རྒྱལ་སྲིད་སྤྱི་ཁྱབ་ཁང་།སྔ་མའི་པར་གཞི་དེ ཨ་སངས། ནས 2016-03-11 10:05ལ་འགྲུབ།
རྒྱལ་སྲིད་སྤྱི་ཁྱབ་ཁང་།
རྒྱལ་སྲིད་སྤྱི་ཁྱབ་ཁང་།
ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་རྒྱལ་སྲིད་སྤྱི་ཁྱབ་ཁང་སྟེ་ཀྲུང་དབྱང་མི་དམངས་སྲིད་གཞུང་ནི་ཆེས་མཐོ་བའི་རྒྱལ་ཁབ་ཀྱི་དབང་ཆའི་ལས་ཁུངས་ཀྱི་ལས་འཛིན་ལས་ཁུངས་ཡིན་པ་དང་ཆེས་མཐོ་བའི་རྒྱལ་ཁབ་ཀྱི་སྲིད་འཛིན་ལས་ཁུངས་ཡིན། རྒྱལ་སྲིད་སྤྱི་ཁྱབ་ཁང་ནི་ཙུང་ལི་དང་ཙུང་ལི་གཞོན་པ། རྒྱལ་དོན་ཨུ་ཡོན། པུའུ་ཁག་གི་པུའུ་ཀྲང་། ཨུ་ཡོན་ལྷན་ཁང་སོ་སོའི་ཀྲུའུ་རིན་དང་རྩིས་བཤེར་འགོ་འཛིན། དྲུང་ཡིག་ཆེན་མོ་བཅས་ཀྱིས་གྲུབ་པ་ཡིན། རྒྱལ་སྲིད་སྤྱི་ཁྱབ་ཁང་གིས་ཙུང་ལིས་འགན་འཁུར་བའི་ལམ་ལུགས་ལག་བསྟར་བྱེད་པ་དང་། པུའུ་སོ་སོ་དང་ཨུ་ཡོན་ལྷན་ཁང་སོ་སོས་པུའུ་ཀྲང་དང་ཀྲུའུ་རིན་གྱིས་འགན་འཁུར་བའི་ལམ་ལུགས་ལག་བསྟར་བྱེད་པ་རེད།
གཞི་རྩའི་གནས་ཚུལ།
རྒྱ་ཡིག་གི་མིང་།
国务院
ཕྱི་ཡིག་གི་མིང་།
the Sate Council
1
ངོ་སྤྲོད།
ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་རྒྱལ་སྲིད་སྤྱི་ཁྱབ་ཁང་སྟེ་ཀྲུང་དབྱང་མི་དམངས་སྲིད་གཞུང་ནི་ཆེས་མཐོ་བའི་རྒྱལ་ཁབ་ཀྱི་དབང་ཆའི་ལས་ཁུངས་ཀྱི་ལས་འཛིན་ལས་ཁུངས་ཡིན་པ་དང་ཆེས་མཐོ་བའི་རྒྱལ་ཁབ་ཀྱི་སྲིད་འཛིན་ལས་ཁུངས་ཡིན། རྒྱལ་སྲིད་སྤྱི་ཁྱབ་ཁང་ནི་ཙུང་ལི་དང་ཙུང་ལི་གཞོན་པ། རྒྱལ་དོན་ཨུ་ཡོན། པུའུ་ཁག་གི་པུའུ་ཀྲང་། ཨུ་ཡོན་ལྷན་ཁང་སོ་སོའི་ཀྲུའུ་རིན་དང་རྩིས་བཤེར་འགོ་འཛིན། དྲུང་ཡིག་ཆེན་མོ་བཅས་ཀྱིས་གྲུབ་པ་ཡིན། རྒྱལ་སྲིད་སྤྱི་ཁྱབ་ཁང་གིས་ཙུང་ལིས་འགན་འཁུར་བའི་ལམ་ལུགས་ལག་བསྟར་བྱེད་པ་དང་། པུའུ་སོ་སོ་དང་ཨུ་ཡོན་ལྷན་ཁང་སོ་སོས་པུའུ་ཀྲང་དང་ཀྲུའུ་རིན་གྱིས་འགན་འཁུར་བའི་ལམ་ལུགས་ལག་བསྟར་བྱེད་པ་རེད།
2
ལོ་རྒྱུས་འཕེལ་རིམ།
ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་རྒྱལ་སྲིད་སྤྱི་ཁྱབ་ཁང་གི་ཐོག་མའི་མིང་ནི་ཀྲུང་དབྱང་མི་དམངས་སྲིད་གཞུང་སྲིད་དོན་སྤྱི་ཁྱབ་ཁང་ཡིན་ལ་དེ་ནི་སྤྱི་ལོ1949ལོའི་ཟླ10བའི་ཚེས1ཉིན་གསར་འཛུགས་བྱས་པ་ཡིན། སྤྱི་ལོ1954ལོའི་ཟླ9པར། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྐབས་དང་པོའི་རྒྱལ་ཡོངས་མི་དམངས་འཐུས་མིའི་ཚོགས་ཆེན་གྱི་གྲོས་ཚོགས་ཐེངས་དང་པོ་འཚོགས་པ་དང་། ཐེངས་འདིའི་གྲོས་ཚོགས་ཀྱིས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་རྒྱལ་སྲིད་སྤྱི་ཁྱབ་ཁང་གསར་འཛུགས་བྱས་པ་མ་ཟད། ད་དུང《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས》དང《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་རྒྱལ་སྲིད་སྤྱི་ཁྱབ་ཁང་གི་རྩ་འཛུགས་ཀྱི་ཁྲིམས་སྲོལ》སོགས་གྲོས་འཆམ་བྱུང་། 《རྩ་ཁྲིམས》ཀྱི་གཏན་འབེབས་ལྟར། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་ཡོངས་མི་དམངས་འཐུས་མིའི་ཚོགས་ཆེན་ནི་རྒྱལ་ཁབ་ཀྱི་ཆེས་མཐོ་བའི་དབང་འཛིན་ལས་ཁུངས་ཡིན་པ་དང་རྒྱལ་སྲིད་སྤྱི་ཁྱབ་ཁང་ནི་ཆེས་མཐོ་བའི་རྒྱལ་ཁབ་ཀྱི་དབང་འཛིན་ལས་ཁུངས་ཀྱི་ལས་འཛིན་ལས་ཁུངས་ཡིན།
3
འགན་དབང་།
གཅིག རྩ་ཁྲིམས་དང་ཁྲིམས་ལུགས་ལྟར། སྲིད་འཛིན་ཐབས་ཤེས་གཏན་ལ་འབེབས་པ་དང་སྲིད་འཛིན་ཁྲིམས་སྲོལ་གཏན་འབེབས་བྱེད་པ། ཆོད་དོན་དང་བཀའ་རྒྱ་ཁྱབ་བསྒྲགས་བྱེད་པ།
གཉིས། རྒྱལ་ཡོངས་མི་དམངས་འཐུས་མིའི་ཚོགས་ཆེན་དང་ཡང་ན་རྒྱལ་ཡོངས་མི་དམངས་འཐུས་མིའི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་ལ་གྲོས་གཞི་འདོན་པ།
གསུམ། པུའུ་སོ་སོ་དང་ཨུ་ཡོན་ལྷན་ཁང་སོ་སོའི་འོས་འགན་དང་འགན་འཁྲི་གཏན་འབེབས་བྱེད་པ་དང་པུའུ་སོ་སོ་དང་ཨུ་ཡོན་ལྷན་ཁང་སོ་སོའི་བྱ་བ་གཅིག་གྱུར་གྱིས་འགོ་ཁྲིད་བྱེད་པ།
བཞི། རྒྱལ་ཡོངས་ཀྱི་ས་གནས་སོ་སོའི་རྒྱལ་ཁབ་སྲིད་འཛིན་ལས་ཁུངས་ཀྱི་བྱ་བ་གཅིག་གྱུར་གྱིས་འགོ་ཁྲིད་མཛད་པ་དང་། ཀྲུང་དབྱང་དང་ཞིང་ཆེན། རང་སྐྱོང་ཁུལ། ཐད་གཏོགས་གྲོང་ཁྱེར་བཅས་ཀྱི་རྒྱལ་ཁབ་སྲིད་འཛིན་ལས་ཁུངས་ཀྱི་འགན་འཁྲི་དབྱེ་བ་འབྱེད་པར་གཏན་འབེབས་བྱེད་པ།
