མཱ་ཁྲེང་གྲོང་ཁྱེར།

ཐོ་ཞུགས། ཐོ་འགོད།

མཱ་ཁྲེང་གྲོང་ཁྱེར།སྔ་མའི་པར་གཞི་དེ མཁའ་འབུམ་བཀྲ་ཤིས། ནས 2020-03-27 17:28ལ་འགྲུབ།

མཱ་ཁྲེང་གྲོང་ཁྱེར།

གཞི་རྩའི་གནས་ཚུལ།

རྒྱ་ཡིག་གི་མིང་།

麻城

ཕྱི་ཡིག་གི་མིང་།

macheng

ཁོངས་གཏོགས་ས་ཁུལ།

ཧུའུ་པའེ་ཞིང་ཆེན།

མངའ་ཁོངས།

ཁྲོམ་གཞུང3དང་། གྲོང་རྡལ15ཤང1

སྲིད་གཞུང་གནས་ཡུལ།

ལུང་ཁྲི་ཁྲོམ་གཞུང་།

རྒྱ་ཁྱོན།

སྤྱི་ལེ་གྲུ་བཞི་མ3747ཡོད།

ནམ་ཟླ།

ཚ་ཁུལ་ཕལ་བའི་སྐམ་སའི་རང་བཞིན་གྱི་བརླན་གཤེར་ཅན་གྱི་དུས་རླུང་གི་ནམ་ཟླ།

གནས་ཡུལ།

ཧུའུ་པེ་ཞིང་ཆེན་གྱི་བྱང་ཤར་རྒྱུད་དང་། ཧོང་ཀང་གྲོང་ཁྱེར་གྱི་བྱང་རྒྱུད།

དཀར་ཆག

1 ངོ་སྤྲོད་མདོར་བསྡུས།
2 ས་ཁུལ་དབྱེ་འབྱེད་ཀྱི་གནས་ཚུལ།
3 ས་ཁམས་ཁོར་ཡུག: 3.1 གནས་སའི་ཡུལ་ཁོངས།
3.2 ནམ་ཟླ།
3.3 ས་དབྱིབས།
4 མི་གྲངས་དང་མི་རིགས།: 4.1 མི་གྲངས།
4.2 མི་རིགས།
5 དཔལ་འབྱོར།

