ཚལ་རྔ་འགག་གྲོང་རྡལ།སྔ་མའི་པར་གཞི་དེ ལོ་མི་ཆུང་། ནས 2016-07-21 15:14ལ་འགྲུབ།
ཚལ་རྔ་འགག་གྲོང་རྡལ།
ཚལ་རྔ་འགག་གྲོང་རྡལ།
གྲོང་རྡལ་འདིའི་མིང་ནི་ཚལ་རྔ་འགག་ལ་བརྟེན་ནས་བཏགས་པ་ཡིན། འདི་ནི་གསེར་ཆེན་རྫོང་སྲིད་གཞུང་གི་ཤར་ལྷོའི་རྒྱུད་དུ་ཆགས་ཡོད་ཅིང་། སའི་གོ་ལའི་བྱང་གི་འཕྲེད་ཚད36°04＇ནས36°19＇ཡི་མཚམས་དང་། ཤར་གྱི་གཞུང་ཚད100°10＇ནས101°02＇ཀྱི་མཚམས་ན་ཡོད། འདིའི་ཤར་ཕྱོགས་ནི་ཁྲི་ཀ་རྫོང་གི་ལ་ཟེ་བ་གྲོང་རྡལ་དང་། ལྷོ་ཕྱོགས་ནི་མང་རྫོང་གི་བྱ་མདོ་ཡུལ་ཚོ། ནུབ་དང་ནུབ་བྱང་གི་ཕྱོགས་ནི་གསེར་ཆེན་རྫོང་གི་ཐེ་གེ་ཡུལ་ཚོ་དང་ཆབ་ཆ་གྲོང་རྡལ། བྱང་ཕྱོགས་ནི་རིག་སྨོན་གྲོང་རྡལ་བཅས་ལ་འབྲེལ་ཡོད།
གཞི་རྩའི་གནས་ཚུལ།
རྒྱ་ཡིག་གི་མིང་།
龙羊峡镇
ལ་ཏིང་གི་མིང་།
tshal rnga ‘gag grong rdal
སྲིད་འཛིན་རིགས་དབྱེ།
གྲོང་རྡལ།
སྲིད་འཛིན་ཁོངས་གཏོགས།
མཚོ་ལྷོ་ཁུལ་གསེར་ཆེན་རྫོང་།
མངའ་ཁོངས།
དོང་ལུང་དང་། རྨ་ཆུ། ཚལ་རྔ། བར་དབོན། ལུང་མཚེ། གྱོག་ཁ། དེའུ་གསུམ། མཚོ་ཐོག་ལུང་། ཚ་ཧན་ཐུ་ཝོས། ཀ་བཅའི་སྣ་ཁ། ཨ་ཡག་ཝ། ཁེ་ཚེ་བཅས་སྡེ་བ12ཡོད།
སྲིད་གཞུང་གནས་ཡུལ།
ཚལ་རྔ་འགག་གྲོང་རྡལ་ཚལ་རྔ་སྲང་ལམ་ཨང་རྟགས11པ།
རྒྱ་ཁྱོན།
སྟོང་སྨི་གྲུ་བཞི་མ6
མི་གྲངས།
ཁྲི0.3
གནས་ཡུལ།
གསེར་ཆེན་རྫོང་སྲིད་གཞུང་གི་ཤར་ལྷོའི་རྒྱུད་དུ་ཆགས་ཡོད།
དཀར་ཆག
1
ངོ་སྤྲོད།
གྲོང་རྡལ་འདིའི་མིང་ནི་ཚལ་རྔ་འགག་ལ་བརྟེན་ནས་བཏགས་པ་ཡིན། འདི་ནི་གསེར་ཆེན་རྫོང་སྲིད་གཞུང་གི་ཤར་ལྷོའི་རྒྱུད་དུ་ཆགས་ཡོད་ཅིང་། སའི་གོ་ལའི་བྱང་གི་འཕྲེད་ཚད36°04＇ནས36°19＇ཡི་མཚམས་དང་། ཤར་གྱི་གཞུང་ཚད100°10＇ནས101°02＇ཀྱི་མཚམས་ན་ཡོད། འདིའི་ཤར་ཕྱོགས་ནི་ཁྲི་ཀ་རྫོང་གི་ལ་ཟེ་བ་གྲོང་རྡལ་དང་། ལྷོ་ཕྱོགས་ནི་མང་རྫོང་གི་བྱ་མདོ་ཡུལ་ཚོ། ནུབ་དང་ནུབ་བྱང་གི་ཕྱོགས་ནི་གསེར་ཆེན་རྫོང་གི་ཐེ་གེ་ཡུལ་ཚོ་དང་ཆབ་ཆ་གྲོང་རྡལ། བྱང་ཕྱོགས་ནི་རིག་སྨོན་གྲོང་རྡལ་བཅས་ལ་འབྲེལ་ཡོད། གྲོང་རྡལ་འདི་ནས་རྫོང་སྲིད་གཞུང་ཡོད་ས་ཆབ་ཆ་གྲོང་རྡལ་གྱི་བར་དུ་སྤྱི་ལེ46ཡོད། སྤྱི་ལོ1978ལོར་ཚལ་རྔ་འགག་དོན་གཅོད་ཁང（རྫོང་རིམ་པ）བཙུགས་པ་དང་། སྤྱི་ལོ2002ལོའི་ཟླ5བར་ཚལ་རྔ་འགག་གྲོང་རྡལ་བཙུགས། འདིའི་ས་བབ་ཧྲིལ་བོའི་ཆ་སྙོམས་ཀྱི་མཐོ་ཚད་ལ་མཚོ་ངོས་ལས་སྨི2750ཡོད། སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ74708དང་། མི་གྲངས་ཁྲི་ཚོ1.247ཡོད（སྤྱི་ལོ2008ལོའི་རྩིས་གྲངས་ཡིན）། འདིའི་མངའ་འོག་ན་དོང་ལུང་དང་། རྨ་ཆུ（ཧོང་ཧོ）། ཚལ་རྔ（སྡེ་གསར）། བར་དབོན། ལུང་མཚེ། གྱོག（གྲོག）ཁ། དེའུ་གསུམ། མཚོ་ཐོག་ལུང་། ཚ་ཧན་ཐུ་ཝོས། ཀ་བཅའི་སྣ་ཁ། ཨ་ཡག་ཝ། ཁེ་ཚེ་བཅས་སྡེ་བ12ཡོད།
2
མིང་ཐོགས་ཚུལ།
ཚལ་རྔ་འགག་ཅེས་པའི་མིང་གི་ཐོགས་ཚུལ་ལ། གསེར་ཆེན་རྫོང་གི་ཚལ་རྔ་འགག་གྲོང་རྡལ་མངའ་འོག་གི་བར་དབོན་ལུང་མཚེ་དང་སྔར་གྱི་སྒོ་མེ་འཁྱིལ་ཁུག་ས་ཆའི་རྒན་རབས་པའི་ངག་སྒྲོས་སུ་འདི་ལྟར་གྲགས་ཏེ། ཚལ་རྔ་འགག་ཆུ་མཛོད་མ་བསྐྱིལ་བའི་གོང་རོལ་དུ། ད་ལྟའི་ཚལ་རྔ་འགག་གི་སྟོད་ཕྱོགས་ཏེ། གསེར་ཆེན་རྫོང་གི་ཁོངས་སུ་གཏོགས་པའི་སྔར་གྱི་འཁྱིལ་ཁུག་ཡུལ་ཚོ་མངའ་འོག་གི་ཀྱལ་རྟ་སྡེ་བའི（སྡེ་བ་འདི་ཆགས་ཤུལ་ནི1984ལོར་ཚལ་རྔ་འགག་ཆུ་མཛོད་བསྐྱིལ་རྗེས་རྨ་ཆུར་ནུབ་ཟིན）ཕྱོགས་ཀྱི་རྨ་ཆུའི་ཆུ་གཞུང་ལས་གྱེས་པའི་གཙང་ལག་སོ་སོའི་བར་བར་གྱི་སྐམ་སའི་སྟེང་དུ་ཀྱལ་རྟ་དང་། ལྕང་མ། གླ་ཁིས། ཚེར་ནག་ལ་སོགས་པའི་ནགས་ཚལ་སྟུག་པོ་ཞིག་སྐབས་དེར་ཀྱལ་རྟ་སྡེ་བ་ནས་བཟུང་དེའི་སྨད་ཕྱོགས་ཀྱི་རྨ་ཆུའི་འགག་ཁ་བར་དུ་འཐིབས་ཡོད་པར་བཤད་དེ། ད་ལྟའི་ཚལ་རྔ་འགག་གི་ཡར་སྣེའམ་ནུབ་ཕྱོགས་སུ་འཁོར་བའི་རྨ་ཆུའི་འགག་ཁ་དེ་ནི། ཏན་ཏན་རྨ་ཆུའི་ཚལ་བར་གྱི་ནགས་ཚལ་སྟུག་པོ་དེའི་མར་སྣེའམ་རྔ་མ་ན་ཡོད་པའི་རྒྱུ་མཚན་གྱིས། ཚལ་རྔ་འགག་ཅེས་པའི་མིང་ཡང་དེ་སྐད་དུ་ཐོགས། རྒྱ་ཡིག་གི《གསེར་ཆེན་རྫོང་གི་ཡུལ་རབས》ཞེས་པ་ལས་ཀྱང་། སྤྱི་ལོ1964ལོའི་ཟླ10བར། འཁྱིལ་ཁུག་ཚལ་རྔའི་གློག་བརྟེན་ཆུ་འདྲེན་ས་ཚིགས་བསྐྲུན་ནས་ཡོངས་སུ་གྲུབ་ཅེས་དང་། ཚལ་རྔ་འགག་ཆུ་མཛོད་ཀྱི་ཆུས་བསྣུབ་ཡུལ་དུ་གཏོགས་པའི་འཁྱིལ་ཁུག་ཀུང་ཧྲེའི་ཀྱལ་རྟ་རུ་ཆེན་དང་། མཁར་སྔུན་རུ་ཆེན། ཚལ་རྔ་རུ་ཆེན་ཞེས་གསལ་ལོ། །
དེས་ན་ཚལ་རྔ་འགག་ལ་སྲིད་གཞུང་གིས་ལུང་གཡང་འགག་འདོགས་དོན་ཅི་ཡིན་ཞེ་ན། དེའི་རྒྱུ་མཚན་ནི་འདི་ལྟ་སྟེ། ཚལ་རྔ་འགག་གི་མན་ཆད་ཀྱི་ཧ་ལམ་སྤྱི་ལེ་བཅུ་ལྷག་གི་མཚམས་ན་ལ་ཟེ་བ་ཟེར་བའི་རི་ཞིག་ཡོད་ཅིང་། དེའི་མན་ཆད་ཀྱི་ཧ་ལམ་སྤྱི་ལེ་ལྔ་དྲུག་གི་མཚམས་ན་འགག་ཅིག་ཡོད་པ་ལ་ལུང་ཡངས་འགག་ཟེར། འགག་དེའི་གཡོན་ཕྱོགས་ཀྱི་རྨ་ཆུའི་བྱང་འགྲམ་ན་ལ་ཟེ་བ་གྲོང་རྡལ་མངའ་འོག་གི་མཛོ་སྣ་སྡེ་བ་ཡོད་ལ། མཛོ་སྣ་སྡེ་བའི་ཕར་ཕྱོགས་ཀྱི་རྨ་ཆུའི་ལྷོ་ངོས་སུ་ཁ་བྱང་ཕྱོགས་སུ་འཁོར་བའི་ལུང་བ་ཆེན་པོ་ཞིག་ཡོད་དེ། ལུང་བ་དེའི་མདོ་ཁ་ཧ་ཅང་ཡངས་པས་དེ་ལ་ལུང་བ་ཁ་ཡངས་ཟེར་བ་དང་། བསྡུས་མིང་ལ་ལུང་ཡངས་ཟེར། ལུང་བ་ཁ་ཡངས་སམ་ལུང་ཡངས་ཀྱི་མན་ཆད་ནས་ལ་ཟེ་བའི་བར་གྱི་རྨ་འགག་གི་མུ་རྒྱུད་དེ་ལ་ལུང་ཡངས་འགག་ཟེར། ཕྱིས་སུ་ལུང་ཡངས་འགག་འགྲམ་གཉིས་ཀྱི་བྲག་གཡང་ཧ་ཅང་གཟར་བར་བལྟས་ནས་ལུང་བ་ཁ་ཡངས་ཞེས་པའི་ཡངས་དེ་ཧ་ཅང་གཟར་བའི་བྲག་གཡང་གི་དོན་དུ་བསྒྱུར་ནས་ལུང་གཡང་ཞེས་པའི་མིང་གསར་བ་ཞིག་བཏགས། ད་ལྟའི་ཚལ་རྔ་འགག་ཡོད་ས་དེ་ཆུ་གློག་ས་ཚིགས་འཛུགས་སྐྲུན་བྱེད་སར་གཏན་ཁེལ་བྱས་རྗེས། ས་གཤིས་རུ་ཁག་བཅུ་བས་སྨད་ཀྱི་ལུང་གཡང་ཞེས་པའི་ས་མིང་དེས་སྟོད་ཀྱི་ཚལ་རྔ་ཞེས་པ་དེའི་ཚབ་བྱས་ཏེ་ཀྲུང་དབྱང་ལ་ཞུས་ཤིང་གོང་རིམ་གྱི་ཆོག་མཆན་བརྒྱུད་ནས་ལུང་གཡང་འགག་ཅེས་པའི་མིང་དེ་བཏགས་པར་བཤད།
དཔྱད་གཞིའི་ཡིག་ཆ།