ཐོ་ཞུགས། ཐོ་འགོད།
ཧྥེང་ཆོན་ཆུས།སྔ་མའི་པར་གཞི་དེ གདུགས་དཀར་རྒྱལ།  ནས 2020-03-19 10:48ལ་འགྲུབ།

ཧྥེང་ཆོན་ཆུས།

ཧྥེང་ཆོན་ཆུས།
ཧྥེང་ཆོན་ཆུས་ནི་ཧོ་ནན་ཞིང་ཆེན་ཞིན་ཞང་གྲོང་ཁྱེར་གྱི་ཁོངས་སུ་གཏོགས་པ་དང་། སྤྱིའི་རྒྱ་ཁྱོན་ལ་སྤྱི་ལེ་ངོས་གྲུ་བཞི་མ115.6དང་། ཞིང་ཆེན་གྱི་སྲིད་འཛིན་ལྟེ་གནས་ཀྲེན་ཀྲོའུ་དང་སྤྱི་ལེ99ཙམ་ཡོད། ཆུས་ནང་ཁུལ་དུ་ལུའུ་པའོ་ལུང་ཧྲན་རིག་གནས་དང་། ཧོ་ཐུན་དབྱང་ཧྲའོ་རིག་གནས། འབྲོག་སྡེའི་དམག་ཆེན་སོགས་གནའ་བོའི་རིག་གནས་ཀྱི་རྗེས་ཤུལ་དང་། ད་ཆ་རྒྱལ་ཡོངས་ཀྱི་རྒྱལ་པོའི་བང་སོ་ཆེ་ཤོས་ཏེ་དབྱིན་ཝང་བང་སོ་དེ་འཛམ་གླིང་རིག་གནས་ཤུལ་བཞག་གི་གྲ་སྒྲིག་མིང་གཞུང་ནང་བཅུག་ཡོད།
གཞི་རྩའི་གནས་ཚུལ།
རྒྱ་ཡིག་གི་མིང་།
凤泉区
སྲིད་འཛིན་ཁུལ་གྱི་རིགས།
གྲོང་ཁྱེར་ཁོངས་གཏོགས་ཆུས།
ཁོངས་གཏོགས་ས་ཁུལ།
ཞིན་ཞང་གྲོང་ཁྱེར།
མངའ་ཁོངས།
སྲང་ལམ2ཤང2གྲོང་རྡལ1བཅས་ཡོད།
སྲིད་གཞུང་གི་ས་གནས།
པའོ་ཞི་སྲང་ལམ།
ས་ཁོངས་ཁ་པར་ཨང་རྟགས།
0373
སྦྲག་སྲིད་ཨང་རྟགས།
453011
ས་གནས།
ཞིན་ཤང་གྲོང་ཁྱེར་གྱི་བྱང་རྒྱུད།
རྒྱ་ཁྱོན།
སྤྱི་ལེ་གྲུ་བཞི་མ115.6ཡོད།
མི་གྲངས།
ཁྲི14ཡོད།(སྤྱི་ལོ2016)
ནམ་ཟླའི་ཆ་རྐྱེན།
དྲོད་རྒྱུད་དུས་རླུང་རང་བཞིན་གྱི་ནམ་ཟླ།
སྲིད་འཛིན་ས་ཁུལ་གྱི་དབྱེ་མཚམས་ཚབ་ཨང་།
453011
རླངས་འཁོར་ཚབ་ཨང་།
ཡུས （豫）G
མི་རེའི་ཆ་སྙོམསGDP
སྒོར་ཁྲི6.6ཡོད།(སྤྱི་ལོ2017ལོར)
GDP
སྒོར་དུང་ཕྱུར92.7ཡོད།(སྤྱི་ལོ2017ལོར)
དཀར་ཆག
1   ལོ་རྒྱུས་ཀྱི་འཕེལ་རིམ།     
2    སྲིད་འཛིན་ས་ཁུལ་གྱི་དབྱེ་མཚམས།     
3   ས་ཁམས་ཁོར་ཡུག     
3.1 ས་གནས།     
3.2 ས་དབྱིབས།     
3.3 ནམ་ཟླ།     
4   རང་བྱུང་ཐོན་ཁུངས།     
4.1 གཏེར་རྫས་ཐོན་ཁུངས།     
4.2 མི་འབོར།     
5    དཔལ་འབྱོར། 
5.1 ཐོན་ལས་དང་པོ།
5.2 ཐོན་ལས་གཉིས་པ།    
5.3 ཐོན་ལས་གསུམ་པ།     
6   སྤྱི་ཚོགས་ལས་དོན།     
6.1 ཚན་རྩལ།      
6.2 སློབ་གསོའི་བྱ་གཞག     
6.3 སྨན་བཅོས་འཕྲོད་བསྟེན།     
6.4 སྤྱི་ཚོགས་འགན་སྲུང་།     
6.5 རྨང་གཞིའི་སྒྲིག་བཀོད།     
6.6 འགྲིམ་འགྲུལ།     
1 ལོ་རྒྱུས་ཀྱི་འཕེལ་རིམ།     

