ཐོ་ཞུགས། ཐོ་འགོད།
ཕན་ཅི་ཆུས།སྔ་མའི་པར་གཞི་དེ གདོང་བསོད་ནམས  ནས 2020-02-19 11:02ལ་འགྲུབ།

ཕན་ཅི་ཆུས།

ཕན་ཅི་ཆུས།
ཕན་ཅི་ཆུས་ནི་ཨན་ཧུའེ་ཞིང་ཆེན་ཧོའེ་ནན་གྲོང་ཁྱེར་གྱི་ཁོངས་སུ་གཏོགས་པ་དང་། ཡར་སྔོན་གྱི་མིང་ལ་ཀུའུ་ཀོའུ་ཆུས་ཟེར་ཞིང་། སྤྱི་ལོ1980ལོར་ཕན་ཅི་ཆུས་སུ་བསྒྱུར། ཕན་ཅི་ཆུས་ནི་ཧང་ཧོའེ་ཧོ་བདེ་ཐང་གི་ལྷོ་སྣེ་རུ་ཆགས་ཤིང་། ལྷོ་རུ་ཧོའེ་ཧོ་ཆུ་བོ་དང་བྱང་ངོས་ཚི་ཧོའེ་གཙང་པོ་དང་འབྲེལ། ཤར་ཕྱོགས་སུ་ཧོའེ་ཡོན་རྫོང་དང་ས་མཚམས་འབྲེལ་བ་དང་། ནུབ་ངོས་ཧྥེང་ཐའེ་རྫོང་དང་འབྲེལ་ནས་ཡོད། སྤྱི་ལོ2017ལོའི་ལོ་མཇུག་བར་ཕན་ཅི་ཆུས་ཀྱི་རྒྱ་ཁྱོན་ལ་སྤྱི་ལེ་གྲུ་བཞི་མ600ཟིན་པ་དང་དེའི་ཁོངས་གཏོགས་སུ་ཁྲོམ་ལམ1དང་གྲོང་རྡལ9མི་རིགས་ཡུལ་ཚོ1བཅས་ཡོད་པ་དང་། ཁྱིམ་ཐོའི་མི་འབོར་ཁྲི45.4ཟིན་ཡོད། སྤྱི་ལོ2017ལོར་ཕན་ཅི་ཆུས་ཀྱི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར174.6ཟིན་ནས7.0%འཕར་བ་དང་། ཐོན་ལས་དང་པོའི་རིན་ཐང་འཕར་མ་སྒོར་དུང་ཕྱུར17.8ཟིན། ཐོན་ལས་གཉིས་པའི་རིན་ཐང་འཕར་མ་སྒོར་དུང་ཕྱུར123.0ཟིན་པ་དང་། ཐོན་ལས་གསུམ་པའི་རིན་ཐང་འཕར་མ་སྒོར་དུང་ཕྱུར33.8ཟིན་ཡོད། ཐོན་ལས་གསུམ་པའི་ཐོན་ལས་གྲུབ་ཆ10.2:70.4:19.4ཡིན། ཕན་ཅི་ཆུས་ཀྱི་ཁྱད་ལྡན་ཐོན་ཟོག་གཙོ་བོ་ཕན་ཅི་མེའོ་ཀྭ་དང་ལུའུ་ཅི་སྲན་ལྗང་སྒོར་སོགས་ཡིན་པ་དང་མི་སྣ་གྲགས་ཅན་ནི་གཙོ་བོ་ཁྲེང་ཨན་ཏུང་དང་ཞིན་ཧྲེང་པིའོ་སོགས་ཡོད།
གཞི་རྩའི་གནས་ཚུལ།
རྒྱ་ཡིག་གི་མིང་།
潘集区
གཞི་ཁྱོན།
སྤྱི་ལེ་གྲུ་བཞི་མ600
མི་གྲངས།
ཁྲི45.4(སྤྱི་ལོ2017ལོའི་ཁྱིམ་ཐོའི་མི་གྲངས)
སྲིད་འཛིན་ཁུལ་གྱི་རིགས་དབྱེ།
གྲོང་ཁྱེར་ཐད་གཏོགས་ཆུས།
ནམ་ཟླ།
ཚ་ཁུལ་ཕལ་བའི་དུས་རླུང་རང་བཞིན་གྱི་བརླན་གཤེར་ནམ་ཟླ།
ཁོངས་གཏོགས་ས་ཁུལ།
ཨན་ཧུའེ་ཞིང་ཆེན་ཧོའེ་ནན་གྲོང་ཁྱེར།
མངའ་ཁོངས།
ཡུལ་ཚོ1དང་གྲོང་རྡལ9
སྲིད་གཞུང་སྡོད་གནས།
ཐེན་ཅི་སྲང་ལམ།
མེ་འཁོར་འབབ་ཚུགས།
ཕན་ཅི་འབབ་ཚུགས།
སྲིད་འཛིན་ཁུལ་གྱི་ཚབ་ཨང་།
340406
ས་ཁོངས་ཁ་པར་ཨང་རྟགས།
0554
རླངས་འཁོར་ཚབ་ཨང་།
ཝནD
སྦྲག་སྲིད་ཨང་རྟགས།
232000
དཀར་ཆག
1   ངོ་སྤྲོད་མདོར་བསྡུས།
2   ལོ་རྒྱུས་ཀྱི་འཕེལ་རིམ།
3   སྲིད་འཛིན་ཁུལ་དབྱེ།
4   ས་ཁམས་ཁོར་ཡུག
4.1 གནས་ཡུལ།
4.2 ས་དབྱིབས།
4.3 ནམ་ཟླ།
4.4 གཙང་ཆུའི་མ་ལག
5   མི་གྲངས་དང་མི་རིགས།
5.1 མི་གྲངས།
5.2 མི་རིགས།
6   དཔལ་འབྱོར། 
7   སྤྱི་ཚོགས་ལས་དོན།
7.1 སློབ་གསོ།
7.2 འཕྲོད་བསྟེན།
7.3 འགྲིམ་འགྲུལ་སྐྱེལ་འདྲེན།
7.4 ཡུལ་སྲོལ་གོམས་གཤིས།
7.5 མི་སྣ་གྲགས་ཅན།
1 ངོ་སྤྲོད་མདོར་བསྡུས།