ལྔ། རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས། རྒྱལ་ཁབ་ཀྱི་སྔོན་རྩིས་སོགས་བཟོ་འགོད་དང་ལག་བསྟར་བྱེད་པ།
དྲུག དཔལ་འབྱོར་བྱ་བ་དང་གྲོང་སྡེ་འཛུགས་སྐྲུན་ལ་དོ་དམ་དང་འགོ་ཁྲིད་མཛད་པ།
བདུན། སློབ་གསོ་དང་ཚན་རིག རིག་གནས། འཕྲོད་བསྟེན། ལུས་རྩལ་དང་འཆར་ལྡན་བུ་སྐྱེས་ཀྱི་བྱ་བ་སོགས་ལ་དོ་དམ་དང་འགོ་ཁྲིད་མཛད་པ།
བརྒྱད། དམངས་སྲིད་དང་སྤྱི་བདེ། ཁྲིམས་འཛིན་གྱི་སྲིད་འཛིན་དང་ཞིབ་བཤེར་སོགས་ཀྱི་བྱ་བར་དོ་དམ་དང་འགོ་ཁྲིད་མཛད་པ།
དགུ། ཕྱི་འབྲེལ་དོན་གཅོད་དང་ཕྱིའི་རྒྱལ་ཁབ་བར་ཆིངས་ཡིག་དང་ཆོད་དོན་འཇོག་པར་དོ་དམ་བྱེད་པ།
བཅུ། རྒྱལ་སྲུང་འཛུགས་སྐྲུན་ལས་དོན་ལ་དོ་དམ་དང་འགོ་ཁྲིད་མཛད་པ།
བཅུ་གཅིག མི་རིགས་ཀྱི་བྱ་བར་དོ་དམ་དང་འགོ་ཁྲིད་མཛད་ནས་གྲངས་ཉུང་མི་རིགས་ཀྱི་འདྲ་མཉམ་གྱི་དབང་ཆ་དང་མི་རིགས་རང་སྐྱོང་ས་ཁུལ་གྱི་རང་སྐྱོང་ཁེ་དབང་ལ་འགན་སྲུང་བྱེད་པ།
བཅུ་གཉིས། ཕྱིར་སྡོད་ཀྲུང་གོ་བའི་ལུགས་མཐུན་གྱི་དབང་ཆ་དང་ཁེ་ཕན་ལ་སྲུང་སྐྱོབ་བྱེད་པ་དང་ཕྱི་རྒྱལ་ནས་ལོག་པ་དང་ཕྱིར་སྡོད་རང་མིའི་ཁྱིམ་མིའི་དབང་ཆ་དང་ཁེ་ཕན་ལ་སྲུང་སྐྱོབ་བྱེད་པ།
བཅུ་གསུམ། པུའུ་སོ་སོའམ་ཨུ་ཡོན་ལྷན་ཁང་སོ་སོས་ཁྱབ་བསྒྲགས་བྱས་པའི་ལུགས་མཐུན་མིན་པའི་བཀའ་རྒྱ་དང་མཛུབ་སྟོན། སྒྲིག་ཁྲིམས་སོགས་བསྒྱུར་བཅོས་དང་ཕྱིར་འཐེན་བྱེད་པ།
བཅུ་བཞི། ས་གནས་སོ་སོའི་རྒྱལ་ཁབ་སྲིད་འཛིན་ལས་ཁུངས་ཀྱི་ལུགས་མཐུན་མིན་པའི་ཐག་གཅོད་དང་བཀའ་རྒྱ་བསྒྱུར་བཅོས་དང་ཕྱིར་འཐེན་བྱེད་པ།
བཅོ་ལྔ། ཞིང་ཆེན་དང་རང་སྐྱོང་ས་ཁུལ། ཐད་གཏོགས་གྲོང་ཁྱེར་བཅས་ཀྱི་ས་ཁུལ་དབྱེ་འབྱེད་ལ་ཆོག་མཆན་འགོད་པ་དང་། རང་སྐྱོང་ཁུལ་དང་རྫོང་། རང་སྐྱོང་རྫོང་། གྲོང་ཁྱེར་བཅས་ཀྱི་འཛུགས་པ་དང་ས་ཁུལ་དབྱེ་འབྱེད་ལ་ཆོག་མཆན་འགོད་པ།
བཅུ་དྲུག ཁྲིམས་ལུགས་སྒྲིག་ཁྲིམས་གཞིར་བཟུང་ནས་ཞིང་ཆེན་དང་རང་སྐྱོང་ཁུལ། ཐད་གཏོགས་གྲོང་ཁྱེར་བཅས་ཀྱི་ཁྱབ་ཁོངས་ནང་ཁུལ་གྱི་ས་ཁུལ་ཁ་ཤས་གནས་ཚུལ་ཛ་དྲག་ཅན་དུ་འགྲོ་བར་ཐག་གཅོད་བྱེད་པ།
