ལུང་ཀང་ཆུས།སྔ་མའི་པར་གཞི་དེ བླ་མ་གཡང་སངས། ནས 2020-03-27 10:23ལ་འགྲུབ།
ལུང་ཀང་ཆུས།
ལུང་ཀང་ཆུས།
ལུང་ཀང་ཆུས་ནི་ལིའོ་ཉིང་ཞིང་ཆེན་ཧུའུ་ལུའུ་ཏའོ་གྲོང་ཁྱེར་གྱི་ཁོངས་གཏོགས་ཆུས་ཤིག་ཡིན་ཞིང་། པོ་ཧའེ་རྒྱ་མཚོའི་བྱང་རྒྱུད་ཀྱི་མཚོ་འགྲམ་རྒྱུད་དུ་གནས་ཡོད་པ་དང་། ལིའོ་ཏུང་མཚོ་ཁུག་ངོགས་ཀྱི་ཕྱེད་གླིང་ཞིག་ཡིན། དེ་ནི་ཧུའུ་ལུའུ་ཏའོ་གྲོང་ཁྱེར་ཁུལ་གྱི་གྲུབ་ཆ་གལ་ཆེན་ཞིག་ཡིན་ལ། སྤྱིའི་རྒྱ་ཁྱོན་ལ་སྟོང་སྨི་གྲུ་བཞི་མ172ཡོད་པ་དང་། སྤྱིའི་མི་འབོར་ཁྲི22ཡོད། ལུང་ཀང་ཆུས་ནི་བཙོ་སྦྱང་དང་གྲུ་བཟོ་གཙོར་བཟུང་ཡོད་པའི་བཟོ་ལས་ཁུལ་ཞིག་ཡིན་པ་དང་། ལྕགས་ལམ་དང་། མཚོ་ཐོག་སྐྱེལ་འདྲེན། མཁའ་ཐོག་སྐྱེལ་འདྲེན་བཅས་ཀྱིས་ལངས་གཟུགས་ཀྱི་རྣམ་པའི་སྐྱེལ་འདྲེན་དྲ་བ་གྲུབ་ཡོད། ཧའེ་ཁྲེན་ལམ་དང་། ཧའེ་པིན་ལམ། ཅིན་ཧུའུ་ལམ་བཅས་ཆུས་ཁོངས་ཡོངས་སུ་སྦྲེལ་མཐུད་བྱས་ཏེ་ཅིང་ཧ་མྱུར་བགྲོད་གཞུང་ལམ་དང་རྒྱལ་ལམ102སོགས་དང་སྦྲེལ་མཐུད་བྱས་ཡོད། སྤྱིའི་རིང་ཚད་ལ་སྤྱི་ལེ1440ལྷག་ཙམ་ཡོད་པས་ལིའོ་ཉིང་ཞིང་ཆེན་པིན་ཧའེ་གཞུང་ལམ་ལུང་ཀང་ཆུས་བརྒྱུད་ནས་ཤར་གཏོང་ཐུབ་ཀྱིན་ཡོད། ལུང་ཀང་ཆུས་ཀྱི་ཤར་ཕྱོགས་ནས་ཅིན་ཀྲོའུ་གནམ་གྲུ་ཐང་དང་བར་ཐག་སྤྱི་ལེ30ཡོད་པ་དང་། ཆུས་ནང་ཁུལ་གྱི་ཧུའུ་ལུའུ་ཏའོ་གྲུ་ཁ་རུ་ཏུན་ཁྲི5མན་གྱི་ཟོག་འདྲེན་གྲུ་གཟིངས་བསྡད་ཆོག དེ་ནི་ཀྲུང་གོའི་བྱང་ཕྱོགས་ཀྱི་རང་བྱུང་གི་ཆབ་རོམ་མི་ཆགས་པའི་གྲུ་ཁ་ཞིག་ཡིན་པ་དང་། ཆུས་ཡོངས་ཀྱི་རྒྱ་མཚོའི་འགྲམ་རྒྱུད་ཀྱི་རིང་ཚད་སྤྱི་ལེ54.5ཟིན་ནས་ཆུ་ཐོན་དངོས་རྫས་སྣ་ཚོགས་ཐོན་གྱིན་ཡོད།