ཕན་ཅི་ཆུས་ནི་ཨན་ཧུའེ་ཞིང་ཆེན་ཧོའེ་ནན་གྲོང་ཁྱེར་གྱི་ཁོངས་སུ་གཏོགས་པ་དང་། ཡར་སྔོན་གྱི་མིང་ལ་ཀུའུ་ཀོའུ་ཆུས་ཟེར་ཞིང་། སྤྱི་ལོ1980ལོར་ཕན་ཅི་ཆུས་སུ་བསྒྱུར།

ཕན་ཅི་ཆུས་ནི་ཧང་ཧོའེ་ཧོ་བདེ་ཐང་གི་ལྷོ་སྣེ་རུ་ཆགས་ཤིང་། ལྷོ་རུ་ཧོའེ་ཧོ་ཆུ་བོ་དང་བྱང་ངོས་ཚི་ཧོའེ་གཙང་པོ་དང་འབྲེལ། ཤར་ཕྱོགས་སུ་ཧོའེ་ཡོན་རྫོང་དང་ས་མཚམས་འབྲེལ་བ་དང་། ནུབ་ངོས་ཧྥེང་ཐའེ་རྫོང་དང་འབྲེལ་ནས་ཡོད།

སྤྱི་ལོ2017ལོའི་ལོ་མཇུག་བར་ཕན་ཅི་ཆུས་ཀྱི་རྒྱ་ཁྱོན་ལ་སྤྱི་ལེ་གྲུ་བཞི་མ600ཟིན་པ་དང་དེའི་ཁོངས་གཏོགས་སུ་ཁྲོམ་ལམ1དང་གྲོང་རྡལ9མི་རིགས་ཡུལ་ཚོ1བཅས་ཡོད་པ་དང་། ཁྱིམ་ཐོའི་མི་འབོར་ཁྲི45.4ཟིན་ཡོད།

སྤྱི་ལོ2017ལོར་ཕན་ཅི་ཆུས་ཀྱི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར174.6ཟིན་ནས7.0%འཕར་བ་དང་། ཐོན་ལས་དང་པོའི་རིན་ཐང་འཕར་མ་སྒོར་དུང་ཕྱུར17.8ཟིན། ཐོན་ལས་གཉིས་པའི་རིན་ཐང་འཕར་མ་སྒོར་དུང་ཕྱུར123.0ཟིན་པ་དང་། ཐོན་ལས་གསུམ་པའི་རིན་ཐང་འཕར་མ་སྒོར་དུང་ཕྱུར33.8ཟིན་ཡོད། ཐོན་ལས་གསུམ་པའི་ཐོན་ལས་གྲུབ་ཆ10.2:70.4:19.4ཡིན། 

