འཕྲིན་ལས་ཆོས་གྲགས།སྔ་མའི་པར་གཞི་དེ ཨ་སངས། ནས 2015-10-31 13:54ལ་འགྲུབ།
འཕྲིན་ལས་ཆོས་གྲགས།
འཕྲིན་ལས་ཆོས་གྲགས།
ཁོང་ནི་སྤྱི་ལོ1937ལོའི་ཟླ2པར་བོད་ལྗོངས་ལྷ་སར་འཁྲུངས། སྤྱི་ལོ1958ལོར་ཀྲུང་དབྱང་མི་རིགས་སློབ་གྲྭ་ཆེན་མོ་ནས་ཐོན། དེ་སྔ་བོད་ལྗོངས་མི་དམངས་དཔེ་སྐྲུན་ཁང་གི་དབུ་འཛིན་དང་། སྤྱི་ཁྱབ་རྩོམ་སྒྲིག་པ། བོད་ལྗོངས་རྟེན་རྫས་བཤམས་སྟོན་ཁང་གི་དབུ་འཛིན། བོད་རང་སྐྱོང་ལྗོངས་སྲིད་གྲོས་ཀྱི་ཨུ་ཡོན། བོད་ལྗོངས་རྩོམ་རིག་སྒྱུ་རྩལ་ལས་རིགས་མཉམ་འབྲེལ་ལྷན་ཚོགས་ཀྱི་ཨུ་ཡོན། བོད་ལྗོངས་དམངས་ཁྲོད་སྒྱུ་རྩལ་མཁས་པའི་མཐུན་ཚོགས་ཀྱི་ཀྲུའུ་ཞི་གཞོན་པ། ལྷོ་ནུབ་ཁུལ་གྱི་བོད་རིག་པའི་ལས་འཛིན་པ་བཅས་ཀྱི་འགན་བཞེས་མྱོང་ཡོད། ད་ལྟ་ལས་འཁྱུར་ངལ་གསོ་གནང་ནས་ཞིབ་འཇུག་གི་ཕྱག་ལས་གནང་བཞིན་ཡོད་པ་དང་དུས་མཚུངས་བོད་ལྗོངས་སློབ་གྲྭ་ཆེན་མོའི་གདན་ཞུས་དགེ་རྒན་ཆེན་མོ་དང་རབ་འབྱམས་ཞིབ་འཇུག་སློབ་མའི་སློབ་དཔོན་གནང་བཞིན་ཡོད།
གཞི་རྩའི་གནས་ཚུལ།
རྒྱ་ཡིག་གི་མིང་།
赤烈曲扎
སྐྱེས་ལོ།
སྤྱི་ལོ1937ལོའི་ཟླ2པ།
རྒྱལ་ཁབ།
ཀྲུང་གོ།
མི་རིགས།
བོད་རིགས།
སྐྱེས་ཡུལ།
བོད་རང་སྐྱོང་ལྗོངས་ལྷ་ས་གྲོང་ཁྱེར།
མཐར་ཕྱིན་སློབ་གྲྭ།
ཀྲུང་དབྱང་མི་རིགས་སློབ་གྲྭ་ཆེན་མོ།
འཐུས་ཚབ་བརྩམས་ཆོས།
《སྲོང་བཙན་སྒམ་པོའི་ལོ་རྒྱུས་ཀྱི་མཛད་རྗེས》《བོད་ཀྱི་གླུ་གར་ལ་རགས་ཙམ་དཔྱད་པ》
1
ངོ་སྤྲོད།
