ནུན་ཅང་གྲོང་ཁྱེར།སྔ་མའི་པར་གཞི་དེ སེང་ལྡེང་མཚོ། ནས 2020-03-18 09:03ལ་འགྲུབ།
ནུན་ཅང་གྲོང་ཁྱེར།
ནུན་ཅང་གྲོང་ཁྱེར།
ནུན་ཅང་གྲོང་ཁྱེར་ནི་ཧེ་ལུང་ཅང་ཞིང་ཆེན་གྱི་ཧེ་ཧུ་གྲོང་ཁྱེར་ལ་གཏོགས་པ་དང་། སུང་ནེན་བདེ་ཐང་ཆེ་བ་དང་། ཞིན་ཨན་ལིང་ཆུང་བའི་རི་ཁུལ་གྱི་བར་བརྒལ་ས་ཁུལ། ཧེ་ལུང་ཅང་ཞིང་ཆེན་གྱི་ནུབ་བྱང་རྒྱུད་དང་། ཧེ་ཧོ་གྲོང་ཁྱེར་གྱི་ནུབ་རྒྱུད་བཅས་སུ་གནས་ཡོད། ནུན་ཅང་གྲོང་ཁྱེར་ནི་མངའ་ཁོངས་ཀྱི་ནུན་ཅང་གཙང་པོ་དང་འབྲེལ་བའི་རྐྱེན་གྱིས་མིང་དེ་ལྟར་ཐོགས་པ་དང་། སྤྱིའི་རྒྱ་ཁྱོན་ལ་སྟོང་སྨི་གྲུ་བཞི་མ15109.2ཟིན་པ་དེའི་ཁོངས་སུ་གྲོང་རྡལ9དང་ཡུལ་ཚོ5ཡོད། སྤྱི་ལོ2018ལོའི་སྤྱིའི་མི་འབོར464733ཟིན་ཡོད།
གཞི་རྩའི་གནས་ཚུལ།
རྒྱ་ཡིག་གི་མིང་།
嫩江
ཕྱི་ཡིག་གི་མིང་།
Nenjiang
ཁོངས་གཏོགས་ས་ཁུལ།
ཧེ་ལུང་ཅང་ཞིན་ཆེན་ཧེ་ཧུ་གྲོང་ཁྱེར།
སྲིད་འཛིན་ས་ཁོངས་ཀྱི་རིགས་དབྱེ།
རྫོང་རིམ་པའི་གྲོང་ཁྱེར།
མངའ་ཁོངས།
གྲོང་རྡལ9 ཡུལ་ཚོ5
སྲིད་གཞུང་གནས་ཡུལ།
ནུན་ཅང་གྲོང་ཁྱེར།
ས་ཁོངས་ཁ་པར་ཨང་རྟགས།
0456
སྦྲག་སྲིད་ཨང་རྟགས།
161499
གནས་ཡུལ།
ཧེ་ཧུ་གྲོང་ཁྱེར་གྱི་ནུབ་རྒྱུད།
རྒྱ་ཁྱོན།
སྤྱི་ལེ་གྲུ་བཞི་མ15109ཡོད།
མི་གྲངས།
མི464733ཡོད།
གནམ་གཤིས།
དྲོ་རྒྱུན་སྐམ་སའི་རང་བཞིན་གྱི་དུས་རླུང་ནམ་ཟླ།
གནམ་གྲུ་ཐང་།
མོ་ཨེར་ཀེན་ཐུང་ཡུང་གནམ་གྲུ་ཐང་།
མེ་འཁོར་འབབ་ཚུགས།
ནུན་ཅང་འབབ་ཚུགས།
རླངས་འཁོར་གྱི་ཨང་རྟགས།
ཧེ（黑）N
སྲིད་འཛིན་ཚབ་ཨང་།
231183
དཀར་ཆག
1
ངོ་སྤྲོད།
