། ཐོན་ལས་དབྱེ་ནས་བལྟས་ན། ཐོན་ལས་དང་པོའི་འཕར་ཐང་སྒོར་དུང་ཕྱུར8.5755ཟིན་ནས0.6%འཕར། ཐོན་ལས་གཉིས་པའི་འཕར་ཐང་སྒོར་དུང་ཕྱུར145.7347ཟིན་ནས7.0%འཕར་བ་དེའི་ནང་བཟོ་ལས་ལ་སྒོར་དུང་ཕྱུར138.8347ཟིན་ནས6.8%འཕར་བ་དང་ཐོན་ལས་གསུམ་པའི་འཕར་ཐང་སྒོར་དུང་ཕྱུར83.1925ཟིན་ནས7.3%འཕར་ཡོད། ཐོན་ལས་གསུམ་པའི་འཕར་ཐང་ནང་སྡེབ་ཚོང་དང་སིལ་ཚོང་ལས་རིགས་ལ་སྒོར་དུང་ཕྱུར13.4227ཟིན་ནས3.7%འཕར་བ་དང་འགྲིམ་འགྲུལ་སྐྱེལ་འདྲེན་དང་མཛོད་ཉར་སྦྲག་སྲིད་ལས་རིགས་ལ་སྒོར་དུང་ཕྱུར14.1699ཟིན་ནས6.0%འཕར། ཞག་སྡོད་དང་བཟའ་བཏུང་ལས་རིགས་ལ་སྒོར་དུང་ཕྱུར6.0633ཟིན་ནས6.7%འཕར། དངུལ་རྩའི་ལས་རིགས་སྒོར་དུང་ཕྱུར7.7499ཟིན་ནས9.8%འཕར། ས་ཁང་བདག་ཁོངས་ཐོན་ལས་སྒོར་དུང་ཕྱུར7.9779ཟིན་ནས1.9%འཕར། ཞབས་ཞུའི་ལས་རིགས་གཞན་དག་ལ་སྒོར་དུང་ཕྱུར33.4119བཏང་ནས་བརྒྱ་ཆ10.8འཕར་ཡོད། ཐོན་ལས་གསུམ་པའི་གྲུབ་ཆའི་ཁྲོད་ཐོན་ལས་དང་པོའི་འཕར་ཐང་གིས་ཐོན་སྐྱེད་རིན་ཐང་བསྡོམས་འབོར་ནང་བཟུང་བའི་བསྡུར་ཚད3.6%ཟིན་པ་དང་ཐོན་ལས་གཉིས་པའི་འཕར་ཐང་གིས་ཐོན་སྐྱེད་རིན་ཐང་བསྡོམས་འབོར་ནང་བཟུང་བའི་བསྡུར་ཚད61.4%ཟིན། ཐོན་ལས་གསུམ་པའི་འཕར་ཐང་གིས་ཐོན་སྐྱེད་རིན་ཐང་བསྡོམས་འབོར་ནང་བཟུང་བའི་བསྡུར་ཚད35.0%ཟིན་ཡོད། ལོ་ཧྲིལ་པོར་མི་རེའི་ཆ་སྙོམས་ཐོན་སྐྱེད་རིན་ཐང་བསྡོམས་འབོར་སྒོར60262ཟིན་པ་དེ་ལོ་སྔོན་མ་ལས6.6%འཕར་བ་དང་སྤྱི་ལོ2018ལོའི་ཆ་སྙོམས་དངུལ་བརྗེས་འཛའ་ཐང་ལྟར་བརྩིས་ན་ཨ་སྒོར9107ཟིན་པ་དེ་ལོ་སྔོན་མ་ལས་ཨ་སྒོར1556.3འཕར་ཡོད།
གཏན་འཇགས་རྒྱུ་ནོར་ལ་མ་དངུལ་འཇོག་པ།