འཕྲིན་ལས་ཆོས་གྲགས་ནི་སྤྱི་ལོ1937ལོའི་ཟླ2པར་བོད་ལྗོངས་ལྷ་སར་འཁྲུངས། སྤྱི་ལོ1958ལོར་ཀྲུང་དབྱང་མི་རིགས་སློབ་གྲྭ་ཆེན་མོ་ནས་ཐོན། དེ་སྔ་བོད་ལྗོངས་མི་དམངས་དཔེ་སྐྲུན་ཁང་གི་དབུ་འཛིན་དང་། སྤྱི་ཁྱབ་རྩོམ་སྒྲིག་པ། བོད་ལྗོངས་རྟེན་རྫས་བཤམས་སྟོན་ཁང་གི་དབུ་འཛིན། བོད་རང་སྐྱོང་ལྗོངས་སྲིད་གྲོས་ཀྱི་ཨུ་ཡོན། བོད་ལྗོངས་རྩོམ་རིག་སྒྱུ་རྩལ་ལས་རིགས་མཉམ་འབྲེལ་ལྷན་ཚོགས་ཀྱི་ཨུ་ཡོན། བོད་ལྗོངས་དམངས་ཁྲོད་སྒྱུ་རྩལ་མཁས་པའི་མཐུན་ཚོགས་ཀྱི་ཀྲུའུ་ཞི་གཞོན་པ། ལྷོ་ནུབ་ཁུལ་གྱི་བོད་རིག་པའི་ལས་འཛིན་པ་བཅས་ཀྱི་འགན་བཞེས་མྱོང་ཡོད། ད་ལྟ་ལས་འཁྱུར་ངལ་གསོ་གནང་ནས་ཞིབ་འཇུག་གི་ཕྱག་ལས་གནང་བཞིན་ཡོད་པ་དང་དུས་མཚུངས་བོད་ལྗོངས་སློབ་གྲྭ་ཆེན་མོའི་གདན་ཞུས་དགེ་རྒན་ཆེན་མོ་དང་རབ་འབྱམས་ཞིབ་འཇུག་སློབ་མའི་སློབ་དཔོན་གནང་བཞིན་ཡོད།
2
བྱ་བའི་གྲུབ་འབྲས།
《ཆུ་ངོགས་གཏམ་རྒྱུད》（རྒྱས་པ）ཀྱི་ཡིག་སྒྱུར་དང་ཞུ་དག་གི་བྱ་བར་ཞུགས་པ་དེར་རྒྱལ་ཡོངས་རྒྱ་བོད་ཡིག་སྒྱུར་གྱི་བྱ་དགའ་ཨང་དང་པོ་ཐོབ་པ་དང་། ཁོང་གིས་འཚོལ་བསྡུ་དང་ལེགས་སྒྲིག་གནང་བའི《བོད་ཀྱི་སྲོལ་རྒྱུན་དམངས་གཞས》ལ་རྒྱལ་ཡོངས་དམངས་ཁྲོད་རྩོམ་རིག་ཕུལ་བྱུང་གི་བྱ་དགའ་ཐོབ་པ་དང་། ལྷུག་རྩོམ《དཔལ་ཞ་ལུ་གསེར་ཁང་ལ་ལྟ་སྐོར་དུ་ཕྱིན་པའི་མཐོང་ཐོས》ཞེས་པར་རྒྱལ་ཡོངས་མི་རིགས་མཐུན་སྒྲིལ་གྱི་རྩོམ་བསྡུའི་བྱ་དགའ་ཐོབ་པ་རེད། ཁོང་གིས་བརྩམས་པའི《བོད་ཀྱི་ཡུལ་སྲོལ་རྣམ་བཤད》དང《བོད་ལྗོངས—ང་ཡི་ཕ་ཡུལ》ཞེས་པའི་དེབ་གཉིས་དབྱིན་ཡིག་དང་། འཇར་མན་གྱི་ཡི་གེ། སི་ཕེན་གྱི་ཡི་གེར་བསྒྱུར་ནས། པེ་ཅིང་ཕྱི་རྒྱལ་སྐད་ཡིག་དཔེ་སྐྲུན་ཁང་གིས་རྒྱལ་ཁབ་ཕྱི་ནང་དུ་འགྲེམ་སྤེལ་བྱས་པས། རྒྱལ་ཁབ་ཕྱི་ནང་དུ་ཤུགས་རྐྱེན་ཆེ་ཙམ་ཐེབས་ཡོད། ཉེ་སྔོན་ཁོང་གིས་བརྩམས་པའི《བོད་ལྗོངས》ཞེས་པ་དེ་འཇར་པན་གྱི་ཡི་གེར་བསྒྱུར་ནས་འཇར་པན་དུ་དཔེ་སྐྲུན་འགྲེམ་སྤེལ་བྱས་པ་དང་། 