ནུན་ཅང་གྲོང་ཁྱེར་ནི་ཧེ་ལུང་ཅང་ཞིང་ཆེན་གྱི་ཧེ་ཧུ་གྲོང་ཁྱེར་ལ་གཏོགས་པ་དང་། སུང་ནེན་བདེ་ཐང་ཆེ་བ་དང་། ཞིན་ཨན་ལིང་ཆུང་བའི་རི་ཁུལ་གྱི་བར་བརྒལ་ས་ཁུལ། ཧེ་ལུང་ཅང་ཞིང་ཆེན་གྱི་ནུབ་བྱང་རྒྱུད་དང་། ཧེ་ཧོ་གྲོང་ཁྱེར་གྱི་ནུབ་རྒྱུད་བཅས་སུ་གནས་ཡོད། ནུན་ཅང་གྲོང་ཁྱེར་ནི་མངའ་ཁོངས་ཀྱི་ནུན་ཅང་གཙང་པོ་དང་འབྲེལ་བའི་རྐྱེན་གྱིས་མིང་དེ་ལྟར་ཐོགས་པ་དང་། སྤྱིའི་རྒྱ་ཁྱོན་ལ་སྟོང་སྨི་གྲུ་བཞི་མ15109.2ཟིན་པ་དེའི་ཁོངས་སུ་གྲོང་རྡལ9དང་ཡུལ་ཚོ5ཡོད། སྤྱི་ལོ2018ལོའི་སྤྱིའི་མི་འབོར464733ཟིན་ཡོད།
སྤྱི་ལོ2018ལོར་ནུན་ཅང་གྲོང་ཁྱེར་གྱི་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་སྒོར་ཁྲི2093751ཟིན་པ་དེ་དུས་མཚུངས་ལས6.3%འཕར་བ་དང་། ཐོན་ལས་དང་པོའི་འཕར་ཐང་སྒོར་ཁྲི1016839ཟིན་པ་དེ་དུས་མཚུངས་ལས7.6%འཕར་བ་དང་། ཐོན་ལས་གཉིས་པའི་འཕར་ཐང་སྒོར་ཁྲི248623ཟིན་ནས་དུས་མཚུངས་ལས4.0%འཕར་བ། ཐོན་ལས་གསུམ་པའི་འཕར་ཐང་སྒོར་ཁྲི828289ཟིན་པ་དེ་དུས་མཚུངས་ལས5.4%འཕར་བ་བཅས་ཡིན། སྤྱི་ལོ2019ལོའི་ཟླ11པར་ཆུ་གྲོན་ཆུང་རྣམ་པའི་སྤྱི་ཚོགས་འཛུགས་སྐྲུན་གྱི་ཚད་ལོན་རྫོང(ཁུལ)གི་མིང་ཐོ་ཁག་གཉིས་པའི་ནང་ཚུད་ཡོད། རྒྱལ་ཡོངས་ཀྱི་ཞིང་པའི་མཉམ་ལས་ཁང་གི་སྤུས་ཚད་མཐོ་རུ་གཏོང་བའི་རྫོང་ཡོངས་ཀྱི་སྐུལ་འདེད་ཚོད་ལྟའི་ལས་ཁུངས་སུ་བདམས།
2
ལོ་རྒྱུས་འཕེལ་རིམ།
སྤྱི་ལོ1954ལོའི་ཟླ8པར། ཧེ་ལུང་ཅང་ཞིང་ཆེན་གྱིས་ནུན་ཅང་ཆེད་ཁུལ་གསར་དུ་བཙུགས།
སྤྱི་ལོ1959ལོར་ཨའེ་ཧུའེ་རྫོང་གི་ཧོ་ལུང་མོན་ཡུལ་ཚོའི་ཁོངས་སུ་བགོས།
སྤྱི་ལོ1960ལོའི་ཟླ5བར་ནུན་ཅང་ཆེད་ཁུལ་མེད་པར་བཟོས་ནས་ཆི་ཆི་ཧ་ཨེར་གྲོང་ཁྱེར་གྱི་ཁོངས་སུ་བཅུག།
སྤྱི་ལོ1961ལོར་ནུན་ཅང་ཀྲོན་ཆུས་སླར་གསོ་བྱས།
