ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུ།སྔ་མའི་པར་གཞི་དེ གསེར་ཞང་འཇམ་བསོད། ནས 2019-11-04 15:59ལ་འགྲུབ།
ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུ།
ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུ།
ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུ(བསྡུས་མིང་ལ་མི་དམངས་སྲིད་གྲོས་དང་། དབྱིན་ཡིགChinese People's Political Consultative Conferenceཞེས་པ་བསྡུས་འབྲིCPPCC)ནི་ཀྲུང་གོ་མི་དམངས་རྒྱལ་གཅེས་འཐབ་ཕྱོགས་གཅིག་གྱུར་གྱི་རྩ་འཛུགས་དང་། ཀྲུང་གོ་གུང་ཁྲན་ཏང་གིས་འགོ་ཁྲིད་བྱེད་པའི་ཏང་མང་མཉམ་ལས་དང་ཆབ་སྲིད་གྲོས་མོལ་གྱི་སྒྲིག་གཞི་གལ་ཆེན་དང་ཀྲུང་གོ་ཆབ་སྲིད་འཚོ་བའི་ནང་སྤྱི་ཚོགས་རིང་ལུགས་ཀྱི་དམངས་གཙོ་དར་སྤེལ་གཏོང་བའི་རྣམ་པ་གལ་ཆེན་ཞིག་བཅས་ཡིན།
ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུ་ནི་ཀྲུང་གོ་གུང་ཁྲན་ཏང་དང་། དམངས་གཙོའི་ཏང་ཤོག་ཁག དམངས་གཙོའི་མི་དྲག མི་དམངས་ཚོགས་པ་ཁག་དང་ལས་རིགས་ཁག་བཅས་ཀྱིས་ཐུན་མོང་ཐོག་བཙུགས་པ་ཞིག་ཡིན།
གཞི་རྩའི་གནས་ཚུལ།
རྒྱ་ཡིག་གི་མིང་།
中国人民政治协商会议
ཕྱི་ཡིག་གི་མིང་།
Chinese People's Political Consultative Conference
བསྡུས་མིང་།
མི་དམངས་ཆབ་སྲིད་གྲོས་ཚོགས།
ཁོངས་གཏོགས་ས་ཁུལ།
ཀྲུང་གོ།
བྱུང་ཚུལ།
གྲོལ་མོལ་ཐོག་ནས་འོས་སྦྱོར་བྱེད་པ།
རྒྱལ་ཡོངས་སྲིད་གྲོས་ཀྲུའུ་ཞི།
ཝང་དབྱང་།
དཀར་ཆག
- 1 གྲོས་ཚོགས་ཀྱི་ངོ་བོ།
- 2 ལོ་རྒྱུས་ཀྱི་འཕེལ་རིམ།
- 3 བྱ་བའི་འོས་འགན།
-
3.1 ཆབ་སྲིད་གྲོས་མོལ།
3.2 དམངས་གཙོའི་ལྟ་སྐུལ།
3.3 སྲིད་ཞུགས་གྲོས་མོལ།
3.4 ཚོགས་པ་གྲུབ་ཚུལ།
- 4 སྲིད་གྲོས་ཨུ་ཡོན།
-
4.1 གཞི་རྩའི་བླང་བྱ།
4.2 དམངས་གཙོའི་ཁེ་དབང་།
4.3 ཨུ་ཡོན་གྱི་འོས་འགན།
4.4 བྱུང་ཐབས།
4.5 ཆེད་དོན་ཨུ་ཡོན་ལྷན་ཁང་།
- 5 ཀྲུའུ་ཞི་རིམ་བྱོན།
- 6 ཤུགས་རྐྱེན་གཙོ་བོ།
1
གྲོས་ཚོགས་ཀྱི་ངོ་བོ།
ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུ(བསྡུས་མིང་ལ་མི་དམངས་སྲིད་གྲོས་ཟེར)ནི་ཀྲུང་གོ་མི་དམངས་ཀྱི་རྒྱལ་གཅེས་འཐབ་ཕྱོགས་གཅིག་གྱུར་གྱི་རྩ་འཛུགས་ཤིག་དང་། ཀྲུང་གོ་གུང་ཁྲན་ཏང་གིས་འགོ་ཁྲིད་བྱེད་པའི་ཏང་མང་མཉམ་ལས་དང་ཆབ་སྲིད་གྲོས་མོལ་གྱི་སྒྲིག་གཞི་གལ་ཆེན་ཞིག་ཡིན། ཀྲུང་གོའི་ཆབ་སྲིད་འཚོ་བའི་ནང་སྤྱི་ཚོགས་རིང་ལུགས་ཀྱི་དམངས་གཙོ་དར་སྤེལ་གཏོང་བའི་རྣམ་པ་གལ་ཆེན་ཞིག་བཅས་ཡིན། ཀྲུང་གོའི་མི་དམངས་ཆབ་སྲིད་གྲོས་མོལ་ཚོགས་འདུ་ནི་ཀྲུང་གོའི་མི་རིགས་ཁག་གི་མི་དམངས་ཀྱིས་གསར་བརྗེའི་འཐབ་རྩོད་ཡུན་རིང་བྱས་པ་བརྒྱུད་ཀྲུང་གོ་གསར་པ་དབུ་བརྙེས་པའི་སྔ་ནུབ་ཏུ་ཀྲུང་གོ་གུང་ཁྲན་ཏང་དང་། དམངས་གཙོའི་ཏང་ཤོག་ཁག མི་དམངས་ཀྱི་ཚོགས་པ་ཁག