གཞང་གི་ཁ་དང་ནང་ངོས་སུ་འབྲུམ་པ་ཆེ་ཆུང་དང་དབྱིབས་སྣ་ཚོགས་པ་སྐྱེས་ཤིང་། བཤང་བ་ཐུར་དུ་འབབ་པར་འགེགས་བྱེད་པའི་ནད་ཅིག་ལ་གཞང་འབྲུམ་ཞེས་བྱའོ།།
ལོང་གའམ་རྒྱུ་མ་ཆེ་བ་རྫོགས་མཚམས་ནས་ཐུར་དུ་གཞང་ཁའི་བར་ཡིན་ཞིང་དེའི་མིང་ལ་མཉེ་མ་ཞེས་ཟེར། མཉེ་མའི་ཁའམ་གཉེར་སུལ་གྱིས་བརྒྱན་པའི་གོར་གོར་དེ་ལ་གཞང་ཁ་ཞེས་བརྗོད། མཉེ་མའི་ནང་དང་གཞང་གི་ཁ་ངོས་བཅས་ནི་འབྲུམ་པ་སྐྱེས་སའི་གནས་ཡིན།
1.ཕོ་བའི་མེ་དྲོད་ཉམས་པ།
2.གྲོད་པ་བཤལ་དྲགས་པ།
3.རྒྱུན་དུ་བཤང་འགག་ནད་ལྡན་པ།
4.རང་གི་ཕ་མས་གཞང་འབྲུམ་སྐྱེས་པའི་ཟས་དང་སྐོམ་སྟེན་པ།
5.རྒྱུན་དུ་ཤ་ཡི་ཟས་སྟེན་པ་མང་དྲགས་པ།
6.བཤང་གཅུན་ཕྱེན་གསུམ་ཤུགས་ཀྱིས་བཀག་པ།
7.ལུས་ཤ་རྒྱགས་དྲགས་པ།
8.གདན་སྲབ་མོའི་སྟེང་དུ་སྡོད་དྲགས་པ།
9.རྟ་སོགས་ལ་ཡུན་རིང་བཞོན་ནས་བསྐྱོད་པ།
10.འཁྲིག་པ་སྤྱོད་པ་མང་དྲགས་པ།
11.སེམས་ལས་ཆེས་པ།
12.རྒྱུན་དུ་ལུས་ལ་རྩོལ་བཅག་ཉུང་དྲགས་པ།
13.ཆང་རག་འཐུང་དྲགས་པ།
1.ཁྲག་མི་འཛག་ཅིང་སྐམ་པོར་གནས་པས་གཞང་འབྲུམ་སྐམ་པ། འདི་ནི་རླུང་དང་བད་ཀན་གཉིས་ལས་བྱུང་བ་ཡིན།
2.ཁྲག་འཛག་ཅིང་རླན་པར་གནས་པས་གཞང་འབྲུམ་བཤེར་བ། འདི་ནི་ཁྲག་དང་མཁྲིས་པ་གཉིས་ལས་བྱུང་བ་ཡིན། སྤྱིར་དབྱེ་བ་དྲུག་ཏུ་གསུངས་ཀྱང་གཉིས་སུ་བཞག་པ་ནི་མདོར་བསྡུས་ཀྱི་དབྱ་བ་ཡིན།
1.གཞང་འབྲུམ་སྐམ་པ་ཞེས་པའི་རྟགས་ནི། རྒྱུན་དུ་མཉེ་མ་དང་གཞང་ཁ་རུ་ཟུག་ལྡང་བ། ཚ་འཁྱུག་ཡང་ཡང་ལྡང་བ། བཤང་བ་གཏོང་བའི་སྐབས་སུ་ལྷག་པར་དུ་ཟུག་ལྡང་བ་བཅས་སོ།།
2.གཞང་འབྲུམ་བཤེར་བ་ཞེས་པའི་རྟགས་ནི། རྒྱུན་དུ་མཉེ་མ་དང་གཞང་ཁ་རུ་ཟུག་ལྡང་བ། ཚ་འཁྱུག་ཡང་ཡང་ལྡང་བ། བཤང་བ་གཏོང་བའི་ཟུག་མི་བཟོད་པ་ལྡང་བ། བཤང་བ་དང་མཉམ་དུ་ཁྲག་ཀྱང་འཛག་པ། གཞང་ཁ་ནས་ཆུ་སེར་ལྟ་བུ་ཞིག་ཡང་ཡང་འདོན་པ། གཞང་ཁ་ཅུང་ཟད་སྦོས་པ། སྐབས་རེར་གཞང་གི་སྦུབས་སུ་འབུ་སྲིན་འགུལ་སྐྱོད་བྱེད་པ་ལྟ་བུའི་ཟ་འཕྲུག་ལངས་པ་བཅས་འོང་ངོ་།།
1.ཕོ་བའི་མེ་དྲོད་སྲུང་བ།
2.བཤང་བ་སྐམ་པོར་མི་འབབ་པའི་ཐབས་སྟེན་པ།
3.གྲོད་ཁོག་ཡང་ཡང་མི་བཤལ་བའི་ཐབས་སྟེན་པ།
4.བུད་མེད་ཚོས་ཟླ་མཚན་ལེགས་པར་འབབ་པའི་ཐབས་སྟེན་པ།
5.སྦྲུམ་མའི་དུས་སུ་ཐུར་སེལ་རླུང་སོགས་མི་འཁྲུག་པའི་ཐབས་སྟེན་པ་བཅས་སོ།།
1.ཤིང་ཏོག་གི་རིགས་མང་དུ་ཟ་བ།
2.སྔོ་ཚོད་ཀྱི་རིགས་མང་དུ་ཟ་བ།
3.རྩམ་པ་སོགས་རྒྱུན་སྤྱོད་ཀྱི་ཟས་རིགས་སྟེན་པ།
4.བུར་ཤིང་ལས་བྱུང་བའི་ཁུ་བ་སྟེན་པ།
5.ཆུ་ཁོལ་མང་དུ་འཐུང་བ།
6.དར་བ་གསར་རྙིང་གང་རུང་འོས་འཚམ་སྟེན་པ་བཅས་སོ།