རོང་བོ་དགོན་ཆེན་གྱི་ཆོ་འཕྲུལ་སྨོན་ལམ་ཆེན་མོ།སྔ་མའི་པར་གཞི་དེ མཐོ་སྒང་གི་མེལ་ཚེ། ནས 2018-07-23 11:16ལ་འགྲུབ།
རོང་བོ་དགོན་ཆེན་གྱི་ཆོ་འཕྲུལ་སྨོན་ལམ་ཆེན་མོ།
རོང་བོ་དགོན་ཆེན་གྱི་ཆོ་འཕྲུལ་སྨོན་ལམ་ཆེན་མོ།
རོང་བོ་དགོན་ཆེན་གྱི་ཆོ་འཕྲུལ་སྨོན་ལམ་ནི། སྤྱི་ལོ༡༧༣༢ལོར་རེབ་གོང་སྐྱབས་མགོན་སྐུ་ཕྲེང་གཉིས་པས་རེབ་གོང་སྤྱི་དཔོན་ནང་སོ་ངག་དབང་བསོད་ནམས་དང་བཀའ་གྲོས་གནང་སྟེ་ཆོ་འཕྲུལ་ཟླ་བའམ་བོད་ཟླ་དང་པོའི་ཚེས་བཅུ་གཅིག་ནས་བཅོ་ལྔ་བར་སྨོན་ལམ་ཉིན་ལྔའི་རིང་དགོན་པའི་མཐའ་བསྐོར་གྱི་ཆོས་སྲིད་ཀྱི་དབང་ཆ་ཡོངས་རྫོགས་ཚོགས་ཆེན་ཞལ་ངོ་དང་ཐོས་བསམ་གླིང་གི་དགེ་བསྐོས་གཉིས་ལ་དབང་བ། སྨོན་ལམ་སྟེང་རོང་བོ་གདན་ས་གསུམ་གཙོས་རེབ་གོང་ཕྱོགས་གཏོགས་དང་བཅས་པའི་དགེ་ལུགས་པའི་གྲྭ་གཞོན་ཐམས་ཅད་ཞུགས་ཆོག་པ། རེབ་གོང་གཤོག་ཁ་བཅུ་གཉིས་ཀྱིས་ལོ་རེས་མོས་བཞིན་མཆོད་འབུམ་གྱིས་མཚོན་པའི་བསྙེན་བཀུར་བྱེད་དགོས་པ་སོགས་གཏན་ཁེལ་བྱས།
གཞི་རྩའི་གནས་ཚུལ།
བོད་ཡིག་གི་མཚན།
རོང་བོ་དགོན་ཆེན་གྱི་ཆོ་འཕྲུལ་སྨོན་ལམ་ཆེན་མོ།
རྒྱ་ཡིག་གི་མཚན།
隆务大寺大神变祈愿节
དབྱིན་ཡིག་གི་མཚན།
Rongwo monastery's Great Praver Festival
དཀར་ཆག
1
ངོ་སྤྲོད།
1_1
རོང་བོ་དགོན་ཆེན་གྱི་ཆོ་འཕྲུལ་སྨོནལམ་ཆེན་མོ།
རོང་བོ་དགོན་ཆེན་གྱི་ཆོ་འཕྲུལ་སྨོན་ལམ་ནི། སྤྱི་ལོ༡༧༣༢ལོར་རེབ་གོང་སྐྱབས་མགོན་སྐུ་ཕྲེང་གཉིས་པས་རེབ་གོང་སྤྱི་དཔོན་ནང་སོ་ངག་དབང་བསོད་ནམས་དང་བཀའ་གྲོས་གནང་སྟེ་ཆོ་འཕྲུལ་ཟླ་བའམ་བོད་ཟླ་དང་པོའི་ཚེས་བཅུ་གཅིག་ནས་བཅོ་ལྔ་བར་སྨོན་ལམ་ཉིན་ལྔའི་རིང་དགོན་