ཧོར་གཙང་ཤོག་པ་བཞི།སྔ་མའི་པར་གཞི་དེ ཨ་སངས།  ནས 2017-08-01 11:37ལ་འགྲུབ།

ཧོར་གཙང་ཤོག་པ་བཞི།

ཧོར་གཙང་ཤོག་པ་བཞི་ནི་བསང་ཆུ་དང་གཡོན་ཆུ་གཉིས་འདྲེས་མཚམས་མན་གྱི་མར་ཐང་དང་ཆུ་སྔོན་ཞང་ཁག་གཉིས་ཀྱི་ཁོངས་སུ་གནས་ཤིང་། བྱང་ཤར་དུ་ཀ་ཅུ། ལྷོ་བྱང་དུ་ཁ་གྱ་དང་གནམ་ལྷ། ནུབ་བྱང་དུ་རྒན་གྱ་བཅས་དང་ས་མཚམས་འདྲེས།
གཞི་རྩའི་གནས་ཚུལ།

ཁོངས་གཏོགས།
བསང་ཆུ་རྫོང་ཁོངས་ཀྱི་ཚོ་བ་ཤོག་པ།
གནས་ཡུལ།
བསང་ཆུ་དང་གཡོན་ཆུ་གཉིས་འདྲེས་མཚམས་མན་གྱི་མར་ཐང་དང་ཆུ་སྔོན་ཞང་ཁག་གཉིས་ཀྱི་ཁོངས་སུ་གནས།
དབྱེ་བ།
གོ་གཉེན་ཤོག་པ། འབྲུ་འདྲེན་ཤོག་པ། དཀོན་མཆོག་རྒྱ་ཕྱུག་ཤོག་པ། མ་ཎི་ཤོག་པ།
1 ངོ་སྤྲོད།

ཧོར་གཙང་ཤོག་པ་བཞི་ནི་བསང་ཆུ་དང་གཡོན་ཆུ་གཉིས་འདྲེས་མཚམས་མན་གྱི་མར་ཐང་དང་ཆུ་སྔོན་ཞང་ཁག་གཉིས་ཀྱི་ཁོངས་སུ་གནས་ཤིང་།  བྱང་ཤར་དུ་ཀ་ཅུ།  ལྷོ་བྱང་དུ་ཁ་གྱ་དང་གནམ་ལྷ།  ནུབ་བྱང་དུ་རྒན་གྱ་བཅས་དང་ས་མཚམས་འདྲེས།  ད་ལྟའི་ཧོར་གཙང་གི་མི་རྒྱུད་ཀྱི་ཐོག་མ་ལྷ་རྒྱལ་འབུམ་གྱིས་རོང་བོ་ཧོར་ནག་བླ་ཁ་ནས་འབྲོག་ཁྱིམ་ཁ་ཤས་ཁྲིད་དེ་ཆུ་སྔོན་སྒོ་བརྒྱད་ཐང་ལ་སླེབས་པ་དང་།  རིམ་བཞིན་དེར་གཞི་ཆགས།  འགྲོ་མགོན་འཕགས་པས་གཙང་ནས་ལྷ་རྗེ་བྲག་སྣ་བ་ཞེས་པའི་རྣལ་འབྱོར་བ་ཞིག་ཡུལ་འདིར་མངགས་ཏེ་ཆོས་སྤེལ།  ཀུན་གྱིས་དད་པས་མཆོད་བཀུར་བྱས་ཤིང་བླ་མར་བསྟེན།  ཧོར་ནགས་ཚོ་ཁག་དང་མཆོད་ཡོན་གྱི་འབྲེལ་བ་བཙུགས།  ཐོག་མར་ཡུལ་འདིར་གཞིས་ཆགས་པའི་ཧོར་ནག་བླ་ཁའི་ཧོར་དང་།  གཙང་ནས་བྱོན་པའི་རྣལ་འབྱོར་བའི་གཙང་གཉིས་སྦྱར་བས་ཧོར་གཙང་ཞེས་ཡུལ་ཚོའི་མིང་བྱུང་ངོ་། །ལྷ་རྒྱལ་འབུམ་ལ་བུ་བཞི་བྱུང་།  ནར་སོན་ཏེ་དུད་ཁྱིམ་བཞིར་གྱེས།  སོ་སོས་ཡུལ་རེ་བཟུང་སྟེ་བསྡད་པས་བུ་ཆེ་བ་དཀོན་མཆོག་རྒྱ་ཕྱུག་ཡར་ཐང་གི་དཔོན་པོ་དང་།  བུ་གཉིས་པ་ཞ་དཀར་དོན་འགྲུབ་སེང་གེ་གོ་གཉེན་སྡེ་དགུའི་དཔོན་པོ།  བུ་གསུམ་པ་སྦྱིན་པ་སེང་གེ་ཧོར་གཙང་གི་དཔོན་པོ།  ཆུང་བ་ཆུ་སྔོན་གྱི་དཔོན་པོ་བཅས་སུ་གྱུར།  མིང་གོང་མ་ཡུང་ལོ་རྒྱལ་པོའི་ཁྲི་ལོ་བཅུ་པར་ཞ་དཀར་དོན་འགྲུབ་སེང་གེ་ལ་གོང་མ་ཡུང་ལོ་རྒྱལ་པོས་དཔོན་པོའི་ཐོབ་དང་འཇའ་ས།  ཐམ་ཀ་བཅས་བསྩལ་བ་དེའི་རྒྱུད་པ་རྣམས་རིམ་བཞིན་ཤོག་བཞིར་དགྱེས་སོ། །

2 དབྱེ་བ།
2_1 གོ་གཉེན་ཤོག་པ།

དེར་དཔོན་སྐོར་རྒྱལ་བརྒྱུད།  སྟེར་སྟེང་།  ཞབས་དཀར།  ཚིང་ཅུ།  སྒང་ཚང་།  བན་དཀར།  ཕ་བོང་ནག་རིས།  ཞོ་བུ་དགའ་ལྡན་ལ་ཁ།  ཞོ་བུ་མཁས་པ་ཚང་བཅས་སྡེ་ཚོ་བཅུ་གཅིག་མངའ། 

2_2 འབྲུ་འདྲེན་ཤོག་པ།

ཡར་ཐང་ཤོག་པ་ཞེས་ཀྱང་ཟེར།  དེར་ཡ་ཤུལ་དང་།  ཁྱིམ་ཆེན།  འགྲོག་རྙིང་།  ཐང་དཀར།  མ་ཡེ་ཀླད།  མར་ཐང་།  ཡར་ཐང་དཔོན་ཚང་།  ཧོར་སྟེང་ཀླད་བཅས་སྡེ་ཚོ་བརྒྱད་མངའོ། །

2_3 དཀོན་མཆོག་རྒྱ་ཕྱུག་ཤོག་པ།

འོ་སེ་ཤོག་པའང་ཟེར།  དེར་ཚ་དགེ་སྟག་རིང་དང་།  ཚ་མདོ།  ཚི་ལུང་།  མ་རུ།  བསང་ལུང་།  ཤིང་ཆེན་ནང་།  འོ་སེ།  དཀོན་མཆོག་རྒྱ་ཕྱུག་བཅས་སྡེ་ཚོ་བརྒྱད་མངའ།  གོང་གི་ཤོག་པ་གསུམ་གྱི་སྡེ་ཚོ་རྣམས་དེང་སང་མར་ཐང་ཞང་གི་ཁོངས་སུ་གཏོགས་སོ། །

2_4 མ་ཎི་ཤོག་པ།

ཆུ་སྔོན་ཤོག་པ་ཞེས་ཀྱང་བྱ།  དེར་རྩ་ཐང་ཆེ་ཆུང་།  ཆུ་སྔོན་དཔོན་ཚང་།  ཡི་གེ་ཐང་།  དཔོན་གཡོག  རུ་གོང་མའི་སྡེ་གསུམ།  རུ་འགབ་མ།  ཨོ་འོག  སེང་གེ་ཐང་བཅས་སྡེ་ཚོ་བཅུ་གཉིས་མངའ།