ཀྲང་ཙི་རྫོང་།སྔ་མའི་པར་གཞི་དེ ཡུན་དུང་སྐྱབས་རྒྱལ། ནས 2020-03-25 10:43ལ་འགྲུབ།
ཀྲང་ཙི་རྫོང་།
ཀྲང་ཙི་རྫོང་།
ཀྲང་ཙི་རྫོང་ནི་ཧྲན་ཞི་ཞིང་ཆེན་གྱི་ཁྲང་ཀྲི་གྲོང་ཁྱེར་གྱི་ཁོངས་སུ་གཏོགས་ཤིང་ཧྲན་ཞི་ཞིང་ཆེན་གྱི་ཤར་ལྷོའི་མཚམས་སུ་གནས་ལ་རྫོང་ཡོངས་ཀྱི་སྤྱིའི་རྒྱ་ཁྱོན་སྤྱི་ལེ་གྲུ་བཞི་མ1029ཡོད། སྤྱི་ལོ2018ལོའི་བར་ཁྲང་ཙི་རྫོང་ཁོངས་སུ་གྲོང་རྡལ7དང་ཡུལ་ཚོ5ཡོད།
གཞི་རྩའི་གནས་ཚུལ།
རྒྱ་ཡིག་གི་མིང་།
长子县
རྒྱ་ཁྱོན།
1029
དབྱིན་ཡིག་གི་མིང་།
Zhangzi County
མི་གྲངས།
36.6
སྲིད་འཛིན་ས་ཁོངས་ཀྱི་རིགས་དབྱེ།
རྫོང་རིམ་པ།
ནམ་ཟླ།
དྲོད་ཁུལ་ཕྱེད་ཙམ་དང་བརརླན་གཤེར་རང་བཞིན་གྱི་དུས་རླུང་ནམ་ཟླ།
ཁོངས་གཏོགས་ས་ཁུལ།
ཀྲུང་གོ། ཧྲན་ཞི། ཁྲང་ཀྲི་གྲོང་ཁྱེར།
ས་ཁོངས་ཁ་པར་ཨང་རྟགས།
0355
སྦྲག་སྲིད་ཨང་རྟགས།
046600
རླངས་འཁོར་ཚབ་ཨང་།
ཅིནD(晋D)
དཀར་ཆག
1
སྲིད་འཛིན་ས་ཁུལ་དབྱེ་ཚུལ།
སྤྱི་ལོ1984ལོར་སོ་སོར་ཕྱེ་ནས་ཡུལ་ཚོ(གྲོང་རྡལ)གྲོང་ཚོའི་ལམ་ལུགས་ལག་བསྟར་བྱས། རྫོང་ཡོངས་སུ་ཀུང་ཧྲེ23དེ་གྲོང་རྡལ5དང་ཡུལ་ཚོ18དུ་བསྒྱུར་ཡོད་དེ། ཁྲེང་ཀོན་གྲོང་རྡལ་དང་། པའོ་ཏེན་གྲོང་རྡལ། ཏུང་ཐེན་ལིའང་གྲོང་རྡལ། སེ་ཐོའུ་གྲོང་རྡལ། ཧྲི་ཀྲི་གྲོང་རྡལ། ཀུའུ་ཚུན་ཡུལ་ཚོ་དང་། སུང་ཚུན་ཡུལ་ཚོ། ནན་ཀྲང་ཏན་ཡུལ་ཚོ། ནན་ཁྲང་ཡུལ་ཚོ། ལན་ཧྲུའེ་ཡུལ་ཚོ། ཚའོ་ཧྥང་ཡུལ་ཚོ། ཉན་ཀྲང་ཡུལ་ཚོ། ཁྲང་ཀྲང་ཡུལ་ཚོ། པི་ཚུན་ཡུལ་ཚོ། གཡོད་དབྱང་ཡུལ་ཚོ། ཝང་ཡུས་ཡུལ་ཚོ། ཧེང་ཧྲུའེ་ཡུལ་ཚོ། ཅིན་དབྱི་ཡུལ་ཚོ། ཤིས་པའོ་ཐོའུ་ཡུལ་ཚོ། ཏ་པའོ་ཐོའུ་ཡུལ་ཚོ། ནན་ཁྲེང་ཡུལ་ཚོ། ནན་ཀུའོ་གྲོང་ཚོ་ཡུལ་ཚོ། དེ་སྔའི་ཀུང་ཧྲེའི་ཁོངས་གཏོགས་ཀྱི་ཐོན་སྐྱེད་རུ་ཆེན399སྲིད་འཛིན་གྲོང་ཚོར་བསྒྱུར་བ་དང་སྲིད་འཛིན་གྲོང་ཚོར་ཁོངས་གཏོགས་ཀྱི་རང་བྱུང་གྲོང་ཚོ790ཡོད་པ་རེད། ཡུལ་ཚོ་དང་གྲོང་རྡལ་ཁོངས་གཏོགས་ཀྱི་འབྲེལ་བ་ནི་སྔར་བཞིན་དེ་སྔའི་མི་དམངས་ཀུང་ཧྲེའི་དུས་སྐབས་ཀྱི་སྲིད་འཛིན་ས་ཁོངས་ལྟར་དབྱེ། སྤྱི་ལོ2018ལོ་བར་ཁྲང་ཙེ་རྫོང་ཁོངས་སུ་གྲོང་རྡལ7དང་ཡུལ་ཚོ5ཡོད་པ་དང་རྫོང་སྲིད་གཞུང་གིས་ཏན་ཀྲུའུ་གྲོང་རྡལ་དུ་བཅའ་སྡོད་བྱས་ཡོད།
2
ས་ཁམས་ཁོར་ཡུག
2_1
གནས་ཡུལ།
ཀྲང་ཙི་རྫོང་ནི་ཧྲན་ཞི་ཞིང་ཆེན་གྱི་ཤར་ལྷོའི་ཕྱོགས་སུ་ཆགས་ཡོད་པ་དང་ཧྲང་ཏང་གཞོང་སའི་ལྷོ་ནུབ་ངོས་སུ་ཆགས་ཡོད། བྱང་གི་འཕྲེད་ཐིག35°53′~36°15′བར་དང་ཤར་གྱི་གཞུང་ཐིག112°27′~113°00′བར་དུ་གནས་ཡོད། ཤར་ནུབ་ཀྱི་བར་ཐག་རིང་ཚད་ལ་སྤྱི་ལེ65ཙམ་ཡོད་པ་དང་། ལྷོ་བྱང་གི་ཞེང་ཚད་ཆེ་ཤོས་ནི་ལྷོ་སྣེ་སེ་ཐོའུ་གྲོང་རྡལ་ཀྲོང་ལི་གྲོང་ཚོའི་ནན་ཀོའུ་ནས་བྱང་སྣེའི་པའོ་ཏན་གྲོང་རྡལ་པེ་དབྱིང་གྲོང་ཚོ་བར་ཞེང་ཚད་སྤྱི་ལེ37.5ཙམ་དང་། སྤྱིའི་རྒྱ་ཁྱོན་སྤྱི་ལེ་གྲུ་བཞི་མ1029ཡོད་པ་དེས་ཞིང་ཆེན་ཡོངས་ཀྱི་སྤྱིའི་རྒྱ་ཁྱོན་གྱི0.2%བཟུང་བ་དང་ཁྲང་ཀྲི་གྲོང་ཁྱེར་གྱི་སྤྱིའི་རྒྱ་ཁྱོན་གྱི7.4%བཟུང་ཡོད།
2_2
ས་དབྱིབས།
ཀྲང་ཙི་རྫོང་ནི་ས་སེར་མཐོ་སྒང་གི་ཁུལ་ཡིན་པ་དང་ཐའེ་ཡུའེ་རི་བོའི་རི་རྒྱུད་ཡར་ཕྱོགས་ཏང་གི་གཤོངས་སའི་བར་བརྒལ་ས་རྒྱུད་དུ་གནས་ཡོད། དུས་ཡུན་རིང་པོའི་ནང་ས་ཤུན་འགུལ་སྐྱོད་དང་ཕྱི་ནང་གི་ཤུགས་ཀྱི་ཕྱོགས་བསྡུས་ནུས་པའི་དབང་གིས་ས་ངོས་ཀྱི་རྣམ་པ་སྣ་མང་རྙོག་འཛིང་ཆེ་བ་དང་མཚོ་ངོས་ཀྱི་མཐོ་ཚད་ཧེ་བག་མངོན་གསལ་ཆེ་བའི་ས་དབྱིབས་ཀྱི་ཁྱད་ཆོས་ཤིག་གྲུབ་ཡོད། ནང་ཤུགས་ཀྱི་ནུས་པའི་ཤུགས་རྐྱེན་འོག་ས་བབ་ནུབ་ངོས་མཐོ་ལ་ཤར་ངོས་དམའ་ཞིང་། ཐའེ་ཡུའེ་རི་རྒྱུད་དེད་ནས་ནུབ་ངོས་ནས་ཤར་ཕྱོགས་སུ་གསེག་ཡོད། རྫོང་གི་ནུབ་ཁུལ་གྱི་རི་མཐོ་གཡང་གཟར་དང་རི་བོའི་མུ་འབྲེལ་རི་བོ་ཡོད། ཀྲང་ཙི་རྫོང་གི་མངའ་ཁོངས་ནང་གི་རི་རྒྱུད་གཙོ་བོ་ནི་ཅིན་ཧྲན་རི་བོ་ནས་བྱུང་བ་དང་གྱ་གྱུ་ངང་ལྷོ་བྱང་དུ་ཆགས་ཤིང་། ཝའོ་ལུང་གི་རྟ་དང་འདྲ་བར་རང་བྱུང་སྲུང་ཡོལ་ཞིག་ཏུ་གྱུར་པ་དང་ཧྥང་ཧྲན་རི་བོ་དང་། བྱང་ཕྱོགས་སུ་རི་བོའི་རྩེ་མོར་བསྲིངས་པ་རེད། ཆིན་ཧྲུའེ། ཨན་ཙེ་བཅས་རྫོང་གསུམ་གྱི་དབྱེ་མཚམས་ཏེ་ཨན་ཐའེ་ཧྲན་རི་བོ་ཡིན་པ་དང་དེ་ནས་ཤར་ཕྱོགས་སུ་ཆིན་ཧྲུའེ། ཀའོ་ཕིང་བཅས་ཀྱི་ས་མཚམས་རི་བོ་ཡིན། ཤར་ཕྱོགས་སུ་རྫོང་ཁོངས་ཀྱི་ཤར་ལྷོའི་རྒྱུད་དང་ཀའོ་ཕིང་། ཁྲང་ཀྲི་རྫོང་གི