ཁུ་ལཱ་ཆིན་ཙུའོ་དབྱི་སོག་རིགས་རང་སྐྱོང་རྫོང་།སྔ་མའི་པར་གཞི་དེ བླ་མ་གཡང་སངས། ནས 2020-03-27 08:48ལ་འགྲུབ།
ཁུ་ལཱ་ཆིན་ཙུའོ་དབྱི་སོག་རིགས་རང་སྐྱོང་རྫོང་།
ཁུ་ལཱ་ཆིན་ཙུའོ་དབྱི་སོག་རིགས་རང་སྐྱོང་རྫོང་།
ཁུ་ལཱ་ཆིན་ཙུའོ་དབྱི་སོག་རིགས་རང་སྐྱོང་རྫོང་ནི་ལིའོ་ཉིང་ཞིང་ཆེན་ཁྲའོ་དབྱང་གྲོང་ཁྱེར་གྱི་ཁོངས་སུ་གཏོགས། བྱང་གི་འཕྲེད་ཐིག40°47′12″-41°33′53″བར་དང་། ཤར་གྱི་གཞུང་ཐིག119°24′54″-120°23′24″ཡི་བར་དུ་ཆགས་ཡོད། ལིའོ་ཉིང་ཞིང་ཆེན་ནུབ་རྒྱུད་དང་ཁྲའོ་དབྱང་གྲོང་ཁྱེར་གྱི་ལྷོ་རྒྱུད། ཏཱ་ལིང་གཙང་པོའི་སྟོད་རྒྱུད་ཀྱི་རི་མ་ཐང་དུ་ཆགས་ཡོད། ཤར་ངོས་ཁྲའོ་དབྱང་རྫོང་དང་འབྲེལ་ཡོད་ལ། ནུབ་ལིང་ཡོན་གྲོང་ཁྱེར་དང་འབྲེལ་ཡོད། ལྷོ་ཅན་ཁྲང་རྫོང་དང་འབྲེལ་ཞིང་། བྱང་དུ་ལེན་ཕིང་རྫོང་བཙུགས་ཡོད། ཆིན་ཧོང་གླིང་ཕྲན་དང་བར་ཐག་སྤྱི་ལེ130ཡོད། དེ་ནི་ལིའོ་ཅི་སོག་རིགས་ཞིང་ཆེན་གསུམ་གྱི་འབྲེལ་མཚམས་དང་། ལིའོ་ཞི་དོག་ལམ་གྱི་བྱང་བགྲོད་ལམ་གྱི་འགག་ས། པོ་ཧའེ་རྒྱ་མཚོའི་མཐའ་འཁོར་གྱི་དཔལ་འབྱོར་ཁུལ་བཅས་ཀྱི་གྲུབ་ཆ་གལ་ཆེན་ཞིག་ཡིན།
སྤྱི་ལོ2017ལོའི་བར་ཁུ་ཙོའུ་རྫོང་གི་ཁོངས་གཏོགས་སུ་ཁྲོམ་གཞུང3དང་། གྲོང་རྡལ10ཤང9ཞིང་ར1བཅས་ཡོད་པ་དང་ཁྱོན་སྲིད་འཛིན་གྲོང་ཚོ190དང་སྡེ་ཁུལ8ཡོད། སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ2240ཡོད། མི་འབོར་ཁྲི42ཡོད་པ་དང་སྤྱི་ལོ2013ལོར་ཁུ་ཙུའོ་རྫོང་གི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར116.3ཟིན་ཡོད།
གཞི་རྩའི་གནས་ཚུལ།
རྒྱ་ཡིག་གི་མིང་།
喀喇沁左翼蒙古族自治县