སྤྱི་ལོ1949ལོའི་ཟླ5པར་ཞིན་ཞང་བཅིངས་འགྲོལ་བཏང་།     

སྤྱི་ལོ1949ལོའི་ཟླ8པར། བདེ་ཐང་ཞིང་ཆེན་མི་དམངས་སྲིད་གཞུང་བཙུགས་པ་དང་། བྱང་ཚིགས་ནི་བདེ་ཐང་ཞིང་ཆེན་ཞིན་ཞང་ཀྲོན་ཆུས་ཞིན་ཞང་རྫོང་གི་ཆུས་དང་པོ་ཡིན།     

སྤྱི་ལོ1952ལོའི་ཟླ11པར། བདེ་ཐང་ཞིང་ཆེན་ནས་ཕྱིར་འཐེན་བྱས་ཤིང་། བྱང་ཚིགས་དེ་ཧོ་ནན་ཞིང་ཆེན་ཞིན་ཞང་གི་ཀྲོན་ཡོན་ཀུང་ཧྲུའུ་ཞིན་ཞང་རྫོང་དུ་བཅུག     

སྤྱི་ལོ1955ལོར་ཆུས་མེད་པར་བཟོས་ཏེ་ཤང་བཙུགས་པ་དང་བྱང་ཚུགས་ནི་ཀུན་ཧོང་ཤང་ཡིན།     

སྤྱི་ལོ1958ལོའི་ཟླ8པར། ཞིན་ཞང་རྫོང་ཀུན་ཧོང་མི་དམངས་ཀུང་ཧྲེ་བཙུགས།     

སྤྱི་ལོ1958ལོའི་ཟླ12པར་ཞིན་ཞང་གྲོང་ཁྱེར་གྱི་མངའ་འོག་ཏུ་བཅུག    

སྤྱི་ལོ1949ལོའི་ཟླ12པ་ནས་སྤྱི་ལོ1959ལོའི་ལོ་མཇུག་བར་ས་ཁོངས་དེ་ཐེངས5ཆུང་དུ་ཕྱིན་ནས་འབབ་ཚུགས་བྱང་མའི་ས་ཁོངས་སུ་གྱུར་ཡོད།     

སྤྱི་ལོ1960ལོར་ཞིན་ཞང་གྲོང་ཁྱེར་ཀེང་ཧོང་མི་དམངས་ཀུང་ཧྲེར་གྲོང་ཁྱེར་བྱང་ཚུགས་མི་དམངས་ཀུང་ཧྲེར་མིང་བསྒྱུར།     

སྤྱི་ལོ1963ལོའི་ཟླ5པར་གྲོང་ཁྱེར་ཀེང་ཧོང་མི་དམངས་ཀུང་ཧྲེའི་མིང་སླར་གསོ་བྱས།     

སྤྱི་ལོ1969ལོའི་ཟླ9པར། ཞིན་ཞང་གྲོང་ཁྱེར་ཧུང་ཆི་ཆུས་བྱང་ཚུགས་དོན་གཅོད་ཁང་བཙུགས། ལོ་དེར་ཀེང་ཧོང་མི་དམངས་ཀུང་ཧྲེ་ལུའུ་ཝང་ཧྥིན་དང་མཉམ་དུ་ཞིན་ཞང་བྱང་ཚུགས་སུ་མིང་བསྒྱུར། མིང་ལ་ཞིན་ཞང་གྲོང་ཁྱེར་ཉེ་འདབས་ཀྱི་པེ་ཀྲན་མི་དམངས་ཀུང་ཧྲེ་ཞེས་བཏགས།     

སྤྱི་ལོ1982ལོའི་ཟླ4པར་བྱང་ཚུགས་ཆུས་འཛུགས་རྒྱུའི་ཆོག་མཆན་བཀོད། ཤིན་ཤང་གྲོང་ཁྱེར་ཧུང་ཆི་ཆུས་བྱང་ཚུགས་དོན་གཅོད་ཁྲུའུ་དང་བྱང་ཚུགས་མི་དམངས་ཀུང་ཧྲེ་དེ་བྱང་ཚུགས་ཁུལ་གྱི་ཁོངས་གཏོགས་སུ་དབྱེ་ཡོད།     

