ཡོན་ཞི་རྫོང་།སྔ་མའི་པར་གཞི་དེ གདུགས་དཀར་རྒྱལ།  ནས 2020-02-28 15:59ལ་འགྲུབ།

ཡོན་ཞི་རྫོང་།

ཡོན་ཞི་རྫོང་།
ཡོན་ཞི་རྫོང་ནི་ཧུའུ་པེའི་ནུབ་བྱང་མཐའ་མཚམས་སུ་གནས་པ་དང་། ཧན་ཅང་གཙང་པོའི་དབུས་རྒྱུད་དང་སྟོད་རྒྱུད་ཀྱི་བྱང་ངོགས་སུ་གནས། ཤར་བྱང་དང་། བྱང་ཕྱོགས། ནུབ་བྱང་། ལྷོ་ནུབ། ལྷོ་ཕྱོགས་བཅས་དང་ཧྲའན་ཤིས་ཞིང་ཆེན་ཧྲང་ནན་དང་། ཧྲན་དབྱང་། ཀྲེན་ཨན། སུའེ་དབྱང་། པའེ་ཧོ་བཅས་རྫོང་ལྔ་དང་འབྲེལ་ཡོད། བྱང་ནི་ཆིན་ལིན་དང་། ལྷོ་ནི་ཧན་ཅང་དང་འབྲེལ་ཡོད། “ཆིན་གྱི་མིད་པ་དང་། ཁྲུའུ་ཡི་སྒོ་མོ”ཞེས་འབོད་སྲོལ་ཡོད། ཡོན་ཞི་རྫོང་གི་མངའ་ཁོངས་ཀྱི་རྒྱ་ཁྱོན་ལ་སྤྱི་ལེ་གྲུ་བཞི་མ3509དང་། ཤར་ནུབ་ཀྱི་རིང་ཚད་ལ་སྤྱི་ལེ115དང་། ལྷོ་བྱང་གི་ཞེང་ཚད་ལ་སྤྱི་ལེ55ཡོད། ས་བབ་ནི་ནུབ་བྱང་མཐོ་ལ་ཤར་ལྷོ་དམའ་བ་ཡིན། ཡོན་ཞི་རྫོང་གི་ཁོངས་གཏོགས་སུ་ཤང་གྲོང(ར་བ་དང་ཆུས)18ཡོད་པ་དང་། གྲོང་ཚོ(གྲོང་ལྷན)ཨུ་ཡོན་ལྷན་ཁང348དང་། གྲོང་མིའི་ཚོགས་ཆུང2083ཡོད། སྤྱིའི་མི་འབོར་ཁྲི50.42(སྤྱི་ལོ2015ལོ)ཡོད་པ་བཅས་ཀྱི་ནང་ཞིང་ལས་མི་འབོར་ཁྲི42.47ཡོད། རྫོང་ནི་མིང་གོའི་སྲིད་ལོ་བཅུ་གཉིས(སྤྱི་ལོ1476ལོར)བཙུགས་པ་དང་། སྤྱི་ལོ1947ལོའི་ཟླ11པར་ཡོན་ཞི་བཅིངས་འགྲོལ་བཏང་བ་ནི་ཧུའུ་པེ་ཞིང་ཆེན་བཅིངས་འགྲོལ་ཐོབ་སྔ་ཤོས་ཀྱི་རྫོང་ཞིག་ཡིན། སྤྱི་ལོ1987ལོར། རྒྱལ་སྲིད་སྤྱི་ཁྱབ་ཁང་གིས་ཡོན་ཞི་གསར་བརྗེའི་གནས་གཞིའི་ས་ཁུལ་རྙིང་པའི་རྫོང་ཡིན་པར་གཏན་འཁེལ་བྱས་པ་དང་། སྤྱི་ལོ2001ལོར་རྒྱལ་ཁབ་ཀྱི་རེས་སྐོར་གསར་པའི་དབུལ་སྐྱོར་གསར་སྤེལ་གྱི་གཙོ་གནད་རྫོང་དུ་བཅུག་ཡོད།
གཞི་རྩའི་གནས་ཚུལ།

