ཡའོ་ཀྲོའུ་ཆུས།

ཡའོ་ཀྲོའུ་ཆུས།སྔ་མའི་པར་གཞི་དེ འཁོན་མགོན་པོ། ནས 2020-03-24 14:41ལ་འགྲུབ།

ཡའོ་ཀྲོའུ་ཆུས།

ཡའོ་ཀྲོའུ་ཆུས་ནི་ཧྲའན་ཞི་ཞིང་ཆེན་ཐུང་ཁྲོན་གྲོང་ཁྱེར་གྱི་ཁོངས་སུ་གཏོགས་ཤིང་། ཧྲའན་ཞིའི་དབུས་རྒྱུད་དང་ཝེ་བྱང་ས་མཐོའི་ལྷོ་རྒྱུད་དུ་གནས་པ་དང་། ཐུང་ཁྲོན་གྲོང་ཁྱེར་གྱི་ལྷོ་ནུབ་དང་། བྱང་ངོས་ཧྲེ་དབྱི་རྫོང་དང་འབྲེལ་ལ། ལྷོ་རུ་སན་ཡོན་རྫོང་དང་འབྲེལ་ཡོད། བྱང་ཤར་དུ་ཐུང་ཁྲོན་གྲོང་ཁྱེར་གྱི་ཝང་དབྱི་ཆུས་དང་དབྱིན་ཐའེ་ཆུས་གཉིས་ལ་འབྲེལ་ཞིང་། ཤར་ལྷོར་ཧྥུའུ་ཕིང་རྫོང་དང་འབྲེལ་ཡོད། ཤར་གྱི་གཞུང་ཐིག 108°34′—109°06′ཡིན། བྱང་གི་འཕྲེད་ཐིག 34°48′—35°19′བར་དུ་གནས། སྤྱིའི་རྒྱ་ཁྱོན་སྟོང་སྨི་གྲུ་བཞི་མ1617ཡོད། སྤྱི་ལོ2018ལོར་ཡའོ་ཀྲོའུ་ཆུས་ཀྱི་མངའ་ཁོངས་སུ་ཁྲོམ་གཞུང6དང་གྲོང་རྡལ8རྒྱུན་སྡོད་མི་འབོར་ཁྲི23.61ཟིན་ནས་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར(GDP)སྒོར་དུང་ཕྱུར91.63ཟིན་པའི་ནང་ཐོན་ལས་དང་པོའི་རིན་ཐང་འཕར་མ་སྒོར་དུང་ཕྱུར11.60ཟིན་པ་དང་། ཐོན་ལས་གཉིས་པའི་རིན་ཐང་འཕར་མ་སྒོར་དུང་ཕྱུར43.48ཟིན། ཐོན་ལས་གསུམ་པའི་རིན་ཐང་འཕར་མ་སྒོར་དུང་ཕྱུར36.55ཟིན། ཐོན་ལས་གསུམ་པོའི་གྲུབ་ཆའི་བསྡུར་ཚད12.6:47.5:39.9ཟིན། མི་རེའི་ཆ་སྙོམས་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་སྒོར38809ཟིན།