ལས་རིགས་ཁག་བཅས་ཀྱིས་ཐུན་མོང་ཐོག་བཙུགས་པ་ཞིག་རེད། དེས་ཀྲུང་གོ་གུང་ཁྲན་ཏང་གིས་དམངས་གཙོའི་ཏང་ཤོག་ཁག་དང་དམངས་གཙོའི་མི་དྲག་རྣམས་དང“ཡུན་རིང་མཉམ་གནས་དང་གཅིག་སེམས་གཅིག་གཏད། ཁྲེལ་གྲགས་མཉམ་ཁུར”གྱི་བྱེད་ཕྱོགས་གཞིར་བཟུང་ནས་རྒྱལ་ཁབ་ཀྱི་སྲིད་དོན་གལ་ཆེན་པོའི་བྱེད་ཕྱོགས་དང་མང་ཚོགས་ཀྱི་འཚོ་བའི་གནད་དོན་གལ་ཆེན་ལ་ཆབ་སྲིད་ཀྱི་གྲོས་མོལ་བྱས་པར་མ་ཟད། སྲིད་ཞུགས་སྲིད་མོལ་དང་དམངས་གཙོའི་ལྟ་སྐུལ་བྱེད་པའི་གྲོས་འགོ་འདོན་པ་དང་སྐྱོན་བརྗོད་བྱེད་པར་བརྟེན་ནས་ནུས་པ་འདོན་སྤེལ་བྱས། དེ་ལྟར་བྱས་ན་གུང་ཁྲན་ཏང་གི་འགོ་ཁྲིད་མཐའ་འཁྱོངས་དང་ལེགས་བཅོས་བྱེད་པར་ཕན་ཐོགས་ཡོད་ལ། རིམ་གྲས་ཁག་གི་མང་ཚོགས་དང་འབྲེལ་བ་དང་མཐུན་སྒྲིལ་སྔར་ལས་རྒྱ་ཁྱབ་ཆེ་བ་བྱེད་པར་ཡང་ཕན་ཐོགས་ཡོད། མི་དམངས་སྲིད་གྲོས་ཀྱི་ཐབས་འདོན་ཇུས་འབུལ་དེ་ཚན་རིག་དང་མཐུན་ཞིང་དམངས་གཙོས་ཇུས་ཐག་གཅོད་པར་ཕན་ཐོགས་ཡོད། མི་དམངས་སྲིད་གྲོས་ཀྱི་འགན་ནུས་ལག་བསྟར་བྱེད་པ་དེས་གྲོས་མོལ་དམངས་གཙོར་ཕན་པའི་ཐབས་ཇུས་བཏོན་ཡོད།
2
ལོ་རྒྱུས་ཀྱི་འཕེལ་རིམ།
ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུར“སྲིད་གྲོས་གསར་པ”ཡང་ཟེར། སྤྱི་ལོ1945ལོར་འཇར་འགོག་དམག་འཁྲུག་ལ་རྒྱལ་ཁ་ཐོབ་རྗེས། ཀྲུང་གོ་གུང་ཁྲན་ཏང་དང་གོ་མིན་ཏང་གཉིས་ཀྱིས་གྲོས་མོལ་བྱས་ཏེ་སྲིད་གཞུང་གསར་བ་འཛུགས་ཆེད་ཆབ་སྲིད་གྲོས་མོལ་ཚོགས་འདུ་བསྡུ་རྒྱུ་ཐག་བཅད། ལོ་དེའི་ཟླ1པའི་ཚེས10ཉིན། ཆབ་སྲིད་གྲོས་མོལ་ཚོགས་འདུ་ཁྲུང་ཆིང་ནས་ཚོགས་ཤིང་ཐེངས་འདིའི་གྲོས་ཚོགས་ལ་ཞུགས་མཁན་ནི་ཀྲུང་གོ་གུང་མིན་ཏང་། ཀྲུང་གོ་གུང་ཁྲན་ཏང་། ཀྲུང་གོའི་ན་གཞོན་ཏང་། སྤྱི་ཚོགས་ཀྱི་མཁས་པ་བཅས་ཕྱོགས་ལྔ་ཡོད། ལོ་དེའི་ཟླ11པར་གོ་མིན་ཏང་གིས་ཆབ་སྲིད་གྲོས་མོལ་ཚོགས་འདུའི་གྲོས་ཆོད་བྱས་པ་རེད།
ཟླ4བའི་ཚེས30ཉིན། ཀྲུང་གུང་ཀྲུང་དབྱང་གིས“ལྔ་གཅིག”རྒྱལ་སྤྱིའི་ངལ་རྩོལ་དུས་ཆེན་ལ་དྲན་གསོ་ཞུ་བའི་འབོད་ཚིག་ཁྱབ་བསྒྲགས་བྱས་ཏེ། ཆབ་སྲིད་གྲོས་མོལ་ཚོགས་འདུ་གསར་བ་ཚོགས་པ་དང་དམངས་གཙོའི་མཉམ་འབྲེལ་སྲིད་གཞུང་འཛུགས་པའི་འབོད་སྐུལ་བཏོན་པ་དང་། དམངས་གཙོའི་ཏང་ཤོག་སོ་སོ་དང་། མི་དམངས་ཚོགས་པ་སོ་སོ། དམངས་གཙོའི་མི་སྣ་བཅས་ཀྱིས་ཧུར་ཐག་གིས་དང་ལེན་བྱས་ཤིང་། ཆབ་སྲིད་གྲོས་མོལ་ཚོགས་འདུ་གསར་བ་གྲ་སྒྲིག་བྱེད་པར་ཞུགས་པ་རེད།
སྤྱི་ལོ1949ལོའི་ཟླ1པའི་ཚེས30ཉིན། པེ་ཕིང་ཞི་བས་བཅིངས་འགྲོལ་བཏང་བ་ཁྱབ་བསྒྲགས་བྱས་ཤིང་། ཟླ6པའི་ཚེས15ཉིན། ཆབ་སྲིད་གྲོས་མོལ་ཚོགས་འདུ་གསར་བའི་གྲ་སྒྲིག་ཚོགས་འདུ་པེ་ཕིང་ནས་ཚོགས་མགོ་བརྩམས། ཚོགས་འདུར་ཞུགས་པའི་ལས་ཁུངས23གྱི་འཐུས་མི་བསྡོམས་པས134ཡོད། ཟླ9བའི་ཚེས17ཉིན། ཆབ་སྲིད་གྲོས་མོལ་ཚོགས་འདུ་གསར་བའི་གྲ་སྒྲིག་ཚོགས་འདུའི་ཚང་འཛོམས་གྲོས་ཚོགས་ཐེངས་གཉིས་པས་ཆབ་སྲིད་གྲོས་མོལ་ཚོགས་འདུ་གསར་བ་དེ“ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་པ”རུ་གཏན་འཁེལ་བྱས།
སྤྱི་ལོ1949ལོའི་ཟླ9པའི་ཚེས21ཉིན། ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུ་སྐབས་དང་པོའི་ཚང་འཛོམས་གྲོས་ཚོགས་པེ་ཕིང་དུ་འཚོགས་ཤིང་། ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུ་དངོས་སུ་དབུ་བརྙེས་པ་ཁྱབ་བསྒྲགས་བྱས། ཚོགས་འདུར་ཞུགས་མཁན་ཚན་པ46གི་འཐུས་མི་ཁྱོན662ཡོད་པ་རེད། ཚོགས་འདུའི་ཐོག《ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུའི་རྩ་ཁྲིམས》དང་། 《ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུའི་འཛུགས་ཁྲིམས》《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྲུང་དབྱང་མི་དམངས་སྲིད་གཞུང་གི་འཛུགས་ཁྲིམས》བཅས་ཀྲུང་གོ་གསར་པར་རྨང་གཞི་འདིང་བའི་ལོ་རྒྱུས་རང་བཞིན་གྱི་ཡིག་ཆ་གསུམ་ལ་གྲོས་འཆམ་བྱུང་བ་རེད། ཚོགས་འདུའི་ཐོག་ད་དུང་རྒྱལ་དར་དང་། རྒྱལ་གླུ། རྒྱལ་ས། ལོ་རྩིས་སོགས་ཀྱི་གྲོས་ཆོད་ལ་གྲོས་འཆམ་བྱུང་ནས་ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུ་སྐབས་དང་པོའི་རྒྱལ་ཡོངས་ཨུ་ཡོན་ལྷན་ཁང་གི་ཨུ་ཡོན་འདེམས་བསྐོ་བྱས་པ་རེད། སྐབས་དེར་ད་དུང་རྒྱལ་ཡོངས་མི་དམངས་འཐུས་མིའི་ཚོགས་ཆེན་སྐོང་འཚོག་བྱེད་མི་ཐུབ་པའི་ཆ་རྐྱེན་འོག་ཀྲུང་གོའི་མི་དམངས་ཆབ་སྲིད་གྲོས་མོལ་ཚོགས་འདུའི་ལས་འགན་ལྗིད་པོ་ཁུར་ནས་ཀྲུང་གོ་གསར་པ་འཛུགས་པའི་ལོ་རྒྱུས་ཀྱི་ལས་འགན་ལེགས་འགྲུབ་བྱས་པ་དང་། ཀྲུང་གོ་གསར་པའི་ལོ་རྒྱུས་ཀྱི་ཤོག་ངོས་དང་པོར་བཀོད་པ་རེད།
ལོ་དེའི་ཟླ9བར། རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་གྲོས་ཚོགས་ཐེངས་དང་པོ་པེ་ཅིན་ནས་འཚོགས། གྲོས་ཚོགས་སྟེང་《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་》གྲོས་འཆམ་བྱུང་ནས་ཁྱབ་བསྒྲགས་བྱས། རྒྱལ་ཡོངས་མི་དམངས་འཐུས་མིའི་ཚོགས་ཆེན་འཚོགས་རྗེས། ཀྲུང་གོའི་གུང་ཁྲན་ཏང་གིས་འགོ་ཁྲིད་བྱེད་པའི་མི་དམངས་དམངས་གཙོའི་འཐབ་ཕྱོགས་གཅིག་གྱུར་གྱི་རྩ་འཛུགས་ཤིག་ཡིན་པའི་མི་དམངས་སྲིད་གྲོས་མུ་མཐུད་གནས་ཡོད། རྒྱལ་ཁབ་ཀྱི་ཆབ་སྲིད་འཚོ་བ་དང་སྤྱི་ཚོགས་འཚོ་བ། དེ་བཞིན་ཕྱི་ཕྱོགས་དང་མཛའ་མཐུན་འགྲོ་འོང་བྱེད་པའི་བྱེད་སྒོའི་ཁྲོད་ཏང་མང་མཉམ་ལས་དང་ཆབ་སྲིད་གྲོས་མོལ་གྱི་ནུས་པ་མུ་མཐུད་འདོན་སྤེལ་བྱས་ཏེ། སྤྱི་ཚོགས་རིང་ལུགས་ཀྱི་གསར་བརྗེ་དང་འཛུགས་སྐྲུན་བྱ་གཞག་གོང་དུ་སྤེལ་བར་སྐུལ་འདེད་གཏོང་བར་བྱས་རྗེས་གལ་ཆེན་བཞག་ཡོད།
ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུའི་རྒྱལ་ཡོངས་ཨུ་ཡོན་ལྷན་ཁང་སྐབས་བཅུ་གཉིས་པའི་གྲོས་ཚོགས་འཚོགས་མྱོང་། མའོ་ཙེ་ཏུང་སྐབས་དང་པོའི་རྒྱལ་ཡོངས་ཨུ་ཡོན་ལྷན་ཁང་གི་ཀྲུའུ་ཞིར་བདམས་ཐོན་བྱུང་བ་དང་། ཀྲོའུ་ཨེན་ལའེ་རྒྱལ་ཡོངས་ཨུ་ཡོན་ལྷན་ཁང་སྐབས་གཉིས་པ་དང་། གསུམ་པ། ལྔ་པ་བཅས་ཀྱི་རྒྱལ་ཡོངས་ཨུ་ཡོན་ལྷན་ཁང་གི་ཀྲུའུ་ཞིར་བདམས་ཐོན་བྱུང་བ། ཏེང་ཞའོ་ཕིང་རྒྱལ་ཡོངས་ཨུ་ཡོན་ལྷན་ཁང་སྐབས་ལྔ་པའི་ཀྲུའུ་ཞིར་བདམས་ཐོན་བྱུང་བ། ཏེང་ཡིང་ཁྲའོ་སྐབས་དྲུག་པའི་རྒྱལ་ཡོངས་ཨུ་ཡོན་ལྷན་ཁང་གི་ཀྲུའུ་ཞིར་བདམས་ཐོན་བྱུང་བ། ལི་རུའེ་ཧོན་སྐབས་བརྒྱད་པ་དང་སྐབས་དགུ་པའི་རྒྱལ་ཡོངས་ཨུ་ཡོན་ལྷན་ཁང་གི་ཀྲུའུ་ཞིར་བདམས་ཐོན་བྱུང་བ། ཅ་ཆིང་ལིན་སྐབས་བཅུ་པ་དང་སྐབས་བཅུ་གཅིག་པའི་རྒྱལ་ཡོངས་ཨུ་ཡོན་ལྷན་ཁང་གི་ཀྲུའུ་ཞིར་བདམས་ཐོན་བྱུང་བ། ཡུས་ཀྲེང་ཧྲེང་སྐབས་བཅུ་གཉིས་པའི་རྒྱལ་ཡོངས་ཨུ་ཡོན་ལྷན་ཁང་གི་ཀྲུའུ་ཞིར་བདམས་ཐོན་བྱུང་བ་བཅས་རེད།
《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས》ནང་གཏན་འབེབས་བྱས་དོན། ཀྲུང་གོའི་གུང་ཁྲན་ཏང་གིས་འགོ་ཁྲིད་བྱེད་པའི་ཏང་མང་མཉམ་ལས་དང་ཆབ་སྲིད་གྲོས་མོལ་ལམ་ལུགས་ཡུན་རིང་གནས་རྒྱུ་དང་འཕེལ་རྒྱས་འབྱུང་བར་བསྟན་ཡོད།
ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུ་ནི་ཀྲུང་གོའི་གུང་ཁྲན་ཏང་གི་འགོ་ཁྲིད་འོག་ཀྲུང་གོའི་གུང་ཁྲན་ཏང་དང་། དམངས་གཙོའི་ཏང་ཤོག་བརྒྱད། དམངས་གཙོའི་མི་དྲག མི་དམངས་ཀྱི་ཚོགས་པ། གྲངས་ཉུང་མི་རིགས་ཁག་དང་ལས་རིགས་ཁག་གི་འཐུས་མི། སྤུན་ཟླ་ཐའེ་ཝན་པ། རྒྱལ་ནང་དུ་ལོག་པའི་ཕྱིར་སྡོད་རང་མི་བཅས་ཀྱི་འཐུས་མི། དེ་བཞིན་དམིགས་སུ་བཀར་ནས་གདན་འདྲེན་ཞུས་པའི་མི་དྲག་བཅས་ལས་གྲུབ་པས་སྤྱི་ཚོགས་ཀྱི་རྨང་གཞི་རྒྱ་ཆེན་པོ་ཡོད།
ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུའི་ཐོག་ཏུ་ཀྲུང་གོའི་གུང་ཁྲན་ཏང་གིས་དམངས་གཙོའི་ཏང་ཤོག་ཁག་དང་ཏང་ཤོག་གང་ལའང་མི་གཏོགས་པའི་མི་དྲག་རྣམས་དང“ཡུན་རིང་མཉམ་གནས་དང་། ཡུན་རིང་མཉམ་གནས། གཅིག་སེམས་གཅིག་གཏད། ཁྲེལ་གྲགས་མཉམ་ཁུར”བཅས་ཀྱི་བྱེད་ཕྱོགས་གཞིར་བཟུང་ནས་རྒྱལ་ཁབ་ཀྱི་སྲིད་དོན་གལ་ཆེན་པོའི་བྱེད་ཕྱོགས་དང་མང་ཚོགས་ཀྱི་འཚོ་བའི་ཐད་ཀྱི་གནད་དོན་གལ་ཆེན་རྣམས་ལ་ཆབ་སྲིད་ཀྱི་གྲོས་མོལ་བྱས་པར་མ་ཟད། གྲོས་འགོ་བཏོན་པ་དང་སྐྱོན་བརྗོད་བྱས་པར་བརྟེན་ནས་དམངས་གཙོའི་ལྟ་སྐུལ་གྱི་ནུས་པ་འདོན་སྤེལ་ཡང་བྱས་པ་ཡིན། མི་དམངས་ཆབ་གྲོས་ཀྱི་འགན་ནུས་གཙོ་བོ་ནི་ཆབ་སྲིད་གྲོས་མོལ་དང་དམངས་གཙོའི་ལྟ་སྐུལ་བྱ་རྒྱུ་དེ་ཡིན་ཞིང་། འདི་གའི་ལྷན་ཚོགས་སུ་ཞུགས་པའི་ཏང་ཤོག་ཁག་དང་། ཚོགས་པ་ཁག མི་རིགས་ཁག་དང་ལས་རིགས་ཁག་གི་མི་སྣ་བཅས་སྒྲིག་འཛུགས་བྱས་ནས་སྲིད་ཞུགས་སྲིད་མོལ་བྱ་རྒྱུ་དེ་ཡིན། ཀྲུང་གོའི་མི་དམངས་ཆབ་སྲིད་གྲོས་མོལ་ཚོགས་འདུའི་བྱེད་སྒོ་མཐའ་དག《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས》རྩ་བའི་ཚད་གཞིར་བཟུང་བ་རེད།
3
བྱ་བའི་འོས་འགན།
3_1
ཆབ་སྲིད་གྲོས་མོལ།
ཆབ་སྲིད་གྲོས་མོལ་ནི་རྒྱལ་ཁབ་དང་ས་གནས་ཀྱི་སྲིད་དོན་གལ་ཆེན་པོའི་བྱེད་ཕྱོགས་དང་དེ་བཞིན་ཆབ་སྲིད་དང་། དཔལ་འབྱོར། རིག་གནས། སྤྱི་ཚོགས་འཚོ་བ་བཅས་ནང་གི་གནད་དོན་གལ་ཆེན་རྣམས་ཇུས་ཐག་མ་བཅད་གོང་ལ་གྲོས་མོལ་བྱ་རྒྱུ་དང་ཇུས་ཐག་བཅད་དོན་ལག་བསྟར་བྱེད་རིང་གི་གནད་དོན་གལ་ཆེན་རྣམས་གྲོས་མོལ་བྱ་རྒྱུ་དེ་ཡིན། ཀྲུང་གོའི་སྲིད་གྲོས་ཀྱི་ཆབ་སྲིད་གྲོས་མོལ་ནི་ཀྲུང་གོ་གུང་ཁྲན་ཏང་གིས་འགོ་ཁྲིད་གནང་བའི་ཏང་མང་མཉམ་ལས་ཀྱི་མཚོན་ཚུལ་གལ་ཆེན་ཞིག་ཡིན།
3_2
དམངས་གཙོའི་ལྟ་སྐུལ།
དམངས་གཙོའི་ལྟ་སྐུལ་ནི་རྒྱལ་ཁབ་ཀྱི་རྩ་ཁྲིམས་དང་། བཅའ་ཁྲིམས། ཁྲིམས་སྲོལ་བཅས་ལག་ལེན་བསྟར་བ་དང་། བྱེད་ཕྱོགས་དང་སྲིད་ཇུས་གལ་ཆེན་ལག་ལེན་མཐར་ཕྱིན་བསྟར་བ། རྒྱལ་ཁབ་ཀྱི་ལས་ཁུངས་དང་དེའི་ལས་བྱེད་མི་སྣ་བཅས་ཀྱི་ལས་ཀར་གྲོས་འགོ་འདོན་པ་དང་སྐྱོན་བརྗོད་བྱེད་པར་བརྟེན་ནས་ལྟ་སྐུལ་བྱ་དགོས་བ་རེད། དེ་ནི་ཀྲུང་གོའི་སྲིད་གྲོས་ནང་ཞུགས་པའི་ཏང་ཤོག་དང་ཚོགས་པ་ཁག་དང་། མི་རིགས་ཁག་དང་ལས་རིགས་ཁག་གི་མི་སྣས་སྲིད་གྲོས་ཀྱི་རྩ་འཛུགས་བརྒྱུད་དེ་རྒྱལ་ཁབ་ལས་ཁུངས་དང་དེའི་ལས་བྱེད་མི་སྣར་ལྟ་སྐུལ་བྱས་པ་ཞིག་ཡིན་ལ། ཀྲུང་གོའི་གུང་ཁྲན་ཏང་གིས་སྲིད་གྲོས་ནང་དམངས་གཙོའི་ཏང་ཤོག་ཁག་དང་ཏང་ཤོག་གང་ལའང་མི་གཏོགས་པའི་མི་དྲག་དང་འབྲེལ་བ་བྱས་པ་ཞིག་ཀྱང་ཡིན།
3_3
སྲིད་ཞུགས་གྲོས་མོལ།
སྲིད་ཞུགས་གྲོས་མོལ་ནི་ཆབ་སྲིད་དང་། དཔལ་འབྱོར། རིག་གནས། སྤྱི་ཚོགས་ཀྱི་འཚོ་བ་བཅས་ཁྲོད་ཀྱི་གནད་དོན་གལ་ཆེན་དང་དེ་བཞིན་མི་དམངས་མང་ཚོགས་ཀྱིས་ཡོངས་ཁྱབ་ཏུ་དོ་ཁུར་བྱེད་པའི་གནད་དོན་ཞིག་ཡིན་ཞིང་། བརྟག་དཔྱད་ཞིབ་འཇུག་དང་། སྤྱི་ཚོགས་ཀྱི་གནས་ཚུལ་དང་མི་དམངས་ཀྱི་བསམ་འདུན་ཡར་ཞུ། གྲོས་མོལ་དང་གྲོས་བསྡུར་བཅས་བྱས་པ་རེད། བརྟག་ཞིབ་སྙན་ཞུ་དང་། གྲོས་གཞི། གྲོས་གཞི་བཅས་སམ་ཡང་ན་བྱ་ཐབས་གཞན་དག་བརྒྱུད་ཀྲུང་གོ་གུང་ཁྲན་ཏང་དང་རྒྱལ་ཁབ་ལས་ཁུངས་ལ་བསམ་འཆར་དང་གྲོས་འགོ་བཏོན་ཡོད། ཀྲུང་གོ་སྲིད་གྲོས་ཀྱི་སྲིད་ཞུགས་སྲིད་གླེང་ནི་མི་དམངས་སྲིད་གྲོས་ཀྱིས་འགན་ནུས་སྒྲུབ་པའི་རྣམ་པ་གལ་ཆེན་ཞིག་ཡིན།
3_4
ཚོགས་པ་གྲུབ་ཚུལ།
སྤྱི་ལོ1982ལོའི《ཀྲུང་གོའི་མི་དམངས་ཆབ་སྲིད་གྲོས་མོལ་ཚོགས་འདུའི་སྒྲིག་ཡིག》ནང་གཏན་འབེབས་བྱས་པ་ལྟར་ན། ཆབ་སྲིད་གྲོས་མོལ་ཚོགས་འདུར་རྒྱལ་ཡོངས་ཨུ་ཡོན་ལྷན་ཁང་དང་ས་གནས་ཨུ་ཡོན་ལྷན་ཁང་འཛུགས་རྒྱུ་དང་། རྒྱལ་ཡོངས་ཨུ་ཡོན་ལྷན་ཁང་ནི་ཀྲུང་གོ་གུང་ཁྲན་ཏང་དང་། དམངས་གཙོའི་ཏང་ཤོག་ཁག ཐེངས་རེའི་འགན་འཛིན་ཡུན་ཚད་ལོ5རེ་ཡིན། ཀྲུའུ་ཞི་རྒན་གཞོན་དུ་མ་དང་དྲུང་ཡིག་ཆེ་མོ་བཅས་བསྐོ་གཞག་བྱས་པ་རེད།
ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུ་ནི་ཀྲུང་གོ་གུང་ཁྲན་ཏང་དང་། ཀྲུང་གོ་གོ་མིན་ཏང་གསར་བརྗེ་ཨུ་ཡོན་ལྷན་ཁང་། དབྱི་དབྱི་མནའ་མཐུན། དབྱི་ཅན་རྒྱལ་ཚོགས། དབྱི་ཀོན། ཀྲུང་གོ་ཞིང་བཟོ་དམངས་གཙོ་ཏང་། ཀྲུང་གོ་ཀྲི་ཀུང་ཏང་། དགུ་གསུམ་སློབ་ཚོགས། ཐའེ་ཝན་དམངས་གཙོ་རང་སྐྱོང་མནའ་མཐུན་བཅས་དང་། དེ་བཞིན་པིན་དམངས་གཙོའི་མི་སྣ་དང་། མི་དམངས་ཚོགས་པ། གྲངས་ཉུང་མི་རིགས་ཁག ལས་རིགས་ཁག་གི་འཐུས་མི། སྤུན་ཟླ་ཐའེ་ཝན་པ། སྤུན་ཟླ་ཞང་ཀང་བ། སྤུན་ཟླ་ཨའོ་མོན་པ། རྒྱལ་ནང་དུ་ལོག་པའི་ཕྱིར་སྡོད་རང་མི་བཅས་ཀྱི་འཐུས་མི་དང་དེ་བཞིན་དམིགས་བསལ་གདན་ཞུས་མི་སྣ་བཅས་ལས་གྲུབ་པ་ཞིག་རེད།
རྒྱལ་ཡོངས་ཨུ་ཡོན་ལྷན་ཁང་གི་ཚང་འཛོམས་གྲོས་ཚོགས་ལོ་རེར་ཐེངས་རེ་འཚོག་བ་དང་། དེའི་འགན་དབང་ནི་ཆབ་གྲོས་ཀྱི་སྒྲིག་ཡིག་བཟོ་བཅོས་བྱ་རྒྱུ་དང་། ཆབ་སྲིད་གྲོས་མོལ་ཚོགས་འདུའི་རྒྱལ་ཡོངས་ཨུ་ཡོན་ལྷན་ཁང་གི་ཀྲུའུ་ཞི་རྒན་གཞོན་དང་། དྲུང་ཡིག་ཆེན་མོ། རྒྱུན་ལས་ཨུ་ཡོན་བཅས་འདེམས་བསྐོ་བྱ་རྒྱུ། རྒྱུན་ལས་ཨུ་ཡོན་ལྷན་ཁང་གི་ལས་དོན་སྙན་ཞུ་ཉན་རྒྱུ་དང་གྲོས་ཞིབ་བྱ་རྒྱུ། འདི་ག་ཆབ་གྲོས་ཀྱི་ལས་ཀ་དང་། བྱེད་ཕྱོགས། ལས་འགན་གལ་ཆེན་བཅས་གྲོས་བསྡུར་གྱིས་གྲོས་ཆོད་འཇོག་རྒྱུ། རྒྱལ་ཁབ་ཀྱི་བྱེད་ཕྱོགས་དང་སྲིད་ཇུས་གནད་ཆེ་རིགས་གྲོས་བསྡུར་བྱེད་པར་ཞུགས་ནས་གྲོས་འགོ་འདོན་པ་དང་སྐྱོན་བརྗོད་བྱ་དགོས། རྒྱལ་ཡོངས་ཨུ་ཡོན་ལྷན་ཁང་དུ་རྒྱུན་ལས་ཨུ་ཡོན་ལྷན་ཁང་བཙུགས་ནས་ཚོགས་དོན་གཙོ་སྐྱོང་བྱ་རྒྱུ། རྒྱུན་ལས་ཨུ་ཡོན་ལྷན་ཁང་ནི་རྒྱལ་ཡོངས་ཨུ་ཡོན་ལྷན་ཁང་གི་ཀྲུའུ་ཞི་རྒན་གཞོན་དང་། དྲུང་ཡིག་ཆེན་མོ། རྒྱུན་ལས་ཨུ་ཡོན་བཅས་ལས་འགྲུབ་དགོས་པ་དང་། དེའི་འགན་དབང་ནི་རྒྱལ་ཡོངས་ཨུ་ཡོན་ལྷན་ཁང་གི་ཚང་འཛོམས་གྲོས་ཚོགས་བསྡུ་རྒྱུ་དང་གཙོ་སྐྱོང་བྱས་ཏེ། ཆབ་སྲིད་གྲོས་མོལ་ཚོགས་འདུའི་སྒྲིག་ཡིག་ནང་གཏན་ལ་ཕབ་པའི་ལས་འགན་ལེགས་འགྲུབ་བྱ་བ་དང་། རྒྱལ་ཡོངས་ཨུ་ཡོན་ལྷན་ཁང་གི་ཚང་འཛོམས་གྲོས་ཚོགས་ཀྱི་གྲོས་ཆོད་ལག་ལེན་བསྟར་བྱས་ཏེ་རྒྱལ་ཡོངས་མི་དམངས་འཐུས་མིའི་ཚོགས་ཆེན་དང་དེའི་རྒྱུན་ལས་ཨུ་ཡོན་ལྷན་ཁང་ངམ་ཡང་ན་རྒྱལ་སྲིད་སྤྱི་ཁྱབ་ཁང་ལ་འབུལ་རྒྱུའི་གྲོས་གཞི་གལ་ཆེན་ལ་ཞིབ་བཤེར་གྱིས་གྲོས་འཆམ་བྱས་ཏེ་དྲུང་ཡིག་ཆེན་མོ་ལྟར་དྲུང་ཡིག་ཆེ་མོ་གཞོན་པ་བསྐོ་འཐེན་བྱ་རྒྱུའི་གྲོས་འགོ་འདོན་པ་དང་འབྲེལ་གཙོ་སྐྱོང་བྱ་བ་དང་། ཆབ་སྲིད་གྲོས་མོལ་ཚོགས་འདུའི་རྒྱལ་ཡོངས་ཨུ་ཡོན་ལྷན་ཁང་གི་ལས་སྒྲུབ་ལས་ཁུངས་འཛུགས་རྒྱུ་དང་བསྒྱུར་བཅོས་བྱ་རྒྱུ་སོགས་གཏན་འབེབས་བྱ་རྒྱུ་བཅས་ཡིན།
