ཕྱག་རྡོར་གོས་སྔོན་ཅན་འགྲོ་བཟང་ལུགས།སྔ་མའི་པར་གཞི་དེ འཁོན་མགོན་པོ། ནས 2020-01-06 09:41ལ་འགྲུབ།
ཕྱག་རྡོར་གོས་སྔོན་ཅན་འགྲོ་བཟང་ལུགས།
ཕྱག་རྡོར་གོས་སྔོན་ཅན་འགྲོ་བཟང་ལུགས།
ཕྱག་རྡོར་གོས་སྔོན་ཅན་འགྲོ་བཟང་ལུགས་ནི་ཕྱག་ན་རྡོ་རྗེ་སྐུ་མདོག་མཐིང་ནག་ཞལ་གཅིག་ཕྱག་གཉིས་དམར་ལ་ཟླུམ་པའི་སྤྱན་གསུམ་དང་ལྡན་པ་ཁྲོ་ཞིང་དྲེགས་པ་བཅུ་དྲུག་ལོན་པའི་ལང་ཚོ་ཅན། ཞལ་མཆེ་བ་གཙིགས་ཤིང་བཞད་པ་དབུ་སྐྲ་ཁམ་པ་གྱེན་དུ་བརྫེས་པའོ༎
གཞི་རྩའི་གནས་ཚུལ།
ལྷ་ཚོགས།
རིན་འབྱུང་ལྷ་ཚོགས།
སྐུ་མདོག
མཐིང་ནག
1
ངོ་སྤྲོད།
ཕྱག་རྡོར་གོས་སྔོན་ཅན་འགྲོ་བཟང་ལུགས་ནི་ཕྱག་ན་རྡོ་རྗེ་སྐུ་མདོག་མཐིང་ནག་ཞལ་གཅིག་ཕྱག་གཉིས་དམར་ལ་ཟླུམ་པའི་སྤྱན་གསུམ་དང་ལྡན་པ་ཁྲོ་ཞིང་དྲེགས་པ་བཅུ་དྲུག་ལོན་པའི་ལང་ཚོ་ཅན། ཞལ་མཆེ་བ་གཙིགས་ཤིང་བཞད་པ་དབུ་སྐྲ་ཁམ་པ་གྱེན་དུ་བརྫེས་པ། རྡོ་རྗེ་ཅོད་པན་ཅན། སྨ་ར་དང་། སྨིན་མ་རབ་ཏུ་འབར་བ། སྤྱན་གཡས་ཟླ་བ། གཡོན་ཉི་མ། དབུས་མེའི་རང་བཞིན་ཅན། ཕྱག་གཡས་རྡོ་རྗེ་རྩེ་ལྔ་འཕྱར་བའི་སྟབས་དང་། གཡོན་ཐུགས་ཀར་སྡིགས་མཛུབ་གནོད་བྱེད་ཐམས་ཅད་སྡིགས་པ། ཞབས་གཡས་བསྐུམ་གཡོན་བསྐུམ་བརྐྱང་པའི་སྟབས་ཀྱིས་བཞུགས་ཤིང་། སྟག་ལྤགས་ཀྱི་ཤམ་ཐབས་དང་། དར་སྔོན་པོའི་སྟོད་གཡོགས་ཅན། རིན་པོ་ཆེའི་ཅོད་པན་དང་། ཀླུ་ཆེན་པོ་བརྒྱད་ཀྱིས་བརྒྱན་པ། ཡེ་ཤེས་ཀྱི་མེ་འབར་བའི་དབུས་ན་བཞུགས་པའི་རྣམ་པ་ཅན་ནོ། །
2
བསྟོད་པ།
བཅོམ་ལྡན་རྡོ་རྗེ་གོས་སྔོན་པོ༎ ཀླུ་ཆེན་བརྒྱད་ཀྱི་སྐུ་ལ་བརྒྱན༎ ཞེ་སྡང་ཅན་ནི་འཇོམས་པའི་རྟགས༎ ཉོན་མོངས་སྤོང་ལ་ཕྱག་འཚལ་ལོ། ། ཕྱག་ན་རྡོ་རྗེ་སྟོབས་པོ་ཆེ༎ རྡོ་རྗེ་ལན་གསུམ་གསོར་བ་ཡིས། །གནོད་སྦྱིན་དྲག་པོ་འཇོམས་མཛད་པའི། ། གནོད་སྦྱིན་གོས་སྔོན་ལ་ཕྱག་འཚལ། །
3
བཟླ་བྱའི་སྔགས།
ཨོཾ་ནཱི་ལཾ་བ་ར་དྷ་ར་བཛྲ་པཱ་ཎི་ཧཱུཾ་ཕཊ། ཨོཾ་ནཱི་ལཾ་བ་ར་དྷ་ར་བཛྲ་པཱ་ཎི་ཧཱུཾ་ཕཊ༎