གཞི་རྩའི་གནས་ཚུལ།

རྒྱ་ཡིག་གི་མིང་།

耀州区

ཕྱི་ཡིག་མིང་།

Yaozhou District

སྲིད་འཛིན་ས་ཁོངས་ཀྱི་རིགས་དབྱེ།

གྲོང་ཁྱེར་གྱི་ཁོངས་གཏོགས་ཆུས།

གནས་ཡུལ།

ཐུང་ཁྲོན་གྲོང་ཁྱེར་གྱི་ལྷོ་སྣེ།

ཁོངས་གཏོགས་ས་ཁུལ།

ཧྲའན་ཞི་ཞིང་ཆེན་ཐུང་ཁྲོན་གྲོང་ཁྱེར།

གཞི་ཁྱོན།

སྟོང་སྨི་གྲུ་བཞི་མ1617

མངའ་ཁོངས།

སྲང་ལམ6དང་གྲོང་རྡལ8

མི་གྲངས།

མི་ཁྲི23.61（སྤྱི་ལོ2018ལོ）

སྲིད་གཞུང་གནས་ཡུལ།

ཡུང་ཨན་ལམ་གྱི་ཁྲོམ་གཞུང་།

ནམ་ཟླ།

དྲོ་རྒྱུད་སྐམ་སའི་རང་བཞིན་གྱི་དུས་རླུང་ནམ་ཟླ།

ས་ཁོངས་ཀྱི་ཁ་པར་ཨང་རྟགས།

0919

མེ་འཁོར་ས་ཚིགས།

ཡའོ་རྫོང་ས་ཚིགས་དང་ཡའོ་རྫོང་ནུབ་ཚུགས།

སྦྲག་སྲིད་ཨང་རྟགས།

727100

རླངས་འཁོར་ཚང་ཨང་།

ཧྲའནB（陕B）

སྲིད་འཛིན་ཚབ་ཨང་།

610204

དཀར་ཆག

1 ངོ་སྤྲོད།
2 ལོ་རྒྱུས་ཀྱི་འཕེལ་རིམ།
3 ས་མཚམས་དབྱེ་འབྱེད་ཀྱི་ད་ལྟའི་གནས་ཚུལ།
4 ས་ཁམས་ཁོར་ཡུག
5 ནམ་ཟླའི་ཁྱད་ཆོས།
6 མི་གྲངས།
7 དཔལ་འབྱོར།: 7.1 ཐོན་ལས་དང་པོ།
7.2 ཐོན་ལས་གཉིས་པ།
7.3 ཐོན་ལས་གསུམ་པ།
8 སློབ་གསོའི་ལས་དོན།
9 འཕྲོད་བསྟེན་ལས་དོན།
10 སྤྱི་ཚོགས་འགན་སྲུང་།
11 གཟི་བརྗིད་མཚན་སྙན།

1 ངོ་སྤྲོད།

2 ལོ་རྒྱུས་ཀྱི་འཕེལ་རིམ།

སྤྱི་ལོ1950ལོ་དང་སྤྱི་ལོ1953ལོར་སྔ་རྗེས་སུ་ཞན་དབྱང་དང་ཝེ་ནན་ས་ཁུལ་གྱི་སྲིད་འཛིན་ཀྲོན་ཡོན་ཀུང་ཧྲུའུ་རུ་བསྒྱུར།

སྤྱི་ལོ1956ལོར་ཞིང་ཆེན་གྱི་ཐད་གཏོགས་རྫོང་ཡིན། སྤྱི་ལོ1958ལོའི་ལོ་མཇུག་ཏུ་རྫོང་ཕྱིར་འཐེན་བྱས་ཏེ་ཐུང་ཁྲོན་གྲོང་ཁྱེར་དུ་ཟླ་སྒྲིལ་བཏང་།

སྤྱི་ལོ1961ལོའི་ཟླ8པར་རྫོང་གི་ལམ་ལུགས་སླར་གསོ་བྱས་པ་དང་། ཝེ་ནན་ས་ཁུལ་གྱི་ཀྲོན་ཡོན་ཀུང་ཧྲུའུ་ཡིན།

སྤྱི་ལོ1980ལོའི་ཟླ1པོར་ཐུང་ཁྲོན་གྲོང་ཁྱེར་གྱི་ཁོངས་སུ་གཏོགས་པའི་རྫོང་དུ་བསྒྱུར།

སྤྱི་ལོ2002ལོའི་ཟླ6པའི་ཚེས18ཉིན། རྒྱལ་སྲིད་སྤྱི་ཁྱབ་ཁང་གིས་ཆོག་མཆན་བཀོད་པ་བརྒྱུད་ནས་ཡའོ་རྫོང་ཕྱིར་འཐེན་བྱས་ཏེ་ཐུང་ཁྲོན་གྲོང་ཁྱེར་ཡའོ་ཀྲོའུ་ཁུལ་བཙུགས། དེ་སྔའི་ཡའོ་རྫོང་གི་སྲིད་འཛིན་སྲིད་འཛིན་ས་ཁོངས་དང་། ཆུས་མི་དམངས་སྲིད་གཞུང་ཁྲེང་ཀོན་གྲོང་རྡལ་དུ་བཅའ་སྡོད་བྱས།

