ཆི་ཐའེ་ཧུ་གྲོང་ཁྱེར།སྔ་མའི་པར་གཞི་དེ སེང་ལྡེང་མཚོ།  ནས 2020-01-15 10:28ལ་འགྲུབ།

ཆི་ཐའེ་ཧུ་གྲོང་ཁྱེར།

ཆི་ཐའེ་ཧུ་གྲོང་ཁྱེར།
ཆི་ཐའེ་ཧུ་གྲོང་ཁྱེར་ནི་ཧའེ་ལུང་ཅང་ཞིང་ཆེན་གྱི་ས་ཁུལ་རིམ་པའི་གྲོང་ཁྱེར་ཞིག་ཡིན་ཞིང་། ཧའེ་ལུང་ཅང་ཞིང་ཆེན་གྱི་ཤར་རྒྱུད་དུ་གནས་པ་དང་། ཅ་མུའུ་སི་གྲོང་ཁྱེར་གྱི་ལྷོ་ངོས། དབན་ཏ་རི་རྒྱུད་ཀྱི་ནུབ་སྣེ། རི་བོ་དམའ་ཞིང་རི་མ་ཐང་གི་ཁོངས་སུ་གཏོགས་པ་དང་། ས་བབ་ཧྲིལ་པོ་ཤར་ལྷོ་མཐོ་བ། ནུབ་བྱང་དམའ་བ། འཕྲེད་གཞུང་དཀྱིལ་མའི་ཁུལ་དུ་གནས་པ། གནམ་གཤིས་ནི་གྲང་ངར་ཆེ་བ་དང་སྐམ་སའི་རང་བཞིན་གྱི་དུས་རླུང་གནམ་གཤིས་ཡིན་པ་དང་། གྲོང་ཁྱེར་དེ་ཡོངས་ཀྱི་སྤྱིའི་རྒྱ་ཁྱོན་སྟོང་སྨི་ངོས་གྲུ་བཞི་མ6221ཟིན་པ་དང་། སྤྱི་ལོ2018ལོར་ཐེམ་ཐོའི་མི་འབོར་ཁྲི77.71ཡོད།
གཞི་རྩའི་གནས་ཚུལ།

རྒྱ་ཡིག་གི་མིང་།
七台河市
ཕྱི་ཡིག་གི་མིང་།
Qitaihe
སྲིད་འཛིན་ས་ཁོངས་ཀྱི་རིགས་དབྱེ།
ས་ཁུལ་རིམ་པའི་གྲོང་ཁྱེར།
ཁོང་གཏོགས་ས་ཁུལ།
ཧའེ་ལུང་ཅང་ཞིང་ཆེན།
མངའ་ཁོངས།
ཆུས3དང་། རྫོང1
སྲིད་གཞུང་གནས་ཡུལ།
ཐའོ་ཧྲན་ཆུས་ཏ་ཐུང་ལམ་ཨང45པ།
ས་ཁོངས་ཁ་པར་ཨང་རྟགས།
0464
སྦྲག་སྲིད་ཨང་རྟགས།
154600
གནས་ཡུལ།
ཧའེ་ལུང་ཅང་ཞིང་ཆེན་གྱི་ཤར་རྒྱུད།
རྒྱ་ཁྱོན།
སྤྱི་ལེ་གྲུ་བཞི་མ་ཁྲི6221ཡོད།
མི་གྲངས།
ཁྲི77.71ཡོད། (སྤྱི་ལོ2018ཐེམ་ཐོའི་མི་འབོར)
གནམ་གཤིས།
དྲོད་རྒྱུན་རང་བཞིན་གྱི་དུས་རླུང་ནམ་ཟླ།
མཛེས་ལྗོངས་གྲགས་ཅན།
ཐའོ་ཧྲན་མཚེའུ། ཧྲི་ལུང་རི་བོའི་རྒྱལ་ཁབ་ནགས་ཚལ་སྤྱི་གླིང་། ཐའོ་ཧྲན་སྤྱི་གླིང་། ཞན་ཏུང་རི་བོའི་སྤྱི་གླིང་། ཧྥོ་པའོ་དགོན་པ་སོགས་ཡོད།
མེ་འཁོར་འབབ་ཚུགས།
ཆི་ཐའེ་ཧུ་འབབ་ཚུགས། ཆི་ཐའེ་ཧུ་ནུབ་ཚིགས། པོ་ལི་ས་ཚིགས་སོགས་ཡོད།
རླངས་འཁོར་ཚབ་ཨང་།
ཧའེK
སྲིད་འཛིན་ཚབ་གྲངས།
230900
1 ​ངོ་སྤྲོད།