ཕན་ཅི་ཆུས་ཀྱི་ཁྱད་ལྡན་ཐོན་ཟོག་གཙོ་བོ་ཕན་ཅི་མེའོ་ཀྭ་དང་ལུའུ་ཅི་སྲན་ལྗང་སྒོར་སོགས་ཡིན་པ་དང་མི་སྣ་གྲགས་ཅན་ནི་གཙོ་བོ་ཁྲེང་ཨན་ཏུང་དང་ཞིན་ཧྲེང་པིའོ་སོགས་ཡོད།

2 ལོ་རྒྱུས་ཀྱི་འཕེལ་རིམ།

ཕན་ཅི་ཆུས་ཀྱི་མངའ་ཁོངས་ནི་ཆིན་རྒྱལ་རབས་སྔོན་མའི་དུས་སུ་ཀྲོའུ་ལེ་རྒྱལ་ཁབ་ལ་གཏོགས་པ་དང་། ཕྱིས་སུ་ཁྲུའུ་རྒྱལ་ཁབ་ཀྱིས་བསྣུབས་པ་རེད།

ཆིན་རྒྱལ་རབས་ཀྱི་སྐབས་སུ་ཚའེ་རྫོང་བཙུགས་པ་དང་། སྔ་རྗེས་སུ་སི་ཧྲུའེ་ཅུན་དང་ཅིའུ་ཅང་ཅུན་གྱི་ཁོངས་སུ་གཏོགས།

ཧན་རྒྱལ་རབས་ནི་ཡོན་ཧྲི་ཁྲི་ལོ་དང་པོར(སྤྱི་ལོའི་སྔོན་གྱི122ལོ)ཧོའེ་ནན་རྒྱལ་ཁབ་ཕན་མེད་དུ་གྱུར་པ་དང་། ཚའེ་རྫོང་ཕེ་ཅུན་གྱི་ཁོངས་སུ་གཏོགས།

སུའེ་རྒྱལ་རབས་ཀྱི་སྐབས་སུ་སྔར་བཞིན་ཚའེ་རྫོང་བཙུགས་ནས་ཧོའེ་ནན་ལུའུ་ཡི་ཁོངས་སུ་གཏོགས།

ཐང་རྒྱལ་རབས་ཀྱི་སྐབས་སུ་ཞ་ཚའེ་རྫོང་ཡིན་ཞིང་། དབྱིན་ཀྲོའུ་ཡི་ཁོངས་སུ་གཏོགས་པ་ཡིན།

སུང་རྒྱལ་རབས་ཀྱི་དུས་འགོར་ཧྲོའུ་ཀྲོའུ་ཡིན་ཞིང་། ཧོའེ་ནན་ནུབ་ལུའུ་ཡི་ཁོངས་སུ་གཏོགས། ཀྲེང་ཧོ་ཁྲི་ལོ་དྲུག་པར་(སྤྱི་ལོ1116ལོ)ཧྲོའུ་ཀྲོའུ་ནས་ཧྲོའུ་ཁྲུན་ཧྥུ་རུ་འཕར།

ཡོན་རྒྱལ་རབས་ཀྱི་སྐབས་སུ་ཚའེ་རྫོང་ཨན་ཧྥེང་ལུའུ་ཡི་ཁོངས་སུ་གཏོགས་པ་ཡིན།

ཆིང་རྒྱལ་རབས་ཀྱི་དུས་སུ། ཐོག་མར་ཧྥེང་དབྱང་ཧྥུ་ཡི་ཁོངས་སུ་གཏོགས། སྤྱི་ལོ1732ལོར་ཧྥེང་ཐའེ་རྫོང་དུ་བསྒྱུར། ཐུང་ཀྲི་ཁྲི་ལོ་བཞི་པར(སྤྱི་ལོ1865ལོ)རྫོང་ཞ་ཚའེ་རུ་གནས་སྤོས་ནས་ཧྥེང་དབྱང་ཧྥུ་ཡི་མངའ་འོག་ཏུ་གཏོགས།