3 ས་མཚམས་དབྱེ་འབྱེད་ཀྱི་ད་ལྟའི་གནས་ཚུལ།

སྤྱི་ལོ2018ལོར་ཡའོ་ཀྲོའུ་ཆུས་ཀྱི་མངའ་ཁོངས་སུ་ཁྲོམ་གཞུང6དང་གྲོང་རྡལ8ཡོད། ཡའོ་ཀྲོའུ་ཆུས་མི་དམངས་སྲིད་གཞུང་ནི་ཡུང་ཨན་ལམ་ཁྲོམ་གཞུང་དུ་བཅའ་སྡོད་བྱས་ཡོད།

4 ས་ཁམས་ཁོར་ཡུག

5 ནམ་ཟླའི་ཁྱད་ཆོས།

ཡའོ་ཀྲོའུ་ཆུས་ནི་དྲོད་ཁུལ་སྐམ་སའི་རང་བཞིན་གྱི་བརླན་གཤེར་ཕྱེད་ཐན་གྱི་ནམ་ཟླ་ཡིན་ལ། ལོ་རེར་ཆ་སྙོམས་ཉི་འོད་ཕོག་ཚད2356.6དང་། ལོ་རེར་ཆ་སྙོམས་ཆར་ཆུ་འབབ་ཚད་ཧའོ་སྨི554.5དང་ཆ་སྙོམས་དྲོད་ཚད8.4-12.3℃དང་། ཆ་སྙོམས་སད་མེད་དུས་ཉིན206-228ཡིན།

6 མི་གྲངས།

སྤྱི་ལོ2018ལོའི་ལོ་མཇུག་བར་ཡའོ་ཀྲོའུ་ཆུས་ཀྱི་རྒྱུན་སྡོད་མི་འབོར་ཁྲི23.61ཟིན་པ་དང་། སྐྱེས་ཚད10.30%ཟིན། ཚེ་འདས་ཚད6.04%ཟིན། མི་འབོར་རང་ཤུགས་སུ་འཕར་ཚད4.26%ཟིན། རྒྱུན་སྡོད་མི་འབོར་གྲོང་ཁྱེར་དང་གྲོང་རྡལ་ཅན་དུ་འགྱུར་ཚད46.04%ཟིན། སྤྱི་བདེ་སྡེ་ཚན་གྱིས་བསྡོམས་རྩིས་བྱས་པར་གཞིགས་ན། ལོ་མཇུག་ཏུ་ཆུས་ཡོངས་སུ་དུད་ཚང་ཁྲི7.36ཟིན་པ་དང་ཐེམ་ཐོའི་མི་འབོར་ཁྲི23.1034ཟིན་པའི་ནང་གྲོང་ཁྱེར་དང་གྲོང་རྡལ་གྱི་མི་འབོར53488དང་གྲོང་གསེབ་ཀྱི་མི་འབོར་ཁྲི17.7546ཡོད། ཐེམ་ཐོའི་ནང་སྐྱེས་པ་ཁྲི12.0404ཡོད་པ་དེས52.1%བཟུང་བ་དང་། བུད་མེད་མི་འབོར་ཁྲི11.063ཟིན་པ་དེས47.9%བཟུང་ཡོད།