སྤྱི་ལོ1970ལོའི་ཟླ3པར་ཧེ་ཧུ་ས་ཁུལ་དུ་གཏོགས།
སྤྱི་ལོ1993ལོའི་ཟླ2པ་ནས་བཟུང་ཧེ་ཧུ་གྲོང་ཁྱེར་གྱི(ས་ཁུལ་རིམ་པའི)ཁོངས་སུ་གཏོགས།
སྤྱི་ལོ2019ལོའི་ཟླ8པར་ནུན་ཅང་གྲོང་ཁྱེར(རྫོང་རིམ་པ)7འཛུགས་རྒྱུའི་ཆོག་མཆན་ཐོབ།
སྤྱི་ལོ2019ལོར་རྒྱལ་སྲིད་སྤྱི་ཁྱབ་ཁང་གི་ཆོག་མཆན་ཐོབ་པ་བརྒྱུད། དམངས་སྲིད་པུས་ནུན་ཅང་རྫོང་མེད་པ་བཟོས་ནས་རྫོང་རིམ་པའི་ནུན་ཅང་གྲོང་ཁྱེར་བཙུགས་ཏེ་དེ་སྔའི་ནུན་ཅང་རྫོང་སྲིད་འཛིན་ས་ཁོངས་ནི་ནུན་ཅང་གྲོང་ཁྱེར་གྱི་སྲིད་འཛིན་ས་ཁོངས་ཡིན་པ་དང་ནུན་ཅང་གྲོང་ཁྱེར་མི་དམངས་སྲིད་གཞུང་ནི་ནུན་ཅང་གྲོང་རྡལ་ཆིང་ཅང་ལམ་ཨང201པ་རུ་བཅའ་སྡོད་བྱས་ཡོད།
3
སྲིད་འཛིན་ས་ཁུལ་གྱི་དབྱེ་མཚམས།
ནུན་ཅང་གྲོང་ཁྱེར་གྱི་ཁོངས་གཏོགས་སུ་ཡུལ་ཚོ་རིམ་པའི་སྲིད་འཛིན་ས་ཁུལ14ཡོད་པ་དང་། དེའི་ཁོངས་སུ་གྲོང་རྡལ9དང་ཡུལ་ཚོ5ཡོད་ལ། དེ་དག་ནི་ནུན་ཅང་གྲོང་རྡལ་དང་། དབྱི་ལ་ཧ་གྲོང་རྡལ། ཧྲོང་ཧྲན་གྲོང་རྡལ། ཏོ་པའོ་ཧྲན་གྲོང་རྡལ། ཧའེ་ཅང་གྲོང་རྡལ། ཆན་ཅིན་གྲོང་རྡལ། ཁྲང་ཧྥུ་གྲོང་རྡལ། ཁོ་ལོ་གྲོང་རྡལ། ཧོ་ལུང་མོན་གྲོང་རྡལ། ལིན་ཅང་ཡུལ་ཚོ། ལེན་ཞིང་ཡུལ་ཚོ། པའེ་ཡུན་ཡུལ་ཚོ། ཐ་ཞི་ཡུལ་ཚོ། ཁྲང་ཅང་ཡུལ་ཚོ་བཅས་ཡིན། ནུན་ཅང་གྲོང་ཁྱེར་མི་དམངས་སྲིད་གཞུང་ནི་ནུན་ཅང་གྲོང་རྡལ་ཆིང་ཅང་ལམ་གྱི་ཨང201པ་རུ་བཅའ་སྡོད་བྱས་ཡོད།
4
གནས་ཡུལ།
ནུན་ཅང་གྲོང་ཁྱེར་ནི་ཧེ་ལུང་ཅང་ཞིང་ཆེན་གྱི་ནུབ་བྱང་རྒྱུད་དུ་གནས་པ་དང་། ས་ཆ་དེ་ཤར་གྱི་གཞུང་ཐིག124°44′30″ནས12°49′30″དང་བྱང་གི་འཕྲེད་ཐིག48°42′35″ནས51°00′05″བཅས་བརྒལ་ཡོད། བྱང་དབྱི་ལེ་ཧུའུ་ལི་རི་བོ་དང་། ཧུའུ་མ་རྫོང་དང་འབྲེལ་ཡོད། ཤར་དུ་ཞིང་ཨན་ལིན་ཆུང་བ་དང་ཨའེ་ཧུའེ་ཆུས། སུན་ཝུའུ་རྫོང་། ཝུའུ་ཏ་ལེན་ཁྲི་གྲོང་ཁྱེར་བཅས་དང་འབྲེལ་ཡོད། ནུབ་ནུན་ཅང་གཙང་པོ་དང་ནང་སོག་རང་སྐྱོང་ལྗོངས་མོ་ལི་ཏ་ཝ་ཏ་ཝོར་རིགས་རང་སྐྱོང་ཆི་དང་ཨོ་ལུན་ཁྲུན་རང་སྐྱོང་ཆི་བཅས་གཙང་པོ་དང་ཕན་ཚུན་ཁ་གཏད་དུ་གནས་ཡོད། ལྷོ་སུང་ནེན་བདེ་ཐང་དང་ན་ཧུ་གྲོབ་ཁྱེར་དང་འབྲེལ་ཞིང་། རྒྱ་ཁྱོན་ལ་བསྡོམས་འབོར་སྟོང་སྨི་གྲུ་བཞི་མ15109.2ཟིན་ཡོད།
5
གནམ་གཤིས།
ནུན་ཅང་གྲོང་ཁྱེར་གྱི་གནམ་གཤིས་ནི་གྲང་ཞིང་དྲོ་བའི་ས་ཁུལ་གྱི་སྐམ་སའི་རང་བཞིན་གྱི་དུས་རླུང་གི་ནམ་ཟླའི་ཁོངས་སུ་གཏོགས། རྫོང་ནང་ཁུལ་གྱི་གནམ་གཤིས་ཀྱི་ཁྱད་ཆོས་ནི་ལོ་རེའི་ཆ་སྙོམས་དྲོད་ཚད་ཅུང་དམའ། སད་མེད་དུས་ཐུང་། ཆར་ཆུ་དུས་ཚིགས་གཅིག་པ། དགུན་དུས་རིང་། གྲོང་ཁྱེར་ནང་ལོགས་ཀྱི་འཕྲེད་ཐིག་གི་ཏུའུ་གྲངས་ཅུང་མཐོ་བ་དང་། ལོ་རེའི་ཆ་སྙོམས་དྲོད་ཚད་ཅུང་དམའ་བ། ས་དབྱིབས་ཀྱི་ཆ་རྐྱེན་ཅུང་ལེགས་པ། གནམ་གཤིས་ཀྱི་དྲོད་ཚད་ཀྱང་འཕྲེད་ཐིག་གཅིག་པ་ལས་མཐོ་བ། གྲོང་ཁྱེར་དེ་ཡོངས་ལ་དཔྱིད་དུས་དྲོད་སླེབས་མགྱོགས་པ་དང་། སྟོན་དུས་ཀྱི་དྲོད་ཚད་མྱུར་བ། དུས་བཞི་དང་ཉིན་མཚན་གྱི་དྲོད་ཚད་ཅུང་ཞན་པའི་ཁྱད་ཆོས་ཡོད། དུས་བཞིའི་གནམ་གཤིས་ཀྱི་ཁྱད་ཆོས་ནི་ནུན་ཅང་གྲོང་ཁྱེར་གྱི་ལོ་མང་པོའི་ཆ་སྙོམས་དྲོད་ཚད0.8-1.4℃ཡིན་པ་དང་། ལྷོ་བྱང་གི་དྲོད་ཚད་ཧེ་བག2.2℃ལས་ཆེ་བ། ལོ་མང་པོའི་ཆ་སྙོམས་ཆར་ཆུ་འབབ་ཚད་ཧའོ་སྨི480ནས512བར་ཡིན་པ། རླུང་གི་ཁ་ཕྱོགས་མང་ཤོས་ནི་བྱང་རླུང་ཡིན་པ། དེ་ནས་ལྷོ་རླུང་ཡིན། དགུན་དུས་གྲང་ངར་ཆེ་ལ་དུས་ཡུན