རྒྱལ་སྲུང་འཛུགས་སྐྲུན་ནི་རྒྱལ་ཁབ་ཀྱིས་རང་ཉིད་ཀྱི་བདེ་འཇགས་སྲུང་སྐྱོབ་དང་། ཕྱི་ནས་ཡོང་བའི་བཙན་འཛུལ་བཀག་འགོག་དང་འགོག་རྒོལ་བྱེད་ཆེད་སྤྱད་པའི་དམག་དོན་དང་། དཔལ་འབྱོར། ཆབ་སྲིད། ཚན་རྩལ། རིག་གནས་སོགས་ཀྱི་བྱེད་ཐབས་ཀྱི་སྤྱིའི་མིང་ཡིན། རྒྱལ་སྲུང་འཛུགས་སྐྲུན་གྱི་དམིགས་ཡུལ་ནི་རྒྱལ་ཁབ་ཀྱི་དམིགས་འབེན་གྱིས་ཐག་གཅོད་ལ། རྒྱལ་སྲུང་འཛུགས་སྐྲུན་དེ་གཙོ་བོ་སྤྱི་ཚོགས་ཀྱི་ཐོན་སྐྱེད་ནུས་ཤུགས་འཕེལ་རྒྱས་ལ་བརྟེན་ཡོད།
རྒྱལ་སྲུང་འཛུགས་སྐྲུན་གྱི་གཞི་རྩའི་ནང་དོན།
1. རྒྱལ་སྲུང་གི་འགོ་ཁྲིད་ལམ་ལུགས་དང་དམག་དཔུང་གི་བཀོད་འདོམས་ལམ་ལུགས་གཏན་འབེབས།
2. རྒྱལ་སྲུང་ཐོན་ཁུངས(དེའི་ཁྲོད་དུ་མི་ཤུགས་དང་། ནོར་ཤུགས། དངོས་ཤུགས་བཅས་ཚུད་ཡོད)ཀྱི་གཏོང་ལེན་དང་། བེད་སྤྱོད། དོ་དམ།
3. རྒྱལ་སྲུང་སློབ་གསོའི་ལག་བསྟར།
4. རྒྱལ་སྲུང་གི་ཚན་རིག་ལག་རྩལ་དང་མཚོན་ཆའི་སྒྲིག་ཆས་ཀྱི་འཕེལ་རྒྱས།
5. རྒྱལ་སྲུང་གི་བཟོ་སྐྲུན་སྒྲིག་བཀོད།
6. རྒྱུན་ཉར་དམག་གི་འཐབ་འཛིང་ནུས་ཤུགས་དང་གྲ་སྒྲིག་འགོག་སྲུང་ཆུ་ཚད་ཀྱི་མཐོར་འདེགས།
7. རྒྱལ་ཁབ་ཀྱི་སྐུལ་སློང་ལམ་ལུགས་འཛུགས་པ་དང་འཐུས་ཚང་དུ་གཏོང་བ།
8. རྒྱལ་སྲུང་སྐོར་གྱི་ཁྲིམས་སྲོལ་འཛུགས་པ་དང་རྒྱལ་སྲུང་སྐོར་གྱི་གཞུང་ལུགས་ཞིབ་འཇུག
རྒྱལ་སྲུང་ནི་རྒྱལ་ཁབ་ཀྱི་བདག་དབང་དང་། མངའ་ཁོངས་ཆ་ཚང་། བདེ་འཇགས་སོགས་ལ་སྲུང་སྐྱོབ་བྱེད་པ་དང་། ཕྱི་ནས་ཡོང་བའི་བཙན་འཛུལ་ལ་སྔོན་འགོག་བྱེད་པའི་ཆེད་དང་། དམག་དོན་དང་དམག་དོན་དང་འབྲེལ་བ་ཡོད་པའི་ཆབ་སྲིད་དང་། ཕྱི་འབྲེལ། དཔལ་འབྱོར། རིག་གནས་སོགས་ཀྱི་ཐད་ཀྱི་འཛུགས་སྐྲུན་དང་འཐབ་རྩོད་ཀྱི་ཆེད་དུ་བཙུགས་པ་ཡིན།