7 དཔལ་འབྱོར།

སྤྱི་ལོ2018ལོར་ཡའོ་ཀྲོའུ་ཆུས་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར(GDP)སྒོར་དུང་ཕྱུར91.63བྱུང་ནས་བསྡུར་གཞི་ཡོད་པའི་རིན་གོང་ལྟར་བརྩིས་ན6.1%འཕར་ཡོད། དེའི་ནང་ཐོན་ལས་དང་པོའི་འཕར་ཐང་སྒོར་དུང་ཕྱུར11.60ཟིན་ནས3.1%འཕར་བ་དང་། ཐོན་ལས་གཉིས་པའི་འཕར་ཐང་སྒོར་དུང་ཕྱུར43.48ཟིན་ནས4.8%འཕར་ཡོད། ཐོན་ལས་གསུམ་པའི་འཕར་ཐང་སྒོར་དུང་ཕྱུར36.55ཟིན་ནས8.7%འཕར་ཡོད། ཐོན་ལས་གྲུབ་ཆ་ནས་བལྟས་ན། ཐོན་ལས་དང་པོ་དང་། གཉིས་པ། གསུམ་པ་བཅས་ཀྱི་གྲུབ་ཆའི་བསྡུར་ཚད12.6:47.5:39.9ཡིན། མི་རེའི་ཆ་སྙོམས་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་སྒོར38809ཟིན་ཡོད། ལོ་མཇུག་ཏུ་ཆུས་ཡོངས་སུ་རིགས་ཁག་གི་ཁྲིམས་མིའི་ལས་ཁུངས3586དང་ཐོན་ལས་བྱེད་སྒོའི་ལས་ཁུངས420ཡོད། ཆུས་ཡོངས་ཀྱི་བཟོ་ཚོང་ཐོ་འགོད་ཀྱི་སྒེར་གཉེར་ཁེ་ལས2602ཡོད། དེའི་ནང་གྲོང་ཁྱེར་དང་གྲོང་རྡལ་གྱི་དུད་ཚང1428དང་། ཁེར་རྐྱང་བཟོ་ཚོང་དུད་ཚང18088ཡོད་པའི་ནང་གྲོང་ཁྱེར་དང་གྲོང་རྡལ་གྱི་དུད་ཚང16508དང་།ཆུས་ཡོངས་ཀྱི་སྤྱི་དབང་མིན་པའི་ལམ་ལུགས་ཀྱི་དཔལ་འབྱོར་རིན་ཐང་འཕར་མ་སྒོར་དུང་ཕྱུར48.76ཟིན་པ་དེས་ཐོན་སྐྱེད་རིན་ཐང་བསྡོམས་འབོར་གྱི་བསྡུར་ཚད་ཀྱི53.2%བཟུང་ཡོད།

7_1 ཐོན་ལས་དང་པོ།

སྤྱི་ལོ2018ལོར་ཡའོ་ཀྲོའུ་ཆུས་ཀྱི་ཞིང་ནགས་འབྲོག་ཉ་བཅས་ཀྱི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར20.83ཟིན་པ་དེ་དུས་མཚུངས་སུ3.3%འཕར་ཡོད། དེའི་ནང་ཞིང་ལས་ཀྱི་ཐོན་རྫས་རིན་ཐང་སྒོར་དུང་ཕྱུར15.9525ཟིན་པ་དང་། ནགས་ལས་ཐོན་སྐྱེད་རིན་ཐང་སྒོར་ཁྲི3704ཟིན། འབྲོག་ལས་ཐོན་སྐྱེད་རིན་ཐང་སྒོར་དུང་ཕྱུར་3.5405ཟིན། ཉ་ལས་ཐོན་སྐྱེད་རིན་ཐང་སྒོར་ཁྲི1324ཟིན། ཞིང་ནགས་འབྲོག་ཉ་བཅས་ཞབས་ཞུའི་ལས་རིགས་ཀྱི་ཐོན་རྫས་རིན་ཐང་སྒོར་ཁྲི8314བཅས་ཟིན་ཡོད། ལོ་ཧྲིལ་པོར་ཆུ་གྲོན་ཆུང་གིས་ཞིང་ཆུ་མུའུ4500བཏང་ནས་གཞི་རྩའི་ཞིང་ཁ་མུའུ500བསྐྲུན་ཡོད། བདེ་འཇགས་འཐུང་ཆུའི་ལས་གྲྭ་ཁག62ལེགས་གྲུབ་བྱུང་ནས་གྲོང་གསེབ་ཀྱི་མི87444ཡི་བདེ་འཇགས་འཐུང་ཆུའི་གནད་དོན་ཐག་གཅོད་བྱས་པའི་ནང་མི་འབོར་དབུལ་པོ12351ཡོད།

