སྤྱི་ལོ774པ་ཤིང་ཡོས་ལོ། ལོ་འདིར་མཁན་ཆེན་བོ་དྷི་ས་ཏྭ་སླར་ཡང་སློབ་དཔོན་པདྨ་འབྱུང་གནས་དང་ལྷན་དུ་བོད་དུ་ཕེབས་པ་དང་། བསམ་ཡས་མི་འགྱུར་ལྷན་གྱིས་གྲུབ་པའི་གཙུག་ལག་ཁང་གི་རྨང་བཏིང་བ་བཅས་བོད་ཀྱི་ལོ་རྒྱུས་སུ་རིག་གནས་དང་འབྲེལ་བའི་དོན་ཆེན་གཉིས་བྱུང་བ་རེད།
1.མཁན་ཆེན་བོ་དྷི་ས་ཏྭ་ཡིས་ལུང་བསྟན་པ་ལྟར། བཙན་པོ་ཁྲི་སྲོང་ལྡེ་བཙན་གྱིས་སྦས་གསལ་སྣང་ངམ་སྦས་མང་པོ་རྗེ་དང་། སེང་མགོ་ལྷ་ལུང་གཉིས་དང་ཞབས་འབྲིང་གསུམ་བཅས་གསེར་ཕྱེ་བྲེ་གང་སོགས་འབུལ་བ་ཁྱེར་ཏེ་སློབ་དཔོན་པདྨ་འབྱུང་གནས་གདན་འདྲེན་པར་བསྐྱོད། སློབ་དཔོན་གྱིས་ལམ་བར་ནས་མཐུ་རྩལ་ངན་སྔགས་ལ་བསྟེན་ནས་བོན་གྱི་ལྷ་སྲིན་གདུག་པ་ཅན་མང་དུ་བཏུལ། མཁན་ཆེན་བོ་དྷི་ས་ཏྭ་སླར་ཡང་སློབ་དཔོན་པདྨ་འབྱུང་གནས་དང་ལྷན་དུ་བོད་དུ་ཕེབས། དེ་ནས་མཁན་སློབ་གཉིས་རིམ་བཞིན་བསམ་ཡས་ཧས་པོ་རིར་བྱོན་ནས་བཙན་པོ་ཁྲི་སྲོང་ལྡེ་བཙན་གྱིས་བསུ་བ་ཞབས་ཏོག་གཟབ་རྒྱས་གནང་།
2.བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་གི་རྨང་གཞི་བཏིང་།