ཡིན་ཀྲོའུ་ཆུས།སྔ་མའི་པར་གཞི་དེ བླ་མ་གཡང་སངས། ནས 2020-03-26 14:50ལ་འགྲུབ།
ཡིན་ཀྲོའུ་ཆུས།
ཡིན་ཀྲོའུ་ཆུས།
ཡིན་ཀྲོའུ་ཆུས་ནི་ལིའོ་ཉིང་ཞིང་ཆེན་ཐིའེ་ལིང་གྲོང་ཁྱེར་གྱི་ཐད་སྐྱོང་ཆུས་ཡིན་ཞིང་། ལིའོ་ཉིང་ཞིང་ཆེན་གྱི་བྱང་རྒྱུད་དང་། ལིའོ་ཧུ་ཆུ་བོའི་བར་རྒྱུད་ཀྱི་ཤར་ངོགས་སུ་གནས་ཡོད། ཞིང་ཆེན་གྱི་ལྟེ་གནས་གྲོང་ཁྱེར་དང་་བར་ཐག་སྟོང་སྨི60ཡོད་ལ། ལིའོ་ཏུང་གི་རི་མ་ཐང་དང་ལིའོ་ཧུ་བདེ་ཐང་གི་བར་བརྒལ་ས་རྒྱུད་དུ་གནས་ཡོད། སྤྱི་ལོ2011ལོའི་བར་ཡིན་ཀྲོའུ་ཆུས་ཁོངས་སུ་ཁྲོམ་གཞུང7དང་། གྲོང་ཚོ12ཤང1བཅས་ཡོད།
ཡིན་ཀྲོའུ་ཆུས་ཀྱི་ས་ཁོངས་ཀྱི་རྒྱ་ཁྱོནལ་སྟོང་སྨི་གྲུ་བཞི་མ203ཡོད་པ་དང་། མི་འབོར་བསྡོམས་འབོར་ཁྲི39.1(སྤྱི་ལོ2014ལོ)ཡོད། སྤྱི་ལོ2014ལོར་གྲོང་ཁྱེར་དེ་ཡོངས་ཀྱི་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར1080ཟིན་ནས2%འཕར་ཡོད་པ་དང་། གྲོང་ཁྱེར་དང་གྲོང་རྡལ་གྱི་གྲོང་མིའི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར19365ཟིན་ཡོད། ཡིན་ཀྲོའུ་ཆུས་ཀྱི་ལུང་ཧྲོའུ་ཧྲན་མཛེས་ལྗོངས་ཁུལ་ནི་ཞིང་ཆེན་རིམ་པའི་མཛེས་ལྗོངས་གྲགས་ཅན་ཁུལ་ཞིག་ཡིན།
གཞི་རྩའི་གནས་ཚུལ།
རྒྱ་ཡིག་གི་མིང་།
银州区
ཕྱི་ཡིག་གི་མིང་།
Yinzhou District
མིང་གཞན།
ཐིའེ་ལིང་།
རྒྱ་ཁྱོན།
སྟོང་སྨི་གྲུ་བཞི་མ203ཡོད། (སྤྱི་ལོ2004ལོ)
གནས་ཡུལ།
ལིའོ་ཉིང་ཞིང་ཆེན་གྱི་བྱང་རྒྱུད་དུ་གནས་ཡོད།
མི་འབོར།
ཁྲི39.1ཡོད། (སྤྱི་ལོ2004ལོ)
སྲིད་འཛིན་ས་ཁོངས་ཀྱི་རིགས་དབྱེ།
གྲོང་ཁྱེར་གྱི་ཁོངས་གཏོགས་ཆུས།
ཡུལ་སྐད།
བྱང་ཤར་སྐད།
ཁོངས་གཏོགས་ས་ཁུལ།