གཞི་རྩའི་གནས་ཚུལ།
རྒྱ་ཡིག་གི་མིང་།
龙港区
ཕྱི་ཡིག་གི་མིང་།
Longgang District
སྲིད་འཛིན་ས་ཁོངས་ཀྱི་རིགས་དབྱེ།
གྲོང་ཁྱེར་གྱི་ཁོངས་གཏོགས་ཆུས།
རྒྱ་ཁྱོན།
སྟོང་སྨི་གྲུ་བཞི་མ172ཡོད།
ཡུལ་སྐད།
བྱང་ཤར་སྐད།
མི་འབོར།
ཁྲི22ཡོད། （སྤྱི་ལོ2018ལོ）
ཁོངས་གཏོགས་ས་ཁུལ།
ལིའོ་ཉིང་ཞིང་ཆེན་ཧུའུ་ལུའུ་ཏའོ་གྲོང་ཁྱེར།
གནམ་གཤིས།
དྲོད་རྒྱུད་ཁུལ་གྱི་དུས་རླུང་རང་བཞིན་གྱི་ནམ་ཟླ།
མངའ་ཁོངས།
ཁྲོམ་གཞུང10དང་ཤང1ཡོད།
མཛེས་ལྗོངས་གྲགས་ཅན།
ལུང་ཝན་མཚོ་འགྲམ་དང་། ཧུའུ་ལུའུ་རི་གྲོང་། ཀྲང་ཞུའེ་ལིང་གཞིས་བྲང་སོགས་ཡོད།
སྲིད་གཞུང་གནས་ཡུལ།
ཅིན་ཧུའུ་ལམ་གྱི་ལམ་དུམ་བར་མ་རུ་གནས་ཡོད།
མེ་འཁོར་འབབ་ཚུགས།
ལུང་ཀང་འབབ་ཚུགས། ཧུའུ་ལུའུ་ཏའོ་ལྷོ་ཚུགས། ཧུའུ་ལུའུ་ཏའོ་འབབ་ཚུགས། ཧུའུ་ལུའུ་ཏའོ་བྱང་ཚུགས་བཅས་ཡོད།
ས་ཁོངས་ཁ་པར་ཨང་རྟགས།
0429
རླངས་འཁོར་ཚབ་ཨང་།
ལིའོ(辽)P
སྦྲག་སྲིད་ཨང་རྟགས།
125003
ཁྱད་ཐོན་དངོས་རྫས།
མཚོ་ཟས་སོས་པོ།
གནས་ཡུལ།
པོ་ཧའེ་རྒྱ་མཚོའི་བྱང་རྒྱུད་ཀྱི་མཚོ་འགྲམ་དུ་གནས་ཡོད།
སྲིད་འཛིན་ཚབ་ཨང་།
211403
དཀར་ཆག
1
ངོ་སྤྲོད་མདོར་བསྡུས།
ལུང་ཀང་ཆུས་ནི་ལིའོ་ཉིང་ཞིང་ཆེན་ཧུའུ་ལུའུ་ཏའོ་གྲོང་ཁྱེར་གྱི་ཁོངས་གཏོགས་ཆུས་ཤིག་ཡིན་ཞིང་། པོ་ཧའེ་རྒྱ་མཚོའི་བྱང་རྒྱུད་ཀྱི་མཚོ་འགྲམ་རྒྱུད་དུ་གནས་ཡོད་པ་དང་། ལིའོ་ཏུང་མཚོ་ཁུག་ངོགས་ཀྱི་ཕྱེད་གླིང་ཞིག་ཡིན། དེ་ནི་ཧུའུ་ལུའུ་ཏའོ་གྲོང་ཁྱེར་ཁུལ་གྱི་གྲུབ་ཆ་གལ་ཆེན་ཞིག་ཡིན་ལ། སྤྱིའི་རྒྱ་ཁྱོན་ལ་སྟོང་སྨི་གྲུ་བཞི་མ172ཡོད་པ་དང་། སྤྱིའི་མི་འབོར་ཁྲི22ཡོད།
