འདི་ནི་ལོ་མང་ལོ་ལྷུང་སྐྱེས་བའི་ཤིང་སྨན་རིགས་ཀྱི་སྐྱེ་དངོས་ཤིག་ཡིན་ཞིང་། ཤིང་སྡོང་རིང་ལ་མི་ཊར20ཙམ་དང་། སྡོང་བོ་སྦོམ་ལ་དྲང། ལོ་མའི་མདུན་ལྗང་ཞིང་སྐྱ་ལ་སྤུ་དཀར་ཡོད་ཅིང་སྨྱུག་ལེབ་དབྱིབས་ཅན་རེས་མོས་སུ་གྱེས། མེ་ཏོག་གི་ཟེའུ་འབྲུ་ཕོ་མོ་གཉིས་མཉམ་དུ་འཆར་ཞིང་། འབྲས་བུ་སྒོང་དབྱིབས་འབྲུ་གུ་སེར་ལ་ཆུང་བ་ཡོད།
སྨན་དུ་སྤྱོད་པར་རིགས་གཅིག་ལས་མེད།
བོད་ལྗོངས་ཀྱི་ཞིང་སའི་འགྲམ་དང་གྲོང་ཁྱེར་ཁག་ནང་འདེབས་འཛུགས་བྱས་ནས་སྐྱེ་བ་མང་། དེ་བཞིན་ཨེ་ཤེ་ཡ་དང་། ཡུ་རོབ་ཡུལ་ཁག་ནང་བཞའ་ཚན་ཅན་གྱི་ས་གནས་དང་ཆུ་ཡུར་གྱི་ཟུར་ལ་སྐྱེས།
སྤྱི་ཟླ་བཞི་བ་དང་ལྔ་བ་དཔྱིད་ཀའི་དུས་སུ་བར་ཤུན་དེ་ཕྱིའི་དྲེག་པ་གཙང་མར་དོར་བ་དང་། ཡལ་ཕྲན་དཔྱིད་ཀ་ལོ་མ་མ་ལྷུང་གོང་ལ་བཏུས་ཏེ་བསིལ་སྐམ་ལེགས་པར་བྱེད་དགོས་པ་ཡིན།
རོ་ལ་བསྐ་བ། ཞུ་རྗེ་ཁ་བ། ངོ་བོ་བསིལ་ལ་རྩུབ་པའོ། །
དུག་ནད་དང་དམུ་ཆུའི་ནད་སེལ་ཞིང་། ཚ་གྲང་གི་སྐྲངས་པ་འཇོམས་པར་བྱེད།