རྒྱལ་ཡོངས་ཀྱི་ཞིང་ཆེན་དང་། རང་སྐྱོང་ལྗོངས། ཐད་སྐྱོང་གྲོང་ཁྱེར། གྲོང་ཁྱེར། རང་སྐྱོང་ཁུལ། རྫོང་དང་གྲོང་ཁྱེར་ཁ་ཤས་ཀྱི་ཆུས་བཅས་སུ་ཆབ་སྲིད་གྲོས་མོལ་ཚོགས་འདུའི་ས་གནས་ཨུ་ཡོན་ལྷན་ཁང་དང་རྒྱུན་ལས་ཨུ་ཡོན་ལྷན་ཁང་འཛུགས་རྒྱུ། དེའི་གྲུབ་ཚུལ་ནི་ས་གནས་དེ་གའི་གནས་ཚུལ་ལ་གཞིགས་ནས་རྒྱལ་ཡོངས་ཨུ་ཡོན་ལྷན་ཁང་གི་གྲུབ་ཆའི་ཆོད་དོན་དཔྱད་གཞིར་འཛིན་ཏེ་ཆབ་སྲིད་གྲོས་མོལ་ཚོགས་འདུའི་རྒྱལ་ཡོངས་ཨུ་ཡོན་ལྷན་ཁང་དང་ས་གནས་ཨུ་ཡོན་ལྷན་ཁང་བར་དེ་བཞིན་ས་གནས་ཨུ་ཡོན་ལྷན་ཁང་གི་གོང་འོག་བར་བཅས་ནི་ལས་ཀའི་སློབ་སྟོན་གྱི་འབྲེལ་བ་ཡིན།
4
སྲིད་གྲོས་ཨུ་ཡོན།
སྲིད་གྲོས་ཨུ་ཡོན་ནི་སྲིད་གྲོས་ཨུ་ཡོན་ལྷན་ཁང་རིམ་པ་ཁག་གི་གྲུབ་ཆ་གཙོ་བོ་ཡིན་ཞིང་། མི་དམངས་སྲིད་གྲོས་ལ་ཞུགས་པའི་ཏང་ཤོག་ཁག་དང་། ཚོགས་པ་ཁག མི་རིགས་ཁག ལས་རིགས་ཁག་བཅས་ཀྱི་འཐུས་མི་དང་། ཞང་ཀང་དམིགས་བསལ་སྲིད་འཛིན་ཁུལ་གྱི་སྤུན་ཟླ་དང་། ཨའོ་མོན་དམིགས་བསལ་སྲིད་འཛིན་ཁུལ་གྱི་སྤུན་ཟླ། སྤུན་ཟླ་ཐའེ་ཝན་པ། རྒྱལ་ནང་དུ་ལོག་པའི་ཕྱིར་སྡོད་རང་མི་བཅས་ཀྱི་འཐུས་མི། དེ་བཞིན་དམིགས་བསལ་གདན་ཞུས་མི་སྣ་བཅས་ལས་གྲུབ་ཡོད།
4_1
གཞི་རྩའི་བླང་བྱ།
མང་ཚོགས་དང་འབྲེལ་འདྲིས་དམ་ཟབ་དང་། མང་ཚོགས་ཀྱི་རེ་འདུན་དང་དགོས་འདུན་ཤེས་རྟོགས་ཡར་ཞུ་དང་། སྲིད་གྲོས་རྩ་འཛུགས་ཀྱི་གྲོས་ཚོགས་དང་བྱེད་སྒོར་ཞུགས་པ་བཅས་བྱ་དགོས།
4_2
དམངས་གཙོའི་ཁེ་དབང་།
འདི་གའི་ལྷན་ཚོགས་ཀྱི་གྲོས་ཚོགས་ཐོག་བརྡས་ཐག་གཅོད་དབང་དང་། འདེམས་བསྐོའི་དབང་ཆ། གདམ་བྱའི་དབང་ཆ་བཅས་ཡིན། འདི་གའི་ལྷན་ཚོགས་ཀྱི་ལས་ཀའི་སྐོར་དང་གྲོས་འགོའང་བཏོན་ཆོག་ལ། འདི་གའི་ལྷན་ཚོགས་ཀྱི་གྲོས་ཚོགས་དང་རྩ་འཛུགས་བརྒྱུད་ནས་རྒྱལ་ཁབ་ཀྱི་བྱེད་ཕྱོགས་དང་སྲིད་ཇུས་གནད་ཆེ་བ་དང་ས་གནས་དེ་གའི་ལས་དོན་གལ་ཆེ་རིགས་གྲོས་བསྡུར་བྱེད་པར་ཞུགས་རྒྱུ་དང་། རྒྱལ་ཁབ་གཞུང་གི་ལས་ཁུངས་དང་རྒྱལ་ཁབ་གཞུང་གི་ལས་བྱེད་པའི་ལས་ཀར་གྲོས་འགོ་འདོན་རྒྱུ་དང་སྐྱོན་བརྗོད་བྱ་རྒྱུ། ས་གནས་དེ་གའི་གྲོས་ཆོད་ལ་བསམ་འཆར་མི་འདྲ་བ་ཡོད་ཚེ། མི་དམངས་སྲིད་གྲོས་ཀྱིས་སྒྲིག་འཛུགས་བྱས་པའི་ལྟ་ཞིབ་དང་། ལྟ་སྐོར། བརྟག་དཔྱད་ཞིབ་འཇུག་བཅས་བྱེད་པར་ཞུགས་བ་ཡིན།
4_3
ཨུ་ཡོན་གྱི་འོས་འགན།
སྲིད་གྲོས་ཀྱི་སྒྲིག་ཡིག་ལ་བརྩི་སྲུང་ཞུ་དགོས་པ། སྲིད་གྲོས་གྲོས་ཚོགས་ཀྱི་གྲོས་ཆོད་བརྩི་སྲུང་དང་ལག་བསྟར་བྱེད་དགོས།
4_4
བྱུང་ཐབས།
གཅིག་ནི་མིང་འདོན་འོས་སྦྱོར་བྱེད་དགོས། རྒྱལ་ཡོངས་ཨུ་ཡོན་ལྷན་ཁང་གི་ཨུ་ཡོན་གྱི་མིང་ཐོ་འོས་སྦྱོར་བྱ་རྒྱུ་དེ་ཏང་ཤོག་ཁག་གི་ཀྲུང་དབྱང་དང་། མི་དམངས་ཀྱི་ཚོགས་པ་ཁག ཏང་ཤོག་གང་ལའང་མི་གཏོགས་པའི་མི་སྣ། རིགས་ཁོངས་ཁག་སོགས་ཀྱིས་གྲོས་མོལ་བྱས་ནས་བཏོན་ཡོད། ས་གནས་ཀྱི་རྒྱལ་ཡོངས་ཨུ་ཡོན་ལྷན་ཁང་གི་ཨུ་ཡོན་ནི་ཞིང་ཆེན་དང་། རང་སྐྱོང་ལྗོངས། ཐད་སྐྱོང་གྲོང་ཁྱེར་བཅས་ཀྱིས་གྲོས་མོལ་འོས་སྦྱོར་བྱ་དགོས་པ་རེད།