ལུང་ཀང་ཆུས་ནི་བཙོ་སྦྱང་དང་གྲུ་བཟོ་གཙོར་བཟུང་ཡོད་པའི་བཟོ་ལས་ཁུལ་ཞིག་ཡིན་པ་དང་། ལྕགས་ལམ་དང་། མཚོ་ཐོག་སྐྱེལ་འདྲེན། མཁའ་ཐོག་སྐྱེལ་འདྲེན་བཅས་ཀྱིས་ལངས་གཟུགས་ཀྱི་རྣམ་པའི་སྐྱེལ་འདྲེན་དྲ་བ་གྲུབ་ཡོད། ཧའེ་ཁྲེན་ལམ་དང་། ཧའེ་པིན་ལམ། ཅིན་ཧུའུ་ལམ་བཅས་ཆུས་དང་སྦྲེལ་མཐུད་བྱས་ཏེ་ཅིང་ཧ་མྱུར་བགྲོད་གཞུང་ལམ་དང་རྒྱལ་ལམ102སོགས་དང་སྦྲེལ་མཐུད་བྱས་ཡོད། ལྕགས་ལམ་གྱི་ཧའོ་དྲང་ཐིག་ནི་ཧྲེན་ཧྲན་ལམ་རྒྱུད་ཀྱི་ཧུའུ་ལུའུ་ཏའོ་འབབ་ཚུགས་དང་སྦྲེལ་མཐུད་བྱས་ཡོད་ལ། སྤྱིའི་རིང་ཚད་ལ་སྤྱི་ལེ1440ལྷག་ཙམ་ཡོད་པས་ལིའོ་ཉིང་ཞིང་ཆེན་པིན་ཧའེ་གཞུང་ལམ་ལུང་ཀང་ཆུས་བརྒྱུད་ནས་ཤར་གཏོང་ཐུབ་ཀྱིན་ཡོད། ལུང་ཀང་ཆུས་ཀྱི་ཤར་ཕྱོགས་ནས་ཅིན་ཀྲོའུ་གནམ་གྲུ་ཐང་དང་བར་ཐག་སྤྱི་ལེ30ཡོད་པ་དང་། ཆུས་ནང་ཁུལ་གྱི་ཧུའུ་ལུའུ་ཏའོ་གྲུ་ཁ་རུ་ཏུན་ཁྲི5མན་གྱི་ཟོག་འདྲེན་གྲུ་གཟིངས་བསྡད་ཆོག དེ་ནི་ཀྲུང་གོའི་བྱང་ཕྱོགས་ཀྱི་རང་བྱུང་གི་ཆབ་རོམ་མི་ཆགས་པའི་གྲུ་ཁ་ཞིག་ཡིན་པ་དང་། ཆུས་ཡོངས་ཀྱི་རྒྱ་མཚོའི་འགྲམ་རྒྱུད་ཀྱི་རིང་ཚད་སྤྱི་ལེ54.5ཟིན་ནས་ཆུ་ཐོན་དངོས་རྫས་སྣ་ཚོགས་ཐོན་གྱིན་ཡོད།
2
འཛུགས་སྐྲུན་འཕེལ་རིམ།
སྤྱི་ལོ1948ལོར་ཅིན་ཞི་རྫོང་གིས་ཆུས་དགུ་པ་བཙུགས་པ་དང་། སྤྱི་ལོ1958ལོར་མ་ཅིན་ཧྥང་གྲོང་རྡལ་བཙུགས། ཅིན་ཞི་རྫོང་གི་ཁོངས་སུ་གཏོགས།
སྤྱི་ལོ1961ལོར་ཧུའུ་ལུའུ་ཏའོ་ཆུས་བཙུགས་པ་དང་། ཅིན་ཀྲོའུ་གྲོང་ཁྱེར་གྱི་ཁོངས་སུ་གཏོགས།
སྤྱི་ལོ1969ལོར་ཆུས་ཕྱིར་འཐེན་བྱས་ཏེ་ཧུའུ་ལུའུ་ཏའོ་གྲོང་རྡལ་བཙུགས་པ་དང་། ཅིན་ཞི་རྫོང་ཁོངས་སུ་གཏོགས།