སྤྱི་ལོ2004ལོའི་ཟླ1པོའི་ཚེས1ཉིན། བྱང་ཚིགས་ཆུས་ཀྱི་མིང་དེ་ཧྥེང་ཆོན་ཆུས་སུ་བསྒྱུར། སྔོན་གྱི་ཞིན་ཞང་རྫོང་གི་ཏ་ཆི་གྲོང་རྡལ་དེ་ཧྥེང་ཆོན་ཆུས་ཀྱི་ཁོངས་སུ་བགོས།

2  སྲིད་འཛིན་ས་ཁུལ་གྱི་དབྱེ་མཚམས།     

སྤྱི་ལོ2018ལོའི་བར་ཧྥེང་ཆོན་ཆུས་ཀྱི་ཁོངས་གཏོགས་སུ་ཁྲོམ་གཞུང2དང་། གྲོང་རྡལ1ཤང2བཅས་ཡོད་པ་སྟེ། དེ་དག་ནི་པའོ་ཤིས་ཁྲོམ་གཞུང་དང་། པའོ་ཏུང་ཁྲོམ་གཞུང་། ཏ་ཆི་གྲོང་རྡལ། ལུའུ་ཝང་ཧྥིན་ཤང་། ཀེང་ཧོང་ཤང་བཅས་ཡིན།     

3 ས་ཁམས་ཁོར་ཡུག     
3_1 ས་གནས།     

ཧྥེང་ཆོན་ཆུས་ནི་ཧོ་ནན་ཞིང་ཆེན་ཞིན་ཞང་གྲོང་ཁྱེར་གྱི་བྱང་རྒྱུད་དང་ཐའེ་ཧང་རི་བོའི་རྒྱུད་ཀྱི་ཧྥུང་ཧོང་རི་བོའི་འདབས་སུ་ཆགས་ཡོད། བྱང་ཤར་ནི་ཝེ་ཧུའེ་གྲོང་ཁྱེར་གྱི་ས་མཚམས་དང་། ལྷོ་རུ་ཞིན་ཞང་གྲོང་ཁྱེར་གྱི་མུའུ་ཡེ་ཁུལ། ནུབ་ཏུ་ཞིན་ཞང་རྫོང་། ནུབ་བྱང་དུ་ཧུའེ་རྫོང་གྲོང་ཁྱེར་བཅས་དང་འབྲེལ་ཡོད།

3_2 ས་དབྱིབས།     

ཧྥེང་ཆོན་ཆུས་ཀྱི་ས་དབྱིབས་ཅུང་གྲུ་བཞི་ཡིན་པ་དང་། ས་བབ་བྱང་མཐོ་ལ་ལྷོ་དམའ་བ། བྱང་ཕྱོགས་ཀྱི་རི་མ་ཐང་དེ་བྱང་ཕྱོགས་ནས་ལྷོ་ཕྱོགས་སུ་ལྕེ་དབྱིབས་ཀྱི་ས་ཁུལ་དུ་བསྲིངས་ཡོད་པ་དང་། གཟར་ཚད་ནི0.01-0.015ཡིན། ལྷོ་རྒྱུད་ཀྱི་ས་བབ་ཁོད་སྙོམས་པ་དང་། ཅུང་ཙམ་ཤར་ལྷོའི་ཕྱོགས་སུ་གསེག་པ། གཟར་ཚད་སྨི0.0015-0.002དང་རྒྱ་མཚོའི་ངོས་ལས་མཐོ་ཚད་སྨི68.9-292.7བཅས་ཡིན།     

3_3 ནམ་ཟླ།     

ཧྥེང་ཆོན་ཆུས་ནི་དཔེ་མཚོན་གྱི་དྲོད་ཁུལ་སྐམ་སའི་རང་བཞིན་གྱི་གནམ་གཤིས་ཡིན་པ་དང་། ལོ་རེའི་ཆ་སྙོམས་དྲོད་ཚད་ནི14℃ཡིན། དུས་བཞིའི་དབྱེ་བ་གསལ་པོ་ཡོད་ཅིང་། ལོ་རེའི་ཆ་སྙོམས་དྲོད་ཚད་ནི14℃ཡིན། ཟླ7པར་ཚ་བ་ཆེ་ཤོས་ཡིན་པ་དང་ཆ་སྙོམས་སུ27.3℃དང་ཟླ1པོར་ཆེས་གྲང་བ་དང་ཆ་སྙོམས་སུ0.2℃ཡིན།  དྲོད་ཚད་མཐོ་ཤོས་ནི42.7℃(སྤྱི་ལོ1951ལོའི་ཟླ6ཚེས20ཉིན། )དང་དྲོད་ཚད་དམའ་ཤོས་ནི-21.3℃(སྤྱི་ལོ1951ལོའི་ཟླ1པོའི་ཚེས13ཉིན། ) ལོ་རེར་ཆ་སྙོམས་བཞའ་ཚན68%དང་འཁྱགས་སའི་གཏིང་ཚད་ཆེ་ཤོས280mmཡིན།     