1 ངོ་སྤྲོད་མདོར་བསྡུས།

མཱ་ཁྲེང་གྲོང་ཁྱེར་ནི་ཧུའུ་པེ་ཞིང་ཆེན་གྱི་ཐད་སྐྱོང་གྲོང་ཁྱེར་ཞིག་ཡིན་ལ། ཧོང་ཀང་གྲོང་ཁྱེར་གྱིས་ཚབ་བྱས་ནས་དོ་དམ་བྱེད་ཀྱིན་ཡོད། དེ་ནི་ཧུའུ་པེ་ཞིང་ཆེན་གྱི་བྱང་ཤར་རྒྱུད་དང་། ཧོང་ཀང་གྲོང་ཁྱེར་གྱི་བྱང་རྒྱུད། འབྲི་ཆུའི་དབུས་རྒྱུད་ཀྱི་ཆུ་ངོགས་ཀྱི་ཏ་པེ་རི་བོའི་དཀྱིལ་རྒྱུད་ཀྱི་ལྷོ་འདབས་དང་། ཨོ་ཡུས་ཝན་བཅས་ཞིང་ཆེན་གསུམ་གྱི་འབྲེལ་མཚམས་སུ་གནས་ཡོད། ཤར་གྱི་གཞུང་ཐིག114°40′—115°28′དང་། བྱང་གི་འཕྲེད་ཐིག30°52′—31°36′བར་དུ་ཆགས་ཡོད། བྱང་ནི་ཧི་ནན་ཞིང་ཆེན་གྱི་ཧྲང་ཁྲེང་རྫོང་དང་ཞིན་རྫོང་དང་རི་སྒལ་ཀྱིས་མཚམས་བྱས་ཤིང་། བྱང་ཤར་ཨན་ཧུའེ་ཞིང་ཆེན་ཅིན་ཀྲའེ་རྫོང་གིས་ས་མཚམས་བཅད་ཡོད། ཞིང་ཆེན་ནང་ཁུལ་གྱི་ཤར་ཕྱོགས་ནི་ལུའོ་ཐེན་རྫོང་དང་། ལྷོ་ཕྱོགས་ནི་ཐོན་ཧྥེང་རྫོང་དང་ཝུའུ་ཧན་གྲོང་ཁྱེར་གྱི་ཞིན་ཀྲོའུ་ཆུས་དང་འབྲེལ་ཡོད། ནུབ་ནི་ཧུང་ཨན་རྫོང་དང་འབྲེལ་ཡོད་པ་ཡིན། ཧོང་ཀང་གྲོང་ཁྱེར་དང་བར་ཐག་སྟོང་སྨི110ཡོད། ཝུའུ་ཧན་གྲོང་ཁྱེར་གྱི་གྲུབ་ཆ་གལ་ཆེན་ཞིག་ཡིན། སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ3747དང་མི་འབོར་ཁྲི126ཡོད། སྤྱི་ལོ2018ལོའི་བར་མཱ་ཁྲེང་གྲོང་ཁྱེར་ཁོངས་གཏོགས་སུ་ཁྲོམ་གཞུང3དང་། གྲོང་རྡལ15ཤང1བཅས་ཡོད་པ་རེད། གྲོང་ཁྱེར་སྲིད་གཞུང་ནི་ལུང་ཁྲི་ཁྲོམ་གཞུང་དུ་བཅའ་སྡོད་བྱས་ཡོད།

ས་ཁོངས་ཡོངས་ཀྱི་ས་དབྱིབས་ནི་རྟའི་རྨིག་པའི་དབྱིངས་ཡིན་པ་དང་། ཤར་རྒྱུད་དང་བྱང་ཤར་རྒྱུད་རི་མཐོ་བ་དང་། ལྷོ་ནུབ་དམའ་བ། ཤར་ནས་ནུབ་ཏུ་གསེག་ཡོད། མངའ་ཁོངས་ནི་ཚ་ཁུལ་ཕལ་བའི་སྐམ་སའི་རང་བཞིན་གྱི་བརླན་གཤེར་ཆེ་བའི་དུས་རླུང་གི་ནམ་ཟླ་ཡིན་པ་དང་། གཙང་པོ་དང་ཧོའེ་ཆུའི་ནམ་ཟླ་ཆུང་བའི་ས་ཁུལ་ཡིན། དུས་བཞིའི་དབྱེ་བ་གསལ་བ་དང་། འོད་ཕོག་ཚད་མང་བ། དྲོད་ཚད་ཕུན་སུམ་ཚོགས་པ། ཆར་ཆུ་འབེལ་བ། སད་མེད་དུས་རིང་བ། གནའ་བོར“སྟེགས་བུ་གསུམ་དང་ཡུལ་ལྗོངས་བརྒྱད”ཡོད་པ་དང་། དེང་རབས་སུ་ཀུའེ་ཧྥུང་ཧྲན་མཛེས་ལྗོངས་ཁུལ་དང་། མ་ཁྲེང་ཞའོ་ཀན་ཤང་རིག་གནས་གླིང་སོགས་མཛེས་ལྗོངས་ཁུལ་ཡོད།

2 ས་ཁུལ་དབྱེ་འབྱེད་ཀྱི་གནས་ཚུལ།

སྤྱི་ལོ2018ལོའི་བར་མཱ་ཁྲེང་གྲོང་ཁྱེར་ཁོངས་གཏོགས་སུ་ཁྲོམ་གཞུང3དང་། གྲོང་རྡལ15 ཤང1 སོན་ར1 ཆུ་མཛོད2 ཇ་ར1 ནགས་ར2 དཔལ་འབྱོར་གསར་སྤེལ་ཁུལ1 མཛེས་ལྗོངས་ཁུལ2བཅས་ཡོད།