ཀྲུང་ཧྭ་མིན་གོའི་སྲིད་ལོ་གསུམ་པར(སྤྱི་ལོ1914ལོ)ཧོའེ་སི་ཏའོ་ཡི་ཁོངས་སུ་གཏོགས་པ་དང་། ཀྲུང་ཧྭ་མིན་གོའི་སྲིད་ལོ་བཅུ་བདུན་པར(སྤྱི་ལོ1928ལོ)ཨན་ཧུའེ་ཏའོ་ཡི་ཁོངས་སུ་གཏོགས། ཀྲུང་ཧྭ་མིན་གོའི་སྲིད་ལོ་ཉེར་གཅིག་པར(སྤྱི་ལོ1932ལོ)ཨན་ཧུའེ་ཞིང་ཆེན་གྱི་སྲིད་འཛིན་ལྟ་ཞིབ་ཁུལ་བཞི་པའི་ཁོངས་སུ་གཏོགས་པ་དང་། ཧྲོའུ་རྫོང་གི་ཀྲོན་ཡོན་ཀུང་ཧྲུའུ་ཡི་ཁོངས་སུ་གཏོགས། ཀྲུང་ཧྭ་མིན་གོའི་སྲིད་ལོ་ཉེར་བདུན་པར(སྤྱི་ལོ1938ལོ)ཨན་ཧུའེ་ཞིང་ཆེན་གྱི་སྲིད་འཛིན་ལྟ་ཞིབ་ཁུལ་བདུན་པའི་ཁོངས་སུ་གཏོགས་ཤིང་། ཧྥུ་དབྱང་ཀྲོན་ཡོན་ཀུང་ཧྲུའུ་ཡི་ཁོངས་སུ་གཏོགས།

ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྗེས་སུ། སྤྱི་ལོ1972ལོའི་ཟླ9པར། ཧྥེང་ཐའེ་རྫོང་གི་ཀའོ་ཧོང་དང་ཀུའུ་ཀོའུ་དང་ཕན་ཅི། ཉི་ཧོ། ཅ་ཀོའུ་སོགས་ཀུང་ཧྲེ་5དང་ཨན་ཧུའེ་ཐོན་སྐྱེད་འཛུགས་སྐྲུན་དཔུང་ཚོགས་ཀྱི་ཁོངས་གཏོགས་ཨར་ཏའོ་ཧོ་ཞིང་ར་ཧོའེ་ནན་གྲོང་ཁྱེར་དུ་བགོས། སྤྱི་ལོ1972ལོའི་ཟླ12པར་ཀུའུ་ཀོའུ་ཁུལ་བཙུགས། སྤྱི་ལོ1980ལོའི་ཟླ10པར་ཀུའུ་ཀོའུ་ཆུས་ལ་ཕན་ཅི་ཆུས་ཞེས་མིང་བསྒྱུར།

3 སྲིད་འཛིན་ཁུལ་དབྱེ།

སྤྱི་ལོ2012ལོ་བར་ཕན་ཅི་ཆུས་ཀྱི་ཁོངས་གཏོགས་སུ་སྲང་ལམ1དང་གྲོང་རྡལ9 མི་རིགས་ཡུལ་ཚོ1བཅས་ཡོད་པ་དེ་དག་ཐེན་ཅི་སྲང་ལམ་དང་། ཀའོ་ཧོང་གྲོང་རྡལ། ཕིང་ཡུས་གྲོང་རྡལ། ཅ་ཧོ་གྲོང་རྡལ། ཉི་ཧོ་གྲོང་རྡལ། ཕན་ཅི་གྲོང་རྡལ། ལུའུ་ཅི་གྲོང་རྡལ། ཅ་ཀོའུ་གྲོང་རྡལ། ཆི་ཅི་གྲོང་རྡལ། ཧོ་ཅི་གྲོང་རྡལ། ཀུའུ་ཀོའུ་ཧུའེ་རིགས་ཡུལ་ཚོ་བཅས་ཡིན་ཞིང་། ཁྱོན་སྤྱི་ཁུལ16དང་སྲིད་འཛིན་གྲོང་ཚོ161ཡོད། 

4 ས་ཁམས་ཁོར་ཡུག
4_1 གནས་ཡུལ།

ཕན་ཅི་ཆུས་ནི་ཧོའེ་ནན་གྲོང་ཁྱེར་གྱི་བྱང་རྒྱུད་དུ་གནས་པ་དང་ཧོའེ་ཧོ་ཆུ་བོའི་བྱང་ངོས་སུ་ཡོད། ལྷོ་ཕྱོགས་ཧོའེ་ཧོ་ཆུ་བོ་དང་པ་ཀུང་རི་ཁུལ་གཉིས་ཁ་སྤྲོད་དུ་གནས་པ་དང་། ཤར་ངོས་དང་བྱང་ཕྱོགས་ནི་ཧོའེ་ཡོན་རྫོང་དང་འབྲེལ་ཞིང་། ནུབ་བྱང་ནི་ཚི་ཧོའེ་ཞིན་ཧོ་དང་མེང་ཁྲེང་རྫོང་གི་འབྲེལ་མཚམས་ཡིན། ནུབ་ལྟེའི་རྒྱུད་ལུང་བ་དེ་ཧྥེང་ཐའེ་རྫོང་དང་ས་མཚམས་འབྲེལ་ཡོད། རྒྱ་ཁྱོན་ལ་སྤྱི་ལེ་གྲུ་བཞི་མ600ཡོད།