ཆི་ཐའེ་ཧུ་གྲོང་ཁྱེར་ནི་ཧའེ་ལུང་ཅང་ཞིང་ཆེན་གྱི་ས་ཁུལ་རིམ་པའི་གྲོང་ཁྱེར་ཞིག་ཡིན་ཞིང་། ཧའེ་ལུང་ཅང་ཞིང་ཆེན་གྱི་ཤར་རྒྱུད་དུ་གནས་པ་དང་། ཅ་མུའུ་སི་གྲོང་ཁྱེར་གྱི་ལྷོ་ངོས། དབན་ཏ་རི་རྒྱུད་ཀྱི་ནུབ་སྣེ། རི་བོ་དམའ་ཞིང་རི་མ་ཐང་གི་ཁོངས་སུ་གཏོགས་པ་དང་། ས་བབ་ཧྲིལ་པོ་ཤར་ལྷོ་མཐོ་བ། ནུབ་བྱང་དམའ་བ། འཕྲེད་གཞུང་དཀྱིལ་མའི་ཁུལ་དུ་གནས་པ། གནམ་གཤིས་ནི་གྲང་ངར་ཆེ་བ་དང་སྐམ་སའི་རང་བཞིན་གྱི་དུས་རླུང་གནམ་གཤིས་ཡིན་པ་དང་། གྲོང་ཁྱེར་དེ་ཡོངས་ཀྱི་སྤྱིའི་རྒྱ་ཁྱོན་སྟོང་སྨི་ངོས་གྲུ་བཞི་མ6221ཟིན་པ་དང་། སྤྱི་ལོ2018ལོར་ཐེམ་ཐོའི་མི་འབོར་ཁྲི77.71ཡོད།

2 ལོར་རྒྱུས་འཕེལ་རིམ།

སྤྱི་ལོ1949ལོར་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུ་བརྙེས་རྗེས་སུང་ཅང་དང་ཧོ་ཅང་། མུའུ་ཏན་ཅང་བཅས་ཞིང་ཆེན་གསུམ་སྔ་རྗེས་སུ་སུང་ཅང་ཞིང་ཆེན་དུ་ཟླ་སྒྲིལ་བཏང་བ་དང་། ཧའེ་ལུང་ཅང་ཞིང་ཆེན་དང་ནེང་ཅང་ཞིང་ཆེན་གཉིས་ཟླ་སྒྲིལ་བཏང་ནས་ཧའེ་ལུང་ཅང་ཞིང་ཆེན་དུ་བསྒྱུར།  སྤྱི་ལོ1954ལོའི་ཟླ8པར་ཧའེ་ལུང་ཅང་དང་སུང་ཅང་ཞིང་ཆེན་གཉིས་ཟླ་སྒྲིལ་བཏང་ནས་ཧའེ་ལུང་ཅང་ཞིང་ཆེན་དུ་གྱུར་པ་དང་། པོ་ལི་རྫོང་ནི་ཧེ་ལུང་ཅང་ཞིང་ཆེན་ཧོ་ཅང་ས་ཁུལ་གྱི་ཁོངས་སུ་གཏོགས།

སྤྱི་ལོ1965ལོའི་ཟླ3པའི་ཚེས1ཉིན། རྒྱལ་སྲིད་སྤྱི་ཁྱབ་ཁང་གིས་པོ་ལི་རྫོང་ཆི་ཐའེ་ཧུ་གྲོང་རྡལ་མེད་པར་བཟོས་ཏེ། ཆི་ཐའེ་ཧུ་དམིགས་བསལ་ཁུལ(རྫོང་རིམ་པ)བཙུགས་པ་དང་། ཐད་གཏོགས་ཧོ་ཅང་ས་ཁུལ་གྱི་མངའ་ཁོངས་སུ་གཏོགས།   སྤྱི་ལོ1970ལོའི་ཟླ4བའི་ཚེས1ཉིན། ཆི་ཐའེ་ཧུ་དམིགས་བསལ་ས་ཁུལ་དེ་རྫོང་རིམ་པའི་གྲོང་ཁྱེར་དུ་བསྒྱུར།  སྤྱི་ལོ1983ལོའི་ཟླ11པར། ཆི་ཐའེ་ཧུ་གྲོང་ཁྱེར་ཞིང་ཆེན་གྱི་ཐད་གཏོགས་གྲོང་ཁྱེར་དུ་སྤར་བ་དང་། དུས་མཚུངས་སུ་པོ་ལི་རྫོང་ཆི་ཐའེ་ཧུ་གྲོང་ཁྱེར་གྱི་ཁོངས་སུ་བསྡུས། 