3 ས་ཁམས་ཁོར་ཡུག

3_1 གནས་སའི་ཡུལ་ཁོངས།

མཱ་ཁྲེང་གྲོང་ཁྱེར་ནི་ཧུའུ་པེ་ཞིང་ཆེན་གྱི་བྱང་ཤར་རྒྱུད་དང་། ཧོང་ཀང་གྲོང་ཁྱེར་གྱི་བྱང་རྒྱུད། འབྲི་ཆུའི་དབུས་རྒྱུད་ཀྱི་བྱང་འགྲམ་གྱི་རི་བོ་ཏ་པིའེ་ཧྲན་རི་བོའི་དཀྱིལ་གྱི་ལྷོ་འདབས་དང་། ཨོ་ཡུས་ཝན་བཅས་ཞིང་ཆེན་གསུམ་གྱི་འབྲེལ་མཚམས་སུ་ཆགས་ཡོད། ཤར་གྱི་གཞུང་ཐིག114°40′—115°28′དང་། བྱང་གི་འཕྲེད་ཐིག30°52′—31°36′བར་དུ་ཆགས་ཡོད། བྱང་ནི་ཧི་ནན་ཞིང་ཆེན་གྱི་ཧྲང་ཁྲེང་རྫོང་དང་ཞིན་རྫོང་དང་རི་སྒལ་ཀྱིས་མཚམས་བྱས་ཤིང་། བྱང་ཤར་ཨན་ཧུའེ་ཞིང་ཆེན་ཅིན་ཀྲའེ་རྫོང་གིས་ས་མཚམས་བཅད་ཡོད། ཞིང་ཆེན་ནང་ཁུལ་གྱི་ཤར་ཕྱོགས་ནི་ལུའོ་ཐེན་རྫོང་དང་། ལྷོ་ཕྱོགས་ནི་ཐོན་ཧྥེང་རྫོང་དང་ཝུའུ་ཧན་གྲོང་ཁྱེར་གྱི་ཞིན་ཀྲོའུ་ཆུས་དང་འབྲེལ་ཡོད། ནུབ་ནི་ཧུང་ཨན་རྫོང་དང་འབྲེལ་ཡོད་པ་ཡིན། ཧོང་ཀང་གྲོང་ཁྱེར་དང་བར་ཐག་སྟོང་སྨི110ཡོད། སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ3747ཡོད།

3_2 ནམ་ཟླ།

མཱ་ཁྲེང་གི་གནམ་གཤིས་ནི་ལྷོ་བྱང་གཉིས་ཀར་ཡོད་པའི་གནམ་གཤིས་ཀྱི་ཁྱད་ཆོས་ཤིག་ཡིན་པ་དང་། དེ་ནི་ཚ་ཁུལ་ཕལ་བའི་སྐམ་སའི་རང་བཞིན་གྱི་བརླན་གཤེར་ཅན་གྱི་དུས་རླུང་གི་ནམ་ཟླའི་ཁོངས་སུ་གཏོགས།། ཉི་འོད་ལོ་རེའི་རྩིབས་འཕྲོ་སྤྱི་འབོར་ལི་སྨི་རེར་སྟོང་ཁཱ12.5ཡིན་ཞིང་། དེ་ནི་ཞིང་ཆེན་ཡོངས་ཀྱི་ཆེས་མཐོ་བའི་གྲངས་ཡིན། ལོ་རེའི་ཉི་འོད་ཕོག་ཡུན་ནི་ཆུ་ཚོད1634.4ནས2153.0བར་དང་། ཉི་འོད་ཕོག་ཚད་ནི་བརྒྱ་ཆའི37ནས་བརྒྱ་ཆའི 48བར་ཡིན། འོད་ནུས་བེད་སྤྱོད་ཀྱི་མི་མངོན་པའི་ནུས་པ་ཅུང་ཆེ། ལོ་རེའི་ཆ་སྙོམས་དྲོད་ཚད16.1℃ཡིན་པ་དང་སད་མེད་དུས་ཉིན250ནས270བར་ཡིན། མཱ་ཁྲེང་གི་གནམ་གཤིས་ལ་ཆར་ཆུ་འབེལ་བ་དང་། ཉི་འོད་ཕོག་ཡུན་རིང་བ། དྲོད་གསོག་ཚད་ཅུང་མཐོ་བ་བཅས་ཀྱི་ཁྱད་ཆོས་ལྡན་པས། ཞིང་ཆེན་ཡོངས་ཀྱི་གནམ་གཤིས་རྒྱུ་རྐྱེན་ཅུང་ལེགས་པའི་རྫོང་དང་གྲོང་ཁྱེར་གྱི་གྲས་ཤིག་ཡིན་པ་དང་། དུས་བཞིའི་དབྱེ་བ་གསལ་བ་དང་། དགུན་དུས་གྲང་ངར་ཆེ་བ་དང་དབྱར་དུས་ཚ་བ་ཆེ་བ། ཚ་བ་ཆེ་དུས་དང་ཆར་བ་འབབ་པའི་དུས་ཚིགས་གཅིག་པ་ཡིན།