སྤྱི་ལོ2018ལོར་དབྱང་ཁྲེང་རྫོང་གི་གཏན་འཇགས་རྒྱུ་ནོར་ལ་མ་དངུལ་སྒོར་དུང་ཕྱུར84.4620བཏང་བ་དེ་ལོ་སྔོན་མ་ལས10.4%འཕར་ཡོད་ལ། དེའི་ནང་རྨང་གཞིའི་སྒྲིག་བཀོད་ལ་མ་དངུལ་སྒོར་དུང་ཕྱུར36.4884བཏང་ནས10.1%འཕར་བ་དང་། དམངས་ཁྲོད་ཀྱི་གཏན་འཇགས་རྒྱུ་ནོར་ལ་མ་དངུལ་སྒོར་དུང་ཕྱུར37.9357བཏང་ནས36.8%འཕར་ཡོད། ཐོན་ལས་ལ་གཞིགས་ནས་དབྱེ་ན། ཐོན་ལས་དང་པོར་མ་དངུལ་སྒོར་དུང་ཕྱུར3.4216བཏང་ནས20.8%འཕར། ཐོན་ལས་གཉིས་པའི་མ་འཇོག་སྒོར་དུང་ཕྱུར31.8768ཟིན་ནས17.3%འཕར། ཐོན་ལས་གསུམ་པར་མ་དངུལ་སྒོར་དུང་ཕྱུར49.1636བཏང་ནས5.6%འཕར་ཡོད། ཐོན་ལས་གཉིས་པའི་ནང་བཟོ་ལས་ཐད་མ་དངུལ་སྒོར་དུང་ཕྱུར31.8768བཏང་ནས18.0%འཕར། དེའི་ནང་རྡོ་སོལ་བཟོ་ལས་ཀྱི་མ་འཇོག་སྒོར་དུང་ཕྱུར11.6345ཟིན་ནས3.3%མར་ཆག་པ་དང་། རྡོ་སོལ་མིན་པའི་ཐོན་ལས་ལ་མ་དངུལ་སྒོར་དུང་ཕྱུར20.2423བཏང་ནས35.1%འཕར་ཡོད། སྲོལ་རྒྱུན་གྱི་ཐོན་ལས(རྡོ་སོལ་དང་། རྡོ་སོལ་བསྲེགས་མ། ལྕགས་བཞུ། གློག་ཤུགས)ལ་མ་དངུལ་སྒོར་དུང་ཕྱུར15.6578བཏང་ནས8.3%མར་ཆག་པ་དང་སྲོལ་རྒྱུན་མིན་པའི་ཐོན་ལས་ལ་མ་དངུལ་སྒོར་དུང་ཕྱུར16.2190བཏང་ནས63.2%འཕར།
ནོར་ཁྲལ་གཏོང་སྒོ།
སྤྱི་ལོ2018ལོར་དབྱང་ཁྲེང་རྫོང་གིས་ནོར་སྲིད་ཀྱི་སྤྱིའི་ཡོང་འབབ་སྒོར་དུང་ཕྱུར44.5638ཟིན་པ་དེ་ལོ་སྔོན་མ་ལས28.4%འཕར་ཡོད་ལ། སྤྱི་པའི་ནོར་སྲིད་སྔོན་རྩིས་ཀྱི་ཡོང་སྒོ་སྒོར་དུང་ཕྱུར16.6270ལེགས་གྲུབ་བྱུང་བ་དེ་ལོ་སྔོན་མ་ལས་བརྒྱ་ཆ24.2འཕར་ཡོད། དེའི་ནང་ཁྲལ་བསྡུའི་ཡོང་སྒོ་སྒོར་དུང་ཕྱུར10.6168ཟིན་པས་བརྒྱ་ཆ22.7འཕར་ཡོད། སྤྱི་པའི་ནོར་སྲིད་སྔོན་རྩིས་ཀྱི་གཏོང་སྒོ་སྒོར་དུང་ཕྱུར29.6816ཟིན་ནས་ལོ་སྔོན་མ་ལས20.0%འཕར་ཡོད་ལ། དེའི་ནང་ཞིང་ནགས་ཆུ་གསུམ་གྱི་ལས་དོན་ཐད་ཀྱི་གཏོང་སྒོ་སྒོར་དུང་ཕྱུར4.6641ཡིན་པས21.7%འཕར་བ་དང་སློབ་གསོའི་ཐད་ཀྱི་གཏོང་སྒོ་སྒོར་དུང་ཕྱུར5.1611ཡིན་པས26.0%འཕར། ཚན་རྩལ་གྱི་གཏོང་སྒོ་སྒོར་ཁྲི3345ཟིན་ནས19.3%འཕར། སྨན་བཅོས