་འབྲེལ་མཚམས་བཅས་སུ་རི་བོ་ཡོད་ཅིང་རི་རྒྱུད་གཙོ་བོའི་ཁྲོད་ནས་ཡན་ལག་བཅུ་ལྷག་ཡོད། རྩ་ལམ་དང་ཆུ་ལག་གི་རི་ཁུག་ཏུ་ཆུ་མིག་མང་པོ་བཞུར་བྱུང་ཞིང་། ཆུ་མིག་དེ་དག་རིམ་བཞིན་ཏན་ཧོ་གཙང་པོ་དང་ནོ་ཀྲང་ཆུ་བོ། གཡུང་ཧོ་ཆུ་བོ། ལན་ཧོ་གཙང་པོ་བཅས་སུ་འདུས་ཤིང་ལྷོ་བྱང་དུ་བསྒྲིགས་ནས་ནུབ་ནས་ཤར་དུ་འབབ་པ་དང་། ད་དུང་ཝང་ཚུན་ཧོ་གཙང་པོ་དང་ཧེང་ཧྲུའེ་ཆུ་བོའི་ཤར་ནས་ནུབ་ཏུ་བཞུར་ནས་ཆིན་ཧོ་གཙང་པོར་བཞུར་ཏེ་མཐར་རྨ་ཆུར་སླེབས་པ་རེད། དབུས་རྒྱུད་དང་། ཤར་རྒྱུད། བྱང་རྒྱུད་བཅས་སུ་ནུབ་པ་དང་བདེ་ཐང་གི་ས་རྒྱུད་དུ་རི་མ་ཐང་དང་གྲོག་རོང་། བདེ་ཐང་སོགས་ས་བབ་ཀྱི་རིགས་དབྱིབས་ཆེན་པོ་ཐོན་ཡོད། ཕྱི་གཉེར་ནུས་པའི་ཤུགས་རྐྱེན་འོག་རི་རྒྱུད་དང་ས་དེའུ་འབུར་སྟེང་གི་དངོས་རྫས་སོ་སོར་ཕྱེས་ཤིང་། གྲོག་རོང་གཞོང་ས་རུ་རིམ་བཞིན་སྙོམས་པར་བྱས་ནས་ཆག་ཧྲུལ་རྙོག་འཛིང་ཆེ་བའི་ས་དབྱིབས་བཟོས་ཡོད་ལ་མཐོ་ཚད་ལ་གཞིགས་ནས་རྫོང་ཡོངས་སུ་ཕིང་ཁྲོན་དང་རི་མ་ཐང་། རི་བོ་བཅས་རིགས་གསུམ་གྱི་ས་དབྱིབས་ཁུལ་དུ་དབྱེ་ཆོག
2_3
ནམ་ཟླ།
ཀྲང་ཙི་རྫོང་ནི་དྲོད་ཁུལ་སྐམ་སའི་རང་བཞིན་གྱི་དུས་རླུང་ནམ་ཟླའི་ཁོངས་ཡིན་པ་དང་། དྲོད་གྲང་མཁའ་རླུང་གི་སྟོབས་ཤུགས་རེས་མོས་ཀྱིས་ཤུགས་རྐྱེན་ཐེབས་ནས་དུས་བཞི་གསལ་བ་དང་གནམ་གཤིས་དྲོ་འཇམ་ལྡན་ཞིང་ཆར་ཆུ་མང་ལ་ཚ་བ་ཆེ། དུས་ཚིགས་ཀྱི་རླུང་ཤུགས་ཆེ་བ་བཅས་ཡིན། དཔྱིད་དུས་སྐམ་ཤས་ཆེ་ལ་རླུང་ཤུགས་ཆེ་ཞིང་ལོ་བཅུ་ལ་ཐན་པ་ཆེ། དབྱར་དུས་ཚ་བ་ཆེ་བ་དང་ཆར་ཆུ་མང་ཞིང་ཆར་བ་མི་སྙོམས། སྟོན་དུས་བསིལ་ཞིང་ཆར་བ་ཅུང་མང་། དགུན་དུས་གྲང་ངར་ཆེ་བས་གངས་ཆར་ཉུང་ཞིང་ས་བབ་རྙོག་འཛིང་ཆེ་བ་དང་ཧེ་བག་ཆེ་བའི་དབང་གིས་ས་ཁོངས་ཀྱི་གནམ་གཤིས་དྲང་འཕྱང་གི་འགྱུར་ལྡོག་མངོན་གསལ་དོད་པ་དང་། ཧོ་ཁྲོན་ལྷོ་ངོས་དང་སུང་གྲོང་ཚོ། ཁྲེང་ཀོན་རྒྱུད་ཀྱི་ས་ཁུལ་བཅས་སུ་དཔྱིད་དུས་སུ་སླེབས་པ་དང་ལྕང་མའི་མྱུ་གུ་འབུས་སྐབས་འཕྲེད་ཐིག་གི་ཏུའུ་གྲངས་མཐོ་ལ་ཝང་ཡུས་ཡུལ་ཚོའི་མཐོ་གྲང་རི་ཁུལ་ནི་དགུན་ཁའི་ནམ་ཟླའི་ཁོངས་སུ་གཏོགས་པ་དང་སྔ་གཞུག་ལ་ཉིན15~20བར་ཡོད།
3
མི་གྲངས།