ལིའོ་ཉིང་ཞིང་ཆེན་ཐིའེ་ལིང་གྲོང་ཁྱེར།
གནམ་གཤིས།
དྲོད་རྒྱུད་སྐམ་སའི་རང་བཞིན་གྱི་དུས་རླུང་ནམ་ཟླ།
མངའ་ཁོངས།
ཁྲོམ་གཞུང7དང་། ཤང1ཡོད།
མེ་འཁོར་འབབ་ཚུགས།
ཐིའེ་ལིང་འབབ་ཚུགས།
སྲིད་གཞུང་གནས་ཡུལ།
ཀུང་རེན་སྲང་ལམ་དུ་གནས་ཡོད།
རླངས་འཁོར་ཚབ་ཨང་།
ལིའོ (辽)M
ས་ཁོངས་ཁ་པར་ཨང་རྟགས།
024
སྲིད་འཛིན་ས་ཁུལ་གྱི་ཚབ་ཨང་།
211202
སྦྲག་སྲིད་ཨང་རྟགས།
112000
དཀར་ཆག
1
ངོ་སྤྲོད་མདོར་བསྡུས།
ཡིན་ཀྲོའུ་ཆུས་ནི་ལིའོ་ཉིང་ཞིང་ཆེན་ཐིའེ་ལིང་གྲོང་ཁྱེར་གྱི་ཐད་སྐྱོང་ཆུས་ཡིན་ཞིང་། ལིའོ་ཉིང་ཞིང་ཆེན་གྱི་བྱང་རྒྱུད་དང་། ལིའོ་ཧུ་ཆུ་བོའི་བར་རྒྱུད་ཀྱི་ཤར་ངོགས་སུ་གནས་ཡོད། ཞིང་ཆེན་གྱི་ལྟེ་གནས་གྲོང་ཁྱེར་དང་་བར་ཐག་སྟོང་སྨི60ཡོད་ལ། ལིའོ་ཏུང་གི་རི་མ་ཐང་དང་ལིའོ་ཧུ་བདེ་ཐང་གི་བར་བརྒལ་ས་རྒྱུད་དུ་གནས་ཡོད། སྤྱི་ལོ2011ལོའི་བར་ཡིན་ཀྲོའུ་ཆུས་ཁོངས་སུ་ཁྲོམ་གཞུང7དང་། གྲོང་ཚོ12ཤང1བཅས་ཡོད།
ཡིན་ཀྲོའུ་ཆུས་ཀྱི་ས་ཁོངས་ཀྱི་རྒྱ་ཁྱོནལ་སྟོང་སྨི་གྲུ་བཞི་མ203(སྤྱི་ལོ2004ལོ)ཡོད་པ་དང་། མི་འབོར་བསྡོམས་འབོར་ཁྲི39.1(སྤྱི་ལོ2014ལོ)ཡོད། སྤྱི་ལོ2014ལོར་གྲོང་ཁྱེར་དེ་ཡོངས་ཀྱི་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར1080ཟིན་ནས2%འཕར་ཡོད་པ་དང་། གྲོང་ཁྱེར་དང་གྲོང་རྡལ་གྱི་གྲོང་མིའི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར19365ཟིན་ཡོད། ཡིན་ཀྲོའུ་ཆུས་ཀྱི་ལུང་ཧྲོའུ་ཧྲན་མཛེས་ལྗོངས་ཁུལ་ནི་ཞིང་ཆེན་རིམ་པའི་མཛེས་ལྗོངས་གྲགས་ཅན་ཁུལ་ཞིག་ཡིན།
2
ལོ་རྒྱུས་འཕེལ་རིམ།