གཉིས་ནི་གྲོས་མོལ་བྱས་ནས་གྲོས་འགོའི་མིང་ཐོ་གཏན་འཁེལ་བྱེད་དགོས། ཕྱོགས་ཁག་གིས་བཏོན་པའི་འོས་སྦྱོར་མིང་ཐོ་དེ་ཀྲུང་གུང་ཏང་ཨུད་ཀྱིས་འབྲེལ་ཡོད་སྡེ་ཚན་སྒྲིག་འཛུགས་བྱས་ནས་ཕྱོགས་བསྡུས་དོ་སྙོམས་ཡོང་བ་བྱེད་པ་དང་། འོས་སྦྱོར་ཕྱོགས་ཁག་དང་གྲོས་མོལ་ཡང་ཡང་བྱས་ནས་གྲོས་འགོའི་མིང་ཐོ་ཆགས་པ་བྱེད་དགོས།
གསུམ་ནི་སྲིད་གྲོས་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐོག་གྲོས་འཆམ་བྱུང་། ཨུ་ཡོན་གྱི་གྲོས་འགོའི་མཚན་ཐོ་དེ་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ལ་གྲོས་མོལ་དང་བརྡས་ཐག་གཅོད་རྒྱུར་འབུལ་རྒྱུ་དང་། རྒྱུན་ལས་ཨུ་ཡོན་ཡོངས་རྫོགས་ཀྱི་ཕྱེད་ཀ་ལས་བརྒལ་བས་མོས་མཐུན་བྱུང་རྗེས་གྲོས་འཆམ་བྱ་དགོས་པ་རེད།
བཞི་ནི་ཁྱབ་བསྒྲགས་བྱ་དགོས། རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐོག་གྲོས་འཆམ་བྱུང་བའི་ཨུ་ཡོན་རྣམས་ཀྱིས་ཆབ་གྲོས་གཞུང་ལས་ཐིན(ཡང་ན་གཞུང་ལས་ཁང)སོ་སོར་འོས་སྦྱོར་སྡེ་ཚན་དང་མི་སྒེར་ལ་བརྡ་སྦྱོར་བྱ་རྒྱུ་དང་། ཨུ་ཡོན་རྣམས་ལ་ཨུ་ཡོན་གྱི་ལག་ཁྱེར་སྤྲོད་རྒྱུ་མ་ཟད། གསར་འགྱུར་སྨྱན་བྱེད་བརྒྱུད་ནས་སྤྱི་ཚོགས་ལ་ཁྱབ་བསྒྲགས་བྱས་པ་རེད།
4_5
ཆེད་དོན་ཨུ་ཡོན་ལྷན་ཁང་།
སྤྱི་ལོ2018ལོའི་ཟླ3ཚེས16ཉིན་སྲིད་གྲོས་རྒྱལ་ཡོངས་ཨུ་ཡོན་ལྷན་ཁང་རྒྱུན་ལས་ཨུ་ཡོན་ལྷན་ཁང་གི་ཚོགས་འདུ་ཐེངས་དང་པོའི་ཐོག་གྲོས་འཆམ་བྱུང་བ་དང་། 《ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུའི་སྒྲིག་ཡིག》དོན་ཚན་ཞེ་དགུ་པའི“ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུའི་དགོས་མཁོར་གཞིགས་ནས་ཆེད་དོན་ཨུ་ཡོན་ལྷན་ཁང་དང་དེ་བཞིན་ལས་དོན་སྒྲིག་གཞི་གཞན་དག་བཙུགས་ཏེ་རྒྱུན་ལས་ཨུ་ཡོན་ལྷན་ཁང་གིས་གཏན་འཁེལ་བྱེད་པའི”གཏན་འབེབས་གཞིར་བཟུང་། ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུའི་རྒྱལ་ཡོངས་ཨུ་ཡོན་ལྷན་ཁང་གིས་གཤམ་གསལ་ཆེད་དོན་ཨུ་ཡོན་ལྷན་ཁང་བཅུ་བཙུགས་ཡོད་པ་སྟེ། གྲོས་གཞི་ཨུ་ཡོན་ལྷན་ཁང་དང་། དཔལ་འབྱོར་ཨུ་ཡོན་ལྷན་ཁང་། ཞིང་ལས་དང་གྲོང་གསེབ་ཨུ་ཡོན་ལྷན་ཁང་། མི་འབོར་ཐོན་ཁུངས་ཁོར་ཡུག་ཨུ་ཡོན་ལྷན་ཁང་། སློབ་གསོ་ཚན་རིག་འཕྲོད་བསྟེན་ལུས་རྩལ་ཨུ་ཡོན་ལྷན་ཁང་། སྤྱི་ཚོགས་དང་ཁྲིམས་ལུགས་ཨུ་ཡོན་ལྷན་ཁང་། མི་རིགས་དང་ཆོས་ལུགས་ཨུ་ཡོན་ལྷན་ཁང་། ཤང་ཀང་དང་། ཨའོ་མོན། ཐའེ་དབན་ཕྱིར་སྡོད་རང་མིའི་ཨུ་ལྷན། རིག་གནས། རིག་གནས། རིག་གནས་དང་སློབ་སྦྱོང་བཅས་ཀྱི་ཡོད།
5
ཀྲུའུ་ཞི་རིམ་བྱོན།
སྤྱི་ལོ1982ལོའི་ཟླ12ཚེས11ཉིན་གྲོས་འཆམ་བྱུང་བའི《ཀྲུང་གོའི་མི་དམངས་ཆབ་སྲིད་གྲོས་མོལ་ཚོགས་འདུའི་སྒྲིག་ཡིག》ནང་འཁོད་དོན་ཚན་སོ་གཅིག་པའི་གཏན་འབེབས་ལྟར་ན། ཀྲུང་གོའི་མི་དམངས་ཆབ་སྲིད་གྲོས་མོལ་ཚོགས་འདུའི་ཐོག་ཀྲུའུ་ཞི་དང་། ཀྲུའུ་ཞི་གཞོན་པ་འགའ་ཤས། དྲུང་ཡིག་ཆེན་མོ་བཅས་བསྐོ་གཞག་བྱ་རྒྱུ་དང་། དོན་ཚན་སོ་དྲུག་པའི་ནང་རྒྱལ་ཡོངས་ཨུ་ཡོན་ལྷན་ཁང་གི་ཀྲུའུ་ཞིས་རྒྱུན་ལས་ཨུ་ཡོན་ལྷན་ཁང་གི་ལས་དོན་གཙོ་སྐྱོང་བྱ་དགོས་པ་བསྟན་ཡོད།
6
ཤུགས་རྐྱེན་གཙོ་བོ།