7_2 ཐོན་ལས་གཉིས་པ།

སྤྱི་ལོ2018ལོར་ཡའོ་ཀྲོའུ་ཆུས་ཀྱི་གཞི་ཁྱོན་ཡན་གྱི་བཟོ་ལས་ཐོན་རྫས་རིན་ཐང་བསྡོམས་འབོར་སྒོར་དུང་ཕྱུར107.99ཟིན་པ་དང་གཞི་ཁྱོན་ཡན་གྱི་བཟོ་ལས་ཀྱི་རིན་ཐང་འཕར་མ་སྒོར་དུང་ཕྱུར32.18ཟིན་པ་དེ་དུས་མཚུངས་སུ4.3%འཕར་ཡོད། གཞི་ཁྱོན་ཡན་གྱི་བཟོ་ལས་ཁེ་ལས་ཁྲོད་གཞུང་ཁོངས་བཟོ་ལས་ཀྱི་ཐོན་རྫས་རིན་ཐང་སྒོར་དུང་ཕྱུར21.59ཟིན་པ་དེ་དུས་མཚུངས་སུ21.4%འཕར་བ་དང་། མ་རྐང་ལམ་ལུགས་ཀྱི་བཟོ་ལས་ཐོན་རྫས་རིན་ཐང་སྒོར་དུང་ཕྱུར78,48ལེགས་གྲུབ་བྱུང་བ་དེ་དུས་མཚུངས་སུ21.9%མར་ཆག་ཡོད། ཡང་བའི་བཟོ་ལས་དང་ལྕི་བའི་བཟོ་ལས་ཀྱི་ཆ་ནས་བལྟས་ན། ཡང་བའི་བཟོ་ལས41.3%མར་ཆག་པ་དང་། ལྕི་བའི་བཟོ་ལས15.48%མར་ཆག་ཡོད། རྡོ་སོལ་དང་འཛུགས་སྐྲུན་རྒྱུ་ཆ་བཟོ་ལས་ཀྱི་སྤྱིའི་ཐོན་རྫས་རིན་ཐང་སྒོར་དུང་ཕྱུར71.34ལེགས་གྲུབ་བྱུང་བ་དེས་གཞི་ཁྱོན་ཡན་གྱི་བཟོ་ལས་ཀྱི་སྤྱིའི་ཐོན་རྫས་རིན་ཐང་གི66.1%བཟུང་བ་དེ་སྤྱི་ལོ2017ལོའི་དུས་མཚུངས་སུ6.1%འཕར་ཡོད། ལོ་ཧྲིལ་པོར་གཞི་ཁྱོན་ཡན་གྱི་བཟོ་ལས་ཁེ་ལས6གསར་འཕར་བྱུང་ནས་གཞི་ཁྱོན་ཆེ་བའི་བཟོ་ལས0.5%འཕར་ཡོད། བསྡོམས་རྩིས་བྱས་པའི་ཐོན་རྫས་གཙོ་བོ22ཁྲོད་ཐོན་རྫས་སྣ་ཁ5ཡི་ཐོན་འབོར་མུ་མཐུད་དུ་འཕར་བའི་ནང་མ་བཅོས་རྡོ་སོལ་ཐོན་ཚད་ཏུན་ཁྲི1030ཟིན་པ་དེ་དུས་མཚུངས་སུ4.0%འཕར་བ་དང་ཨར་འདམ་ཐོན་ཚད་ཏུན་ཁྲི619ཟིན་ནས་དུས་མཚུངས་སུ10%མར་ཆག་པ་དང་། རྒྱུ་ཆའི་ཐོན་འབོར་ཏུན་ཁྲི531ཟིན་པ་དེ་དུས་མཚུངས་སུ20.5%འཕར་ཡོད། ཚད་ལོན་ཡན་གྱི་བཟོ་ལས་ཁེ་ལས་ཀྱི་ཁེ་སྤོགས་བསྡོམས་འབོར་སྒོར་དུང་ཕྱུར1.65ཟིན་པ་དེ་དུས་མཚུངས་སུ28.2%མར་ཆག་ཡོད། ཁྲལ་དངུལ་བསྡོམས་འབོར་སྒོར་དུང་ཕྱུར4.84ཟིན་པ་དེ་དུས་མཚུངས་སུ36.7%འཕར་བའི་ནང་གཞུང་ཁོངས་མ་རྐང་ཚོད་འཛིན་བཟོ་ལས་ཁེ་ལས་ཀྱི་གྱོང་གུན་སྒོར་དུང་ཕྱུར1.6ཟིན་ནས་ཁྲལ་དངུལ་སྒོར་དུང་ཕྱུར2.0ཟིན་པ་དེ་དུས་མཚུངས་སུ106.7%མར་ཆག་པ་དེས་གཞི་ཁྱོན་ཡན་གྱི་བཟོ་ལས་ཁྲལ་དངུལ་བསྡོམས་འབོར་གྱི41.3%བཟུང་ཡོད། གཞི་ཁྱོན་ཡན་གྱི་བཟོ་ལས་ཁེ་ལས་ལ་ཁེ་སྤོགས་སྒོར་དུང་ཕྱུར་6,95བྱུང་བ་དེ་དུས་མཚུངས་སུ30.6%འཕར་ཡོད། ལོ་ཧྲིལ་པོར་བཟོ་ལས་ཁེ་ལས་ཀྱི་དཔལ་འབྱོར་ཕན་འབྲས་ཕྱོགས་བསྡུས་སྟོན་གྲངས270%ཟིན་པ་དང་ལས་བཟོ་ཡོངས་ཀྱི་ངལ་རྩོལ་ཐོན་སྐྱེད་བྱེད་ཚད་མི་རེར་སྒོར་ཁྲི35.69ཟིན་པ་དེ་དུས་མཚུངས་སུ14.4%མར་ཆག་ཡོད།

