སྐྲག་པ་ཤིང་།སྔ་མའི་པར་གཞི་དེ བསོད་ནམས་ཚེ་རིང་།  ནས 2016-04-09 17:18ལ་འགྲུབ།

སྐྲག་པ་ཤིང་།

སྐྲག་པ་ཤིང་།
སྐྲག་པ་ཤིང་གི་ཆེ་ཆུང་དང་དབྱིབས་སོགས་སེ་འབྲུའི་ཤིང་དང་འདྲ་བ། ལོ་མ་ནར་མོ་ལྕང་ལོ་འདྲ་བ་ཞིག་ཡིན། འབྲས་བུ་བཅས་སྨན་བྱས་ཆོག
གཞི་རྩའི་གནས་ཚུལ།

རྒྱ་ཡིག་གི་མིང་།
山里黄
ཕྱི་ཡིག་གི་མིང་།
pyrus pashia D.Don
མིང་གཞན།
འོ་སེ་འབྲས་བུ།  བ་སིལ།   སིལ་དམར།   སེའུ་ཤིང་།  སྤྲེལ་པའང་ཟེར་བ་ཡོད།
སྨན་དུ་སྦྱར་བྱ།
འབྲས་བུ།
སྡེ་ཁོངས།
ཤིང་སྨན་གྱི་སྡེ།
1 སྐྱེ་དབྱིབས།   

《ཤེལ་ཕྲེང》ལས།  ཤིང་ཆེ་ཆུང་དབྱིབས་སོགས་སེ་འབྲུའི་ཤིང་འདྲ་བ།  ལོ་མ་ནར་མོ་ལྕང་ལོ་འདྲ་བ།  འབྲས་བུ་དམར་པོ་སེ་བའི་འབྲས་བུ་ཙམ་མངར་བ་ཀླུང་ཤོད་གར་ཡང་སྐྱེ་ལ་ཡོངས་གྲགས་ཤེས་སླའོ། །

2 རིགས་དབྱེ། 

《ཤེལ་ཕྲེང》ལས།  ཤིང་ཆེ་ཆུང་དབྱིབས་སོགས་སེ་འབྲུའི་ཤིང་འདྲ་བ།   ཞེས་དང་།  《སྔོ་སྨན་གྱི་འཁྲུངས་དཔེ་བསྡུས་པ་ངོ་མཚར་གསེར་སྙེ》ལས།  སྐྲག་པ་ཤིང་ཕོ།  སྐྲག་པ་ཤིང་མོ།  ཞེས་གསུངས། 

3 སྐྱེ་གནས། 

བོད་ལྗོངས་ཀྱི་ཉིང་ཁྲི་དང་།  ཆབ་མདོ།  སྤོ་ཡུལ།  སྐྱིད་གྲོང་སོགས་ཡུལ་མང་བའི་ཞིང་གྲོང་གི་ཉེ་འགྲམ་དང་གྲོང་གི་གསེང་ལ་སྐྱེས།  ཧི་མ་ལ་ཡའི་ནུབ་བྱང་རི་རྒྱུད་ལ་སྐྱེ་བ་དང་།  འདེབས་འཛུགས་བྱས་ཏེ་སྐྱེ་བ་མང་། 

4 བཏུ་དུས་དང་ལས་སྣོན།   

སྨན་དུ་འབྲས་བུ་དགོས་པས་སྤྱི་ཟླ་བཅུ་བར་བཏུས་ཏེ་ཁཎྜ་བཟོས་ནས་བཟའ་ཞིང་།  དེ་མིན་མ་རུལ་པ་སྐམ་ནས་སྤྱོད་ཀྱང་ཆོག

5 རོ་ནུས་ཞུ་རྗེས།  

རོ་སྐྱུར་ལ་མངར་བ།  ཞུ་རྗེས་སྐྱུར་བ།  ངོ་བོ་དྲོད།

6 རྐྱང་བའི་ཕན་ཡོན།   

ལུས་སྟོབས་སྐྱེད་པ།  ཁྲག་ཤེད་རྒྱས་པ་གཅོག་ཅིང་མཆིན་ནད་འཇོམས།  འཁྲུ་བ་གཅོད།  དེ་མིན་མིག་ནད་དང་ཟླ་མཚན་གྱི་ནད་སོགས་ལ་ཕན།


དཔྱད་གཞིའི་ཡིག་ཆ།