ལས་ཁུངས་ཀྱི་ལས་དོན་ཨུ་ཡོན་ལྷན་ཁང་ཡི་མིང་ཆ་ཚང་ནི་ཀྲུང་གུང་ཀྲུང་དབྱང་རྒྱལ་ཁབ་ལས་ཁུངས་ཀྱི་ལས་དོན་ཨུ་ཡོན་ལྷན་ཁང་ཟེར་ཞིང་། དེ་ནི་ཏང་གི་ཀྲུང་དབྱང་མངགས་གཏོང་ལས་ཁུངས་ཤིག་ཡིན་ལ། ཀྲུང་དབྱང་རྒྱལ་ཁབ་ལས་ཁུངས་ཀྱི་ཏང་གི་བྱ་བར་འགོ་ཁྲིད་མཛད་པ་ཡིན། ལས་དོན་ཨུ་ཡོན་ལྷན་ཁང་གི་འགོ་ཁྲིད་མི་སྣ་ནི་ཀྲུང་དབྱང་གིས་བསྐོ་བཞག་བྱེད་པ་ཡིན།
ལས་ཁུངས་ཀྱི་ལས་དོན་ཨུ་ཡོན་ལྷན་ཁང་གི་ལས་འགན་གཙོ་བོ་ནི་ཀྲུང་དབྱང་རྒྱལ་ཁབ་ལས་ཁུངས་ཀྱི་ཏང་གི་འཛུགས་སྐྲུན་བྱ་བའི་འཆར་གཞི་འདོན་པ་དང་གཞི་རིམ་རྩ་འཛུགས་ལ་སློབ་སྟོན་བྱེད་པ། ཏང་གི་བསམ་བློ་འཛུགས་སྐྲུན་དང་རྩ་འཛུགས་འཛུགས་སྐྲུན། སྤྱོད་ཚུལ་འཛུགས་སྐྲུན་སོགས་ཀྱི་བྱ་བ་ཡག་པོ་སྒྲུབ་པ་དང་ཏང་ཡོན་མི་སྣའི་དོ་དམ་གྱི་བྱ་བ་སྒྲུབ་པ། ལས་ཁུངས་སོ་སོས་འདེམས་བསྐོ་བྱས་པའི་ལས་ཁུངས་ཀྱི་ཏང་ཨུ་དང་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་གི་ཧྲུའུ་ཅི་དང་ཧྲུའུ་ཅི་གཞོན་པར་ཞིབ་བཤེར་ཆོག་མཆན་བྱ་བའི་འགན་ཁུར་དགོས་པ། ཏང་གི་སྒྲིག་ཁྲིམས་ལྟར། ཏང་ཡོན་མི་སྣར་ལྟ་སྐུལ་བྱས་ནས་དུས་ལྟར་ཀྲུང་དབྱང་ལ་འགོ་ཁྲིད་རྣམས་ཀྱི་གནས་ཚུལ་ཡར་ཞུ་བྱེད་པ། ཀྲུང་དབྱང་གིས་བཀོད་སྒྲིག་བྱས་པའི་གཞན་པའི་ལས་ཀ་ལག་བསྟར་བྱེད་པ་སོགས་ཡིན།
གཅིག རིམ་པ་སོ་སོའི་ཐད་གཏོགས་ལས་ཁུངས་ཀྱི་ཏང་གི་བྱ་བར་འགོ་ཁྲིད་མཛད་པ།
གཉིས། ཐད་གཏོགས་ལས་ཁུངས་ཀྱི་ཏང་གི་བསམ་བློ་ཆབ་སྲིད་འཛུགས་སྐྲུན་ལ་འགན་ཁུར་བ།
གསུམ། རིམ་པ་སོ་སོའི་ཐད་གཏོགས་ལས་ཁུངས་ཀྱི་ཏང་གི་རྩ་འཛུགས་འཛུགས་སྐྲུན་ལ་འགན་ཁུར་བ།
བཞི། གྲོང་ཁྱེར་ལས་ཁུངས་ཀྱི་ཏང་རྩ་འཛུགས་ཀྱིས་ཏང་ཡོན་ནམ་ཏང་ཡོན་འགོ་གཙོའི་སློབ་གསོ་དང་དོ་དམ། ལྟ་སྐུལ་ལག་བསྟར་ལ་འགན་ཁུར་བ་དང་། ལས་ཁུངས་ཀྱི་བྱ་སྤྱོད་འཛུགས་སྐྲུན་ལ་ཤུགས་སྣོན་པ།
ལྔ། རིམ་པ་སོ་སོའི་ཐད་གཏོགས་ལས་ཁུངས་ཀྱི་ཏང་རྩ་འཛུགས་ཀྱིས་ཏང་ཨུའི་ལས་བྱེད་མི་སྣའི་སློབ་གསོ་དང་ཏང་ཞུགས་མི་སྣའི་གསོ་སྦྱོང་བྱ་བར་འགན་ཁུར་བ།
དྲུག ཀྲུང་གུང་རིམ་པ་སོ་སོའི་ཐད་གཏོགས་ལས་ཁུངས་སྒྲིག་ཁྲིམས་ཞིབ་བཤེར་བྱ་བའི་ཨུ་ཡོན་ལྷན་ཁང་ལ་འགོ་ཁྲིད་མཛད་པ།
བདུན། རིམ་པ་སོ་སོའི་ལས་ཁུངས་ཀྱི་ཏང་ཨུ་དང་ལས་དོན་ཨུ་ཡོན་ལྷན་ཁང་གི་བྱ་བར་ལས་སྒོའི་སློབ་སྟོན་གནང་བ།
བརྒྱད། གོང་རིམ་ཏང་ཨུ་ཡིས་བཀོད་སྒྲིག་བྱས་པའི་ལས་ཀ་གཞན་དག་སྒྲུབ་འགན་ཁས་ལེན་བྱེད་པ་བཅས་ཡིན།