《བོད་ཀྱི་ཁ་གདན་ལག་རྩལ་གྱི་ལོ་རྒྱུས》ཞེས་པ་དེ་དབྱིན་ཡིག་ཏུ་བསྒྱུར་ནས་ཐེ་ལན་ཏྲིར་དཔེ་སྐྲུན་འགྲེམ་སྤེལ་བྱས་ཡོད། ཁོང་གིས་བོད་ཀྱི་རིག་གནས་ལས་དོན་ཐད་ལ་གྲུབ་འབྲས་ཆེན་པོ་བཞག་པས། བོད་ལྗོངས་ཇོ་མོ་གླང་མའི་གསེར་གྱི་རྟགས་མའི་བྱ་དགའ་ཐོབ་ཡོད།
3
བརྩམས་ཆོས།
ཁོང་གིས་ལོ་བཞི་བཅུ་ལྷག་ཙམ་གྱི་ནང་སྔ་རྗེས་སུ་སློབ་ཁྲིད་དང་། ཡིག་སྒྱུར། རྩོམ་སྒྲིག་སོགས་ཀྱི་ཕྱག་ལས་གནང་བ་དང་། རྒྱལ་ཁབ་ཕྱི་ནང་གི་ཚགས་པར་དང་དུས་དེབ་ཐོག་ཏུ《སྲོང་བཙན་སྒམ་པོའི་ལོ་རྒྱུས་ཀྱི་མཛད་རྗེས》ཞེས་པ་དང་། 《བོད་ཀྱི་གླུ་གར་ལ་རགས་ཙམ་དཔྱད་པ》ཞེས་པ། 《གེ་སར་རྒྱལ་པོའི་སྒྲུང་གཏམ་གྱི་རིག་གནས་ནང་དོན་དང་བོད་ཀྱི་རིག་གནས་ཀྱི་ཁྱད་ཆོས》ཞེས་པ། 《ལྷ་སའི་ལོ་རྒྱུས》ཞེས་པ་སོགས་ཆེད་རྩོམ་སྣ་ཚོགས་སྤེལ་མྱོང་བ་མ་ཟད། རྒྱལ་སྤྱིའི་རིག་རྩལ་གྲོས་ཚོགས་སུ་ཞུགས་མྱོང་བ་དང་། 《རྒྱ་བོད་ཚིག་མཛོད་ཆེན་མོ》རྩོམ་སྒྲིག་གི་བྱ་བ་དང་། 《ཆུ་ངོགས་གཏམ་རྒྱུད》（རྒྱས་པ）ཀྱི་ཡིག་སྒྱུར་དང་ཞུ་དག་གི་བྱ་བར་ཞུགས། 《སྲོལ་རྒྱུན་གྱི་ལྷ་མོའི་འཁྲབ་གཞུང་བརྒྱད་གཅེས་བསྡུས》དང《ཀྲུང་གོའི་མི་རིགས་རིག་གནས་སྣ་མང་རང་བཞིན》ཞེས་པའི་རྩོམ་སྒྲིག་གི་བྱ་བར་ཞུགས་པ་མ་ཟད། «དམངས་སྲོལ་ལེའུ»དེ་རྩོམ་འབྲི་གནང་། དེ་མིན་བོད་ཀྱི་དམངས་སྲོལ་རིག་གནས་ལ་ཞིབ་འཇུག་བྱས་པའི་སྐོར་གྱི་དཔྱད་རྩོམ་མང་པོ་ཞིག་སྤེལ་ཡོད།
དཔྱད་གཞིའི་ཡིག་ཆ།