楚塞三湘接,荆门九派通。
江流天地外,山色有无中。
郡邑浮前浦,波澜动远空。
襄阳好风日,留醉与山翁。
ཁྲོའུ་རྒྱལ་བས་མཐར་ཅང་གསུམ་གཙང་པོ་འབྲེལ༎
ཅིན་མིན་རི་བོར་ཆུ་ལག་སྣ་དགུ་འདྲེས༎
གཙང་ཆེན་གནམ་སའི་ཕྱི་ལ་བཞུར་བ་ལྟར༎
རི་བོའི་མདངས་ནི་ཡོད་མེད་འཕྱང་མོ་ཉུག །
ཁུལ་དང་རྫོང་ནི་ཆུ་ཁར་གཡེངས་དང་མཚུངས༎
རྦ་ཀློང་འཁྲུགས་པས་བར་སྣང་སྤྲིན་པ་འཁྱོམ༎
ཞང་དབྱང་གནའ་གྲོང་ཡུལ་ལྗོངས་མཛེས་པ་ལ༎
རི་ཁྲོད་པ་དང་མཉམ་མྱོ་ཡོང་བར་སྒུག །
ཧན་ཅང་། གཙང་བོ་ཞིག་གི་མིང་སྟེ། ད་ལྟའི་ཧྲན་ཞི་ཞིང་ཆེན་ིན་ཆང་རྫོང་དུ་ཡོད།
ཁྲོའུ་རྒྱལ། གནའ་བོའི་རྒྱལ་ཁབ་ཅིག
ཅིན་མིན་རི་བོ། ཧུའུ་པའེ་ཞིང་ཆེན་གྱི་རི་བོ་ཞིག
རི་ཁྲོད་པོ། ཅིན་རྒྱལ་རབས་སུ་ལྷོ་འདུལ་དུ་མངགས་པའི་དམག་དཔོན་ཞིག
ཝང་ཝེ། (701-761ཡང་ན། 699-761)ཧོ་ཏུང་ཕུའུ་ཁུལ་གྱི་མི་ཡིན་ལ། ཕ་ཡུལ་ནི་ཧྲན་ཞིའི་ཆི་རྫོང་ཡིན། ཐང་རྒྱལ་རབས་སྐབས་ཀྱི་མིང་དུ་གྲགས་པའི་སྙན་ངག་པ་དང་། རི་མོ་བ་ཡིན། བརྩམས་ཆོས་ལ《ཕན་ཚུན་དྲན་པ》སོགས་སྙན་ངག་བཞི་བརྒྱ་དང་ལྷག་དང་། དེ་མིན《ཝང་ཡིའུ་ཁྲང་གི་གསུང་རྩོམ་ཕྱོགས་བསྒྲིགས》དང《རི་མོའི་མན་ངག》སོགས་ཡོད་དོ༎
ལོ་ཙཱ་བ་མགོ་ལོག་རྣམ་རྒྱལ་ལགས་ནི་མཚོ་སྔོན་གཅིག་སྒྲིལ་རྫོང་དུ་སྐྱེས་ཤིང་། ད་ལྟ་ཀྲུང་གུང་མགོ་ལོག་ཁུལ་ཨུའི་ཧྲུའུ་ཅུ་གཞོན་པ་དང་མགོ་ལོག་ཁུལ་མི་དམངས་སྲིད་གཞུང་གི་ཁུལ་གཙོའི་འགན་བཞེས་ཡོད་ལ། མིག་སྔར་ཁོང་གིས《ཐང་གི་སྙན་ངག་སུམ་བརྒྱ་བ》《བསླབ་ཆེན་གྱི་གཞུང》《སུན་ཙིའི་དམག་ཇུས་དང་ཇུས་བློའི་ཁུག་པ་སོ་དྲུག》《མེང་ཙི》《སློབ་གསོའི་ཟིན་ཏིག》《 སློབ་བུའི་བསླབ་བྱ།》《 བྱིས་པའི་གཙུག་ལག་འབྲུ་གསུམ་པ》《 ལིའོ་ཊིའི་གཏམ་རྒྱུད་བདམས་བསྒྱུར》《དབུས་འཛིན་གྱི་གཞུང》《ཁུང་ཙིའི་གསུང་སྒྲོས》སོགས་དེབ་ཕྲེང་བཅུ་གསུམ་རྒྱ་ཡིག་ནས་བོད་ཡིག་ཏུ་བསྒྱུར་ཏེ་མི་རིགས་དཔེ་སྐྲུན་ཁང་གིས་དཔེ་སྐྲུན་བྱས་ཡོད་དོ༎