སྤྱི་ལོ1983ལོར་ཧུའུ་ལུའུ་ཏའོ་ཆུས་བསྐྱར་དུ་བཙུགས་པ་དང་། ཅིན་ཀྲོའུ་གྲོང་ཁྱེར་གྱི་ཁོངས་སུ་གཏོགས།
སྤྱི་ལོ1989ལོར་ས་ཁུལ་རིམ་པའི་ཅིན་ཞི་གྲོང་ཁྱེར་གྱི་ཁོངས་སུ་གཏོགས།
སྤྱི་ལོ1994ལོའི་ཟླ9ཚེས20ཉིན། རྒྱལ་སྲིད་སྤྱི་ཁྱབ་ཁང་གིས་ཆོག་མཆན་བཀོད་ཅིང་། ཅིན་ཞི་གྲོང་ཁྱེར་གྱི་མིང་དེ་ཧུའུ་ལུའུ་ཏའོ་གྲོང་ཁྱེར་ཞེས་པར་བསྒྱུར་བ་དང་། དེ་སྔའི་ཧུའུ་ལུའུ་ཏའོ་ཆུས་ཀྱི་མིང་དེ་ལུང་ཀང་ཆུས་ཞེས་པར་བསྒྱུར།(ལོ་དེའི་ཟླ10པར་དངོས་སུ་ལག་བསྟར་བྱས)
སྤྱི་ལོ1995ལོར་ལུང་ཀང་ཆུས་དང་ཞིང་ཆེན་རིམ་པའི་གསར་སྤེལ་ཁུལ་གྱི་ཧུའུ་ལུའུ་ཏའོ་ཡི་དཔལ་འབྱོར་ལག་རྩལ་གསར་སྤེལ་ཁུལ་གཉིས་ཟླ་སྒྲིལ་བཏང་ནས་དཔལ་འབྱོར་གསར་སྤེལ་དང་སྲིད་འཛིན་དོ་དམ་གཞི་གཅིག་ཏུ་འདུས་པའི་དམིགས་བསལ་གྲོང་ཁུལ་ཞིག་ཏུ་གྱུར་ཡོད།
སྤྱི་ལོ2006ལོའི་ཟླ3པར། ཧུའུ་ལུའུ་ཏའོ་ཡིས་དཔལ་འབྱོར་ལག་རྩལ་གསར་སྤེལ་ཁུལ་དང་ལུང་ཀང་ཆུས་ལོགས་སུ་བཀར་ནས་རང་ཚུགས་ཀྱིས་གསར་སྤེལ་ཁུལ་དོ་དམ་ཨུ་ལྷན་བཙུགས་པ་དང་། ཧུའུ་ལུའུ་ཏའོ་གྲོང་ཨུད་དང་གྲོང་ཁྱེར་སྲིད་གཞུང་གིས་ཐད་ཀར་འགོ་ཁྲིད་བྱས། འོན་ཀྱང་སྲིད་འཛིན་སྤྱི་ཚོགས་དོ་དམ་གྱི་འགན་ནུས་སྔར་བཞིན་ལུང་ཀང་ཆུས་ཀྱིས་ལག་བསྟར་བྱེད་ཀྱི་ཡོད། དེ་དང་ཆབས་ཅིག་ཞིན་ཁྲེང་གྲོང་ཁྱེར་ཧྲོང་ཧྲུའུ་ཤང་གི་ས་ཁོངས་ཁག་གཅིག་ལུང་ཀང་ཆུས་ཀྱི་དོ་དམ་བྱེད་ཁོངས་སུ་བཅུག
3
སྲིད་འཛིན་ས་ཁུལ་གྱི་དབྱེ་མཚམས།
