གནམ་གྱི་གོ་ལ།སྔ་མའི་པར་གཞི་དེ ཨ་སངས།  ནས 2016-02-24 16:10ལ་འགྲུབ།

གནམ་གྱི་གོ་ལ།

གནམ་གྱི་གོ་ལ།
གནམ་དཔྱད་རིག་པ་སོགས་ཀྱི་མངའ་ཁོངས་སུ། གནམ་གྱི་གོ་ལ་ནི་རྟོག་བཏགས་རང་བཞིན་གྱི་རེས་འཁོར་བྱེད་པའི་གོ་ལ་ཞིག་ཡིན་ཞིང་། གཞུང་ལུགས་ཀྱི་སྟེང་ནས་བཤད་ན་དེར་ཚད་མེད་ཀྱི་ཚངས་ཕྱེད་ཡོད་ལ། སའི་གོ་ལ་དང་ལྟེ་བ་གཅིག་ཡིན། མཁའ་དབྱིངས་ཀྱི་དངོས་རྫས་ཡོད་དོ་ཅོག་ཚང་མ་གནམ་གྱི་གོ་ལའི་སྟེང་ཡོད་པ་རྟོག་བཏགས་བྱས་ཆོག གནམ་གྱི་གོ་ལ་སྟེ་སའི་གོ་ལ་དང་བལྟོས་བཅས་སུ་ཡོད་ཅིང་། དེར་གནམ་གྱི་ཐིག་དམར་དང་ནམ་མཁའི་མཐའ་ལ་སོགས་པ་ཡོད།
གཞི་རྩའི་གནས་ཚུལ།

རྒྱ་ཡིག་གི་མིང་།
天球
ཕྱི་ཡིག་གི་མིང་།
Celestial sphere
ཉེར་སྤྱོད་ཚན་རིག
གནམ་དཔྱད་རིག་པ།
སྤྱད་འཐུས་ཀྱི་ཁོངས་མཚམས།
གནམ་དཔྱད་རིག་པ་དང་ཚད་འཇལ་རིས་འབྲི་རིག་པ།
1 ངོ་སྤྲོད།

གནམ་དཔྱད་རིག་པ་སོགས་ཀྱི་མངའ་ཁོངས་སུ། གནམ་གྱི་གོ་ལ་ནི་རྟོག་བཏགས་རང་བཞིན་གྱི་རེས་འཁོར་བྱེད་པའི་གོ་ལ་ཞིག་ཡིན་ཞིང་། གཞུང་ལུགས་ཀྱི་སྟེང་ནས་བཤད་ན་དེར་ཚད་མེད་ཀྱི་ཚངས་ཕྱེད་ཡོད་ལ། སའི་གོ་ལ་དང་ལྟེ་བ་གཅིག་ཡིན། མཁའ་དབྱིངས་ཀྱི་དངོས་རྫས་ཡོད་དོ་ཅོག་ཚང་མ་གནམ་གྱི་གོ་ལའི་སྟེང་ཡོད་པ་རྟོག་བཏགས་བྱས་ཆོག གནམ་གྱི་གོ་ལ་སྟེ་སའི་གོ་ལ་དང་བལྟོས་བཅས་སུ་ཡོད་ཅིང་། དེར་གནམ་གྱི་ཐིག་དམར་དང་ནམ་མཁའི་མཐའ་ལ་སོགས་པ་ཡོད།

སྐར་མའི་གོ་ལའི་གནས་ཡུལ་དང་འགུལ་སྐྱོད་ལ་ཞིབ་འཇུག་གིས་ཟླུམ་གཟུགས་ཞིག་རྟོག་བཟོ་བྱས། འདེམ་ཟིན་པའི་གནམ་གྱི་གོ་ལ་དེའི་དཀྱིལ་སྙིང་མི་འདྲ་བ་གཞིར་བཟུང་ནས། ཉི་མ་ལྟེ་བ་ཡིན་པའི་གནམ་གྱི་གོ་ལ་དང་ས་གཞི་ལྟེ་བ་ཡིན་པའི་གནམ་གྱི་གོ་ལ་སོགས་ཡོད། གནམ་གྱི་གོ་ལ་སོ་སོ་སའི་གོ་ལའི་སྟེང་ནས་ལྟ་ཞིབ་བྱས་ན་ལྟ་ཞིབ་པའི་བར་ཐག་ཚང་མ་མི་འདྲ། གནམ་གྱི་གོ་ལ་དང་ལྟ་ཞིབ་པ་གཉིས་ཀྱི་བར་ཐག་བསྡུར་ན། ལྟ་ཞིབ་པ་སའི་གོ་ལ་དང་མཉམ་པོར་འགུལ་སྐྱོད་བྱེད་པའི་གནམ་གྱི་གོ་ལའི་སྤོ་འགུལ་བར་ཐག་ཀྱང་ཚད་ཆུང་། དེ་བས་མིག་གིས་བལྟས་ན་གནམ་གྱི་གོ་ལ་དང་ང་ཚོ་ཧ་ཅང་རིང་བར་སྣང་ལ། ལྟ་ཞིབ་པ་གཞི་མ་ཡིན་པའི་ཟླུམ་གཟུགས་གོ་ལ་ཞིག་གི་སྟེང་འགྱེད་པ་དང་མཚུངས། དོན་དངོས་སུ་ང་ཚོས་མཐོང་བ་ནི་སྐར་མའི་གོ་ལ་ཡིས་ཟླུམ་གཟུགས་ཆེན་པོ་འདིའི་ཕྱི་ངོས་ནས་འོད་འགྱེད་པ་དེ་ཡིན་ཞིང་། ཟླུམ་གཟུགས་འདི་ལ་གནམ་གྱི་གོ་ལ་ཟེར། ལྟ་ཞིབ་པས་ཐད་ཀར་དབྱེ་བ་ཐག་གཅོད་བྱེད་ཐུབ་པ་ནི་གནམ་གྱི་གོ་ལའི་ཁ་ཕྱོགས་ཙམ་ཡིན། གོ་ལའི་སྟེང་གི་ཐག་གཅོད་ཀྱི་གནས་དང་གཞུ་ཚན་གྱི་འབྲེལ་བ་དེ་བར་སྟོང་བཀོད་སྒྲིག་གི་ཁ་ཕྱོགས་དང་སྟབས་བདེ་ཞེ་དྲགས་ཡོད། གནམ་དཔྱད་རིག་པའི་སྤྱོད་སྒོ་འགའི་ཁྲོད་དུ། མང་ཤས་ཀྱིས་སྐར་མའི་གོ་ལའི་གྲིབ་གཟུགས་ཕོག་པ་ནི་གནམ་གྱི་གོ་ལའི་སྟེང་གི་ཚེག་དང་ཚེག་བར་གྱི་སྒོར་དབྱིབས་ཆེན་པོ་ལ་བརྟེན་ནས་དེ་དག་གི་གནས་སའི་འབྲེལ་བ་མཚོན་པར་བྱེད། གནམ་གྱི་གོ་ལའི་ཚངས་ཕྱེད་ནི་གང་འདོད་དུ་འདེམ་ནས་ཐག་བཅད་ཆོག་པ་ཞིག་ཡིན་ལ། གྲངས་རིག་པ་ཁྲོད་ཀྱི་ཚད་མེད་པ་ལྟར་ངོས་བཟུང་ཡང་ཆོག སྐར་མའི་གོ་ལའི་གྲིབ་གཟུགས་ཕོག་པ་ཡིས་ཚད་ལྡན་གྱི་སྒོ་ནས་གནམ་གྱི་གོ་ལར་ངོས་བཟུང་དང་ཞིབ་འཇུག་བྱེད་ཆེད། གནམ་གྱི་གོ་ལའི་སྟེང་དུ་གནས་ཚད་མ་ལག་འཛུགས་སྐྲུན་བྱ་དགོས་པར་མ་ཟད། ད་དུང་གོ་ལའི་ངོས་ཀྱི་ཟུར་གསུམ་རིག་པ་བརྩི་བའི་ཚེག་གི་གནས་ཀྱི་འབྲེལ་བ་ཡང་སྤྱོད་དགོས། དེས་གནམ་གྱི་གོ་ལ་སོ་སོའི་ཕྱི་ངོས་ཀྱི་གྲིབ་གཟུགས་ཕོག་པ་ནི་སྐར་མའི་གོ་ལ་ཡི་འཇིག་རྟེན་ཁམས་བར་སྟོང་གི་གནས་ཡུལ་ཡིན་པར་བྱས་ཆོག