ཕྱི་ཡིག་གི་མིང་།
Autonomous CountyHarqin Left Wing Mongolian
མིང་གཞན།
ཁུ་ཙོའུ། ཀྲུན་ཁུ་ལཱ་ཆིན། ལི་ཀྲོའུ།
རྒྱ་ཁྱོན།
སྤྱི་ལེ་གྲུ་བཞི་མ2240ཡོད།
ཡུལ་སྐད།
སོག་སྐད། བྱང་ཤར་སྐད།
མི་འབོར།
ཁྲི42ཡོད།
སྲིད་འཛིན་ས་ཁོངས་ཀྱི་རིགས་དབྱེ།
རང་སྐྱོང་རྫོང་།
གནམ་གཤིས།
སྐམ་སའི་རང་བཞིན་གྱི་དུས་རླུང་ནམ་ཟླ།
ཁོངས་གཏོགས་ས་ཁུལ།
ལིའོ་ཉིང་ཞིང་ཆེན་ཁྲའོ་དབྱང་གྲོང་ཁྱེར།
མཛེས་ལྗོངས་གྲགས་ཅན།
ལུང་ཧྥེང་རི་བོ་དང་། ཏུང་ཧྲན་ཙུའེ་གནའ་ཤུལ། ཅིའུ་ཆོན་ལེན་ཧྭ་རི་བོ། ཕུག་རོན་བྲག་ཕུག་དང་་ལིན་ཧུ་ཁུག་དང་པོ་སོགས་ཡོད།
མངའ་ཁོངས།
གྲོང་རྡལ10དང་ཤང9ཁྲོམ་གཞུང3ཞིང་ར1བཅས་ཡོད།
གནམ་གྲུ་ཐང་།
ཁྲའོ་དབྱང་གནམ་གྲུ་ཐང་།
སྲིད་གཞུང་གནས་ཡུལ།
ཏཱ་ཁྲེང་ཙི་སྲང་ལམ་དུ་གནས་ཡོད།
རླངས་འཁོར་ཚབ་ཨང་།
ལིའོ(辽)N
ས་ཁོངས་ཁ་པར་ཨང་རྟགས།
0421
སྲིད་འཛིན་ཚབ་ཨང་།
211324
གནས་ཡུལ།
ཁྲའོ་དབྱང་གྲོང་ཁྱེར་གྱི་ལྷོ་རྒྱུད་དུ་གནས་ཡོད།
དཀར་ཆག
1
ངོ་སྤྲོད་མདོར་བསྡུས།
ཁུ་ཙོའུ་ལ་གནའ་དུས་སུ“ལི་ཀྲོའུ”ཞེས་འབོད་པ་དང་། ཁུ་ལཱ་ཆིན་ཙུའོ་དབྱི་སོག་རིགས་རང་སྐྱོང་རྫོང་ནི་ལིའོ་ཉིང་ཞིང་ཆེན་ཁྲའོ་དབྱང་གྲོང་ཁྱེར་གྱི་ཁོངས་སུ་གཏོགས། བྱང་གི་འཕྲེད་ཐིག40°47′12″-41°33′53″བར་དང་། ཤར་གྱི་གཞུང་ཐིག119°24′54″-120°23′24″ཡི་བར་དུ་ཆགས་ཡོད། ལིའོ་ཉིང་ཞིང་ཆེན་ནུབ་རྒྱུད་དང་ཁྲའོ་དབྱང་གྲོང་ཁྱེར་གྱི་ལྷོ་རྒྱུད། ཏཱ་ལིང་གཙང་པོའི་སྟོད་རྒྱུད་ཀྱི་རི་མ་ཐང་དུ་ཆགས་ཡོད། ཤར་ངོས་ཁྲའོ་དབྱང་རྫོང་དང་འབྲེལ་ཡོད་ལ། ནུབ་ལིང་ཡོན་གྲོང་ཁྱེར་དང་འབྲེལ་ཡོད། ལྷོ་ཅན་ཁྲང་རྫོང་དང་འབྲེལ་ཞིང་། བྱང་དུ་ལེན་ཕིང་རྫོང་བཙུགས་ཡོད། ཆིན་ཧོང་གླིང་ཕྲན་དང་བར་ཐག་སྤྱི་ལེ130ཡོད། དེ་ནི་ལིའོ་ཅི་སོག་རིགས་ཞིང་ཆེན་གསུམ་གྱི་འབྲེལ་མཚམས་དང་། ལིའོ་ཞི་དོག་ལམ་གྱི་བྱང་བགྲོད་ལམ་གྱི་འགག་ས། པོ་ཧའེ་རྒྱ་མཚོའི་མཐའ་འཁོར་གྱི་དཔལ་འབྱོར་ཁུལ་བཅས་ཀྱི་གྲུབ་ཆ་གལ་ཆེན་ཞིག་ཡིན།
སྤྱི་ལོ2017ལོའི་བར་ཁུ་ཙོའུ་རྫོང་གི་ཁོངས་གཏོགས་སུ་ཁྲོམ་གཞུང3དང་། གྲོང་རྡལ10ཤང9ཞིང་ར1བཅས་ཡོད་པ་དང་ཁྱོན་སྲིད་འཛིན་གྲོང་ཚོ190དང་སྡེ་ཁུལ8ཡོད། སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ2240ཡོད། མི་འབོར་ཁྲི42ཡོད་པ་དང་སྤྱི་ལོ2013ལོར་ཁུ་ཙུའོ་རྫོང་གི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར116.3ཟིན་ཡོད།
ཁུ་ཙོའུ་རྫོང་ནི་ཁག་དང་པོའི་རྒྱལ་ཁབ་ཞིང་ལས་རྒྱུན་མཐུད་འཕེལ་རྒྱས་ཀྱི་ཚོད་ལྟའི་དཔེ་སྟོན་ཁུལ་ཡིན་པ་དང་། སྤྱི་ལོ2018ལོའི་ཟླ11པར་ཚན་རྩལ་པུས་གསར་གཏོད་རྣམ་པའི་རྫོང(གྲོང་ཁྱེར)ཁག་དང་པོར་གཏན་འཁེལ་བྱས།
2
ལོ་རྒྱུས་འཕེལ་རིམ།
མི་སེར་རྒྱལ་ཁབ་ཀྱི་སྲིད་ལོ་གསུམ་པ་སྤྱི་ལོ1914ལོར་ཅན་ཁྲང་རྫོང་དེ་ཡང་ལིན་ཡོན་རྫོང་དུ་བསྒྱུར། མི་སེར་རྒྱལ་ཁབ་ཀྱི་སྲིད་ལོ་ཉི་ཤུ་པ་སྤྱི་ལོ1931ལོར་ལིན་ནན་རྫོང་བཙུགས། མི་སེར་རྒྱལ་ཁབ་ཀྱི་སྲིད་ལོ་ཉེར་དྲུག་པ་སྤྱི་ལོ1937ལོར་ལིན་ཡོན་དང་ལིན་ནན་རྫོང་གཉིས་ཟླ་བསྒྲིལ་བཏང་ནས་ཅན་ཁྲང་རྫོང་དུ་བསྒྱུར། མི་སེར་རྒྱལ་ཁབ་ཀྱི་སྲིད་ལོ་ཉེར་དགུ་པ་སྤྱི་ལོ1940ལོར་རྫོང་རྣམས་ཕྱིར་འཐེན་བྱས། ཁུ་ལཱ་ཆིན་ཙུའོ་དབྱི་ཆི་དེ་ཁུ་ལཱ་ཆིན་ཙུའོ་ཆི་དུ་བསྒྱུར་བ་དང་། ཁུ་ལཱ་ཆིན་ཙུའོ་ཆིས་མངའ་འོག་ཏུ་བཅུག མི་སེར་རྒྱལ་ཁབ་ཀྱི་སྲིད་ལོ་སུམ་ཅུ་སོ་ལྔ་པ་སྤྱི་ལོ1946ལོའི་ཟླ8པར་ཁུ་ལཱ་ཆིན་ཙུའོ་ཆི་མི་དམངས་སྲིད་གཞུང་བཙུགས་པ་ནས་བཟུང་སོག་རིགས་དང་རྒྱ་རིགས་ཀྱིས་སོ་སོར་བསྐྱངས་པའི་ལོ་རྒྱུས་མཇུག་བསྒྲིལ་བ་རེད།