3 སྲིད་འཛིན་ས་ཁུལ་གྱི་དབྱེ་མཚམས།

ཆི་ཐའེ་ཧུ་གྲོང་ཁྱེར་མི་དམངས་སྲིད་གཞུང་ནི་ཐའོ་ཧྲན་ཆུས་ཏ་ཐུང་ཁྲོམ་ལམ་ཨང45པ་རུ་ཡོད།   གྲོང་ཁྱེར་དུ་ཁྱོན་རྫོང་རིམ་པའི་སྲིད་འཛིན་ཁུལ4ཡོད་པའི་ནང་གྲོང་ཁྱེར་ཁོངས་གཏོགས་ཀྱི་ཆུས3དང་རྫོང1ཚུད་ཡོད་པ་དེ་དག་ནི་ཐའོ་ཧྲན་ཆུསདང་། ཞིན་ཞིང་ཆུས། ཆེ་ཙི་ཧོ་ཁུལ། པོ་ལི་རྫོང་བཅས་ཡིན།

4 གནས་ཡུལ།

ཆི་ཐའེ་ཧུ་གྲོང་ཁྱེར་ནི་ཧའེ་ལུང་ཅང་ཞིང་ཆེན་གྱི་ཤར་རྒྱུད་དང་། ཅ་མུའུ་སིའི་ལྷོ་ངོས། དབན་ཏ་རི་རྒྱུད་ཀྱི་ནུབ་སྣེ། ཤར་ཕྱོགས་ཀྱི་གཞུང་ཐིག་གི་ཏུའུ130ནས131℃44’བར་དང་། བྱང་ཕྱོགས་ཀྱི་འཕྲེད་ཐིག་གི་ཏུའུ45℃ནས46℃37’བར་བཅས་སུ་ཆགས་ཡོད། ཤར་དུ་པའོ་ཆིང་རྫོང་དང་སྨི་ཧྲན་གྲོང་ཁྱེར་དང་ས་མཚམས་འབྲེལ་བ་དང་། ནུབ་ཏུ་དབྱི་ལན་རྫོང་དང་ས་མཚམས་འབྲེལ་བ། ལྷོ་རུ་ཅི་ཏུང་རྫོང་དང་ལིན་ཁོའུ་རྫོང་དང་འབྲེལ་མཚམས་ཡིན་པ། བྱང་དུ་ཧྭ་ནན་ས་མཚམས་དང་འབྲེལ་ཡོད། ཤར་ནུབ་ཀྱི་རིང་ཚད་ལ་སྤྱི་ལེ130དང་ལྷོ་བྱང་གི་རིང་ཚད་ལ་སྤྱི་ལེ80དང་སྤྱིའི་རྒྱ་ཁྱོན་ལ་སྤྱི་ལེ་ངོས་གྲུ་བཞི་མ6221ཟིན་པའི་ནང་གྲོང་ཁུལ་གྱི་རྒྱ་ཁྱོན་ལ་སྤྱི་ལེ་ངོས་གྲུ་བཞི་མ3646ཡོད།

5 གནམ་གཤིས།

ཆི་ཐའེ་ཧུ་གྲོང་ཁྱེར་ནི་འཕྲེད་ཐིག་དཀྱིལ་མའི་ཁུལ་དུ་གནས་པ་དང་། གནམ་གཤིས་ནི་གྲང་ངར་ཆེ་བ་དང་སྐམ་སའི་རང་བཞིན་གྱི་དུས་རླུང་ནམ་ཟླ་ཡིན། ཚ་གྲང་མངོན་གསལ་ཡིན་ལ། ཆར་ཆུ་འབེལ་བ་དང་། ཉི་འོད་འདང་བ། སད་མེད་དུས་ཐུང་བ། དུས་བཞིར་གསལ་བའི་གནམ་གཤིས་ཀྱི་ཁྱད་ཆོས་ལྡན། ཆི་ཐའེ་ཧུ་ས་ཁུལ་གྱི་ལོ་རེའི་ཆ་སྙོམས་དྲོད་ཚད2.4ནས3.9℃བར་ཡིན། ཤར་རྒྱུད་དམའ་བའི་རི་ཁུལ་ནི་ནུབ་རྒྱུད་ཀྱི་རི་མ་ཐང་ལས་དྲོད་ཚད་དམའ་བ་བཅས་ཡིན།