སྤྱི་ལོ2018ལོའི་ལོ་མཇུག་བར་ཀྲང་ཙི་རྫོང་གི་མི་འབོར་བསྡོམས་འབོར366459ཟིན་པ་དེ་ལོ་སྔོན་མའི་ལོ་མཇུག་ལས་མི1832འཕར་ཡོད་ལ། ཕོ་མོའི་བསྡུར་ཚད་ནི(བུད་མེད=100)102.88ཡིན། གྲོང་ཁྱེར་དང་གྲོང་རྡལ་གྱི་མི་འབོར་བསྡུར་ཚད36%ཟིན་ནས་ལོ་སྔོན་མ་ལས་བརྒྱ་ཆའི་གྲངས3.5འཕར་ཡོད། ལོ་ཧྲིལ་པོར་རྫོང་ཡོངས་ཀྱི་གསར་སྐྱེས་མི་འབོར3545ཡོད་པ་དང་མི་འབོར་སྐྱེ་ཚད9.7དང་ཚེ་ལས་འདས་ཚད4.69ཟིན་སན་རང་བྱུང་འཕར་ཚད5.01སྟོང་ཆའི5ཡིན།
4
དཔལ་འབྱོར།
སྤྱི་ལོ2018ལོར་ཀྲང་ཙི་རྫོང་གི་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་སྒོར་ཁྲི1637400ཟིན་པ་དེ་སྤྱི་ལོ2017ལོ་ལས8.2%འཕར་ཡོད་ལ། དེའི་ནང་ཐོན་ལས་དང་པོའི་འཕར་ཐང་སྒོར་ཁྲི132451ཟིན་ནས1.4%འཕར་བ་དང་ཐོན་ལས་གཉིས་པའི་འཕར་ཐང་སྒོར་ཁྲི1102103ཟིན་ནས8.1%འཕར། ཐོན་ལས་གསུམ་པའི་འཕར་ཐང་སྒོར་ཁྲི402846ཟིན་ནས10.4%འཕར་ཡོད། ཐོན་ལས་གསུམ་པས་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་ནང་བཟུང་བའི་བསྡུར་ཚད་དེ་ལོ་གོང་མའི8.1:67.4:24.5ནས8.1:67.3:24.6བར་ལེགས་སྒྲིག་བྱས་ཡོད། མི་རེའི་ཆ་སྙོམས་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་སྒོར44682ཟིན་ཡོད། སྤྱི་ལོ2018ལོར་ཀྲང་ཙི་རྫོང་གི་ནོར་སྲིད་ཀྱི་སྤྱིའི་ཡོང་འབབ་སྒོར་ཁྲི433980ཟིན་པ་དེ་ལོ་སྔོན་མ་ལས7.3%དང་ཡོང་འབབ་སྒོར་ཁྲི133238ཟིན་ནས10.97%འཕར་ཡོད། ཁྲལ་བསྡུའི་ཡོང་འབབ་སྒོར་ཁྲི110669ཟིན་ནས7.5%འཕར་ཡོད་ལ། དེའི་ནང་རྒྱལ་ནང་གི་གནས་ཐང་འཕར་ཁྲལ་དང་ལས་གཉེར་དཔྱ་ཁྲལ། ཁེ་ལས་ཀྱི་ཐོབ་ཁྲལ། སྒེར་འབབ་དཔྱ་ཁྲལ། ཐོན་ཁུངས་དཔྱ་ཁྲལ། གྲོང་ཁྱེར་སྲུང་སྐྱོང་འཛུགས་སྐྲུན་བཅས་ཀྱི་ཁྲལ་འབབ་ཁྱོན་སྒོར་ཁྲི102842ཟིན་ནས8.6%འཕར་ཡོད། སྤྱི་པའི་ནོར་སྲིད་སྔོན་རྩིས་གཏོང་སྒོ་སྒོར་ཁྲི271249ཟིན་ནས49.4%འཕར་ཡོད་ལ། དེའི་ནང་སློབ་གསོ་དང་སྨན་བཅོས་འཕྲོད་བསྟེན། སྤྱི་ཚོགས་འགན་སྲུང་དང་ལས་ཞུགས། སྡོད་ཁང་འགན་ལེན། སྤྱི་པའི་འགྲིམ་འགྲུལ་སྐྱེལ་འདྲེན། ནུས་རྒྱུ་གྲོན་ཆུང་དང་ཁོར་ཡུག་སྲུང་སྐྱོང་། གྲོང་ཁྱེར་དང་གྲོང་གསེབ་ཀྱི་སྡེ་ཁུལ་ལས་དོན་སོགས་དམངས་འཚོའི་གཏོང་སྒོ་སྒོར192268ཟིན་ནས59%འཕར་བ་དང་དམངས་འཚོའི་གཏོང་སྒོ་དེས་རྫོང་ཡོངས་ཀྱི་སྤྱིར་བཏང་གི་སྤྱི་པའི་སྔོན་རྩིས་གཏོང་སྒོའི་བསྡུར་ཚད་ཀྱི70.88%བཟུང་ཡོད། སྤྱི་ལོ2018ལོར་ཁྲང་ཙེ་རྫོང་གི་གྲོང་ཁྱེར་དང་གྲོང་རྡལ་དུ་མི2935གསར་དུ་ལས་ཞུགས་ཐུབ་ཡོད། གྲོང་གསེབ་ཀྱི་ངལ་རྩོལ་ནུས་ཤུགས3843གནས་སྤོ་བྱས་ཡོད་ལ་ལོ་མཇུག་ཏུ་གྲོང་ཁྱེར་དང་གྲོང་རྡལ་གྱི་ལས་ཤོར་ཐོ་འགོད་བྱེད་ཚད1.83%ཟིན་ཡོད། སྤྱི་ལོ2018ལོར་ཀྲང་ཙི་རྫོང་གི་གྲོང་ཁྱེར་དང་གྲོང་རྡལ་གྱི་གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར30042ཟིན་པ་དེ་ལོ་སྔོན་མ་ལས6.3%འཕར་བ་དང་གྲོང་གསེབ་ཀྱི་ཡུལ་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར14530ཟིན་པ་དེ་ལོ་སྔོན་མ་ལས8.3%འཕར་ཡོད། སྤྱི་ལོ2018ལོར་ཁྲང་ཙེ་རྫོང་གི་གཏན་འཇགས་རྒྱུ་ནོར་ལ་མ་དངུལ་སྒོར་ཁྲི647167བཏང་ནས11%འཕར་ཡོད་ལ། དེའི་ནང་གཞུང་ཁོངས་དང་གཞུང་ཁོངས་མ་རྐང་ཚོད་འཛིན་ཐད་མ་དངུལ་སྒོར་ཁྲི408499བཏང་ནས31.24%འཕར་ཡོད། ཐོན་ལས་དབྱེ་ནས་བལྟས་ན། ཐོན་ལས་དང་པོར་མ་འཇོག་སྒོར་ཁྲི12852ཟིན་པ་དེས་མ་འཇོག་བསྡོམས་འབོར་གྱི2%བཟུང་བ་དང་། ཐོན་ལས་གཉིས་པའི་མ་འཇོག་སྒོར་ཁྲི322503ཟིན་པ་དེས་སྤྱིའི་མ་འཇོག་གི49.8%བཟུང་། ཐོན་ལས་གསུམ་པར་མ་དངུལ་སྒོར་ཁྲི311812བཏང་བ་དེས་སྤྱིའི་མ་འཇོག་གི48.2%བཟུང་ཡོད། སྤྱི་ལོ2018ལོར་ཀྲང་ཙི་རྫོང་གིས་སྐྲུན་བཞིན་པའི་གཏན་འཇགས་རྒྱུ་ནོར་གྱི་མ་འཇོག་རྣམ་གྲངས78ཡོད། དེའི་ནང་སྒོར་དུང་ཕྱུར5ཡན་གྱི་རྣམ་གྲངས5དང་ལོ་ཧྲིལ་པོར་རྫོང་ཡོངས་ཀྱི་འཛུགས་སྐྲུན་བྱེད་བཞིན་པའི་གཏན་འཇགས་རྒྱུ་ནོར་གྱི་འཆར་གཞིར་མ་དངུལ་སྒོར་དུང་ཕྱུར247.3བཏང་ནས་ད་ལོར་མ་དངུལ་སྒོར་དུང་ཕྱུར64.7བཏང་ཡོད། སྤྱི་ལོ2018ལོར་ཀྲང་ཙི་རྫོང་གི་ས་ཁང་བདག་ཁོངས་ཀྱིས་མ་དངུལ་སྒོར་ཁྲི128330བཏང་།
4_1
ཐོན་ལས་དང་པོ།