་འཕྲོད་བསྟེན་དང་འཆར་ལྡན་བུ་བཙའི་ཐད་ཀྱི་གཏོང་སྒོ་སྒོར་དུང་ཕྱུར3.5613ཡིན་པས་བརྒྱ་ཆ3.4འཕར་ཡོད། རིག་གནས་ལུས་རྩལ་དང་སྨྱན་སྦྱོར་གྱི་གཏོང་སྒོ་སྒོར་ཁྲི7812ཟིན་ནས6.2%འཕར། སྤྱི་ཚོགས་འགན་སྲུང་དང་ལས་ཞུགས་ཀྱི་གཏོང་སྒོ་སྒོར་དུང་ཕྱུར4.4318ཟིན་པས་བརྒྱ་ཆ8.9མར་ཆག་པ་དང་། ནུས་རྒྱུ་སྲི་ཚགས་དང་ཁོར་ཡུག་སྲུང་སྐྱོང་གི་གཏོང་སྒོ་སྒོར་དུང་ཕྱུར1.1739ཡིན་པས1.4%འཕར་ཡོད།
མི་དམངས་ཀྱི་འཚོ་བ།
སྤྱི་ལོ2018ལོར་དབྱང་ཁྲེང་རྫོང་གི་སྒེར་གཉེར་མིན་པའི་ཚན་པའི་ལས་ཐོག་ལས་བཟོའི་ཆ་སྙོམས་གླ་ཕོགས་སྒོར61048ཟིན་པ་དེ་ལོ་སྔོན་མ་ལས8.8%འཕར་ཡོད། གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར20349ཟིན་པ་དེ་ལོ་སྔོན་མ་ལས8.3%འཕར་ཡོད་ལ། དེའི་ནང་གྲོང་ཁྱེར་དང་གྲོང་རྡལ་གྱི་གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར29629ཟིན་ནས6.6%འཕར་བ་དང་། མི་རེའི་ཆ་སྙོམས་ཀྱི་འཚོ་བའི་འཛད་སྤྱོད་གཏོང་སྒོ་སྒོར16183ཟིན་པ་དེ9.2%འཕར་ཡོད། གྲོང་གསེབ་ཀྱི་ཡུལ་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར13326ཟིན་པ་དེ་ལོ་སྔོན་མ་ལས8.5%འཕར། མི་རེའི་ཆ་སྙོམས་འཚོ་བའི་འཛད་སྤྱོད་གཏོང་སྒོ་སྒོར11238ཟིན་ནས15.4%འཕར།
4_1
ཐོན་ལས་དང་པོ།
འདེབས་འཛུགས་ལས་རིགས།
སྤྱི་ལོ2018ལོར་དབྱང་ཁྲེང་རྫོང་གི་འབྲུ་རིགས་འདེབས་པའི་རྒྱ་ཁྱོན་སྤྱི་ཆིང29299ཟིན་པ་དེ་ལོ་སྔོན་མ་ལས་སྤྱི་ཆིང1084ཉུང་དུ་ཕྱིན་པའི་ནང་དབྱར་འབྲུ་འདེབས་པའི་རྒྱ་ཁྱོན་སྤྱི་ཆིང7426ཟིན་ནས་སྤྱི་ཆིང23མང་དུ་ཕྱིན་པ་དང་། སྟོན་ཁའི་འབྲུ་རིགས་འདེབས་པའི་རྒྱ་ཁྱོན་སྤྱི་ཆིང21873སྤྱི་ཆིང1107ཉུང་དུ་ཕྱིན་ཡོད། ལོ་ཧྲིལ་པོར་འབྲུ་རིགས་ཐོན་ཚད་ཏུན་ཁྲི14.2895ཟིན་པ་དེ་ལོ་སྔོན་མ་ལས་ཏུན1927འཕར་བ་དང་ཐོན་འཕར1.4%ཟིན་པའི་ནང་དབྱར་ཁའི་འབྲུ་རིགས་ཐོན་འབབ་ཏུན31473ཟིན་ནས11.5%མར་ཆག་པ་དང་། སྟོན་ཁའི་འབྲུ་རིགས་ཐོན་ཚད་ཏུན་ཁྲི11.1422ཟིན་ནས5.7%འཕར་ཡོད། ལོ་ཧྲིལ་པོར་སྲིང་བལ་འདེབས་པའི་རྒྱ་ཁྱོན་སྤྱི་ཆིང5.3ཟིན་པ་དེ་ལོ་སྔོན་མ་ལས་སྤྱི་ཆིང1.2ཉུང་དུ་ཕྱིན་པ་དང་སྤྱིའི་ཐོན་ཚད་ཏུན5.4ཟིན་ནས་སྔ་ལོ་ལས8.5%མར་ཆག་ཡོད། སྣུམ་རྒྱུ་འདེབས་པའི་རྒྱ་ཁྱོན་སྤྱི་ཆིང1323ཟིན་པ་དེ་ལོ་སྔོན་མ་ལས་སྤྱི་ཆིང426འཕར་བ་དང་སྤྱིའི་ཐོན་ཚད་ཏུན2152ཟིན་ནས་ལོ་སྔོན་མ་ལས22.0%འཕར་ཡོད། སྔོ་ཚལ་འདེབས་པའི་རྒྱ་ཁྱོན་སྤྱི་ཆིང959ཟིན་པ་དེ་ལོ་སྔོན་མ་ལས་སྤྱི་ཆིང102ཉུང་དུ་ཕྱིན་པ་དང་སྤྱིའི་ཐོན་ཚད་ཏུན48367ཟིན་པ་དེ་ལོ་སྔོན་མ་ལས16.6%འཕར་ཡོད་པ་རེད། ཤིང་ཏོག་ཐོན་ཚད་ཏུན4058ཟིན་ནས་སྔ་ལོ་ལས8.5%མར་ཆག་ཡོད། ཤུན་མཁྲེགས་ཤིང་ཏོག་ཐོན་ཚད་ཏུན1919ཟིན་པ་དེ་ལོ་སྔོན་མ་ལས75.3%མར་ཆག་ཡོད།
ཕྱུགས་ལས།
སྤྱི་ལོ2018ལོའི་ལོ་མཇུག་བར་དབྱང་ཁྲེང་རྫོང་གི་ཕྱུགས་ར1421ཡོད་པ་དེ་ལོ་སྔོན་མ་ལས18.6%མར་ཆག་ཡོད་ཅིང་། ཕག་པ་ལག་ཡོད་མགོ་གྲངས135611ཡོད་པ་དེ་ལོ་སྔོན་མ་ལས6.5%མར་ཆག་ཡོད། ལུག་བཤས་གཏོང་ཚད48723ཟིན་པ་དེ་ལོ་སྔོན་མ་ལས41.6%མར་ཆག་ཡོད། བྱ་ཁྲི261.9ཡོད་པ་དེ་ལོ་སྔོན་མ་ལས12.8%མར་ཆག་ཡོད་ཅིང་། ལོ་ཧྲིལ་པོར་ཤ་རིགས་ཀྱི་སྤྱིའི་ཐོན་ཚད་ཏུན19865ཟིན་པ་དེ་སྔ་ལོ་ལས9.5%མར་ཆག་ཡོད། བྱ་སྒོང་སྤྱིའི་ཐོན་ཚད་ཏུན31070ཟིན་པ་དེ་ལོ་གོང་མ་ལས0.2%མར་ཆག་ཡོད། ལོ་ཧྲིལ་པོར་སྲིན་གོང་སྤྱིའི་ཐོན་འབོར་ཏུན1108ཟིན་པ་དེ་ལོ་སྔོན་མ་ལས18.7%མར་ཆག
ཐོན་སྐྱེད་ཆ་རྐྱེན།