རྒྱ་ཡིག་གི་མིང་།
郧西县
ཕྱི་ཡིག་གི་མིང་།
Yunxi County
སྲིད་འཛིན་ཁུལ་གྱི་རིགས་དབྱེ།
རྫོང་རིམ་པ།
ཁོངས་གཏོགས་ས་ཁུལ།
ཀྲུང་གོའི་ཧུའུ་པེ་ཞིང་ཆེན་ཧྲི་ཡན་གྲོང་ཁྱེར།
མངའ་ཁོངས།
ཁྲེང་ཀོན་དང་། ཧྲང་ཅིན། ཀོན་དབྱིན་སོགས་ཤང་གྲོང18
སྲིད་གཞུང་གནས་ཡུལ།
ཁྲེང་ཀོན་གྲོང་རྡལ།
ས་ཁོངས་ཁ་པར་ཨང་རྟགས།
0719
སྦྲག་སྲིད་ཨང་རྟགས།
442600
གནས་ཡུལ།
ཧྲི་ཡན་གྲོང་ཁྱེར་ནུབ་བྱང་རྒྱུད།
རྒྱ་ཁྱོན།
སྟོང་སྨི་གྲུ་བཞི་མ3509
མི་འབོར།
མི་ཁྲི50.42(སྤྱི་ལོ2015)
ནམ་ཟླ།
ཚ་ཁུལ་ཕལ་བའི་དུས་རླུང་ནམ་ཟླ།
མཛེས་ལྗོངས་གྲགས་ཅན།
ཝུའུ་ལུང་གཙང་པོའི་མཛེས་ལྗོངས་ཁུལ་དང་། ལུང་ཐན་གཙང་པོའི་མཛེས་ལྗོངས་ཁུལ། ཡོན་ཞི་གནམ་ཆུ་ཐང་ཆེན། ཧྲང་ཅིན་ཀུའུ་གྲོང་རྡལ།
གནམ་གྲུ་ཐང་།
ཧྲི་ཡན་ཝུའུ་ཏང་ཧྲན་གནམ་ཐང་།
རླངས་འཁོར་ཚབ་ཨང་།
ཨོ(鄂)C-4
མེ་འཁོར་འབབ་ཚུགས།
ཡོན་ཞི་ཏུང་ས་ཚིགས། ཧྲི་ཡན་ས་ཚིགས། ཧྲི་ཡན་བྱང་ཚིགས།
ཁྱད་ལྡན་རིག་གནས།
བདུན་པའི་བདུན་གྱི་རིག་གནས།
སྲིད་འཛིན་ས་ཁོངས་དབྱེ་མཚམས་ཚབ་ཨང་།
420322
རྫོང་ཨུའི་ཧྲུའུ་ཅི།
ལིའུ་ཞུའེ་ཧྭ།
རྫོང་དཔོན།
ཀྲང་ཐའོ།
GDP
སྒོར་དུང་ཕྱུར61.4(སྤྱི་ལོ2015ལོར)
1 ​ལོ་རྒྱས་ཀྱི་འཕེལ་རིམ།