སྤྱི་ལོ2018ལོར་ཀྲང་ཙི་རྫོང་གི་ཞིང་ལས་སྐྱེ་དངོས་འདེབས་པའི་རྒྱ་ཁྱོན་སྤྱི་ཆིང་སྟོང35.95ཟིན་པ་དང་འབྲུ་རིགས་འདེབས་པའི་རྒྱ་ཁྱོན་སྤྱི་ཆིང་སྟོང30.39ཟིན་པའི་ནང་མ་རྨོས་ལོ་ཏོག་འདེབས་པའི་རྒྱ་ཁྱོན་སྤྱི་ཆིང་སྟོང28.18ཟིན་པ་དང་གྲོ་འདེབས་པའི་རྒྱ་ཁྱོན་སྤྱི་ཆིང་སྟོང0.86ཟིན་ཡོད། ལོ་ཧྲིལ་པོར་དཔལ་འབྱོར་ལོ་ཏོག་འདེབས་པའི་རྒྱ་ཁྱོན་སྤྱི་ཆིང་ཁྲི5.56ཟིན་པ་དེའི་ནང་སྔོ་ཚལ་འདེབས་པའི་རྒྱ་ཁྱོན་སྤྱི་ཆིང3.94ཡོད་པ་རེད། སྤྱི་ལོ2018ལོར་ཁྲང་ཙེ་རྫོང་གི་འབྲུ་རིགས་ཐོན་ཚད་ཏུན221444.2ཟིན་ཡོད་ལ། དེའི་ནང་དབྱར་ཁའི་འབྲུ་རིགས་ཏུན5512.5དང་སྟོན་ཁའི་འབྲུ་རིགས་ཏུན215931.7ཡོད། ལོ་ཧྲིལ་པོར་སྔོ་ཚལ་ཐོན་ཚད་ཏུན219821.8ཟིན། དཔེ་འཐེན་བརྟག་དཔྱད་བྱས་པར་གཞིགས་ན་སྤྱི་ལོ2018ལོར་ཀྲང་ཙི་རྫོང་དུ་ཕག་གྲངས78600ཡོད་པ་དང་གྲངས140746བཤས་གཏོང་བྱས་པ་དང་བ་གླང་གྲངས4460ཡོད་པ་དང་གྲངས3391ཡོད། ལུག75058དང57901དང་ཁྱིམ་བྱ་ཁྲི270.1བཅས་བཤས་གཏོང་ཚད་ཁྲི265.8ཟིན་ཡོད། སྤྱི་ལོ2018ལོར་ཀྲང་ཙི་རྫོང་གི་ཤ་རིགས་སྤྱིའི་ཐོན་འབོར་ཏུན16160.5ཟིན་ཡོད། དེའི་ནང་ཕག་དང་ནོར་ལུག་གི་ཤ12590.3ཡོད་ལ་ལོ་ཧྲིལ་པོར་བྱ་སྒོང་གི་ཐོན་ཚད་ཏུན37020.5ཟིན་ཡོད། སྤྱི་ལོ2018ལོར་ཁྲང་ཙེ་རྫོང་གི་ཞིང་སྤྱོད་རྫས་ལུད་སྤྱོད་ཚད་ཏུན20740.9ཟིན་པ་དང་འགྱིག་ཤོག་སྤྱོད་ཚད་ཏུན448.1ཟིན། གྲོང་གསེབ་ཏུ་གློག་སྤྱོད་ཚད་སྟོང་ཝ་ཁྲི9079.7དང་ཞིང་སྤྱོད་ཁྲའེ་ཡིའུ་སྣུམ་སྤྱོད་ཚད་ཏུན2925.6 ཞིང་སྨན་སྤྱོད་ཚད་ཏུན267.2ཟིན་པ་བཅས་རེད། སྤྱི་ལོ2018ལོར་ཁྲང་ཙེ་རྫོང་གི་ཞིང་ནགས་འབྲོག་ཉ་བཅས་ཀྱི་སྤྱིའི་ཐོན་རྫས་རིན་ཐང་སྒོར་ཁྲི227011.7ཟིན་ནས1.37%འཕར་ཡོད་ལ། དེའི་ནང་ཞིང་ལས་ཀྱི་སྤྱིའི་ཐོན་རྫས་རིན་ཐང་སྒོར་ཁྲི162460.6ཟིན་ནས3.59%འཕར་བ་དང་ནགས་ལས་ཀྱི་ཐོན་རྫས་རིན་ཐང་སྒོར་ཁྲི2479.7ཟིན་ནས4.3%མར་ཆག འབྲོག་ལས་ཀྱི་ཐོན་རྫས་རིན་ཐང་སྒོར་ཁྲི58478.1ཟིན་ནས4.06%མར་ཆག ཉ་ལས་ཀྱི་ཐོན་རྫས་རིན་ཐང་སྒོར་ཁྲི993.2ཟིན་ནས4%འཕར་ཡོད། ཞིང་ལས། ནགས་ལས། འབྲོག་ལས། ཉ་ལས་བཅས་ཞབས་ཞུའི་ལས་རིགས་ཀྱི་ཐོན་རྫས་རིན་ཐང་སྒོར་ཁྲི2600ཟིན་ནས7.26%འཕར།
4_2
ཐོན་ལས་གཉིས་པ།