4 རང་བྱུང་ཐོན་ཁུངས།     
4_1 གཏེར་རྫས་ཐོན་ཁུངས།     

མངའ་ཁོངས་སུ་རྡོ་ཐལ་བྲག་རྡོ་དང་། འདམ་ཐལ་བྲག་རྡོ། དཀར་རག་ས་སོགས་གཏེར་ཁ་ཡོད་པ་དང་། དཀར་རག་ས་གསོག་ཚད་སྨི་རྒྱ་དཔངས་གྲུ་བཞི་མ་དུང་ཕྱུར2ཡན་ཟིན་ཡོད།     ཆུ་བེད་ཐོན་ཁུངས།     རང་རྒྱལ་གྱི་ས་འོག་ཆུའི་འབྱུང་ཁུངས་ཕུན་སུམ་ཚོགས་ཤིང་། སེ་དང་སེའུ་འདུས་པའི་རང་བྱུང་གཏེར་མོད་པོ་ཡོད།

4_2 མི་འབོར།     

སྤྱི་ལོ2016ལོའི་ལོ་མཇུག་བར་ཧྥེང་ཆོན་ཆུས་སུ་མི་འབོར་བསྡོམས་འབོར་ཁྲི14.5དང་རྒྱུན་སྡོད་མི་འབོར་ཁྲི15.54ཡོད་པ་རེད། དེའི་ནང་གྲོང་ཁྱེར་དང་གྲོང་རྡལ་གྱི་མི་འབོར་ཁྲི8.1དང་གྲོང་གསེབ་ཀྱི་མི་འབོར་ཁྲི6.4ཡོད། ཆུས་ཡོངས་སུ་རྒྱ་རིགས་ཕུད། གྲངས་ཉུང་མི་རིགས7གྱི་མི་གྲངས476ཡོད་པའི་ནང་ཧུའེ་རིགས་མི་གྲངས422དང་། མན་ཇུ་རིགས་ཀྱི་མི་གྲངས40 སོག་རིགས་ཀྱི་མི་གྲངས5 ཀྲོང་རིགས་ཀྱི་མི་གྲངས2 མིའོ་རིགས་ཀྱི་མི་གྲངས1 ཁྲའོ་ཞན་རིགས་ཀྱི་མི་གྲངས1 ཅིང་ཕོ་རིགས་ཀྱི་མི་གྲངས1བཅས་གྲོང་ཁྱེར་དང་གྲོང་གསེབ་ཟུང་འབྲེལ་ཁུལ་དུ་ཐར་ཐོར་དུ་གནས་ཡོད།

5  དཔལ་འབྱོར། 
5_1 ཐོན་ལས་དང་པོ།

སྤྱི་ལོ2017ལོར་ཧྥུང་ཆོན་ཆུས་ཀྱི་ཐོན་ལས་དང་པོའི་རིན་ཐང་འཕར་མ་སྒོར་དུང་ཕྱུར3.04ཡོད་པ་དེ་དུས་མཚུངས་ལས4.5%འཕར་བ་དང་ཐོན་ལས་དང་པོསGDPཡི་བསྡུར་གྲངས་བཟུང་ཚད3.3%ཟིན་ཡོད། ཞིང་ལས་འཕར་ཐང་སྒོར་ཁྲི20476ཡོད་པ་དེས་ཐོན་ལས་དང་པོའི་འཕར་ཐང་གི67%དང་ནགས་ལས་ཀྱི་འཕར་ཐང་སྒོར་ཁྲི155ཡོད་པ་དེས0.5%  འབྲོག་ལས་ཀྱི་རིན་ཐང་འཕར་མ་སྒོར་ཁྲི9605ཡོད་པ་དེས31.4% ཉ་ལས་ཀྱི་འཕར་ཐང་སྒོར་ཁྲི144ཡོད་པ་དེས0.5%  ཞིང་ནགས་འབྲོག་ཉ་གསུམ་གྱི་ཞབས་ཞུའི་ལས་རིགས་ཀྱི་འཕར་ཐང་སྒོར་ཁྲི194ཡོད་པ་དེས0.6% ཞིང་ལས་དང་འབྲོག་ལས་ནི་ཐོན་ལས་དང་པོའི་འཕར་ཐང་གི་གྲུབ་ཆ་གཙོ་བོ་ཡིན་པ་དང་དེས98.6%བཅས་ཟིན་ཡོད།     