་རིང་བ་དང་སྐམ་ཤས་ཆེ་བ། དྲོད་ཚད་དམའ་ཤོས་ནི-47.3-43.7℃ཡིན། དབྱར་དུས་ཀྱི་ཆར་ཞོད་དུས་ཚིགས་གཅིག་ཡིན་པ་དང་དྲོད་ཚད་མཐོ་ཤོས་ནི33.9—37.4℃ཡིན་པ་དང་། དཔྱིད་རླུང་ཆེ་ལ་ཉིན་མཚན་གྱི་དྲོད་ཚད་ཧེ་བག་ཆེ། ལོ་ཧྲིལ་པོར་ཧྲེ་ཧྲི་ཏུའུ10℃ཡི་དྲོད་ཚད230℃ཡི་གཡས་གཡོན་དང་མཚུངས། འོད་ཕོག་ཚད་འདང་ངེས་ཡོད་པ་བཅས་ཡིན།
6
མི་གྲངས།
སྤྱི་ལོ2018ལོའི་ལོ་མཇུག་བར་ནུན་ཅང་གྲོང་ཁྱེར་གྱི་མི་འབོར464733ཟིན་པ་དེ་ལོ་གོང་མའི་དུས་མཚུངས་ལས་མི4019ཉུང་དུ་ཕྱིན་ཡོད། མི་འབོར་སྐྱེ་ཚད་ཀྱི4.6སྟོང་ཆ་དང་། མི་འབོར་ཤི་ཚད་ཀྱི5.9སྟོང་ཆ། མི་འབོར་རང་ཤུགས་སུ་འཕར་ཚད་ཀྱི-1.སྟོང་ཆ་བཅས་ཡིན། ནུན་ཅང་གྲོང་ཁྱེར་ལ་རྒྱ་རིགས་ཕུད། ད་དུང་མན་ཇུ་རིགས་དང་། ཏ་ཝོར་རིགས། ཨོ་ལུན་ཁྲུན་རིགས། ཨོ་ཝུན་ཁེ་རིགས་སོགས་གྲངས་ཉུང་མི་རིགས16ཡོད།
7
དཔལ་འབྱོར།
སྤྱི་ལོ2018ལོར་ནུན་ཅང་གྲོང་ཁྱེར་གྱི་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་སྒོར་ཁྲི2093751ཟིན་པ་དེ་དུས་མཚུངས་ལས6.3%འཕར་བ། དེའི་ནང་ཐོན་ལས་དང་པོའི་འཕར་ཐང་སྒོར་ཁྲི1016839ཟིན་པ་དེ་དུས་མཚུངས་ལས7.6%འཕར་བ་དང་། ཐོན་ལས་གཉིས་པའི་འཕར་ཐང་སྒོར་ཁྲི248623ཟིན་ནས་དུས་མཚུངས་ལས4.0%འཕར་བ། ཐོན་ལས་གསུམ་པའི་འཕར་ཐང་སྒོར་ཁྲི8289ཟིན་པ་དེ་དུས་མཚུངས་ལས5.4%འཕར་བ། ཐོན་ལས་ཐེངས་གསུམ་གྱི་གྲུབ་ཆ་སྤྱི་ལོ2017ལོའི48.7:12.0:39.3ནས48.6:11.9:39.5བར་ལེགས་སྒྲིག་བྱས་པ་བཅས་ཡིན། མི་རེའི་ཆ་སྙོམས་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་སྒོར44859ཟིན་པ་དེ་དུས་མཚུངས་ལས8.4%འཕར་ཡོད།