བཅུ་བདུན། ཁྲིམས་ལུགས་གཞིར་བཟུང་ནས་སྲིད་འཛིན་མི་སྣའི་བསྐོ་འཐེན་དང་གསོ་སྦྱོང་། དཔྱད་ཞིབ། བྱ་དགའ་དང་ཆད་པ་སོགས་གཏན་ཁེལ་བྱེད་པ།
བཅོ་བརྒྱད། རྒྱལ་ཡོངས་མི་དམངས་འཐུས་མིའི་ཚོགས་ཆེན་དང་རྒྱལ་ཡོངས་མི་དམངས་འཐུས་མིའི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གིས་གནང་བའི་འགན་དབང་གཞན་པ་སྒྲུབ་འགན་ཁས་ལེན་བྱེད་པ་བཅས་ཡིན།
4
སྒྲིག་ལམ།
ཙུང་ལིས་ཕྱོགས་ཡོངས་ནས་རྒྱལ་སྲིད་སྤྱི་ཁྱབ་ཁང་གི་བྱ་བ་འགོ་ཁྲིད་མཛད་པ་དང་རྒྱལ་སྲིད་སྤྱི་ཁྱབ་ཁང་གི་ཚབ་བྱས་ཏེ་རྒྱལ་ཡོངས་དམངས་འཐུས་དང་རྒྱུན་ལས་ཨུ་ཡོན་ལྷན་ཁང་ལ་འགན་ཁུར་དགོས། ཙུང་ལི་གཞོན་པ་དང་རྒྱལ་དོན་ཨུ་ཡོན་གྱིས་ཙུང་ལིའི་བྱ་བར་རོགས་སྐྱོར་བྱེད་པ་དང་། རྒྱལ་སྲིད་སྤྱི་ཁྱབ་ཁང་གི་བྱ་བའི་ཁྲོད་ཀྱི་དོན་དག་གཙོ་བོ་རྣམས་ངེས་པར་དུ་རྒྱལ་སྲིད་སྤྱི་ཁྱབ་ཁང་རྒྱུན་ལས་ཚོགས་འདུ་དང་རྒྱལ་སྲིད་སྤྱི་ཁྱབ་ཁང་ཚང་འཛོམས་གྲོས་ཚོགས་སྟེང་གྲོས་བསྡུར་བྱས་ནས་ཐག་གཅོད་བྱེད་དགོས།
5
རིམ་བསྐོས་ཙུང་ལི།
ཀྲོའུ་ཨེན་ལའེ་ཡིས་སྤྱི་ལོ1954ལོའི་ཟླ9པ་ནས་སྤྱི་ལོ1976ལོའི་བར་རྒྱལ་སྲིད་སྤྱི་ཁྱབ་ཁང་གི་ཙུང་ལིའི་འགན་བཞེས་པ་ཡིན།
ཧྭ་ཀུའོ་ཧྥེང་གིས་སྤྱི་ལོ1976ལོའི་ཟླ2པ་ནས་སྤྱི་ལོ1980ལོའི་བར་རྒྱལ་སྲིད་སྤྱི་ཁྱབ་ཁང་གི་ཙུང་ལིའི་འགན་བཞེས།
ཀྲའོ་ཙི་དབྱང་གིས་སྤྱི་ལོ1980ལོའི་ཟླ9པ་ནས་སྤྱི་ལོ1987ལོའི་བར་རྒྱལ་སྲིད་སྤྱི་ཁྱབ་ཁང་གི་ཙུང་ལིའི་འགན་བཞེས།
ལི་ཕེང་གིས་སྤྱི་ལོ1987ལོའི་ཟླ11པ་ནས་སྤྱི་ལོ1998ལོའི་བར་རྒྱལ་སྲིད་སྤྱི་ཁྱབ་ཁང་གི་ཙུང་ལིའི་འགན་བཞེས།
ཀྲུའུ་རུང་ཅི་ཡིས་སྤྱི་ལོ1998ལོའི་ཟླ3པ་ནས་སྤྱི་ལོ2003ལོའི་བར་རྒྱལ་སྲིད་སྤྱི་ཁྱབ་ཁང་གི་ཙུང་ལིའི་འགན་བཞེས།
ཝུན་ཅ་པའོ་ཡིས་སྤྱི་ལོ2003ལོའི་ཟླ3པ་ནས་སྤྱི་ལོ2013ལོའི་བར་རྒྱལ་སྲིད་སྤྱི་ཁྱབ་ཁང་གི་ཙུང་ལིའི་འགན་བཞེས།
ལི་ཁོ་ཆང་གིས་སྤྱི་ལོ2013ལོའི་ཟླ3པ་ནས་ད་རག་བར་དུ་རྒྱལ་སྲིད་སྤྱི་ཁྱབ་ཁང་གི་འགན་བཞེས་ཡོད།
དཔྱད་གཞིའི་ཡིག་ཆ།