4_2 ས་དབྱིབས།

ཕན་ཅི་ཆུས་ནི་ཧོའེ་ཧོ་ཆུ་བོའི་བྱང་རྒྱུད་བདེ་ཐང་དུ་གནས་པ་དང་། གཙང་པོའི་དབར་གྱི་གཤོང་སའི་བདེ་ཐང་གི་ཁོངས་སུ་གཏོགས་ཤིང་། ས་བབ་ནུབ་བྱང་ཤར་ལྷོའི་ཕྱོགས་སུ་གསེག་ཡོད་ལ། ས་བབ་མཐོ་ཚད་སྨི20ནས24བར་དང་། མཐོ་ཁྱད་སྨི4ནས5བར་ཡིན།

4_3 ནམ་ཟླ།

ཕན་ཅི་ཆུས་ནི་དྲོ་འཇམ་ཁུལ་གྱི་དུས་རླུང་གནམ་གཤིས་ཡིན་པ་དང་། དུས་བཞི་གསལ་ལ་ཆར་ཆུ་འབེལ་པོ་ཡོད། ལོ་རེའི་ཆ་སྙོམས་ཀྱི་དྲོད་ཚད14.3℃-16℃ཡིན་པ་དང་། ལོ་རེར་ཆར་བ་འབབ་ཚད་ཧའོ་སྨི937ཡིན། ལོ་རེར་ཆ་སྙོམས་ཀྱི་རླན་ཚད76%ཡིན། ལོ་རེར་ཉི་འོད་ཕོག་ཚད་ཆུ་ཚོད2279.2དང་སད་མེད་དུས་ཉིན224ཡིན།

4_4 གཙང་ཆུའི་མ་ལག

ཕན་ཅི་ཁུལ་གྱི་མངའ་ཁོངས་སུ་ཆུ་བོ་ནི་ཧོའེ་ཧོ་ཆུ་བོའི་ཆུ་བོའི་ཁོངས་སུ་གཏོགས། ཧོའེ་ཧོ་ཆུ་བོ་ནི་ཤར་གྱི་མཚོ་ཁུག་ནས་ཁུལ་དུ་སླེབས་པ་རེད། འབབ་ཆུ་གཙོ་བོ་ནི་ཧོའེ་ཧོ་ཆུ་བོ་དང་ཚི་ཧོ། འདམ་ཆུ། ཀུའུ་ཀའོ་ཞིན་ཆུ་བོ། འདམ་ནག་ཆུ་བོ་སོགས་ཡིན།

5 མི་གྲངས་དང་མི་རིགས།
5_1 མི་གྲངས།

སྤྱི་ལོ2017ལོའི་ལོ་མཇུག་ཏུ་ཕན་ཅི་ཆུས་ཀྱི་ཁྱིམ་ཐོའི་མི་འབོར་ཁྲི45.4ཟིན་པ་དེ་སྤྱི་ལོ2016ལོ་ལས་མི་གྲངས831མང་དུ་ཕྱིན་ཡོད། དེའི་ནང་སྐྱེས་པའི་མི་འབོར་ཁྲི23.9དང་བུད་མེད་མི་འབོར་ཁྲི21.5ཡོད་པ་རེད། ཆུས་ཡོངས་ཀྱི་གྲོང་ཁྱེར་དང་གྲོང་རྡལ་གྱི་མི་འབོར་ཁྲི16.2དང་གྲོང་གསེབ་ཀྱི་མི་འབོར་ཁྲི29.2ཟིན་ཡོད། ལོ་ཧྲིལ་པོར་མི8980སྐྱེས་པ་དང་སྐྱེས་ཚད19.8%ཟིན་པ་དང་། མི5631འདས་པ་དང་འདས་ཚད12.4ཡིན། མི་འབོར་རང་ཤུགས་སུ་འཕར་ཚད་སྟོང་ཆའི7.4ཡིན། རྒྱུན་སྡོད་མི་འབོར་ཁྲི40.9ཟིན་པ་དེ་སྤྱི་ལོ2016ལོ་ལས་མི་ཁྲི0.4ཡིས་ཇེ་མང་དུ་ཕྱིན་ཡོད། 

5_2 མི་རིགས།

ཕན་ཅི་ཆུས་ནི་རྒྱ་རིགས་གཙོ་བོ་བྱས་པའི་གྲོང་ཁྱེར་གྱི་ཐད་སྐྱོང་ཆུས་ཡིན། གྲངས་ཉུང་མི་རིགས་ནི་གཙོ་བོ་ཧུའེ་རིགས་ཡིན་པ་དང་། ཀུའུ་ཀོའུ་ཧུའེ་རིགས་ཤང་ཐའེ་ཕིང་གྲོང་ཚོ་དང་། ཀོའུ་པེ་དང་། ཉེ་ཞུས། ཞིན་ཧོ་སོགས་སུ་ཁྱབ་ཡོད།

6 དཔལ་འབྱོར། 

སྤྱི་ལོ2017ལོར་ཕན་ཅི་ཆུས་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར174.6ཟིན་པ་དེ་བསྡུར་གཞི་ཡོད་པའི་རིན་གོང་ལྟར་བརྩིས་ན7.0%འཕར་བ་དང་། འཕར་ཚད་དེ་གྲོང་ཁྱེར་དེ་ཡོངས་ལས་བརྒྱ་ཆའི་གྲངས0.1གིས་མཐོ་བ་ཡོད་པས་རྫོང་དང་ཆུས་ཀྱི་ཨང་གསུམ་པར་སླེབས་ཡོད། ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་ཁྲོད་ཐོན་ལས་དང་པོའི་འཕར་ཐང་སྒོར་དུང་ཕྱུར17.8ཟིན་ནས3.8%འཕར་བ་དང་། ཐོན་ལས་གཉིས་པའི་འཕར་ཐང་སྒོར་དུང་ཕྱུར123.0ཟིན་ནས7.7%འཕར་ཡོད། ཐོན་ལས་གསུམ་པའི་འཕར་ཐང་སྒོར་དུང་ཕྱུར33.8ཟིན་ནས6.3%འཕར་ཡོད། ཐེངས་གསུམ་གྱི་ཐོན་ལས་གྲུབ་ཆ་དེ་སྤྱི་ལོ2016ལོའི12.0:67.1:20.9ནས10.2:70.4:19.4བར་ལེགས་སྒྲིག་བྱས་ཏེ། ཆུས་ཡོངས་ཀྱི་དཔལ་འབྱོར་ཁྲོད་ཞབས་ཞུའི་ལས་རིགས་ཀྱི་བསྡུར་ཚད་བརྒྱ་ཆའི་གྲངས1.5མར་ཆག་ཡོད། ཁྱི་མ་ཐོའི་མི་འབོར་ལྟར་བརྩིས་ན། ཆུས་ཡོངས་ཀྱི་མི་རེའི་ཆ་སྙོམས་ཐོན་སྐྱེད་རིན་ཐང་བསྡོམས་འབོར་སྒོར38546(ཨ་སྒོར5708)ཟིན་ནས་སྒོར6374ཇེ་མང་དུ་ཕྱིན་ཡོད། 

7 སྤྱི་ཚོགས་ལས་དོན།
7_1 སློབ་གསོ།

སྤྱི་ལོ2017ལོར་ཕན་ཅི་ཆུས་ལ་བུ་བཅོལ་ཁང47ཡོད་པ་དང་བུ་བཅོལ་ཁང་དུ་ཡོད་པའི་བྱིས་པ14831ཡོད་པ་རེད། ལོ་མཇུག་ཏུ་ཆུས་ཡོངས་སུ་རིགས་ཁག་གི་སློབ་གྲྭ་འབྲིང་ཆུང83དང་། ཆེད་བསྐོས་དགེ་རྒན2524སློབ་གྲྭར་ཡོད་པའི་སློབ་མ36018སློབ་ཐོན་སློབ་མ6504སློབ་བསྡུ་སློབ་མ8154བཅས་ཡོད།

7_2 འཕྲོད་བསྟེན།

སྤྱི་ལོ2017ལོར་ཕན་ཅི་ཆུས་སུ་འཕྲོད་བསྟེན་སྒྲིག་གཞི194ཡོད་པའི་ནང་སྨན་ཁང་དང་འཕྲོད་བསྟེན་ཁང20དང་། འཕྲོད་བསྟེན་རིམས་འགོག་ས་ཚིགས1བུད་མེད་དང་ཕྲུ་གུའི་བདེ་སྲུང་ས་ཚིགས1བཅས་ཡོད་པ་རེད། སྨན་ཁང་དང་འཕྲོད་བསྟེན་ཁང་གི་ཉལ་ཁྲི1355དང་། ཆེད་ལས་འཕྲོད་བསྟེན་ལག་རྩལ་མི་སྣ1158ཡོད།