མི་སེར་རྒྱལ་ཁབ་ཀྱི་སྲིད་ལོ་གཉིས་པ་སྤྱི་ལོ1913ལོར་ཞིང་ཆེན་དང་རྫོང་གིས་བཅོས་སྐྱོང་བྱ་རྒྱུ་ལག་བསྟར་བྱས། ཐིའེ་ལིང་ནི་ཧྥེང་ཐེན་ཞིང་ཆེན་གྱི་ལིའོ་ཧྲེན་ཏའོ་ཡི་ཁོངས་སུ་གཏོགས། མི་སེར་རྒྱལ་ཁབ་ཀྱི་སྲིད་ལོ་ཉི་ཤུ་པ་སྤྱི་ལོ1931ལོར་རི་པིན་བཙན་རྒྱལ་རིང་ལུགས་ཀྱིས“དགུ་པའི་བཅོ་བརྒྱད་”ཀྱི་དུས་འགྱུར་བསླངས་ཤིང་། ཟླ9ཚེས19ཉིན་ཐིའེ་ལིང་དགྲ་ལག་ཏུ་ཤོར། དགྲ་ལག་ཏུ་ཤོར་བའི་ཐོག་མའི་དུས་སུ་བཅོས་སྐྱོང་རྙིང་པ་བྱས་པའི་རྐྱེན་གྱིས་མི་སེར་རྒྱལ་ཁབ་ཀྱི་སྲིད་ལོ་ཉེར་དྲུག་པ་སྤྱི་ལོ1937ལོར་རྫོང་མེད་པར་བཟོས། ཐའེ་ལིང་གྲོང་ཁྱེར་ནི་ཧྥེང་ཐེན་ཞིང་ཆེན་གྱི་ཁོངས་སུ་གཏོགས་པ་དང་། དེ་ནས་བཟུང་ཐིའེ་ལིང་དུ་གྲོང་ཁྱེར་བཙུགས་ནས་བཅོས་སྐྱོང་བྱེད་འགོ་ཚུགས།
སྤྱི་ལོ1945ལོར་ཀྲུང་གོ་གུང་ཁྲན་ཏང་གིས་འགོ་ཁྲིད་པའི་པ་ལུའུ་ཅུན་གྱིས་ཐིའེ་ལིང་ཕྱིར་བླངས་ཏེ། དམངས་གཙོའི་སྲིད་གཞུང་བཙུགས་པ་དང་། ཐིའེ་ལིང་གྲོང་ཁྱེར་སྔར་བཞིན་རྫོང་གིས་འགོ་ཁྲིད་བྱས།
སྤྱི་ལོ1946ལོའི་ཟླ3པའི་ཚེས24ཉིན། གོ་མིན་ཏང་གིས་ཐིའེ་ལིང་གྲོང་ཁྱེར་བཟུང་བ་དང་། རྫོང་མཁར་དུ་ཡིན་ཀྲོའུ་གྲོང་རྡལ་བཙུགས་པ་དང་། ཐིའེ་ལིང་རྫོང་ཁོངས་སུ་གཏོགས།
སྤྱི་ལོ1948ལོའི་ཟླ10བའི་ཚེས28ཉིན། བྱང་ཤར་བྱེས་འཐབ་དམག་སྡེས་ཡང་བསྐྱར་ཐིའེ་ལིང་ལ་བཅིངས་འགྲོལ་བཏང་ཞིང་། ལིའོ་པེ་ཞིང་ཆེན་དུ་གཏོགས།
སྤྱི་ལོ1949ལོའི་ཟླ5པར་ཐིའེ་ལིན་ལིའོ་ཞི་ཞིང་ཆེན་ལ་བགོས་ཤིང་། ཡིན་ཀྲོའུ་གྲོང་རྡལ་གྱི་སྒྲིག་གཞི་མེད་པར་བཟོས། སྤྱི་ལོ1954ལོར་ལིའོ་ཉིང་ཞིང་ཆེན་དུ་གཏོགས། སྤྱི་ལོ1955ལོར་ཡིན་ཀྲོའུ་གྲོང་རྡལ་སླར་གསོ་བྱས་པ་དང་། སྔར་བཞིན་ཐིའེ་ལིང་རྫོང་དུ་གཏོགས།