7_3 ཐོན་ལས་གསུམ་པ།

སྤྱི་ལོ2018ལོར་ཡའོ་ཀྲོའུ་ཆུས་སུ་སྤྱི་ཚོགས་ཀྱི་འཛད་རྫས་སིལ་ཚོང་བསྡོམས་འབོར་སྒོར་དུང་ཕྱུར33.1ཟིན་ནས11.2%འཕར་ཡོད། ཁེ་ལས་གཞི་ཁྱོན་ལ་གཞིགས་ནས་དབྱེ་ན། བཅད་གྲངས་ཡན་གྱི་ཁེ་ལས་ལ་སིལ་ཚོང་བྱེད་ཚད་སྒོར་དུང་ཕྱུར10.4ཟིན་པ་དེ་དུས་མཚུངས་སུ16.7%འཕར་བ་དེས་སྤྱི་ཚོགས་ཡོངས་ཀྱི་འཛད་རྫས་སིལ་ཚོང་བྱེད་ཚད་ཀྱི31.3%བཟུང་བ་དང་། བཅད་གྲངས་མན་གྱི་ཚོང་དོན་ཁེ་ལས་ལ་སིལ་ཚོང་བྱེད་ཚད་སྒོར་དུང་ཕྱུར22.7ཟིན་པ་དེ་དུས་མཚུངས་སུ8.9%འཕར་བ་དེས་སྤྱི་ཚོགས་ཡོངས་ཀྱི་འཛད་རྫས་སིལ་ཚོང་བྱེད་ཚད་ཀྱི68.7%བཟུང་ཡོད། གྲོང་ཁྱེར་དང་གྲོང་གསེབ་དབྱེ་ནས་བལྟས་ན། གྲོང་ཁྱེར་གྱི་སིལ་ཚོང་དངུལ་འབོར་སྒོར་དུང་ཕྱུར25.4ཟིན་ནས0.7%འཕར་བ་དང་། གྲོང་གསེབ་ཏུ་སིལ་ཚོང་བྱེད་ཚད་སྒོར་དུང་ཕྱུར7.7ཟིན་ནས12.8%འཕར་ཡོད། ལས་རིགས་ལ་དབྱེ་ནས་བལྟས་ན། སྡེབ་ཚོང་སིལ་ཚོང་ལས་རིགས་ཀྱི་སིལ་ཚོང་དངུལ་འབོར་སྒོར་དུང་ཕྱུར26.3ཟིན་ནས11.2%འཕར་བ་དང་། ཞག་སྡོད་བཟའ་བཏུང་ལས་རིགས་ཀྱི་སིལ་ཚོང་དངུལ་འབོར་སྒོར་དུང་ཕྱུར6.8ཟིན་ནས11.2%འཕར་ཡོད།