པའི་མཐའ་བསྐོར་གྱི་ཆོས་སྲིད་ཀྱི་དབང་ཆ་ཡོངས་རྫོགས་ཚོགས་ཆེན་ཞལ་ངོ་དང་ཐོས་བསམ་གླིང་གི་དགེ་བསྐོས་གཉིས་ལ་དབང་བ། སྨོན་ལམ་སྟེང་རོང་བོ་གདན་ས་གསུམ་གཙོས་རེབ་གོང་ཕྱོགས་གཏོགས་དང་བཅས་པའི་དགེ་ལུགས་པའི་གྲྭ་གཞོན་ཐམས་ཅད་ཞུགས་ཆོག་པ། རེབ་གོང་གཤོག་ཁ་བཅུ་གཉིས་ཀྱིས་ལོ་རེས་མོས་བཞིན་མཆོད་འབུམ་གྱིས་མཚོན་པའི་བསྙེན་བཀུར་བྱེད་དགོས་པ་སོགས་གཏན་ཁེལ་བྱས།
སྨོན་ལམ་ཆེན་མོའི་བསྒྲིག་ལམ་དང་། ཚོགས་འདོན་གྱི་རིམ་པ། དབྱངས་རྟ་ཕྱག་ལེན་མང་ཆེ་བ་ལྷ་སའི་སྨོན་ལམ་ཆེན་མོ་དང་སྒོ་བསྟུན་ཏེ་རོང་བོ་དགོན་ཆེན་གྱི་ཆོ་འཕྲུལ་སྨོན་ལམ་ཆེན་མོ་གསར་དུ་བཙུགས། ཚེས་བཅུ་གཉིས་ཉིན་མེ་ཏོག་མཆོད་མཇལ་དང་། ཚེས་བཅུ་གསུམ་ཉིན་རྟེན་མཇལ། ཚེས་བཅུ་བཞི་ཉིན་གོས་སྐུ་ཆེན་མོ་ཞལ་འབྱེད། ཚེས་བཅོ་ལྔ་ཉིན་བྱམས་པ་གླིང་བསྐོར། ཚེས་བཅུ་དྲུག་ཉིན་འཆམ། ཉིན་རེའི་ཕྱི་དྲོར་ལྷ་ཁང་སོ་སོའི་མདུན་དུ་སྨོན་ལམ་གསུང་ཆོས་བཅས་ཡོད།
གཞན་སྒྲུབ་སྡེ་ཁག་གི་ཆོ་འཕྲུལ་སྨོན་ལམ་ཆེན་མོ་རྣམས་རེའུ་མིག་སྟེང་བཀོད་ཡོད་པ་དང་། ཉིན་རེའི་སྨོན་ལམ་གསུང་ཆོས་སྐབས་དགོན་བདག་བླ་མས་དད་ལྡན་སྐྱ་སེར་མང་ཚོགས་རྣམས་ལ་ནང་ཆོས་ངོ་སྤྲོད་དང་། རྟེན་མཆོག་རྣམས་འཁྲུས་གསོལ་བཅས་ཡོད།
སྤྱིར་ན་ཆོ་འཕྲུལ་སྨོན་ལམ་གྱི་དུས་ཆེན་དེ་གཙོ་བོ་སྟོན་པ་ཤཱཀྱ་ཐུབ་པ་བཀའ་དྲིན་རྗེས་སུ་དྲན་པའི་ཆེད་དུ། སྟོན་པའི་སྐུ་བརྙན་གོས་སྐུ་ཆེན་མོ་ཞལ་འབྱེད་གནང་སྟེ་དད་ལྡན་སྐྱ་སེར་མང་ཚོགས་རྣམས་ཀྱིས་ཕྱག་མཆོད་དང་བསྙེན་བཀུར་བྱེད་པ་དང་། མ་འོངས་པ་ལ་སེམས་ཅན་ཐམས་ཅད་རྗེ་བཙུན་བྱམས་པ་མགོན་པོའི་ཞབས་དྲུང་དུ་སྐྱེས་པ་དང་། དེའི་བསྟན་པ་མཇལ་ཐུབ་པའི་སྨོན་པའི་རྟེན་འབྲེལ་དུ། དད་ལྡན་སྐྱ་སེར་མང་ཚོགས་རྣམས་ཀྱིས་མཆོད་རྫས་སྣ་ཚོགས་དང་བཅས་པའི་སྒོ་ནས་རྒྱལ་བ་བྱམས་པ་མགོན་པོའི་སྐུ་འདྲ་དགོན་པའི་གླིང་བསྐོར་དུ་གདན་འདྲེན་པ་སོགས་རྟེན་འབྲེལ་གྱི་ཆོས་ཉིད་ལ་གཞིགས་པའི་ཆོས་ལུགས་ཀྱི་བྱེད་སྒོ་ཞིག་ཡིན།
རྗེས་སུ་ཆོ་འཕྲུལ་སྨོན་ལམ་སྟེང་སྟོན་པའི་གོས་སྐུ་ལས་གཞན་པའི་བྱམས་པའི་གོས་སྐུ། མི་འཁྲུགས་པའི་གོས་སྐུ། འོད་དཔག་མེད་ཀྱི་གོས་སྐུ་བཅས་རིགས་མི་འདྲ་བ་མང་པོ་ཞལ་འབྱེད་པའི་ཕྱག་སྲོལ་དར་ཁྱབ་བྱུང་བ་ཡིན་ནོ།།
2
རེབ་གོང་ཡུལ་དུ་ཡོད་པའི་ཆོ་འཕྲུལ་སྨོན་ལམ་ཆེན་མོའི་དུས་ཚིགས་ངོ་སྤྲོད་རེའུ་མིག
| དགོན་པ། | ཟླ་བ། | ཚེས། | མེ་ཏོག་མཆོད་མཇལ། | རྟེན་མཇལ། | གོས་སྐུ། | བྱམས་བསྐོར། | འཆམ། |
| རོང་བོ་དགོན་ཆེན། | ༡ | ༡༡ནས་༡༦ | ༡༢ | ༡༣ | ༡༤ |
༡༥ | ༡༥ |
| སེང་གཤོང་མ་གོ་དགོན་པ། | ༡ | ༡ནས་༡༠ | ༨ | ༩ | ༡༠ | ||
| སེང་གཤོང་ཡ་གོ་དགོན་པ། | ༡ | ༡ནས་༨ | ༥ | ༦ | ༧ | ||
| ཡིད་སྒར་དགོན་པ། | ༡ | ༥ | ༥ | ||||
| སྒོ་དམར་དགོན་པ། | ༡ | ༥ནས་༡༡ | ༨ | ༩ | ༡༠ | ༡༡ | |
| གཉན་ཐོག་དགོན་པ། | ༡ | ༩ནས་༡༣ | ༡༡ | ༡༢ | ༡༣ | ||
| རྗོང་དཀར་དགོན་པ། | ༡ | ༡༡ནས་༡༦ | ༡༣ | ༡༤ | ༡༥ | ༡༦ | |
| མགར་རྩེ་གྱ་ས་དགོན་པ། | ༡ | ༡༡ནས་༡༥ | ༡༣ | ༡༥ | |||
| གཡེར་གཤོང་དགོན་པ། | ༡ |
༧ནས་༡༥ | ༡༢ | ༡༣ | |||
| ཤེལ་དགོན། | ༡ |
༤ནས་༡༣ | ༡༠ | ༡༡ |
༡༢ |
||
| ཁྱུང་དགོན། | ༡ |
༦ནས་༡༣ | |||||
| བོན་རྒྱ་དགོན་པ། | ༡ | ༤ནས་༩ | ༥ | ༩ |
དཔྱད་གཞིའི་ཡིག་ཆ།