5_2 ཐོན་ལས་གཉིས་པ།    

སྤྱི་ལོ2017ལོར་ཧྥེང་ཆོན་ཆུས་སུ་གཞི་ཁྱོན་ཡན་གྱི་བཟོ་ལས་ཀྱི་རིན་ཐང་འཕར་མ་སྒོར་དུང་ཕྱུར15.1ཡོད་པ་དེ་དུས་མཚུངས་ལས11.3%འཕར་ཡོད། ལས་རིགས་དབྱེ་ནས་བལྟས་ན། ཆུས་ཡོངས་ཀྱི་བཟོ་ལས་རིགས་ཆེན་པོ18ནང་ལས་རིགས13གྱི་རིམ་རྩིས་འཕར་ཚད་དངོས་སུ་འཕར་ནས་འཕར་ཚད72.22%ཟིན་པ་དང་ཁྱོན་ཆུས་ཡོངས་ཀྱི་གཞི་ཁྱོན་ཡན་གྱི་བཟོ་ལས་འཕར་ཐང་བརྒྱ་ཆའི་གྲངས11.6འཕར་རྒྱུར་སྐུལ་ཁྲིད་ཐུབ་ཡོད། དེའི་ནང་བཟའ་བཅའི་བཟོ་སྐྲུན་ལས་རིགས་དང་། འགྱིག་དང་འགྱིག་གི་བཟོས་རྫས་ལས་རིགས། ཀུན་སྤྱོད་སྒྲིག་ཆས་བཟོ་སྐྲུན་ལས་རིགས། འཁེལ་འཐག་ལས་རིགས། མདོག་ལྡན་ལྕགས་རིགས་བཙོ་སྦྱང་དང་གནོན་བཙིར་ལས་སྣོན་ལས་རིགས། རླངས་འཁོར་བཟོ་སྐྲུན་ལས་རིགས། གློག་རྡུལ་དང་འཕྲིན་གཏོང་སྒྲིག་ཆས་བཟོ་སྐྲུན་ལས་རིགས་བཅས་ཀྱི་སྣེ་ཁྲིད་ནུས་པ་མངོན་གསལ་དོད་ཤོས་ཡིན་པ་དང་། ལས་རིགས8པོ་དེ་དག་སོ་སོར39.2%དང་། 21.7% 20.1% 17.4% 17.2% 16%བཅས་འཕར་ནས་ཁྱོན་ཆུས་ཡོངས་ཀྱི་གཞི་ཁྱོན་ཡན་གྱི་བཟོ་ལས་ཀྱི་འཕར་ཐང་ལ་ལེགས་སྐྱེས་འབུལ་ཚད84%ཡིན་པ་དང་ཆུས་ཡོངས་ཀྱི་གཞི་ཁྱོན་ཡན་གྱི་བཟོ་ལས་ཀྱི་འཕར་ཐང་བརྒྱ་ཆའི་གྲངས9.5འཕར་རྒྱུར་སྐུལ་ཁྲིད་ཐུབ་ཡོད་པ་རེད། མཐོ་གསར་ཐོན་ལས་མགྱོགས་མྱུར་འཕེལ་རྒྱས་ཕྱིན་ནས་མཐོ་གསར་ལག་རྩལ་ཐོན་ལས་ཀྱི་འཕར་ཐང14.6%འཕར་ནས་གཞི་ཁྱོན་ཡན་གྱི་བཟོ་ལས་འཕར་ཐང་འཕར་ཚད་ལས་བརྒྱ་ཆའི་གྲངས3.3མཐོ་བ། ཟད་གྲོན་ཆེ་བའི་ལས་རིགས་ཀྱི་འཕར་ཚད་ཅུང་ཆག་ནས་ཤོག་བུ་བཟོ་བའི་ལས་རིགས་དང་། རྫས་འགྱུར་མ་བཅོས་རྒྱུ་ཆ། རྫས་འགྱུར་བཟོས་རྫས་ཀྱི་བཟོ་སྐྲུན་ལས་རིགས། ཨར་འདམ་བཟོ་སྐྲུན་ལས་རིགས། མདོག་ནག་ལྕགས་རིགས་བཙོ་སྦྱང་དང་གནོན་བཙིར་ལས་སྣོན་ལས་རིགས་ལས་རིགས་ཀྱི་བསྡུར་གཞི་ཡོད་པའི་རིན་ཐང་དུས་མཚུངས་ལས4%འཕར་བ་དེ་སྤྱི་ལོ2016ལོའི་དུས་མཚུངས་ལས་བརྒྱ་ཆའི་གྲངས1.8ཆག་ཡོད།     