8 སློབ་གསོའི་ལས་དོན།

སྤྱི་ལོ2018ལོའི་ལོ་མཇུག་བར་ཡའོ་ཀྲོའུ་ཆུས་ལ་རིགས་ཁག་གི་སློབ་གྲྭ་དང་སློབ་ཁྲིད་ས་ཚིགས48དང་། སློབ་གྲྭ་ཆུང་འབྲིང་གི་སློབ་གྲྭར་ཡོད་པའི་སློབ་མ19590སློབ་གྲྭ་ཆུང་འབྲིང་གི་དགེ་རྒན་དང་ལས་བཟོ་བ2204ཆེད་བསྐོས་དགེ་རྒན1947བཅས་ཡོད། སློབ་ཞུགས་གོང་གི་ལོ་གསུམ་ནང་བྱིས་སྐྱོང་ཁང་དུ་ཞུགས་ཚད98.09%ཟིན་ཡོད། སློབ་འབྲིང་སློབ་མ་དཀྱུས་མ8476ཡོད་པའི་ནང་མཐོ་རིམ་སློབ་འབྲིང་དུ་སློབ་སྦྱོང་བྱེད་བཞིན་པའི་སློབ་མ3332དང་དམའ་རིམ་སློབ་འབྲིང་དུ་སློབ་སྦྱོང་བྱེད་བཞིན་པའི་སློབ་མ5144ཡོད། དམའ་རིམ་སློབ་འབྲིང་གི་སློབ་ཐོན་སློབ་མ1836དང་མཐོ་རིམ་སློབ་འབྲིང་གི་སློབ་ཐོན་སློབ་མ1147ཡོད། འབྲིང་རྒྱུགས་ནང་ཞུགས་མཁན་མི་གྲངས1696ཡོད། ཡའོ་ཀྲོའུ་ཡི་མཐོ་རྒྱུགས་ནང་ཞུགས་མཁན་སློབ་མ815ཟིན།

9 འཕྲོད་བསྟེན་ལས་དོན།

སྤྱི་ལོ2018ལོའི་ལོ་མཇུག་བར་ཡའོ་ཀྲོའུ་ཆུས་སུ་རིགས་ཁག་གི་འཕྲོད་བསྟེན་སྒྲིག་གཞི27ཡོད་པའི་ནང་སྨན་ཁང10དང་། གྲོང་ཚོ་འཕྲོད་བསྟེན་ཁང་དང་སྡེ་ཁུལ་འཕྲོད་བསྟེན་ཞབས་ཞུའི་སྒྲིག་གཞི13འཕྲོད་བསྟེན་ལྟ་སྐུལ་སྒྲིག་གཞི1རིམས་ནད་སྔོན་འགོག་ཚོད་འཛིན་ལྟེ་གནས1བུད་མེད་དང་ཕྲུ་གུའི་འཕྲོད་སྦྱོར་སྒྲིག་གཞི1མཉམ་བཅོས་སྨན་བཅོས1བཅས་ཡོད། འཕྲོད་བསྟེན་སྒྲིག་གཞི་ཁག་ལ་ནད་ཁྲི1338ཡོད་པ་དང་། འཕྲོད་བསྟེན་ལག་རྩལ་མི་སྣ་ཁྱོན1727ཡོད་པའི་ནང་ལས་གཉེར་སྨན་པ་དཀའ་བཅུ་པ477དང་སྨན་གཡོག813ཐོ་འགོད་བྱས་ཡོད། ཆུས་ཡོངས་ཀྱི་གྲོང་གསེབ་ཀྱི་མཉམ་ལས་སྨན་བཅོས་བྱེད་ལམ་གསར་པའི་མ་དངུལ་ཚད་གཞི་མི་རེར་སྒོར690བར་མཐོ་རུ་བཏང་བ་དེ་ལོ་གོང་མ་ལས་སྒོར60མཐོ་རུ་ཕྱིན་པ་དང་མཉམ་ལས་སྨན་བཅོས་ནང་ཞུགས་མཁན་མི་གྲངས232832ཟིན་ཡོད།