སྤྱི་ལོ2018ལོར་ནུན་ཅང་གྲོང་ཁྱེར་དང་གྲོང་རྡལ་གྱི་རྒྱུན་སྡོད་གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར26069ཟིན་པ་དེ་དུས་མཚུངས་ལས6.0%འཕར་བ་དང་། གྲོང་གསེབ་ཀྱི་རྒྱུན་སྡོད་གྲོང་མི་མི་རེའི་ཆ་སྙོམས་ཡོང་འབབ་ཁེ་གཙང་སྒོར14918ཟིན་པ་དེ་དུས་མཚུངས་ལས8.4%འཕར་ཡོད།
སྤྱི་ལོ2018ལོའི་ལོ་མཇུག་བར་ནུན་ཅང་གྲོང་ཁྱེར་གྱི་གྲོང་ཁྱེར་དང་གྲོང་རྡལ་གྱི་ལས་ཞུགས་མི་སྣ65712(དེའི་ནང་སྒེར་གཉེར་དང་ཁེར་རྐྱང་ཚུད་མེད་པ)ཡོད་པའི་ནང་ཁེ་ལས་ཀྱི་ལས་ཞུགས་མི་སྣ49939དང་། བྱ་གཞག་གི་ལས་ཞུགས་མི་སྣ11546ལས་ཁུངས་ཀྱི་ལས་ཞུགས་མི་སྣ4227བཅས་ཡོད་པ་ཡིན། གྲོང་ཁྱེར་དང་གྲོང་རྡལ་གྱི་ཚན་པའི་ལས་ཞུགས་མི་སྣའི་ལོ་རེའི་ཆ་སྙོམས་གླ་ཕོགས་སྒོར36053(སྒེར་གཉེར་དང་ཁེར་རྐྱང་ཚུད་མེད་པ)ཡིན་པ་དང་དེའི་ནང་གྲོང་ཁྱེར་དང་གྲོང་རྡལ་གྱི་ཚན་པའི་ལས་ཐོག་ལས་བཟོའི་ལོ་རེའི་ཆ་སྙོམས་གླ་ཕོགས་སྒོར41932ཡིན།
སྤྱི་ལོ2018ལོར་ནུན་ཅང་གྲོང་ཁྱེར་གྱི་གྲོང་ཁྱེར་དང་གྲོང་རྡལ་དུ་མི5059གསར་དུ་ལས་ཞུགས་ཐུབ་པ་དང་། ལས་ཤོར་མི་སྣ2490བསྐྱར་དུ་ལས་ཞུགས་ཐུབ་པ། གྲོང་ཁྱེར་དང་གྲོང་རྡལ་དུ་ལས་ཤོར་ཐོ་འགོད་བྱེད་ཚད་ཀྱི3.79%ཟིན་ཡོད།
སྤྱི་ལོ2018ལོར་ནུན་ཅང་གྲོང་ཁྱེར་གྱི་གཏན་འཇགས་རྒྱུ་ནོར་ལ་མ་དངུལ་གཏོང་ཚད་དུས་མཚུངས་ལས7%འཕར་ཡོད། གྲོང་ཁྱེར་དེ་ཡོངས་ཀྱི་སྤྱི་པའི་ནོར་སྲིད་སྔོན་རྩིས་ཡོང་འབབ་སྒོར་ཁྲི65173ཟིན་པ་དེ་དུས་མཚུངས་ལས6.9%འཕར་ཡོད། ནོར་སྲིད་གཏོང་སྒོའི་གཞི་ཁྱོན་རྒྱུན་ཆད་མེད་པར་ཆེ་རུ་ཕྱིན་པ་དང་གཙོ་གནད་གཏོང་སྒོའི་འཕར་ཚད་ཅུང་མགྱོགས། གྲོང་ཁྱེར་དེ་ཡོངས་ཀྱི་སྤྱི་པའི་ནོར་སྲིད་སྔོན་རྩིས་གཏོང་སྒོ་སྒོར་ཁྲི490795ཟིན་པ་དེ་དུས་མཚུངས་ལས5.7%འཕར་ཡོད།
