ཆུ་ཀླུང་རྣམ་བཤད་ཀྱི་འགྲེལ་བ།སྔ་མའི་པར་གཞི་དེ ཨ་སངས། ནས 2017-07-28 16:26ལ་འགྲུབ།
ཆུ་ཀླུང་རྣམ་བཤད་ཀྱི་འགྲེལ་བ།
ཆུ་ཀླུང་རྣམ་བཤད་ཀྱི་འགྲེལ་བ།
《ཆུ་ཀླུང་རྣམ་བཤད་ཀྱི་འགྲེལ་བ》ནི་ཀྲུང་གོའི་གནའ་རབས་ཀྱི་ས་ཁམས་སྐོར་གྱི་དཔེ་ཆ་ཞིག་ཡིན་ཞིང་། དེའི་རྩོམ་པ་པོ་ལི་ཏའོ་ཡོན་ནི་ཝེ་བྱང་མའི་དུས་ཀྱི་ས་ཁམས་རིག་པ་བ་ཞིག་ཡིན།
གཞི་རྩའི་གནས་ཚུལ།
རྒྱ་ཡིག་གི་མིང་།
《水经注》
བརྩམས་པའི་ལོ་རབས།
ཝེ་བྱང་མ།
རྩོམ་ལུས།
ལྷུག་རྩོམ།
རྩོམ་པ་པོ།
ལི་ཏའོ་ཡོན།
1
ངོ་སྤྲོད།
《ཆུ་ཀླུང་རྣམ་བཤད་ཀྱི་འགྲེལ་བ》ནི་ཀྲུང་གོའི་གནའ་རབས་ཀྱི་ས་ཁམས་སྐོར་གྱི་དཔེ་ཆ་ཞིག་ཡིན་ཞིང་། དེའི་རྩོམ་པ་པོ་ལི་ཏའོ་ཡོན་ནི་ཝེ་བྱང་མའི་དུས་ཀྱི་ས་ཁམས་རིག་པ་བ་ཞིག་ཡིན། 《ཆུ་ཀླུང་རྣམ་བཤད་ཀྱི་འགྲེལ་བ》ཞེས་པ་ནི་ཁོང་གིས《ཆུ་ཀླུང་རྣམ་བཤད》（水经）ལ་འགྲེལ་པ་བྱས་ནས་གྲུབ་པ་ཞིག་ཡིན། 《ཆུ་ཀླུང་རྣམ་བཤད》ཅེས་པ་དེར་ཁྱོན་བསྡོམས་ཡིག་འབྲུ་ཁྲི་གཅིག་ལྷག་ཙམ་ཡོད་ཅིང་། ཧ་ལམ་རྒྱལ་ཁབ་གསུམ་གྱི་དུས་སུ་བརྩམས་ཤིང་། རྩོམ་པ་པོ་མི་གསལ། 《ཆུ་ཀླུང་རྣམ་བཤད་ཀྱི་འགྲེལ་བ》ལ་ཁྱོན་བསྡོམས་པོད་བཞི་བཅུ་ཙམ་ཡོད་པས《ཆུ་ཀླུང་རྣམ་བཤད》ལས་ལྡབ་མང་པོས་མང་བ་ཡོད།
《ཆུ་ཀླུང་རྣམ་བཤད་ཀྱི་འགྲེལ་བ》ཞེས་པའི་ནང་གཙོ་བོ་གཙང་བོ་དང་ཆུ་བོའི་སྐོར་བྲིས་ཡོད་པ་དང་། ཆུ་བུ་དེ་དག་བཞུར་ཡུལ་གྱི་རི་བོ་དང་མཚེའུ། རྫོང་གཞིས། གྲོང་ཁྱེར། འགག་སྒོ། གནའ་ཤུལ། དེ་བཞིན་ས་གཤིས་དང་སྐྱེ་དངོས། གནམ་གཤིས། སྤྱི་ཚོགས། ཡུལ་གོམས་གཤིས་ལུགས་སོགས་ཕྱོགས་མང་པོའི་ཐད་ཀྱི་གནས་ཚུལ་བྲིས་ཡོད། དེ་དང་ཆབས་ཅིག་ད་དུང་ས་གནས་ཁག་གི་འབྲེལ་ཡོད་ལོ་རྒྱུས་ཀྱི་སྒྲུང་གཏམ་ཡང་ཞོར་དུ་བྲིས་ཡོད།
2
ཁྱད་ཆོས།
《ཆུ་ཀླུང་རྣམ་བཤད་ཀྱི་འགྲེལ་བ》ཞེས་པ་དེས་ཀྲུང་གོའི་ས་ཁམས་རིག་པའི་འཕེལ་རྒྱས་ཐོག་ལ་ལེགས་སྐྱེས་ཧ་ཅང་ཆེན་པོ་ཕུལ་ཡོད་ལ། དེའི་ནང་གི་རི་ཆུའི་བཀོད་པ་བྲིས་པའི་དུམ་བུ་མང་པོ་ཞིག་ནི་རྩོམ་སྟངས་ངོ་མཚར་ཆེ་ལ། ཡུལ་ལྗོངས་བཀོད་འབྲི་བྱེད་དུས་མངོན་སུམ་མིག་ནང་དུ་འཆར་བ་ལྟ་བུ་ཡོད་པས་ཕུལ་དུ་བྱུང་བའི་ལྷུག་རྩོམ་ལ་བརྩིས་ནས་ཀློག་ཆོག་པ་ཡིན།
3
རྩོམ་པ་པོ་ངོ་སྤྲོད།
ལི་ཏའོ་ཡོན（སྤྱི་ལོ466གམ469ཡང་ན470 སམ472ནས་སྤྱི་ལོ527）ནི་རྒྱལ་རབས་ལྷོ་བྱང་སྐབས་ཀྱི་ཝེ་བྱང་མའི་ས་ཁམས་རིག་པ་དང་ལྷུག་རྩོམ་མཁས་ཅན་ཞིག་ཡིན་ཞིང་། ཧྥན་དབྱང་ཀྲུའོ་ཀྲོའུ（范阳涿州）སྟེ་དེང་གི་ཧུ་པེ་ཀྲུའོ་ཀྲོའུ་ཡུལ་དུ་སྐྱེས། ཁོང་གིས་སྔ་གཞུག་ཏུ་ཡུའུ་ཧྲི་ཀྲུང་ཝེ（御史中尉）དང་པེ་ཀྲུང་ལང་ཅང（北中郎将）སོགས་ཀྱི་གོ་གནས་བཞེས་མྱོང་ཞིང་། གཞན་ཅི་ཀྲོའུ་ཡི་ཀྲང་ཧྲི（冀州长史）དང་ལུའུ་དབྱང་ཅུན་གྱི་གྱི་ཐའེ་ཧྲི（鲁阳郡太守） ཅིང་ཀྲོའུ་ཤར་མའི་ཚི་ཧྲི（东荆州刺史）སོགས་ཀྱི་གོ་གནས་ཀྱང་བཞེས་མྱོང་ལ། རྗེས་སུ་ཝེ་བྱང་མའི་གོང་མའི་སྲིད་གཞུང་གིས་ཀོན་ཡོའུ་ཏཱ་ཧྲིའི（关右大使）དཔོན་གནས་སུ་བསྐོས། སྤྱི་ལོ527ལོར་ཞའོ་པའོ་ཡིན（萧宝夤）གྱིས་བསད།
དཔྱད་གཞིའི་ཡིག་ཆ།