ཅོང་ཞི20 སྦལ་རྒྱབ10 མདུང་རྩེ10 གསེར་རྡོ10 དངུལ་རྡོ10 རག་གི་རྡོ10 བ་ནུ10 རྡོ་རྒྱུས10 མཐིང་རྒྱུས10དང་། སྨན་ཆེན15 ཐར་ནུ15 ཀྱི་ལྕེ15 རེ་ལྕག15 ཆུ་སེར་སྨན་གསུམ15རེ། སྟག་ཤ15 སྒ་ཏིག15བཅས་སྦྱོར་དགོས།
གོང་གི་སྨན་རྣམས་ཚད་ལྡན་དུ་སྦྱར་ནས་བཏགས་ཏེ་དར་ཚགས་མིག་བརྒྱ་ཅན་ལ་ཞིབ་མོར་བཙགས་ཏེ་བསྲེས་པའི་འབྱར་སྨན་གྱི་ཕྱེ་མ་སྨན་གྱི་སྦྱོར་བ་ཞིག་ཡིན།
སྨན་འདི་ཁ་དོག་སེར་སྐྱ་ཅན། རོ་ཚ་བསྐ་རྩུབ་པ། ནུས་པ་བསིལ་པའི་སྨན་གྱི་སྦྱོར་བ་ཞིག་ཡིན།
སྨན་འདིའི་ཕན་ཡོན་ནི། བྱུགས་འབྱར་མེ་ཉིར་བདུག་སོགས་བློས་དཔག་གིས༎ དྲེག་གྲུམ་འབམ་སྐྲངས་ཟ་འཕྲུག་ཆུ་སེར་ནད༎ རྩ་དཀར་རྐང་བཤལ་ཆུ་བ་རེངས་འཁུམས་སོགས༎ ཀུན་སེལ་འབྱར་ཆེན་བཅོ་བརྒྱད་ཅེས་གྲགས་སོ༎
སྨན་འདི་ནི་ཉིན་རེར་ཐེངས2-3དང་ཐེངས་རེར་ཁེ5-9རེ་ཚ་གྲང་ལ་གཞིགས་ནས་ཆུའམ་དྲི་ཆུ། གླུམ་མམ་མར་རྙིང་སོགས་གང་འོས་ཀྱིས་འབྱར་བྱ་དགོས།
སྨན་འདི་ནི་འབྱར་སྨན་གྱི་སྦྱོར་བ་ཞིག་ཡིན་ལ། སྣོད་དམ་པོའི་ནང་བླུགས་ནས་རླན་ལ་འཛེམ་དགོས།