སྤྱི་ལོ2018ལོའི་ལོ་མཇུག་བར་ཀྲང་ཙི་རྫོང་གི་གཞི་ཁྱོན་ཡན་གྱི་བཟོ་ལས་ཁེ་ལས32ཡོད་ལ། ལོ་ཧྲིལ་པོར་གཞི་ཁྱོན་ཡན་གྱི་བཟོ་ལས་འཕར་ཐང་སྒོར་ཁྲི1064825ཟིན་ནས8.79%འཕར་ཡོད། དེའི་ནང་ཡང་བའི་བཟོ་ལས་ཀྱི་རིན་ཐང་འཕར་མ་སྒོར་ཁྲི2253ཟིན་ནས40.23%མར་ཆག་པ་དང་། ལྕི་བའི་བཟོ་ལས་ཀྱི་རིན་ཐང་འཕར་མ་སྒོར་ཁྲི1062572ཟིན་ནས12.37%འཕར་ཡོད། བཟོ་ལས་ཐོན་རྫས་ཕྱིར་ཚོང་བྱེད་ཚད98.54%ཟིན་པ་དེ་དང་གཞི་རྩའི་ཆ་ནས་མཉམ་པ་རེད། ཁེ་སྤོགས་དང་དཔྱ་ཁྲལ་སྒོར་ཁྲི575549ཟིན་ནས10.1%མར་ཆག་ཡོད། སྤྱི་ལོ2018ལོའི་ལོ་མཇུག་བར་ཁྲང་ཙེ་རྫོང་གི་གཞི་ཁྱོན་ཡན་གྱི་བཟོ་ལས་མ་བཅོས་རྡོ་སོལ་ཐོན་ཚད་ཏུན་ཁྲི2486ཟིན་ནས1.66%མར་ཆག་པ་དང་། རྡོ་སོལ་ཏུན་ཁྲི793ཟིན་ནས4.8%འཕར་བ་དང་གཟན་ཆས་ཏུན9282ལ་གཞོགས་འདེགས་བྱས་ནས38%མར་ཆག་ཡོད། སྤྱི་ལོ2018ལོའི་ལོ་མཇུག་བར་ཁྲང་ཙི་རྫོང་གི་གཞི་ཁྱོན་ཡན་གྱི་བཟོ་ལས་ཁེ་ལས་ལ་གཙོ་གཉེར་ལས་སྒོའི་ཡོང་འབབ་སྒོར་ཁྲི1594918བྱུང་ནས9.38%འཕར་བ་དང་ཁེ་སྤོགས་དང་དཔྱ་ཁྲལ་སྒོར་ཁྲི575549ཟིན་ནས10.1%མར་ཆག་ཡོད། གྱོང་གུན་ཕོག་པའི་ཁེ་ལས་ལ་གྱོང་གུན་སྒོར་ཁྲི69985ཕོག་པ་དེ་ན་ནིང་གི་ལོ་སྔོན་མའི་ལྡབ3.7ཡིན་པ་རེད། སྤྱི་ལོ2018ལོར་ཀྲང་ཙི་རྫོང་གི་ཨར་སྐྲུན་ལས་རིགས་ཀྱི་རིན་ཐང་འཕར་མ་སྒོར་ཁྲི11722ཟིན་པ་དེ་ལོ་སྔོན་མ་ལས2.1%འཕར་ཡོད། ཨར་སྐྲུན་ལས་རིགས་ཀྱི་འོས་ཐོབ་རིམ་པ་ལྡན་པའི་སྤྱིའི་འགན་གཙང་དང་ཆེད་ལས་འགན་གཙང་ཨར་སྐྲུན་ལས་རིགས་ཀྱི་ཁེ་ལས་ལ་ཁེ་སྤོགས་སྒོར་ཁྲི547.4བྱུང་བ་དེ་ན་ནིང་གི་དུས་མཚུངས་ཀྱི་ལྡབ5ཡིན་པ་རེད། སྤྱི་ལོ2018ལོར་ཀྲང་ཙི་རྫོང་གི་གཞི་ཁྱོན་ཡན་གྱི་བཟོ་ལས་ཁེ་ལས་ཀྱི་ནུས་རྒྱུ་འཛད་སྤྱོད་བྱེད་ཚད་ཚད་ལྡན་རྡོ་སོལ་ཏུན་ཁྲི51.6ཟིན་ནས6%འཕར་བ་དང་གློག་ཤུགས་བཟོ་ལས་ཐོན་སྐྱེད་སྟོང་ཝ་ཁྲི57484.73ཟིན་ནས8.93%འཕར།
4_3
ཐོན་ལས་གསུམ་པ།