10 སྤྱི་ཚོགས་འགན་སྲུང་།

སྤྱི་ལོ2018ལོའི་ལོ་མཇུག་བར་ཡའོ་ཀྲོའུ་ཆུས་ཀྱི་གྲོང་ཁྱེར་དང་གྲོང་གསེབ་ཀྱི་ཡུལ་མིའི་རྒན་གསོའི་འགན་བཅོལ་ནང་ཞུགས་མཁན་མི་གྲངས་ཁྲི11.85དང་། གྲོང་ཁྱེར་དང་གྲོང་རྡལ་གྱི་གྲོང་མིའི་གཞི་རྩའི་སྨན་བཅོས་འགན་བཅོལ་ནང་ཞུགས་མཁན་མི་གྲངས་ཁྲི2.3ལས་ཤོར་འགན་བཅོལ་ནང་ཞུགས་མཁན་མི་གྲངས10308བུ་བཙའི་འགན་བཅོལ་ནང་ཞུགས་མཁན་མི་གྲངས8379ལས་རྨས་འགན་བཅོལ་ནང་ཞུགས་མཁན་མི་གྲངས12996བཅས་ཡོད། ལོ་ཧྲིལ་པོར་གྲོང་ཁྱེར་དང་གྲོང་རྡལ་གྱི་ལས་ཞུགས་མི་སྣ2735གསར་འཕར་བྱུང་བ་དང་གྲོང་ཁྱེར་དང་གྲོང་རྡལ་གྱི་ལས་ཤོར་ཐོ་འགོད་བྱེད་ཚད3.21%ཟིན།

11 གཟི་བརྗིད་མཚན་སྙན།

སྤྱི་ལོ2019ལོའི་ཟླ2པའི་ཚེས2ཉིན་ཡའོ་ཀྲོའུ་ཆུས་རྒྱལ་ཁབ་ཀྲུང་ལུགས་གསོ་རིག་དོ་དམ་ཅུའུ་ཡིས་རྫོང་རིམ་པའི་རྒྱལ་ཡོངས་གཞི་རིམ་ཀྲུང་ལུགས་གསོ་རིག་ལས་དོན་གྱི་སྔོན་ཐོན་ཚན་པར་བདམས།

སྤྱི་ལོ2019ལོའི་ཟླ3པར་ཆུ་བེད་པུའུ་ཡིས་ཆུ་གྲོན་ཆུང་རྣམ་པའི་སྤྱི་ཚོགས་འཛུགས་སྐྲུན་གྱི་ཚད་ལོན་རྫོང(ཆུས)རིམ་པ་དང་པོ་ནང་བདམས།

སྤྱི་ལོ2019ལོའི་ཟླ3པར་རིམ་པ་དང་པོའི་གསར་བརྗེའི་རིག་དངོས་སྲུང་སྐྱོང་བེད་སྤྱོད་གློག་བརྙན་དབྱེ་འབྱེད་རྫོང་གི་མིང་ཐོར་བདམས།

དཔྱད་གཞིའི་ཡིག་ཆ།

1 པའེ་ཏུའུ་རིག་མཛོད། 2020-02-28

བརྡ་འགྲེལ་གདོང་འཛར།

ས་ཁོངས། ཧྲའན་ཞི། ཡའོ་ཀྲོའུ་ཆུས།