སྤྱི་ལོ1979ལོའི་ཟླ8ཚེས30ཉིན་ཡིན་ཀྲོའུ་གྲོང་རྡལ་མེད་པར་བཟོས་ནས་རྫོང་རིམ་པའི་ཐིའེ་ལིང་གྲོང་ཁྱེར་བཙུགས་ཏེ་ཐིའེ་ལིང་ས་ཁུལ་གྱི་ཁོངས་སུ་གཏོགས།
སྤྱི་ལོ1984ལོའི་ཟླ6པའི་ཚེས30ཉིན། ཐིའེ་ལིང་ས་ཁུལ་མེད་པར་བཟོས་པ་དང་ཐིའེ་ལིང་གྲོང་ཁྱེར་ཞིང་ཆེན་མངའ་ཁོངས་སུ་བཅུག་པ་དང་། ལོ་དེའི་ཟླ8པའི་ཚེས30ཉིན། དེ་སྔའི་ཐིའེ་ལིང་གྲོང་ཁྱེར་གྱི་མིང་ཡིན་ཀྲོའུ་ཆུས་སུ་བསྒྱུར།
3
སྲིད་འཛིན་ས་ཁུལ་གྱི་དབྱེ་མཚམས།
སྤྱི་ལོ2011ལོར་ཡིན་ཀྲོའུ་ཆུས་ཁོངས་སུ་ཁྲོམ་གཞུང7དང་ཤང1ཡོད་པ་དང་ཁྱོན་ཡོངས་སུ་གྲོང་ཚོ12ཡོད།
4
ས་ཁམས་ཁོར་ཡུག
4_1
གནས་ཡུལ།
ཡིན་ཀྲོའུ་ཆུས་ནི་ལིའོ་ཉིང་ཞིང་ཆེན་གྱི་བྱང་རྒྱུད་དང་། ཐེ་ལིང་གྲོང་ཁྱེར་གྱི་དབུས་རྒྱུད། ལིའོ་ཧོ་ཆུ་བོའི་བར་རྒྱུད་ཀྱི་ཤར་ངོགས་སུ་གནས་ཡོད་པ་དང་། ཞིང་ཆེན་ལྟེ་གནས་ཀྱི་ཧྲེན་དབྱང་གྲོང་ཁྱེར་དང་བར་ཐག་སྟོང་སྨི60ཡོད། ཤར་ནི་ཞུང་ཀོན་ཐུན་ཤང་དང་འབྲེལ་ནས་གནས་ཡོད་ལ། ལྷོ་ནི་ཧྥན་ཧོ་གྲོང་རྡལ་དང་། ཡའོ་པའོ་གྲོང་རྡལ། ལི་ཆན་ཧུའུ་གྲོང་རྡལ། ཚུའེ་ཀྲེན་པའོ་ཤང་བཅས་དང་ས་མཚམས་འབྲེལ་ཡོད། ནུབ་ནི་ཅིན་ལིའོ་ཧུ་དང་ཀྲེན་ཞི་པའོ་གྲོང་རྡལ་དང་ཉེ་ལ། བྱང་ཕིང་ཏིང་པའོ་གྲོང་རྡལ་དང་འབྲེལ་ཡོད། ཤར་གྱི་གཞུང་ཐིག123°45′-123°48′ཡིན། བར་ཐག་ལ་སྟོང་སྨི18.45ཡོད། འཕྲེད་ཐིག་བྱང་མ42°9′-42°20′ཡི་བར་དུ་གནས་ཡོད་ལ། བར་ཐག་ལ་སྟོང་སྨི20.95ཡོད།
4_2
ནམ་ཟླ།
ཡིན་ཀྲོའུ་ཆུས་ནི་དྲོད་ཁུལ་གྱི་སྐམ་སའི་རང་བཞིན་གྱི་དུས་རླུང་ནམ་ཟླའི་ཁོངས་སུ་གཏོགས། ལོ་ཧྲིལ་པོར་ཉི་འོད་ཕོག་ཚད་ཆུ་ཚོད2700ཡས་མས་ཡིན་པ་དང་། ལོ་རེར་ཆ་སྙོམས་ཆར་པ་འབབ་ཚད་ཧའོ་སྨི700ཡས་མས་ཡིན། ལོ་རེའི་ཆ་སྙོམས་དྲོད་ཚད6.3℃དང་། དྲོད་ཚད་དམའ་ཤོས-31℃ཡིན། དྲོད་ཚད་མཐོ་ཤོས34.4℃ཡིན། འཁྱགས་པའི་དུས་ཡུན་ཉིན150ཡས་མས་ཡིན། སད་མེད་དུས་ཡུན་ཉིན127-162ཡིན། ལོ་ཧྲིལ་པོའི་དུས་བཞི་གསལ་བ་དང་། ཆར་ཆུ་འབབ་ཚད་འོས་འཚམ་ཡིན་ལ། ལོ་ཏོག་སྣ་ཚོགས་སྐྱེས་པར་འཚམ།