ཡོན་རྒྱལ་རབས་ཀྱི་སྐབས་སུ་ཅོན་ཀྲིག་གི་མངའ་ཁོངས་ཡིན།

མིང་རྒྱལ་རབས་ཀྱི་དུས་སུ་ཡོན་ཧྲོའེ་རྫོང་གི་ཁོངས་སུ་གཏོགས།

མིན་གོའི་ཐོག་མའི་དུས་སུ་ཡོན་ཞི་ནི་ཞང་དབྱང་ཏའོ་ཡི་ཁོངས་སུ་གཏོགས།མིན་གོའི་སྲིད་ལོ་ཉེར་གཅིག་པ(སྤྱི་ལོ1932ལོ)ཧུའུ་པེ་ཞིང་ཆེན་གྱི་སྲིད་འཛིན་ས་ཁུལ་བཅུ་གཅིག་པའི་ལྟ་ཞིབ་ཁུལ། མི་སེར་རྒྱལ་ཁབ་ཀྱི་སྲིད་ལོ་ཉེར་ལྔ་པ(སྤྱི་ལོ1936ལོ)ཧུའུ་པེ་ཞིང་ཆེན་གྱི་སྲིད་འཛིན་ལྟ་ཞིབ་ཁུལ་བརྒྱད་པ། སྤྱི་ལོ1946ལོར་ད་དུང་ཀྲུང་གུང་གི་འགོ་ཁྲིད་འོག་གི་དམངས་གཙོའི་སྲིད་དབང་འཛུགས་མྱོང་། སྤྱི་ལོ1947ལོའི་ཟླ11པའི་ཚེས16ཉིན་ཡོན་ཞི་རྫོང་བཅིངས་འགྲོལ་ཐོབ་པ་དང་། ཡོན་ཞི་རྫོང་དམངས་གཙོའི་སྲིད་གཞུང་བཙུགས།

སྤྱི་ལོ1949ལོའི་ཟླ5པར་ལིང་ཡོན་ཀྲོན་ཆུས་སུ་གཏོགས་པ་དང་། སྤྱི་ལོ1952ལོར་ཡོན་དབྱང་ཀྲོན་ཆུས་མེད་པར་བཟོས་ནས་ཞང་དབྱང་ཀྲོན་ཆུས་སུ་འཛུལ།

སྤྱི་ལོ1965ལོར་་ཡོན་དབྱང་ཀྲོན་ཆུས་སླར་གསོ་བྱས་པ་དང་། མིང་ལ་ཡོན་དབྱང་ས་ཁུལ་ཞེས་བསྒྱུར། སྤྱི་ལོ1994ལོར་ཡོན་དབྱང་ས་ཁུལ་དང་ཧྲི་ཡན་གྲོང་ཁྱེར་ཟླ་སྒྲིལ་བཏང་ནས་ཧྲི་ཡན་གྲོང་ཁྱེར་གྱི་མངའ་ཁོངས་སུ་གཏོགས།

སྤྱི་ལོ1996ལོར་ཡོན་ཞི་རྫོང་གི་རྒྱ་ཁྱོན་ལ་སྟོང་སྨི་གྲུ་བཞི་མ3509ཡོད་པ་དང་། མི་འབོར་ཁྲི51ཙམ་ཡོད། དེའི་ཁོངས་སུ་གྲོང་རྡལ7དང་ཤང18ཡོད་པ་སྟེ། ཁྲེང་ཀོན་གྲོང་རྡལ་དང་། ཐུའུ་མོན་གྲོང་རྡལ། ཧྲང་ཅིན་གྲོང་རྡལ། ཏན་ཙི་གྲོང་རྡལ། ཅ་ཧོ་གྲོང་རྡལ། ཡང་ཝེ་གྲོང་རྡལ། ཀོན་དབྱིན་གྲོང་རྡལ། ཟི་གིག་ཤང་། མའོ་ཕིང་ཤང་། ཞང་ཁུའུ་ཤང་། ལིའུ་ཏོའུ་ཤང་། ཁོའེ་ཧྲོའུ་ཤང་། ཀོན་ཧྥང་ཤང་། ཧུའུ་པེ་ཁོའུ་ཧུའེ་རིགས་ཤང་། ཅིང་དབྱང་ཤང་། ཉི་གུག་ཤང་། ལིའུ་ལང་ཤང་། ཧེ་ཧུའུ་ཤང་། ཆན་ཁྲེ་ཤང་། མ་ཨན་ཤང་། ཝུའུ་ཏིང་ཤང་། ཐུང་ཡོན་ཤང་། ཧོ་ཅ་ཤང་། ཨན་ཤང་། སན་ཀོན་ཏུང་ཤང་། རྫོང་སྲིད་གཞུང་ནི་ཁྲེང་ཀོན་གྲོང་རྡལ་དུ་བཅའ་སྡོད་བྱས།

