PowerPointབེད་སྤྱད་ནས་དམིགས་བསལ་གྱི་ཁྱད་ཆོས་ལྡན་པའི་སྟོན་འགྲེམས་ཟིན་བྲིས་བཟོ་དགོས་ན། སྔོན་ལ་དེ་ཡི་བཀོལ་སྤྱོད་ཁྱད་ཆོས་ཤེས་དགོས། Microsoftཀུང་སིས་གསར་དུ་བཏོན་པའི་སྟོན་འགྲེམས་ཟིན་བྲིས་བཟོ་བའི་མཉེན་ཆསPowerPoint2007དེ་བེད་སྤྱད་པ་སྟབས་བདེ་ཡོང་ཆེད་འཆར་ངོས་གསར་པ་དང་བྱེད་ནུས་གསར་པ་མང་པོ་ཁ་སྣོན་བྱས་ཡོད།
PowerPointདེOfficeཉེར་སྤྱོད་བྱ་རིམ་གཞན་དང་འདྲ་བར་བེད་སྤྱོད་སྟབས་བདེ་བ་དང་། འཆར་ངོས་ལེགས་པོ་ཡོད་ལ། མདོར་བསྡུས་ན་ལ་གཤམ་གསལ་གྱི་ཁྱད་ཆོས་ལྡན་ཏེ།
1བེད་སྤྱོད་སྟབས་བདེ་བ།
2རོགས་རམ་རྒྱུད་ཁོངས་ཆ་ཚང་བ།
3མི་གཞན་དང་མཉམ་ལས་བྱེད་བདེ་བ།
4སྨྱན་མང་གཟུགས་སྟོན་འགྲེམས་བྱེད་ཐུབ་པ།
5འགྲེམས་སྤེལ་བྱེད་བདེ་བ།
6རྣམ་གཞག་སྣ་ཚོགས་ཀྱི་རིས་དབྱིབས་ལ་རྒྱབ་སྐྱོར་ཡོད་པ།
7ཕྱིར་འདོན་བྱ་ཚུལ་མང་བ།
PowerPoint2007གྱིས་པར་གཞི་རྙིང་བའི་ཕུལ་བྱུང་གི་ཁྱད་ཆོས་བརྒྱད་འཛིན་བྱས་པ་དང་ཆབས་ཅིག སྟབས་བདེ་ཡོང་ཆེད་ལས་ཀའི་ཁོར་ཡུག་དང་ལག་ཆའི་མཐེབ་གནོན་སོགས་ལ་ལེགས་སྒྲིག་གང་མང་བྱས་ཡོད། PowerPoint2007ལ་གསར་སྣོན་བྱས་པའི་བྱེད་ནུས་གཙོ་བོ་ནི་གཤམ་གསལ་ལྟར།
PowerPoint2007ཡི་འདེམས་ཚན་དེ་བྱང་བུ་ལ་བསྒྱུར་ཡོད་པ་མ་ཟད། བྱང་བུ་རེ་རེའི་ནང་དུ་བྱེད་ནུས་ཚོ་མི་འདྲ་བ་སྒྲིག་ཡོད། དཔེར་ན། གཤམ་གསལ་གྱི་དཔེ་རིས་ལྟར། བྱང་བུ“མགོ་འཛུགས”སུ“དྲས་སྦྱར་པར”དང་། “ཡིག་གཟུགས”“དུམ་ཚན”སོགས་ཚུད་ཡོད།
PowerPoint2007ཡིས་ཆེས་གསར་པའི་བརྗོད་གཞི་དང་། པར་རྣམ། མགྱོགས་མྱུར་བཟོ་ལྟ་བཅས་མཁོ་སྤྲོད་བྱས་ཡོད་པས། ཁྱེད་ཀྱིས་སྟོན་འགྲེམས་ཟིན་བྲིས་ལ་རྣམ་གཞག་སྒྲིག་འགོད་བྱེད་པར་གདམ་བྱ་ཧ་ཅང་མང་པོ་ཡོད། PowerPoint2007ཡི་བརྗོད་གཞིའི་ནང་དུ་སྟོན་འགྲེམས་ཟིན་བྲིས་བཟི་བའི་བརྒྱུད་རིམ་སྟབས་བདེ་བར་བཏང་ཡོད་པས། སྤྱོད་པ་པོས་རང་ལ་མཁ་བའི་བརྗོད་གཞི་ཁོ་ན་བདམས་ནས་སྟོན་འགྲེམས་ཟིན་བྲིས་ཀྱི་རྒྱབ་ལྗོངས་དང་། ཡི་གེ རིས་དབྱིབས། དཔེ་རིས། རེའུ་མིག་བཅས་ཀྱི་རྣམ་གཞག་རང་འགུལ་ངང་སྒྲིག་འགོད་བྱེད་པ་ཡིན། གཤམ་གྱི་དཔེ་རིས་ནི་བརྗོད་གཞི་དང་མགྱོགས་མྱུར་བཟོ་ལྟ་བཀོལ་སྤྱོད་བྱས་པའི་སྒྲོན་བརྙན་གྱི་མཐོང་འབྲས་ཡིན།
PowerPointཡིས་ཆུ་ཚད་ངེས་ཅན་ལྡན་པའི་གཞི་གྲངས་པར་རིས་བཟོ་བར་རིགས་སྣ་ཚོགས་ཀྱི་པར་རིས་བར་འཇུག་བྱེད་ཐུབ། པར་རིས་ཀྱི་མཐོང་འབྲས་མཚོན་ཚུལ་ཡང་དེ་བས་བལྟ་བདེ་བ་ཡོད། གཤམ་གྱི་དཔེ་རིས་ནི PowerPoint2007ཀྱིས་མཁོ་སྤྲོད་བྱས་པའི་གླེང་སྒྲོམ་པར་རིས་བར་འཇུགདང་སྒྲོན་བརྙན་ནང་གི་པར་རིས་གྱི་མཐོང་འབྲས་དེ་མཚོན་པ་ཡིན།
SmartArtརིས་དབྱིབས་ནི་ལས་རིམ་སྟོན་འགྲེམས་དང་། བང་རིམ་སྒྲིག་གཞི། རེས་འཁོར། འབྲེལ་བ་སོགས་མཚོན་པ་ལ་སྤྱོད་པ་ཡིན། PowerPoint 2007གྱིས་མཁོ་སྤྲོད་བྱསJཔའིSmartArtརིས་དབྱིབས་ཀྱི་བཟོ་ལྟ་ཕུན་སུམ་ཚོགས་པ་མ་ཟད། རང་བཟོས་ཚོས་སྡེབ་ཇུས་གཞི་དང་། རྩ་གསུམ་བཟོ་ལྟའི་སྒྲིག་འགོད་སོགས་ལ་ཡང་རྒྱབ་སྐྱོར་བྱེད་ཀྱིན་ཡོད། གཤམ་གསལ་གྱི་དཔེ་རིས་ལྟར།
PowerPointཔར་གཞི་རྙིང་པའི་ནང་དུ་སྒྲོན་བརྙན་གྱི་དཔེ་པང་མི་འདྲ་བའི་རྐྱེན་གྱིས་བཟོས་ཚར་བའི་སྟོན་འགྲེམས་ཟིན་བྲིས་དེ་མི་གཞན་དང་མཉམ་སྤྱོད་བྱེད་དཀའ་བ་མ་ཟད། སྟོན་འགྲེམས་ཟིན་བྲིས་ཀྱི་འཛིན་སྤྱོད་བར་སྟོང་ཆེ་བས་གློག་རྡུལ་སྦྲག་བསྐུར་སོགས་བསྐུར་དཀའ་བ་ཡིན། PowerPoint2007གྱིས་མཁོ་སྤྲོད་བྱས་པའི་ཡིག་ཆའི་རྣམ་གཞག་གིས་ཡིག་ཆའི་འཛིན་སྤྱོད་བར་སྟོང་ཆུང་ངུར་བཏང་བས་ཡིག་ཆ་མཉམ་སྤྱོད་བྱེད་བར་སྟབས་བདེ་བསྐྲུན་ཡོད། དེ་མ་ཟད་སྤྱོད་པ་པོས་འགོ་སློང་སྟོན་འགྲེམས་ཟིན་བྲིས་དེ་ཐད་ཀརPDFརྣམ་གཞག་ལ་ཡང་ཉར་ཚགས་བྱེད་ཐུབ་པ་ཡིན།