3_3 ས་དབྱིབས།

མ་ཁྲེང་གི་ཕྱོགས་གསུམ་རི་བོས་བསྐོར་བ་དང་། ཤར་དང་བྱང་། ནུབ་གསུམ་གྱི་རི་རྒྱུད་ཁ་ཤས་ཕནན་ཚུན་འབྲེལ་བ་དང་། རི་རྩེ་མང་པོ་འབུར་ཡོད། ཤར་རྒྱུད་དང་བྱང་ཤར་རྒྱུད་ནི་རི་བོ་མཐོན་པོ་ཡིན་པ་དང་། ལྷོ་ནུབ་ཏུ་དམའ་ཞིང་། ཤར་ནས་ནུབ་ཏུ་གསེག་ཡོད་ལ། དེ་ནི་རི་བོ་མཐོན་པོ་དང་། རི་བོ་འབྲིང་། རི་བོ་དམའ་བ། དེའུ་འབུར་མཐོན་པོ། དེའུ་འབུར་འབྲིང་། དེའུ་འབུར་དམའ་བ་བཅས་སུ་རིམ་གྱིས་མར་ཆག་པའི་སྐས་དབྱིབས་ཅན་གྱི་ས་དབྱིབས་ཡིན། བྱང་ཤར་གྱི་རི་མཐོའི་ཁང་ཝང་གྲོང་ཚོ་ནི་གྲོང་ཁྱེར་དེ་ཡོངས་ཀྱི་ས་བབ་མཐོ་ཤོས་ཡིན་པ་དང་ས་བབ་མཐོ་ཚད་སྨི1337.1ཡིན། དབུས་ལྷོའི་མཐའ་མཚམས་ཀྱི་ཝུའུ་ལུང་གྲོང་ཚོ་ནི་གྲོང་ཁྱེར་དེ་ཡོངས་ཀྱི་དམའ་ཤོས་ཡིན་པ་དང་རྒྱ་མཚོའི་ངོས་ལས་མཐོ་ཚད་སྨི25ཡོད།