ལུང་ཀང་ཆུས་ཁོངས་སུ་ཁྲོམ་གཞུང10ཡོད་པ་སྟེ། ཧུའུ་ལུའུ་ཏའོ་ཁྲོམ་གཞུང་དང་། ཏུང་ཁྲོམ་གཞུང་། ཞི་ཁྲོམ་གཞུང་། ཝང་ཧའེ་སི་ཁྲོམ་གཞུང་། ལུང་ཝན་ཁྲོམ་གཞུང་། པིན་ཧའེ་ཁྲོམ་གཞུང་། ཧྲོང་ལུང་ཁྲོམ་གཞུང་། ཡུས་ཧོང་ཁྲོམ་གཞུང་། ལེན་ཝན་ཁྲོམ་གཞུང་། པེ་ཀང་ཁྲོམ་གཞུང་བཅས་ཡིན།
སྤྱི་ལོ2002ལོའི་ཟླ3པའི་ཚེས4ཉིན་ལེན་ཝན་གྲོང་རྡལ་དང་པེ་ཀང་གྲོང་རྡལ་མེད་པར་བཟོས་ཏེ། པེ་ཀང་སྲང་ལམ་དོན་གཅོད་ཁང་དང་ལེན་ཝན་སྲང་ལམ་དོན་གཅོད་ཁང་། ཡུས་ཧོང་སྲང་ལམ་དོན་གཅོད་ཁང་བཅས་བཙུགས། སྤྱི་ལོ2002ལོར་ལུང་ཀང་ཆུས་ཁོངས་སུ་སྲང་ལམ10དང་། སྡོད་དམངས་ཨུ་ཡོན་ལྷན་ཁང18གྲོང་མིའི་ཨུ་ཡོན་ལྷན་ཁང49བཅས་ཡོད་པ་དང་། རྒྱ་ཁྱོན་ལ་སྟོང་སྨི་གྲུ་བཞི་མ138ཡོད།
4
དཔལ་འབྱོར།
སྤྱི་ལོ2012ལོར་སྔོན་དཔག་བྱས་པ་ལྟར་ན་ཆུས་ཡོངས་ཀྱི་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར133མངོན་འགྱུར་བྱུང་ཐུབ་པ་དང་། དེའི་ནང་ཐོན་ལས་དང་པོ་དང་། གཉིས་པ། གསུམ་པ་བཅས་ཀྱི་རིན་ཐང་འཕར་མ་སོ་སོར་སྒོར་དུང་ཕྱུར2.3དང་། སྒོར་དུང་ཕྱུར68དང་། སྒོར་དུང་ཕྱུར62.7བཅས་མངོན་འགྱུར་བྱུང་བ་དང་། ལོ་རེར་ཆ་སྙོམས་རིམ་འཕར10%དང་། 34.8%41.4%བཅས་ཟིན་ཡོད། ཐོན་ལས་གསུམ་གྱི་བསྡུར་ཚད་རྒྱུན་ཆད་མེད་པར་ལེགས་སུ་ཕྱིན་པ་དང་། སྤྱི་ལོ2007ལོའི5.1:54.9:40ནས་1.7:51.1:47.2བར་ལེགས་སྒྲིག་བྱས། ཐོན་ལས་གསུམ་པའི་བསྡུར་ཚད་མགྱོགས་མྱུར་ངང་འཕར་ཡོད། སྤྱི་ཚོགས་ཡོངས་ཀྱི་གཏན་འཇགས་རྒྱུ་ནོར་ཐད་མ་དངུལ་སྒོར་དུང་ཕྱུར81.6བཏང་ནས་ལོ་རེར་ཆ་སྙོམས35.6%འཕར་ཡོད། སྤྱི་པའི་ནོར་སྲིད་སྔོན་རྩིས་ཡོང་འབབ་སྒོར་དུང་ཕྱུར15.78ཟིན་ནས་ལོ་རེར་ཆ་སྙོམས་རིམ་འཕར22%ཟིན་ཡོད།
5
སྤྱི་ཚོགས་ལས་དོན།
5_1
ཚན་རྩལ།
སྤྱི་ལོ1996ལོར་རྒྱལ་ཁབ་ཀྱིས“མེ་སྟག་འདུས་ཁུལ”གྱི་མཚན་སྙན་གནང་བ་དང་། སྤྱི་ལོ2007ལོར“རྒྱལ་ཁབ་ཀྱི་ཤེས་བྱའི་ཐོན་དངོས་བདག་དབང་དཔེ་སྟོན་ཁུལ”དུ་བདམས། སྤྱི་ལོ2008ལོར“ཧུའུ་ལུའུ་ཏའོ་གྲོང་ཁྱེར་གྱི་ཚན་རྩལ་ཡར་ཐོན་བྱས་རྗེས་བྱ་དགའ”ཐོབ་ཡོད།
སྤྱི་ལོ2008ལོར་ཆུས་ཡོངས་སུ་མཐོ་གསར་ལག་རྩལ་ཁེ་ལས35ཡོད་པ་དང་བཟོ་ལས་ཀྱི་སྤྱིའི་ཐོན་རྫས་རིན་ཐང་སྒོར་དུང་ཕྱུར26.5མངོན་འགྱུར་བྱུང་བ་དེས་ལྗོངས་ཡོངས་ཀྱི་བཟོ་ལས་ཀྱི་སྤྱིའི་ཐོན་རྫས་རིན་ཐང་གི50.3%བཟུང་ཡོད། ཆུས་ཡོངས་སུ་གྲུ་གཟིངས་བཟོ་སྐྲུན་དང་ལེ་ལག་ཚང་བའི་ཞིབ་འཇུག་གསར་སྤེལ་སྒྲིག་གཞི7གསར་དུ་བཙུགས་པར་རིགས་ཁག་གི་ཚན་རྩལ་མི་སྣ600ལྷག་ཙམ་ཡོད། ལོ20ཡི་རིང་ལྗོངས་ཡོངས་སུ་རྒྱལ་ཁབ་དང་། ཞིང་ཆེན། གྲོང་ཁྱེར་བཅས་ཀྱི་ཚན་རྩལ་གྲུབ་འབྲས་བྱ་དགའི་རྣམ་གྲངས320ཐོབ་ཡོད།
5_2
སློབ་གསོ།
སྤྱི་ལོ1999ལོ་ནས་སྤྱི་ལོ2008ལོའི་བར་སློབ་གསོའི་བྱ་གཞག་བརྟན་པོའི་ངང་མཐོ་རུ་ཕྱིན་ཡོད། སློབ་གསོའི་ཐོན་ཁུངས་ཇེ་ལེགས་སུ་བཏང་། སྤྱི་ལོ2008ལོར་ཆུས་ཡོངས་སུ་ལོ་དགུའི་རྒྱུན་འཇགས་ལམ་ལུགས་ཀྱི་སློབ་གྲྭ3དང་། ལས་རིགས་མཐོ་རིམ་སློབ་འབྲིང1སློབ་གྲྭ་འབྲིང་ཆུང16སློབ་གྲྭར་ཡོད་པའི་སློབ་མ20991བཅས་ཡོད། སྤྱི་ལོ2000ལོར་ཆུས་སྲིད་གཞུང་གིས་ཁོངས་གཏོགས་ཁུལ་གྱི་བཟོ་གཏེར་སློབ་གྲྭ་འབྲིང་ཆུང5རྩིས་ལེན་བྱས་པས་ལུང་ཀང་ཆུས་ཁོངས་གཏོགས་ཀྱི་སློབ་གྲྭ་འབྲིང་ཆུང19ཟིན་ཡོད། སྤྱི་ལོ2003ལོ་དང་སྤྱི་ལོ2004ལོར་སྔ་རྗེས་སུ་གྲོང་གསེབ་ཀྱི་སློབ་གྲྭ་འབྲིང་ཆུང14ཟླ་བསྒྲིལ་བཏང་ནས་ཚད་གཞི་མཐོ་བའི་དེང་རབས་ཅན་གྱི་ལོ་དགུའི་རྒྱུན་འཇགས་ལམ་ལུགས་ཀྱི་སློབ་གྲྭ་དང་ཚད་གཞི་མཐོ་བའི་སློབ་ཆུང(ཚོད་ལྟའི་སློབ་ཆུང)གསུམ་བཙུགས་པ་རེད། ལོ10(སྤྱི་ལོ1999ལོ་ནས་སྤྱི་ལོ2008ལོའི་བར་སྔ་རྗེས་སུ་མ་དངུལ་སྒོར་ཁྲི14534བཏང་ནས་སློབ་གྲྭའི་ཁང་པ་གསར་སྐྲུན་དང་། བཅོས་སྐྲུན་རྒྱས་སྐྲུན། སློབ་ཁྲིད་སྒྲིག་ཆས་གསར་སྒྱུར་བྱས། སྤྱི་ལོ1999ལོར་མ་དངུལ་སྒོར་ཁྲི2730བཏང་ནས་ཧུའུ་ལུའུ་ཏའོ་ཚོད་ལྟའི་སློབ་འབྲིང་གསར་སྐྲུན་བྱས་པ་དང་། སྔ་རྗེས་སུ་སྒོར་ཁྲི7890བཏང་ནས་ལོ་དགུའི་རྒྱུན་འཇགས་ལམ་ལུགས་ཀྱི་སློབ་གྲྭ་གསུམ་གསར་སྐྲུན་དང་སྔར་ཡོད་སློབ་གྲྭའི་ཉལ་ཁང་བསྐྱར་སྐྲུན་རྒྱས་སྐྲུན་བྱས་པ་དང་། བསྒྱུར་བཀོད་རྒྱ་ཁྱོན་སྨི་གྲུ་བཞི་མ་ཁྲི་6.5ཟིན་ཡོད། ཡང་བསྐྱར་མ་དངུལ་སྒོར་ཁྲི1957བཏང་ནས་སློབ་ཁྲིད་སྒྲིག་བཀོད་ཐོན་གསར་བརྗེ་རེས་དང་ཆ་འཕྲིན་ཅན་གྱི་འཛུགས་སྐྲུན་ཐད་སྤྱད། སློབ་གྲྭ་ཁག་གིས་བརྒྱུད་ལམ་སྣེ་མང་གི་དྲ་བ་བཙུགས་པ་དང་། སློབ་མ་དང་རྩིས་འཁོར་ཆུང་གྲས་ཀྱི་གྲངས་འབོར10:1ཟིན་ནས་ལྗོངས་ཡོངས་ཀྱི་སློབ་གསོ་དེང་རབས་ཅན་དུ་འགྱུར་བའི་སྐས་རིམ་གསར་པ་ཞིག་ཏུ་སླེབས་ཡོད།
5_3
སྨན་བཅོས་འཕྲོད་བསྟེན།
སྤྱི་ལོ1989ལོར་ཆུས་སྲིད་གཞུང་གིས་མ་དངུལ་སྒོར་ཁྲི906བཏང་ནས་ཆུས་སྨན་ཁང་གི་སྨན་བཅོས་ཁང་པ་རྒྱས་སྐྲུན་བྱས་པ་དང་། སྤྱི་ལོ1996ལོར་མ་དངུལ་སྒོར་ཁྲི20བཏང་ནས་བུད་མེད་དང་ཕྲུ་གུའི་འཕྲོད་སྦྱོར་སྨན་ཁང་གི་སྨན་བཅོས་སྒྲིག་ཆས་མང་དུ་བཏང་བ་དང་མི་སྣའི་སྟོབས་ཤུགས་ཆེ་རུ་བཏང་ནས་མ་བུ་འཕྲོད་སྦྱོར་སྨན་ཁང་དེ་ཞིང་ཆེན་རིམ་པའི་ཕྲུ་གུ་དམར་འབྱར་ལ་གཅེས་པའི་སྨན་ཁང་གི་ཚད་གཞིར་སླེབས་ཐུབ་ཡོད། ལོ་དེར་ཆུས་སྲིད་གཞུང་གིས《ལུང་ཀང་ཆུས་ཀྱི་རྒྱལ་གཅེས་འཕྲོད་བསྟེན་གཙང་སྦྲའི“དགུ་ལྔའི་འཆར་གཞི”གོང་སྤེལ་འཆར་འགོད》ཁྱབ་བསྒྲགས་བྱས་པས། ལྗོངས་ཡོངས་ཀྱི་རྒྱལ་གཅེས་འཕྲོད་བསྟེན་ལས་འགུལ་རྒྱུན་ལྡན་ཅན་དུ་གྱུར། ལོ་བཅུའི(སྤྱི་ལོ1999ལོ་ནས་སྤྱི་ལོ2008ལོའི་བར)མི་འབོར་སྐྱེ་ཚད14.2%ནས10.2%བར་ཆག་པ་དང་། རང་བྱུང་འཕེལ་ཚད10.2%ནས7.7%བར་ཆག་ཡོད། ལྗོངས་ཡོངས་ཀྱི་འཆར་ལྡན་བུ་བཙའི་ལས་དོན་དེ་ཕྲུ་གུ་སྐྱེ་ཚད་མཐོ་བ་ནས་ཕྲུ་གུ་སྐྱེ་ཚད་དམའ་བའི་བར་འགྱུར་ལྡོག་བྱུང་ཡོད།
སྤྱི་ལོ1999ལོ་ནས་སྤྱི་ལོ2008ལོའི་བར་མི་འབོར་དང་འཆར་ལྡན་བུ་བཙའི་འཕྲོད་བསྟེན་ལས་དོན་གོམ་སྟབས་ཆེན་པོས་མདུན་དུ་བསྐྱོད། སྤྱི་ལོ1999ལོར་ལུང་ཀང་ཆུས་མི་དམངས་སྲིད་གཞུང་ལ་རྒྱལ་ཁབ་འཕྲོད་བསྟེན་གྲོང་ཁྱེར་གྱི་སྔོན་ཐོན་ཚན་པའི་མཚན་སྙན་སྤྲད་པ་དང་། སྤྱི་ལོ2002ལོར་གྲོང་ཁྱེར་ཡོངས་ཀྱི་རྫོང(ཆུས)6གི་སྔོན་ལ་གྲོང་ཁྱེར་དང་གྲོང་རྡལ་གྱི་ལས་བཟོའི་གཞི་རྩའི་སྨན་བཅོས་འགན་བཅོལ་སྤེལ་འགོ་ཚུགས། སྤྱི་ལོ2005ལོར་གྲོང་གསེབ་ཀྱི་མཉམ་ལས་སྨན་བཅོས་གསར་པའི་ལས་དོན་ཚོད་ལྟའི་ལས་དོན་སྤེལ་འགོ་ཚུགས་ཡོད། སྤྱི་ལོ2008ལོར་སླེབས་སྐབས་ཆུས་ཡོངས་ཀྱི་མི32256འགན་བཅོལ་ནང་ཞུགས་ནས་མཉམ་ལས་སྨན་བཅོས་ནང་ཞུགས་ཚད96.3%ཟིན་པ་དང་སྤྱི་ལོ2008ལོར་ཆུས་ཀྱི་སྨན་བཅོས་ཞབས་ཞུའི་ལྟེ་གནས་རྣམ་གྲངས་ཕྱོགས་ཡོངས་ནས་ལག་ལེན་བསྟར་འགོ་ཚུགས་པ་དང་ཁྱོན་མ་དངུལ་སྒོར་ཁྲི8000ལྷག་ཙམ་བཏང་ཡོད།
དཔྱད་གཞིའི་ཡིག་ཆ།