8
སྤྱི་ཚོགས་ལས་དོན།
8_1
སློབ་གསོ།
སྤྱི་ལོ2018ལོའི་ལོ་མཇུག་བར་ནུན་ཅང་གྲོང་ཁྱེར་དུ་མཐོ་རིམ་སློབ་འབྲིང4ཡོད་པ་དང་སློབ་གྲྭར་འགྲོ་མུས་ཀྱི་སློབ་མ4891ཡོད་པ་དང་། དམའ་རིམ་སློབ་འབྲིང12ལ་སློབ་གྲྭར་ཡོད་པའི་སློབ་མ8816ཡོད། སློབ་ཆུང17དང་སློབ་གྲྭར་ཡོད་པའི་སློབ་མ13982ཡོད། གྲོང་ཁྱེར་དེ་ཡོངས་ཀྱི་བུ་བཅོལ་ཁང67དང་སློབ་ན་མ་སོན་གོང་གི་སློབ་གསོའི་བུ་བཅོལ་ཁང་གི་བྱིས་པ5571བཅས་ཡོད།
8_2
རིག་གནས།
སྤྱི་ལོ2018ལོའི་ལོ་མཇུག་བར་ནུན་ཅང་གྲོང་ཁྱེར་དུ་རིག་གནས་བྱ་གཞག་གི་ལས་ཁུངས10ཡོད་པའི་ནང་རིག་གནས་ཁང1དང་སྒྱུ་རྩལ་འཁྲབ་སྟོན་ཚོགས་པ1ཡོད། ལོ་ཧྲིལ་པོར་གྲོང་གསེབ་ཏུ་འཁྲབ་སྟོན་ཐེངས30ལྷག་ཙམ་བྱས་པ་དང་ལྟད་མོ་བ་མི་ཐེངས30000ལྷག་ཙམ་ཟིན་པ། རིག་རྩལ་འཁྲབ་སྟོན་ཆེ་གྲས་ཐེངས8དང་ལྟད་མོ་བ་མི་ཐེངས16000ལྷག་ཙམ་སྒྲིག་འཛུགས་བྱས་པ། ཆེད་མངགས་འཁྲབ་སྟོན་ཐེངས6དང་ལྟད་མོ་བ་མི་ཐེངས7000ལྷག་ཙམ་བྱས་པ་བཅས་ཡིན། གྲངས་འཛིན་བརྙན་འཕྲིན་སྤྱོད་མཁན་དུད་ཚང59100ཟིན་ཡོད།
8_3
འཕྲོད་བསྟེན།
སྤྱི་ལོ2018ལོའི་ལོ་མཇུག་བར་ནུན་ཅང་གྲོང་ཁྱེར་དུ་འཕྲོད་བསྟེན་སྒྲིག་གཞི366ཡོད་པའི་ནང་རིགས་ཁག་གི་སྨན་ཁང35དང་། གྲོང་ཁྱེར་དང་གྲོང་རྡལ་གྱི་སྡེ་ཁུལ་འཕྲོད་བསྟེན་ཞབས་ཞུའི་ལྟེ་གནས5 གྲོང་ཁྱེར་དང་གྲོང་རྡལ་གྱི་སྒེར་གྱི་སྨན་བཅོས་ཁང་དང་གྲོང་ཚོའི་འཕྲོད་བསྟེན་ཁང326བཅས་ཡོད་པ་དང་། འཕྲོད་བསྟེན་སྒྲིག་གཞི་ཁག་ལ་ཉལ་ཁྲི2057ཡོད་པ་དང་། འཕྲོད་བསྟེན་ལག་རྩལ་མི་སྣ1881ཡོད།
དཔྱད་གཞིའི་ཡིག་ཆ།