5
མི་འབོར་དང་མི་རིགས།
སྤྱི་ལོ2010ལོའི་བར་ཡིན་ཀྲོའུ་ཆུས་ཀྱི་མི་འབོར་བསྡོམས་འབོར་ཁྲི33.6ཟིན་ཡོད་པ་དང་། རྒྱ་རིགས་དང་། ཁྲའོ་ཞན་རིགས། མན་ཇུ་རིགས། ཧུའེ་རིགས་སོགས་མི་རིགས30ལྷག་འདུས་སྡོད་བྱས་ཡོད།
6
འགྲིམ་འགྲུལ་སྐྱེལ་འདྲེན།
ཡིན་ཀྲོའུ་ཆུས་ནས་ཧྲེན་དབྱང་དང་བར་ཐག་སྟོང་སྨི47ལས་མེད་པ་དང་། རླངས་འཁོར་བསྡད་ནས་ཧྲེན་དབྱང་ཐའོ་ཞན་གནམ་གྲུ་ཐང་བར་སྐར་མ40ལས་འགོར་གྱི་མེད། མྱུར་བགྲོད་གཞུང་ལམ་བརྒྱུད་ནས་ཆུ་ཚོད2འགོར་ན་དབྱིན་ཁོའུ་གྲུ་ཁར་སླེབས་ཀྱི་ཡོད། ཆུ་ཚོད3ནང་ཏཱ་ལེན་གྲུ་ཁར་སླེབས་ཀྱི་ཡོད། པེ་ཅིང་ནས་ཧ་སག་སི་ཐན་བར་གྱི་ལྕགས་ལམ་དང་། པེ་ཅིང་ནས་ཧ་སག་སི་ཐན་བར་གྱི་མྱུར་བགྲོད་གཞུང་ལམ། ཧ་སག་སི་ཐན་གྱི་གཞུང་ལམ(རྒྱལ་ལམ102)བཅས་ས་ཁོངས་ཧྲིལ་པོར་ཁྱབ་ཡོད།
ཐིའེ་ལིང་འབབ་ཚུགས་ནི་ལིའོ་ཉིང་ཞིང་ཆེན་ཐིའེ་ལིང་གྲོང་ཁྱེར་དབྱིན་ཀྲོའུ་ཆུས་སུ་ཡོད་པ་དང་ཀྲུང་གོ་ལྕགས་ལམ་ཧྲེན་དབྱང་ཅུས་ཚད་ཡོད་ཀུང་སིའི་ཁོངས་གཏོགས་ཡིན།
གྲོང་ཁྱེར་གྱི་འགྲུལ་སྐྱེལ་ལྟེ་གནས་སྤྱི་ལོ1998ལོའི་ཟླ4པར་བཙུགས་པ་དང་། དེ་ནི་ལིའོ་པེ་ཡི་སྤྱི་ཚོགས་ལ་སྒོ་མོ་འབྱེད་པའི་རྒྱལ་ཁབ་ཀྱི་རིམ་པ་དང་པོའི་སྤྱི་སྤྱོད་རྣམ་པའི་འགྲུལ་སྐྱེལ་ས་ཚིགས་ཤིག་ཡིན། རྒྱ་ཁྱོན་ལ་སྨི་ངོས་གྲུ་བཞི་མ12000ཟིན་ཡོད་པ་དང་། སྤྱིའི་འཛུགས་སྐྲུན་རྒྱ་ཁྱོན་ལ་སྨི་ངོས་གྲུ་བཞི་མ6600ཟིན་ཡོད། རླངས་འཁོར་འཇོག་ས་རྒྱ་ཁྱོན་སྨི་ངོས་གྲུ་བཞི་མ8500ཟིན་ཡོད་པ་དང་། ལམ་ཐིག125དང་འབབ་ཚུགས་སུ་རླངས་འཁོར377བཅས་ཡོད། ཉིན་རེར་ཐེངས777ཟིན་པ་དང་ཉིན་རེར་ཆ་སྙོམས་འགྲུལ་པ་མི་ཐེངས་ཁྲི1.29ཟིན་གྱི་ཡོད།
