ཆུ་འབྲུག་ལོའི་རྒྱལ་སྲུང་དམག་འཁྲུག་ནི་ལི་ཧྲི་ཁྲའོ་ཞན་དུས་སྐབས་སུ་ཁོ་རེ་ཡའི་དམག་དམངས་ཀྱིས་ལྗར་པན་གྱི་བཙན་འཛུལ་ལ་འགོག་རྒོལ་བྱས་པའི་རྒྱལ་སྲུང་དམག་འཁྲུག་དེར་གོ་དགོས་པ་དང་། ཐེངས་འདིའི་དམག་འཁྲུག་ཏུ་ཁོ་རེ་ཡ་སྲུང་སྐྱོབ་བྱས་པར་མ་ཟད། ལྗར་པན་གྱིས་ཀྲུང་གོར་བཙན་འཛུལ་བྱེད་རྒྱུའི་ཧམ་སེམས་ཀྱི་འཆར་གཞི་ཡང་གཏོར་བ་རེད། ཧྥིན་ཁྲུན་ཞིའུ་ཅི་ཡིས་ལྗར་པན་གཅིག་གྱུར་བྱས་རྗེས་བཙན་འཛུལ་གྱི་མདུང་རྩེ་ཁོ་རེ་ཡ་དང་ཀྲུང་གོའི་ཐོག་ཏུ་གཏད་བྱུང་ལ། སྤྱི་ལོ1592ལོར་ཧྥིན་ཁྲུན་ཞིའུ་ཡིས་དམག་དཔུང་འབུམ་གཉིས་ལྷག་ཧྥུའུ་ཧྲན་དུ་བཏང་ནས། ཧན་ཁྲིན་དང་ཁའེ་ཁྲིན། ཕིན་རང་བཅས་ས་ཁུལ་གསུམ་བཙན་བཟུང་བྱས། ལོ་དེའི་ཟླ12པར། མིང་རྒྱལ་རབས་ཀྱིས་དམག་དཔུང་ཁྲི4ལྷག་མངགས་ཏེ་ཁོ་རེ་ཡར་འབྱོར་བ་དང་། ཀྲུང་ཁྲའོ་མཉམ་འབྲེལ་དམག་གིས་ཕར་རྒོལ་བྱས་པར་བརྟེན་ནས་ཕིན་རང་དང་ཁའེ་ཁྲིན། ཧན་ཁྲིན་བཅས་ཕྱིར་བླངས། སྤྱི་ལོ1597ལོའི་ལོ་མགོར་ལྗར་པན་གྱིས་ཡང་བསྐྱར་ཁོ་རེ་ཡར་དམག་བཏང་སྟེ་བཙན་འཛུལ་བྱས་པ་དང་། ཁོ་རེ་ཡའི་མཚོ་དམག་གིས་འགོག་རྒོལ་བྱས་པར་རྒྱལ་ཁ་ཐོབ། སྤྱི་ལོ1598ལོའི་ཟླ7པར། ཡང་ཀོ་སོགས་ཀྱིས་མིང་རྒྱལ་རབས་ཀྱི་དམག་དཔུང་ཁྲིད་དེ་ཁོ་རེ་ཡར་འབྱོར་ཞིང་། གཡུལ་འགྱེད་ལ་རྒྱལ་ཁ་ཐོབ་སྟེ་ལྗར་དམག་ཕྱིར་འཐེན་བྱས། དེ་ནས་ཅུང་མ་འགོར་བར། ཧྥིན་ཁྲུན་ཞིའུ་ཅི་སྐུ་གཤེགས་པས། སྤྱི་ལོ1598ལོའི་ཟླ11པའི་ཚེས18ཉིན། ཀྲུང་ཁྲའོ་ཆུ་དམག་གིས་ལྗར་དམག་ཕམ་པར་བྱས་ནའང་། དེས་ཁོ་རེ་ཡར་གྱོང་གུད་ཚབས་ཆེན་བཟོས་པར་མ་ཟད། མིང་རྒྱལ་རབས་ཀྱི་རྒྱལ་ཤུགས་ལ་ཡང་ཟད་གྲོན་ཆེན་པོ་ཐེབས།