5_3 ཐོན་ལས་གསུམ་པ།     

སྤྱི་ལོ2017ལོར་ཧྥེང་ཆོན་ཆུས་སུ་གཏན་འཇགས་རྒྱུ་ནོར་ལ་མ་དངུལ་སྒོར་དུང་ཕྱུར36.03བཏང་བ་དེ་དུས་མཚུངས་ལས10.4%འཕར་ཡོད། ཐོན་ལས་ཀྱི་རིགས་ལ་བལྟས་ན། ཐོན་ལས་དང་པོར་མ་དངུལ་སྒོར་དུང་ཕྱུར1.15བཏང་བ་དེ་དུས་མཚུངས་ལས100%འཕར་བ་དང་ཐོན་ལས་གཉིས་པར་མ་དངུལ་སྒོར་དུང་ཕྱུར15.6བཏང་བ་དེ་དུས་མཚུངས་ལས9.3%ཆག་པ། ཐོན་ལས་གསུམ་པར་མ་དངུལ་སྒོར་དུང་ཕྱུར19.24བཏང་ནས་དུས་མཚུངས་ལས25%འཕར་ཡོད། མ་འཇོག་རིགས་ལ་བལྟས་ན། ཆུས་ཡོངས་སུ་བཟོ་ལས་ཐད་མ་དངུལ་སྒོར་དུང་ཕྱུར15.63བཏང་བ་དེ་དུས་མཚུངས་ལས9.3%ཆག་པ་དང་། རྨང་གཞིའི་སྒྲིག་བཀོད་ལ་མ་དངུལ་སྒོར་དུང་ཕྱུར6.14བཏང་བ་དེ་དུས་མཚུངས་ལས85.3%འཕར་བ། ས་ཁང་བདག་ཁོངས་གསར་སྤེལ་ཐད་མ་དངུལ་སྒོར་དུང་ཕྱུར0.75བཏང་བ་དེ་དུས་མཚུངས་ལས87.7%ཆག་ཡོད། ཚོང་སྒྱུར་སྡོད་ཁང་ཕྱིར་ཚོང་རྒྱ་ཁྱོན་སྨི་ངོས་གྲུ་བཞི་མ་ཁྲི6.6ཡོད་པ་དེ་དུས་མཚུངས་ལས4.9%འཕར་བའི་ནང་སྡོད་ཁང་ཕྱིར་ཚོང་རྒྱ་ཁྱོན་ནི་དུས་མཚུངས་ལས8.5%འཕར་བ་དང་། ཚོང་སྒྱུར་སྡོད་ཁང་ཕྱིར་ཚོང་བྱེད་ཚད་སྒོར་དུང་ཕྱུར2.3ཡོད་པ་དེ་དུས་མཚུངས་ལས26.4%འཕར་བ་དེའི་ནང་སྡོད་ཁང་ཕྱིར་ཚོང་བྱེད་ཚད་དུས་མཚུངས་ལས36%འཕར་ཡོད་པ་རེད། རྣམ་གྲངས་འཛུགས་སྐྲུན་ཐད་ནས་བལྟས་ན། གསར་དུ་ལས་འགོ་བཙུགས་པའི་རྣམ་གྲངས་མཛོད་འཇུག་བྱེད་ཚད་མངོན་གསལ་དོད་པོས་མང་དུ་ཕྱིན་ཡོད། སྤྱི་ལོ2017ལོའི་ལོ་ཧྲིལ་པོར་ཆུས་ཡོངས་སུ་མཛོད་འཇུག་རྣམ་གྲངས104གསར་དུ་ལས་འགོ་ཚུགས་ནས་སྤྱི་ལོ2016ལོའི་དུས་མཚུངས་ལས79མང་དུ་ཕྱིན་པ་དེ་དུས་མཚུངས་ལས316%འཕར་ཡོད།     

6 སྤྱི་ཚོགས་ལས་དོན།     
6_1 ཚན་རྩལ།      

སྤྱི་ལོ2012ལོར་ཆུས་ཡོངས་སུ་རྒྱལ་ཁབ་དང་། ཞིང་ཆེན། གྲོང་ཁྱེར་བཅས་ཀྱི་ཚན་རྩལ་འཆར་གཞིའི་རྣམ་གྲངས11རེ་ཞུ་བྱས་ནས་ལག་རྩལ་འབྲེལ་མཐུད་དང་གྲུབ་འབྲས་གཞན་སྒྱུར་ཁག7མངོན་འགྱུར་བྱུང་ཡོད། “སྤུས་ཚད་ལ་བརྟེན་ནས་ཆུས་འཛུགས་པའི”ལས་དོན་ལ་སྐུལ་འདེད་ཏན་ཏིག་བཏང་བས་ཁེ་ལས5ལ“ཧྥེང་ཆོན་ཆུས་ཀྱི་སྤུས་ཚད་བྱ་དགའ”ཐོབ་པ་རེད།     