སྤྱི་ལོ2018ལོར་ཀྲང་ཙི་རྫོང་གི་སྤྱི་ཚོགས་འཛད་སྤྱོད་དངོས་རྫས་སིལ་ཚོང་བསྡོམས་འབོར་སྒོར་ཁྲི209969.6ཟིན་ནས8%འཕར་ཡོད་ལ། དེའི་ནང་གྲོང་ཁྱེར་དང་གྲོང་རྡལ་གྱི་འཛད་སྤྱོད་དངོས་རྫས་སིལ་ཚོང་བྱེད་ཚད་སྒོར་ཁྲི81087.7ཟིན་ནས7.7%འཕར་བ་དང་གྲོང་གསེབ་ཀྱི་འཛད་སྤྱོད་དངོས་རྫས་སིལ་ཚོང་བྱེད་ཚད་སྒོར་ཁྲི128881.9ཟིན་ནས8.2%འཕར་ཡོད། སྤྱི་ལོ2018ལོར་ཀྲང་ཙི་རྫོང་གི་སྡེབ་ཚོང་སིལ་ཚོང་ལས་རིགས་ལ་ཚོང་ཟོག་ཕྱིར་ཚོང་བྱེད་ཚད་སྒོར་ཁྲི615688.1ཟིན་ནས9%འཕར་བ་དང་ཞག་སྡོད་བཟའ་བཏུང་ལས་རིགས་ཀྱི་ཚོང་གཉེར་ཡོང་འབབ་སྒོར་ཁྲི40188.8ཟིན་ནས10.5%འཕར་ཡོད་པ་རེད། སྤྱི་ལོ2018ལོར་ཀྲང་ཙེ་རྫོང་གིས་ཡིག་ཟམ་གློག་འཕྲིན་ལས་སྒོའི་བསྡོམས་འབོར་སྒོར་ཁྲི14921ཟིན་ནས11.3%མར་ཆག་ཡོད་ལ། དེའི་ནང་སྦྲག་སྲིད་ལས་སྒོའི་བསྡོམས་འབོར་སྒོར་ཁྲི1767ཟིན་ནས0.9%འཕར་བ་དང་གློག་འཕྲིན་ལས་སྒོའི་བསྡོམས་འབོར་སྒོར་ཁྲི13154ཟིན་ནས12.8%མར་ཆག་ཡོད། ལོ་མཇུག་ཏུ་རྫོང་ཡོངས་ཀྱི་དྲ་སྦྲེལ་སྤྱོད་མཁན་དུད་ཚང72289ཟིན་ནས26.6%འཕར་ཡོད། སྒུལ་བདེའི་ཁ་པར་སྤྱོད་མཁན་དུད་ཚང268147ཟིན་ནས6.2%འཕར་ཡོད། སྤྱི་ལོ2018ལོའི་ལོ་མཇུག་བར་ཁྲང་ཙེ་རྫོང་དངུལ་རྩའི་སྒྲིག་གཞིའི་བཅོལ་དངུལ་ཁག་གི་ལྷག་གྲངས་སྒོར་ཁྲི1344520ཟིན་པ་དེ་ལོ་འགོ་ལས་སྒོར་ཁྲི151441མང་དུ་ཕྱིན་ནས6.3%འཕར་ཡོད། དེའི་ནང་ཁྱིམ་དུད་ཀྱི་བཅོལ་དངུལ་སྒོར་ཁྲི1088628ཟིན་པ་དེ་ལོ་འགོ་ལས་སྒོར་ཁྲི125045མང་དུ་ཕྱིན་ནས4.5%འཕར་བ་དང་། ཁེ་ལས་ཀྱི་བཅོལ་དངུལ་སྒོར་ཁྲི112686ཟིན་པ་དེ་ལོ་སྔོན་མ་ལས་སྒོར་ཁྲི18252འཕར་ནས37.7%ཟིན། སྲིད་གཞུང་གི་བཅོལ་དངུལ་སྒོར་ཁྲི113203ཟིན་པ་དེ་ལོ་སྔོན་མ་ལས་སྒོར་ཁྲི8141འཕར་ནས5.4%ཟིན། དངུལ་བུན་ཁག་གི་ལྷག་གྲངས་སྒོར་ཁྲི651026ཟིན་པ་དེ་ལོ་སྔོན་མ་ལས་སྒོར་ཁྲི64416འཕར་ནས7%མར་ཆག་ཡོད་ལ། དེའི་ནང་དུད་ཚང་ལ་དངུལ་བུན་སྒོར་ཁྲི168723དེ་ལོ་འགོ་ལས་སྒོར་ཁྲི52582འཕར་ནས11.3%ཟིན་ཞིང་། ཁེ་ལས་ཀྱིས་དངུལ་བུན་སྒོར་ཁྲི482303དེ་ལོ་འགོ་ལས་སྒོར་ཁྲི11834མང་དུ་ཕྱིན་ནས13.7%མར་ཆག་ཡོད། སྤྱི་ལོ2018ལོ་བར་ཀྲང་ཙི་རྫོང་དུ་གྲགས་ཅན་མཛེས་ལྗོངས་ཁུལ་དང་རིག་དངོས་སྲུང་སྐྱོང་ཚན་པ891ཡོད་པ་རེད། རྒྱལ་ཁབ་ཕྱི་ནང་གི་ཡུལ་སྐོར་བ་མི་ཐེངས་ཁྲི385.12ལ་སྣེ་ལེན་ཞུས་ནས་ཡུལ་སྐོར་ཡོང་འབབ་སྒོར་ཁྲི352500ཟིན།
དཔྱད་གཞིའི་ཡིག་ཆ།