སྤྱི་ལོ2010ལོའི་མི་འབོར་ཡོངས་ཁྱབ་ཞིབ་བཤེར་ཐེངས་དྲུག་པར། ཡོན་ཞི་རྫོང་དུ་རྒྱུན་སྡོད་མི་འབོར447482ཡོད།

སྤྱི་ལོ2019ལོའི་ཟླ3པའི་ཚེས6ཉིན་ཀྲུང་དབྱང་དྲིལ་བསྒྲགས་པུའུ་དང་། ནོར་སྲིད་པུའུ། རིག་གནས་དང་ཡུལ་སྐོར་པུའུ། རྒྱལ་ཁབ་རིག་དངོས་ཅུས་བཅས་ཀྱིས《གསར་བརྗེའི་རིག་དངོས་སྲུང་སྐྱོབ་བེད་སྤྱོད་གློག་བརྙན་དབྱེ་འབྱེད་རྫོང་གི་མིང་ཐོ(ཁག་དང་པོ)》ཡོངས་བསྒྲགས་བྱས་པ་དང་། ཡོན་ཞི་རྫོང་དེའི་ནང་དུ་ཚུད་པ་རེད།

2 སྲིད་འཛིན་ས་ཁུལ་གྱི་དབྱེ་མཚམས།

སྤྱི་ལོ2015ལོའི་ལོ་མཇུག་བར་ཧུའུ་པེ་ཞིང་ཆེན་ཡོན་ཞི་རྫོང་ཁོངས་ཀྱི་ཤང་གྲོང་ཁུལ18ཡོད་པའི་ནང་མི་རིགས་ཤང་དང་གྲོང་རྡལ1ཡོད་པ་སྟེ། ཁྲེང་ཀོན་དང་། ཐུའུ་མོན། ཧྲང་ཅིན། ཏེན་ཙི། ཅ་ཧོ། དབྱང་བའེ། ཀོན་དབྱིན། མ་ཨན། ཧོ་ཅ་བཅས་གྲོང་རྡལ9དང་ཤང་ཁོའུ་དང་། ཀོན་ཧྥང་། ཅིང་དབྱང་། ལིའུ་ལང་། ཅན་ཁྲི། ཨན་ཅ། ཧུའུ་པེ་ཁོའུ་ཧུའེ་རིགས་ཤང་། སན་ཀོན་ཏུང་། ཨའེ་ཧྲུའུ་ལིན་ཐེ་ཁྲང་བཅས་ཡོད་པ་རེད། ཁྱོན་གྲོང་མི་ཨུ་ལྷན10དང་གྲོང་ཚོ་ཨུ་ལྷན338ཡོད།

3  ས་ཁམས་ཁོར་ཡུག 
3_1  གནས་ཡུལ། 

ཡོན་ཞི་རྫོང་ནི་ཧུའུ་པེའི་ནུབ་བྱང་མཐའ་མཚམས་སུ་གནས་པ་དང་། ཧན་ཅང་གཙང་པོའི་དབུས་རྒྱུད་དང་སྟོད་རྒྱུད་ཀྱི་བྱང་ངོགས་སུ་གནས། ཤར་བྱང་དང་། བྱང་ཕྱོགས། ནུབ་བྱང་། ལྷོ་ནུབ། ལྷོ་ཕྱོགས་བཅས་དང་ཧྲའན་ཤིས་ཞིང་ཆེན་ཧྲང་ནན་དང་། ཧྲན་དབྱང་། ཀྲེན་ཨན། སུའེ་དབྱང་། པའེ་ཧོ་བཅས་རྫོང་ལྔ་དང་འབྲེལ་ཡོད། བྱང་ནི་ཆིན་ལིན་དང་། ལྷོ་ནི་ཧན་ཅང་དང་འབྲེལ་ཡོད།
       སྤྱི་ལོ2019ལོའི་ཟླ3པའི་ཚེས6ཉིན་ཀྲུང་དབྱང་དྲིལ་བསྒྲགས་པུའུ་དང་། ནོར་སྲིད་པུའུ། རིག་གནས་དང་ཡུལ་སྐོར་པུའུ། རྒྱལ་ཁབ་རིག་དངོས་ཅུས་བཅས་ཀྱིས་ཁག་དང་པོའི་གསར་བརྗེའི་རིག་དངོས་སྲུང་སྐྱོབ་བེད་སྤྱོད་གློག་བརྙན་དབྱེ་འབྱེད་རྫོང་གི་མིང་ཐོར་གཏན་འཁེལ་བྱས།