6_2 སློབ་གསོའི་བྱ་གཞག     

སྤྱི་ལོ2013ལོར“ལོ་ལྔ་ཚན་བཅུ་གཅིག་པའི”རིང་རིམ་རྩིས་བྱས་ན་མ་དངུལ་སྒོར་ཁྲི3860བཏང་ནས་སློབ་ཁྲིད་ཐོག་ཁང14ཡི་སློབ་ཁྲིད་ཐོག་ཁང་སྨི་ངོས་གྲུ་བཞི་མ་ཁྲི4.6ཡོད་པ་དང་གྲོང་གསེབ་ཀྱི་སློབ་གྲྭའི་ཉེན་ཡོད་སྡོད་ཁང་སྨི་ངོས་གྲུ་བཞི་མ་ཁྲི3.6སྒྱུར་བཀོད་བྱས་ཡོད།     

6_3 སྨན་བཅོས་འཕྲོད་བསྟེན།     

སྤྱི་ལོ2012ལོར་ཆུས་ཀྱིས་ཁྱོན་མ་དངུལ་སྒོར་ཁྲི3200བཏང་ནས་སྨི་ངོས་གྲུ་ཁྲི1.8བཏང་བའི་ཧྥེང་ཆོན་ཕྱོགས་བསྡུས་སྨན་ཁང་གི་རྣམ་གྲངས་བྱེད་པོ་ལས་མཇུག་འགྲིལ་ནས་གྲོང་ཁྱེར་རིམ་པའི་སྨན་ཁང་དང་མཉམ་ལས་ཀྱི་ལས་དོན་གྲོས་མོལ་བྱེད་བཞིན་ཡོད་པ་དང་། ཆུས་ཡོངས་ཀྱི་གྲོང་གསེབ་ཀྱི་མཉམ་ལས་སྨན་བཅོས་གསར་པའི་ནང་ཞུགས་ཚད99.99%ཟིན་ཡོད།     

6_4 སྤྱི་ཚོགས་འགན་སྲུང་།     

སྤྱི་ལོ2013ལོར་ཆུས་ཡོངས་སུ་གྲོང་ཁྱེར་དང་གྲོང་རྡལ་གྱི་ལས་ཞུགས་མི་གྲངས2464མང་དུ་ཕྱིན་པ་དང་། ལས་བྲལ་ལས་ཤོར་མི་སྣ262བསྐྱར་དུ་ལས་ཞུགས་ཐུབ་པ། གྲོང་གསེབ་ཀྱི་ངལ་ནུས་མི་ཁྲི1.2ལས་ཞུགས་གཞན་སྒྱུར་ཐུབ་པ། ལས་ཞུགས་བསྐྱར་མའི་གྲངས་ཉུང་ཁག་ཐེག་དངུལ་བུན་སྒོར་ཁྲི2000སྤྲད་པ། གྲོང་ཁྱེར་དང་གྲོང་རྡལ་གྱི་ལས་ཤོར་ཐོ་འགོད་བྱེད་ཚད3.5%ནང་ཚུན་དུ་ཚོད་འཛིན་ཐུབ་པ་བཅས་བྱུང་ཡོད། གྲོང་ཁྱེར་དང་གྲོང་རྡལ་གྱི་ལས་བཟོ་དང་། གྲོང་ཁྱེར་དང་གྲོང་གསེབ་ཀྱི་ཡུལ་མི། སྐབས་བསྟུན་ལས་ཞུགས་མི་སྣ་བཅས་འགན་བཅོལ་ནང་ཞུགས་མཁན་མི་གྲངས་ཁྲི5.6ལྷག་ཙམ་ཟིན་པ་དང་རིགས་ཁག་གི་རྒན་གསོའི་འགན་བཅོལ་དང་ལས་ཤོར་འགན་བཅོལ་དུས་ཐོག་ཏུ་འདང་ངེས་སྤྲོད་ཚད་དང་སྤྱི་ཚོགས་ཅན་དུ་འགྱུར་བའི་སྤྲོད་ཚད་ཚང་མ་100%ཡོད།     

