ཉང་ཚང་རྡོ་གཟུགས་དགོན་པ།སྔ་མའི་པར་གཞི་དེ གདུགས་དཀར་རྒྱལ། ནས 2018-07-03 09:12ལ་འགྲུབ།
ཉང་ཚང་རྡོ་གཟུགས་དགོན་དགེ་ལྡན་བཤད་སྒྲུབ་ཕུན་ཚོགས་རབ་རྒྱས་གླིང་ནི་ཀན་སུའུ་ཞིང་ཆེན་མདོ་ལྷོ་བོད་རིགས་རང་སྐྱོང་ཁུལ་ཀླུ་ཆུ་རྫོང་ཟམ་ཚ་ཡུལ་ཚོའི་ཁོངས་སུ་གཏོགས་ཤིང་གྲུབ་མཐའ་དགེ་ལུགས་པ་ཡིན།
འདུལ་བའི་གསོ་དགག་དབྱར་གསུམ། དུས་མཆོད་དུས་བཟང་། རྒྱུད་སྨད་ལྟར་གྱི་བདེ་བསང་འཇིགས་གསུམ་དང་ཀུན་རིག་བཅས་ཀྱི་བདག་འཇུག་སྒྲུབ་མཆོད། ཆོ་འཕྲུལ་སྨོན་ལམ། བསྟན་འགྲོ་སྤྱིའི་ཞབས་བརྟན། བཞི་པའི་སྨྱུང་གནས། དགའ་ལྡན་ལྔ་མཆོད། འཇིགས་བྱེད་བསྙེན་སྒྲུབ། མགོན་ཆོས་ལྔའི་གཏོར་སྒྲུབ་ཐུན་མོང་མ་ཡིན་པ། རྒྱུན་ཚོགས་རྒྱུན་བསྐང་སོགས་ཡོད་དོ།།
སྒྲུབ་ཕུག་མ་ཎི་རང་བྱོན་རབ་ཏུ་གསལ་བར་བཏོད་པ། གྲུབ་དབང་ཤར་སྐལ་ལྡན་རྒྱ་མཚོའི་སྒྲུབ་གནས་དང་སྒྲུབ་ཆུ། འབྲང་རྒྱས་རི་ཁྲོད་དང་བར་སྐབས་ཤིག་གི་དགོན་ཤུལ། དགོན་པའི་སྤྲོ་སྐྱིད་གླིང་གར་ལྷ་ཤིང་ཤུག་སྡོང་ཧ་ཅང་མཐོང་དཀོན་པ་མང་པོ་ཡོད་དོ།།