སྤྱི་ལོ1949ལོར་ཆི་སྲིད་གཞུང་དེ་ནན་ཀུང་ཙི་ནས་ཏ་ཁྲེང་ཙི་རུ་སྤོས།
སྤྱི་ལོ1953ལོར་སྒྲིག་གཞི་ཚང་བའི་གྲོང་རྡལ་བཙུགས།
སྤྱི་ལོ1957ལོའི་ཟླ10པར། རྒྱལ་སྲིད་སྤྱི་ཁྱབ་ཁང་གི་གྲོས་ཚོགས་ཐེངས58ཐོག་ཁུ་ལཱ་ཆིན་ཙོའུ་ཆི་ཡི་སྒྲིག་གཞི་ཕྱིར་འཐེན་བྱེད་པར་གྲོས་འཆམ་བྱུང་།
སྤྱི་ལོ1958ལོའི་ཟླ4ཚེས1ཉིན་ཁུ་ལཱ་ཆིན་ཙོའུ་དབྱི་སོག་རིགས་རང་སྐྱོང་རྫོང་བཙུགས།
3
སྲིད་འཛིན་ས་ཁུལ་གྱི་དབྱེ་མཚམས།
སྤྱི་ལོ2017ལོའི་བར། ཁུ་ཙུའོ་རྫོང་གི་མངའ་ཁོངས་སུ་གྲོང་རྡལ10ཡོད་པ་སྟེ། ཀྲུང་སན་ཅཱ་གྲོང་རྡལ་དང་། ཀུང་དབྱིན་ཙི་གྲོང་རྡལ། དབྱང་ཅའོ་ཀོའུ་གྲོང་རྡལ། ཧྲེ་ཏེ་པའོ་གྲོང་རྡལ། ལའོ་ཡེ་མིའོ་གྲོང་རྡལ། ནན་ཀུང་དབྱིན་ཙི་གྲོང་རྡལ། པེ་ཐཱ་ཙི་གྲོང་རྡལ། ཕིན་ཧྥང་ཙི་གྲོང་རྡལ། ཧྲན་ཙུའེ་ཙི་གྲོང་རྡལ། ལིའུ་ཀོན་དབྱིན་ཙི་གྲོང་རྡལ་བཅས་དང་། ཤང9ནི་ཞང་ཧྲུའེ་ཆོན་ཤང་དང་། ཝོ་ཧུའུ་ཤང་། ཀན་ཀྲའོ་ཤང་། ཞིན་ལུང་ཀྲོང་ཤང་། ཡིའུ་ཀྲང་ཙི་ཤང་། ཏུང་ཧྲའོ་ཤང་། ཚའོ་ཁྲང་ཤང་། ཁུན་ཏུའུ་དབྱིན་ཙི་ཤང་། ཏཱ་དབྱིན་ཙི་ཤང་། ཁྲོམ་གཞུང་གསུམ་ནི། ཏཱ་ཁྲེང་ཙི་ཁྲོམ་གཞུང་དང་། ལི་ཀྲོའུ་ཁྲོམ་གཞུང་། ནན་ཧྲའོ་ཁྲོམ་གཞུང་བཅས་དང་། ཞིང་ར1ནི། ཀོན་ཏཱ་ཧའེ་ཞིང་ར་ཡིན་ལ། ཁྱོན་ཡོངས་སུ་སྲིད་འཛིན་གྲོང་ཚོ190དང་སྡེ་ཁུལ8ཡོད།
4
མི་འབོར་དང་མི་རིགས།
4_1
མི་འབོར།
སྤྱི་ལོ2019ལོའི་ལོ་མཇུག་བར་ཁུ་ཙུའོ་རྫོང་དུ་ཐེམ་ཐོ་མི་འབོར་ཁྲི42ཡོད་པའི་ནང་ཞིང་ལས་མིན་པའི་མི་འབོར་ཁྲི8.96ཡོད་པ་དེས་ཁུ་ཙུའོ་རྫོང་གི་མི་འབོར་བསྡོམས་འབོར་གྱི21.1%བཟུང་ཡོད།
4_2
མི་རིགས།
སྤྱི་ལོ2017ལོའི་ལོ་མཇུག་བར་ཁུ་ཙོའུ་རྫོང་ཁོངས་སུ་སོག་རིགས་དང་། རྒྱ་རིགས། མན་ཇུ་རིགས། ཧུའེ་རིགས་སོགས་མི་རིགས18ཡོད་པ་དང་། གྲངས་ཉུང་མི་རིགས་ཁྲོད་སོག་རིགས་མང་བ་དང་ཁྱོན་མི་ཁྲི9ཡོད་པ་དེས་སྤྱིའི་མི་འབོར་གྱི21%བཟུང་ཡོད།
5
ས་ཁམས་ཁོར་ཡུག
5_1
གནས་ཡུལ།
ཁུ་ལཱ་ཆིན་ཙུའོ་དབྱི་སོག་རིགས་རང་སྐྱོང་རྫོང་ནི་ལིའོ་ཉིང་ཞིང་ཆེན་ཁྲའོ་དབྱང་གྲོང་ཁྱེར་གྱི་ཁོངས་སུ་གཏོགས། བྱང་གི་འཕྲེད་ཐིག40°47′12″-41°33′53″བར་དང་། ཤར་གྱི་གཞུང་ཐིག119°24′54″-120°23′24″ཡི་བར་དུ་ཆགས་ཡོད། ལིའོ་ཉིང་ཞིང་ཆེན་ནུབ་རྒྱུད་དང་ཁྲའོ་དབྱང་གྲོང་ཁྱེར་གྱི་ལྷོ་རྒྱུད། ཏཱ་ལིང་གཙང་པོའི་སྟོད་རྒྱུད་ཀྱི་རི་མ་ཐང་དུ་ཆགས་ཡོད། ཤར་ངོས་ཁྲའོ་དབྱང་རྫོང་དང་འབྲེལ་ཡོད་ལ། ནུབ་ལིང་ཡོན་གྲོང་ཁྱེར་དང་འབྲེལ་ཡོད། ལྷོ་ཅན་ཁྲང་རྫོང་དང་འབྲེལ་ཞིང་། བྱང་དུ་ལེན་ཕིང་རྫོང་བཙུགས་ཡོད། ཆིན་ཧོང་གླིང་ཕྲན་དང་བར་ཐག་སྤྱི་ལེ130ཡོད། དེ་ནི་ལིའོ་ཅི་སོག་རིགས་ཞིང་ཆེན་གསུམ་གྱི་འབྲེལ་མཚམས་དང་། ལིའོ་ཞི་དོག་ལམ་གྱི་བྱང་བགྲོད་ལམ་གྱི་འགག་ས། པོ་ཧའེ་རྒྱ་མཚོའི་མཐའ་འཁོར་གྱི་དཔལ་འབྱོར་ཁུལ་བཅས་ཀྱི་གྲུབ་ཆ་གལ་ཆེན་ཞིག་ཡིན། དེ་ནི་བྱང་ཤར་གྱི་མཚོ་ཐོག་བགྲོད་ལམ་ཆེན་པོ་དང་། མཚོ་རྒྱུད་སྒོ་འབྱེད་གྲོང་ཁྱེར་ཆིན་ཧོང་ཏའོ་གྲོང་ཁྱེར་དང་བར་ཐག་སྤྱི་ལེ130ཡོད། ལྷོ་བྱང་གི་རིང་ཚད་ལ་སྤྱི་ལེ105དང་། ཤར་ནུབ་ཀྱི་ཞེང་ཚད་ལ་སྤྱི་ལེ57.5སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ2240བཅས་ཡོད།
