རྒྱང་སྒྲོག་བརྙན་འཕྲིན་ནི་སྐུད་མེད་གློག་རླབས་དང་ཡང་ན་འདྲེན་སྐུད་བརྒྱུད་ནས་རྒྱ་ཆེ་བའི་ས་ཁུལ་དུ་སྒྲ་དང་རི་མོའི་ལེ་ཚན་སྒྲོག་སྐྱེད་བྱེད་པའི་བརྒྱུད་སྒྲོག་སྨྱན་རྫས་ཤིག་ཡིན་ལ། སྒྲ་དོག་འཇུག་གི་གོ་དོན་ལྟར་ན། རྒྱང་སྒྲོག་ནི་སྐུད་མེད་གློག་རླབས་དང་འདྲེན་བརྒྱུད་སྐད་གདངས་ཁོ་ན་སྤྱད་དེ་བརྒྱུད་སྒྲོག་བྱེད་པ་ཞིག་དང་། སྒྲ་ཡངས་འཇུག་གི་གོ་དོན་ལྟར་ན། རྒྱང་ནི་ང་ཚོའི་དུས་རྒྱུན་སྤྱོད་པའི་ཆིག་རྐྱང་གི་སྒྲའི་རྒྱང་སྒྲོག་དང་སྒྲ་དང་བརྙན་རིས་མཉམ་བསྲེས་ཀྱི་བརྙན་འཕྲིན་གཉིས་འདུ་བ་ཞིག་ཡིན།
རྒྱང་སྒྲོག་བརྙན་འཕྲིན་ལ་གཤམ་གསལ་གྱི་ཁྱད་ཆོས་འགའ་ལྡན་པ་སྟེ།
(1) སྣང་བརྙན་ཅན། དེ་ནི་སྒྲ་དང་བརྙན་རིས་ཀྱི་རྣམ་པའི་སྒོ་ནས་ཆ་འཕྲིན་བརྒྱུད་སྒྲོག་བྱེད་པ་ཞིག་ཡིན།
(2) མགྱོགས་མྱུར་གྱི་རང་བཞིན་ལྡན་པ། དེ་ནི་གློག་རླབས་ཀྱི་མྱུར་ཚད་ཀྱིས་ཆ་འཕྲིན་བརྒྱུད་བསྐུར་བྱེད་པ་ཞིག་ཡིན།
(3) རྒྱ་ཁྱབ་ཀྱི་རང་བཞིན་ལྡན་པ། ཁྱབ་རྒྱའི་ས་ཁོངས་ཆེས་ཆེ་བའི་བརྒྱུད་སྒྲོག་གི་སྨྱན་རྫས་རིགས་ཤིག་ཡིན།
བརྒྱུད་གཏོང་གི་ཐབས་ལམ་ལྟར་དབྱེ་ན་སྐུད་མེད་རྒྱང་སྒྲོག་དང་སྐུད་ལྡན་རྒྱང་སྒྲོག་གཉིས་ཡོད་ཅིང་། སྐད་ཆ་ཁོ་ན་བརྒྱུད་སྒྲོག་བྱེད་པ་ལ་སྐད་སྒྲའི་རྒྱང་སྒྲོག་དང་། བསྡུས་ཏེ་རྒྱང་སྒྲོག་ཟེར། སྐད་དང་བརྙན་རིས་གཉིས་ཀ་བརྒྱུད་སྤྲོད་བྱེད་པ་ལ་བརྙན་འཕྲིན་རྒྱང་སྒྲོག་ཟེར་བ་ཡིན། བསྡུས་ཏེ་བརྙན་འཕྲིན་ཟེར།