4 མི་གྲངས་དང་མི་རིགས།

4_1 མི་གྲངས།

སྤྱི་ལོ2017ལོའི་ལོ་མཇུག་ཏུ་གྲོང་ཁྱེར་དེ་ཡོངས་སུ་དུད་ཚང399219ཡོད་པ་དང་། ལོ་མཇུག་ཏུ་ཐེམ་ཐོའི་མི་འབོར་བསྡོམས1159377ཡོད། ཐེམ་ཐོའི་མི་འབོར་ཁྲོད་ཕོ་མོའི་དབྱེ་བ་ལྟར་དབྱེ་ན། སྐྱེས་པའི་མི་འབོར616045ཡོད་པ་དང་། བུད་མེད་ཀྱི་མི་འབོར543332ཡོད། ཐེམ་ཐོའི་མི་འབོར་ས་ཁོངས་ལ་གཞིགས་ནས་དབྱེ་ན་གྲོང་ཁྱེར་དང་གྲོང་རྡལ་གྱི་མི་འབོར209660དང་གྲོང་གསེབ་ཀྱི་མི་འབོར949717ཡོད། རྒྱུན་སྡོད་ཁུལ་ལ་གཞིགས་ན། གྲོང་ཁྱེར་དེ་ཡོངས་ཀྱི་རྒྱུན་སྡོད་མི་འབོར་ཁྲི88.04ཡོད་པའི་ནང་གྲོང་ཁྱེར་དང་གྲོང་རྡལ་གྱི་མི་འབོར་ཁྲི40.88ཡོད་པ་དང་རྒྱུན་སྡོད་མི་འབོར་གྲོང་ཁྱེར་དང་གྲོང་རྡལ་ཅན་དུ་གྱུར་ཚད46.44%ཟིན་ནས་ལོ་གོང་མ་ལས་བརྒྱ་ཆའི་གྲངས1.32མཐོ་རུ་ཕྱིན་ཡོད་པ་རེད། ལོ་ཧྲིལ་པོར་གསར་སྐྱེས་མི་འབོར15961ཡོད་པ་དང་། མི་འབོར་སྐྱེ་ཚད་སྟོང་ཆའི13.7ཡིན་པ་དང་། མི་འབོར་རང་ཤུགས་སུ་འཕར་ཚད་སྟོང་ཆའི7.3ཡིན། ལོ་དེར་སྐྱེས་པའི་མི་འབོར་གྱི་ཕོ་མོའི་བསྡུར་ཚད112.56ཡིན་པ་དང་། སྲིད་ཇུས་དང་མཐུན་པའི་མི་འབོར་སྐྱེ་ཚད98.58%ཟིན་ཡོད།

4_2 མི་རིགས།

སྤྱི་ལོ2016ལོའི་ལོ་མཇུག་ཏུ་མཱ་ཁྲེང་གྲོང་ཁྱེར་ཁོངས་གཏོགས་སུ་མི་འབོར་ཁྲི116.34ཡོད། མི་འབོར་བསྡོམས་འབོར་ནང་རྒྱ་རིགས་གཙོ་བོ་ཡིན་པ་དང་མི་ཁྲི116.32ཡོད་པ་དེས99.9%བཟུང་ཡོད། ཀྲོང་རིགས་དང་། ཐུའུ་ཅ་རིགས། མིའོ་རིགས་སོགས་མི་རིགས27ཡོད་པ་དང་། ཁྱོན་བསྡོམས་མི་གྲངས250ཡོད་པ་དེས་སྟོང་ཆའི2ཟིན། མི་གྲངས20ལས་བརྒལ་བའི་ཀྲོང་རིགས་དང་། ཐུའུ་ཅ་རིགས། མིའོ་རིགས། ཡའོ་རིགས་བཅས་མི་རིགས4ཡོད། དེའི་ནང་ཀྲོང་རིགས47ཡོད་པ་དེས་གྲངས་ཉུང་མི་རིགས་མི་འབོར་གྱི18.8%བཟུང་ཡོད། ཐུའུ་ཅ་རིགས་མི41ཡོད་པ་དེས16.4%བཟུང་ཡོད།