5_2
ནམ་ཟླ།
ཁུ་ཙུའོ་རྫོང་ནི་དྲོད་ཁུལ་དང་ཐན་པ་ཕྱེད་ཙམ་གྱི་ཞི་ལིའོ་ཧོ་ཆུ་བོའི་ཁུལ་ནས་དྲོད་ཁུལ་གྱི་བརླན་གཤེར་ཕྱེད་ཙམ་གྱི་རི་རྒྱུད་དུ་གནས་ཡོད་པ་དང་། སྐམ་སའི་རང་བཞིན་གྱི་དུས་རླུང་གི་ནམ་ཟླའི་ཁོངས་སུ་གཏོགས། གནམ་གཤིས་ཀྱི་ཁྱད་ཆོས་གཙོ་བོ་ནི། དཔྱིད་དུས་ཆར་ཆུ་ཉུང་ཞིང་ཐན་པ་མང་བ་དང་། དབྱར་དུས་ཚ་བ་ཆེ་བ་དང་ཆར་ཞོད་ཆེ། སྟོན་དུས་ནམ་མཁའ་གཡའ་དག་པ། དགུན་དུས་གྲང་ངར་དང་ཁ་བ་ཉུང་བ། ལོ་རེའི་ཆ་སྙོམས་དྲོད་ཚད8.7℃ཡིན་པ་དང་། མངའ་ཁོངས་ནང་གི་ལྷོ་བྱང་གི་དྲོད་ཚད་ཧེ་བག1.5℃ཡིན། ལོ་རེར་ཆ་སྙོམས་ཆར་ཆུ་འབབ་ཚད་ཧའོ་སྨི491.5ཡས་མས་ཡིན་ལ། རྩི་ཤིང་ཧྲིལ་པོའི་སྐྱེ་འཚར་དུས་རིམ(ཟླ4པ་ནས9པའི་བར)གྱི་ཆར་ཆུ་འབབ་ཚད་ཧའོ་སྨི451.6ཡས་མས་ཡིན་པ་དེས་ལོ་ཧྲིལ་པོའི་ཆར་ཆུ་འབབ་ཚད་ཀྱི92%བཟུང་ཡོད། ཆ་སྙོམས་ཉི་འོད་ཕོག་ཡུན་ནི་ཆུ་ཚོད2807.8ཡིན་པ་དང་། ཆ་སྙོམས་སད་མེད་དུས་ཉིན144ཡིན།
6
དཔལ་འབྱོར།
སྤྱི་ལོ2012ལོར་ཁུ་ཙུའོ་རྫོང་གི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར116.3མངོན་འགྱུར་བྱུང་བ་དེ་བསྡུར་གཞི་ཡོད་པའི་རིན་གོང་ལྟར་བརྩིས་ན་སྤྱི་ལོ2011ལོ་ལས11.7%འཕར་ཡོད། དེའི་ནང་ཐོན་ལས་དང་པོའི་རིན་ཐང་འཕར་མ་སྒོར་དུང་ཕྱུར32.9ཟིན་པ་དེ་སྤྱི་ལོ2011ལོ་ལས5.5%འཕར་བ་དང་། ཐོན་ལས་གཉིས་པའི་རིན་ཐང་འཕར་མ་སྒོར་དུང་ཕྱུར52.4ཟིན་པ་དེ་སྤྱི་ལོ2011ལོ་ལས14%འཕར་བའི་ནང་བཟོ་ལས་ཀྱི་རིན་ཐང་འཕར་མ་སྒོར་དུང་ཕྱུར45.6ཟིན་པ་དེ་སྤྱི་ལོ2011