རྡོ་རྗེ་མཁར།སྔ་མའི་པར་གཞི་དེ ཨ་སངས། ནས 2015-10-31 13:55ལ་འགྲུབ།
རྡོ་རྗེ་མཁར།
རྡོ་རྗེ་མཁར།
ཁོང་ནི་ཀྲུང་གོའི་མི་རིགས་ཡིག་སྒྱུར་ལྟེ་གནས་ཀྱི་ཞུས་ཆུང་དང་དེའི་བོད་ཡིག་ཁང་གི་དཔྱད་གཞིའི་ཡིག་རིགས་བདག་གཉེར་ཚོ་ཆུང་གི་འགན་འཛིན་བཅས་ཀྱི་འགན་ཁུར་ཡོད།
གཞི་རྩའི་གནས་ཚུལ།
རྒྱ་ཡིག་གི་མིང་།
多杰卡
མིང་གཞན།
རེབ་གོང་རྡོ་རྗེ་མཁར།
སྐྱེས་ལོ།
སྤྱི་ལོ1958ལོ།
རྒྱལ་ཁབ།
ཀྲུང་གོ།
མི་རིགས།
བོད་རིགས།
སྐྱེས་ཡུལ།
མཚོ་སྔོན་ཞིང་ཆེན་རྨ་ལྷོ་བོད་རིགས་རང་སྐྱོང་ཁུལ་རེབ་གོང་རྫོང་།
འཐུས་ཚབ་བརྩམས་ཆོས།
《བརྩམས་སྒྲུང་མེ་ཏོག་ཕྲེང་བ》《སྙན་ངག་གི་དོགས་གཅོད་ཐེ་ཚོམ་དྲ་བ་གཅོད་པའི་རལ་གྲི》
1
ངོ་སྤྲོད།
རྡོ་རྗེ་མཁར་ནི་སྤྱི་ལོ1958ལོར་མཚོ་སྔོན་ཞིང་ཆེན་རྨ་ལྷོ་ཁུལ་རེབ་གོང་ས་ཆར་སྐྱེས། ཁོས་དམའ་འབྲིང་དང་སློབ་གྲྭ་ཆེན་མོ། ཞིབ་འཇུག་སློབ་མའི་འཛིན་གྲྭ་སོགས་སྔ་ཕྱི་རིམ་པར་འགྲིམས་ཏེ་ཞིབ་འཇུག་སློབ་མའི་མིང་བཏགས་བླངས། སློབ་གྲྭ་ནས་མཐར་ཕྱིན་རྗེས་དགེ་རྒན་དང་ལོ་ཙཱ་བ། བོད་ཀྱི་ཤེས་རིག་ཞིབ་འཇུག་བཅས་ཀྱི་དོན་གཉེར་བྱས་མྱོང་ཞིང་། ད་ལྟ་ཀྲུང་གོའི་མི་རིགས་ཡིག་སྒྱུར་ལྟེ་གནས་ཀྱི་ཞུས་ཆུང་དང་དེའི་བོད་ཡིག་ཁང་གི་དཔྱད་གཞིའི་ཡིག་རིགས་བདག་གཉེར་ཚོ་ཆུང་གི་འགན་འཛིན་བཅས་ཀྱི་འགན་ཁུར་ཡོད།
2
བྱ་བའི་གྲུབ་འབྲས།
ཁོང་གི་བརྩམས་སྒྲུང་ཕྱོགས་བསྒྲིགས《བརྩམས་སྒྲུང་མེ་ཏོག་ཕྲེང་བ》དང《གཉེན་དོན》《སྙིང་གཏམ》《གསེར་གྱི་གདུ་བུ》སོགས་ལ་ལྗོངས་ཞིང་ལྔ་དང་ཞིང་ཆེན་རིམ་པའི་བྱ་དགའ་ཐོབ་པ་དང་། ཁོང་ལ《སྦྲང་ཆར》དུས་དེབ་ཀྱི་ཕུལ་བྱུང་རྩོམ་པ་པོའི་བྱ་དགའ་སོགས་ཀྱང་ཐོབ་མྱོང་།
3
བརྩམས་ཆོས།
སྤྱི་ལོ1980ལོ་ནས་བཟུང་ཁོས་སྒྲུང་གཏམ་སོགས་རྩོམ་རིག་སྣ་ཚོགས་འབྲི་མགོ་བརྩམས་ཤིང་། སྤྱི་ལོ1987ལོར་སྙན་གཞུང《སྙན་ངག་བྱིས་པ་འཇུག་སྒོ》དང་། སྤྱི་ལོ1988ལོར་སྒྲུང་གཏམ་ཕྱོགས་བསྒྲིགས《བརྩམས་སྒྲུང་མེ་ཏོག་ཕྲེང་བ》 སྤྱི་ལོ1990ལོར་ཆེད་རྩོམ《སྙན་ངག་གི་དོགས་གཅོད་ཐེ་ཚོམ་དྲ་བ་གཅོད་པའི་རལ་གྲི》སོགས་པར་དུ་བསྐྲུན་པ་དང་། 《གཉའ་ཁྲིའི་གོང་གི་བོད་ཀྱི་ལོ་རྒྱུས》སོགས་ཆེད་རྩོམ་དུ་མ་ཞིག་དབྱིན་ཇིའི་སྐད་དུ་བསྒྱུར་ནས་ཕྱི་རྒྱལ་གྱི་དུས་དེབ་རྣམས་སུ་བཀོད་ཡོད།
དཔྱད་གཞིའི་ཡིག་ཆ།