སྤྱི་ལོ2014ལོའི་ཟླ9ཚེས21ཉིན་གྱི་སྔ་དྲོ་ཀྲུང་གུང་ཀྲུང་དབྱང་དང་རྒྱལ་ཡོངས་སྲིད་གྲོས་ཀྱིས་རྒྱལ་ཡོངས་སྲིད་གྲོས་ཀྱི་ཚོགས་ཁང་དུ་ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུ་དབུ་བརྙེས་ནས་ལོ65འཁོར་བར་རྟེན་འབྲེལ་ཞུ་བའི་ཚོགས་ཆེན་འཚོགས་པ་རེད། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི་དང་། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུད་ཀྱི་ཀྲུའུ་ཞི་ཞིས་ཅིན་ཕིང་གིས་ཚོགས་ཆེན་ཐོག་གསུང་བཤད་གལ་ཆེན་གནང་བ་རེད། ཁོང་གིས་མི་དམངས་སྲིད་གྲོས་ནི་མི་དམངས་དམངས་གཙོའི་རྣམ་པ་གལ་ཆེན་ཞིག་ཡིན། མི་དམངས་སྲིད་གྲོས་ཀྱིས་རྒྱལ་ཁབ་ཀྱི་བཅོས་སྐྱོང་མ་ལག་དང་བཅོས་སྐྱོང་ནུས་པ་དེང་རབས་ཅན་དུ་འགྱུར་བར་སྐུལ་འདེད་གཏོང་བའི་བླང་བྱ་དང་འཚམ་པར་བྱེད་པ་དང་། བསྒྱུར་བཅོས་གསར་གཏོད་ཀྱི་སྙིང་སྟོབས་མཐའ་འཁྱོངས་བྱེད་པ། མི་དམངས་སྲིད་གྲོས་ཀྱི་རིགས་པའི་གཞུང་ལུགས་གསར་གཏོད་དང་། ལམ་ལུགས་གསར་གཏོད། ལས་དོན་གསར་གཏོད་བཅས་བྱེད་པར་སྐུལ་འདེད་གཏོང་བ། དམངས་གཙོའི་རྣམ་པ་ཕུན་སུམ་ཚོགས་སུ་གཏོང་བ། དམངས་གཙོའི་ཐབས་ལམ་ཤར་བགྲོད་ཐུབ་པ་བཅས་བྱས་ནས་ཏང་ཤོག་ཁག་དང་། ཚོགས་པ་ཁག མི་རིགས་ཁག རིམ་གྲས་ཁག ལས་རིགས་ཁག་བཅས་ཀྱི་མི་སྣ་སྒྲིག་འཛུགས་ནུས་ལྡན་བྱས་ནས་ཐུན་མོང་ཐོག་རྒྱལ་དོན་གྲོས་མོལ་བྱས་ཏེ་རྒྱ་ཁྱབ་དང་ཕན་ནུས་ལྡན་པའི་མི་དམངས་དམངས་གཙོ་མངོན་འགྱུར་ཡོང་བར་སྐུལ་འདེད་གཏོང་དགོས།
སྤྱི་ཚོགས་རིང་ལུགས་ཀྱི་གྲོས་མོལ་དམངས་གཙོ་ནི་ཀྲུང་གོའི་སྤྱི་ཚོགས་རིང་ལུགས་ཀྱི་དམངས་གཙོའི་ཆབ་སྲིད་ལ་དམིགས་བསལ་དུ་ཡོད་པའི་རྣམ་པ་དང་ཐུན་མོང་མ་ཡིན་པའི་དགེ་མཚན་ཡིན་པ་དང་། ཀྲུང་གོའི་གུང་ཁྲན་ཏང་གི་མང་ཚོགས་ལམ་ཕྱོགས་དེ་ཆབ་སྲིད་ཁྱབ་ཁོངས་ནང་གི་མཚོན་ཚུལ་གལ་ཆེན་ཞིག་ཡིན། མི་དམངས་དམངས་གཙོ་ལག་ལེན་བསྟར་བ་དང་མི་དམངས་ཀྱིས་རང་ཁྱིམ་རང་བདག་བྱེད་པར་འགན་ལེན་བྱེད་པ་དེས་ང་ཚོར་རྒྱལ་སྐྱོང་སྲིད་འཛིན་བྱེད་སྐབས་མི་དམངས་ནང་ཁུལ་གྱི་ཕྱོགས་གང་ཅིའི་ཐད་རྒྱ་ཁྱབ་ཏུ་གྲོས་མོལ་བྱ་དགོས་པའི་བླང་བྱ་བཏོན་ཡོད། ཀྲུང་གོའི་སྤྱི་ཚོགས་རིང་ལུགས་ཀྱི་ལམ་ལུགས་འོག་དོན་དག་ཡོད་ན་གྲོས་བསྡུར་བྱེད་བདེ་བ་དང་། མི་མང་གི་དོན་དག་དེ་མི་མང་གིས་གྲོས་བསྡུར་བྱས་ཏེ། སྤྱི་ཚོགས་ཡོངས་ཀྱི་འདོད་བློ་དང་རེ་བའི་སྤྱིའི་བགོ་གྲངས་རྙེད་ཐུབ་པ་བྱ་རྒྱུ་ནི་མི་དམངས་དམངས་གཙོའི་བདེན་ལུགས་ཤིག་རེད། ང་ཚོས་དོན་དག་ཡོད་ཚེ་གྲོས་བསྡུར་མང་ཙམ་བྱེད་པ་དང་། དོན་དག་འཕྲད་ཚེ་གྲོས་བསྡུར་མང་ཙམ་བྱེད་པ། བྱ་བ་སྒྲུབ་སྐབས་གྲོས་བསྡུར་མང་ཙམ་བྱེད་པ། གྲོས་བསྡུར་ཇི་ཙམ་མང་ན་དེ་ཙམ་གྱིས་ལེགས་པ་བཅས་མཐའ་འཁྱོངས་བྱས་ཏེ་སྤྱི་ཚོགས་རིང་ལུགས་ཀྱི་གྲོས་མོལ་དམངས་གཙོ་རྒྱ་ཁྱབ་དང་། རིམ་པ་མང་བ། ལམ་ལུགས་ཅན་བཅས་སུ་འཕེལ་རྒྱས་འགྲོ་རྒྱུར་སྐུལ་འདེད་གཏོང་དགོས།
སྤྱི་ལོ2018ལོའི་ཟླ10པར་སྤྱི་ཁྱབ་ཧྲུའུ་ཅི་ཞིས་ཅིན་ཕིང་གིས“མི་དམངས་སྲིད་གྲོས་ནི་རྒྱལ་ཁབ་བཅོས་སྐྱོང་མ་ལག་གི་གྲུབ་ཆ་གལ་ཆེན་ཞིག་ཡིན། ” རྒྱལ་ཁབ་བཅོས་སྐྱོང་མ་ལག་དང་བཅོས་སྐྱོང་ནུས་པ་དེང་རབས་ཅན་དུ་འགྱུར་བར་སྐུལ་འདེད་གཏོང་བའི་བླང་བྱ་དང་འཚམ་པར་བྱས་ཏེ། རྒྱལ་ཁབ་བཅོས་སྐྱོང་མ་ལག་ཁྲོད་ཀྱི་མི་དམངས་སྲིད་གྲོས་ཀྱི་གོ་གནས་དང་ནུས་པ་ཁོང་དུ་ཡང་དག་ཆུད་པར་བྱེད་པ་དང་། མི་དམངས་སྲིད་གྲོས་ཀྱི་གཞུང་ལུགས་གསར་གཏོད་དང་། ལམ་ལུགས་གསར་གཏོད། ལས་ཀ་གསར་གཏོད་བཅས་ལ་སྐུལ་འདེད་གཏོང་བ་ནི་དུས་རབས་གསར་པའི་མི་དམངས་སྲིད་གྲོས་ཀྱིས་ངེས་པར་དུ་ཞིབ་འཇུག་གཏིང་ཟབ་བྱེད་དགོས་པའི་ཞིབ་འཇུག་བྱ་གཞི་གལ་ཆེན་ཞིག་ཡིན།
དཔྱད་གཞིའི་ཡིག་ཆ།