ཨ་ཙ་ར།སྔ་མའི་པར་གཞི་དེ བསོད་ནམས་དབང་འགྲུབ། ནས 2020-01-08 09:44ལ་འགྲུབ།
ཨ་ཙ་ར།
ཨ་ཙ་ར།
《ཨ་ཙ་ར》（Joker）ཞེས་པའི་གློག་བརྙན་འདིའི་མིང་གཞན་ལ《བསྟན་བཤིག་མཁན》ཡང་ཟེར། འདི་ནི་ཐྲོ་ཌི་ཕེལ་ལེ་ཕི་སི་ཡིས་འཁྲབ་ཁྲིད་བྱས་ཤིང་ཇེ་ཁོན་ཧྥུན་ཉེག་སིས་གཙོ་འཁྲབ་མཛད་པའི་གཏམ་རྒྱུད་གློག་བརྙན་ཞིག་ཡིན།
གཞི་རྩའི་གནས་ཚུལ།
རྒྱ་ཡིག་གི་མིང་།
小丑
རིགས་དབྱེ།
ཉེས་གསོག མཚར་བསྐྱེད། དོན་བརྗོད།
ཕྱི་ཡིག་གི་མིང་།
Joker
གཙོ་འཁྲབ།
ཇེ་ཁོན་ཧྥུན་ཉེག་སི། ཟ་ཟེ་བྷེ་ཚི།
མིང་གཞན།
བསྟན་བཤིག་པའི་ཡོང་ཁོངས།
རིང་ཐུང་།
སྐར་མ122
ཕབ་སྐྲུན་ཀུང་སི།
ཧྭ་ན་སྤུན་ཟླ་བརྙན་རིས་ཀུང་སི།
བསྟན་དུས།
སྤྱི་ལོ2019ལོའི་ཟླ10བའི་ཚེས4ཉིན། (ཨ་རི)
འགྲེམ་གཏོང་ཀུང་སི།
ཧྭ་ན་སྤུན་ཟླ་བརྙན་རིས་ཀུང་སི།
དབྱེ་རིམ།
ཨ་རི། R
ཕབ་སྐྲུན་ས་གནས།
ཨ་རི།
སྐད་རིགས།
དབྱིན་སྐད།
ཕབ་སྐྲུན་མ་དངུལ།
ཨ་སྒོར་ཁྲི5500
ཚོན་མདོག
ཚོན་ཁྲ།
བརྙན་ཕབ་ས་གནས།
ཨ་རིའི་ཉི་ཡོག
imdbསྒྲིག་ཨང་།
tt7286456
འཁྲབ་ཁྲིད་པ།
ཐྲོ་ཌི་ཕེལ་ལེ་ཕི་སི།
གཟེངས་རྟགས་གཙ་བོ།
སྐབས76པའི་ཝེ་ཉི་སི་གློག་བརྙན་དུས་སྟོན་སྟེང་གསེར་གྱི་སེང་གེ་རྟགས་མའི་གློག་བརྙན་རྩེ་གྲས་ཀྱི་གཟེངས་རྟགས་ཐོབ།
འཁྲབ་གཞུང་།
ཐྲོ་ཌི་ཕེལ་ལེ་ཕི་སི། སི་ཁོ་ཐྲི་སི་ཝེར།
བརྙན་སྐྲུན་པ།
ཐྲོ་ཌི་ཕེལ་ལེ་ཕི་སི།
1
ངོ་སྤྲོད།
《ཨ་ཙ་ར》（Joker）ཞེས་པའི་གློག་བརྙན་འདིའི་མིང་གཞན་ལ《བསྟན་བཤིག་མཁན》ཡང་ཟེར། འདི་ནི་ཐྲོ་ཌི་ཕེལ་ལེ་ཕི་སི་ཡིས་འཁྲབ་ཁྲིད་བྱས་ཤིང་ཇེ་ཁོན་ཧྥུན་ཉེག་སིས་གཙོ་འཁྲབ་མཛད་པའི་གཏམ་རྒྱུད་གློག་བརྙན་ཞིག་ཡིན། སྤྱི་ལོ2019ལོའི་ཟླ8པའི་ཚེས31ཉིན་ཝེ་ཉི་སི་གློག་བརྙན་དུས་སྟོན་དུ་འགྲན་སྡུར་ལ་ཞུགས་པ་ལས་ཐོག་མའི་བསྟན་བྱ་རུ་གྱུར།
2
བརྗོད་བྱ།
《ཨ་ཙ་ར》ཡི་གཏམ་རྒྱུད་ཀྱི་རྒྱབ་ལྗོངས་ནི་དུས་རབས་གོང་མའི་ལོ་རབས་བརྒྱད་ཅུ་བའི་ནང་གི་ཨ་ཙ་ར་ཞིག་གི་གཏམ་རྒྱུད་གཞིར་བཟུང་བ་ཡིན་ཏེ། ཡ་པེ་ཧྥོ་ལེ་ནི་སྤྱི་བའི་འགྲུལ་ཁང་རྙིང་བ་ཞིག་ཏུ་ཨ་མ་དང་མཉམ་པོར་འཚོ་བ་རོལ་ཞིང་། སྤྱི་ཚོགས་ཕན་བདེའི་རྩ་འཛུགས་ཀྱི་རོགས་རམ་ལ་མི་བརྟེན་ཀ་མེད་དུ་གྱུར་ཡོད་པ་ཞིག་ཡིན་པར་མ་ཟད། ཁོ་ནི་དབང་རྩའི་ནད་ཀྱི་སྨན་རྫས་ཟམ་མི་ཆད་པར་བསྟེན་བཞིན་ཡོད་པའི་བསྟན་བཤིག་མཁན་ཞིག་ཡིན་ལ། ཁོས་ཐོག་མཐའ་བར་གསུམ་དུ་རང་ཉིད་གཏམ་བཤད