3_2 ནམ་ཟླ།

ཡོན་ཞི་ནི་ཧྭ་བྱང་གི་རང་བྱུང་ས་ཁོངས་དང་ཧྭ་དབུས་ཀྱི་རང་བྱུང་ས་ཁོངས་བར་ཡིན་ཞིང་། བར་བརྒལ་ས་ཁུལ་ཡིན་ལ། ཚ་ཁུལ་ཕལ་པའི་བྱང་མཚམས་སྐམ་སའི་རང་བཞིན་གྱི་དུས་རླུང་ནམ་ཟླའི་ཁོངས་སུ་གཏོགས། ཁྱད་ཆོས་ནི། དུས་བཞིའི་་དབྱེ་བ་གསལ་བ་དང་། ཆར་ཆུའི་འབབ་ཚད་རན་པ(སྤྱིར་བཏང་ལོ་རེའི་ཆར་ཆུ་འབབ་ཚད་ཧའོ་སྨི700ནས800བར་ཡིན། རང་བྱུང་གནོད་འཚེའི་ལོ་རབས་འགའ་རེ་ཕུད)ཉི་འོད་འདང་བ་དང་། གནམ་གཤིས་དྲོ་འཇམ་ལྡན་པ། སད་མེད་དུས་རིང་བ། དགུན་ཁ་ཐུང་བ་བཅས་ཡིན། ཤར་རྒྱུད་དང་ནུབ་རྒྱུད་ས་ཁུལ་གྱི་བརྒལ་ཐག་རིང(སྤྱི་ལེ125)ཡོད་པའི་རྐྱེན་གྱིས། ཡོན་ཞི་རྫོང་གི་གནམ་ཟླ་དེ་འདྲའི་དོ་མཉམ་མིན་པས་བར་ཁྱད་ཅུང་ཆེ་བ་ཡིན། ལོ་ཧྲིལ་པོའི་ཆ་སྙོམས་དྲོད་ཚད་ཏུའུ15.4ཡིན་པ་དང་། མཐོ་ཤོས་ནི་ཟླ7པར་ཏུའུ27.8ཡིན། ཆེས་ཐལ་དྲགས་པའི་དྲོད་ཚད་ཏུའུ41.9ཡིན། ཆེས་དམའ་བའི་དྲོད་ཚད་ནི་ཟླ་དང་པོར་ཡིན་ལ། ཟླ་རེར་ཆ་སྙོམས་དྲོད་ཚད་ཏུའུ2.5ཡིན། ལོ་རེར་ཆ་སྙོམས་ཉི་འོད་ཕོག་ཚད་ཆུ་ཚོད་5.4ཡིན་པ་བཅས་རེད།

4 མི་འབོར།

སྤྱི་ལོ2015ལོའི་ལོ་མཇུག་བརཡོན་ཞི་རྫོང་གི་མི་འབོར་བསྡོམས་འབོར་ཁྲི50.42ཟིན་པའི་ནང་སྐྱེས་པ་ཁྲི26.41དང་བུད་མེད་ཁྲི24.01ཟིན་ཡོད། སྤྱི་ལོ2015ལོར་ཡོན་ཞི་རྫོང་གི་མི་འབོར་སྐྱེ་ཚད12.23%ཡིན་པ་དང་ཤི་ཚད7.55%ཟིན་ནས་རང་བྱུང་འཕར་ཚད་སྟོང་ཆའི4.69ཡིན།