ལོ་ལས12.9%འཕར་ཡོད། ཐོན་ལས་གསུམ་པའི་འཕར་ཐང་སྒོར་དུང་ཕྱུར31ཟིན་ནས་སྤྱི་ལོ2011ལོ་ལས13.1%འཕར་ཡོད། སྤྱི་ལོ2012ལོར་ས་གནས་ནོར་སྲིད་ཀྱི་སྤྱིར་བཏང་སྔོན་རྩིས་ཡོང་འབབ་སྒོར་དུང་ཕྱུར7.7ཟིན་པ་དེ་སྤྱི་ལོ2011ལོ་ལས21%འཕར་བའི་ནང་ཁྲལ་འབབ་ཁག་སྒོར་དུང་ཕྱུར6.3ཟིན་པ་དེ་སྤྱི་ལོ2011ལོ་ལས19%འཕར་བ་དང་། ས་གནས་ནོར་སྲིད་ཀྱི་གཏོང་སྒོ་སྒོར་དུང་ཕྱུར22ཡིན་པས་སྤྱི་ལོ2011ལོ་ལས་བརྒྱ་ཆའི36.7འཕར་ཡོད།
7
སྤྱི་ཚོགས་ལས་དོན།
7_1
སློབ་གསོ།
སྤྱི་ལོ2012ལོའི་ལོ་མཇུག་བར་ཁུ་ཙུའོ་རྫོང་དུ་སློབ་གྲྭར་ཡོད་པའི་སློབ་མ་ཁྲི5ཡོད་པའི་ནང་མཐོ་རིམ་སློབ་འབྲིང་གི་སློབ་གྲྭར་ཡོད་པའི་སློབ་མ་ཁྲི1.1དང་། ལས་རིགས་མཐོ་རིམ་སློབ་འབྲིང་གི་སློབ་མ0.2དམའ་རིམ་སློབ་འབྲིང་གི་སློབ་གྲྭར་ཡོད་པའི་སློབ་མ་ཁྲི1.3སློབ་ཆུང་གི་སློབ་གྲྭར་ཡོད་པའི་སློབ་མ་ཁྲི2.4བཅས་ཡོད། མཐོ་རྒྱུགས་ཁྲོད་སློབ་མ3ཆིང་ཧྭ་སློབ་ཆེན་གྱིས་བསྡུས་པ་དང་རྒྱུགས་སྤྲོད་སློབ་མ2པེ་ཅིང་སློབ་ཆེན་གྱིས་བསྡུས། སྤྱི་ལོ2012ལོར་སློབ་ཆེན་དང་འབྲིང་རིམ་ཆེད་ལས་སློབ་གྲྭར་སློབ་མ3830སྐྱེལ་འདྲེན་བྱས་ཡོད།
7_2
འཕྲོད་བསྟེན།
སྤྱི་ལོ2012ལོའི་ལོ་མཇུག་བར་ཁུ་ཙུའོ་རྫོང་དུ་འཕྲོད་བསྟེན་སྒྲིག་གཞི707ཡོད་པའི་ནང་སྨན་ཁང11དང་། འཕྲོད་བསྟེན་ཁང19གྲོང་ཚོའི་འཕྲོད་བསྟེན་ཁང་དང་སྨན་བཅོས་ཁང677བཅས་ཡོད་པ་རེད། ཉལ་ཁྲི1120སྒྲིག་བཟོ་བྱས་པ་དང་ཉལ་ཁྲི1120བཀོད་སྒྲིག་བྱས་ཡོད། འཕྲོད་བསྟེན་ལག་རྩལ་མི་སྣ1802ཡོད་པའི་ནང་ལས་གཉེར་སྨན་པ་དཀའ་བཅུ་པ554དང་། ལས་གཉེར་ལས་རོགས་སྨན་པ137ནད་གཡོག401བཅས་ཡོད།
7_3