སྤྱི་ལོ2018ལོའི་ལོ་མཇུག་བར་དབྱང་ཁྲེང་རྫོང་གིས་ནུས་ལྡན་ངང་ཞིང་ཆུ་འདྲེན་པའི་རྒྱ་ཁྱོན་སྤྱི་ཆིང9902ཟིན་པ་དང་ཆུ་གྲོན་ཆུང་གིས་ཞིང་ཆུ་འདྲེན་ཁྱོན་སྤྱི་ཆིང5769ཟིན་ཡོད། ལོ་ཧྲིལ་པོར་རྫས་ལུད་སྤྱོད་ཚད(དངོས་ཟོག་གི་འབོར་ཚད)ཏུན25686ཟིན་པ་དེ་ལོ་སྔོན་མ་ལས9.0%མར་ཆག་ཡོད། ཞིང་སྤྱོད་འགྱིག་ཤོག་སྲབ་མོ་སྤྱོད་ཚད་ཏུན13.6ཟིན་པ་དེ་ལོ་སྔོན་མ་ལས24.3%མར་ཆག་ཡོད་ཅིང་། ཞིང་སྨན་སྤྱོད་ཚད་ཏུན108.6ཟིན་པ་དེ་ལོ་སྔོན་མ་ལས6.6%མར་ཆག
4_2
ཐོན་ལས་གཉིས་པ།
བཟོ་ལས།
སྤྱི་ལོ2018ལོར་དབྱང་ཁྲེང་རྫོང་གི་བཟོ་ལས་ཀྱི་རིན་ཐང་འཕར་མ་སྒོར་དུང་ཕྱུར138.8347ཟིན་པ་དེ་ལོ་སྔོན་མ་ལས6.8%འཕར་བའི་ནང་རྫོང་ཡོངས་ཀྱི་གཞི་ཁྱོན་ཡན་གྱི་བཟོ་ལས་ཁེ་ལས60ཡོད་པ་དང་རིན་ཐང་འཕར་མ་ལོ་སྔོན་མ་ལས6.7%འཕར་ཡོད། དཔལ་འབྱོར་གྱི་རིགས་དབྱེ་ནས་བལྟས་ན། ཐུན་མོང་ཁེ་ལས15.7%འཕར་བ་དང་མ་རྐང་ལམ་ལུགས་ཀྱི་ཁེ་ལས10.5%འཕར་བ་དང་ཕྱི་རྒྱལ་གྱི་ཚོང་པ་དང་དེ་བཞིན་ཤང་ཀང་དང་། ཨའོ་མོན། ཐའེ་དབན་བཅས་ཀྱི་ཚོང་པའི་མ་འཇོག་ཁེ་ལས1.1%མར་ཆག་ཡོད། ལས་རིགས་དབྱེ་ནས་བལྟས་ན། རྡོ་སོལ་སྔོག་འདོན་དང་འཁྲུད་འདེམས་ལས་རིགས8.9%འཕར་བ་དང་རྡོ་སྣུམ་དང་རང་བྱུང་སོལ་རླངས་སྔོག་འདོན་ལས་རིགས11.5%མར་ཆག གློག་ཤུགས་དང་ཚ་ནུས་ཐོན་སྐྱེད་དང་མཁོ་སྤྲོད་ལས་རིགས1.2%འཕར་ཞིང་སོལ་རླངས་ཐོན་སྐྱེད་དང་མཁོ་སྤྲོད་ལས་རིགས78.1%འཕར། ཟས་རིགས་བཟོ་སྐྲུན་ལས་རིགས22.5%འཕར། རྫས་འགྱུར་རྒྱུ་ཆ་དང་རྫས་འགྱུར་བཟོས་རྫས་བཟོ་སྐྲུན་ལས་རིགས4.0%འཕར་བ་དང་ལྕགས་རིགས་མིན་པའི་གཏེར་དངོས་བཟོ་སྐྲུན་ལས་རིགས4.9%འཕར། འཁེལ་འཐག་ལས་རིགས22.8%འཕར། མདོག་ནག་ལྕགས་རིགས་བཙོ་སྦྱང་དང་གནོན་བཙིར་ལས་སྣོན་ལས་རིགས15.7%འཕར། ལྕགས་རིགས་བཟོས་རྫས་དང་འཕྲུལ་ཆས། སྒྲིག་ཆས་བཟོ་བཅོས་ལས་རིགས17.9%འཕར། ལྕགས་རིགས་བཟོས་རྫས་ལས་རིགས49.0%མར་ཆག་ཡོད་ཅིང་། ལོ་ཧྲིལ་པོར་གཞི་ཁྱོན་ཡན་གྱི་ཁེ་ལས་ཀྱིས་མ་བཅོས་རྡོ་སོལ་ཏུན་ཁྲི1638.1ཐོན་སྐྱེད་བྱས་པ་དེ་ལོ་སྔོན་མ་ལས14.0%འཕར། རྡོ་སོལ་ཐོན་ཚད་ཏུན་ཁྲི976.6ཟིན་ནས32.2%འཕར། རྡོ་སོལ་ཆགས་རིམ་གྱི་སོལ་རླངས་སྨི་རྒྱ་དཔངས་གྲུ་བཞི་ཁྲི15934.9ཟིན་ནས1.5%མར་ཆག་པ།་དང་སྐྱུར་ཁུ་ཏུན17509ཟིན་ནས82.7%འཕར། སྲིང་ཏུན4824ཟིན་ནས4.9%འཕར། རས་སྨི་ཁྲི998ཟིན་ནས10.2%འཕར། ཏན་ལུད་ཏུན་ཁྲི19.9ཟིན་ནས8.1%འཕར། ཨར་འདམ་ཏུན་ཁྲི59.6ཟིན་ནས4.0%འཕར། རྫ་ཕག་སྨི་གྲུ་བཞི་མ་ཁྲི2599.3ཟིན་ནས0.6%འཕར། རྫ་ཕག་སྨི་གྲུ་བཞི་མ་ཁྲི615ཟིན་ནས7.7%མར་ཆག གློག་འདོན་ཚད་ཆུ་ཚོད་རེར་སྟོང་ཝ་དུང་ཕྱུར195.3ཟིན་ནས་བརྒྱ་ཆ3.6འཕར་ཡོད། ལོ་ཧྲིལ་པོར་གཞི་ཁྱོན་ཡན་གྱི་བཟོ་ལས་ཁེ་ལས་ཀྱིས་གཙོ་གཉེར་ལས་སྒོའི་ཡོང་འབབ་སྒོར་དུང་ཕྱུར213.2121ཟིན་ནས་ལོ་སྔོན་མ་ལས21.6%འཕར་ཡོད། དེའི་ནང་རྡོ་སོལ་ཁེ་ལས་ལ་གཙོ་གཉེར་ལས་སྒོའི་ཡོང་འབབ་སྒོར་དུང་ཕྱུར129.7112བྱུང་ནས30.9%འཕར་བ་དང་གློག་ཤུགས་ཁེ་ལས་ཀྱིས་གཙོ་གཉེར་ལས་སྒོའི་ཡོང་འབབ་སྒོར་དུང་ཕྱུར54.8881ཟིན་ནས2.6%འཕར་ཡོད། ཚད་ལོན་ཡན་གྱི་བཟོ་ལས་ཁེ་ལས་ལ་ཁེ་སྤོགས་དང་དཔྱ་ཁྲལ་སྒོར་དུང་ཕྱུར53.2890ཟིན་པ་དེ་ལོ་སྔོན་མ་ལས26.1%འཕར་ཡོད་ལ། དེའི་ནང་རྡོ་སོལ་ཁེ་ལས་ལ་ཁེ་སྤོགས་དང་དཔྱ་ཁྲལ་སྒོར་དུང་ཕྱུར49.4333ཟིན་ནས26.4%འཕར་བ་དང་གློག་ཤུགས་ཁེ་ལས་ལ་ཁེ་སྤོགས་དང་དཔྱ་ཁྲལ་སྒོར་དུང་ཕྱུར4.6653ཟིན་ནས6.9%འཕར་ཡོད། ཚད་ལོན་ཡན་གྱི་བཟོ་ལས་ཁེ་ལས་ལ་ཁེ་སྤོགས་སྒོར་དུང་ཕྱུར28.6712བྱུང་བ་དེ་ལོ་སྔོན་མ་ལས36.2%འཕར་ཡོད། དེའི་ནང་རྡོ་སོལ་ཁེ་ལས་ཀྱི་ཁེ་སྤོགས་སྒོར་དུང་ཕྱུར27.5320ཟིན་ནས32.6%འཕར་བ་དང་གློག་ཤུགས་ཁེ་ལས་ཀྱི་ཁེ་སྤོགས་སྒོར་དུང་ཕྱུར27566ཟིན་ནས12.0%འཕར།
བཟོ་སྐྲུན་ལས་རིགས།
