བྱ་ཕྲུག་ཕྲོས།སྔ་མའི་པར་གཞི་དེ བདེ་ཆེན་མཚོ། ནས 2016-01-15 18:04ལ་འགྲུབ།
བྱ་ཕྲུག་ཕྲོས།
བྱ་ཕྲུག་ཕྲོས།
《བྱ་ཕྲུག་ཕྲོས》ཞེས་པའི་གློག་བརྙན་འདི་ནི་ནེ་ཁི་ཕར་ཁི་ཞེས་པས་འཁྲབ་ཁྲིད་བྱས་པའི་འགུལ་བརྙན་ཞིག་ཡིན་ཏེ། འདིའི་ཁྲོད་གཙོ་བོར་དབྱིན་ཇིའི་ཝའེ་ཐི་དིས་ཞེས་པའི་བྱ་གསོ་ར་བའི་ནང་བྱ་ཕྲུག་ཁྱུ་ཞིག་གིས་བྱ་གསོ་ར་བ་ནས་ཕྱིར་འབྲོ་བའི་འཆར་ཇུས་བཟོས་པའི་ཚུལ་བསྟན་ཡོད།
གཞི་རྩའི་གནས་ཚུལ།
བོད་འགྱུར་མིང་།
བྱ་ཕྲུག་ཕྲོས།
མ་བརྙན་མིང་།
Chicken Run
རྒྱ་འགྱུར་མིང་།
小鸡快跑
རྒྱལ་ཁབ།
དབྱིན་ཇི།
སྐད་རིགས།
དབྱིན་སྐད།
འཁྲབ་ཁྲིད་པ།
ནེ་ཁི•ཕར་ཁི།( Nick Park)ཕེ་ཐུར•ལོར་ཏུ།（Peter Lord)
གཙོ་འཁྲབ་པ།
ཧྥེའོ•ཏན་ནེའོ་སི།(Phil Daniels) མེའོ•ལྗིབ་ཟོན (Mel Columcille Gerard Gibson)སོགས།
འགྲེམ་དུས།
2000ལོ།
ཡུན་ཚད།
སྐར་མ84།
བརྙན་རིགས།
འགུལ་བརྙན། སྤྲོ་གར།
བྱ་དགའ་གཙོ་བོ།
2009ལོར་ཨའོ་ཟི་ཁཱའི་གསེར་བརྙན་རྟགས་མའི་གློག་བརྙན་མཆོག་གྱུར་གྱི་འོས་མིང་དུ་བདམས། 2009ལོར་ཨའོ་ཟི་ཁཱའི་གསེར་བརྙན་རྟགས་མའི་སྒྱུ་རྩལ་མཛུབ་སྟོན་མཆོག་གྱུར་གྱི་བྱ་དགའ་ཐོབ་པ་སོགས།
དཀར་ཆག
1
བྱུང་རིམ།
གློག་བརྙན་དེ་ནི་དབྱིན་ཇིའི་ཝའེ་ཐི་དིས་ཞེས་པའི་བྱ་གསོ་ར་བའི་ནང་གི་བྲན་གཡོག་ཚོས་འཚོ་བ་དེ་བསྟན་ཡོད། བྱ་གསོ་ར་བའི་བདག་མོ་ལྕམ་མོ་ཐི་ཝིས་དིས་ནི་ཧམ་སེམས་ཆེན་པོ་ཅན་ཞིག་ཡིན་ཏེ། ཉིན་ལྟར་བྱ་མོ་ལས་སྒོ་ང་མང་ཙམ་ལོན་ཐབས་ཀྱི་བསམ་བློ་རྐྱང་རྐྱང་བཏང་། སྐུ་ཞབས་ཐི་ཝིས་དིས་ཉིན་ལྟར་ཁྱི་གཉིས་ཁྲིད་ནས་སྒོ་རར་སྐོར་ཏེ་བྱ་མོ་རྣམས་ཀྱི་བཟའ་སྡོད་སྤྱོད་གསུམ་ལ་བལྟ་དཔྱོད་བྱས། གལ་སྲིད་བྱ་མོ་ཚོས་སྒོ་ང་བཏང་མེད་ན་དེར་ཆགས་སྒོ་ནི་འབྱུང་བ་ཤག་ཤག་རེད། ཡིན་ནའང་བྱ་མོ་ཅིན་དིས་ནི་སྤྱང་གྲུང་ཅན་ཞིག་དང་དཔའ་ངར་ལྡན་པ་ཞིག་རེད། ཁོ་མོས་གནས་བབས་དེར་མགོ་མ་སྒུར་བར་དུས་གང་རུང་ཞིག་ལ་བྱ་མོའི་ཚོགས་འཁྲིད་ནས་བྲོས་ཐབས་བྱས། བྱ་མོ་དེ་ཚོ་ནི་ཆེས་མཐོ་བའི་ལྕགས་རའི་ནང་དུ་བཅུག་ཡོད་པ་རེད། ཁོ་ཚོས་ཉིན་ལྟར་སེམས་ཁྲལ་བྱ་རྒྱུ་ནི་སང་ཉིན་སོ་སོ་གསོན་ཨེ་ཐུབ་བམ་བསམ་ནས་བསྡད་དགོས། ཁོ་ཚོའི་རེ་བ་ཆེས་ཆེ་ཤོས་ནི་ནམ་ཞིག་ལ་ལྕགས་ར་ནས་ཕྱི་ཐོན་ཐུབ་ནས་ཕྱི་རོལ་གྱི་འཇིག་རྟེན་ལ་བལྟ་རྒྱུ་དེ་རེད། བྲོས་ཐབས་ཀྱི་བྱ་འགུལ་རེ་རེ་བཞིན་སྟོང་པར་གྱུར་རྗེས་ཁོ་ཚོའི་འགོ་གཙོ་མི་སྣས་ད་དུང་རྒྱུན་འཁྱོངས་ཀྱིས་དཀའ་ཚེགས་དེ་ལས་བགྲོལ་ཐུབ་པ་བྱ་དགོས་ཟེར་ནས་ཐབས་ཤེས་འཚོལ་བར་བྱས། ས་ཆ་དེ་ནི་སྤྱིར་བཏང་གི་བཙོན་ས་ཞིག་མ་ཡིན་ལ་ཁོ་ཚོ་ཡང་སྤྱིར་བཏང་གི་བཙོན་པ་ཞིག་ཀྱང་ག་ལ་ཡིན། ཁོ་ཚོ་ནི་ཝའེ་ཐི་དིས་བྱ་གསོ་ར་བའི་བྱ་མོ་རྣམས་རེད། སུ་ཡིས་སྒོ་ང་བཏང་ན་དེ་ནི་མི་རྣམས་ཀྱི་སྒྲོག་རྩེ་སྟེང་གི་བཟའ་རྒྱུར་འགྱུར་འགྲོ་བ་རེད། མི་རྣམས་ཀྱི་བཟའ་མར་འགྱུར་བ་དེ་ལྟ་བུའི་ལས་དབང་ལ་ཁ་ལོ་བསྒྱུར་ཆེད་ཁོ་ཚོའི་འགོ་གཙོ་ཅིན་ཅེའེ་དང་རོགས་ཟླ་ཚང་མས་ལྕགས་ར་དེ་ལས་བརྒལ་ཏེ་རང་དབང་གི་འཚོ་བ་འཚོལ་དུ་འགྲོ་རྒྱུའི་བློ་ཐག་བཅད། འདོད་རྔམ་ཆེ་བའི་ལྕམ་མོ་ཐི་ཝིས་དིས་བྱ་ཤའི་བག་ལེབ་བཟོ་སའི་འཕྲུལ་འཁོར་ཞིག་བཙུགས་བཞིན་ཡོད་པ་དེས་དངུལ་མང་པོ་ཞིག་བསགས་དགོས་བསམ། བྱ་མོ་ཚོ་ངེས་པར་དུ་འཕྲུལ་འཁོར་དེ་བཙུགས་མ་ཚར་གོང་དུ་བྲོས་ཐུབ་པ་བྱ་དགོས་ཏེ་དེ་ལྟར་མ་བྱུང་ཚེ་ཁོ་ཚོ་ཚང་མ་མཉམ་དུ་བྱ་ཤའི་བག་ལེབ་ཏུ་འགྱུར་སྲིད་པས་ཁོ་ཚོར་ཡོད་པའི་དུས་ཚོད་ནི་ཇེ་འཐུང་ནས་ཇེ་འཐུང་དུ་ཕྱིན། སྐབས་དེར་བྱ་ཕོ་ལོ་ཅིས་གནམ་ནས་ལྷུང་བས་ཁོང་གི་རོགས་རམ་འོག་བྱ་ཚོགས་ཀྱིས་བྲོས་བྱོལ་དུ་འགྲོ་བའི་འཆར་གཞི་བཟོས། བྱ་ཕོ་དེས་ཉིན་ལྟར་ཁོ་ཚོར་འཕུར་སྟངས་ཀྱི་ཤེས་བྱ་བསླབ་པ་བྱས། འཕུར་འགོ་དངོས་སུ་བརྩམས་པའི་ཉིན་དེར་བྱ་གསོ་ར་བ་ནི་ལོ་སར་པ་ཤར་བ་ལྟ་བུའི་འཁྲུག་པོ་བྱུང་། ཡིན་ནའང་། བྱ་ཕོ་ལོ་ཅིས་ཀྱིས་བྱ་དེ་རྒན་པོས་ཁོ་ལ་སྤྲད་པའི་དབྱིན་ཇིའི་རྒྱལ་རྒྱུད་མཁའ་དམག་གི་དྲན་རྟགས་དེ་དང་རྒྱ་ཁྱབ་བརྡ་སྦྱོར་རལ་འཕྲོ་དེ་གཉིས་བཞག་ནས་ཕྱིན་ཚར། རྒྱ་ཁྱབ་བརྡ་སྦྱོར་དེ་ཡིས་ཁོང་ཚོར་བློ་སྐྱེད་ཐེབས་ནས་འཕུར་བྱེད་གནམ་གྲུ་དེ་བཟོ་འགོ་བརྩམས། དེ་བཟོས་ཚར་ནས་ཁོང་ཚོ་བྲོས་བྱོལ་དུ་འགྲོ་ལ་ཉེ་དུས་བདག་པོས་མཐོང་དེ་ཁོང་ཚོ་དང་འཐབ་རྩོད་བྱས་པ་དང་། སྐབས་དེར་བྱ་ཕོ་ལོ་ཅིས་ལོག་སླེབས་ནས་ཁོ་ཚོ་ལ་རོགས་པ་བྱས་ཏེ་མཐར་ཉེན་ཁ་ལས་གྲོལ་ཏེ་ཁོང་ཚོས་ཡུན་རིང་དུ་རེ་བ་བཅངས་པའི་རྩྭ་ཐང་དུ་འབྱོར་བ་དང་ཞི་བདེའི་འཚོ་བར་རོལ་བ་བཅས་གསལ་ལོ།
མདོར་ན་འགུལ་བརྙན་དེ་ནི་བྱ་མོའི་ཚོགས་འཇིགས་སྐྲག་གི་འཚོ་བ་ལས་ཐར་ཆེད་རང་གི་བློ་རིག་བེད་སྤྱད་ནས་ར་བ་ཕྱི་ཡི་ཞི་བདེ་དང་རང་དབང་ལ་བརྩོན་པ་ཞིག་བསྟན་ཡོད། །
2
དཔྱད་བརྗོད།
《བྱ་ཕྲུག་མགྱོགས་པོ་བྲོས》 ཞེས་པའི་འགུལ་བརྙན་དེ་ནི2000ལོའི་སྤྱི་ཟླ6པར་ཨ་མེ་རི་ཁ་དང་ཡོ་རོབ་ཏུ་བསྟན་རྗེས་ཧ་ཅང་དར་གསོ་ཆེན་པོ་བྱུང་། གློག་བརྙན་དེའི་འཁྲབ་ཁྲིད་པ་ནི་འགུལ་བརྙན་སྒྲིག་བཟོ་ཀུང་སི་ཨ་ཏི་མམ་ཀུང་སིའི་འཁྲབ་ཁྲིད་པ་ནེ་ཁི·ཕར་ཁི（Nicholas Wulstan Nick Park）ཞེས་པ་དེ་ཡིན་ཞིང་ཁོང་ལ“འདམ་བཟོའི་འགུལ་རིས་ཀྱི་གློག་བརྙན་མི་སྣ”ཞེས་འབོད། ཁོང་ནི་རང་སོའི་ལྟ་བ་མང་ལ་ཤེས་རྒྱ་ཡངས་པའི་མི་ཞིག་ཡིན། ཁོང་ཆུང་དུས་ནས་འགུལ་རིས་ལ་དགའ་པོ་ཡོད་དེ། དགུང་ལོ་གཉིས་ཀྱི་སྐབས་རྩི་གསར་དུ་གསོས་པའི་ཐབ་ཚང་གི་གྱང་ངོས་སུ་རྒྱུན་རིང་ལ་ནོག་ཏུ་མི་འགྲོ་བའི་ལྕགས་སྨྱུག་གིས་གསོན་ཉམས་ལྡན་པའི་མེ་འཁོར་གྱི་རི་མོ་གང་བྲིས་པ་དང་དགུང་ལོ་བཅུ་གསུམ་ལ་སླེབས་དུས་སུ་ཁོང་ཚང་གི་སྒོ་རའི་ནང་འགུལ་བརྙན་བཟོ་འགོ་བརྩམས། ཁོང་གིས་དངུལ་བསགས་ནས་ཧའོ་རྨིད་བརྒྱད་ཀྱི་བརྙན་ཆས་ཤིག་ཉོ་འདོད་བྱུང་བས་དབྱར་ཁའི་དུས་ཚོད་གང་པོར་བྱ་ཤར་དོ་པོ་རྒྱག་པའི་བཟོ་གྲྭ་ཤིག་གི་ནང་དཀའ་ངལ་ལ་འབད། ཉིན་ལྟར་བྱ་རོ་སྟོང་ཕྲག་མང་པོ་འཕྲུལ་འཁོར་ནང་ཡར་འདོན་མར་འཕེན་བྱས་པ་མཐོང་བ་དེས་ཁོང་གིས་རྗེས་སུ《བྱ་ཕྲུག་མགྱོགས་པོར་ཕྲོས》 ཞེས་པའི་འགུལ་་བརྙན་དེ་སྒྲིག་བཟོ་བྱ་བར་བློ་སྒོ་སྐྱེས།
དཔྱད་གཞིའི་ཡིག་ཆ།