ཇོ་བོ་བཀའ་གདམས་པ།སྔ་མའི་པར་གཞི་དེ ཚེ་རིང་འབུམ། ནས 2018-11-28 11:50ལ་འགྲུབ།
ཇོ་བོ་བཀའ་གདམས་པ་ནི་སངས་རྒྱས་ཀྱི་བཀའ་ལས་ཡིག་འབྲུ་གཅིག་ཀྱང་མ་ལུས་པར་ཚང་མ་གདམས་ངག་ཏུ་གོ་བའི་གྲུབ་མཐའ་ཞིག་སྟེ། ཇོ་བོ་ཨ་ཏི་ཤ་ནས་དབུ་བརྙེས། འབྲོམ་སྟོན་པ་རྒྱལ་བའི་འབྱུང་གནས་ཀྱིས་སྲོལ་ཕྱེས། པོ་ཏོ་བ་དང་སྤྱན་སྔ་བ། ཕུ་ཆུང་བ་བཅས་སྐུ་མཆེད་གསུམ་གྱིས་དར་ཞིང་རྒྱས་པར་མཛད། གླང་རི་ཐང་བ་དང་ཤ་ར་བ་གཉིས་དང་། བྱ་ཡུལ་བ་སོགས་ཀྱིས་དེ་བས་ཀྱང་རྒྱས་པར་མཛད། བཀའ་གདམས་པའི་སློབ་བརྒྱུད་ཡོངས་སུ་གྲགས་པ་ལ་གཞུང་བ་དང་གདམས་ངག་པ་གཉིས་སམ། ཡང་ན་མན་ངག་པ་དང་གསུམ་དུ་གྱེས་སོ། །