ཨང་ཀིའི་དབྱངས་ཡིག་ནི་དུས་རབས་བཅོ་བརྒྱད་པའི་ཧྥ་རིན་སིར་བྱུང་བ་དང་། རྗེས་སུ་འཇར་མན་པས་བཟོ་བཅོས་འཐུས་ཚང་དུ་བཏང་བ་བརྒྱུད་ནས་ད་ལྟའི་ཡོངས་ཁྱབ་ཏུ་སྤྱོད་པའི་ཨ་རབ་ཨང་ཀིས་དབྱངས་ཀྱི་མཐོ་དམན་མཚོན་པའི་དབྱངས་ལ་དེ་ལ་ཟེར། དེའི་དབྱངས་མིང་རྣམས་ཐད་ཀར་ཨ་རབ་ཨང་ཀི1234567བཅས་ཀྱིས་མཚོན་པར་བྱེད་པ་དང་དབྱིན་ཡིག་གིC、D、E、F、G、A、Bབཅས་ཀྱིས་མཚོན། དེ་ལས་འདས་པའི་མཐོ་བའམ་དམའ་བའི་དབྱངས་རྣམས་ལ་མགོ་ཚེག་དང་འོག་ཚེག་སྦྱར་ནས་མཚོན་པར་བྱེད་ལ།དེ་དག་སོ་སོ་བཞིན་དུ“do、re、mi、fa、sol、la、ti”ཀྲུང་གོརsiབཅས་སུ་ཀློག་པ་ཡིན།བར་མཚམས་འཇོག་རྟགས་ནི0ཡིས་མཚོན་པར་བྱེད་པ་དང་།དབྱངས་རྒྱུན་སྲིང་བའི་རྟགས་ནི་དབྱངས་ཡིག་གི་རྗེས་སུ་ཚེག་དང་ཐིག་ཐུང་སྦྱར་ནས་མཚོན་པར་བྱེད།དབྱངས་ཡིག་གི་འོག་ཏུ་ཐིག་རྐྱང་བའམ་བརྩེགས་མར་སྦྱར་བས་དུས་ཀྱི་རིང་ཆུང་མཚོན་པར་བྱེད།གདངས་རྟགས་ནི་ཡིག་མགོ་ལ་བཀོད་ཡོད་པ་དཔེར་ན།1=Cལྟ་བུ་སྟེ།རོལ་མོའི་ནང་གི1ཡི་གདངས་ཀྱི་མཐོ་དམན་ནི་བོད་སྐད་དུ་དབྱངས་ཀྱི་ངེས་བ་བདུན་ལས་བར་མ་དང་རྣོ་སྦྲེང་གི་སྟེང་དུCཡིན་པ་མཚོན། དེ་བཞིན་དུ་འགྲོས་ཚིག་ཀྱི་རྟགས་ཀྱང་ཨ་རབ་ཀྱི་ཡི་གེས་མཚོན་པ་དཔེར་ན2/4ལྟ་བུ་སྟེ། ཨང་ཀི་སྔ་མས་དུམ་ཆུང་རེའི་འགྲོས་རྡེབ་ཀྱི་གྲངས་མཚོན་པ་དང་། ཨང་ཀི་ཕྱི་མས་དབྱངས་ཆ་ག་ཚོད་རེ་འགྲོས་རྡེབ་གཅིག་རེ་ཡིན་པ་མཚོན་པར་བྱེད།ཨང་ཀིའི་དབྱངས་ཡིག་གིས་རོལ་མོ་སྟབས་བདེ་ཅན་མ་གཏོགས་རིས་སུ་འགོད་མི་ཐུབ་པས་དེ་ལ་སྟབས་བདེའི་དབྱངས་ཡིག་ཀྱང་ཟེར།