7
དཔལ་འབྱོར།
སྤྱི་ལོ2013ལོར་ཡིན་ཀྲོའུ་ཆུས་ཀྱི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར95ཟིན་པ་དེ་དུས་མཚུངས་ལས9.2%འཕར་ཡོད། ཐེངས་གསུམ་གྱི་ཐོན་ལས་གྲུབ་ཚུལ་གྱི་བསྡུར་ཚད་ནི1:44:55ཡིན། སྤྱི་པའི་ནོར་སྲིད་སྔོན་རྩིས་ཡོང་འབབ་སྒོར་དུང་ཕྱུར11.7ཟིན་པ་དེ་དུས་མཚུངས་ལས12.7%འཕར་ཡོད། གཏན་འཇགས་རྒྱུ་ནོར་ལ་མ་དངུལ་སྒོར་དུང་ཕྱུར70བཏང་བ་དེ་དུས་མཚུངས་ལས29.6%འཕར་ཡོད། གཞི་ཁྱོན་ཡན་གྱི་བཟོ་ལས་འཕར་ཐང་སྒོར་དུང་ཕྱུར34ཟིན་ནས་སྤྱི་ལོ2012ལོ་ལས6.3%འཕར་ཡོད། སྤྱི་ཚོགས་འཛད་སྤྱོད་དངོས་རྫས་སིལ་ཚོང་བསྡོམས་འབོར་སྒོར་དུང་ཕྱུར49.1ཟིན་ནས་སྤྱི་ལོ2012ལོའི་དུས་མཚུངས་ལས15.0%འཕར་ཡོད། ཕྱི་ཕྱོགས་ཉོ་ཚོང་ཕྱིར་གཏོང་བྱེད་ཚད་ཨ་སྒོར་ཁྲི2300ཟིན་པ་དེ་དུས་མཚུངས་ལས2.5%འཕར་ཡོད་པ་དང་། ཕྱི་རྒྱལ་གྱི་མ་དངུལ་དངོས་སུ་སྤྱོད་ཚད་ཨ་སྒོར་ཁྲི5538ཟིན་པ་དེ་དུས་མཚུངས་ལས37.9%འཕར་ཡོད། གྲོང་ཁྱེར་དང་གྲོང་རྡལ་གྱི་གྲོང་མིའི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར20600ཟིན་པ་དེ་དུས་མཚུངས་ལས10.2%འཕར་ཡོད།
སྤྱི་ལོ2012ལོར་ཡིན་ཀྲོའུ་ཆུས་ཀྱི་གཙོ་གཉེར་ལས་སྒོའི་ཡོང་འབབ་སྒོར་ཁྲི2000དང་དེ་ཡན་གྱི་བཟོ་ལས་ཁེ་ལས་ཀྱི་བཟོ་ལས་ཐོན་རྫས་རིན་ཐང་བསྡོམས་འབོར་སྤྱི་ལོ2011ལོ་ལས15.4%འཕར་བ་དང་གཞུང་ཁོངས་མ་རྐང་ཚོད་འཛིན་ཁེ་ལས་ཀྱི་བཟོ་ལས་ཐོན་རྫས་རིན་ཐང་བསྡོམས་འབོར་སྤྱི་ལོ2011ལོ་ལས6.7%ཆག་ཡོད། ཡང་བའི་བཟོ་ལས་ཀྱི་སྤྱིའི་ཐོན་རྫས་རིན་ཐང་སྤྱི་ལོ2011ལོ་ལས15.5%འཕར་བ་དང་ལྕི་བའི་བཟོ་ལས་ཀྱི་སྤྱིའི་ཐོན་རྫས་རིན་ཐང་སྤྱི་ལོ2011ལོ་ལས15.4%འཕར་ཡོད། ཁེ་ལས་ཆེ་འབྲིང་གི་བཟོ་ལས་ཐོན་སྐྱེད་རིན་ཐང་བསྡོམས་འབོར་སྤྱི་ལོ2011ལོ་ལས4.9%འཕར་ཡོད། ཡིན་ཀྲོའུ་ཆུས་ཀྱི་གཞི་ཁྱོན་ཡན་གྱི་བཟོ་ལས་བྲིན་ཚོང་གི་ཐོན་རྫས་རིན་ཐང་སྤྱི་ལོ2011ལོ་ལས15.3%འཕར་ཡོད་པ་དང་། ཐོན་རྫས་ཕྱིར་ཚོང་བྱེད་ཚད97.6%ཟིན་ཡོད། ཕྱིར་འཚོང་གི་ཐོན་རྫས་རིན་ཐང་ཁྲོད་ཡང་བའི་བཟོ་ལས15.0%འཕར་བ་དང་ལྕི་བའི་བཟོ་ལས15.5%འཕར་ཡོད། བསྡུར་གཞི་ཡོད་པའི་རིན་གོང་ལྟར་བརྩིས་ན། བཟོ་ལས་ཀྱི་རིན་ཐང་འཕར་མ་སྤྱི་ལོ2011ལོ་ལས9.0%འཕར་ཡོད།
སྤྱི་ལོ2012ལོར་ཡིན་ཀྲོའུ་ཆུས་འགྲིམ་འགྲུལ་སྐྱེལ་འདྲེན་མཛོད་ཉར་སྦྲག་སྲིད་ལས་རིགས་ཀྱི་རིན་ཐང་འཕར་མ་སྒོར་དུང་ཕྱུར41.8ཟིན་པ་དེ་བསྡུར་གཞི་ཡོད་པའི་རིན་གོང་ལྟར་བརྩིས་ན་སྤྱི་ལོ2011ལོ་ལས9.3%འཕར་ཡོད། སྤྱི་ཚོགས་ཡོངས་ཀྱི་དངོས་ཟོག་སྐྱེལ་འདྲེན་བྱེད་ཚད་ཏུན་ཁྲི8250ཟིན་པ་དང་དངོས་ཟོག་འཁོར་རྒྱུག་བྱེད་ཚད་སྤྱི་ལེ་ཁྲི1329470ཟིན་ནས་སྤྱི་ལོ2011ལོ་ལས16.6%དང17.0%སོ་སོར་འཕར་ཡོད། འགྲུལ་པ་སྐྱེལ་འདྲེན་བྱེད་ཚད་མི་ཁྲི4900ཟིན་པ་དེ་སྤྱི་ལོ2011ལོ་ལས8.2%འཕར་ཡོད། འགྲུལ་སྐྱེལ་འཁོར་རྒྱུག་བྱེད་ཚད་སྤྱི་ལེ་ཁྲི132244ཟིན་པ་དེ་སྤྱི་ལོ2011ལོ་ལས9.2%འཕར་ཡོད།
8
སྤྱི་ཚོགས་ལས་དོན།
8_1
སྤྱི་ཚོགས་འགན་སྲུང་།
