དགུན་ཚང་ལུང་པ།སྔ་མའི་པར་གཞི་དེ རྒྱ་ལོ་རྟ་མགྲིན་ཚེ་བརྟན། ནས 2019-11-28 16:10ལ་འགྲུབ།
དགུན་ཚང་ལུང་པ་ཞེས་པ་ནི་བོད་ལྗོངས་ཉིང་ཁྲི་ས་ཁུལ་བྲག་ཡིབ་ཆུས་ཀྱི་ཁོངས་སུ་ཡོད་པའི་ལུང་པ་ཞིག་ཡིན་པ་དང་། དགུན་ཚང་ལུང་པ་དེ་ནི་བྲག་ཡིབ་ཆུས་མི་དམངས་སྲིད་གཞུང་གི་བྱང་ཤར་ངོས་མཚམས་སྤྱི་ལེ2ལྷག་ཙམ་གྱི་སར་ཡོད་པ་རེད། ལུང་པ་དེའི་ས་བབ་མཐོ་ཚད་ལ་རྒྱ་མཚོའི་ངོས་ལས་སྨི3600ལྷག་ཙམ་ཡོད་པ་རེད།
དགུན་ཚང་ལུང་པ་ཞེས་པའི་མིང་གི་ཐོགས་ཚུལ་ནི། ལུང་པ་དེ་ནི་དགུན་ཚང་གྲོང་ཚོའི་ཁོངས་སུ་ཆགས་ཡོད་པས། ཡུལ་མིང་དེ་ས་མིང་དུ་ཐོགས་པར་གྲགས། སྤྱི་ལོ1985ལོའི་སྔ་རྗེས་སུ་ལུང་པ་དེར་ནགས་ཚལ་ཀུམ་སི་ཞིག་བཙུགས་པ་དང་ཉིང་ཁྲི་ས་ཁུལ་གྱི་ཤིང་གཅོད་ཁུལ་གཙོ་བོ་ཞིག་ཡིན། དེང་དུས་དགུན་ཚང་མོན་པ་མི་རིགས་ཤང་གི་ནགས་ཚལ་སྲུང་སྐྱོབ་ཁུལ་གཙོ་བོ་ཞིག་ཀྱང་ཡིན། ལུང་པ་དེར་ལུང་ལག་མང་ལ་འབྲོག་ས་ཡང་ཁག་མང་པོ་ཡོད་རེད། དེར་དགུན་ཚང་མོན་པ་མི་རིགས་ཤང་གི་འབྲོག་ས་ཕུད། ད་དུང་སྤེ་པ་གྲོང་རྡལ་ཀྲང་པ་གྲོང་ཚོའི་འབྲོག་ས་ཡང་ཁག་གཉིས་ཙམ་ཡོད་རེད། ལུང་པའི་ཕུ་ན་ཡ་མཚན་ཅན་གྱི་གངས་རི་དང་བྲག་རྡོའི་བྱ་ཁྱུང་རང་བྱོན་སོགས་མཇལ་རྒྱུ་ཡོད། ལུང་པའི་ཕུ་ཐག་གི་རིང་ཚད་ལ་སྤྱི་ལེ12ལྷག་ཙམ་ཡོད་པ་རེད།