མེར་གན།སྔ་མའི་པར་གཞི་དེ གཡུ་འབྲུག ནས 2016-05-06 15:29ལ་འགྲུབ།
མེར་གན་སྡེ་བ་ཞེས་པ་ནི་མཚོ་ལྷོ་ཁུལ་ཁྲི་ཀ་རྫོང་ཆུ་ནུབ་གྲོང་རྡལ་སྲིད་གཞུང་གི་ལྷོ་ཕྱོགས་སུ་སྤྱི་ལེ10ཡི་མཚམས་ན་ཆགས་ཡོད། འདིའི་ཁོངས་སུ་བེའུ་བརྒྱ་དང་། མེར་གན། ནུ་ཝོས་བཅས་སྡེ་ཆུང་གསུམ་ཡོད། མེར་གན་ཞེས་པ་སོག་སྐད་དེ། རིན་ཐང་ཆེ་བའི་ཤེས་རིག་གི་རྫོང་ཞེས་པའི་དོན་ཡིན་པར་བཤད། སྔོན་གྱི་དུས་ཤིག་ལ། སོག་པོ་འདི་རུ་བསྡད་སྐབས་ཡུལ་འདིའི་དགོན་པ་ཞིག་ལ་དེ་སྐད་དུ་བསྔགས་པས་ན་ས་ཆ་འདིའི་མིང་ལའང་དེ་ལྟར་དུ་ཐོགས་སྐད། སྡེ་བ་འདིར་དགེ་ལྡན་པའི་མེར་གན་དགོན་བཀྲ་ཤིས་འཕེལ་རྒྱས་གླིང་དང་རྙིང་མ་བའི་མེར་གན་སྔགས་ཁང་གཉིས་ཡོད།