སྤྱི་ལོ2013ལོའི་བར་ཡིན་ཀྲོའུ་ཆུས་ཀྱི་དངོས་མིང་འགོད་པའི་ལམ་ལུགས་ཀྱི་ལས་ཞུགས་མི་གྲངས་ཁྲི1.1བཀོད་སྒྲིག་བྱས་ཡོད། ལས་བཟོའི་རྒན་གསོའི་འགན་བཅོལ་ནང་ཞུགས་མཁན་མི་གྲངས་ཁྲི3ཟིན་ཡོད་པ་དང་། གྲོང་ཁྱེར་དང་གྲོང་ཁུལ་རིམ་པ་གཉིས་ཀྱི་རྒན་གསོའི་འགན་བཅོལ་གྲོན་དངུལ་བསྡུ་ཚད་སྒོར་དུང་ཕྱུར4.1ཟིན་ཡོད།
8_2
སྨན་བཅོས་ལས་དོན།
སྤྱི་ལོ2013ལོའི་བར་ཡིན་ཀྲོའུ་ཆུས་སུ་སྨན་བཅོས་འཕྲོད་བསྟེན་སྒྲིག་གཞི194ཡོད་པ་དང་སྤྱི་ཚོགས་སུ་ཆེད་ལས་སྨན་དོན་མི་སྣ20གདན་ཞུ་བྱས་ཡོད། ཧུའེ་ཤིན་སྡེ་ཁུལ་འཕྲོད་བསྟེན་ཞབས་ཞུའི་ལྟེ་གནས“ལིའོ་ཉིང་ཞིང་ཆེན་དཔེ་སྟོན་སྡེ་ཁུལ་གྱི་འཕྲོད་བསྟེན་ཞབས་ཞུའི་ལྟེ་གནས”སུ་ཞིབ་བཤེར་རྩིས་ལེན་བྱས།
8_3
སློབ་གསོའི་ལས་དོན།
སྤྱི་ལོ2013ལོའི་བར་ཡིན་ཀྲོའུ་ཆུས་སུ་ཁྱོན་སློབ་གསོའི་སྒྲིག་གཞི239ཡོད་པར་མ་དངུལ་སྒོར་ཁྲི2500བཏང་ནས་སློབ་ཆུང་ཁག་ལ་འཛིན་གྲྭའི་སྣེ་མང་སྨྱན་སྦྱོར300སྒྲིག་སྦྱོར་བྱས་པ་དང་། ཡིན་ཀང་སོགས་སློབ་ཆུང13གྱི་བུ་བཅོལ་ཁང་སྒྱུར་བཀོད་བྱས་པ་དང་། སློབ་ཆུང་བཅུ་གཅིག་པ་སོགས་སློབ་ཆུང7ལ་འགྱིག་བཟོས་ལུས་རྩལ་ར་བ་བསྐྲུན། སློབ་ཆུང་བཅུ་པ་སོགས་སློབ་ཆུང5ལ་དྲོད་རླངས་དང་རང་འབབ་ཆུ་འདྲེན་བྱས། སློབ་ཆུང་དྲུག་པ་སོགས་སློབ་ཆུང4ལ་ཚད་གཞི་མཐོ་བའི་སློབ་གྲྭའི་སྒོ་མོ་བརྗེས། ས་འོག་སྐྱེལ་འདྲེན་སུའོ་དང་ཁྲའེ་ཧོ་ཤིས་གྲོང་ཚོའི་སློབ་ཆུང་གཉིས་ཕྱིར་འཐེན་ཟླ་བསྒྲིལ་གྱི་ལས་དོན་ལེགས་གྲུབ་ཟིན་ནས་སློབ་གྲྭའི་ནང་གི་སློབ་མ་ཚོ་ཐག་ཉེ་སའི་གྲོང་ཁྱེར་ནང་གི་སློབ་ཆུང་དུ་སྤོས་པ་དང་། དགེ་རྒན40བདམས་ནས་སློབ་ཁྲིད་ཀྱི་འཐབས་དང་པོར་བཀོད་སྒྲིག་བྱས་པ་རེད། སྐབས་དང་པོའི“ལིའོ་ཉིང་ཞིང་ཆེན་གྱི་ལུས་རྩལ་སྒྱུ་རྩལ་སློབ་གསོའི་དཔེ་སྟོན་ཁུལ”གྱིས་ཞིབ་བཤེར་རྩིས་ལེན་བྱས།
དཔྱད་གཞིའི་ཡིག་ཆ།