རྡོ་རྗེ་ཐེག་པ།སྔ་མའི་པར་གཞི་དེ བླ་མ་གཡང་སངས། ནས 2018-05-08 09:33ལ་འགྲུབ།
《གངས་ལྗོངས་མཁས་དབང་རིམ་བྱོན་གྱི་རྩོམ་ཡིག་གསེར་གྱི་སྦྲམ་བུ》ལས། ཐབས་ཤེས་དབྱེར་མི་ཕྱེད་པའི་རྡོ་རྗེའི་ལམ་གྱིས་རྡོ་རྗེ་གསུམ་མངོན་དུ་བྱེད་པས་རྡོ་རྗེ་ཐེག་པ་ཞེས་བྱ་ལ། དེའི་རང་བཞིན་ནི། རིག་སྔགས་ཀྱི་སྦྱོར་བའི་ལམ་དང་། དེ་ལས་བྱུང་བའི་འབྲས་བུ་གཙོ་བོར་སྟོན་པ་ཡིན་པས་སྔགས་ཀྱིས་ལམ་སྒྲུབ་པ་ཡིན་ན། སྔགས་དང་རྒྱུད་ཀྱི་སྦྱོར་བ་ལ་བརྟེན་པས་ཁྱབ་བོ། །
《དུང་དཀར་ཚིག་མཛོད་ཆེན་མོ》ལས། གསང་སྔགས་ཀྱི་ལམ་ལ་གོ་དགོས། དེ་ཡང་རྒྱུད་སྡེ་བཞི་ནས་བཤད་པའི་ལམ་གྱི་རིམ་པ་རྣམས་ཡིན། ཐེག་པ་དང་ལམ་གཉིས་སྤྱི་དང་བྱེ་དྲག་ཡིན་པས་ཁྱབ་ཆེ་ཆུང་ཡོད།