ལུས་རྩལ།
སྤྱི་ལོ2012ལོར་ཁུ་ཙུའོ་རྫོང་གི་འཐུས་མི་རུ་ཁག་ལ་ཨེ་ཤེ་ཡའི་རྒྱལ་སྤྱིའི་ཚད་ལྡན་ཞབས་བྲོའི་གཞོན་ནུ་ལོ་ཆུང་གི་ལེགས་སྐྱེས་འགྲན་བསྡུར་ཁྲོད་ཀྲུང་གོའི་ས་ཁུལ་གྱི་ཡོངས་བསྒྲགས་འགྲན་བསྡུར་གྱི་ཨང་དང་པོ་ཐོབ་པ་དང་བྱ་དགའ་ཐོབ་པའི་བྱང་བུ62ཐོབ་ཡོད། དེ་ནི་ལིའོ་ཉིང་ཞིང་ཆེན་ལུས་རྩལ་རྗེས་གྲབས་ཤེས་ལྡན་མི་སྣ་སྐྱེལ་འདྲེན་རྟེན་གཞི་དང་གྲངས་ཉུང་མི་རིགས་ལུས་རྩལ་རྣམ་གྲངས་ཀྱི་སྦྱོང་བརྡར་རྟེན་གཞི་ཁག་དང་པོར་གྱུར་ཡོད། རྫོང་ལུས་རྩལ་ཁང་སྤྱོད་འགོ་ཚུགས་པ་དང་། སྔ་རྗེས་སུ་ལིའོ་ཉིང་ཞིང་ཆེན་གྱི་ཞིང་པའི་ལུས་རྩལ་འགྲན་ཚོགས་ཀྱི་འཇུ་རེས་འགྲན་བསྡུར་དང་། ཨ་རི་དང་ཨོ་སི་ཁྲུ་ལི་ཡའི་རྒྱལ་སྤྱིའི་གྲགས་ཅན་མི་སྣའི་ལན་ཆིའུ་སྤོ་ལོའི་འགྲན་བསྡུར་སོགས་རྒྱལ་སྤྱི་དང་རྒྱལ་ནང་གི་ལུས་རྩལ་འགྲན་བསྡུར་ཁག4གཉེར་ཡོད།
7_4
སྤྱི་ཚོགས་འགན་སྲུང་།
སྤྱི་ལོ2011ལོར་ཁུ་ཙུའོ་རྫོང་དུ་གཞི་རྩའི་རྒན་གསོ་འགན་བཅོལ་ནང་ཞུགས་མཁན་ཁྲི18.1ཡོད་པའི་ནང་གྲོང་གསེབ་ཀྱི་རྒན་གསོ་འགན་བཅོལ་གསར་པ་དང་། གྲོང་ཁྱེར་དང་གྲོང་རྡལ་གྱི་གྲོང་མིའི་རྒན་གསོ་འགན་བཅོལ་ཁྲི0.64ཁེ་ལས་ཀྱི་རྒན་གསོ་འགན་བཅོལ་ཁྲི2.84བཅས་ཡོད། གྲོང་གསེབ་ཀྱི་མཉམ་ལས་སྨན་བཅོས་དཔེ་གསར་ལ་ཞུགས་མཁན་མི་གྲངས་ཁྲི29ཟིན་ཡོད།
སྤྱི་ལོ2012ལོར་གྲོང་ཁྱེར་དང་གྲོང་རྡལ་གྱི་གྲོང་མིའི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར18969ཟིན་པ་དེ་སྤྱི་ལོ2010ལོ་ལས19.7%འཕར་ཡོད། གྲོང་གསེབ་ཀྱི་གྲོང་མིའི་མི་རེའི་ཆ་སྙོམས་ཡོང་འབབ་ཁེ་གཙང་སྒོར8460ཟིན་ནས15.2%འཕར་ཡོད།
དཔྱད་གཞིའི་ཡིག་ཆ།