6 མི་གྲངས།

སྤྱི་ལོ2018ལོའི་ལོ་མཇུག་བར་གྲོང་ཁྱེར་དེ་ཡོངས་ཀྱི་ཐེམ་ཐོའི་མི་འབོར་ཁྲི77.71ཟིན་པ་དེ་ལོ་གོང་མ་ལས་མི་ཁྲི་0.89ཉུང་དུ་ཕྱིན་པ་དང་། དེའི་ནང་སྐྱེས་པ་ཁྲི39.35ཡོད་པ་དེས་སྤྱིའི་མི་འབོར་གྱི50.6%བཟུང་བ་དང་བུད་མེད་ཁྲི38.36ཟིན་པ་དེས་སྤྱིའི་མི་འབོར་གྱི49.4%བཟུང་ཡོད། 

7 དཔལ་འབྱོར།

སྤྱི་ལོ2017ལོར་ཆི་ཐའེ་ཧུ་གྲོང་ཁྱེར་གྱི་དཔལ་འབྱོར་བསྡོམས་འབོར(GDP)སྒོར་དུང་ཕྱུར231.45མངོན་འགྱུར་བྱུང་བ་དེ་བསྡུར་གཞི་ཡོད་པའི་རིན་གོང་ལྟར་བརྩིས་ན་ལོ་གོང་མ་ལས6.0%འཕར་ཡོད། ཐོན་ལས་གྲུབ་ཚུལ་ནས་བལྟས་ན། ཐོན་ལས་དང་པོའི་འཕར་ཐང་སྒོར་དུང་ཕྱུར32.52ལེགས་གྲུབ་བྱུང་བ་དེ་ལོ་གོང་མ་ལས6.0%འཕར་ཡོད། ཐོན་ལས་གཉིས་པའི་འཕར་ཐང་སྒོར་དུང་ཕྱུར85.49ལེགས་གྲུབ་བྱུང་བ་དེ་ལོ་གོང་མ་ལས5.8%འཕར་བའི་ནང་བཟོ་ལས་འཕར་ཐང་སྒོར་དུང་ཕྱུར82.53ཟིན་ནས་ལོ་གོང་མ་ལས5.6%འཕར་ཡོད། ཐོན་ལས་གསུམ་པའི་འཕར་ཐང་སྒོར་དུང་ཕྱུར113.44ཟིན་ནས་སྔ་ལོ་ལས6.1%འཕར་ཡོད། དཔལ་འབྱོར་གྲུབ་ཚུལ་གྱི་ཆ་ནས་བལྟས་ན། ཐོན་ལས་ཀྱི་གྲུབ་ཚུལ་ཐེངས་གསུམ་ནི14.1:36.9:49.0ཡིན། མི་རེའི་ཆ་སྙོམས་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་སྒོར་ཁྲི2.91ཟིན་པ་དེ་ལོ་གོང་མ་ལས9.0%འཕར་ཡོད། 

8 འགྲིམ་འགྲུལ།

ཆི་ཐའེ་ཧུ་གྲོང་ཁྱེར་དུ་ཆི་ཐའེ་ཧུ་མེ་འཁོར་འབབ་ཚུགས།    ཆི་ཐའེ་ཧུ་འབབ་ཚུགས། ཆི་ཐའེ་ཧུ་ནུབ་ཚིགས། པོ་ལི་ས་ཚིགས། ཧུ་ཏ་མྱུར་བགྲོད་གཞུང་ལམ། དབྱི་ཆི་མྱུར་བགྲོད་གཞུང་ལམ་སོགས་ཡོད།


བརྡ་འགྲེལ་གདོང་འཛར།

ཆི་ཐའེ་ཧུ། མི་གྲངས། དཔལ་འབྱོར།