6_5 རྨང་གཞིའི་སྒྲིག་བཀོད།     

སྤྱི་ལོ2013ལོར་ཆུས་ཡོངས་སུ་ཤིན་ཀྲུང་ལམ་ཆེན་ནས་ཧྥུང་ཧོང་ཧྲན་བར་དང་། མུའུ་ཡེ་ལམ་ཆེན་གྱི་བྱང་ངོས་ཀྱི་ཡན་ཅིན་ཡོན་ལམ། ཧྥེང་ཆོན་ཆུས་ཀྱི་བཙོག་ཆུ་མདོང་ལམ་སོགས་ཀྱི་ལས་གྲྭ་ལེགས་སྒྲུབ་བྱས་པ་དང་། ཞང་དང་གྲོང་ཁྱེར་གསར་པའི་མཐའ་སྐོར་གྱི་ཧྥེང་ཆོན་ཁུལ་གྱི་དུམ་བུ་དང་། པིན་ཧོ་ལྷོ་ལམ། ལུང་ཐན་ལམ། ཆུས་ཧྥུའུ་ལམ་སོགས་རྣམ་གྲངས་འཛུགས་སྐྲུན་ལ་སྐུལ་འདེད་བཏང་ཡོད། གཉིས་ནི་གྲོང་ཁྱེར་ནང་གི་གྲོང་སྡེ་དང་སྤྱིལ་ཁྱིམ་ཆུས་བསྒྱུར་བཀོད་དང་ས་ཁང་བདག་ཁོངས་གསར་སྤེལ་གྱི་གོམ་སྟབས་རྒྱུན་མ་ཆད་པར་ཇེ་མགྱོགས་སུ་བཏང་། ཀེང་ཀྲོང་དང་། ཧྲང་ཅེ། དབྱང་ཅིའུ་ཐུན། ཧོ་ཐུན་ཁྲེང་གྲོང་གི་གྲོང་ཚོ་སྒྱུར་བཀོད་རྣམ་གྲངས་བདེ་བླག་ངང་སྤེལ་བ་དང་། ཞིན་ཞང་བཙོན་ཁང་གི་སྡོད་ཁང་སྐྱོ་ཁུལ་སྒྱུར་བཀོད་དང་ཝུའེ་པེ་གླིང་ཁུལ་གྱི་སྤྱི་པའི་བོགས་གཏོང་ཁང་པའི་རྣམ་གྲངས། ཧུང་མིང་དུས་རབས་ཐང་ཆེན་དང་། དུས་རབས་ཧྭ་ཐིང་། དུས་རབས་སྤྱི་ཁང་། ལུའེ་དབྱིན་གཙང་པོའི་ངོགས་ཀྱི་དུས་ཐེངས་གསུམ་པ། ཤིན་ཧུའུ་མེ་ཏོག་ལྡུམ་རའི་དུས་གསུམ་པ་སོགས་ས་ཁང་བདག་ཁོངས་རྣམ་གྲངས་འཕེལ་རྒྱས་བདེ་བླག་བྱུང་ཡོད།     

6_6 འགྲིམ་འགྲུལ།     

གྲོང་ཁྱེར་ལྟེ་གནས་དང་སྤྱི་ལེ10ཙམ་དང་། ཞིང་ཆེན་གྱི་སྲིད་འཛིན་ལྟེ་གནས་ཀྲེན་ཀྲོའུ་ནས་སྤྱི་ལེ99ཙམ་ཡོད། པེ་ཅིང་ནས་ཀོང་ཀྲོའུ་བར་གྱི་ལྕགས་ལམ་དེ་ས་ཁོངས་ཧྲིལ་པོ་དང་། ཤར་ངོས་སུ་ཅིང་ཀྲུའུ་བར་གྱི་མྱུར་བགྲོད་གཞུང་ལམ་དང་རྒྱལ་ལམ་107ཡོད། ཅི་ཏུང་མྱུར་བགྲོད་གཞུང་ལམ་དང་ཞིན་ཅིན་མྱུར་བགྲོད་གཞུང་ལམ་དེ་མངའ་ཁོངས་ནང་བརྒྱུད་ཐུབ།     སྤྱི་ལོ2010ལོའི་བར་ཆུས་ཡོངས་ཀྱི་གྲོང་གསེབ་གཞུང་ལམ་ཐོག་རླངས་འཁོར་ཤར་གཏོང་ཐུབ་པའི་ལམ་ཚད་ལ་སྤྱི་ལེ292.5ཡོད་པ་དེས་ཆུས་ཡོངས་ཀྱི་གཞུང་ལམ(སྤྱི་ལེ302)བསྡུར་ཚད་ཀྱི96.8%ཟིན་པ་དང་གཞུང་ལམ་གྱི་སྟུག་ཚད་ལ་སྤྱི་ལེ་ངོས་གྲུ་བཞི་མ་བརྒྱ་རེར་སྤྱི་ལེ200ཟིན་ཡོད།


དཔྱད་གཞིའི་ཡིག་ཆ།

བརྡ་འགྲེལ་གདོང་འཛར།

ས་ཁམས།