གནམ་འཐིབས་པ།སྔ་མའི་པར་གཞི་དེ ལྷ་བྷེ།  ནས 2016-01-29 17:13ལ་འགྲུབ།

གནམ་འཐིབས་པ།

གནམ་འཐིབས་པ།
གནའ་བོའི་མིས། ནམ་མཁའ་འཐིབས་པས་ཉབ་བེ་ཉོབ་བེ་བྱེད་ཅེས་ཤོད་པས། གནམ་གཤིས་ཀྱི་འགྱུར་ལྡོག་དང་མི་སེམས་བར་འབྲེལ་བ་དམ་ཟབ་ལྡན་པའི་གནས་ལུགས་བརྗོད་ཡོད། ང་ཚོར་རྒྱུན་ལྡན་འཚོ་བའི་ནང་མྱོང་ཚོར་འདི་འདྲ་ཏན་ཏན་ཡོང་གི་ཡོད་ལ། ཆར་བ་ཟམ་ཟིམ་བར་མཚམས་མི་ཆད་པར་འབབ་པ་དང་། ཉི་མ་སྒྲིབ་ནས་མཐོང་རྒྱུ་མེད་པའི་དུས་སྐབས་སུ་མི་རྣམས་ཐང་ཆད་པ་དང་། དཀའ་ལས་ཁག་པ། ལེ་ལོ་བག་གཡེང་བཅས་ཀྱི་ཚོར་བ་བྱུང་སྟེ་གཉའ་ཆག་ཉམས་ཤོར་བ་ལྟ་བུར་འགྱུར་གྱིན་ཡོད་ཅིང་། དགུང་སྔོན་གཡའ་དག་པའི་ཉིན་མོར་མི་རྣམས་ལ་སེམས་ཤུགས་རྒྱས་པ་དང་། སྙིང་སྟོབས་འཕེལ་བ། སྤྲོ་སྣང་ལྡན་པ་བཅས་ཡོང་གི་ཡོད། ཡང་ནམ་མཁའ་འཐིབས་ནས་ཆར་བ་བབས་པའི་གནམ་གཤིས་ལས་མི་རྣམས་ཀྱི་སྙིང་སྟོབས་ཉམས་ཤིང་བློ་ཁ་མི་བདེ་བ་ཡོང་གི་ཡོད།
དཀར་ཆག
1 ཁྱད་ཆོས།

མིའི་ལུས་པོར་ཀླད་གྱེན་རྨེན་བུ་གཅིག་ཡོད་པ་དེ་ནས་ཟགས་ཐོན་བྱས་པའི་ཀླད་གྱེན་སྐུལ་རྩིས་ཟིང་ཆ་སློང་གི་ཡོད་པ་རེད་ལ། ཚན་རིག་མཁས་ཅན་གྱིས་ཞིབ་འཇུག་བྱས་ནས་གསར་དུས་གསལ་བཤད་བྱས་པར། ཀླད་གྱེན་རྨེན་བུ་ཉི་འོད་དང་འཕྲད་པ་ན་ཚོར་བ་ཧ་ཅང་རྣོན་པོ་ཡོང་གི་ཡོད། དེ་ནི་དབང་རྩའི་ཚི་སྣ་དང་མིག་དབང་ཕན་ཚུན་འབྲེལ་ཡོད་པས་ཉི་འོད་ཆེ་བའི་སྐབས་སུ་ཀླད་གྱེན་རྨེན་བུ་ཉི་འོད་ཀྱིས་ཚོད་འཛིན་བྱེད་པས། ཀླད་གྱེན་རྨེན་བུའི་ཟགས་ཐོན་སྐུལ་རྩི་ཉུང་དུ་འགྲོ་བ་ཡིན། དེ་ལས་ལྡོག་སྟེ་ཉི་འོད་ཞན་པའི་སྐབས་སུ་ཀླད་གྱེན་རྨེན་བུ་ནས་ཀླད་གྱེན་སྐུལ་རྩི་ཅུང་མང་བ་ཟགས་ཐོན་བྱ་བ་ཡིན་ལ། ཀླད་གྱེན་སྐུལ་རྩིར་མིའི་གཟུགས་པོའི་ནང་གི་སྐུལ་རྒྱུ་འདྲེས་ཚད་ལ་སྙོམ་སྒྲིག་བྱ་རྒྱུའི་ནུས་པ་ལྡན། དེར་བརྟེན་གནམ་འཐིབས་ནས་ཆར་བ་བབས་ནས་ཉི་འོད་ཉམས་ཞན་པའི་སྐབས་སུ་ཀླད་གྱེན་རྨེན་བུ་འཁྲུག་ཆ་ཆེན་པོ་ཡོད་པ་དང་། ཀླད་གྱེན་སྐུལ་རྒྱུ་འབོར་ཆེན་ཟགས་ཐོན་བྱ་བ་ཡིན་ཞིང་། དུས་མཚུངས་ཨོལ་གོང་གཤེར་རྨེན་རྩི་དང་། མཁལ་མགོའི་རྨེན་རྩིའི་གར་ཚད་ལྟོས་བཅས་ཀྱིས་མར་འབབ་པ་ཡིན། ཡང་ཨོལ་གོང་གཤེར་རྨེན་རྩི་དང་། མཁལ་མགོའི་རྨེན་རྩིར་ཕྲ་ཕུང་འགུལ་སྐྱོད་བྱ་རྒྱུར་སྐུལ་མ་གཏང་བའི་ནུས་པ་ལྡན། དེ་དག་ཉུང་དུ་ཕྱིན་ན་ཕྲ་ཕུང“སྒྱིད་ལུག”ཆགས་ནས་འཁྲུལ་བོ་མེད་པ་དང་། མི་གཉའ་ཆག་ཉམས་ཤོར་དུ་འགྱུར་བ་ཡིན། དེ་ར་སྤྲོད་བྱ་ཆེད་ཨ་རིའི་མཁས་དབང་ཞིག་གིས་ཡ་མཚན་ཅན་གྱི་ཚོད་ལྟ་ཞིག་བྱས་ཡོད་དེ། ཁོང་གིས་རས་ནག་པོས་ཙི་ཙིའི་མིག་བཀབ་སྟེ་ཉི་འོད་སྒྲིབ་པ་དང་། ཆུ་ཚོད་ཁ་ཤས་ཕྱིན་རྗེས་ཙི་ཙིའི་ཁྲག་རྒྱུན་ནང་ཀླད་གྱེན་སྐུལ་རྩི་ལྡབ་གསུམ་ལྷག་ཙམ་འཕར་སྣོན་བྱུང་བ་ཤེས་རྟོགས་ཐུབ་པ་རེད།