5 དཔལ་འབྱོར།

སྤྱི་ལོ2017ལོར་མཱ་ཁྲེང་གྲོང་ཁྱེར་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར(GDP)སྒོར་དུང་ཕྱུར302.77ཡོད་པ་དང་བསྡུར་གཞི་ཡོད་པའི་རིན་གོང་ལྟར་རྩིས་བརྒྱབ་ན8.1%འཕར་བ་དང་། སྤྱི་ལོ2016ལོ་དང་བསྡུར་ན་བརྒྱ་ཆའི་གྲངས0.2མཐོ་རུ་ཕྱིན་པ་དང་སྤྱི་ལོ2011ལོ་ནས་བཟུང་དཔལ་འབྱོར་འཕར་ཚད་ཐོག་མར་མགྱོགས་སུ་ཕྱིན་ནས་འཕར་ཚད་རྒྱལ་ཡོངས་དང་། ཞིང་ཆེན། ཧོང་ཀང་གྲོང་ཁྱེར་བཅས་སུ་བརྒྱ་ཆའི་གྲངས1.2དང་། 0.3 0.5བཅས་ལས་མགྱོགས་པ་ཡོད་པ་རེད། དེའི་ནང་ཐོན་ལས་དང་པོའི་འཕར་ཐང་སྒོར་དུང་ཕྱུར65.84ལེགས་གྲུབ་ཟིན་ནས་ལོ་གོང་མ་ལས4%འཕར་བ་དང་། ཐོན་ལས་གཉིས་པའི་འཕར་ཐང་སྒོར་དུང་ཕྱུར118.76ལེགས་གྲུབ་ཟིན་ནས་ལོ་གོང་མ་ལས8.6%འཕར། ཐོན་ལས་གསུམ་པའི་འཕར་ཐང་སྒོར་དུང་ཕྱུར118.17ལེགས་གྲུབ་ཟིན་ནས་ལོ་གོང་མ་ལས9.7%འཕར་བ་རེད། ཐོན་ལས་གསུམ་གྱི་གྲུབ་ཆ་ལེགས་སྒྲིག་གི་བསྡུར་ཚད21.75:39.22:39.03ཡིན་པ་དང་ཐོན་ལས་གསུམ་པའི་བསྡུར་ཚད་ལོ་གོང་མ་ལས་བརྒྱ་ཆའི་གྲངས0.73འཕར་བ་དང་ཐོན་ལས་གསུམ་པས་དཔལ་འབྱོར་འཕར་རྒྱུར་ལེགས་སྐྱེས་འབུལ་ཚད44.3%ཟིན་ཡོད། ལོ་ཧྲིལ་པོར་མི་རེའི་ཆ་སྙོམས་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་སྒོར34382ཡིན། སྤྱི་ལོ2016ལོར་མཱ་ཁྲེང་གྲོང་ཁྱེར་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར(GDP)སྒོར་དུང་ཕྱུར266.27ཡིན་པ་དེ་སྤྱི་ལོ2015ལོའི་འགྱུར་མེད་རིན་གོང་ལྟར་རྩིས་བརྒྱབ་པ(གཤམ་དང་མཚུངས)ལོ་གོང་མ་ལས(སྤྱི་ལོ2015ལོ་ལས་གཤམ་དང་མཚུངས)7.9%འཕར་བ་དང་འཕར་ཚད་ཧོང་ཀང་གྲོང་ཁྱེར་གྱི་བརྒྱ་ཆའི་གྲངས0.3ལས་མཐོ་བ་དང་རྒྱལ་ཡོངས་ཀྱི་བརྒྱ་ཆའི་གྲངས1.2ལས་མཐོ་བ་ཡོད་པ་རེད། དེའི་ནང་ཐོན་ལས་དང་པོའི་རིན་ཐང་འཕར་མ་སྒོར་དུང་ཕྱུར54.22ཡིན་པ་དེ་ལོ་གོང་མ་ལས3.7%འཕར་བ་དང་། ཐོན་ལས་གཉིས་པའི་འཕར་ཐང་སྒོར་དུང་ཕྱུར109.94ཡིན་པ་དེ་ལོ་གོང་མ་ལས8%འཕར། ཐོན་ལས་གསུམ་པའི་འཕར་ཐང་སྒོར་དུང་ཕྱུར102.11ཡིན་པ་དེ་ལོ་གོང་མ་ལས10.3%འཕར། ཐོན་ལས་གསུམ་པའི་གྲུབ་ཆ་དེ་སྤྱི་ལོ2015ལོའི21.24:42.54:36.22ནས20.4:41.3:38.3བར་ལེགས་སྒྲིག་བྱས་ཏེ་སྤྱི་ལོ2015ལོ་དང་བསྡུར་ན་ཐོན་ལས་དང་པོའི་བསྡུར་ཚད་བརྒྱ་ཆའི་གྲངས0.84ཆག་པ་དང་། ཐོན་ལས་གཉིས་པའི་བསྡུར་ཚད་བརྒྱ་ཆའི་གྲངས1.24ཆག ཐོན་ལས་གསུམ་པའི་བསྡུར་ཚད་བརྒྱ་ཆའི་གྲངས2.08འཕར་བ་དང་། ཐོན་ལས་གསུམ་པའི་ལེགས་སྐྱེས་འབུལ་ཚད47.2%ཟིན་པ་བཅས་རེད།