7_3 འགྲིམ་འགྲུལ་སྐྱེལ་འདྲེན།

སྤྱི་ལོ2010ལོའི་བར་ཕན་ཅི་ཆུས་ཀྱི་མངའ་ཁོངས་ནང་གི་ལྕགས་ལམ་ནང་ཧོའེ་ཕུའུ་ལྕགས་ལམ་དང་ཕན་ཞེ་ལྕགས་ལམ་ཡོད་པ་དང་གཞུང་ལམ་ནང་ཧོའེ་ཕན་གཞུང་ལམ་དང་ཞིང་ཆེན་ལམ225ཡི་གཞུང་ལམ། ཕན་ཅི་གཞུང་ལམ། ཐའོ་ཐང་གཞུང་ལམ། ཧོ་ལུའོ་གཞུང་ལམ་སོགས་ཡོད་པ་རེད། དེའི་ནང་ཕིང་ཡུས་གྲོང་རྡལ་གྱི་ཤར་ལྷོའི་རྒྱུད་དུ་གནས་པའི་ཧོའེ་ནན་ཧོའེ་ཧོ་ཆུ་བོའི་ཟམ་ཆེན་ནི་ཧོའེ་ཧོ་ཆུ་བོའི་ཐོག་གི་ལྕགས་ལམ་དང་གཞུང་ལམ་གཉིས་སྤྱོད་ཟམ་པ་དང་པོ་དེ་ཡིན།

7_4 ཡུལ་སྲོལ་གོམས་གཤིས།
7_4_1 ཧྭ་ཀུའུ་གློག་སྒྲོན་གྱི་སྒྱུ་རྩལ།

ཧྭ་ཀུའུ་གློག་སྒྲོན་ནི་ཧོའེ་ཧོ་ཆུ་བོའི་འབབ་རྒྱུད་དུ་ཁྱབ་པའི་ཞབས་བྲོ་གཙོ་བོ་གྲུབ་པའི་ཕྱོགས་བསྡུས་རང་བཞིན་གྱི་སྒྱུ་རྩལ་གྱི་རྣམ་པ་ཞིག་ཡིན། ཕན་ཅི་ཁུལ་ནི་མེ་ཏོག་གི་གློག་ཞུའི་ས་ཁོངས་ཀྱི་དཀྱིལ་དབུས་དང་དཀྱིལ་དབུས་སུ་གནས་ཡོད། སྤྱི་ལོ2008ལོའི་ཟླ12པར། ཅ་ཀོའུ་ཡུལ་ཚོ(དེང་གི་ཅ་ཀོའུ་གྲོང་རྡལ)ལ་རིག་གནས་པུའུ་ཡིས“སྐོར་ཐེངས་དང་པོའི་ཀྲུང་གོའི་དམངས་ཁྲོད་རིག་གནས་སྒྱུ་རྩལ་གྱི་ཕ་ཡུལ”ཞེས་པའི་གོ་མིང་བཏགས།

7_4_2 ཧོའེ་ནན་གྲོང་ཁྱེར་གྱི་ཞིང་པའི་རིག་གནས་དུས་ཆེན།

ཧོའེ་ནན་གྲོང་ཁྱེར་གྱི་ཞིང་པའི་རིག་གནས་དུས་ཆེན་ནི་དེ་སྔ་ཕན་ཅི་ཆུས་ཅ་ཀོའུ་ཡུལ་ཚོའི་ཞིང་པའི་རིག་གནས་ལུས་རྩལ་དུས་ཆེན་ཡིན་པ་དང་སྤྱི་ལོ1984ལོར་བཙུགས་པ་དང་། སྤྱི་ལོ2009ལོར་ཧོའེ་ནན་གྲོང་ཁྱེར་གྱི་ཞིང་པའི་རིག་གནས་དུས་ཆེན་ཞེས་པར་མིང་བསྒྱུར་ནས་ལོ་ལྟར་གྱི་ཟླ4བའི་ཚེས20ཉིན་གཉེར་གྱིན་ཡོད།