་པ་ཞིག་ཏུ་འགྱུར་བར་རེ་བ་བྱེད་བཞིན་ཡོད་མོད། རེ་འབྲས་དེ་རྩ་བ་ནས་འགྲུབ་མ་ཐུབ་པར་མ་ཟད། ལྡོག་སྟེ་མི་ཐམས་ཅད་ཀྱིས་འཕྱ་སྨོད་བྱེད་སའི་ཡུལ་དུ་གྱུར། ཁོས་ས་འོག་ལྕགས་ལམ་བརྒྱུད་སྐབས་མ་བསམ་ས་ནས་མི་གསུམ་གསོད་དགོས་ཐུག་ཅིང་། དེ་ནས་བཟུང་ཁོའི་འཇིག་རྟེན་ནི་རིམ་བཞིན་རྒུད་པའི་ཕྱོགས་སུ་བཞུད་འགོ་བརྩམས་པའི་བརྒྱུད་རིམ་བརྗོད་ཡོད།
3
གཟིགས་འགྲེམ་གནས་ཚུལ།
གློག་བརྙན་འདི་ནི་སྤྱི་ལོ2019ལོའི་ཟླ10བའི་ཚེས4ཉིན་ཨ་རི་ནས་གཟིགས་མོར་ཕུལ་བ་ན། ཨ་སྒོར་ཁྲི9620ལ་བུད་ཅིང་མེ་གླིང་བྱང་མའི་གཟའ་མཇུག་པཱ་སེ་བཙོང་གྲངས་ཀྱི་གྲལ་རིམ་མཐོན་པོར་ཚུད་པ་དང་། མེ་གླིང་བྱང་མའི་གློག་བརྙན་ཟིན་ཐོ་ལས་ཟླ10བའི་ནང་གཟིགས་འགྲེམ་བྱས་པའི་གློག་བརྙན་ལས་པཱ་སེ་བཙོང་གྲངས་མཐོ་གྲས་ཀྱི་ཟིན་ཐོ་རུ་ཆགས། སྤྱི་ལོ2019ལོའི་ཟླ11པའི་ཚེས8ཉིན་གློག་བརྙན《ཨ་ཙ་ར》ཡི་རྒྱལ་སྤྱིའི་པཱ་སེ་བཙོང་གྲངས་ཨ་སྒོར་དུང་ཕྱུར9.57བརྒལ་བས། གློག་བརྙན་ལོ་རྒྱུས་སྟེང་གི་ཡོང་འབབ་མཐོ་བའི་གློག་བརྙན་དུ་གྱུར།
4
གདེང་འཇོག
《ཨ་ཙ་ར》ནི་འཚོ་བའི་ཞིབ་འབྲིའི་ཐད་ནས་སྤོབས་པ་མཐོན་པོར་འཕགས་པའི་ཐུན་མིན་གྱི་གློག་བརྙན་ཞིག་རེད།
---------དུས་འོད་དྲ་ལམ་གྱི་གདེང་འཇོག
ཇེ་ཁོན་ཧྥུན་ཉེག་སིས་ཁྱད་དུ་འཕགས་པའི་འཁྲབ་རྩལ་ལ་བརྟེན་ནས་ཡི་མུག་དང་དྲག་ཤེད་མངའ་བའི་མཐོང་ཆོས་ཅན་གྱི་ཨ་ཙ་ར་ཞིག་བཞེངས་སྐྲུན་བྱས་འདུག
---------གསར་འགྱུར་ཁང་གི་གསར་འགོད་པGunnar Rehlinགྱི་གདེང་འཇོག
འཁྲབ་ཁྲིད་པ་དང་འཁྲབ་གཞུང་། ཤིན་ཏུ་དཀོན་པའི་ལག་རྩལ་དང་འཆར་འགོད་རུ་ཁག་གི་བློས་བསླངས་སོགས་ལ་སྟོད་སྨད་གང་ཡང་བྱེད་མི་ཕོད། འོན་ཏེ་ཇེ་ཁོན་ཧྥུན་ཉེག་སིས《ཨ་ཙ་ར》དེ་ཧོ་ལའེ་ཝུའུ་ཡི་ཟུར་ཟའི་རི་མོའི་བཟོ་ལས་ལ་བསྟེན་ནས་བླ་ན་འཕགས་པའི་བརྩམས་ཆོས་ཀྱི་སྒུལ་ཤུགས་སུ་བསྒྱུར་བ་རེད།
---------《ཧོ་ལའེ་ཝུའུ་གནས་འཕྲིན》གྱི་གདེང་འཇོག
5
གཟེངས་རྟགས།
སྤྱི་ལོ2019ལོའི་ཟླ9བར་སྐབས76པའི་ཝེ་ཉི་སི་གློག་བརྙན་དུས་སྟོན་སྟེང་གསེར་གྱི་སེང་གེ་རྟགས་མའི་གློག་བརྙན་རྩེ་གྲས་ཀྱི་གཟེངས་རྟགས་ཐོབ།
སྤྱི་ལོ2019ལོའི་ཟླ11པར་སྐབས31པའི་ཙུང་ལུས་ཆོན་རྒྱལ་སྤྱིའི་གློག་བརྙན་དུས་སྟོན་སྟེང་འཁྲབ་སྟོན་རྩེ་གྲས་ཀྱི་གཟེངས་རྟགས་ཐོབ།
6
གཟིགས་གནས།
པའེ་ཏུའུ་བརྙན་རིས་སོགས་ནས་གཟིགས་ཐུབ།
དཔྱད་གཞིའི་ཡིག་ཆ།