སྤྱི་ལོ2016ལོར་ཐོན་ལས་གསུམ་པའི་ནང་འགྲིམ་འགྲུལ་སྐྱེལ་འདྲེན་དང་། མཛོད་ཉར། སྦྲག་ལས་བཅས7.6%འཕར་བ་དང་། དངུལ་རྩའི་ལས་རིགས17.1%འཕར། སྡེབ་ཚོང་དང་སིལ་ཚོང་ལས་རིགས6.9%འཕར་བ་དང་། ཞག་སྡོད་དང་བཟའ་བཏུང་ལས་རིགས7.9%འཕར། ས་ཁང་ཐོན་ལས7.3%འཕར་བ་རེད། སྤྱི་ལོ2017ལོར་མཱ་ཁྲེང་གྲོང་ཁྱེར་གྱི་གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར17729ཡིན་པ་དེ་དུས་མཚུངས་ལས9.24%འཕར་བ་དང་རྒྱུན་སྡོད་ཀྱི་ས་ཆ་གཞིར་བཟུང་གྲོང་ཁྱེར་དང་གྲོང་རྡལ་གྱི་རྒྱུན་སྡོད་གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར27756ཡིན་པ་དང་ལོ་གོང་མ་ལས8.83%འཕར་བ་དང་། གྲོང་གསེབ་ཀྱི་རྒྱུན་སྡོད་ཡུལ་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར11699ཡིན་པ་དང་ལོ་གོང་མ་ལས9.84%འཕར། གྲོང་ཁྱེར་དང་གྲོང་རྡལ་གྱི་རྒྱུན་སྡོད་ཡུལ་མི་མི་རེའི་ཆ་སྙོམས་ཀྱི་འཚོ་བའི་འཛད་སྤྱོད་གཏོང་སྒོ་སྒོར18098ཡིན་ཞིང་། ལོ་གོང་མ་ལས་བརྒྱ་ཆའི9.02འཕར་སྣོན་བྱུང་། གྲོང་གསེབ་ཀྱི་རྒྱུན་སྡོད་ཡུལ་མི་མི་རེའི་ཆ་སྙོམས་ཀྱི་འཚོ་བའི་འཛད་སྤྱོད་གཏོང་སྒོ་སྒོར10113ཡིན་པ་དང་ལོ་གོང་མ་ལས་བརྒྱ་ཆའི9.92འཕར་ཡོད། ལོ་དེར་དབུལ་སྒྲོལ་མི་གྲངས24515བྱས་ཡོད་པ་རེད།

དཔྱད་གཞིའི་ཡིག་ཆ།

1 པའེ་ཏུའུ་རིག་མཛོད། 2020-3-25

བརྡ་འགྲེལ་གདོང་འཛར།

གྲོང་ཁྱེར། ས་ཁོངས། ཧུའུ་པའེ།