7_4_3 ཕན་ཅི་པད་མའི་སྒྲོན་མེ།

པད་མའི་སྒྲོན་མེ་ནི་མིང་རྒྱལ་རབས་ཀྱི་དུས་སུ་བྱུང་བ་དང་། ཧོའེ་ཧོ་ཆུ་བོའི་འགྲམ་རྒྱུད་དུ་དར་ཁྱབ་ཆེ་བའི་དམངས་ཁྲོད་ཞབས་བྲོའི་སྒྱུ་རྩལ་གྱི་རྣམ་པ་ཞིག་ཡིན་ལ། ལྷག་པར་དུ་ཅ་ཧོ་དང་། ཝང་སྲང་། ལིའོ་ཅ་ཝན་སོགས་གྲོང་ཚོ་དང་གྲོང་རྡལ་ལ་ཁྱབ་ཡོད། སྤྱི་ལོ2010ལོའི་ཟླ5པར་ཨན་ཧུའེ་ཞིང་ཆེན་སྲིད་གཞུང་གིས་ཁག་གསུམ་པའི་ཞིང་ཆེན་རིམ་པའི་མངོན་མིན་རིག་གནས་ཤུལ་བཞག་གི་མིང་གཞུང་ནང་ཁྱབ་བསྒྲགས་བྱས་པ་རེད། 

7_5 མི་སྣ་གྲགས་ཅན།

ཁྲེང་ཨན་ཏུང(སྤྱི་ལོ1936-)སྤྱི་ལོ1955ལོར་ལིའོ་ཉིན་ཞིང་ཆེན་གྱི་ཧྥུ་ཞིན་སོལ་གཏེར་སློབ་གྲྭ(དེང་གི་ལིའོ་ཉིན་བཟོ་སྐྲུན་ལག་རྩལ་སློབ་ཆེན)ནས་མཐར་ཕྱིན་ཞིང་། སྤྱི་ལོ1980ལོའི་ཟླ6པར་ཀྲུང་གོའི་གུང་ཁྲན་ཏང་ནང་ཞུགས། མཐོ་རིམ་བཟོ་བཀོད་པ་ཡིན་ལ། ཧྲའན་ཞི་ཞིང་ཆེན་གྱི་ཧྲེང་ཀྲང་དང་ཞིང་ཆེན་ཏང་ཨུའི་ཧྲུའུ་ཅི་གཞོན་པ་སོགས་ཀྱི་འགན་བཞེས་མྱོང་།

ཡུས་ཧྲེང་པེ(སྤྱི་ལོ1948-)ནི་ཕན་ཅི་ཆུས་ལུའུ་ཅི་གྲོང་རྡལ་གྱི་མི་ཡིན། སྤྱི་ལོ1964ལོར་དམག་ལ་ཞུགས། སྤྱི་ལོ1965ལོར་གུང་ཁྲན་རིང་ལུགས་ན་གཞོན་ཚོགས་པར་ཞུགས། སྤྱི་ལོ1967ལོར་ཀྲུང་གོ་གུང་ཁྲན་ཏང་ལ་ཞུགས། སྔ་རྗེས་སུ་འཐབ་འཛིང་པ་དང་བཅུ་དཔོན། བརྒྱ་ཤོག་གི་ཆབ་སྲིད་ཁྲིད་སྟོན་པ་དང་རུ་ཤོག་གི་སློབ་སྟོན་པ་གཞོན་པ། ཧྲི་ཤོག་ཆབ་སྲིད་པུའུ་དྲིལ་བསྒྲགས་ཁོའོ་ཡི་ལས་བྱ། མདའ་ཤོག་གི་ཆབ་སྲིད་ཨུ་ཡོན་གཞོན་པ། ཅུན་ཤོག67པའི་ཧྲི་ཤོག་གི་ཆབ་སྲིད་པུའུ་ཡི་ཀྲུའུ་རེན། ཤོག་སྒྲིག་དཔུང་ཚོགས་ཀྱི་ཆབ་སྲིད་པུའུ་ཡི་ཀྲུའུ་རེན། ཧྲན་ཏུང་ཞིང་ཆེན་དམག་ཁུལ་ཁང་གི་ཆབ་སྲིད་ཨུ་ཡོན་གཞོན་པ་བཅས་ཀྱི་འགན་འཁུར་བ་རེད། 

དཔྱད་གཞིའི་ཡིག་ཆ།

བརྡ་འགྲེལ་གདོང་འཛར།

ས་ཁོངས། ཨན་ཧུའེ་ཞིང་ཆེན། ཕན་ཅི་ཆུས།