སྤྱི་ལོ2018ལོར་དབྱང་ཁྲེང་རྫོང་གི་ཨར་སྐྲུན་ལས་རིགས་ཀྱི་རིན་ཐང་འཕར་མ་སྒོར་དུང་ཕྱུར7.0326ཟིན་པ་དེ་ལོ་སྔོན་མ་ལས10.0%འཕར་ཡོད། ལོ་མཇུག་ཏུ་འོས་ཐོབ་ཀྱི་རིམ་པ་ལྡན་པའི་སྤྱིའི་འགན་གཙང་དང་ཆེད་ལས་འགན་གཙང་ཨར་སྐྲུན་ལས་རིགས་ཀྱི་ཁེ་ལས11ཡོད་པ་དེས་ཐོན་རྫས་རིན་ཐང་བསྡོམས་འབོར་སྒོར་དུང་ཕྱུར1.6981ཟིན་པ་དེ་ལོ་སྔོན་མ་ལས41.2%འཕར་བ་དང་། སྡོད་ཁང་ཨར་སྐྲུན་རྒྱ་ཁྱོན་སྨི་གྲུ་བཞི་མ53424ཟིན་པ་དེ་ལོ་སྔོན་མ་ལས34.2%མར་ཆག
4_3
ཐོན་ལས་གསུམ་པ།
རྒྱལ་ནང་དཔལ་འབྱོར།
སྤྱི་ལོ2018ལོར་དབྱང་ཁྲེང་རྫོང་གི་སྤྱི་ཚོགས་འཛད་སྤྱོད་དངོས་རྫས་སིལ་ཚོང་བསྡོམས་འབོར་སྒོར་དུང་ཕྱུར50.5018ཟིན་པ་དེ་ལོ་སྔོན་མ་ལས9.2%འཕར་ཡོད། གཉེར་སྐྱོང་བྱ་ཡུལ་གྱི་བསྡོམས་རྩིས་ལ་གཞིགས་ན། གྲོང་ཁྱེར་དང་གྲོང་རྡལ་གྱི་འཛད་སྤྱོད་དངོས་རྫས་སིལ་ཚོང་བསྡོམས་འབོར་སྒོར་དུང་ཕྱུར35.939ཟིན་ནས9.1%འཕར་བ་དང་གྲོང་གསེབ་ཀྱི་འཛད་སྤྱོད་དངོས་རྫས་སིལ་ཚོང་བྱེད་ཚད་སྒོར་དུང་ཕྱུར14.5628ཟིན་ནས9.6%འཕར་ཡོད། བྲིན་ཚོང་ཚན་པའི་ལས་རིགས་ཀྱི་བསྡོམས་རྩིས་ལ་གཞིགས་ན། སྡེབ་ཚོང་དང་སིལ་ཚོང་ལས་རིགས་ཀྱི་སིལ་ཚོང་དངུལ་འབོར་སྒོར་དུང་ཕྱུར39.4718ཟིན་ནས9.0%འཕར་བ་དང་ཞག་སྡོད་དང་བཟའ་བཏུང་ལས་རིགས་ཀྱི་སིལ་ཚོང་དངུལ་འབོར་སྒོར་དུང་ཕྱུར11.03ཟིན་ནས9.9%འཕར།
ཕྱི་ཕྱོགས་ཉོ་ཚོང་།
སྤྱི་ལོ2018ལོར་དབྱང་ཁྲེང་རྫོང་གི་ཕྱི་ཕྱོགས་ཚོང་དོན་གྱི་ཕྱིར་གཏོང་ནང་འདྲེན་བསྡོམས་འབོར་སྒོར་དུང་ཕྱུར1.1720ཟིན་པ་དེ་ལོ་སྔོན་མ་ལས140.3%འཕར་ཡོད་ལ། དེའི་ནང་ནང་འདྲེན་སྒོར་དུང་ཕྱུར405ཟིན་ནས289.4%འཕར་བ་དང་། ཕྱིར་གཏོང་སྒོར་དུང་ཕྱུར1.1315ཟིན་ནས137.0%འཕར་ཡོད། ཕྱིར་གཏོང་ནང་འདྲེན་གྱི་ཆད་གྲངས(ཕྱིར་གཏོང་ནང་འདྲེན་འཕྲི)སྒོར་དུང་ཕྱུར1.0910ཡིན་པས་ལོ་སྔོན་མ་ལས་བརྒྱ་ཆ133.6འཕར་ཡོད།
ས་ཁང་བདག་ཁོངས་ཐོན་ལས།
སྤྱི་ལོ2018ལོར་དབྱང་ཁྲེང་རྫོང་གི་ས་ཁང་བདག་ཁོངས་གསར་སྤེལ་ཐད་མ་དངུལ་སྒོར་དུང་ཕྱུར3.7933བཏང་བ་དེ་ལོ་སྔོན་མ་ལས25.6%མར་ཆག་ཡོད་ལ། དེའི་ནང་སྡོད་ཁང་ལ་མ་དངུལ་སྒོར་དུང་ཕྱུར3.2805བཏང་ནས16.7%མར་ཆག་ཡོད། ལོ་ཧྲིལ་པོར་ཁང་པའི་ཨར་སྐྲུན་རྒྱ་ཁྱོན་སྨི་གྲུ་བཞི་མ་ཁྲི65.5142ཟིན་ནས3.0%མར་ཆག སྡོད་ཁང་གསར་དུ་ལས་འགོ་བཙུགས་པའི་རྒྱ་ཁྱོན་སྨི་གྲུ་བཞི་མ61124ཟིན་ནས33.9%མར་ཆག ཚོང་སྒྱུར་སྡོད་ཁང་གི་ཕྱིར་ཚོང་རྒྱ་ཁྱོན་སྨི་གྲུ་བཞི་མ76795ཟིན་ནས53.0%མར་ཆག
སྦྲག་ཏར་འཕྲིན་གཏོང་།
སྤྱི་ལོ2018ལོར་དབྱང་ཁྲེང་རྫོང་གི་སྦྲག་སྲིད་ལས་སྒོའི་བསྡོམས་འབོར་སྒོར་ཁྲི2949ཟིན་པ་དེ་ལོ་སྔོན་མ་ལས0.7%མར་ཆག་ཡོད་ཅིང་། ཚགས་པར་ཁྲི693དང་དུས་དེབ་ཁྲི15 མྱུར་སྐྱེལ་ལས་སྒོ་ཁྲི11 འཕྲིན་ཡིག་ཁྲི2བཅས་མངགས་ཚོང་བྱས་ཡོད། ལོ་ཧྲིལ་པོར་གློག་འཕྲིན་ལས་སྒོའི་བསྡོམས་འབོར་སྒོར་དུང་ཕྱུར2.1400ཟིན་ནས་ལོ་སྔོན་མ་ལས1.6%འཕར་ཡོད། ལོ་མཇུག་ཏུ་གཏན་འཇགས་ཁ་པར་སྤྱོད་མཁན་དུད་ཚང་ཁྲི1.9ཡོད་པ་དེ་ལོ་སྔོན་མ་ལས་ཁ་པར3900མང་དུ་ཕྱིན་ཡོད་པ་རེད། སྒུལ་བདེའི་ཁ་པར་སྤྱོད་མཁན་ཁྲི36.3ཟིན་པ་དེ་ལོ་སྔོན་མ་ལས་ཁྲི2.3འཕར་ཡོད། རྩིས་འཁོར་དྲ་སྦྲེལ་སྤྱོད་མཁན་དུད་ཚང་ཁྲི8.8ཡོད་པ་དེ་ལོ་སྔོན་མ་ལས་དུད་ཚང17296ཉུང་དུ་ཕྱིན།
དངུལ་རྩའི་ལས་རིགས།
སྤྱི་ལོ2018ལོའི་ལོ་མཇུག་བར་དབྱང་ཁྲེང་རྫོང་དངུལ་རྩའི་སྒྲིག་གཞིའི་མི་དམངས་ཤོག་སྒོར་གྱི་བཅོལ་དངུལ་ལྷག་གྲངས་སྒོར་དུང་ཕྱུར225.7708ཟིན་པ་དེ་ལོ་འགོ་ལས་སྒོར་དུང་ཕྱུར21.1883འཕར་ཡོད་པ་རེད། དེའི་ནང་ཁྱིམ་དུད་ཀྱི་བཅོལ་དངུལ་ལྷག་གྲངས་སྒོར་དུང་ཕྱུར161.0670ཟིན་པ་དེ་ལོ་འགོ་ལས་སྒོར་དུང་ཕྱུར14.3179འཕར་ཡོད། དངུལ་རྩའི་སྒྲིག་གཞིའི་དངུལ་བུན་ཁག་གི་ལྷག་གྲངས་སྒོར་དུང་ཕྱུར102.0373ཟིན་པ་དེ་ལོ་འགོ་ལས་སྒོར་དུང་ཕྱུར21.1048འཕར་ཡོད།
དཔྱད་གཞིའི་ཡིག་ཆ།