5 དཔལ་འབྱོར་འཕེལ་རྒྱས།

སྤྱི་ལོ2015ལོར་ཡོན་ཞི་རྫོང་གི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར61.4ཟིན་ནས4.5%འཕར་བ་དང་། ནོར་སྲིད་ཡོང་འབབ་སྒོར་དུང་ཕྱུར4.66ཟིན་ནས13.1%འཕར་བ་རེད། ས་གནས་ཀྱི་སྤྱིར་བཏང་གི་སྤྱི་པའི་སྔོན་རྩིས་ཀྱི་ཡོང་སྒོ་སྒོར་དུང་ཕྱུར3.43ཡིན་པ་དང་། སྤྱི་ཚོགས་ཡོངས་ཀྱི་གཏན་འཇགས་རྒྱུ་ནོར་ལ་མ་དངུལ་སྒོར་དུང་ཕྱུར84བཏང། སྤྱི་ཚོགས་ཀྱི་འཛད་རྫས་སིལ་ཚོང་བསྡོམས་འབོར་སྒོར་དུང་ཕྱུར41.1ཟིན། ཕྱི་ཕྱོགས་ཉོ་ཚོང་ཕྱིར་གཏོང་བྱེད་ཚད་ཨ་སྒོར་ཁྲི2416.5ཟིན། གྲོང་ཁྱེར་དང་གྲོང་རྡལ་གྱི་རྒྱུན་སྡོད་གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར20853ཟིན་པ། ཞིང་པའི་རྒྱུན་སྡོད་གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར7509ཟིན་ཡོད།  

6 སློབ་གསོ། 

སྤྱིར་བཏང་གི་སློབ་གསོ་དང་ལས་རིགས་ཀྱི་འོས་འགན་སློབ་གསོར་གྲུབ་འབྲས་གསར་པ་ཐོབ་པ་དང་། ཁྱིམ་ཚང་ལ་དཀའ་ངལ་ཡོད་པའི་ཞག་སྡོད་སློབ་མར་འཚོ་བའི་ཁ་གསབ་རོགས་དངུལ་སྤྲོད་པའི་སྲིད་ཇུས་ལོངས་སུ་སྤྱོད་རྒྱུ། སློབ་གྲྭ་འབྲིང་ཆུང་གི་བཀོད་པ་སྔར་བས་ལེགས་སྒྲིག་བྱས་པ་དང་། སློབ་ཆུང82དང་། སློབ་གྲྭར་ཞུགས་མུས་ཀྱི་སློབ་མ26979 སློབ་ཆུང་གི་སློབ་ལོ་ལོན་པའི་བྱིས་པ་སློབ་གྲྭར་ཞུགས་ཚད100% དམའ་འབྲིང་དཀྱུས་མའི་སློབ་མ13 སློབ་གྲྭར་ཞུགས་མུས་ཀྱི་སློབ་མ10291བཅས་ཡོད་པ་རེད། མཐོ་འབྲིང་དཀྱུས་མ2དང་སློབ་གྲྭར་ཡོད་པའི་སློབ་མ5111ཡོད། ལས་རིགས་ལག་རྩལ་སློབ་གྲྭ2དང་སློབ་གྲྭར་ཡོད་པའི་སློབ་མ2271ཡོད། ལོ་ཧྲིལ་པོར་ཁེ་བེད་བདག་ཐོབ་འདུན་ཞུ་བྱེད་ཚད91དང་ཁེ་བེད་བདག་ཐོབ་སྤྲོད་ཚད43དང་ཚན་རྩལ་རྣམ་གྲངས་ཀྱི་གྲངས་འབོར22ཡོད།

7 གཟི་བརྗིད་མཚན་སྙན།

སྤྱི་ལོ2017ལོའི་ཟླ10པར་སྡོད་ཁང་འཛུགས་སྐྲུན་པུའུ་ཡིས་རྒྱལ་ཁབ་སྐྱེད་ཚལ་རྫོང་གྲོང་ཞེས་མིང་བཏགས་པ་རེད། 


དཔྱད་གཞིའི་ཡིག་ཆ།

བརྡ་འགྲེལ་གདོང་འཛར།

རྫོང་། ས་ཁམས།